مشاهدة النسخة كاملة : إذا تحتاجون أي في اللغة الانجليزية.. essyas، researches.. اتفضلوا..
اخت اختي
27-06-05 ||, 02:14 PM
السلام عليكم ورحمة الله وبركاته
أنا مستعدة أعلم أي حد محتاج أي شيء يخص اللغة الانجليزية.. :)
مستعدة أكتبلكم essays أو researches.. إذا تبون.. :)
درة الدنيا
28-06-05 ||, 03:34 PM
هلا والله ومليون مرحبا اخت اختي
وينج عناا قبل << بدت المصلحه:fa46:
تسلمين والله ع الخدمه الحلوووة و ان شالله
يوم تبدا الدراسه بنتفاهم هههههههههه :vampire:
يعطيج الف عافيه الغلا ع المساعدة و الله يكثر
من امثالج ..،
اخت اختي
28-06-05 ||, 03:54 PM
الله يعافيج.. أنا مستعدة أي وقت..
لا مصلحة ولا هم يحزنون.. نحن هني في المنتدى أهل.. وكل موجود علشان يساعد غيره..
أنا بانتظاركم :)
صدى جوفي
05-07-05 ||, 11:09 AM
أخت أختي .. وتعتقدين أنج لما تكتبين للأعضاء essays أو researches بتساعدينهم ؟؟!
اخت اختي
06-07-05 ||, 02:02 PM
يمكن يتعلمون... ليش لا.. لأن في ناس ضعفاء في هذه اللغة>> ف ليش ما أساعدهم؟؟؟
صدى جوفي
06-07-05 ||, 10:58 PM
انا بس حبيت اقول لج ان تعلمينهم انجليزي شي وتكتبين عنهم المقالات شي ثاني
لو هدفج تساعدينهم فانا من رايي أنج تقرين مقالاتهم .. وتعطينهم رايج وافكارج .. وتصححين لهم الاخطاء .. وبشي راح يستفيدون من افكارج في كتاباتهم..
بس لو بتكتبين عنهم فهم لا بيطورون كتاباتهم .. وانت راح تحطين على عمرج شغل زيادة..
والسمووحة (;
أحلى منصوري
06-07-05 ||, 11:12 PM
مســـاء الــورد ؛؛
لو عنــدج اختيــه reflection essay ابى اقراه لأنه المدرسة طالبــة essay وهب عارف كـيـف اكتــب هالنــوع :fa36:
وربــي لا هانــج
والسموحه
..
عاشقة دبي
07-07-05 ||, 03:24 PM
تسلمين اخت اختي عالخدمه المجانية والحلللوة .. ويزاج الله خير
ونشالله يوم تبدا الدراسه بنتفاااهم ...
ويعطيج الف عافيه وما تقصرين ...
والسموحه منج
اخت اختي
07-07-05 ||, 04:41 PM
صدى جوفي.. مشكورة عالاهتمام، وإن شاء الله باخذ بنصيحتج :)
اخت اختي
07-07-05 ||, 04:46 PM
مساء الخير اخويه أحلى منصوري...
اتفضل هذا الlink.. وإذا ما فهمته بشرح لك.. بس لازم اتحاول تفهم..
http://www.elmhurst.edu/~lancew/courses/standard/EssayGuide1.htm
وهذا نموذج خذته من النت:
http://www.csub.edu/~mbaker2/Hist102reflectexample.htm
وأتمنى إن هذا يفيدك..
والسموحة
اخت اختي
07-07-05 ||, 04:53 PM
اختي عاشقة دبي، أترياج :)
واسمعوا كلام صدى جوفي.. ترا صح كلامها..
صدى جوفي
09-07-05 ||, 11:14 AM
من بعد أذنج أخت أختي (رسمية وايد)أبى أرد على أحلى منصوري :
reflection essay: لازم يتضمن راي الكاتب
وحط ببالك ال (why) وانت تكتب الموضوع.. يعني تذكر الاسباب أو النتائج اللي أدت له من خلال قراءاتك للمصادر اللي كتبت عنها الموضوع ورايك الشخصي ..
واذا شفت ان الموضوع مرتبط بمثال واقعي أذكره ..
وبجي الessayما بيحتوي على سرد للموضوع ولكن بينضاف له تفاعلك مع النص وياكد فهمك للموضوع..
ان شاء الله أكون أوجزت ووصلت الرسالة ..
صدى جوفي
اخت اختي
09-07-05 ||, 01:58 PM
مشكورة اختي عالمساعدة.. ما اتقصرين :)