..:: نتائج الثانوية العامه صباح غد ::.. [الأرشيف]

صمت الدموع

26-06-05 ||, 05:03 PM

نتائج الثانوية العامة صباح غد يعتمد معالي الشيخ نهيان بن مبارك آل نهيان وزير التربية والتعليم صباح غد نتائج الثانوية العامة والفنية للعام الدراسي 2004- 2005 وذلك في مؤتمر صحافي يعقد بقصره في البطين بحضور الدكتور جمال المهيري وكيل الوزارة رئيس عام الامتحانات ورؤساء لجان النظام والمراقبة للثانوية العامة بشعبتيها.

وستكون النتائج متاحه للجمهور على شبكة الانترنت في نفس اللحظة التي تلي عملية الاعتماد مباشرة بالاضافة الى إرسال رسائل بالنتيجة طبقاً لخدمة SMS. وتشير المؤشرات الاولية عن نسب النجاح الى ارتفاع معدلاته عن العام الماضي، كما ان عدداً من الطلبة سجلوا الدرجات النهائية في عدد من المواد بالقسمين العلمي والادبي.

المصدر : جريدة البيان

الهيثــم

26-06-05 ||, 05:13 PM

الله يستـــــــر

مشكـورة إختـــي

الدلووووعة

26-06-05 ||, 05:29 PM

يله الله يوفقهم ويبون نسب حلوه وترفع روس اهلهم
عاد بشرونا عن نسبكم نحن بعد نحاتيكم
لا تنسون
والسموحة

الملهم

26-06-05 ||, 05:59 PM

السلام عليكم

الله يستر ويوفقنا يا رب با رب العالمين
وايد وايد وايد خايف من النتايج

المهم الله يعينا ويسترنا ..

الهيثــم

26-06-05 ||, 06:43 PM

يا ابن الحلال شد حيلـــك . شحقه خاايف

ترا الموضوع ما يستاهل

والامتحانات كانت سهله وماااااااي

ونحن سوينا إللي علينا والباجي على ربنا

مخاوية الامل

26-06-05 ||, 08:12 PM

السلام عليكم ورحمــة الله وبركـــاته ..
هلا صمت الدموع ..
مشــكورة إختيــه ع الخبــر ..
بس ممكن تعطينـــا اللنــــك .......؟! ..
والسمــوحة ..

مخاوية الامل ..

مجرد إحساس

26-06-05 ||, 08:49 PM

الله ينجحهم و يوفقهم

اللي يبي يسوي خدمة sms

يكتب رقم الجلوس اللي هو يريده

ويرسله على 1111

اتمنى اني قدمت خدمة ...

صمت الدموع

26-06-05 ||, 09:14 PM

الله يستـــــــر

مشكـورة إختـــي

العفــــو اخــوي

وربـــي يوفـــق الجمـــيع ان شاء الله

والسموحـــة

صمت الدموع

26-06-05 ||, 09:20 PM

يله الله يوفقهم ويبون نسب حلوه وترفع روس اهلهم
عاد بشرونا عن نسبكم نحن بعد نحاتيكم
لا تنسون
والسموحة

ربــي يســمع منــج أختــيه

وان شــاء الله بنبشــرج

مشكــورة عالمـــرور

والسمـــوحه

صمت الدموع

26-06-05 ||, 09:33 PM

السلام عليكم

الله يستر ويوفقنا يا رب با رب العالمين
وايد وايد وايد خايف من النتايج

المهم الله يعينا ويسترنا ..

وعليكم السلام ورحمة الله وبركاته

ربي يوفق الجميع اخوي ..

ولا تخاف نحن سوينا اللي علينا والباجي على رب العالمين

والسموحه

صمت الدموع

26-06-05 ||, 09:36 PM

السلام عليكم ورحمــة الله وبركـــاته ..
هلا صمت الدموع ..
مشــكورة إختيــه ع الخبــر ..
بس ممكن تعطينـــا اللنــــك .......؟! ..
والسمــوحة ..

مخاوية الامل ..

وعليكم السلام ورحمة الله وبركاته ...

اهلين اختيه مخاوية الامل

العفــــو ...

وهذا هو اللنـــك

http://www.albayan.ae/servlet/Satellite?cid=1119267640025&pagename=Albayan%2FArticle%2FFullDetail&c=Article

والسموحه منج..

صمت الدموع

26-06-05 ||, 09:40 PM

الله ينجحهم و يوفقهم

اللي يبي يسوي خدمة sms

يكتب رقم الجلوس اللي هو يريده

ويرسله على 1111

اتمنى اني قدمت خدمة ...

ربــي يسمع منك اخوي

واكيد الكل حاط الخدمه

مشكور اخوي عالمساعده

والسموحه منك

ورديّـه

26-06-05 ||, 09:48 PM

الله يستر :")

شوق القلوب

26-06-05 ||, 10:20 PM

الســــلام عليكم...

أتعرفون بأي موقع بتطلع النتايج..؟؟؟

الجديدة

26-06-05 ||, 10:25 PM

السلام عليكم و رحمة الله و بركاته
مرحبا صمت الدموع
شكرا على المعلومة, بس بغيت أعرف الموقع اللي نستطيع نطلع عليه النتائج غدا
و شكرا على الخدمة
الجديدة

العجيبة

26-06-05 ||, 10:40 PM

أظني هالموقع

www.moe.gov.ae

لانه نفس الموقع اللي ظهرت النتايج فيه العام ..

وأصلا هو موقع وزارة التربية والتعليم ..

بالتوفيـــج للجميــــع

تعيبني هالايام .. فرحة الناجحين ولا أروع !

شوق القلوب

26-06-05 ||, 10:47 PM

شكرا يالعجب... :)

الجديدة

26-06-05 ||, 11:13 PM

مرحبا العجيبة
شكرا على الخدمة و ان شاء الله يفتح عشان نشوف النتائج غدا

مع تحيات
الجديدة

أسيرة الصمت

26-06-05 ||, 11:26 PM

السلام عليكم

الله يعين كل اللي بالثانوية وان شاء الله خير

بس سمعت وحده من الاتصالات تقول ان النتايج بالثلاثاء .. وبجريدة الخليج بعد قريت انه بالثلاثاء

اتمنى تقولون لنا الخبر الصحيح

وموقع النتايج

وتسلمين اختي على نقل الخبر

فركوشه

26-06-05 ||, 11:34 PM

ان شا الله تنجحوون كلكم..

الشحية

27-06-05 ||, 12:58 AM

يعني إلحين النتايج باجر >> يوم الإثنين تقصدون ..
يالله ما عليه ورانا نشه من الصبح عيل خخخخخخخخ ..
إنزين ترى عن سالفة المسجات .. ساعات يطرون النتايج غلط ..
أتمنى ناخذون حذركم وتتأكدون من أكثر من مكان ..
وتسلمين إختي صمت الدموع على هذا التنبيه ..
وحياكم الله ..

#
حتى أنا أبى موقع اللي يطلعون منها النتايج ..

كبيرة بعيوني

27-06-05 ||, 01:30 AM

بخـبركم عن المسـجات .. ترى لو طرشـتوا نفس رقم الجلوس
من أكثــر من رقم .. توصل النتيجه حق حد وحد لاء .. ومرات ماتتطرش .!
فـ اتحملوا وطرشـوا من رقـم واحد بس ..
هيـه صح .. بعـد النتايج بيطرشونها حســب اللي طـلــب قبل ..
يالله الله يوفجـهم
والسموحة

المزيوونه

27-06-05 ||, 02:11 AM

السلام عليكم..

ممم مبروك مقدما للناجحين .. وان شاااء الله نسبكم بتبيض ويوووه اهاليكم..
ذكرتوني بنفس ها الايام من السنه اللي طافت ..
كانت نتايجنا فتاريخ 29-6 .. ايام مرعبه هههه .. بس من تظهر النتايج بيطيح
كل الهم .. للي شد حيله طبعا ..

وبالتوفيق ..

كبيرة بعيوني

27-06-05 ||, 07:59 AM

واعيه من الحين بس عشااان النتايج
اكتب الرد وانا اتثااوب خخخخ
داشـة آخذ الموقــع
ياااارب تكوون شي نتاااايج ولا انا مب ويه وحـدة تنش الصبح
امايه تقول لي شوفيــج؟ شي مستوي بج !
هههه .،

كبيرة بعيوني

27-06-05 ||, 08:14 AM

مااااااااالـت عـ ويهي النتايج الساعه 9 >.<"

كليوبترا

27-06-05 ||, 08:46 AM

فديتكم والله...حاسه بكم....
ربي يوفقكم جميع....وان شاء الله النسب العاليه...
ذكرتوني باللي مضى...عاد من كم سنه...
والله ماكنت خايفه...ولا يهمني..لكن يوم النسبه زين ما يتني حاله...حتى لو غفت عيني جني اتحلمها وأنش
يالله عسى ربي ينجحكم....

تمنياتي بالتوفيق
كليوبترا

كبيرة بعيوني

27-06-05 ||, 08:48 AM

كليبوترا .. انا مب ثانويه عااامة
بس مرتبشه ويا ربيعاتي .. خخخ ^.^"

كليوبترا

27-06-05 ||, 08:54 AM

فديتج والله...ولا أنا ثانويه عامه...راحت علينا خلالالاص
بس مرتبشه مع الاهل..بنت عمي وبنت خالي
خخخخ انا وانتي شي هاليوم...
نعلن عن دعمنا لأبناء الثانوية العامة

أكسجين

27-06-05 ||, 09:04 AM

.. صباح النور ..

مبروك مقدماً لكــل طلاب وطالبات الثانويه العامة ..

كلكــ ـم تتريون النتايج ما شاء الله ..

يحليلكم واللـ ـه ..

انا ناشه من الساعه خمس ونص مافيني نووم ..

قلقه على اختي ..

وهي راقده حتى ما رضيت اوعيها ..

خليتها ترتاح شوي ..

والجـ ـو في البيت الحين حدّث ولا حرج ..

متوترين ع الآخر ..

يالله بالتوفيق للجميع ..

كبيرة بعيوني

27-06-05 ||, 09:36 AM

كليوبتــرا
اصلا انا أزهـب عمري حق السنة اليايه ^.^"
الله يعيـني الصراااحه .. كله عااد ولا حشرة امي السنة اليايه خخخ ..
يالله الله يوفجــنا ،

شوق القلوب

27-06-05 ||, 09:42 AM

وصلتني النتااااايج ^_^

الشحية

27-06-05 ||, 10:07 AM

خخخخخخخخخ .. بااااااااااال اليوم عرس على النت ..
أحيد أدش الواحات مثل هالوقت ما أحصل عضوو واحد وإلحين كلهم إهنيييه ..
ريماني لو سايرين المريخ ما بيحشروناا هالكثر كخ كخ كخ ..

فراشة ود :
شوو مخلتنهاا راقده لين أحييييين ..
أنا موعيه خالي وخالتي من الساعه 8 خخخخ أونه هذيلا أوائل شلنا فيهم ..
أقوله قوووووم يمكن إنت من الأوائل ..
بالقوة صدق إنه النتايج اليوم >>> مالت عليييه ..

عافك الخاطر

27-06-05 ||, 10:11 AM

السسلام عليكم

:fa46:
الحمدلله واخيـراً طلعت ..
.
.
85

:fa36:

+

5
:fa56:

=
90.1 ( الواحد جبر خاطر :fa44: )

اتوقعنا اكثر بس ما علييه :blush: الحمدلله الحمدلله . علمي ارضاؤهم صعب :fa56:
جني اول وحدة تكتب :fa45:
يا الله دوركم ..
:fa38:

الجديدة

27-06-05 ||, 10:48 AM

السلام عليكم و رحمة الله و بركاته
مبروك لجميع الطلاب و الطالبات الثانوية العامة:woot:
و خصوصا أختي, و كل الأشخاص اللي أعرفهم.

ألف مبروك مرة ثانية:laugh:
الجديدة

كبيرة بعيوني

27-06-05 ||, 12:10 PM

مبـــــــرووووووووووووووو وووووووووك عافك الخاطر
ومبروووووووووك حق الكـل
.. ولد اختي .. 93.3 .. جبر الخاطر ماله اكثر عنج عافك الخاطر لووولز ^.^
وربيعاتي الثنتين 91.4 ، 82.7
هاذيـلا صدق كنت أتريـاااهم ،
والباجيـات .. اقوللهم مبروووك بعـد ..
يالله عقبــالنا السنة اليايه ^.^

الدلووووعة

27-06-05 ||, 12:15 PM

مبرووووووووووووووووووك
ويله عاد نتريا الباقين وينهم

عافك الخاطر

27-06-05 ||, 12:20 PM

الله يباارك فيج ريماني :laugh:
هههه ومبروك لربيعاتج و كل الناجحـين..
ياالله شدوا حيلكم السنة الياية ..نبا 99 :fa56:
مشكـوريين..
والله يوفق الجميع ..

عفاريتووو

27-06-05 ||, 12:30 PM

السلام عليكم

هههههه يحليلكم
مبرووك عافك الخاطر
مبرووك لكل الناجحيييين :)
يالله عاد خبروونا نتايجكم ... فضوول :laugh:

شوق القلوب

27-06-05 ||, 01:49 PM

عافك الخــــــــاطر...

مبروووووووووووووووووووووو وك.. والله توني داخله بس أطمن عليج.. :)

يلا تستاااهلين.. :)

..

أنا بعد .. في من أهلي يابوا 92 علمي ... ^_^.. حلوه فرحتهم.. :)

كبيرة بعيوني

27-06-05 ||, 02:26 PM

ربيعة ربيعتـي .. 99.8 .. الأولى ماشالله عليها
الله يوفجـها .. احس فرحتهــــا غيييير ..
الله يحفظها ان شالله ،

الصامت

27-06-05 ||, 02:43 PM

مبروك الصراحه لكل من نجح وتوفق في الثانويه العامه

وحظ اوفر للي ما حالفه الحظ هالمره وانشالله ربي يوفقهم في المره اليايه

عنود الريف

27-06-05 ||, 02:46 PM

مبروووووووووووووووووك
الف مبروووووووووووووووووووووك للجميييييييييييييع
تستاهلون كل خير

عافك الخاطر

27-06-05 ||, 09:42 PM

الله يبارك فيكم شوق القلوب & عفـاريتوو :)
...
.

بنت الساحل

28-06-05 ||, 12:42 AM

مبروك النجاح لكل طلاب وطالبات الثانوية العامة ..

وعقبال الشهادة العودة ..

المقاتل

28-06-05 ||, 01:17 AM

:fa56: وههههههههووهههههههههوهههه

يايب 75.3

:look: عن الحســـد :fa46: من حلاة نسبتـــي كح كح .. المهم ماشاء الله والحمدالله .. :vampire:

:woot:

باركولي .. فرحتي فرحـــه :fa38:

ومبروووووووووووووووك لكل الناجحين والمتفوقيـــــن .. يستاهلون يستاهلون عيال الإمارات

:blush:

ياللــــــــه أستودعكم بالله
فمان الرحمن لا تشيطنون :fa55: