مراهقة في الاربعين ..

[بنت الشارقة]

السلام عليكم ..

وانا اسوولف مع نصووور نطلع من سالفه وندخل في ساالفه ثانيه فجأة دخلنا في هذي السالفه عييبتني وقلتله بناقش الموضووع في المنتدى .. المهم ندخل في الموضووع على طوول :

وانت تتمشى في المول تشووف جدامك وحده لابسه عباااه مثل الفستااااان من كثر ماهي ضييقه .. والشيييله الوااااان قوس قزح كلها ما تم لوون مب موجود في الشيله .. والشنطه تقوولك ان هالبنت عمرها 16 سنة .. لكن اول ما تصد صوبك ( أم العبااه ) تنصدم وتشهق من اللي شفته :fa46:

المييك أب يزقر من بعيييد الروووج أحمر تقولوون فلنتاااين والويييه أبيييييييييييييييييييييض ويبين الفرق بين الويه والايد .. والعيووون من داخل سووودا من الجحاال وفوق العيوون مهرجاان ثاني من الالواان ..

عقب كل هذا من الهضاب اللي في ويهها تعرف ان عمرها 40 سنة او أكثر بس مب أقل !!! :shocked:


الحييين شوو رايكم في هالمنظر؟؟؟ او في هالاشخاص بوجه خاص ؟؟ .. وشو بيكوون مووقفك اول ما تشوووفها جدااامك ؟؟؟ ..


اختكم و اخووكم .. :fa56:

بنت الشارقة ونصووور ...

[اخت اختي]

بضحك عليهم لأنهم يجذبون على عمرهم.. يتحرون إنهم بيطلعون حلوين و بيلاحقونهم الرياييل (طبعا أصحاب النفوس المريضة).. يكون يتحرون عمرهم صغار، شباب.. والله حالة.. مشكلة بعد الكبار يوم يبون يتشببن!! :)

[الشوق]

حياج يا بنت الشارجه .. ومرحبابج في واحات بن دبي
وعساج ترتاحين معانا واتقضين وياننا وقت حلو وممتع ..

ابصراحه هالتصرفات او هالسن لدى الاشخاص اللي اب هالعمر جدا حرج ..
خاصة عند اللي يحسون بالنقص .. او انعدام العاطفه .. قد ينظرون للامر نظره سوداويه ...
فيلجأون الى اتباع ما هو اسوأ ..
لكن هالمرحله تكون حرجه .. لانها تنتج اثارا سلبيه اذا ما وجد احدا يمنعه ..
لان البعض يعتقد انه بهذه الطريقه فإنه يبحث عن ذاته ..
لكنه لا يدرك ان بدوره يسيء نفسه ويسيء لمن حوله ..
ولج مني هالموضوع .. فهناك الكثير من الاراء التي لمستها من قبل بعض الاعضاء .. والتي قد تجيب لدي بعض تساؤلاتج ...
http://oasis.bindubai.com/bin/showthread.php?t=341

ولكم تحياتي لكل من / نصوووور وبنت الشارجه ..
والله يوفجكم ... الشوق

[بنت الشارقة]

اخت اختي ..


صدقج مشكله يوم يبون يتشببون .. بس كيف يرضون على عمرهم انهم يطلعون بهالشكل ويستوون مصخره حق اللي يسوى واللي ما يسوى !!


الشوق..

فعلا كلامج صح .. بس اللي انا استغرب منه هذيلا الناس ما ورااهم عيال ولا ريل ؟؟

كيف يرضون على امهم تطلع بهالشكل!!

.....



تسلموووون على الرد .. :blush:

[ذنـيـنـي]

احم

شو هذا :crazy:

كأني شفت اسمي في الموضوع

خخخخخخخخ

ما توقعت انج كنتي ترمسين جد يوم قلتي انج بتنزلين الموضوع

بصراحة انا يوم اشوف وحدة جي مسوية اضحك عليها في خاطري :fa56:

[الدلووووعة]

هاي بعد شو تبينا نقول عنها
وحليلها تبا تبين جمالها خلوها شو تبون بها
تتحرا الشباب بيوقفون طوابير بس عسب يرمسونها
اذا هي جي عيل شو بيكونن بناتها اكيد هب احسن عنها

مشكورين اختيه بنت الشارجة واهويه نصور
عالموضوع
والسموحة

[الشوق]

بنت الشارجه ..
ممكن ان البعض يكون ما عندهم ريل .. يعني ينقولج ... مطلقه .. وحابة تاخذ راحتها اكثر ...
وبعض الاهالي ابصراحه عاطينها الخيط والمخيط كونها قبل كانت ام او زوجه .. فهي راح اتكون مسؤووله عن عمرها .. يعني طلعت من مسؤولية اهلها ..
هذا اذا كانت تملك بيت ابروحها ( قلت البعض ) ما راح اعمم ..
وممكن ان الحرمه اتكون كشيخه .. لدرجه فوق الحدود ... وريلها عارف هالشي لكنه انسان عادي عنده ...
اتعود على حرمته تطلع من البيت اب هالمظهر .. ( يعني طبعا لطبيعة الرجل اللي ما عنده شخصيه على حرمته )

وطبعا حالات ثانيه ممكن اتكون .. وفقا للظروف ...
اممم هاللي خطر في بالي . وتسلمين يالغاليه

الشوق

[أليمه]

بنت الشارجه...

أولا
الإنسان عليه بنفسه ومرده الإنسان
بتجير عليه الأيام نحن كل يوم نكبر واليوم

شباب ونضحك ع إلي يتشبب واباجر بيضحكون

علينا السالفه ومافيها الإنسان كم بيعيش

خلنا نذوق حلاوة كل شي ...

ثانيا

أعتقد من لباقة التصرف في الأماكن

العامه إنه مانتصدد عشرين ألف إتجاه

وبعد هب أي حد يخطف نفصفصه ولي يسوي هالشي

يكون إنسان أناني يحب إنه يكون هو الوحيد إلي متعدل

ثالثا

هيه حوا ليش ماطريتوا الشياب تراهم يتالون

في المولات ويسون أكثر عن جذه...

رابعا

أنا عن نفسي مايهمني شي بكمل طريجي

أنا هب يايه أطالع الناس أنا يايه

حق المتعه الشخصيه ولوحد سألني بهدوووء

بقول (( حريه شخصيه ))

ومشكوووره حبوبه ع الموضوع وأتمنى إنج عاد ماكرهتيني

من ردي

T.C

[بحر الود]

صح كلامج أليمة بس وااايد ناس يشوفون ويدققون على الاشياء الغريبة واللي مش معقولة واللي ما نشوفها دائما من جذي الواحد ما يقدر يقاوم ويضحك على هالاشكال
والسموحه
مشكوره بنت الشارجه