لبس .. الهنود

[البراق]

مرحبا

منظر .. الهنود .. وهم بالوزار

منظر .. غير لايق ... ولا يتفق مع التقدم

الذي تعيشه بلادنا

فبع القضاء على ظاهرة بيع الجرايد والمجلاة بالاشاره .. اتمنا القضاء على هذه الظاهر

[فركوشه]

صدق فشله الواحد لما يشوف واحد يمشي ولابس وزار
بس حليلهم الهنود ومن وين بييبون لبس محترم؟

وهم على الله ثم على معاشاتهم
اصلا المفروض الدوله تمنع الهنود من التوافد الى الدوله
لانه عددهم صار اكبر من المواطنين

بس شوه ما نقدر نستغني عنهم ..

والسموحه..

[العجيبة]

السـلام عليكــم ورحمــة الله وبـركـاته

لـو أنــا هنـــدي مثـــلاااا .. ووصلنــي خبــر ان أهـل البــلاد ( اللي أنا فيهـا ) مب عايبنهــم لبســـي
بقــولـهــم وفروا لـي لبـس مثــل لبســكـــم وبيــزات أكثــر وبكشــخ أكثـر عن كشــختـــكـم ..

ههه وليش الهنـود فئة وحـدة في بلادنـا ؟؟
فيـه منهـم رعـاة البـدلات وفيه منهم رعاة الـوزره ع قولتـك !
منهم الدكــاتــرة والمهنــدسيـــن والكثيــر منهـم يشتغلون في البناء والدكاكيــن وغيــرهـا من الأعمـال اللي نستحقرهـا نحــن رعاة الكنــاديـــر ،،

لو الحكـومـة طبقــت قانـون اللبــس الكـاشــخ واللي يحافـظ على المنظـر السياحــي على الهنود
ثانـي يـوم بنشــوف معظم الهنــود شاليــن قشارهم " ولبسهم " ورادين بلادهم !
ساعتهــا ما ادري منــو اللي بيلبس الوزار وبيبني عمــايـر وبيصــلح دورات الميـاه وبيحـاتي البقالة ..

أنـا أقـول لو الهنــود زاعجينــك لهالدرجــة بلبسهــم .. تقــدر تغمض عيونك عن هالفئة
وتشــوف الهنـود رعاة اللكــزس والبـودمعــة وأهم شـي البدلة السـودة


شكــرا لك

تحيـاتي .. العجيبة

[ألم ترى]

بسم الله الرحمن الرحيم ..

صح الهنود لبسهم والله انه .. لكن لا تنسى انهم فقرى يايين يسترزقون ..

اذكر لين اللحين يوم شيباتنا يظهرون البحر وهم لابسين هالأوزره والفانيله تكون داخل ..

كلن ع قد ميزانيته يا خوك وربك يفرجها ..

يزاك الله خير ع الطرح وفي انتظار جديدك عزيزي ..

ربي يحفظك ..

[وحي القلم]

السلام عليكم و رحمة الله و بركاته

أخي الفاضل
البراق

أحترم وجهة نظرك

و لكنني أرى بأنه من الأولى لنا قبل المطالبة بمنع هؤلاء ( الهنود )

أن نطالب بمنع توافد الروسيات و الأجنبيات اللواتي لا يلتزمن بالحشمة

فهن اللواتي شوهن المنظر الحضاري للبلد و ضربن بعاداتنا و تقاليدنا عرض الحائط

و بصراحة أنا أتفق مع العجيبة إذ أن لهم دور كبير لا يمكن الإستغناء عنه

كما أن إمكانياتهم محدودة

..

المعذرة

[الجنيه]

السلام عليكم ورحمه الله وبركاته


الصراحه كلامك صحيح ميه بالميه بس ما أعتقد هالشي يشوه سمعة البلاد بهالصوره صح يمكن يكون مظهر غير حضاري بس بعد أحسن بألف مره عن لبس شباب هاليوم (طبعاً أقصد هالمفلع اللي صابغين شعورهم بألوان غريبه ولبسهم يلوع بالجبد هالبناطلين الوسيعه اللي ما تثبت على الخصر )
وغير هالشي في شغلة ثانيه مثل ما قالت أختي وحي القم هالروسيات والمغربيات الصراحه محد كثرهن مشوه سمعة البلاد ولا تنسى الهنود رياييل ما يعيبهم شي بس هالخياس يخيسن سمعة البلاد بكبرها اللي يشوفهن يتحراهن بنات البلاد وبجذي يضرونا أكثر من هندي فقير لابس وزار مربعات وفانيله ...
أعتقد في أشياء وايد أهم لازم أنر كز عليها ....

والسموحه .

[البراق]

مرحبا

شكرا على ردودكم.

بس وايد كبرتوا السلامه

اي ميزانيه اللي تتكلمون عنها ... واي كشخه

ترى كل المساله ... لبس .. بنطلون ...

والبنطلون مابيكلف ميزانيه ولا غيره

وبعدين االلي ترمس عنهم البنايين .. لهم لبس للشغل

مب بناي بوزار .. هذيل يصعدون كذا طابق والوزار يعيق الشغل

فلكل عمل لبس يناسبه

ويلا يعيبك .. يضرب الهوا بوزرتهم ويتكشفون لحق الله

وعن الروسيات .. ماضنتي طريتهم او دافعت عنهم

عشان تكلمني بهل خصوص

وشكرا

[ا ل ز ع ي م]

يا ترى لو أمروا بأن المـــــــــواطن يكون بديل الأجنبي في هذه الشغلات ، فهل بيرضى المواطن؟
أم أنه أيضاً بيتكلم وبيقول فيها مخالفه للمنظر العام ، للمستوى التعليمي ، وبالأخير بيرضى بالـــهـــنود ، الخلاصه أن ما في مواطن يحب يكون مكان الهندي مع أن لو قارنأ الأجنبي والمواطن من ناحية بناءه البنايات وتعمير البلاد والكثير الكثير لأكتشفنا أنها من أيدي العمال الأجانب غير عن المواطن
فــ
المواطن: يقرر ويدفع
الأجنبي: ينفذ ويشقى

المواطن:يحتج ويفنش
الأجنبي: يبكي ويغادر

المواطن:يتعلث بالتطور والمظهر العام
الأجنبي: يصنع للمواطن التطور والمظهر

المواطن: أن أريد وأبغي كذا وكذا
الأجنبي: تفضل وخذ

المواطن:يدفع الأجره
الأجنبي:يأخذ أجرته

المواطن:يتكلم
الأجنبي:يفعل



زيدولهم المعاشات مع علاوات اللبس والأكسسوارات وأدخلوهم في دورات الأناقه







المواطن:يدور الرفاهيه والمظاهر

الهندي:يبحث عن رزقه ومعيشة أهله



المواطن:متعلم ومتعود من صغره الأناقه والنظافه

العامل الهندي:ما أتعلم كيف يكون أنيق



فلا تنسون أن الهنود ألي يشتغلون هالشغله غير متعلمين وعاداتهم مختلفه عن عاداتنا ومتعودين على الشقى غير عن المواطن



تحياتي من أخوكم المواطن

،

،

،

ا ل ز ع ي م

[وحي القلم]

اعذرني أخي
فأنا لم أقصد أن أخرج عن نطاق الموضوع
و إنما هذا ما تبادر لي حينها

أكرر اعتذاري إن كنت قد أخطأت
..

[ا ل ز ع ي م]

أختي 00 (وحي القلم) 00
لا أرى أي خروج من ناحيتك بل بالعكس ذكرتي أهم نقطه وعلى حسب فهمي كلها تتعلق بالمنظر والتقدم

[البراق]

مرحبا

اللي فهمت منكم .. ان منظر الهنود .. بهل لبس .. وهم في شوارع .. وميادين .. واسواق

الامارات .. منظر .. حضاري ... وانتم مرتاحين منه وايد

احترم رايكم .. لكن اخالفه ...

[الحساس]

الغربه علمتي معنى الوطن..

اعيش بمدينه صغيره ولولا الانترنت او التلفزيون بكون مقطوع عن العالم.. مررت باحد المحلات الي يبيعون اشرطه كاسيهات وسيديات والي لفت انتباهي عندهم اشرطه سياحيه عن البلدان ومن شفت اسمه ((( دبــــــي)))

عفدت من الفرحه.... دبي موجوده هنه عندي بمدينتي... وطبعا اسم دبي على شريط.. والشرط ملصق عليه صوره تبين دبي.. والصوره عباره عن سيكي لابس عمامه لوزاره ولونه بني غامج ومبتسم واسنانه البيض ظاهرات!!

ماعلقت ..

لان هذا واقع الامارات هنود هنود هنود... بس الي ضايقني ان الناس بتعرف الامارات على اساس ان الي عايشين فيها هنود!!!! واشكال اهل الامارات هم شكل هالهندي!!

اللهم لا اعتراض على اشكالهم.. لكن احب تكون الصوره اوضح للعالم بالصوره الصحيحه وهي ريال لابس غتره وعقال ...

وسلمتوا

[البراق]

تسلم ياخوي الحساس على مرورك

وعلى فكره ... وايد من هل برامج السياحيه

جفتها .. وكانت بهل مضمون .. يعني تظهر هنود بهل لبس ونادر ما نلقا بينهم

عيال الابلاد ولا شوابها .. حتى يوم يظهرون البحر .. وسفن الصيد يظهورن هل هنود

تعرف هل شي شو يعني ... يعني ان نحن صرنا اقليه في بلادنا

ولا تنسون من كم سنه يوم طالبوا الهنود بالجنسيه

وظهورهم بهل شكل وفي كل دعايا عن دبي او غيرها من مدن الدوله

يرسخ فكره استحقاقهم للجنسيه ...

الله لاييب هاك اليوم بس .. الحذر واجب

[ورديّـه]

ببساطة اتفق معاك اخويه البراق : \