صدق انك حشره .. بس لك وحشه !!

[تحفه]

السلام عليكم

تدرون الصغاريه أجزو و طبعا كل واحد شل اقشاره

و اولهم اخوي اصغر العنقود سكر معقود ع قولة ماما

وسار يصيّـف بيت يدوه < قبل لا الشهايد تظهر :vampire:

وطبعا محد يروم يقوله شي عن علاماته النازله .. مادامه افبيت يدوتي

تدرون ..

قبل لا اخوي ايروح بوظبي .. مر ع غرفتي ..
تدرون اخوي ما عنده سوالف بتوله عليكم بسير شهر وبعدين بسافر وي خالي ما بشوفكم .. ودعوني
وسوّا حشره كالعاده ( عشان ايقولي انّه مروح )
كنت راقده و غيضت ع اسلوبه وقلت له افففف فكّـه اليوم بتروح بوظبي

وروّح بوظبي

البارحه عل عشى ..

العايله الكريمه متيمعه .. وهااادييييييين وصخه ومحد يرمس

وعاد فتحو سالفة ان اخوي الصغير مسوي جو ورابش البيت
وكل واحد ايقول كيف اخويه الصغير كان يزعجه

والله صدق بيتنا بايخ من دون البيت
صدق مستوي شرات بيت الاشباح

مافي حد يرفع صوت الاستيريو اعلى درجه ويوصل الصوت للحديقه ! .. و اواجعه !! هيهيه
ولا يفتح البيبان مره وحده من دون استاذان بقوه ! .. و اواجعه !!
ولا يبدل القنوات .. أو ايصك التلفزيون فجاه عشان يلفت انتباهي .. و اواجعه !!
ولا حد ينكت و يطنز على العشى و الغدا ..
ولا حد يشرب الاورنامين سيه مالي الي في الثلاحه بـ حجة انه ممتلكات عامه !!
ولا حد ينحس علي طلعتي وي ربيعاتي !! .. وازعل منه ويعزمني على باسكن روبن ولا يعزمني ع امباره و يوفوزني .. عشان يصالحني !!
مافي حد اضارب وياه .. اكشش شعره .. افعص خده .. اواجعه .. العب وياه بلاي ستيشن و افرقش اللعبه في نص الشوط ولا افنص الدوره ويغيض علي !!


عاد

اليوم الصبح .. كنت متفيجه .. جان ادق له
وحشرته وهو راقد .. مره مرتين ثلاث .. واغلق موبايله افويهي :vampire:
وإلين الحين موبايله مغلق
اكيد الشيخ سهران البارحه


بس بصراحه .. احلى شي يوم نسهر وي بعض
ضحك بضحك .. وصدق نستوي سخييفييييين من خاطر


http://songs.dubaimoon.com/arshef/Y6ayb-ALgaleb-Mehad.ram

[روح القمر]

وعليج الســـــــــــلام...

احلــــــى شيءان يكـــون عندج اخـــوان من هالنوع يطفروبج واطفريبهم..:fa56:
تصــدقين عااااد يوم يكون عندج الشيء ماتحسين فيه
لكن يووووووم يبتعد تعرفين جيمته

عــاد حتى وهو بعـــيد تلعــوزينه..الله يعـينه:laugh:

[تحفه]

لا والله مب شي
لأن ابيخ شي .. يوم ايقومني من رقادي> لأني اذا رقدت مستحيل انش .. :woot:

فـ يقومني من رقادي بشكل شنيع جدا

عاد انا من النوع الي اذا قام بشكل بايخ ومب مريح .. ايتم طول اليوم متنرفزه و إسترس


بس والله متوله عليه وايد وايد ..
:blush:

مشكوره على الرد اختيه

[تحفه]

هيه صح ترا الاغنيه مهداه حق اخويه < الي يقول بيسمع اهدائي
الموهيم .. لأنه يحبها وايد حطيتها هني

[قلب الوصال]

اوييييييييييييه لااااااااء
لا تذكروني
البارحه اخوي الصغير مسافر
تونا ما كملنا نهار حتى .... احس الصبح دونه ما يسوى
:sad: :sad: :sad: :sad: :sad: :sad: :sad: :sad: :sad:

الله يرده لي بالسلامه
حاسة فيج يا ام خدود

[تحفه]

ان شاء الله يرد بالسلامه لكم ..

بس اعتقد حالتي اهون من حالتج لول

لاني صح متوله عليه .. بس مرتاحه من حشرته لول < اقولكم شريره

[هزاايم]

حليل حالج
ام خدود جتاله(أحيد للعيون بس ماعليه كل شي لايق عليج9)
ياكتكووته كل الصغاريه وخاصة الأولاد إلي ييون رزه يعني لو هذا القلندايزر خويي كنت بكون آخر العنقود لكن الرزه بعد وش نسوي
شرااتج صج إني دوومنا نتضارب موب ضرابه لكن على باب التسليه يحطي علي وأرد له دبل فيضطر يصرق شي من عنديه وتبدى رحله التحقيق والإستكشاف وعقبها الحرب البيزنطيه والصليبيه ولا للتعصب بالعرق ...اشتااق

لمشاكله لكن فكاك من صدعته
حيااج عنديه ملالالالانه وقاعده ألقط قشاريه عشاني شكلي بخليه هو يشتاق
وعاااش راعي ميحد يستاهل الشيخ

[الغاليه]

وانا اقووول ليش بوظبي منوره ,, ثره اخووج منورنا

يامرحبااااابه والله ,,

فديته سوالفه حلوه ويازينهم الصغاريه,, احبهم :fa35: ,, وعندنا من نووع اخووج وايدين :fa46:

واخويه الصغير نفس الشي .. حشرة من الطراز الأول لكنه حبووب ومحبووب من الكل,,

و امسوي جو في البيت

..

بس من ابتدت اجازته ماقمنا انشوفه .. وصدق البيت من دونه ماله طعم

لانه ايهاجر من الصبح لين في الليل ,, يعلمونه السباحه والرمايه وركوب الخيل :laugh: .. ويلعبونهم ويفرغوون كل طاقاتم ويردونهم لنا رقوود ..


والله يحفظلكم اخوووج يام خدوود ويرده لكم سالم غانم

[تحفه]

هلا ..

تدرون

هالـ تنبيه مال الصلاه زيغني :fa46:

اتعرفون انا توني ناشه من الرقاد وجي و اختي قالت لي قومي صلي و يلست اتقولي عذاب الي ما يصلي
جان اغيض و قلت إلها بصلي بعد ما اشبع من النت .. عشان تستانسين
( طبعا عشان احرها لول .. والله ما يعيبني حد يزن فوق راسي )

و أول ما فتحت النت ع الواحات .. اول سايت في النت يعني
ما اشوف إلا هذا مكتوب لي .. والله زغت .. عبالي انذار من ألله اعيوني شي استوى بها ههههه


http://upload.bindubai.com/download/khdod00/9laah.jpg


بسير اصلي اول شي .. اخاف ألله يخسفني مثل العمانيه الي يرمسون عنه
ا ( بسم الله علي .. اللهم عافيني )
و برد عليكم لول

بــرررب

[تحفه]

ام خدود جتاله(أحيد للعيون بس ماعليه كل شي لايق عليج9)






والله العظيم ان إعيونج الاحلى

احرجتيني بس استانست عليج وايد هههههه

نادراً ما ( أنمدح ) في الواحات .. والله حاسبي على عمرج عن يعادونج

ترا اغلب الاعضاء في الواحات .. ما عندهم غير الضرايب و السب و الشكاوي لول

الموهيم

مشكوره حبيبتي والله ذوقج الاحلى



الغاليه




وانا اقووول ليش بوظبي منوره ,, ثره اخووج منورنا




من طيـب اصلج حبيبتي .. الله يسلمج من كل شرررر .. مشكوره من ذوقج الشيخه .. منور بهل بوظبي طال عمرج



بس اقول ..






يعلمونه السباحه والرمايه وركوب الخيل





ليكون هذا نادي بالرميثه في دبي .. أو نادي تراث الامارات مال بوظبي ؟! .. احيد هذا ضمن شعارهم ..

اخواني كانو مشتركين فيهم .. وصدق كانو يرجعون هلكانين و حالتهم حاله

وخاصه يوم كانو ايودونهم رحلات للجزر .. يرجعون البيت يرقدون يومين لوول



ابصراحه يوم اشوف حالتهم .. احمد ربي اني مب ولد ههييههي

[أتمنى]

يا ربي يخليكم لبعض


و أول ما فتحت النت ع الواحات .. اول سايت في النت يعني
ما اشوف إلا هذا مكتوب لي .. والله زغت .. عبالي انذار من ألله اعيوني شي استوى بها ههههه


أتخيل شكلك :laugh: ..

،،

تسلمين عزيزتي على سوالفك الحلوة

:)

[تحفه]

أتمنى

اهلن وسهلن

مرحبا مرحبا نوّر الموضوع * اكثر* بوجودج

إن شاء الله .. ويخلي كل ناسنا وناسكم لنا ولكم ولكل حد :fa56:


أتخيل شكلك :laugh: ..


هيهيهيي .. كنت صدق مصدومه .. لا و كاتبينه ( يا ام خدود ) ..
جنه أمر ولا تهديد
مب مثلا حان الان صلاة العشاء قوموا صلوا !
جي ايخوف حشى والله قلت ما يسوى علي ما صليت .. حتا في الواحات قومي صلي هيهيهيهي ..
ما يبوني لولز
:blush:

[عنود الريف]

مرحبا اختي ام خدود ..
والله الاخوان لهم جو خاص في البيت .. ساعات اتمنى ان ما يكون عندي لا اخوان كبار ولا حتى واحد صغير ..
بس خليهم يسافرون والا يسيرون مكان وما اشوفهم فترة ..
احس اني فاقده شي ..
وخصوصا اخويه اللي اكبر مني بــ 3 سنين .. هو مسوي جو في البيت ..
اما عن اخر العنقود .. فالبارحه ماخذين له كيرم .. وقبله ما اعرف شو ..
واليوم بييب الشهايد والله يعلم شو بيحصل ..
بس يالله يستاهل ..
حتى انا ما يسلم مني . لازم اعطيه شي ..
المهم الاخوان لهم وجود حلو في حياة الاخت ..
تسلمين اختي ام خدود
والسموحه

[كبيرة بعيوني]

خخخ الحمدلله انا أصغر وحـدة فـ البيت

واختي تتريـا الصيف عسب تفتــك مني :fa46:

بس لا ولن أرحل .. علة عـ قلبها :woot:

========

فديته اخـوج تسلفيني إياه شوي ..
يمكن يرد لكم مفلع طشونة :look:

======

بنت اختــــي جي حشرة "صف 6" وتحـب تغصص على اختها الاصغر منها واخوها
وهوايتهـا الصراااااخ:fa56:
كيكيكيكك .. لا ويوم تهزبينهـا تضحك وتشـرد .. !:fa44:
شـ قا تقرهني ـييييه !!:sad:
البارحة راقـدة وياي .. شو سـوت فيني
حشرتهــا لآخـر الفريج !!
:vampire:
=========
الله يـرده لج أكثر خبال وحشرة > شريرة أكثر عنج loOlinG
:woot:

[العجيبة]

ههههههه سواااالــف أخـــوج ..

" ولا حد يشرب الاورنامين سيه مالي الي في الثلاحه بـ حجة انه ممتلكات عامه !! "

ماااااااااال أووووووووول هالحــــركـــه .. خ خ خ لكنها عجيبة والله ..

يالله .. ان شاء الله يردلكم ساااااالم غااااانم >> وعاااامــر وجااااسم وخخخخ منو بعد ؟!

وهيهيهي وحافظي على صلااتج .. واسمعي كلام اختج وخ خ خ

[الشحية]

ياحليييييييييييله ..
أم خدود خلاصي تعالي خذي واحد من اللي عندي إهني
مشكلتي اكبر وحدة من يغيب حد يظهر لي غيره خخخخخخخ :fa54:
حتى وهوو بعيييييييد ما سلم منج ..
يحلييييييله يعني هوو شارد منج ومن الشهادة ..
الله يرده بالسلامه :woot:

حياكم الله