خبر حلو لبنات أبوظبي.

[ولد الحكومة]

السلام عليكم

هنا محدثكم ولد الحكومة من اخبار واحات بن دبي واليكم هالخبر . بس هالمرة لا سفاح ولا عنكبوت احمر ولا اصفر ولا وردي . . . . :fa56:

ما اعرف اذا حد سمع هالخبر من قبل ول لا ...... بس اكيد بيفرح البنات وخاصه الي ساكنين في ابوظبي. :fa56:



اعلن مصدر امني بادارة شؤون الامن بالقيادة العامة لشرطة ابوظبي انه تم تشكيل فريق عمل امني رجالي ونسائي لمراقبة الاماكن العامة والمراكز التجارية بعد تفشي ظاهرة معاكسة الفتيات التي لا تتفق مع عادات الدولة وتقاليدها.



وكشف المصدر ان الفريق الامني تمكن من ضبط عشرة معاكسين خلال شهر مايو، وهم مواطنين ووافدين من جنسيات مختلفة معظمهم في عمر المراهقة. ( :crosseyed حتى الوافدين بعد يغازلون ) :wacko:

واوضح المصدر ان التعليمات السامية تقضي بحبس المعاكسين لمدة شهر كامل، على ان يتم ترحيل الوافدين منهم بعد انقضاء مهلة الشهر. <<<< هذا خبر صدق يفرح :fa46:








ودعا المصدر كافة فئات المجتمع للتعاون لاجتثاث هذه الظاهرة الغريبة عن مجتمعنا، خصوصا بعد بدء العطلة الصيفية التي غالبا ما تترافق مع زيادة في هذه الظاهرة.



والسمووووحه



محدثكم / ولد الحكومة :blush:

[هزاايم]

وعاااااااااااشت الوحده العربيه العربيه
هيه هذا الخبر إلي يفرح
تسلم يالشيخ ولاهنت وعسى نسمع من هالأخبار إلي تسر
هزاايم

[ولد الحكومة]

:woot: عـــــــــــــاشـــــــــ ـــــــت ايامج الحلوة اختي هزايم . . . . .
شو رايج بالخبر اكيد استانستي !!!! تسلمين اختي عالرد ويعطيج الف عافيه.

السموووحه / ولد حكومتج :blush:

[كبيرة بعيوني]

خخخ .. زين والله:woot:
أحسـن جمله فـ الخبر هاي > واوضح المصدر ان التعليمات السامية تقضي بحبس المعاكسين لمدة شهر كامل، على ان يتم ترحيل الوافدين منهم بعد انقضاء مهلة الشهر.
.
.
.
مواطنين وقلنا .. بعـد هالزلمــات !! .. هاك اليوم فـ بوظبي مول كنت بفر جوتيي فـ راس واحـد منهم خخخ:fa46:
عقبال عدنـا فـ راس الخيبه .. فـ الفسق مول اللي عدنا ههه > أقصد بيت العايله > المنار ههه
الام من تضيـع البيبي مالها فـ راك .. بتحصله يغاازل هناااك:fa36:

شكـرا ولد الحكومة
:vampire:

[أوتار القلب]

واوضح المصدر ان التعليمات السامية تقضي بحبس المعاكسين لمدة شهر كامل، على ان يتم ترحيل الوافدين منهم بعد انقضاء مهلة الشهر. :rock:

صح انهم يستاهلون العقاب جزاء ما اقترفوه
بس احس ان فيه ظلم اشويه
و مثل ما ذكرت ان اغلبهم مراهقين

مجرد راي :fa54:

[أوتار القلب]

اوه صح مشكور عالخبريه ^ــ^

[عنود الريف]

ولد الحكومه تسلم على هالمعلومه وان شاء الله يطبقون هالشي عندنا في دبي ..

يا اخويه هالخبر مب بس يفرح البنات الا يفرح الاهالي حتى بعض الشباب المحترم بيستانس على هالخبر ..

واختي كبيرة بعيوني عيبتني جملتج اللي في الاقتباس ... :fa56:

الكل يغازل عنبوه .. محد تم ..







الام من تضيـع البيبي مالها فـ راك .. بتحصله يغاازل هناااك:fa36:





والسموحه

[الدلووووعة]

احسن شي سوه تسلم مراسل الواحات على هذا الخبر يله
بس رد بيتك خلصت من المراسله كم بتم برع الواحات

[الغاليه]

شكــــــــــــــرا عالخبر اليديــــــــــد والجميل اخويه ولد الحكومه ..

وان شاالله انشوفله نتائج ايجابية في المجتمع ,, ويتأدبون الشباب والبنات


وصدقج ياعنود الريف الكل قام يغازل ومحد تم حتى اليهالوه :laugh: وقاموا يشوفون هالشي عساس انه رجوله وشي حلو ,, !!

تحياتي

[الجديدة]

السلام عليكم و رحمة الله و بركاته

الأخ ولد الحكومة مشكور على هالخبر الحلو:woot:

ياليت هذا اااي صار يتطبق في الإمارات الأخرى :fa46:

و تخف هالحركات الدخيلة على عاداتنا:wacko:

و السموحة

الجديدة

[العجيبة]

احســـن .. دواهـــم الصــراحـه

بـس الحبـس ما منــه فايــده .. لو يبروزون صورهم وايحطــونهـا في الجــرايــد أحســن وأحسـن

روحـات المــول انا ما اروحهــا بسبب شــو ؟؟ >> هالاماكــن اتييـب الشبهـة ..

والله من هالنااااس .. لو تتنظف البلاد منهــم .. بيستــوي المـول شـرات كارفـور المطـار .. محـد يغـازل فيه

ويسلمـــووو ولــد الحكــومه على الخبــر

بعد كمـن خبــر بعــد اتييبهــن .. بنسميــك رويتــر > وخ خ خ شو رايك ؟ <

[خسووفه]

أنا أقول لو يزخون البنات لي يعاكسن زين سواء مواطنات أو مغربيات .......... إلخ

[أمواج]

وليش بس في بوظبي؟؟؟؟؟؟؟؟؟؟؟




ومشكووور على هالخبر

[ولد الحكومة]

السلام عليكم ورحمة الله وبركاااته

اشكر كل واحد شارك في هالموضوع ، والصراحه انا اعتبره موضوع مهم جداً ومنتشر في هالايام بشكل رهيب .

كبيرة بعيوني
مب بس انتي فيج قهر على الزلمات انا بعد في قهر :rock: ، مواطنين قلنا مب مشكله ، زلمات وعاده ايك الواحد كبر الثور ويبا يغازل وين تبا يا بو ريحه خايسه !!!! . . . والله انا اموووت قهر يوم اشوف زلمة يرقم مواطنه. خاطري العن والديه. بس زين يوم سوى هالقرار <<< أول مرة اشوف قرار صحيح يطبق على الوافدين <<<<<<< :fa45: ومشكورة اختي عالمشاركه الحلوة.

أوتار القلب
ليش ظلم ، بالعكس والله يستاهلون اكثر وزود بعد . . . انتي لو اتشوفينهم كيف ايرقمون البنات ويلعوزنهم جان ما بتقولين هالقرار فيه نوع من الظلم. خليني ساكت وما ابغي اطلع فضايح الشباب. مشكورة ويعطيج العافيه عالمشاركه الطيبه منج :look:

عنود الريف
القرار هذا مطبق في دبي من زمان بس ما في سوالف حبس ، كل الي يسونه في دبي انهم يصورن الريال ويحطون صورته في الجريدة ويكتبوله تعهد بعدم تكرار الخطأ. ومشكورة اختي عالمشاركه الطيبه منج.

الدلووووعة
يسلم غاليج ، وصدقتي احسن شيء سوه . هي شكلي برجع البيت تعبيت الصراحه وايد :fa56: بسير عند أم العيال وحليلها يالسه اتحاتيني. :fa46:

[فركوشه]

عقبال عيمان
احسن زين والله

خصوصا هالزلمات اللي كل ما اصد مكان يبتسمون لي
وع عليهم
:fa44:

[دلوعة دبي]

تسلم اخوي ع الخبر... وانا اقول بعد البنات هم السبب اللي تسوي حركات وتتمكيج حشا مب مكياج طحين ...والخ... والحين تحصل البنات هم اللي يغازلون الأولاد آخر زمن والله لو ينزلون بعد قرار ع البنات يكون احسن.. هههههههه..


اختكم:دلــوعة دبي

[وحي القلم]

يستاهلون :)

[حبوبه دبي]

تســلم اخــويه عالخبــر ..
وانشــالله بس يتأدبــون بعد هالقرار

والسمــوحه

[ولد الحكومة]

السلام عليكم

مرحبا ملا يــــــــن ، ورجع ولد الحكومة من جديد :woot:

الغاليه
الله يسمع منج وان شاء الله يتأدبون وتعلمون العبرة والموعضة.
تسلمين اختي عالمشاركه الطيبه منج.

الجديدة
والله انا واحد اتمنى يطبق هذا القرار على الامارات الاخرى، يعني انا بعطيج مثال على ستي عيمان ، مافي رجال الآداب ولا رجال التحريات والشباب ما اخذين راحتهم في مغازل بنات الناس على كيفهم
وتسلمين اختي عالمشاركه الطيبه منج.

العجيبة
احسلج والله ما تروحين المراكز . . . . الصراحه الواحد يخاف يودي أهله مراكز تجاريه والسبب الشباب ، وبعد انا اتفق معاج لو يحطون صورهم في الجرايد عشان يتأدبون :fa44:
تسلمين اختي عالمشاركه الطيبه منج ويعطيج العافيه.
:laugh: انا اللحينه اسمي " رويتــر " .

خسووفه
هي والله نسوا ايحطون هاي النقطه ، بعد في بنات يتحرشون في الشباب . . . وخاصه في بنات يوم تيك لابسه لابس مغري أو متعدله ومب مخليه شيء مب حاطتنه في ويهااا ومطلعه شعرهاااا .
تسلمين اختي عالمشاركه الطيبه منج. وشكرا عالنقطه المهمه الي طرحتيهاااا.

المتفيزره عالعرقووب
والله اختي ما ادري ليش طبقوا هذا القرار في بوظبي بس :fa36: يمكن المغازل عدهم في بوظبي وايد .
ومشكورة عالمشاركه الطيبه منج.

[ولد الحكومة]

السلام عليكم ورحمة الله وبركااته

ونعود لمحور حديثناااا :fa56:

يحليلي ياهل
انتي روحج اشوفين المغازل في ستي عيمان . . .عكيف كيفج.
ان شاء الله يطبق هالقرار :fa55:
تسلمين اختي عالمشاركه الطيبه منج.

دلوعة دبي
حلو والله . . . :fa56: ليش ادافعين عنا احنا الشباب.
هي والله في بنات هم الي يتحرشون في الشباب.
تسلمين حبوبه عالمشاركه الطيبه منج .

وحي القلم
اكيـــــــــــــــد يستاهلون :fa38:
تسلم اخوي عالمشاركه الطيبه منك.

حبوبه دبي
ان شاء الله يتأدبون من هالقرار.
تسلمين حبوبه عالمشاركه الطيبه منج.

لكم مني احلى وا رق تحية للجميــــــــــــــــــــ ـع

مراسلكم / ولد الحكومة :blush: