شيئين أبغي أعرفهم في واحة الهواتف !

[المزوحي]

مرحبا مليوووون :woot:

شيئين أبغي أعرفهم، إذا حد منكم عنده خلفية :look:

أول شي بالنسبة للميموري كارد ...

يوم نشتري الموبايل يكون من أول وياه ميموري والسعة تكون صغيرة، وتقدر تشتري ميموري سعته أكبر
عسب تخزن أكبر عدد من الملفات أو الفيديو ... سؤالي هل بإمكاني أخزن أكبر عدد من الرسائل النصية بزيادة حجم الميموري ؟؟؟ أو هل يوجد برنامج معين لهذا الشي ؟؟

ثاني شي لأصحاب الخبرة ( شرجاوي وينك ) :fa56:
بالنسبة للنغمات ( mp3 ) يف اسجل مقطع من أغنية وأخليها رنة للتليفون ؟؟


وشكرا :blush:

[أحلى منصوري]

,, المـزوحـي ..

لازم أول حايـه تحــدر على ضبــط المســجات ..
واتخلي المسجـات تتخــز على الموميـري ..
أنا أحيــد وصلـت عدد الرسـال عنـديه 1300 مسـج :fa56:
وخلاف حذفتهـن كلهــن ..

..

الشييـن اللي ذكـرتهـن يصيـرن :fa38:


تحياتي لك

خويك
المنصـوري

[الدلووووعة]

اخويه بسال وبرد عليك

بس اعتقد عادي تحط مقطع من الام بي ثري رنه

بس بتاكد
والسموحة

[الدلووووعة]

باك
اخويه هيه تروم لنه اللي يكون في المبايل روحة سعته صغيرة ماتيزي وايد برامج
ي ميموري سعته تكون اكبر بوايد عن اللي في مبايل


تروم تخزن الرسايل في الميموري و
مساحة الميموري اكيد تنقص

وماتروم تحط مقع من الام بي ثري رنه
لنه يوم سالت اخويه قالي مايستوي

والسموحة

[المزوحي]

أحلى منصوري ...

سرت على الرسائل وخلاف ضبط الرسائل ..

عندنا رسائل نصية ورسائل وسائط والضبط الآخر

كيف عقب الطريقة لأنه مايستوي عندي !

الدلووعة كيف نحن نزل الرنة من النت على الموبايل أصلا ؟؟؟ كيف اقدر اسجل مقطع حتى لو صغير ؟؟

[الدلووووعة]

اخويه شو المبايل اللي عندك لنه يوم سالت اخويه قال شو المبايل عسب يقولك

[المزوحي]

عندي 6230

:)

[هزاايم]

مزوحي
اسمحلي انا ماأعرف عن خربطاان الميموري كاارد
بس عن الرنات يصير تقدر تحولهمmp3 وتخلهم رنه أنا عادي عنديه يستوي
والسمووحه بس هلي أعرفه

هزاايم

[المزوحي]

thank you ..

[دلوعة دبي]

هلا اخوي المزوحي .. تقدر تسجل ... اول شي سير menu...بعدين Extras.. وآخر شي اختار record وسجل..أما كيف اتنزل الرنة من النت للمبايل ... اذا عندك ليزر في المبايل تقدر تدخل الرنة من اللابتوب للمبايل...وإذا ما عندك ليزر تقدر بالواير توصله بالكمبيوتر وتدخل الرنة.. والسمووووحة


اختكم: دلوعة دبي

[الدلووووعة]

اذا كنت تبا تسجل فبيكون عندك في المبايل انت دور وين مكانها لنيه ماعرف وين بالضبط
بس عادي تروم اتسجل أي شي

اما عن السؤال الثاني

تيلفونك هب 6600
عيل تروم تنزل الاغنية من اللي تباها من النت عن طريق الوصلة مال ميموري
ولا بل ir بس بالوصلة اسهل اذا تيلفونك مايستوي تسمع من اللير بلير
حوله ام بي ثري وعادي بعدين تحطها رنه بس اللي مايستوي هو المبايل 6600
ها اللي قاليه اخويه واتمنى انك فهمت عليه واي شي ثاني نحن في الخدمة
والسموحة

[المزوحي]

دلوعة دبي .. أن عادة أنزل رنات من واحة الهواتف ( بن دبي ) عندي وصلة انفررد ...
بس كنت من نفسي ابغي مقطع من اغنية معينة ... وبدل النسجيل العادي ( بيظهر مب واضح )
قلت أسأل ... وماقصرتي :)


الدلووووعة بجرب وشكر لج :)

[الشحية]

هلا أخوي فهمت قصدك عن الإغنيــــة ..
لازم يكون عندك برنامج يقطع لك الإغنيـــة تختار المقطع اللي تباه وبعدين تحوله mp3 وبعدهاا تنزله على تلفونك عادي ..
بس لو تبى إسم البرنامــــــــــــج إسأل شرجاوي أي برنامج يستخدم هوو أدرى بهالسوالف .. :p ..

وبس

[المزوحي]

الشحية مشكورة أختي ... وأخير حد فهم قصدي !!!
شرجاوي وينك الشيخ ؟؟؟

[تحفه]

ليش ما تشتري سوني اريكسون واتفك عمرك ؟!

[المزوحي]

لا .... أم خدود كنت بشتري بس غيرت راي .. وبالأخص كنت باخذ S700
بعد غير شكل ... يوم حط يتصل بج ويكون miss call مايطلع الوقت ...
حتى المسجات الخط صغيروني
طيب شو رايج بــنوكيا 6680 ؟؟؟
بتقولين انا اقول سوني اريكسون وهو يقول نوكيا :)

[تحفه]

الله يسلمك انا امجربه P910i ونظامي غير وايد ( على ما اعتقد ) عن الانظمه الثانيه .. فـ ما اقدر افيدك في سالفة المس كولات .. لأن افموبايلي .. فيه مميزات تخص هالسوالف يعني تروم تختار جان تبا تستقبل الكولات الي ارقامها امسجله في اللسته !! .. ولا كل الناس والارقام .. ولا الي مسجلين عندك في الاسبيد ديال ولا الكونتاكتس ولا ما تبا حد !! .. فـ الخيار الاول و الاخير راجع لك !!

وما جد جربت سوني الاركسون هاذاكي .. بس كان عند بنت خالوتي وكانت تمدحه شوي .. والحين غيرته وعندها اي مات العود !

وعن نوكيا الي طريته .. ف هو عند اخويه و الحين بيشتري غيره معنه يديد لأنه ( على قولته ) مب شي , ووايد ايخربط و مميزاته عاديه واذا ناوي تاخذه لأنه سهل في الاستخدام في خدمة مباشر .. فيقول اخويه ان الصوت يوصل قبل الصوره .. و انه مب زين .. لأن فرضا كان راقد و حد متصل ومب كاشخ .. يعني مزعج نوعا ما! لول

انا سمعته انه ناوي على سامسونج ما ادري سمنس اليديد اللي لونه اسود .. يقول انه البلوتوث ماله قوي وايد و مواصفاته اوكي .. واذا تبا تشتري منه لازم تلحق عليه .. لأنه لمتد ادشن

يالله .. عطيتك كل الي اعرفه في عالم الموبايلات

وانا من بعد السوني اركسن ارفع شعار لا للنوكيا وخخخخ
الدخان ظهر من كيبوردي
.. بــرررب

[كبيرة بعيوني]

مرحبـا اخوي المزوحي


بالنسبة للنغمات ( mp3 ) يف اسجل مقطع من أغنية وأخليها رنة للتليفون ؟؟


أنـا بجاوبك حسب ما فهمـت من سؤالك
المدرسة خلصت ومخي سكر متعايزة اشغله :fa56:

المهم .. بالنسبـة للتسجيـل هو يكـون بصيغـه الـRAM
..
لكـن لو تبى الرنة تكـون واضـحه ..
عندك الـ wav ..
والـ mp3 ..
..
تقطـع المقـطع اللي تباه من الاغنية بواسـطة برنـامج
وعقب تنزلـه عـ الموبايل بواسطـة الوصله اللي تستخدمهـا
بالنسبـة لي
هاي طريقتي
.
.
في البـدايه .. عقب ما أنزل الرنة
أحـولها لصيغـة mp3
بواسطـة الستريم بكـس ..
http://up.c-ar.net/f6d19.jpg


.
وبعـدين أقطعهـا بواسطة هالبرنـامج
استخدمـت كذا برنـامج .. بس حاليا أستخدم هذا
أسهل وابسـط برنامج
http://up.c-ar.net/05907.jpg

وهالبرنـامج يسرع الأغاني او يبطئهـا عـ حسب ماتبغي

http://up.c-ar.net/57966.jpg

وجـان تبا طريقـة استخدامهـا .. بعلمك ..

والسموحة عـ القصور

[المزوحي]

مشكورة أم خدود على الشرح هذا :) ... طيب قلتي لي كل شي ومع هذا احترت !!
بشوووف شو اليديد على الطبيعة ( يعني أسير المحل )

[المزوحي]

كبير بعيوني ... ماقصرتي ... الستريم بكـس كان عندي على أساس انزل أغاني وأسجلهن على السي دي ..
لكن اخترب عندي ..
المهم وين وصلة البرنامج عسب انزل اللي تقولين عليه

والسموحه :)

[كبيرة بعيوني]

مرحبـا المزوحي
اسمح لي نسيت هالموضـوع .. كيكيكيك ..
حاليـا انا فـ بوظبي .. وماعندي اللنك..
آخر الاسبـوع برجــع راك .. وبحط لك لنكات البرامـج ..
اذا نسيـت ذركني بـ رسالة خاصة
والسموحة لو تأخـرت ..،

[المزوحي]

تــمام .. أنا في الانــتظار ..

[المزوحي]

عندي 6100 وبرنامج Handset Manager ماله .. فنزلت المسجات اللي في الموبايل ..
وأبغي اشتري 6681 وأرد أسوي up load للمسجات .. الموظف اللي في اكسيوم قال مايستوي ..
شو رايكم ؟؟؟؟
وعندي 6230 أبغي انزل المسجات وأسوي نفس الحركة !

[كبيرة بعيوني]

المـزوحي
آســفه على التأخيــر
.
.
هـذا لنك البرنامج اللي يقـطع الام بي ثري

http://up.c-ar.net/11/dbe76.zip
.
.
.
وهـذا الستريم بكــس
http://up.c-ar.net/11/0397e.zip
.
.
وهذا الاوديو مكسـر
اللي يسرع او يبطئ الاغاني
http://www.acoustica.com/mp3-audio-mixer/

.
.
أول برنامجين حملتهم من عندي
لان الاول حجمه صغير وعادي
والثاني ماحصلـت اللنك ماله مول
.
.
اذا ما فتحت اللنكات خبرني وبحاول اسال عنها
.
.
واذا تبـا شرح أو شي زياده تراني حاضرة
ما وراي شغلـــه
.
.
والسموحة
واعذرني مرة ثانيه على التأخيـر
:fa46:

[المزوحي]

ماتقصرين

وأبغي مقطع من أغنية توصي شي لراشد الماجد وهذا اللنك

http://song1.ozq8.com/music/gulf/saudi/rashid/index.php

توصي شي أنا بكره مسافر ...

إذا يستوي عسب انزلها في الموبايل :blush:

[المزوحي]

بالنسبة لأول برنامج نزلت الأغنية اللي أباها وأول ماتبدأ أضغط على المقص وأسيف ..
شو يصير عندي ؟
تتسيف مقاطع الأغنية على الدسك توب .. لكن مب اللي المقطع اللي أباه !
كيف أقدر اضبط المقطع اللي أباه ؟

[كبيرة بعيوني]

بـطرشلك شرح البرنـامج عـ الخاص ويا مقطع الاغنية اللي تبـاه ،،

[المزوحي]

ستريم بوكس مافتح ابغي احول للام بي 3

السموحة

[كبيرة بعيوني]

الستـريم بكس .. الحين روحي ادوره ^.^"
لان الكمبيوتر مسوين له فورمـااات .. وقايلتله ينزل لي الستريم بكس
بس الظاهـر نســى .!
اذا حصلت له أي لنك بحط لك اياه .. (=