إجازة الصيف [الأرشيف] - -:: واحات بن دبي ::-

مشاهدة النسخة كاملة : إجازة الصيف

ذنـيـنـي

31-05-05 ||, 12:35 PM

السلام عليكم

اول شي مبروك للي خلص امتحاناته و عقبال الباقين

والحين الصيف والاجازه عالابواب بعد تعب هالشهور..
واالاجازه طويله ولازم طبعا نستغلها في اشيا اتفيدنا في الاخر ..
عالاقل نظهر من الاجازه ونحن مكتسبين مهاره او شي مفيد ..

أكيد كل واحد يتريا هالشهر والاجازه والبعض اكيد خطط شو بيسوي في اجازته ..

فشو رايكم كل واحد يقولنا شو ناوي يسوي في الصيف فنستفيد من مشاريع بعض, ناخذ افكار ونستغل الصيف

المهم
كل واحد يقولنا شو ناوي يسوي في الصيف
يعني بيشترك في نادي,
او مثلا ناوي يسير منطقة ثانية, يعني اذا هو من الامارات الشمالية يسير يغير جو في ابوظبي و العين مثلا و العكس كذلك
و الي بيسافر يقول وين بيسافر و ليش هذه الدولة بالذات

يعني قولونا عن خطتكم للاجازة بشكل عام

اتمنى من الجميع المشاركة

:fa54:

روح القمر

31-05-05 ||, 12:52 PM

وعليكم السلام ورحمه الله وبركاته
الله يبارك فيك ماصدقنا انخلص من الامتحانات:fa56:

انا عن نــفسي..
ناوين هالسنه نســافر لــبنان.. تعرف جو البلاد ما يساعد ان الواحد يتم..
بس طبعا الفتره اللي بتم فيها فالدوله...بشترك فنـــادي ويا اربيعاتي..حلات الصيف ويا الربع
هذا اللي عندي..بنشوف مخططات الباجين يمكن ايعيبنا شي:laugh:

ماقلتلنا انت شو ناوي؟؟

الدلووووعة

31-05-05 ||, 01:00 PM

تسلم اخويه على الموضوع
انا السنه قلت يمكن ادخل معهد انجليزي وكمبيوتر
وخاصة الانجليزي لنه بيتكون ورانا ثانويه عامة وبسير للاهل ويمكن نمر صوب الشماليه
ونتريا الباقين
والسموحة

تحفه

31-05-05 ||, 01:32 PM

اذا بسافر وي ماما وبابا ..
يمكن اروح المانيا و اسبانيا ( أو ) او استراليا و بانكوك ما ادري ماليزيا < بعدهم محتارين

واذا بسافر وي قوم يدوه وخالي ..
بنسير جنيف وفالس

واذا بتم في البلاد .. بكون انشوي في بوظبي >.<" ... بس ما اعتقد انهم بيخلوني لأن افنص السنه يالله يالله وافقو اتم وما اسافر .. وطبعا بيكون صيفي بين نادي السيدات و والمعهد الثقافي ( ابي ادخل دورة خط اعدل خطي المؤساوي لول )

ذنـيـنـي

31-05-05 ||, 01:46 PM

لمسه أمل

تسلمين على ردج اخيه

من متى في خاطري اسير لبنان, لكن الين الحين ما شي نصيب :sad:
=========
الدلووووعة

ما شاء الله عليج

زين والله بتستغلين اجازتج في شي بيفيدج :laugh:
=========
ام خدود

ثانكس خيتو على مرورج

و كل البلدان الي ناوين عليها حلوة :vampire:

بريد ألكتروني

31-05-05 ||, 02:02 PM

Hi نصووور

I think that , I will go to Venice City whin I finish my Examinations .

e-mail

ذنـيـنـي

31-05-05 ||, 02:21 PM

انا عن نفسي بسافر ويا اهلي و قوم عمي

بنسير النمسا و بالتحديد بنسير ((زل اام سيي))>>> اسـّميه برنامج "غصبا عنك" :fa44:

و السبب لأنه دوم نسير هناك و نعرف البلاد عدل

و ثانيا البلاد في موقع متوسط على قولتهم

يعني ساعتين بالسيارة من ميونخ

و ساعتين عن مدينة فينيسيا في ايطاليا

و قريبه من سويسرا اعتقد ثلاث ساعات بالسيارة

هذا برنامجي للصيف هذا
و بس

:fa54:

ذنـيـنـي

31-05-05 ||, 02:22 PM

بريد الكتروني

حلوة فينيسيا سرتلها السنة الي طافت, يوم كنا في زل اام سيي

خذنا ساعة و نص او ساعتين بالسيارة

الــــوردة الحمــــرة

31-05-05 ||, 03:28 PM

انا اجازتي بتكون في الدوام لاني موظفة يديدة وما كملت 6 شهور بس طبعا اكيد في الصيف بسوي شي مفيد غير الدوام يمكن اروح النادي او اشترك في معاهد ما ادري لين الحين لان اصلا قبل كنا ناوين نسافر العمرة بس ما عندي اجازة :wacko:

أوتار القلب

31-05-05 ||, 04:45 PM

انا ها الاجازه ماعرف شو بسوي صراحه
ابى اسوي شي مفيد و مسلي في نفس الوقت
بس ماعرف شو
يـــالله بيعين الله

هيه صح ان شاء الله بطوّر هواية التصوير عندي :woot:
و يمكن ادش معهد عشان تصميم صفحات انترنت
و افكر اني اسويلي موقع على قدي :blush:

يلااا عطوني اشياء اسويها في الصيف :fa54:

هزاايم

31-05-05 ||, 04:47 PM

نحن دوووم وعيونه مغمضه على وين ناوين لنــــــــــدن لوعت جبد ...أكيد رايحين علاج وبعد ترفيه و ترس البطوون و تسوق أكيد...و لكن هالصيف شكلنا بنحاوط في أوروبا يعني صوب فرنسا و ألمانيا ويمكن لكن نخطف على فلينسيا نطمن على الدار كم من إسبوع لأن 3 شهور برع البلاد بنكون "الله يعين شو ما بفتح مناااحه على راسهم"و استعد للثانويه و اتشررج بالمعنى عسب الرده
هزاايم

بنت الدلع

31-05-05 ||, 04:56 PM

سلامن عليهم

انا عن نفسي
شهر سته بكون في البلاد
انشالله باخذ لي كورس انجليزي وكورس تصميم
وبشترك في النادي ويا البنات >> تغيير جو
واكيد ظرب حواطه في البلاد
اما في شهر سبعه يمكن اسير ويا ابويا استراليا
وشهر ثمانيه بنسير قطر اسبوع ونرد
ومن بعدها بتجهز حق الامتحانات

انتهت نشرة الأخبار

كبيرة بعيوني

31-05-05 ||, 05:40 PM

نحــن أول شهـر بالاجازة .
لازم بنحــاوط فـي ربوع البــلاد
وشهـر ثمانيـه بنســافر ..
بس أخــوي مب طايع يقول وين
اونـه موفـاجععععععه > مفاجأة (=
وجي يعني (=

منصوري الدوله

31-05-05 ||, 06:04 PM

يا مرحبا السااااااااع ؛

بصــراحــه بعــد اسبوعين بيبدا الصيفي في الجامعه وقــررت آخـــذ لي calculas3 ,و com101

يعني ماده صعبــه وماده سهـــله ...

شو رايكم ؟؟

اكسر الخاطر صح :blush:

لنا الله

بنت الدلع

31-05-05 ||, 06:17 PM

منصوري الدوله

يحليلك ما بتتهنى بالإجازة
الله يوفجك في دراستك

عنود الريف

31-05-05 ||, 07:41 PM

مرحبا اخويه نصور ..
عني انا ... والله انا قدمت على شغل صيفي .. اذا صار لي نصيب وقبلوني .. كان بها ..
وان ما حصلت شغل.. بتم في البيت . بس اكيد بحوط في البلاد من بوظبي للعين للشارجه وارد عقبها دبي .. وافكر ادخل نادي .. ما اعرف لين الحين . .. مب متاكده ...
واول شهر 8 ان شاء الله بنسير صلاله .. بنتم فيها اسبوع والا اسبوعين وبنرد ..
وعلى اخر شهر 8 عندنا عرس .. فبنتزهب حق العرس ...
واخر شي بتزهب حق الجامعه ...
هذا صيفي ..
والسموحه

غرشوب

31-05-05 ||, 08:12 PM

لين الحين ماعرف . . فـ لكل حادث حديث
:fa56:

.
.

العجيبة

31-05-05 ||, 09:56 PM

أنـا ما أعــرف شـو أســوي بالضبــط

بس اللي أعــرفه انـي أتمنــى هالاجـازة اتطوول ..

وخـــاطــري > شوفوا هاي بس عايشة ع الامنيات < المهم .. خاطري اسيــر كـذا مكـان في بالي بس وخخخخ منو متفيــج !!

بس الأكيــد اللي بسـويه .. بشترك في صيفنــا مميــز أسبـوع أو أسبـوعيـن بس عشان ربيعتي بتشترك فبنسيـر نلعب شوي وووو ... يعني ..!

وعقب عنـدنا دورة icdl ثلاث اسابيع ..

وفي عنـدي مشاريعـي الخاصة في البيــت .. وان شاء الله بتم على نجــاح ..

وبـــس ..

شكــرا لك

ولد الحكومة

31-05-05 ||, 10:11 PM

:woot: السلام عليكم

اممممممممم والله لين اللحينه ما اتفقوا الربع وين بيسافرون . . . بس يمكن انسافر استراليا .

اشكرك اخوي نصووور عالموضوع الصيفي :fa56:

اخوك / ولد الحكومة

ذنـيـنـي

01-06-05 ||, 11:59 AM

الــــوردة الحمــــرة

الله يوفقج و مبروك عليج الوظيفة اليديدة :laugh:

===========
اوتار القلب

تسلمين اختيه على مرورج

و شي حلو انه الواحد يكون عنده موقع

و عن هواية التصوير, تراها هواية حلوة ومميزة و كل حد يقدر يصور لكن مب اي حد يعرف يصور

اتمنالج التوفيق
===========
هزاايم
الله يعينج, حالتج مثل حالتي

هذا يسمونه برنامج "غصبا عنك" كل سنه اتسيرون نفس البلاد :wacko:

و احسن شي بتسونه انكم بتاخذون جوله في بلدان ثانية

لأنه اليلسة في لندن ما تنشهى

هزاايم

01-06-05 ||, 04:48 PM

هيه والله شكلهم رحموونا هالسنه من لندن
حلوه منك برنامج غصبن عنك
عجبتني الصراحه
يا الله من بيشتغل بالمطااار عشان نحشره يوم السفره خلهم ينفعووونا سوالفيشين
هزاايم

بريد ألكتروني

01-06-05 ||, 05:10 PM

نصــور على طـاري ( برنامج غصبن عنك ) انا هالسنه الله رحمنيه من ( نيوكاسل ) خالي ماخذ فله في نيوكاسل وكل سنه الاهل يعفدون فيها ( يقولك الياهل ان عطيته ويه ما يصدق هههه ) ..

هالسنــه البندقيـــه وبـــس :fa56: ( بسير اعيد امجاد العرب فيها )

عفاريتووو

01-06-05 ||, 05:39 PM

السلام عليكم

امم انا كل صيف اخطط و اقول بسوي جي و جي و يخلص الصيف و ما سويت شي :fa54:

امم شهر 6
تقريبا عندي ياه full اول شي التدريب و تجهيزاات عقب حفلة التخرج و عقب الحفلاات الباقية
اول دفعة تتخرج بعد لازم :fa44:

وكنت ابا اسير مكان يعلموون المكيااج
المشكلة المكان الوحيد اللي حصلت فيه طبخ بعد
لو عرفوا بيودوني غصب .. خلوني ساكتة في البيت احسن :fa36:

و شهر 7
ابا اسير نادي السيدات بس ان شالله يقتنعوون :fa36:

و شهر 8
لو ما سافرنااا.. يمكن جنيف وباريس .. يقولون الملل يسوي العجاييب
الله يعين شو بسوي :fa44:

وفي كم شي في راسي ابا اسويه بالصيف
مع اني متاكدة بيخلص الصيف و انا مثل ما انا ما سويت شي :wacko:
وبس ..:)

دلوعة دبي

01-06-05 ||, 10:42 PM

انا أصلا مشتركة من سنتين في النادي... شهر 7 بسير فرنسا.. وشهر 8 بسير قطر...

اختكم: دلوعة دبي

ذنـيـنـي

03-06-05 ||, 08:34 AM

بنت الدلع

حلو البرنامج الصيفي الي مسوتنه حق عمرج

اذا تبغين كورس انجليزي زين انصحج بالمعهد البريطاني (بريتيش كاونسل) تدريسهم وايد زين ;)
=================
منصوري الدوله

الله يعينك و يوفقك اخويه, على الاقل بتخلص قبلنا :fa54:
=================
عنود الريف

هالسنه ناوي اسير صلاله ويا ربعي عقب ما ارد من السفر :woot:
حليلهم مخترشين على الرحلة :fa56:
================
غرشوب

:fa44:
================
ولد الحكومة

جولدكوست المفروض يسلمونها للامارات :fa46:
كل ما اسال حد وين بتسير في الصيف يقولي بسير استراليا :wacko:
انا سرت استراليا في سنة 97 يوم العرب ما كانوا يعرفونها و سرتها في 2003
تصدق يوم سرنا اول مرة ملينا لأنه ما كان عندنا حد هناك , بس يوم سرنا ثاني مرة قمت ما أعرف أطلع ويا منو من كثر الي اعرفهم :wacko:
اظني لو أفـّر حصاة "وحدة" في البرادايس بفلع فيها 5 اماراتيين و 2 سعوديين و 2 كويتيين و استرالي واحد :fa56:
================
بريد ألكتروني

فينيسيا حلوة لكنها حاااااااااااااااااااااره
بشكل عام ما تفع لأكثر من اسبوع, لأنه ما فيها غير متاحف وشوي بيحوطونك في القنوات مالهم
و بيودونك مصنع الزجاج
هييه صح نسيت اقولك, انتبه على عمرك ترا ايطاليا مشهورة بالحرامية, شي ناس من اهلي كسرولهم جامة السيارة عند باركات فينيسيا :look:

ذنـيـنـي

03-06-05 ||, 08:43 AM

عفاريتووو
بنات هالايام >>> :fa55:
ليش ما تبغون تتعلمون الطبخ, لو اي شي ثاني جان ركضتوله :fa56: >>> اسولف :D

ان شاء الله هالسنة تسوين كل الي في بالج,
و تتعلمين الطبخ على اصوله ;)
==================
دلوعة دبي
تسلمين اختيه على مرورج
فرنسا وايد حلوة, برنامج "غصبا عنك" بيشمل باريس هالسنة, بنسير هناك 3 ايام :laugh:

دموع قلم

04-06-05 ||, 12:35 PM

وعليــكم السـلام ورحمـة الله وبركـاته,,

خططـت للأمـور اللـي بسـويهـا في الإجـازة, لكـن للأسـف

دائمـا تمـر الإجـازة ولا استفـدنـا منهـا إلا بشـي قليـل جـدا

مـا أظـن أننـا نسـافـر مكـان يعنـي بالكثيـر نـزور الأهـل فـي أبـوظبـي,

وأكثـر الأوقـات أتـم فيهـا بالبيـت, وخططت إنـي أحفـظ سـور من القـرآن

وأدرس تفسيـرهـا, وأقـرأ قــــصص إنجليـــزيــة عشــان أحسـن لغـتـي

الإنجليـزية, وأتعلـم بعـض بـرامـج الكمبيـوتـر, والـواحــــــــــــات

هـذه الأمـور اللـي أقـدر أتعلمهـا فـي البيـت, وإن شـاء الله تفيـدنـي
في مستقبلي وحيـاتي, بـس أتمنـى أن الإجـازة مـا تطـول كثيــر :sad: !!

...

...

أشكـرك أخـوي نصـــووور على الموضوع الممتع

وإن شـاء الله تقضـي لحظات سعيـدة في الإجــازة

:) (http://oasis.bindubai.com/bin/misc.php?do=getsmilies&wysiwyg=1&forumid=0#)