اربيعتــيه تــرمس اخـــويه!!!

[روح القمر]

شـــو بيكـــون مـــوقفج اذا عـــرفتي ان اربيعتج تــرمس اخـــوج؟؟!!

هـــل بتودرينها عقب هالعشره؟

والا بتواجهين اخوج وبتقوليله يصطلب؟:fa46:
هل بتودرينها لمجرد غــلطه ممكن انتي تغلطينها؟؟..

نـــبا نسمع آرائــكم؟؟



ملاحظه: لاتتحرون اربيعتيه ترمس اخويه:laugh: بس مجرد سؤال..

[حلم الطفوله]

السلام عليكم ورحمة الله وبركاته

صدق سؤال محير؟؟:wacko:

أولا: اختياري لصديقاتي يعتمد على أسس وضعتها تتناسب مع شخصيتي أولا وأخيرا
ومستحيل إنه تكون من بين صديقاتي وحده من هالنوع
ثانيا: احترام إخواني لي شخصيا أكيد بيمنعهم إنهم يكلمون صديقاتي بالذات

هذا من الناحية العامه للموضوع....

الحين بجاوب على السؤال الأساسي ...بتخيل الموقف:laugh:

شـــو بيكـــون مـــوقفج اذا عـــرفتي ان اربيعتج تــرمس اخـــوج؟؟!!

أولا بكلم أخوي وبصارحه بإلي عرفته....
وبحاول أفهمه إنه لو كان فعلا يحبها ما بيرضى عليها هالشيء
ولو كان يلعب بعواطفها... أكيد بيطيح من عيني ...وإني أكيد بخبرها بموقفه منها
وبطرح عليه فكرة تقهره...ألا وهي... ترضاها على أختك؟؟

ثانيا: بكلم صديقتي وبعترف لها إنها أكيد طاحت من عيني ... على أساس الفكره ككل
وأكيد ما بكلمها .... ما أدري ليش؟؟ بس أكيد ما بكلمها:fa36:
يمكن أحس بالذنب لانها رمست أخوي بالذات.... بس ما أتخيل برد أتعامل وياها

لمسة أمل ...صعب الواحد يتخيل هالشيء؟؟ لأنه أكيد بتنصدمين من شخصين تحبينهم

[الدلووووعة]

تسلمين اختيه عل الموضوع
صراحة بيكون موقف صعب بس بتخيل الموقف :look:
انا عن نفسي اكيد اني مابرمسها من عقب ماعرف انها ترمس امنو ترمس اخويه
بعدين بسير لخويه وقوله انته ليش ترمسها هاي وحدة غريبة عنك لاتعرفها ولا شي
وجي تسوي في اربيعت اختك تخيل اذا اخوها رمساني ( طبعا مستحيل اسويها )
بس عسب يفهم الموقف شو بتكون ردة فعللك مافكرت فيها الشي وبتتغير شخصيه اخويه
في عيني بعد ماكون محطيه شخصية غير عن هاي واذا كان يحبها وهي تحبة
لا يرمسها ويخبر امي عسب تخطبها بس انه يرمسها احسها قويه
وهي اصلا بعد ماتفكر ليش خانه اهلها :fa36:


والسموحة

[تحفه]

أبــــيه .. مب زين !!

تدرون مره في جامعة العين .. وحده اكتشفت ان حبيبها متزوج وحده وياها في السكن وحامل ..
وعرفت انه ودرها لانه اتزوج وجي ... جان تذبحها وطبعا الحرمه و الجنين ماتو

و الريّل و هالبنت دخلوهم السجن و حد منهم في انتظار الاعدام او يمكن اعدموهم ما ادري

بسم الله .. اللهم عافينا ..

قوليله يتزوجها >.< او يصطلب
و اذا ما طاع خبري امج عليه ..
وودري ربيعتج احسن

بيكون حل قاسي .. بس هذا افضل شي !!

والله المعان

[روح القمر]

حلم الطفــوله:
وعليكم السلام ورحمه الله وبركاته
اكيد الموقف بيكون صدمه من شخصين اتحبينهم..يمكن عقب هالموقف تكرهينهم او تعافين طاريهم..
اشكرك ع مرورج :)

الدلوعه اللي يسلمج غناتي..تدرين لو استوا فيني هالموقف مادري شوبسوي بعمري..
احس صدق صـــــدمه!! ويمكن من كثر ما اعز هالشخصين الصدمه بتخليني ابتعد عنهم واعافهم
شكرا ع تعقيبج..

ام خدود!!!


قوليله يتزوجها >.< او يصطلب
و اذا ما طاع خبري امج عليه ..
وودري ربيعتج احسن

بيكون حل قاسي .. بس هذا افضل شي !!

هذا الموقف ما صارلي..بس افتراض لكل وحده فينا:fa46:
تصدقين عاد اخويه مب من هذا النوع احسه مب فاضي حق هالسوالف..
بالعكس مره وحده اتصلتبه تخيلي هزبهاااا.. عاااد انا اصوّخ الرمسه خخخخخخ
احس البنات هالايام هم اللي يتسببون حق عمارهم.

بنتظار تعقيبج الثانيه..وحطي نفسج فهالموقف...

[هزاايم]

وييه باسم الله
الله يحفظ ربيعاتي و أخواني الله لا يقول
حليلنا نحن شله على قدنا كل وحده تخاف من ظلها و إخواني خخخخخخ الله يحفظهم مالهم خص بهالسوالف

لكن لو خذيت على اساس موقف لغيري واتخذ القرار اسمعي شو بسوي بس لا تضحكين
بضحك أول خخخخخخخخخخخ

احم احم طبعا ما اروم اقول شي لأخوي بس اروم ايوده من الإيده إلي تعوره فانقز عند الوالد وبخبره (قويه)لالا أول شي بتفاهم وياه بعده بوصل السالفه للسلطات العليا أما عن ربيعتي يعني بنصحها و بطلب منها تودر هالسوالف لأن البنت تنعرف بعفتها موب بسوالفها و بتركها
هذا إذا استوى جذى بسوي هيهيهي بس صج مصيبه الله يعين ...الله لا يبلينا ولا يراوينا ذاك اليوم

هزااايم

[نور السنا]

لا احارب ربيعتي ولا اخويه... في النهاية السمألة حرية شخصية, انا شو دخلني,, بس اهم شي اخويه يكون يحبها مو يلعب عليها... لكن اذا طلع يلعب عليها الصراحة بقول لها تودره لأنه مهما كان نحن بنات و قلوبنا على بعض...

السؤال الأول جوابه... طبعا ما بودرها,, الدنيا فوضى؟؟؟ ربيعتي اودرها بس لأن كلمت اخويه؟؟ شهالسالفة؟؟ طبعا لا...

السؤال الثاني... طبعا بواجه اخوي عشان اسأله اذا يبيها أو بس يلعب عليها,, شنو؟ ربيعتي لازم اخاف عليها...

أمّا السؤال الثالث جوابه... و للمرة الثانية طبعا ما بودرها,, ليش؟ اهي ما غلطت في حقي ولا ضرتني عسب اودرها...

و السموحه منكم تراه مجرد رأي لا اكثر

[أمواج]

سؤال محير الصراحه

اول شي بستوي المحقق كوووونان و بتخبر و بخلي ويهي لووح و بسأل اخويه و ربيعتيه كيف استوا التعارف

امممممممممممممم احس اذا استوا هالشي مابعرف كيف اتصرف بس بنصدم وايد وايد
اذا كانت زميلتي فبراايها


اما اا كانت ربيعتي فدواااها عندي

[روح القمر]

هزايم

فهالزمان كل شي وارد..:fa54:

حلو منج انج بتنصحــينها وتفهمينها لو صار هالشي..

شكرا ع مرورج..

نورالسنا:
بصـــراحه رأيج عــيبني نوعــا ما...
شاكره لج تعقيبج..
بالتوفيق.. :)

المتفيزره عالعرقووب:
المحقق كونان مره وحــــده:fa56: ..تصدقين مرات حلو ايكون ويهج لوح خخخخخ بس عشان اتعرفين شو السالفه...:fa46: <<<<مجربه:laugh:

[عنود الريف]

مرحبا اختي لمسة امل ..
اصلا من البدايه ربيعتج لازم تحترمج وما تكلم اخوج .. انا بعتبرها قويه ... وما تستحي على ويهها ..
على الاقل تحشمني .. وما تسوي هالحركات ..
ثانيا اخويه .. غلطان .. ويقولج كما تدين تدان .. باجر السالفه سبحان الله ترد على حد من خواته او بناته او حتى حرمته ..

اما اذا السالفه صدق استوت .. بزعل على ربيعتي لانها ما قدرتني.. ولا سوت لي قدر عندها ..
ولا حتى برمس اخويه .. لين ما يصطلب .. ويودر عنه هالحركات ..

تسلمين الغلا والسموحه

[روح القمر]

عنود الريف: ياهلا فيج اختـــيه.. رده فعلج محــتمله..وكل شخص له رده فعل...
اشكرج عزيزتي..
بالتوفيق

[ألم ترى]

بسم الله الرحمن الرحيم
قلت بسجل حضور دام الموضوع خاص بالحريم
:look:
ربي يحفظكم

[ورديّـه]

يوم بيصير بخبرج

بس بزعل من ربيعتي لأنها ما خبرتني أولن وربيعاتي هب من النوع اللي يخبي ثانيا وبس

[روح القمر]

محب الشيخين: ياهلا فـــيك اخـــويه...وتسلم ع مــرورك وتسجــيل حظــورك :)

[تحفه]

اوه .. توني انتبهت للخط الصغير لول >.<"

[روح القمر]

ام خدود.. شــوما علموكم قراءه خطوات الاعلان<<<متأثره بالاقتصاد
((يقولج لازم ماتهملين الكلمات ذات الخط الصغــير))<<<خخخ والله فاد فيني التعليم..:fa56:
ماوحالج تنســـين من سنتين ماخذتنه:laugh:

بس مارديتي عليه..:blush:

[روح القمر]

شـــــــيطونه ورديه: مرحبا بج اخـــتي... واكـــيد هالشيء يـــزعل الكل..
تسلمين ع المــــرور .. :)

[العجيبة]

بقــول نفــس الكــلام للطــرفيــن : ( أنـا ما بحاسبكـم بـس حطـوا في بـالكـم إنه بييكم يـوم واللـي أقوى مني ومنكم بيحاسبكـم )

عـاد مشكلتهـم تقبلـوا هالشـيء أو لااا ..

أنا مالي سلطـه على الاثنينــه .. أقـدر أفـر عليهـم نصايـح بس ما أقـدر ألزمهـم على شي ما يبـونه ..

ومـا بـودر ولا واحـد منهـم .. لأن هم مهما كان من الانس .. والانسان مب معصـوم من الخـطـأ ..

وأكيـد في نفــس الوقـت ما بتضــحــك لهـم وأصفـق لهـم ع اللـي سـووه !

اممم ليش ما طرحتـي السـؤال للجنسيــن بحيث انه لو واحـد اكتشـف ان ربيعه يكلم أخته ؟!

وشكـرا ..

[تحفه]

لمسة امل : انا خل احفظ ارقام بيتنا وتيلفوناتنا بعدين علموني احفظ دروسي لولز



الموهيم



بس صدق والله ..

يوم قريت ردود الي قالو انهم ما بيودرون ربيعاتهم ( جان لا سمح الله جي استوى وجي صار ) حسيت ان صدق يعني

ما ادري كيف اقولكم



بس لو انا لا سمح الله ( واصلا ما بيستوي لان اخواني صغار الحمدلله )

اتوقع اني بتغير وايد



واصلا الاخو لازم يخاف على اخته



لان اذا ربيعتها الي ( وايد وياها) عادي عندها اتسوي علاقه وي غريب ..

يعني اخته ما تعرف اتنقي ربيعات صح ولا لا ؟!



وهالشي خطر عليها



يعني هاي البنت الي خانت ثقة اهلها وقامت اترمس ..

مب بعيده انها اذا اضاربت وي حبيبها الي هو اخو ربيعتها ما بتضرها

( حرتاَ في الي صار اذا افترقوا )



ما ادري .. هاي وجهة نظري ..

ومن نايحتي .. انا ما اتقبل هالشي



ولو انا لا سمح الله انحطيت في هالموقف .. بواجع اخويه وبخليه يكره البنت لوووول

وبعد ما يهدها .. برد ارابعها وبحاول اصلحها و ارد لها عقلها



وسلامتكم !!

[روح القمر]

العجـــيبه:
صدقتي بيي اللي اقــوى منا كلنا وبيحاسبهم...

وليش ماطرحت هالسؤال للأولاد.. لان موقف الاولاد قــوي دايما..يعني اذا عرف ان اخته ترمس ابسط شي يبدفنها خخخخخ
اما البنت موقفها اضــعف.. يعني مالها سلطه ع حـــد..
عرفتي ليش ماطرحت السؤال عليهم؟؟

وتــــسلمين عــزيزتي ع المـــرور ..
:)

[روح القمر]

ام خـــدود:
صح لساااانج..اكيد لو البنت تظاربت ويا حبيبها وافترقوا اكيد بتنتقم بــأي طريقه ...وبتنسى شي اسمه (ربع)..

شكـــرا ع تعقيبج ومرورج .. :)

[تحفه]

العفو

[دموع قلم]

وعليـكم السـلام ورحمـة الله وبركـاته,,

مـــاهـــو مستحيــل أن صديـقتــي تتعـــرف علـى أخــوي وتـتكلمـه
ولا هــو مستحيــل أن أخــوي اللـي أنا واثـقـة منـه يكلـم صديـقتـي,
لأن كـل شـي فـي هـذا الزمـن جـائـز, والمستحيـل يصيــر


شـــو بيكـــون مـــوقفج اذا عـــرفتي ان اربيعتج تــرمس اخـــوج؟؟!!

في البـدايـة بسـأل الطـرفيـن, وش سـبب هـذه العـلاقـة اللـي بينـهم؟!! وكيـف صـارت؟!!
وبعـدهـا بكلـم صديقتـي أنهـا تتـرك أخـوي وبقنعهـا علـى أن اللـي اتسـويه مـا بينفـعها لا
في الـدنيـا ولا الآخـرة, وأظـن هـي بتقتنـع وبتفهمنـي لأنهـا صديقتـي, وأخـوي بنصـحه
وبكلمـه وإذا ما طـاع يـودرهـا بقلـه: لا تعصـب إذا عـرفـت إنـي أكلـم أخـوها أو غيــره !!

:mad: (http://oasis.bindubai.com/bin/misc.php?do=getsmilies&wysiwyg=1&forumid=0#)


أشكـركِ أختـي لمسـة أمـل على الموضوع البسيـط
وننتـظر كل جـديد من مشـاركـاتكِ, ربـي يـوفقـكِ

[روح القمر]

دمـــــوع قــــلم...

تـــصرفج هـــذا يدل ع اســلوبج الراقي فالتعـــامل والاقنــــاع:)
واول خطــوه هــي النصيحــــه..

شاكره لج مـــرورج عزيزتــــي

بالتوفيق.،.
:blush:

[دمعة شوق]

وعليــكم السـلام والرحمه
:fa56: :fa56:

الله حيبه والله
...

اذ دريت بربيعتيه انها ترمس أخويه
بصراحه بضربها لا لا ما بضربها ألا بكفخها
جي شو جدامها هبله وتستهبل علي ولا شوووه ..؟!!

لا تسويلي لا حشمه ولا شي
وتخسي أرابع هالاشكال .. ألأ يوم بتصطلب ذيج الحين يكون خير
...
أما أخوي العزيز

أول شي بهزبه وووو بنصحه واذ مافاد وياه
بكلم الشيبه .. وهو بيتصرف وياه
...

ومشكوره فديتج على الموضوع
...

مرحبـــــــــــــــــــــ ــــــ:blush: ـــــــــــــــــــــــــ ــــــابكم

[روح القمر]

دمعــــــه شوق:
جــان بتكفخينها..ازقريني اوكـــي...بندفنها ويــــاج ..خخخخخخ ...شــــرايج؟؟

يسلمو ع المشـــاركه

[دمعة شوق]

ككككككككككك
تستاهل علني فداج
مــره .. تـــــــــم ماطلبتي
أسمينا ألا بنطيح بها طيحه
مابعدها طيحه
...
ككككككك يستااااااااهلووووو
...
ويسلموووو

[الجنيه]

الصراحه عن نفسي أول شي بتقصى وبشوف شو الهدف من هالعلاقه هو صح الأثنين بيطيحون من عيني بس اذا كان أخويه قصده شريف بقوله يكلم ماماتي عشان تخطب له وأنا برشحها له بس اذا كان يلعب طبعا ما برضاها على ربيعتي وكلمة الحق تنقال الشاب ما يعيبه شي والبنت هي اللي تنلام اذا صار ما صار ....

أصلا أنا مطمنه من هالناحيه بس إذا صار ما صار بحاول أناقش الطرفين وأقنعهم بأنه اللي يسوونه غلط ما عيبتهم الرمسه يصطفلون ، خوفي على ربيعتي بيكون أكبر من أخوي أولاً أنا ما برابع أي وحده منه والدرب وكل ربيعاتي مرابعتنهم من عشر سنين وأكثر يعني عشرة عمر مب يوم أو يومين ومستحيل أتخلى عنها بهالسهوله بحاول أنصحها بالزين ما طاعت لي طرقي الخاصه وأخوي أبسط شي أقوله ترا ربك ما يضرب بعصا ومثل ما أتسوي ويا بنت الناس بترد عليك فينا ....
الله لا يقول أنحط في مثل هالموقف

ماأدري أحس وايد خورطت بس أتمنى وصلت المعلومه

تحيـــــــ الجناويه ــــــــــــاتي

[شمعة أمل]

ماعندي اخو ف مستحيل يستولي هالشي:d

[البراق]

مرحبا

الصراحه .. مره سمعة انه في بنات .. هن يعرفن اخوانهن على ربيعاتهن

ويكونن مراسيل للغرام .. يعني يودن وصور وهدايا ..... الخ
...........

هيه تذكرة .. مره زخيت اخوي الاصغر عني كان يرمس بنيه:blush:

قلتله ........ خلها تعرفني ولا بخبر عليك:woot:

.........................

أولا بكلم أخوي وبصارحه بإلي عرفته
واذا كان صج يبغاها ... ما بيرضى عليها


ثانيا: بكلم صديقتي وبعترف لها إنها أكيد طاحت من عيني

وبقطع علاقتنا

[رمال دبي]

السلام عليكم ورحمة الله وبركاته

ادخل في الموضوع من الباب البعيد ....:laugh:

في البدايه بنصدم صدمه قويه لأني مااتوقع في يوم من الايام اربيعتيه ترمس اخويه..لكن هالشئ مايمنع اني اواجهم .. فــ البدايه بواجه اربيعتيه وبقولها انا وثقت فيج وخليتج قريبه مني وفـ النهايه تخدعيني و تخونين ثقتي وترمسين اخويه وبسألها ليش سوت جيه؟؟وشو السبب اللي خلاها اتعرف على اخويه؟؟ .. وعقب بواجه اخوي وبقوله اني عرفت سالفته ويا اربيعتي وبسأله اذا كان يحبها صدق او انه يقص عليها وبقوله اذا كنت فعلاً اتحبها اتسير وتتقدملها واانا بقنع اميه و انت عليك تقنع الشيبه ومااظن اي منهم يرفضون انه يفرحون فيك اما اذا كنت تلعب عليها فــ شئ عادي عندك لو انه ربيعك يرمسني او يرمس وحده من خواتك لانه انت باللي قاعد اتسويه كنك اتقول عادي لو انه اختي رمست اربيعي وانت طحت من عيني انت مافكرت فينا نحن خواتك قبل لا تسوي هالشئ صحيح بعور قلبه بهالكلام بس هالكلام عشان ايحس ويتألم و يعرف كبر الغلطه اللي سواها ومايفكر يسويها مره ثانيه وبقوله اذكر انه بييلك يوم وبتشوف اللي انت سويته فـ خواتك اللي انت ماترضى عليهن(بسم الله علينا) بس ماعليك ترى الدنيا دواره وكما تدين تدان بقوله عيل انت تتحرى بنات الناس لعبه تخيل لو انا او اي وحده من خواتك بــ مكانها ترضى عليها بهالشئ و ترى الدنيا دواره وكل الي تسويه الحينه بيي يوم وبتشوفه يمكن فــ خواتك او فــ وحده من اهلك او حتى عيالك فــ المستقبل .. بس تذكر ان الايام تمشي ومن فوق في رب عالي وكل اللي سويته يجيلك يوم وتشوفه .. وبحذر اربيعتيه وبقولها انا اربيعتج و ابالج الخير عيل شو الفايده اني اوقف ضد اخوي الا انه قالي انه يلعب عليج و احسنلج يابنت الناس ابعدي عنه و اقطعي علاقتج به وبنصحها وبنصح اخوي لأن البنت اربيعتي والولد اخوي واثنينتهم غاليين علي وهم يهموني ومارضى عليهم

أما اني اقطع علاقتي بها فالشئ مستحيل اسويه .. لأن احينه البنت غلطت فما ينفع اني اقابل الغلط بالغلط .. ونحن بشر وكلنا انغلط لانا مب معصومين عن الغلط .. واذا فكرت اني اقطع علاقتي بربيعتي فبكون ظلمتها وظلمت نفسي لأنها بتخسرني وانا بخسرها وكل منا امرابعه الثانيه فتره وامبينا عشرة عمر وهالشئ مب سهل علينا .. وانا انسانه اسامح مره و1000 مره لأن اذا انا اسامح الشخص اكثير هو ابروحه بيخجل وبيستحي من عمره و مابيرد ايسوي هالاغلاط وبيحاسب عمره بدل المره الف و بنفس الوقت يفيدني لاني لو غلط عليه اكثر من مره بيذكر موافقي اوياه وبيرد بيسامحني .. فمااظن له داعي اني انهي علاقتي او اخسر عشرة عمر ..


:wacko: >>> هاي ماعندها غير قرقرقرقرقرقرقرقر ماتعبت .. حشا راديو اتبطل ولا اتبند ..شكلها لبنيه بتهون بتحط موضوع نقاش ابسبتيه ..(لاني لو رمست مابخلص فعشان جيه مااحب ادش مواضيع نقاش :vampire: )


تسلمين ختيه على الموضوع الجميل والرائع ..

واشكر فنج وذوقج لـــ طرحج مثل هــ الموضوع الرائع ..

لاتحرمينا من مشاركاتج الحلوووه..


السمووووووووووووحه على الطواله

[أليمه]

هلا الغاليه
أول شي علومج
الغلط يير غلط
واليوم مع خويج باجر مع غيره
أول شي علينا النصح ولو تمت على ماهي عليه
قوليلها مع السلامه لاتقولين بدور وياها وهب متأثره
الإنسان هب إنسان لو ماتأثر
في ملاييين كانوا قمه وفي لحظة ضعف إنهار كل شي
تعالي صح برمس بعد أخوي لإنه الدنيا دواره

والسموo0o0oوووo0o0oحه ع القصور

[ندى]

اولا:اسال ربيعتي عن مدة العلاقة,وهل هناك حبا متبادل واسال اخي هل يحبها او ان علاقته بها مرحلة عابرة ولو صارحني انه يحبها فعلا لن اتدخل ساترك الامر كما هو.وادا تبين لي انه يتلاعب بها سانصح صديقتي بالتخلي عنه فورا.
هو اخي اما هي صديقتي وارفض التخلي عن صديقتي لاي سبب من الاسباب