مشاهدة النسخة كاملة : مابغينا نفتك
الدلووووعة
28-05-05 ||, 02:22 PM
السلام عليكم ورحمة الله وبركاته
قولوووو مبرووووووووووووك خلصنا امتحانات مابغينا الحينه بنتفيج حق الواحات
يله وحليلهم اللي اللي بعدهم ماخلصووووو يله بيخلصون وانتو قوم ثالث ثنوي شدووالهمة
وكل واحد/ة يقولنا شو استوى فيه في قاعة الامتحان
والسموحة
روح القمر
28-05-05 ||, 02:42 PM
مــــــــــــــــــــــبر ووووووووووووووووووووك...
عـــــــــقبالنا ...:wacko: ...
يحــــــــــليلنا نحنا الادبي..3 أيام زياااااااده اهيء اهيء...
لو مب حاطلينا الاحيا والفيز والكيم..جان خلصنا وياكم...
المفـــروض يحطولكم جغرافيا وتاريخ واقتصاد " شووووفو الحسد" خخخخ
ولو يزيدولكم علم اجتماع زين بعد :woot:
يالله الله يهنـــــــيكم..
مبروووووووووك مره ثانيه... :)
بنت الدلع
28-05-05 ||, 04:26 PM
الحمدالله الحمدالله
والله اني احس براحه غير طبيعيه
مابغينا نخلص
والله عله
هالكورس ما استوى شي في قاعة الامتحان
بس في امتحان الجيولوجيا
كنت عطشانه وااايد
الله يبحصهم مايابولنا ماي
قلت بصبر شوي مافي فايده
جان ارمس الابله
قلت لها ابغي ماي
قالت انشالله
طلعت برع مادري رمست منو وردت
تريت ربع ساعه
عنبوووووووووو!!! وين الماي
رديت رمستها
بنت الدلع وهي طفرااانه : (((( ابله مابييــبون ماي ))))
بعدين رئفو بحالنا ويابولنا
مذله
بس قولي لي شو سويتي في امتحان الفيزياء
الله ياخذه كان سهل بس معقد
وغبي
المسائل كله بالجلب
الدلووووعة
28-05-05 ||, 05:17 PM
لمسة امل
شو ها الحسد لا إله الله حتى في منهجنا حاسدينا :sad:
صدق يوم قالو عنكم ادبي:fa44: امزح
الله لا يبلينا في الجغرافية والتاريخ عيل نحن ليش داخلين علمي
عسب نفتك من هيل وانتي تبينهم يزيدونها ماستوينا عللمي :fa36:
يله 3 ايام بغمظت عين بتعدي
وشدي حيلج
والسموحة
بنت الدلع
ههههههههههههههههه
امتحان الجيولوجيا عطشتي من حقج ترا من كثر الصخور واساميهن
وصدوع وغيره بس كان امتحانا الجيولوجيا حلو زين يوم انهم يابولج الماي
امتحان الفيزيا نحن كان صعب بس الحمدالله حليت عدل والابله قالت انه درجاتنا
حلوة اصلا الفيزيا من يومة يخربط وخاصة الوحدة الاخيرة تحسين القوانين متشابها
يله المهم خلصنا وحليتي وكان امتحانكم سهل العقدة في الاحياء وانا اختج هب في الفيزيا
والسموحة
روح القمر
28-05-05 ||, 06:49 PM
عـــــــاد اتصدقين بنات العلمي يخطفن عدالنا ويقـــهرونا !!!..
بس طبعا انا قطـــعتهم...لوووووولز...
الدلووووعة
28-05-05 ||, 07:10 PM
نحن اليوم شو سوينا في بنات الادبي
قهرناهم من الخاطر ويلسنا نرش عليهم ماي
خلهم يتادبون وحلينا يوم كنا في الايام العاديه انشوفهم دوم برع ونحن وحلينا في
الصف يالسين ناخذ درس وهم يون لنا يقصصون فينا
والحينه نحن ردينالهم الحركة
والسموحة
ابتسامة الروح
28-05-05 ||, 11:42 PM
مبرووووووك بس ادعولنا بالتوفيق:laugh:
انا باقي علي فيز و عرب و فيز:fa38:
وما بخلص اللا 4/6 :fa55:
الدلووووعة
29-05-05 ||, 10:10 AM
الله يوفقج ان شاء الله
بنت الدلع
29-05-05 ||, 12:22 PM
الدلوعه
دخيلج لاتتخبرين عن الاحياء
كله ولا رسمة القلب
الاورده ماتبين والارقام مادري كيف خاشينها
عاكسين الرسمه على كيفهم
ولا رسمة الكليه
غربلات بليسهم
اللي رقم واحد مسوينه 2
يحبوون يخربطون بنا
المهم خبريني
شو بتسوين في الاجازة؟؟
اكتبي كل شي حتى لو مابتسيرين مكان اكتبي
خلا نقهر بنات الادبي>>>>>>>>>>>> لعانه
الدلووووعة
29-05-05 ||, 01:25 PM
اخيع ويارسماتهم اللي تقهر
بعدني مافكرت شو بسوي في الاجازة
بنات الادبي الحينه تحصلينهم يدحون وحليلهم خلهم يتادبون
ولا حق و مسينهم ادبي عسب يادبونهم قبل كانو يتمصخرون على العلمي اونه متعقدين
على اخر عمرنا استوينا متعقدات هيل المتعقدات خصو قبلهم باقيلهم يومين وايد
وانتي شو بتسوين في الاجازة
أمواج
29-05-05 ||, 03:45 PM
حرااااااااااااااااااااااا اام لاتقهرووووونني انا بهلص الاسبوووع الياي اف عندي The Earth
الدلووووعة
29-05-05 ||, 04:58 PM
نحن مانقهركم بس نعبر عن فرحتنا وحليلنا
فركوشه
29-05-05 ||, 06:22 PM
وحليلكم
شو وحليلكم انا ما بخلص الا15 من شهر سته
وصدق هالرمسه ولا انه دوامنا حق السنه اليايه 27 من شهر ثمانيه؟؟؟؟؟؟
:shocked:
الدلووووعة
29-05-05 ||, 06:31 PM
تحملو شو نسوي بعد
انا ذاله اخواني ذل لني انا الوحيدة اللي مخلصة والباقين
بعدهم اللي بيخلص 15 /6 واللي يوم الثلاث يستاهلون
هزاايم
29-05-05 ||, 06:49 PM
واسمع الصفقه فووووووووووق حيووووووووووا بنات العلمي خشمكم والله تعجبوني
من حقنا نستانس خلصنا وافتكينا و لعوزنا المراقبين
خخخخخخخخخخخخخخ تبين تعرفين شو صار باللجان هيهيهيهي مشااااااااااكل بالمعنى... دامي أنا باللجنه...
الله يسلمكم نحن عايشين بالصحراء الكبرى حذال صحراء الربع الخالي المجابل صحاري (سوالف)الزبده المكيفااااااات قحط بس نسمع الصوت ولا نحس بالبروده عاد أنا واعوذ بالله من كلمة أنا موتي وحياتي المكيف ..قلت للمراقبه ما أروم أكتب عاد المدرسات يحبهم لي هالمواقف قالت ليش ما تعرفين (تتحراني ميييييييييح )قلت لو سمحتي لو شي مكان فاضي ورى قالت لي هيه قلت ممكن اقعد ورى قالت ليش و أنا ارد ما اعرف اكتب تعبير في الصحرى و لي حوليني تمن يضحكن عصبت قالت نحن نمتحن ما نلعب قلت لوسمحتي يعني والله ما اعرف دخلت علينا ابلة العربي شافت شكلي قالت قومي يا فلانيه و اقوم أنا ونبادل الأماكن و المراقبه مستغربه المدرسه يلستني ورى ...البنات سألوا عن أي شي موب واضح و اول ما طلعت اشوف شي واقف فوق راسي يقف حائل دون وصول الهواء العليل(التأثير)اشوف المراقبه جان ابتسم اشوفها تشل فايلي و تتطالع الدرج(الإخت تتحراني مبرشمه)عاد مني صج بخاطري اضحك اطالعتني و عطتني الفايل وقالت الله يوفقج يايه اسألها من خاطرج... إلا اشوف بنت حذالي تقولي إييييييييييييش قلت إنزين بس طلعت قرونهم هالمراقبات ما احب حد يوقف فوق راسي وأنا أحل خاصة رياضيات و فيزيا
وشي بلاوي الله يعين لو دروا الأهل
الجديدة
29-05-05 ||, 07:33 PM
السلام عليكم و رحمة الله و بركاته
مبروك على انتهاء الامتحانات و عقبال الشهادة انشاء الله
المهم فكروا شو راح تسووا في الصيف لأنه مهم عشان تحضرين أفكار حلوة للمنتدى
انشاء ترتاحون الحين من هم الكتب للسنة لقادمة
و السموحة
أختكم الجديدة
روح القمر
29-05-05 ||, 08:22 PM
جنكم الا تقـــرونها...
بعدين لاتقولولنا ذاكروا نحن ((خفايف))
مب مثلكم خخخخخ نخم الكتب...
واذا بتقهرونا ع هاليومين ..ترا نحنا باردين مبردين...
اسئله الامتحان توصلنا خخخخخخ:vampire:
نحل الامتحان ونحن مغمضيييين..وحاااطين ايدينا ع بطونا ونضحك لووولز:fa56:
الدلووووعة
29-05-05 ||, 11:47 PM
الله يوفقج اختيه ان شاء الله وتيبين نسبة حلوة
عاد منبا نتظارب على شي مايسوى
خنفروش
30-05-05 ||, 09:30 AM
إلهي يوفقكم و اتييبون اعلىالنسب و الدرجات
مبروك للجميع
عفاريتووو
30-05-05 ||, 10:12 AM
السلام عليكم
انا بعد خلصت
خلصت المدرسة خلااااص
مابروح المدرسة مرة ثانية فحياتي
خلصت ... يااااي شعوور ولا احلى :fa56:
انتو بعدكم وراكم سنة كاملة :laugh:
الدلووووعة
30-05-05 ||, 10:16 AM
تسلم اخويه خنفروش على المرور
والله يوفق الجميع ويوفقك ان شاء الله
والسموحة
عفاريتو
مبروك عيل يوم انج خلصتي
يله نحن السنه الياية صح بنكرف كراف
بس بنعدي وبعدين لاتنسين وراج الهم الاكبر
واللي هي الجامعة شدي حيلج فيها
والسموحة
روح القمر
30-05-05 ||, 11:01 AM
لا فـــديتج مانضارب...ياسين نســولف نحنا ..... :)
العجيبة
30-05-05 ||, 11:37 AM
وهايـــووو
كيفـــووو
اعلووومــووو
عساكم مرتاحينـووو
:woot:
اففف ما بنفتـــك الا يوم اشوف الشهـــاده
الحمــدلله ما صــدقنـا نخلـــص ..
بس صـراحه انحبــطــت يوم سمعــت الاشاعه اللي في المدرسه اونه ما شي علمي وادبي
بيكون اونه اربع مواد اساسيه ونختار مادتين علمي ومادتين ادبي ..
يعني الواحد يبا يشـــرد من بلا الادبي بعــد يلاحقنـا لييييش .. العربي وبلعناه غصب بعـد المادتين هذيل ليش
يا رب اشاااااعه ..
والله انا اقوووول لو كـل الامتحـــانـات رياضيـــات بنكـــون بمليون ألف خيـــر ..
وعادي مب مشكله شوية كيميا ومسائل فيزياء ورسومات الاحياء .. :vampire:
والله لو يسوون مثل اقتــراحــي بنطلــع الاوائل ع الدوله .. بس وين اللي يسمــع :fa36:
يالله هالصيـــف وايــد اشياء ابا اسويهــاا. . لو يطولونه شهـر بعـد ما عندي مانع
الدلووووعة
30-05-05 ||, 12:11 PM
اوه صح اليوم اول ثانووي خلصووووو
وحليييييييلج الله يعينكم على المواد العلمية مسائل فيزيا
ورياضيات ورموز الكميا احسن بوايد من مواد الادبي
وليش تبين طولين الاجازة انا توني من ثلاث ايام ومليت وانتي تبين يطولونها
والله انج طماعة
مخاوية الامل
30-05-05 ||, 07:03 PM
واااااااااااااااااااااااا اااااء لا تقهــروونـــــــــي ..
أنا بعــــــــــدني .. !! ..
يلا هانتــ كلهـــــــــا يوم واحـد باجـــي !!!!!!
وبفــرح ويــاكم عقــبها ..
موفقــــــــــــين إن شــاء الله ..
الدلووووعة
30-05-05 ||, 07:55 PM
وحليلج يامخاويه انتي بعدج
ههههههههههههه
الله يوفقج ان شاء الله
الــــوردة الحمــــرة
31-05-05 ||, 09:42 AM
الله يوفقكم وينجحكم ان شاء الله
:laugh:
كبيرة بعيوني
31-05-05 ||, 06:08 PM
والله انا راي من راي العجيبه
عقـب امتحان الرياضيات بروحه كـان يبالي نقاهه شهــر !!
اتخيلـوا 8 صفحــات .. وكلها تفكيـر ومسائل فيها أفكـار مب مباشره )'=
مع اني كنت متفائلة فيه لووول
انزين خل يولي لااااه .. عدى .. (=
وشـ سمه .. ملل الاجازة ولا ملل الـمدرسه فديت روح امج انا
الدلووووعة
31-05-05 ||, 06:41 PM
نحن تسع هب ثمان
صراحة انا يديني تكسرن من كثر الكتابة
والدق على الحسابة
والفيزيا بعد كانو تسع صفحات
ويبط الجبد
حب دبي
04-06-05 ||, 11:10 PM
مبروووك عالاجازة وعقبال ما نشوف النتايج اللي تبيض الويه ان شاء الله ...
بس والله تعبت وايد في امتحان الرياضيات تخيلوا 9 صفحات .. أنا وصلت الصفحة الخامسة وتعبت ... بس يالله عدى على خير
وحي القلم
05-06-05 ||, 01:28 PM
عليكم السلام و رحمة الله و بركاته
مشكوورة اختيه الدلوعة عالموضوع
العجيبة لا تزعلين..
أبلة الرياضيات قالتلي بانه السنة اليايه بتكون آخر سنة
يطبقون فيها نظام الأدبي و العلمي.. و عقبها بيدمجونهم..
يعني بتفتكين من التاريخ و الجغرافيا
اشتريلي اسكريم :laugh:
..
و السموحة
العجيبة
05-06-05 ||, 05:21 PM
بسسسسسس ايس كريم !!
يبـالــي أذبـحــج لج ذبيحـه والله
يسلمـــووو وحـي القلــم
شليتــي هــم من همـومــي ..
الدلووووعة
05-06-05 ||, 05:50 PM
حب دبي
مشكوره اختيه على المرور
وحي القلم
مشكورة اختيه على المرور
ها بشرو شو الشهادات اكيد يبتوهن
دمعة شوق
05-06-05 ||, 10:42 PM
الله حيه الله حيه
يامرحبا باللي يضاربووون
يااااه أفتكينا من 30 هب اليوم
خخخخخخخخخخخ
بس بس بس عاد الزيغه ماريحتنا
عنبوووه الشهايد الاسبوع اللي بيي
الله يعيناااا والله يستـر
...
ووووووووووان شاءالله كلكم ناجحين
وووعلامات ترفع الراس
...
بالتوفيج ونتريااااااااااااااا النتايج
...
أحزان الليل
05-06-05 ||, 10:51 PM
نحن الحمد لله أفتكينا
والله يعين الثانوية عامة أنشاء الله
ومشكورة دلوعة على الموضوع