الدنيا سوده...

[روح القمر]

نقابل ناس فحــياتنا..موجودين بقربنا...لكن مانحس فيهم..يمكن نحن اللي بعاد عنهم..
يحاولون يتقربون منا..اكثر واكثر..
لكن نعتبر هالشيء تطفل منهم!!..
ياما حاولوا يتقربون منا..لكن نحنا نبتعد اكثر مما احنا مبتعدين..
ويوم تلقى نفسك طايح فمشكله تتريا ربعك ايونك..تشوف الكل مشغول...إلا الشخص اللي دايما كنت تتهرب منه..تلقاه واقف وياك..يحاول يخفف عنك همــومك..وان شافك تصيح..يظحـكـك..وان خلاك تظحك يحاول ان هالظحكه ماتفارقك..
فجـــــــــــــأه..تكتشف انك داخل فـ عالم هالانسان..تعرف عنه كـــل شيء..
تخجل من نفسك..يوم تعرف انه يعرف كل شي عنك..وانت ماتعرف اي شي عنه!!
تكتشف شخصيته..
عنده اسلوب فالكلام..لكنه خجول..معاك انت بس..
يحاول انه يكون انسان مثالي يوم ايكون معاك..ومايهتم للغير..
ماخذ الدنيا ببساطه..وكل يظحك ويسولف..
انسان مرح..
بس الزين مايكمل حلاه!!
مثل ما انا لي همومي..هو له همومه..
مع ان هو من بلد ثاني..بس عايش ف بلادنا
ويحب بلادنا اكثر من بلاده..لان بلاده مافيها امان!!
صــــــديقتي..
كشفتلي ان اهلها ناس شكاكين.!!
عندها اخت...عوذ بالله منها
مع انها كبيره ومعرسه..بس تصرفاتها تصرفات يهال..
او ناس من العصر الحجري..
سوت شي من لاشيء!!
سوت مشكــله..
الكل وقف معاها لانها الكبيره..
كبرت السالفه..وهي صغيره!!
الكل شك..وشك..وشك..

النتيجه: العـــــــوده للوطن...عقابا!!

كلمتنـــــــــي وهي تقول..احس الدنيا كلها سوده!!..
وقبل لاتكمل كلامها..
سمعت صرخــــــــــــــــــــــ ــــــــه..
صرخه انسان " مجنون"...يصرخ فجأه
اختـــــــها!!..
الحمدلله انها ليست اختـــــــي.!!
..
بعد الصرخـــــه اللي هزت هدوئي وخلتني احس بظيجه..
سكرت السماعه..بسرعه..
اللي سمعته..باي..وصوت السماعه وهي تتسكر بـــقو..!!
***
ليش هالعقليه اللي عندهم!!...ليش الثقه معدومه!!
مع ان كل شي واضح..وضوح الشمس...
اذا الخوات جيه..شو نتريا من الغرب!!

حسيت بغصه..يوم قالتلي انها بتســـــــافر..
عقب ماتعودت عليها!!..
عقب ماحسيت انها تفهمني!!..
دايما كانت توقف وياي ..الحينه انا مااقدرأوقف وياها..

مثل ماقالت: الدنـــــــــــيا سوده..

..،،

عــــــذرا...ولكن لمن اشكـــو!!

[عنود الريف]

اختي الغاليه ..
الفراق صعب .. سواء الفراق لبلاد اخرى اي في الدنيا .. ام فراق لدار الآخره ( الموت )
ولكن الانسان يود ان يبقى الانسان المقرب بجانبه حتى ياخذ الله امانته .. لا ان ياخذها عبد من عباد الله .. ربما العبد ظالم .. وهي المظلومه ..
عزيزتي هناك الكثير من الاهل من قلوبهم قاسية .. ولا تلين لاقرب الناس لها ..
عندما تصبح "الدنيا سوده" انا اعتبره ابتلاء من الله .. ليس لتدبلها لهذا اللون ... ولكن للابتلاء نفسه ..
فان اختها الكبرى هي ابتلاء من الله ..
فلتصبر ولتحتسب عند الله الاجر .. ولتدعوا الله .. فاذا كانت مظلومه فليس بينها وبين الله حجاب ..
وان الله مع الصابرين ..
والسمووحه

[مخاوية الامل]

السلام عليكم ورحمة الله وبركاته ..
عزيزتــي ..
لمسـة أمل ..

يقولج إن سنـة الحيــاة ,,
إنج تفـارقين أعز ناسج ,,
سواء بإرادتج أو غصبن عنج ,,
دوام الحــال من المحــال ,,
يمكن في أشياء نحن مانقــدر عليهــا ,,
ولا نريدهــا تصيــر ,,
لكن .. لما يكــون هالشيء بإيـد القدر ,,
محد يمنعــه ,,
بيفارقنـا أعز ناسنــا ,,
هاي هي الدنيــا ,,
لا تنســينها ربيعتــج .. وخلي الذكــرى اتسليــج بغيــابهــا ..
وربج ..
محــد يدري ..
يمكن الله يجمعــكم مرة ثــانيــة ..

الله يردكم لشملكم إن شــاء الله ..

مخاوية الامل..