مشاهدة النسخة كاملة : فعـــلا ً شـــي يقــــهــــر
السلام عليكهم
شحالهم شخبارهم
عساهم مرتاحين
يلعني افداهم
***
اليوم .. يتني ربيعتيه في لفل 7 .. تقول ليه انه مدرستهم اليوم هب طبيعيه
قلت : عادي .. شو اليديد
قالت : لااا .. ملاكي المس اليوم ريحتها خاااايسه.. و يوم تمشي ما تمشي بتوازن
قلت : اوووبس لا يكوووووون !!!!
قالت : و فوق هاذا كل ما سألناها سؤال .. ردت بجواب ما يخصه في السؤال و ناسيه اوراقها
و كل ما قلنالها مس غلط .. مسكت راسها ( حركتها المعتاده ) و قالت o0oh my God :look:
قلت : لا اكييييييييييد هب لا يكووون !!!!!
قالت : هيه يا ملك .. المس سكرانه
ملك : ....:crazy:
هاي مب اول مرة .. دوم عليها حركات
الكورس الي طاف .. منعت بنات انهن يصلن
يعني كان في بريك 10 دقايق بين الكلاسات
يت وحده حامل تبا تصلي و عيزانه تروح المسيد لانه بعييد و لازم تنزل الدري
قالت ابا اصلي .. قالت لها لا .. احين بيبدا الكلاس
كان توه البريك بداي ...
قالت لها صلاتي ما بتاخذ الا 4 او 5 دقايق
احتشرت عليها .. البنت قفت و طنشت و صلت ..
ين بعدها بنات بيصلن .. يوم قالت لهن لااا :rock:
قالولها : لو سألنها ربنا بنقول انتي ما خليتينا
قالت : الله بيشكرني لاني ما خليتكن تصلن <<< يعني نحن الكفار و نحن نسوي شي غلط و منعتنا !!
تخلف
تخيلوا ثاني يوم يت متعورة .. كنه حد عاطنها بكس
اونه اندبغت عويها <<< تستاهل
تقهر
المشكله انا ما اقدر اشتكي
ما تدرسني
:fa36:
لو كانت تدرسني كنت بشتكي
اكيد بيفصلونها
:look:
بس ليش ما اييبون لنا مدرسين عرب
وايد عرب يعرفون انجليزي .. يرومون يدرسونا
عالاقل من ملتنا حتى لو هب عرب
بس ليش يخلونا مذله عندهم
شعور مقزز و مخزي
مستقوين علينا
صدق شي يقهر
***
و السموحه
ختكم
ملك
:sad:
خنفروش
25-05-05 ||, 11:12 AM
أنا أقول تشتكون عليها و تردون علينا خبر \ و تشتكون عليها عند اكثر عن مدرس و إداري \ يعني اتسوون لها فضيحه ابجلاجل \ و تختارون يوم اتكون فيه امزيده الجيله \ و السموحه
فطمطم
25-05-05 ||, 11:16 AM
لو هاي كانت تدرسني جان عطيتها كف على ويهها عشان اصحيها من سكرها
هههههههههههه
عنبوا حتى و هي ياية الجامعة تسكر
علة الاقل خلي الويسكي حق الويك اند
بو خنفش
انا قلت لبنات كلاسها يشتكن
انا الود ودي اشتكي
بس اخاف يحترق الويه
يقولون لي انتي شلج
!!!
فكرتك حلوة .. تسوي لها فضيحه بجلاجل
بتخبر البنات شو سون و بخبركم
اشكرك عالمرور
***
ملك
:blush:
روح القمر
25-05-05 ||, 11:25 AM
وعليكم السلام ورحمه الله وبركاته...
الا شــــي يقهر وبس..
لازم توقفونا عند حدهـــــــا...بأي طريقه..
الله يعين اللي ادرسهــــــم...
فطمطم
25-05-05 ||, 11:29 AM
لو أنا منهم بخبر عليها كل اللي في
الجامعة اللي يدرس بضمير و باخلاص ما يدخل لعى بناته اللي يدرسهم في هالحالة
و الله العظيم تقهر
طيب القلب
25-05-05 ||, 11:40 AM
موضوع جميل بس مالي عودة (مثل بعض الناس) :fa56:
ذنـيـنـي
25-05-05 ||, 12:27 PM
اذا كان مدرس او مدرسة مب مشكلة امرهم هيّن
شو رايج اذا قلتلج انه اخوي العود بعينه شايف السوبر فايزر سكران الي المفروض يكون قدور لغيره :wacko:
طبعا هالكلام مب هالايام, يمكن من 5 - 6 سنين
و المشكلة انه يوم قالوله شو فيك اليوم, قال ما فيني شي بس البارحة كان عندا حفلة و شوي شربت
خخخخخخخخخخخخخخخ
ما شاء الله عليه مشرفهم انسان صريح
----------------
المفروض المشرف (السوبر فايزر) يكون له تصرف مع هذه المدرسة
لأنه شغلته هي الاشراف على المدرسين قبل اشرافه على الطلاب
الله يعينا على الاستهتار الي صاير في جامعاتنا و كلياتنا
المشكلة اني ما ابغي اطلع عن الموضوع :fa36:
ولا كنت بطلع بلاويهم :fa55:
و السموحة منكم
:fa54:
الغاليه
25-05-05 ||, 12:56 PM
وعليج السلام والرحمه اختي ملك ...
عليكم انكم ترفعوون شكوى على هالمس .. واتحاولوون اتوصلون شكواكم للمسؤولين
.. نحن كان عندنا دكتور نفس الشي مستخف ..
كان ايقوول ,, لعاب الكلب اطهر من لعاب الانسان .. واني ارقد ويا كلب احسن من اني ارقد ويا انسان
ويقووول بعد اونه اشربوا الخمر لانه يصفي جسم الانسان من الشوائب .. ودومه ينشر افكاره
اللي هي ضد دينا وثقافتنا وعاداتنا ..
وكان دوومه ايسوي حركات لدكتورتنا الثانيه ,, ربيعته ,, ويسويلها اهداءات جدام الطالبات ومادري شوو
ويوم بنت حلوة تحدر الكلاس ايقووول واااااااااااااااااااااااا ااااااااااااااااااو :crazy: كم انت جميله !!
ووايد حركات ...
المهم اشتكينا عليه .. ومامر اسبوع الا هو وربيعته مفصولين من الجامعه ..
فلا تستهينون بالشكاوي اللي تعرفوون لمنو اتوصلونهاا ..
واجمل تحياتي لج يا ملك :fa35:
رحت شفتها <<< ابووك ياللقافه
ما قدرت الا اشوفها .. كانت تشرب كوفي
هب صاحيه
قالن البنات اللي كانت تدرسهن انها
ترمس فرنسي و اسباني
و تقرا ورقه بيضه
و عقمها مفتوحه البنات قالن لها تسكرة
:rock:
لي عوده
عقب الكلاس و برد عليكم
:blush:
الحساس
25-05-05 ||, 01:23 PM
ويوم بنت حلوة تحدر الكلاس ايقووول واااااااااااااااااااااااا ااااااااااااااااااو :crazy: كم انت جميله !!
حــــلوة منج...
الصراحه استانست على هالجمله... (كم انت جميله) ، ترجمتيها صح بالعربي الفصحى :laugh:
تحفه
25-05-05 ||, 01:44 PM
سامعه عنها !!
هاي الي طاحت المكتبه عليها و علمّت ع ويها صوب عيونها
بصراحه بخبرج شي ..
الغلط مب منهم .. الغلط من الي نقاهم وشغلهم عندنا !!
والله احيانا .. اتشوفين اساتذه ولا مسات .. تنصدمين من ماضيهم وهني معينين مدرسين في جامعه!!
واحد من اساتذتنا ( جامعة زايد - دبي ) يدرس اعلام من قوم كندي .. كانو ساجنينه لانه جاتل واحد بالغلط و حد يقول انهم سجنوه لانه كان يشتغل اعلامي و عنده سوالف سياسيه
وهني لو الواحد جتل بالغلط .. ما اعتقد انه حتا بيفكر يشتغل في جامعه !!
ما يعطونهم فرصه
واستاذ ثاني .. كان حفار قبور ..
واستاذ ثاني كان راعي هوش في استراليا
ووحده كانت ادرسني ماث وهي مساقها ما يخصه في الماث .. اتصدقون انّا نحن نشرح لها مرات !! .. لا ومرات اتوقف الكلاس لانها ما تعرف كيف الحل !! وبتروح تسال المدرسين وبترد علينا خبر !!؟؟
والله اللوم مب عليهم .. على الي يوظفهم !!؟؟
بو خنفش
البنات صورنها بالفيديو اللي بتليفوناتهن و بيروحن يوم السبت
فطمطم
اعصابج الغلا .. :fa56:
لمسة امل
اشكرج عالمرور ..
طيب القلب
:laugh:
نصور ..
اشكرك عالمرور ..
الغاليه
قويه .. و يستاهلون .. :rock:
ان شاء الله بيقدمون شكوى .. :fa36:
ام خدود
هيييه هي هاذي ..
لانها وقفت قدام البنات و هن يصلن :fa56: تستااهل
اممممممم بس يقولون انه لها خبرة كبيرة في الجامعه
و متمسكين فيها وايد :rock:
و البنات يخافن انها ترسبهن !!
و تقول انها زعلانه و حالتها النفسيه ارف
لنه قطوتها ماتت <<<< من جيه سكراانه يا حرام تبا تنسى
:fa36:
ملانـة
25-05-05 ||, 06:15 PM
و عليكم السلام و رحمة الله و بركاته...
الله يعينكم الصراحة... زين انكم بتشتكون عليها...
و ع طاري الصلاة... ترا عادي... ما يخصه في عرب والا أجانب... شي عرب و ربي ألعن من الأجانب...
كان يدرسني استاذ فلسطيني (و مسلم) و ما كان يخلينا نصلي.. أونه الدراسة تراها عبادة بعد و أنا بعد ما أصلي يوم عندي حصص..!!!
الله يستر ..!!! باجر عادي اييكم مدرس محشش بعد خخخخخ
أختج
مــلانـــة
:fa48:
العجيبة
25-05-05 ||, 07:44 PM
صـدقهــا أم خـدود .. الغلط من اللي نقاهم واختارهم يكـونـون مدرسين للطلبـة ..
يعتمــدون على الخبـرات والشهادات والمؤهلات بعيـد كـل البعـد عن الأخلاق أو بدون تحذيـر من نشر معتقداتهم
المفروض يدرس أو تدرس ويتيسرون في دروبهم .. مالهم خص في الطلبة اذا بيصلون أو شو ما يسوون
يعنـي رقابة ما شي .. ولو شي رقابة بتكـون الا من طينتهم ..
الله يعينكم .. والله لو أنا حد يدرسني جيه ما أخليه يتهنى بجـو الامـارات ولا يتنفس هواها
تسفيــــر بـأمــر منــي > خخخ مصدقه عمري انا <
واشتكــــوا عنــد الكــل .. لا تسكتون ..
وبـس
كبيرة بعيوني
25-05-05 ||, 11:28 PM
قفــعه .. هاي شو هاي !
انزين حشمــي غيرج يوم انج فـ بلادهم
لو انا منج لا بشتكي عند الادراه ولا غيره
عـ طول بتصل فـ وزارة التربية ولو عندج الجرأة
تقــدرين تطلبين الشيخ نهيان بن مبارك .. وتشتكين عليها عنده > مجربينها
تعرفين .. اعتقد سمعتـي عن المديرة اللي فـ مدرسة خاصة
وقفت البنية فـ الشمس لين اغمى عليها عشان اونه اهلها مادفعوا اللي عليهم
تعرفين .. هو بـروحه [ الشيخ نهيان] .. يحقق وياها ..
فـ جربي انتي .. وما بيردج ان شالله
لانه فـعلا مثل ما قلتي [ شـي يقهر ]
والسمـوحة بس انفعلت طشونه .. ههه
خسووفه
26-05-05 ||, 12:51 AM
في أي جامعه هاي
مخاوية الامل
26-05-05 ||, 12:08 PM
الله يقــرفها إن شــاء الله ..
وين تبــى هاي .. وين تتحسب عمــرها ..
عنز الحمدلله والشكــر . .اللهم لا شماته ..
اففف لو. أنا منج والله لشتكي .. شو يعني مادرسني .. ادرس ربعي تراها !
أخ عليهااا....................
أمواج
27-05-05 ||, 04:26 PM
لا تسكتون ........اشتكــــو
فركوشه
27-05-05 ||, 09:59 PM
الله يخليج نحن استاذنا كان جرسون
ومعاشه بجيب مرته هب رياااااااااال الخايس!
والله يخسه لسانه طويل
:fa44:
قالي جب مرتين!!!
:fa54:
ولا وحده عيني عينك قالها you are silly rubbish
:shocked:
والله حقير
ولامستنا العيوز قاعده تهددنا بال بي دي ايه جنه مال ابوهاالخايسه
ومن سنتين تقريبا الكليه مسويه رحله حق استراليا وسايرين البنات ويا المس ويقول انه المس كله فالحفلات والسهر واتيي حق البنات وهي سكرانه واول ماردوا اشتكن البنات وفصلوها من الكليه.
تحفه
28-05-05 ||, 01:59 PM
تؤتؤتؤتؤ ..
ألله يهديهم !
وعلى فكره هاي لازم تنفصل ! < الي يسمع يقول افمجلس الطلبه المهم
والله صدق ايقولون لكم هاي من العام وهاي حركاتها يعني مب بس لان قطوتا ميته ..
العام كانت اتقول حق البنات انها ترقد وي 14 واحد في اليوم و ان المسلمين اغبياء لانهم ما يشربون الخمر .. يعني العام بعد كانت فيها حاله لانه قطوتها ماتت ؟!!!
لا ما اعتقد ..
تتعلث بالسبب ..
الحمدلله على نعمة الاسلام
الحمدلله والشكر
كبيرة بعيوني
29-05-05 ||, 12:47 AM
قفعـه ام خدود 14 !!!!
شو خلـت حق شلتها ؟
عافان الله ..