مشاهدة النسخة كاملة : العـــرسيــــة
ولد الحكومة
23-05-05 ||, 08:01 PM
السلام عليكم ورحمة الله وبركاااته
الشيف ولد الحكومة يقدم لكم اليوم اكلة الشعبيه باسم " العرسيه " :fa37:
احم احم :woot:
المقادير: :fa37:
أرز
دجاج مخلي ومقطع قطع صغيرة
ملح
ماء
الطريقة: :fa37:
يسلق الدجاج.
يغلى الماء.
يسلق الأرز والدجاج المسلوق مع مرقة الدجاج إلى الماء المغلى، ثم يضاف القليل من الملح.
يترك الأزر مع الدجاج على النار حتى يصبح الأرز قابلاً للهرس.
يضرب الأرز مع الدجاج حتى يهرس الأرز ويتماسك جيداً مع الدجاج.
يضاف قليل من السمن البلدي على العرسية في طبق التقديم.
بالهناء والشفاء :fa37:
ولد حكومتكم :blush:
الجنيه
23-05-05 ||, 08:50 PM
سلامي عليك ياولد حكومتنا الصراحه طباخ نمبر ون
يعني ما بغيت أتحط مقادير العرسيةالا يوم أنا يوعانه :fa44: :fa37:
ماشاء الله عندنا مواهب في الطبخ وأنا ما أدري ؟؟!!! شي جميييييييييييييل
أسميها اللي بتاخذك بتستانس هههه ... (أسلولف مب الا تشتط وتقلب الجدر ترانا يواعه )
يسلمو دياتك شيف ... وصحتين عقلبكون
تحياتي الجناويه
واااو
احب العرسيه
بعد لو تحط شوية كموون يطلع الذ و الذ
يعطيك العافيه اخويه
اختك
ملك
:blush:
طير الغرام
24-05-05 ||, 12:06 AM
http://oasis.bindubai.com/download/6eer/nnnn1.gif
أمووت ع العرسيه بس مب هاي
اللي اتسويها أمايه :fa37:
>> طريقتنا غير بدون العيش
تسلم أخويه ع المقادير والطريقه
وماقصرت
ربي يوفقك إن شاءالله
http://oasis.bindubai.com/download/6eer/6eerline.gif
ولد الحكومة
24-05-05 ||, 04:16 PM
مـــرحبــــــــــــــــــ ــا الــســـــــاع
اشحالكــــــــــــــــم ان شـــــاء الله طيبين .... واعلومكم :woot:
........................................
الجنيه
لا افا عليج . . . بس وين الحرمه ؟؟؟ يزاج الله خير جان بتحصليلي على عروووس :fa46:
تسلمين على الرد ويعطيج العافيه ولج مني احلى تحيه .
ملك
الله يعافيج اختي ، وصدقتي اتحطين عليها اشويه كمون . . . وعقب اضربي بالخمس :fa56:
طير الغرام
:shocked: يايرت لو تخبرينا كيف طريقتكم . . . انتوا يالبدو بعد عندكم طريقه غير عنا :laugh:
اشكركم على تواصلكم مع الموضوع ويعطيكم العافيه .
ولد حكومتكم :blush:
نور السنا
27-05-05 ||, 02:05 PM
يعطيك العافية الغالي ولد الحكومة...
اقول لك بتسبقني بالطباخ ما صدقتني...
الحساس
29-05-05 ||, 03:55 PM
مشكور يا ولد حكومتنا .. الله يكثر من امثالك.. متى ان شاءالله العزيمه الي ناويه تعزمنا فيها على العرسيه وغرشه ديو ولعب البليستيشن؟؟؟
انا فاضي هاليومين... ها امر اخطف عليكم؟؟؟
احب العرسيه .. بس صار لي 7 سنوات ماذقتها.. ولا اعرف اسويها اظن تاخذ وقت!! يالله ياينكم قريب ان شاءالله
تحياتي
نور السنا
31-05-05 ||, 05:07 PM
مع اني ماعرف شو العرسية بس بسويلك الحساس,, شو رايك؟؟
حلم الطفوله
31-05-05 ||, 08:17 PM
ومن ما يحب العرسيه:fa37:
بصراحه نعنعشت واحة الطبخ بأكلاتك اللذيذه
أكيد أمها داعتلها إلي بتاخذك ....وتسلم على الأكله:laugh:
الحساس
31-05-05 ||, 11:59 PM
نور السنا ماتعرفين شو العرسيه وتبين تسوينها لي؟ ليش ناويه تكرهيني فيها ;)
مشكورة انا باكل من شي تعرفينه اما العرسيه باكله من يدين الاهل..
العرسه تشبه الهريس بس العرسيه لونها ابيض.. وتتكون من الدياي.. والعيش. .
نور السنا
01-06-05 ||, 02:34 PM
خخخخخخخخخخخخخخخ يحليلك بس.. خلني بس اتعلمها و اسويلك احلى من عرسية الأهل....
و مب مشكلة تراها,, ترا حلو يوم الواحد يتعلم شي يديد...
طير الغرام
04-06-05 ||, 09:14 AM
http://oasis.bindubai.com/download/6eer/6eerline.gif
امممم أنا ما أعرفها بالظبط أمايه قالتلي شرات اللي انتوا اتسوونها
بس احنا انحط فيها طحين .. أذكر مره بنات ف السكن يابولي عرسيه
استغربت يوم جفتها بالعيش :fa46: >> وعقبها بثلاث أسابيع تقريباً
سوتها خالتيه .. المهم هالقصه كلها ما منها فايده :fa46:
أنا صورت العرسيه براويك شكلها
http://upload.bindubai.com/download/6eir_aam/3rseyah.jpg
يمكن التصوير مب واضح لنه من تيلفون
والدهن فيه اشويه >> لني كنت حاطتنها في مله واموديتنها السكن
وكيف انجب مادري :woot: وها اللي بقى بعد ماوزعت ع الربع :fa37:
والسموووحه
http://oasis.bindubai.com/download/6eer/6eerline.gif
خنفروش
04-06-05 ||, 08:32 PM
حسبي الله على ابليسك ولد الحكومه (( شهيتني فالعرسيه )) احيد مرة كلتها في السعودية (( في الرياض - حي السويدي )) لما كنا سايرين الدورة العلمية الصراحه كان طعمها لذيذ بدرجة كبيرة (( ما ادري اليوع والا الواحد كان مفجوع - على قولة المصريين )) بس شيء شيء \ تعال ولد الحكومه يقولون ان العرسيه أكلة الشواب (( الي مافيهم اضروس \ و أكلة اليهال لان بعد مافيهم اضروس )) انا قلت يقولون ما ادري هالمعلومه صح و إلا - بس بيني وبينك انا امووووووت عليها \ و فرمضان غير العرروت - الفرني و العرسيه ما آكل \ تسلم ايدينك يا قمري
الدلووووعة
05-06-05 ||, 02:50 PM
انا ماحبها امي تسويها حق اختيه الصغيرة واخواني ياكلونها
بس انا ماحبها
تسلم اخويه على الاكله
ولد الحكومة
05-06-05 ||, 10:38 PM
مـــرحبــــــــــــــــــ ــا الــســـــــاع
اشحالكــــــــــــــــم ان شـــــاء الله طيبين .... واعلومكم :woot:
نور السنا
لا مستحيل . . . ان استاذه وانا الصراحه ما اقدر عليج :fa56:
مشكورة اختي عالرد وعالمشاركه الطيبه منج
الحساس
افا عليك . . . خلاص تم . . . واصدق الوالد اتسوي هايج العرسيه السنعه الي تاكل اصبوعك وراهاااا. :fa37: خلاص عطني عنوان بيتكم وانا ايبلك اياها ؟ ؟ ؟ كم حساس عدنا :blush: فديت خشمك.
تسلم اخوي عالرد وعالمشاركه الطيبه منك.
نور السنا
هاي اكله مشهورة عدنا في الامارات وهي عبارة عن رز مع دجاج او اللحم . نفس طريقة الهريس بالضبط. ماشيء فرق امبينهم.
طير الغرام
العرسيه تشبه الهريس . . . وهي تتكون من رز + دجاج أو اللحم.
الصراحه يوعتيناااا . . . :fa37:
تسلمين عالصورة . . .وعلى المشاركه الطيبه منج.
خنفروش
:fa56: هي الشواب وايد يحبونهاااا . . . . وانا بعد شراتك اموووت فيهااا .
تسلم اخوي عالمشاركه الطيبه منك.
الدلووووعة
افا ليش . . . طعمها وايد حلو :fa37: جربيها ما راح تخسرين شيء.
مشكورة عالر د.
والسموحه
اخوكم / ولد الحكومة :blush:
وحي القلم
05-06-05 ||, 11:10 PM
عليكم السلام و رحمة الله و بركاته
مشكوور اخويه ولد الحكومة عالموضوع و الطبق الحلو :fa37:
خنفروش.. هل السعودية طريقتهم غير عن العرسيه الى نحنى انسويها اهنيه
لانهم ايحطون فيها حليب و هال .. ظني
و ايسمونها سليق مب عرسيه
هاللى أعرفه :fa46:
..
خنفروش
06-06-05 ||, 03:33 PM
هيه يالحلم اذكر ان شكلها و طعمها كان غير بس كانت لذيذه حتى انا قلت حق الشباب الي ويانا و كانوا من بوظبي شو هالاكله قالوا لي شي جيه مثل الي ذكرتيه بس ما اذكره لان السالفه صارت في 94 و اكتشفنا انها تشبه العرسيه - العرسيه بالطريقة السعوديه - ماادري شو مكوناتها الاساسيه - بس كان فيها من عرسيتنا - سليق يم يم عرسيه يم يم يم يم يم يم يم يم يم يم \ شكرا يالوحي عالتوضيح ما نستغني
أمواج
07-06-05 ||, 11:55 PM
يمي يمي
احب العرسيه