كشري يخبل...

[نور السنا]

اليوم... بسوي كششششري يديد... :fa56:

و يخبببببببببببببل... يخليكم جيه <<<<:wacko:

انشالله يعيبكم.... بخليكم مع الوصفة...


المقادير:

كوب رز بسمتي حبه طويله + 2 كوب عدس اسود ( مجدره ) + 1 كوب شعريه

+ 1 كوب مكرونه صغيره معكوفه + 1 كوب مكرونه بشكل اعواد صغيره او اي

شكل ثاني

4 حبات بصل ابيض + 4 فص ثوم + فلفل اخضر حار الكميه حسب الرغبه وكلما

كان حار الطعم بيكون ألذ

ملح - فلفل ابيض - كمون - كركم او صبغه الزعغران

بهارات صحيحه ( دارسين + هيل + مسمار )


الطريقه :-

1- يغسل الرز وينقع ربع ساعه ثم يسلق في ماء مغلي مع الدارسين والهيل

والمسمار والفلفل الاخضر الحار ..نص سلق ثم يوضع بالمشخال ويرش بماء بارد

2 - يغسل العدس وينقع بماء دافي ربع ساعه ثم يسلق بماء مغلي مضاف له

ملح + كركم ثم يصفى ويرش بماء بارد

3 - يسلق كل نوع من المكرونه على حده مع ماء + ملح نص سلق ثم يصفى

ويرش بماء بارد

الله يعينكم على غسيل كل هالمواعين بعد ما تخلصون واذا عندكم بشكارة الله يعينها !!


4 - عندما يبرد الجميع اخلطوهم مع بعض في مشخال كبير ..

5 - قطعو البصل شرائح واقلوهم بالزيت الغزير حتى يصير اللون بني وبعدين رفعوه

من الزيت واخلطو معاه ثوم مقطع شرائح + ملح + بها رابيض +كمون ويقلب

ناخذ نص الكميه للزينه فوق الكشري او تخلوهم على جنب ..

ونص الكميه اخلطوها مع العدس ..

6 - في القدر نحط بالقاع شويه من خلطه العدس ثم خلطه الرز والمكرونه

ونكرر العمليه حتى يخلص المقدار .. بعدين اخلطو الكل بالملاس وخلوه على نار

هادئه حتى يتسكر ربع ساعه بعدين حطو قطع زبده على الوجه .

عند التقديم حطو شرائح البصل على الوجه او لوحدهم ..


و بسسسسسسس,,, تاكلونه بالعاااافية انشالله يا ربييي...:fa37:

[أحلى منصوري]

أنا يوم أروح بوظبــي وأمــر على الكورنيــش لازم آكــل كشــري :fa56:

تسلميــن اختيــه ,, بس ويــن الصــور المغريــه :fa44:

موفقــة

أخــوكم
المنصوري

[أمرين]

تسلمين الغلااا

صدق اغراء
ومثل ما قال أخوي المنصوري مب ناقص إلا تحطين الصور المغرية


المحبة:
أمــــــــــــــــريـــــ ــــــــــــــن

[نور السنا]

http://upload.bindubai.com/download/noor_elsana/kushari.JPG




شو رايكم في الاغراء......؟؟؟؟؟؟؟!!!!:fa56:



خخخخخخخخخخخ,, يلا تشهو احينه على كيفكم....:fa37:

[طير الغرام]

http://oasis.bindubai.com/download/6eer/nnnn1.gif

طبّيخه ماشاءالله عليـــــج
أكلاتج كلها حلـــــــوه
ربــــي يوفقـــــج
إن شاءالله
:laugh:

http://oasis.bindubai.com/download/6eer/6eerline.gif

[عاشقة دبي]

يبالناااااااااا نجربه ..... ههههههههه
تسلمين اختي ..
نتريا يديدج

[ولد الحكومة]

:woot: تسلمين الغاليه عالوصفه الحلوة.

:fa37: يم يم يم كشري .

[انامل]

وعليكم السلام جميعا:fa37:
نور تعذيب جدا لذيذ

امممم يا ويل حالي عليج
هذا كشري خليجي يا قمر
دارسين وبهار وحاله :fa56: :fa37: تدرين كل بيت له لمسات كشريه اقصد مطبخيه
بس ما خبرتي الجماعه كيف تسوون الصلصه

اكيد الكل يعرفها لانه ما يستوي كشري بدون صلصه

الجديد يا الغلا بقول لج اياه
انا تعلمته من زميله مصريه
الكل يعرف الكشري لازم يباله صلصله تنحط فوقه مع شرحات البصل المقليه المقرمشه التى تعطي نكهه تجنن على صحن الكشري
وان جربتي تحطين شويه بقدونس مفروم وناعم على الوجه
بيقولون هلج
يا سلام على بنتنا
ست بين نمبر ون

المهم يا نور
الجديد شي اسمه الدأه
هيه هو هاه
كيف يسووونه بسيط
وحسب الرغبه
بس جربيه بيعجبج
الله بيسلمج
قرن او اثنين من الفلفل الاخضر
مثل ها اللي راقد على وجه صحن الكشري اللي بالصوره
وفص او اثنين ثوم
دقيهم زين
وبعدين
هاتي حبة طماطه
تكون مب مستويه وايد يعني هب لينه
قطعيها مربعات مرتبه وصغيره شرات التبوله
وحطيهم صوب
هاتي مله حلوه
حطي الثوم والفلفل المدقوق
وحطي علي خل ابيض ملعقتين
وشويه ماي
خلطيهم زين
وحطي عليهم الطماط المفروم
يوم بتغرفين الكشري بصحون
حطيه على جنب
اللي يحب يرش فوق صحنه
والله لذيذ ويعطي نكهه اممم:fa37: بالهنا ياقمر
ومشكوره على وصفاتج
تسلم يمناج

كل الود
انامـــــــــــــــــــــ ـــــل

[خنفروش]

نور السنا الصراحه ييتي عالعوق \ انا امووووت فالكشري \ لو بيدي جان اتريق و اتغدى و اتعشى كشري \ بس المعده - الكرشه في مصطلح آخر - و ين بتوبّـل خخخخخخخ

[نور السنا]

طير الغرام... والله يا قلبي ما اسبقج في الفن, تتسلمين لي..

عاشقة دبي و ولد الحكومة... تسلمون على مروركم و ردودكم و الله لا يحرمني من طلتكم...

انامل... هاذي لمساتي و الصلصة كلل من يعرفها.. تسلمين ملايين على الوصفة الفنانة, و يلا شدي حيج معاي في الواحة, تراها تتشرف باللي مثلج....

خنفروش... هههههههههههه بللل, كل الوجبات كشري بتلوع جبدك... تسلم على مرورك و ردك الحلو...

[حلم الطفوله]

شهيتيني بهالكشري...:fa37:

كيفج عاد طرشيلي كشري من البحرين مع ملة حلوى:laugh:

يعطيج العافيه وتسلم إيدج على الوصفه

[شماسي]

أمووت في شي اسمه كششري .. :fa37:

تسلمين الغلالا .. :fa46:

شماسي .. :fa35:

[نور السنا]

حلم الطفولة.... خخخخخخخخ ولا يهمج من عيوني, بس ترا قانوني انتي تييني البحرين و اسويلج غدا والا عشا.. يلا حياج...

شماسي.... والله الواحات كلها اجبمعت انها تحب الكشري,, بس خلاص تعالو البحرين و بزيد من الكشري...

[أحلى منصوري]

وليش ما اترديــن عليـــه :sad:

..

[نور السنا]

أحلى منصوري؟؟؟ حرام عليك.. حاطة السورة بس عشانك و تقول ما رديت عليك؟؟؟

انت الخير و البركة و ما يستحي الي ما يرد عليك... تسسسسسسلم الغالي و كلك ذوق على مرورك و السموحه على التقصير...

[الشحية]

يسلموووووووووو نور السنا ..
كشخة ..
اليوم بندخل المطبخ .. يا سلااااااااااااااااااااااا ااااااااااااام :) ..

[نور السنا]

تسلمين الغالية...

يلا اشوف شدي حيلج يا شيف شحية...