مشاهدة النسخة كاملة : أخيييج عليهم!!!
فركوشه
15-05-05 ||, 02:08 PM
السلام عليكم
ليش جي؟
احيد الدوله فيها تطور؟
اللمهم
ابا اطلع كل اللي فخاطري الحين
احيد النظافه من الايمان
من كمن يوم دشيت مستشفى الراشديه لطب الاسنان وياريتني ما دشيت
الكراسي كلها خربانه اللي مكسوره واللي وصخه
والليتات اعوذ بالله معفنه من داخل اصراحه اول مرة اشوف ليتات تعفن!
لا والبوسترات اللي حاطينها نظف اسنانك كل يوم انتو نظفوا المستشفى عقب قولوا نظفوا اسنانكم.
وبعدها بكمن اسبوع سرت مستشفى الكويتي والصراحه ما كان يفرق عن الراشديه يعني نفس الشي بس شو كراسيهم مليانه زواع !!
قلت ما يخالف انا يايه اتعالج لما دشيت عالدكتوره وقلتلها شو فيني ما قالت شي و كتبتلي الدوا وطلعت وتميت اسبوع مريضه قلت لا لازم اسير الحوادث اللي فمستشفى خليفه.
مفاجأه حلوه
لما سرت الحوادث دشيت عالدكتوره وكنت تعبانه حيل وشرحتلها كلي اللي صار قالتلي نحن ما نروم نسويلج شي كان لازم تسيرين الكويتي ويسوولج تحليل لدمج ونحن ما نعالج الا الحالات الطارئه جان اقولها هيه تقصدين اللي يموتون !!
واتضاربت وياها وطلعت بس ما خلوني لانه الشيخ خليفه كان موجود جان ايي الدكتور عبد الكريم وسألني عن حالتي وسوالي تحليل وحططت لي السستر مغذي
شو هالاستهتار
من شهر تقريبا يدي طلعله شي لونه اسود فصبع ريله جان يسير الكويتي ولفوه وقالوله تعال عقب يومين بنغيرلك اللف وفنفس اليوم فليل طلع من صبعه دم جان نقوله سير الكويتي وقوللهم ليش طلع الدم لما سارلهم وبطلوله اللف زاغوا وقالوله سير حوادث خليفه بسرعه ولما سار طلع فيه غرغارينا !!
يعني ليش جي ليش المستشفيات جيه؟
:fa55:
وهم يرمسون عن الصحه وكيف تهتم بصحتك جي يسوون؟
:fa36:
ذنـيـنـي
15-05-05 ||, 02:46 PM
الله يعينج, خخخخخخخخ
ما ادري متى الناس بيحصلون مستشفى محترم في هذه البلاد ,لوووووووووووول
اذا عندج شي في مستشفى خليفة خبري عليهم مبارك الغفلي, انا اضمنلج انه بيلعن خيرهم :vampire:
حليله ما قصر ويانا يوم سوينا عملية حق اخوي الصغير
تم يتابع حالة اخوي يوميا الين ما طلع من المستشفى
المشكلة انه كل المستشفيات فيها مشاكل من هالنوع
في مستشفياتنا اذا ما تعرفين حد من الادارة
بيستهبلون و يسوون حركاتهم المعتادة, لكن اذا عندج حد بـيزيغون منج
المهم اذا عندكم اي مشكلة في المستشفى عليكم بمبارك الغفلي نائب المدير
الريال راعي واجب و ما يرد حد
و ما بتطلعين من عنده الا و انتي راضية
عنود الريف
15-05-05 ||, 02:59 PM
ضحكتيني .. :fa56:
هدي اعصابج شوي الغاليه ..
شو نسوي يوم المسؤولين مب مهتمين ؟؟؟
شيوخنا ما قصروا وسووا مستشفيات لاهل البلاد .. بس الله يهدي المسؤولين اللي ما يهتمون ولا يراقبون الاوضاع ...
لازم حد يكون موجود ... وهالمكشله موجوده من العيادات لين المستشفيات العوده عندنا ..
ما بتلقين مستشفى عندنا ما يعاني من مشكله ..
اونهم بيعالجون الناس من المشكله اللي هم فيها ((( اقصد المرض اللي هم فيه )) اول شي عالجوا مشاكلكم وعقب تعالوا عالجوا الناس ...
بس ما باليد حيله والله ..
والله كريم الغاليه ...
وعليج بنصيحة نصووووور ..
والسموووحه
روح القمر
15-05-05 ||, 03:35 PM
السلام عليكم ورحمه الله وبركاته
" تحـــيه طيــبه" :)
حالتج كــانت اهــــّون عن حاله الياهل ((عمرها 3 شهــور )) تخـــيلي كان فيها زجام وحمى
ساروا وطعموهــا (( مع ان الكل يعرف اذا الياهل كان مريض ما يطعمونه لانه يزيد المرض
واستوالها إلتهاب فالكلى.. والبنت حالتها وايد صعبه!!
يعني لو كانت كبيره بنقول بالموت بتتحمل...كيف وهاي صغيره..:fa36:
يعني لازم نشتكي عشان يهتمون!!
الله يعــــــينا والله..
الحساس
15-05-05 ||, 10:13 PM
السلام عليكم ورحمة الله..
بكل صراحه حالة مستشفياتنا الحكوميه يرثى لها من ناحية التطبيب..
رغم وجود المعدات وآلات التشخيص المتطورة لكن يبقى العقل البشري هو المتحكم في اخذ القرار بنالسبه لاي مرض,,
تكلمت عن سالفه اخطاء المستشفيات وايد..
نصيحه .. يفضل يوم بتسيرين للمستشفى ان تخاترين طبيب هندي او اجنبي.. حاولي الابتعاد عن الاطباء العرب .. بعض المواطنين جيدين والاكثريه لا.. اما الزلمات الاكثريه تشتغل للبيزات بس.. فالافضل هو الطبيب الهندي وغيره من الجنسيات..
تدربت بمستشفيات البلاد وشفت بعيني التسيب والاخطاء الطبيه ويوم رمست كاني صبيت عليهم ماي بارد!! الكل اتشط ورفعوا الدنيا .. جني جاتل لهم واحد من اهلهم!!
المهم.. انا مابدافع عنهم
لكن في حالة يدج.. هل ه عنده السكري اذا عنده السكري .. المفروض يحافظ على عمره!! لان الغرغرينا اتي للكبار بالسن بسرعه!! بس المفروض ينبهونه على ريله!! ينظفها ويهتم فيها!
نحن صرنا مانسير الحكومي الا للادويه او الاشياء البسيطه.. اما غير جي اما خاص او نتعالج بالخارج ..
الحين بدبي بيفتحون مايو كلينك من افضل المستشفيات بالعالم.. يمكن العلاج فيها بيكون غالي بس ارحم من ان الانسان يعيش بتوتر خطا طبي من مستشفيات الحكومه..
ربي يشفي مرضانا ومرضاكم ويفرج كرب الجميع..
ملانـة
15-05-05 ||, 10:40 PM
و عليكم السلام و الرحمة
أختي سوي شراتي.. فكي عمرج من الصدعة و سيري مستشفيات و عيادات خاصة.. و ربي إنهم يحترمون المريض و يراعونه مليون مرة أحسن عن مستشفيات الحكومة و لو إنه أسعارهم ساعات تكسر الظهر.. بس لو تشتغلين أسعارهم تكون اوكي مع الـتأمين.. يكفي إنهم ملتزمين بالمواعيد و ما ينقعونج ساعة في الـ waiting room ...
يكفي إني للحين أعالج أسناني لأنه الدكتور (الله لا يبارج فيه) نسى يشل الـ glue اللي كان مثبت فيه التقويم!!!!
الله يعينا عليهم يا رب... اللهم إنا لا نسألك رد القضاء.. ولكن نسألك اللطف فيه..!!!
إختج
مــلانــة
:fa48:
الحساس
15-05-05 ||, 11:06 PM
ملانه!!
انتي بعد الدكتور ماشل الصمغ من ااسنانج!! تحريت بس انا!!
انا شلت التقويم قبل 10 سنوات مضوا!!
قبل 3 شهور سرت عن دكتوره اسان بالتشيك تقولي ليش ماشلت الصمغ!! قتلها مااعرف الدكتور ماشاله يمكن هب لازم!! قالت لي .. لا لازم تشيليه لانه يضعف الاسنان!!
عفانا الله بيقتلونا والله!
و عليكم السلام و رحمة الله و بركاته
انا سمعت عن الاستهتار اللي يصير بالمستشفيات
بس ما سمعت عن مستوى ( القذااارة ) في هالمستفيات
لها الدرجه .. و الله لاعت كبدي
الحمد لله .. من الله ماحب اروح مستشفيات
بس مستشفى خليفه عنا في بوظبي وااايد نظيف و مرتب
مادري عن اي مستشفى ترمسين
و ما سمعت عن الكويتي في حياتي :wacko:
صدق شي يخوف
صرنا نخاف نروح مستشفيات
انعدمة الثقه
ناس ما تخاف ربها
الله يمهل و لا يهمل
انا عميه مرة كان يحس بنغزات في صدرة ..
قالوله القلب .. و خرعووه و مادري وش هو
سافر لندن و سوا فحوصات .. طلع و لا شي
مجرد غازات .. في البطن !!!!!!!!!!
استهتار فضيييع
بيون يخففوون الكثافه السكانيه في الاماراات :fa44:
اللي يبا الانتحار البطيء
يروح مستشفيات الدووله
:fa56:
ختكم
ملك
:blush:
ذنـيـنـي
16-05-05 ||, 03:21 PM
اختيه ملك
الموضوع يتكلم عن مستشفى خليفة الي في امارة عجمان
و المستشفى الكويتي كذلك في عجمان
بالنسبة لمستشفى خليفة الي في ابوظبي, فهو على حسب علمي يعتبر مستشفى كندي
سواء من ناحية الادارة او من ناحية الطاقم الطبي
مستشفى خليفة ما عليه كلام, لدرجة اني اشوفه افضل من المستشفيات الخاصة بواااايد
عنود الريف
16-05-05 ||, 07:04 PM
اخويه نصوور .. نحن عندنا بعد المستشفى الكويتي اللي هو مستشفى البراحه .. من زمان كانوا يسمونه الكويتي ولين الحين الخلق كلها متعوده تسميه الكويتي ..
وانا ما اعرف الاخت يحليلي ياهل اي مستشفى تقصد فيهم ..
والسمووحه
الحساس
16-05-05 ||, 07:18 PM
اختيه عنود الريف...
اسمحيلي على المداخله ..
مستشفى البراحه هو نفسه البراحه...
جان تحيدين موقع مستشفى الكويتي راح تحصلين المستشفى بعده موجود... اقصد مستشفى الكويتي بعده موجود ومدير المستشفى هذا واحد من اهليه بس الغريب ان حتى انا سمعت ان مستشفى الكويتي سموه البراحه !! كيف واذا مستشفى الكويتي بعده موجود!!! .. والي مايعرف المستشفى الكويتي هو عباره عن مستوصف بنوه ايام اول يوم كانت الحكومه الكويتيه تمد دولة الامارات بالمساعدات التعليميه والطبيه تعاون يعني... وها المستشفى يتبع الحكومه الاتحاديه.. وعلى حسب علمي به بعض الاطباء الجيدين ..
نصيحه لاي شخص..
اذا حد من اهلكم يبا يسوي عمليه او يبا يفحص فحص كامل (وهو كبير بالسن) والحاله الماديه متوسطه.. سيروا تايلند شي مستشفى ضخم متخصص ..وحديث والكثير من العوايل الاماراتيه تسير له كونه استطاع ان يكسب ثقت مرضاه ..
اسم المستشفى هو Bumrungard Hospital
فركوشه
16-05-05 ||, 07:33 PM
مشكورين عالمداخله ومشكور نصوور عالاجابه بدالي ولو تبون تعرفون وين مكان مستشفى الكويتي اهو صوب مركز اللولو اليديد اللي كله هنود.
الحساس ترا يديه فيه السكري والحين بدا صبعه يطيب والحمد لله.
الحساس
16-05-05 ||, 07:48 PM
دام فيه السكري... كل يوم لازم يفحص على السكر بالدم...
وكل يوم يفحص ريله وخاصه صبوع ريله..
نسبه 40 % من كبار السن الي عندهم السكري.. وبسبب عدم الاهتمام بنظافه الريل يؤدي اما الي بتر احد الاصابع او الطرف بالكامل,, لزياده المعلومات عن كيفه المحافظه على نظافه الريل .. ارجعوا للاختصاصين في مجال الهرمونات من الدكاتره واسم هذا المجال بالانجليزي endocrine department
اي يرح بالريل خاه بسرعه نظفوه بالطريقه الصحيحه او خذوه المستشفى على طول..
على فكره .. من المستشفيات الي اقدر اقول انها على الاقل افضل من المستشفيات الحكوميه هو المستشفى الايراني..مستشفى ابوالهول بعد زين