سيـــاره تناسب البنوتات

[عمة العيم]

بالغلط

[عمة العيم]

الســــلام عليكم ورحمة الله وبركــــــاته



اول شي باركولي لولولولووووش خذت الليسن

يــبـبوا يا الربع :laugh:

و اباكم تقترحون على عموتكم

تبا تشتري سياره

بس محتاره

ماتعرف شو يناسبها

الصراحه ابا سياره قويه و حلوه و بنوتيه و مب وايد عوده ولا صغيره وايد شرا سيايير الفلبينيين :fa46:


و السعر يكون مناسب ايضاً انا حاطه بدجت 150 تحت شوي فوق شوي نو بروبليم بس مب وايد فوق :shocked:


يالله عموه في انتظار ردودكم و آرائكم

ياريت تحطون لي صور لو تكرمتم و اشكركم بعمق يا رفااااق :fa54:



خــــــــدافس
:vampire:

[انسان عادي]

مرحبا يا عمة العيم ...

نصيحتي لج .. تاخذين فورويل صغير وقوي في نفس الوقت ... لأن سواقة الصالون تخوف على الخفيف .. طبعا اتكلم عن الحريم .. لأن الوحده تخاف وترتعب وترتبك اذا شافت فورويل لف صوبها ... بس يوم تكون هيه في الفورويل حتى لو كان صغير وكتكوت ... تكون فوق .. ما تخاف حتى لو لفوا عليها ...

مثل ... المورانو ( من وكالة النيسان ) او اللكزز الفورويل الصغير ( مسمينه مال بنات )
واذا تقدرين توصلين ال180 .. ما الج الا الانفينيتي اللي تشبه المورانو ...

وبصراحة .. انا في الدوام وما عندي فرصة احط الصور ... السموحة منك الغالية ...

وشوي شوي عن السرعة .. واربطي الحزام والا بخالفك ...

؛)

[المزوحي]

مرحبا

الحين ردينا على طاري المواتر ومثل ماشرحت في مواضيع مختلفة للأعضاء .. يعني انت حددتي السعر .. وذكرتي قوية حلوة بنوتية ... لكن ماذكرتي ألمانية ... يابانية ... سويديه .......... الــخ

صالون ... فورييل ( الجخ ) شرات مورانو

أما عني بحط لج المواتر شوفي المناسب ... وهل تبين سيارة دلع نوعا ما

[المزوحي]

تبين سيارة ألمانية عندج بي أم دبليو الفئة الثالثة شكل يديد وتشبه الفئة الخامسة وتقدرين تاخذين 6 سلندر لكن ماعرف سعرها بالضبط يمكن تكون في حدود 125 والسعر يختلف على حسب التجهيزات للسيارة ..
ملاحظة: الألماني عادة أغلى في قطع الغيار والصيانة ..
يمكن حد يقول والله ماتحتاجين تبدلين أنا وياج لكن في حالة عطل لاقدر الله ...
عشان تكونين في الصورة ... مع سواقة المواتر الألمانية جميلة ..

http://www.germancarfans.com/features/1050322.001/1050322.001.1M.jpg

أما الفئة الخامسة
والسعر يتراوح من 175 -195 يمكن أقل أو أكثر لأنه هالأسعار بالتقريبي ومن مده عندي ...

http://www.mwerks.com/gallery/albums//BMW/5-Series/5%20Series%20(E60)/5er%20Sedan/041.jpg

عندج الفورييل الصغيروني اكس 3
مادش بالي الشكل وغالية لأنها بي أم لكن الخيار لج ... والسعر 185 إذا بيعطونج خصم زين :vampire:

http://img120.echo.cx/img120/7831/x3e90frontlights7st.jpg

[المزوحي]

شركة ثانية اللي هي أودي

الفئة الرابعة

A4
http://www.germancarfans.com/photos/3040906.001/1062.jpg

وشي الفئة A6 اليديدة وسعرها 165

http://www.germancarfans.com/tuners/7050321.001/7050321.001.Mini13m.jpg

[المزوحي]

لي عودة

[ذنـيـنـي]

كتبت لج رد طويل لكن انمسح بالغلط :sad:

الفلكس واغن باسات الشكل اليديد وايد حلوة

و عندج BMW الفئة الثالثة ارشحها لج و بقوة
http://oasis.bindubai.com/bin/showthread.php?t=23149

اذا تبغين سيارة فوروييل انصحج بنيسان مورانو واايد حلوة
صغيرة و كتكوتية و في نفس الوقت قوية >>> وايد اوكيه حق الخرشة

[المزوحي]

شي مرسيدس c كلاس لكن الشكل بيتغير وشي 4 و 6 سلندر من سعر 145 إلى 160 على حسب التجهيزات ..

http://www.mbusa.com/media/images/main/models/C240W_main.jpg

وشي E كلاس 240 و 320 لج الخيار المكاين أو كلاسيك مافيها مواصفات وشي إيلقنس و إيفنقارد والاسعار تتراوح من 185 إلى ماعرف كم :vampire:
ملاحظة : أعطي الاسعار بالتقريبي وراجعي الوكالة ...

وصورة الإي

http://www.mbusa.com/media/images/main/models/E320CDI_main.jpg

[المزوحي]

فالكس واجن ...

طوارق سيارة فنانه ( تحب بلع البتروووول ) صح البترول بشكل عام ينشفط لكن هالسيارة بزيادة
شي 6 و 8 سلندر ومواصفات مختلفة



http://www.coolcar.dk/DivGal/Langelinie/VW%20Toureq/big/10.JPG

[المزوحي]

نتجه للياباني وخلنا نبدأ بشركة نيسان وسيارتها اليديده مورانو اللي الاغلبية شبهوها باللكزس ار اكس 330 وانا من وجهة نظري توجد فروقات ... وفي طبعا اختلاف في السعر ...
مورانو 125 ألف سيارة رياضية ....

http://super.sayt.ws/murano.jpg

ولحقتها من انفنيتي من فئة اف اكس وتتوفر بــ 6 و 8 سلندر
اللي اف اكس 35 و 45
والسعر يبتدي من 157 وطالع

http://www.carx1.com/wallpapers/06/Infiniti-FX45-002_800.jpg

أما سيارة لكزس RX330 فسعرها 175 ألف و
سيارة حلوة ماعليها كلام .. بس إنه سعرها مبالغ
نوعا ما :wacko:

http://www.familycar.com/RoadTests/LexusRX330/Images/LeftRear.jpg

أما تويوتا فطرحت بالأسواق أفالون اليديدة وتغيرت ... وسعرها فوق 100 ألأف لكن ماظن أكثر عن 130 والله المستعان

http://www.autoweek.com/files/specials/2005_detroit/toyota/avalon/images/z11%20Avalon%20Limited.jpg

http://www.autoweek.com/files/specials/2005_detroit/toyota/avalon/images/z22%20Avalon%20Limited.jpg

[خيال الحب]

مبروووووووووووك ع الليسن ها وين البارد


اخوي المزوحي الافالون ب 116 في الوكاله

حلوه الصراحه,,

حــبه العيم^___*
ممممم انصحج باللكزس اليديد دلع والله


http://www.g11g.net/uploader/pic/Image(562).jpg
بس انصحج خذي 300

انا الصراحه سقت هاللكزس,, وايد حلوو والله,,

[خيال الحب]

وهاي صورة ثانيه


http://www.g11g.net/uploader/pic/5790033.jpg

وانا انصحج باللون الؤلؤي ياسلام عليه^__*

والبركه عليج

[عمة العيم]

السلام عليكم ورحمة الله وبركاته








خبااااااااااال الحب.... ربي يبارك فيك بوي عقبالك خخخخخاه....اقتراحك عجبني و مجربينه هاللكزس جان نعطيه بترول و يطيرنا الى اللا نهائيه ومابعدهااااا :laugh:






المزوحي...مشكور عالردود احس تعبت عمرك :fa38: ...الصراحه مورانو حلوه بس نظره حلوه لكن احس انها تشبه الافالون ههههههأه :look: احس وايد طويله... و عبتني انفنتي اف اكس و يلست فيها بعد هههههأه و عشقتها نوعاً ما دشت في خاطري... انا ماحب مرسيدس ولا بي ام دبليو ولا أودي :rock: عيل شو تحبين؟ اداني السيارات الغريبه اللي مب منتشره وايد مثلاً انا حاطه عيني من كل النواحي على سياره في نهاية الرد بقول لك شو هي.....








نصووور...:sad: مره ثانيه يوم تكتب رد طويل نوعاً ما...كل مره سوي له كوبي اشتغل عالكوبي عسب ما تتحسر هههههأه وحليلك والله....فلكس ويجن ماعيبني غير شكل واحد و طلع سعره قريب الـ 300:fa56:

بس تخبل احس جي هاه شي شخصيه من الشخصيات المخمليه ههههأه بس ما باليد حيله...مورانو خبرتكم علتها حلوه لكنها شسمونه..









انسان عادي...:fa38: انا مازيغ من السيارات العوده انا بضحك في وش المخاطر ها ها ها ها بس نقطة ضعفي الشاحنات لاني سامعه عن حادث عالدوار شاحنه طاحت على سيارة فور ويل بعد و جان اروح فيها اغمى عليه خخخخأه :sad: مسكين الفور ويل استوا بيتزا.. المهم الانفنتي وايد داش راسي...و الله يقويك عالدوام ياخوي...







و الحين بقول لكم.....عموتكم حاطه عينها على الشسمونه... كادلاك STS شو رايكم فيها؟ شو سلبياتها وشو ايجابياتها؟ ابا نصيحتكم الصراحه


و بعد حاطه عيني على كرايزلر كروسفاير...شو رايكم في هالسيارتين؟ وشو الافضل؟


لو تبون بحط لكم صور بس قولولي..







خدافس

:vampire:

[ذنـيـنـي]

الكاديلاك STS ممتازة و وايد حلوة

فخمة و فيها كل المواصفات المطلوبة

نافيغيشن >>> نظام تحديد المواقع

و فيها DVD و نظام سمعي ممتاز

يعني بالعربي ما عليها كلام >> ما اعرف كيف يقولونها بالعيمي, بغيت اسال ربيعي لكنه راقد و مب فايج :fa46:

انا عندي اختها الصغيرة CTS و مرتاح منها

قوية و ثابتة و اتحسيبها جي شخصية

و واااايد مريحة لدرجة انه اهلي دوم يشلونها اذا بيسيرون ابوظبي او اي مكان بعيد
يعني غير عن باقي السيايير الي في فئتها

و عليها عقد صيانة الى 60 الف, يعني الى ان تكملين 60 الف ما بتدفعين فلس في الوكالة و ممكن تمددين العرض الى 100 الف :cool:

الكرايسلر ما اقدر اذمها لأني ما جربتها ولا اعرف حد عنده منها
لكن ما ادري ليش ما ارتاحلها :fa36:

خدا حافظ >>> ربيعي حفظني هالكلمة :fa46:

[المزوحي]

أنا حطيت لج سيارات ألمانية ويابانية اللي بهذا السعر تقريبا ... وأحس إنه الألماني حق 3 أيام في الأسبوع ويباله محافظه .. :look: بس مثل ماقال خيال الحب لكزس جي اس 300 وسعرها بــ 185 ألف

سيارة ثابتة لأنها رياضية ... :vampire:

اما الأمريكي ما يدخل بالي مادري ليش ...
وأول اخويه عنده كرايسلر اختربت عنده وباعها مع إنه من الوكالة ومحد يسوقها غيره وهو
من النوع اللي يحافظ
بس يمكن صدفه :woot:

الواحد يوم يبغي يظهر موتر يحتار ونحن وياج ..
وخذي لج لفة على الوكالات ...
وخذي كتالوج
وقارني في البيت :fa56:

http://www.lexus.com/assets/models/gallery/photos/main_assets/exterior/GS-494.jpg

http://www.lexus.com/assets/models/gallery/photos/main_assets/exterior/GS-473.jpg

http://www.lexus.com/assets/models/gallery/photos/main_assets/interior/GS-493.jpg

[بن دبي]

مبروك اختي ع الليسن ...

كللووووووووووووووووووووش :)


(لي عودة)

[خيال الحب]

خلاص دامج بتشترين الكادلاك انا اقولج توكلي على الله


الصراحه الكادلاك موتر وايد حلو وكلاسيكي ونادر ما نشوفه في الشارع


انااا من النوع الي احب الكادلاك وايد وخاطري اشتري واحد

[عمة العيم]

:shocked:

انا تايهه


حابة الكادلاك اس تي اس واااااااااااااااااااااااا ااايد يلست فيها البارحه فظيعه تطير العقل
يس باخذها في الوقت المناسب بس مانبا تقليد و تسيرون تشترون قبلي :crosseyed

يالمزوحي انت شكلك تباني آخذ لكزس شسمونه هالصالون اللي في الصوره هاي ماعرف شيسمونهاهي جميله و طيبه و بنت حلال لكن شسمونه..

و بالنسبه لللكزس هاك الفور ويل لاعت جبدي منها لان كل حد عنده :crazy:

والحين شو رايكم في كرايسلر pt cruiser
؟؟؟؟؟؟؟؟؟؟؟؟؟؟

:laugh: حموده الله يبارك فيج عقبالج لولولولولولش

خدافس
:vampire:

[خيال الحب]

لووووووووووووول كشخه انتي كل يوم تركبين سياره واتين تقولين حقنا شو رايكم خخخخخخخ

انا انصحج يا بالكادلاك او اللكزس وبـــــــــــــــــس

[المزوحي]

الصالون لكزس جي اس 300 سعرها 185 سيارة روعة الصراحة احلى عن لكزس إي اس 300

وصح لكزس ار اكس 330 نص دبي يسوقونها :)

ماعليج من الانتشار ... :look:

بس المهم الاقتناع ... :woot:

عندج لكزس جي اس وعقب تويوتا ماشي موتر الصراحة ولكزس من تويوتا ..................

[خسووفه]

عمة العيم خذي الكزس أنا بعد باخذها ان شاء الله سيري الوكاله وشوفيها بتعيبج هي تعتبر غاليه و مبالغين في سعرها بس اذا تبين سياره فخمه مابتحصيل اقل عن هذا السعر و حطي في بالج انه تأمين اللكزس على 110000 تقريبا في الوكاله يعني بتوصلين ا 190000

المزوحي الكزس على 180000 و في منها 189000 لايكون رفعوا الاسعار

على فكرة كم سعر الانفيتي الفورويل اليوم خبروني انها على 170000 للسته سلندر
يعني سعرها معقول

[المزوحي]

خسووفه .. صح هاذي اسعارها رقم 1 و 2 بالنسبة للسته سلندر أما 8 سلندر 200 وشويه نسيت كم ...

خسووفه اما عن انفينتي حتى لو 170 فاللكزس افضل صدقيني ..

[عمة العيم]

و جان يسولفون العيال

و محد رد عليه و محد عطاني رايه

لا حلوه هاي !!!

عوووووووووووووووووووووووه ردوا عليه

:shocked:


انا انا اكلمكم :shocked:


خدافس
:shocked:

[المزوحي]

كيف ماردينا عليج :vampire: تراني قلت اللي عندي ولج الخيار بنت عموه :fa56:

[عمة العيم]

:crosseyed


يا جماعة الخير


بعدني ماشتريت سياره


مب مقتنعه في اي سياره

يقولون ان شهر 8 اعتقد ينزلون موديلات يديده


صوووح ولا غولوووط؟

خداافس
:fa54:

[اناستازيا]

مشكوره با عمة العيم ..,,