( شباب المستقبل) !!

[تحفه]

السلام عليكم

منو منكم ما جد فكر وقال على الاقل داخل نفسه

( انا يوم كنت صغيره ولا صغير .. ما كنت ارمس ولا اسوي جي )

وما شاء الله ماشاء الله ... اخوانا الصغار ..
وعموما اي حد صغير ... تحس فاهم الدنيا وعايش احداثها !!

وهذا شي زين .. بس احيانا .. الاهالي يتغاضون عن شي اشياء وايد مهمه!!

عندي موقف ابي اناقشه وياكم ...

كنت يالسه اطالع الصور .. في موقع من المواقع وشفت هالشي الي بـــط جبدي ونرفزني !!


ممبر .. * إمراتي* .. حط صوره .. فضيعه .. والمصيبه لو تقرون كلامه .. و يوم الممبرز يدرون عليه يقولون له شو ها ولا كيف انته جي مستانس ومفتخر ومن هالكلام يعني

هو يدور على سالفة .. ( عمرهم اربع خمس سنسن .. عادي يهال!!)

بس انا .. بصراحه كنت منصعقه صعقه حياتي ..

ينرررفزززززز .. وبارد وعااااااادي

ما يعرف ان هالشي .. ممكن يتطور .. وبييب اشياء اكبر ..

واليهال في هالسن .. يكونون في مرحله بناء !!

يعني اذا هالولد .. شاف ان هالشي عادي ..
ومحد رده ولا حد علماه ان هذا غلط .. احتمال كبييييييييييييييييييير ينحرف !!

عنوان الصوره .. french kiss و تعليق كان

اخوي و بنت عمي .. لوووول شفتهم يتباوسون تحت الطاوله وصورتهم !!














http://oasis.bindubai.com/bin/attachment.php?attachmentid=71&stc=1


انا بعدني تحت تاثير الصدمه ...

any comments??

[الثعلب الرمادي]

فعلا شي بشع يارب سترك لكن بداية تربية الأهل لأطفالهم كانت غلط و هذي نتيجة أن الطفل يشوف امه و ابوه يسوون هذا الشي و يعتقد انه عادي و تصرف طبيعي و يقدر يسويه مع اي بنت حتى مع اخته نفسها ... ما اقدر أقول غير الحمد لله على كل حال و الله يستر علينا و على جميع المسلمين انشاءالله ...

[تحفه]

إن شاء الله !!

والله التربيه صارت صعبه هالايام .. من كثر الاشياء الي تاثر على اليهال .. ما نعرف انلوم منو ولا منو !!

مشكور اخوي على الرد ..

[بهجة الروح]

أم خدود

الســلام عليــكم ورحمــة الله وبركـــاته

تسلمين على هــذا الموضوع الحساس والمهم

وايـــد أشياء انتشرت الحينه ويعتقدها البعض انها صارت عادي

لانهم تعودوا يشوفون هالشي

بس بغيت أنبه لشي مهم

يمكن هاليهال ما شافوا امهم ولا أبوهم شرات ما تفضل اخويه الثعلب الرمادي وقال

لكن مثل هالأشياء صاروا اليهال يشوفونها من خلال الرسوم المتحركه والأفلام الأجنبيه

مثل أفــلام ديزني وما شابه

من هالأفلام أكثر شي يتعلمون الصغاريه وحتى من المسلسلات المدبلجه

الله يحفظ عيالنا بس

اذا هم يهال وجيه يسوون يوم بيكبرون شو بيصير :fa55:

[الجنيه]

يالله بالستر
الصراحه الزمن هذا واااااااااااااااااايد غير عن زمنا أو بالأحرى زمن العولمه وايد غيير

يعني الحين اليهال ما شاء الله عليهم يعرفون في السوالف أكثر منا والبركه في التلفزون وقله المراقبه من قبل الأهل تلقينهم حاطين له cartoon network وديزني وما أدري شو من القنوات ويبثون سمومهم فعيالنا ...

حلو أنعود عيالنا على الرسوم الأجنيه تقوى لغتهم بها بس المو حلو أنه انودرهم من دون مراقبه ...

الله يهدينا ويهديهم ويرحمنا برحمته

[تحفه]

بهجـة الروح

تسلمين حبيبتي على الرد

وصدقج .. ( صراحه انا ما انتبهت لرمسة الثعلب يوم قال امهم وابويهم :fa46: )

بس احيد نحنا ربينا ع سوالف ليون كينج و ميكي و الثانين

لكن ما وصلت فينا المواصيل لهالشي صراحه !!

..

احيد قبل .. يوم الاهل يتناقشون وجي .. نحن وحليلنا اتحسين صمن بكم .. مالنا خص في شي ..
والحين اليهال .. ماشاء الله ..
ييسلون يسؤلون .. شو هذا ومنو هذا وشو بلاه وشو يعني الكلمة هاي !!


الجنيه

كلامج نوعا ما صحيح .. لكن نحن بعد تربينا على ميكي ماوس و ساندرلا و ما ادري منوه !!
وعلى الفاميلي والسيقا والنيتيدنو و السوني الجديمه !!

لكن تحسين مع التغيارات الي تصير ... عقول اليهال صارت تستوعب الكثير !!

والمشكله تكون يوم الام والابو ما يراقبون عيالهم !!

لااا .. المشكله في حالة هالولد .. هو ان اخوه مستانس و مفتخر !!

الله يعينا


تسلمون خواتي على الردود .. وبنتظار باجي الاراء !!

[خيال الحب]

لــــــي عوده.,,,

[ورديّـه]

والله ما اعتقد صعبة ينحط لليهال تلفزيون خاص فيه قنوات خاصة بالاطفال والرسوم وبس : ها رقم واحد

رقم اثنين : ها اللي حاط الصورة ما يفكّر بالعواقب؟ وبعد مستانس

ثالثاً : أم خدود شحالج

[خيال الحب]

باكوونه..



تعليــقي اول شي على الصوره..



الله يسلمكم هو يقول انه مصورنهم تحت الطاوله .. فالياهل اذا كان منخش عن اهله ويبغي يسوي هالشي فاكيد يدري انه غلط فيوم شافه اخوووه اكيد الولد الصغير بيشرد ما بيتم جيه ساكت بدون حركه,,



او انه اخوه قاله انخش تحت الطاوله وسوي هالحركه وانا بصورك,,



تعليقي ع الموضوع بشكل عام..



اصلا الياهل يحب التقليد بكل شي,,, بس مستحيل يقلد هالشي لانه يحس هالشي يلوع الجبد..

ونحن اخواني الصغاريه ييلسون ويانا يوم نشوف افلام وهالسوالف ولا مره شفت واحد منهم يسوي مثل هالحركات؟

صح يقلدون بس ما يقلدون هاي الحركات الماصخه مثلا يقلدون مشيتهم اوو حركه استوت في الفلم او في الرسوم المتحركه ,,



وغالبا الرسوم المتحركه هي الي تشدهم اكثر ويحاولون يقلدونها ,,



فلازم الاهل يراقبون عيالهم من فتره لين فتره ,,

او يقدرون يشترون لهم اشرطه تعليميه من المكتبات الصراحه وايد حلووه واحسها مفيده:)





تحياتي:vampire:

[تحفه]

شيطوووووونااااااااااااااا اااااااااااااااه
اهلن هلا ويا مرحبا .. انورررررت واسفررت

وينج انتي وين سرتي وين ارضج وين سماج ؟
ليكون اتزوجتي ؟ :tounge:

الغاليه لا تسالين عن احوالي .. والله فينييييي رقاااااااااد ( حتا كل الاساتذه ينغزوني اليوم )
اتخيلي اليوم الصبح يوم وعوني .. كنت افكر اضربها غياب اليوم عشان تستوي 5 تيام اجازه لان باجر اندبنغ ليرنغ دي :fa37:

تخيلي ونا نص واعيه ونص ناشه يالسه احسب برسنت الغياب
وشو اعذاري بتكون لول
بعدين قررت ايي لأن باجر اجازه .. قلت اليوم بسلم على ربيعاتي لول .. ويمكن اندبر طلعه حق باجر :fa46:


الموهيم

والله ما ادري شو اقولج .. بس لازم يعلمون الصغاريه ان هالشي عادي وهالشي عيب ما ايوووز

مشكوره الغاليه ع الرد !


خيال الحب

كلامك صحيح .. بس لازم يكون في رقابه على تصرفاتهم ..
يعني بهالحاله .. الاخو عرف انه اخوه الصغير مسوي العمله السوده ..
المفترض ما كان يصوره ( كانه شي عجيب وحدث الساعه )
لأن اذا اخوه شاف ان ردة اخوه الي اكبر عنه جي بارده وصور و ضحك ..
بيتشجع اكثر .. !!

بصراحه الولد يكسر الخاطر ..


وانا اقول ..
لازم يزوجونهم .. عشان يسترون عل بنيه :vampire: