ليش تكرهيني يا اختي؟؟؟؟

[أمواج]

السلام عليكم و رحمة الله و بركاته ...


اليوم حبيت أناقشكم بموضوع جديد ..

الموضوع يتعلق بالعلاقة بين الأخوة الأولاد و البنات ..

السبب إللي دفعني لكتابة هذا الموضوع هو موقف شفته أمامي ..

المسألة إن واحد من معارفنا دايما يعامل خواته معاملة مب زينة (( بالذات أصغر وحده )) ..

تعرفون عاد حركات الصبيان .. طراقات و ضرابه و إهانات .. و غيرها ..

ألحين البنت عمرها 20 سنة و أهو أكبر منها بـ 14 سنة تقريبا ..
فحصل بينهم موقف قبل فترة .. فراح و تكلم معاها لأول مرة من غير صراخ و طراقات .. و قال لها إنتي ليش تكرهيني .. إنتي إختي الصغيره و أكثر وحده أحبها بهالدنيا .. إنتي ليش تكرهيني ؟؟

ليش ما تحبيني ؟؟

فردت عليه ...

أنا أدري إنك تحبني ,, بس إنت بحياتك ما خليتني أرتاح .. طول عمرك تصارخ علي و تمد إيدك و تعاملني معاملة مو زينه ..

فرد عليها و قال لها أنا كنت أحبج و أخاف عليج بس إنتي عمرج ما عطيتيني فرصة ...


و استمر الوضع على ما هو عليه ..


سؤالي هو ...


متى قلتي لأول مرة أنا أكره أخي ؟؟ و لماذا ؟؟


هل تعتقد أيها الأخ أنك تظهر حبك لأختك بهذه المعاملة ؟؟
هل تشعر بالرضى أيها الأخ عندما تتعامل مع أختك بهذا الأسلوب ؟؟
و هل تعتقد أنه هذا الأسلوب هو المناسب ؟؟
و هل ترى أن لك الحق بالعودة و المطالبة بالحب و المشاعر الإيجابية من هذه الأخت ؟؟


(منقوووول)

[تحفه]

عليج السلام والرحمه

خوش اخو هذا .. يضرب و يشتم و اخر شي يقولها ليش ما تحبيني

..

يالله نتري المشاركات من الشباب

:vampire:

[ولد الحكومة]

مرحبا مـــلا يــــن ، اشحالج الشيخه.

:shocked: الصراحه موقف غريب ، يعني عقب ما لعن خيرها وضربها ضرب آخر شيء ايقولها ، ليش ما تحبيني. ؟؟؟
الله المستعان. :sad:

مشكورة اختي عالموضوع.

ونتريا ايديدج في المرة الياية.

اخوج / ولد الحكومة :blush:

[أمواج]

أم خدود

مشكووووره على المروور

ولد الحكوومه

ماعرف شوفيه الرريال على باله الضرب انسب حل

[بسمه حزن]

جواب لسؤالـــج ....

متى قلتي لأول مرة أنا أكره أخي ؟؟ و لماذا ؟؟
الحمدلله ما قلت ولا بقوول ... لاني احبهم كلهم ...

بس الضرب مب زين .. يسبب للبعض تعقد .. يعني البعض بيتعقد من
الضرب ... حتى لو شو غلط يفهمونه او يفهمونها بس بعيد عن الضرب


مشكوره اختي على نقلج لهلموضوع الرائع والله يعطيج العافيه

[الجديدة]

السلام عليكم و رحمة الله و بركاته
الموضوع الذي طرحته متداول بين معظم الشباب و هم يقوموا بهذا العمل دون التفكير بما يترتب عليه من أمور في المستقبل سواء على صحة الجسم أو الحالة النفسية للشخص الذي يتعرض للضرب
المهم التوعية بمضار مثل هذا العمل
و شكرا على هذا المقال

[الدلووووعة]

متى قلتي لأول مرة أنا أكره أخي ؟؟ و لماذا ؟؟
ولا مرة وليش اقولها دام اخويه ماسوالي شي لو انه سوالي بعد
مابقولها لنه اخويه من امي وابوي .

انا عن نفسي احس الاخ اللي يظرب اخته واخر شي يقولهلها انه
يحبها وهي تكره متعقد اوكي اذا سوت شي غلط هيك الساعة يا
يا انه يظربها او انه يتفاهم وياها بس انه مني والدرب يظربها
وين ابوه وامه عنه ها صح مرات يمكن ان اخوها يمزح وياها
ترا دووم جي الشباب مزحهم بكسات خفيفه تعور عيل الصدق ماعرف كيف(شرات اخويه ):vampire:
بس مهما يكون البنت ماظن انها بتكره اخوها

هذا راي
والسموحة

[كبيرة بعيوني]

بالنسـبة لي .. اخوي ولا مرة مد ايده علي
ولا على حـد من خواتي !!
ودايمـا يكون متفهم ويانا .. ونحن جـذه نسمع كلامه
بس احس بالضرب ..البنية بطبيعتها بتنقهــر ونفس الشــي
بتحاول تقهره انها تعانده .. حتى لو خافت من الضرب
كفايه انها بتــم تدعي عليه !!
الحمدلله على كل حال والله يهدي هالنوعيه !!

[أمواج]

كبيرة بعيوني


الدلووووعة


الجديدة


بسمه حزن



مشكووورين على المرووور

[جنون امرأة]

لا الصراحه كلام كبير .. مب من حقه يمد ايده عليها ..

شكرا ع الموضوع المهم ...

[أمواج]

مشكوووره اهلاويه للابد
على المرووور

[روح القمر]

وعـــــــــليكم السلام ورحمه الله وبركاته
" تحــــيه طـــــيبه" :)

الحمدلله ولا مره اخــوي مد إيده عليه .. (( بس يوم كنا صغار نضارب:laugh: ))
بس كبرنا وعقلنا...مع انه مره كان يبا يسولف وياي رفعني فــوق..يلست اصيح
وخبرت ابــويه وفتحو قضيه طبعا انا زدت شويه ابهارات عشان احلي السالفه خخخخخ:fa56: ....كنت مستانسه ..مسكــين كان يسولف..
بس الحمدلله.. عندي اخو واحد كبير ومتفاهم وايد..
وما اظني انه يفكر يوم ايمد ايده عليه.. دام الوالد موجود..+ عندي لسان:laugh:

[أمواج]

مشكووووره يا لمسه أمل على مشاركتج
حتى انا يوم كنت صغيره ماجني بنيه جني ولد دومي ضرابه ويا اخواني
بس يوم كبرت نضارب بس على سوالف

والسمووحه

[ندى]

عشان يبين الاخ رجولته وقوته ويبرز نفسه وشخصيته وسلطته يجد طريقة واحدة وهي الضرب في نضره
لكنه لا يعرف أنها ابشع الطرق التي يستعملها ضد اخته او اخوانه وينتج عن دلك صراعات فيما بينهم.

[دموع قلم]

وعليـكم السـلام ورحمـة الله وبركـاته,,

فعـلا تحـدث هـذه الظاهـرة في مجتمعنـا بكثـرة, فـ نـرى أن الأخ لا ينسجـم مع أختـه,
ويشعـر الأخ بأنـه رجـل البيـت بإمكـانـه أن يتحـكم في أخـواتـه وأهلـه والبيـت كلـه !!


هنـاك سببيـن لهـذه الظاهـرة المنتشـرة, أولا.. حـب الأخ للسيـطـرة والسلطـة علـى أخـواتـه,
ولا يحـب أن تتحـكم أختـه فيـه وحتـى إن طلبـت منـه شيء لا ينفـذه لـها, حتـى لا يشعـر أنـه
ضعيـف أمـام أختـه, لـذا تكـون السلطـة على صـورة الشتـم والصـراخ والضـرب .. إلـخ

ثـانيـا.. بسـبب كثـرة الفتـن التـي تنتشـر في زمـاننـا هـذا, يخـاف الأخ على أخـوتـه أن ينحـرفن
ويسلكـن الطـريق الخـاطئ في غيـاب الأخ, لـذا يحـاول يحميـهن, ولكـن بطريقـة خاطئـة فـيلجأ
إلى الصـراخ والضـرب وغيـره لكـي تخـاف الأخـت أن تخطـو خطـوة للطريـق الشـر, فـيعاقبهـا
أخيهـا

وعنـد حـدوث هـذه الظاهـرة, تـلجأ الأخـت لشخـص غـريـب يعـوضهـا عمـا فقـدتـها من
رعـايـة الأخ وحنـانه وحبـه لأختـه, وإن حـدث ذلك, يبـدأ الأخ في لـوم الأخـت !!!

والحمـد لله ربـي رزقنـي بأجمـل وأروع أخـوان في الـدنيـا
تـديـــن, أخـــلاق, طيبــة, محبـة وتفاهـم ونعـم الأخـوان

:)


أشكـركِ أختـي المتفـيزرة عـالعـرقـوب على نقـل الموضوع
وأتمنـى أن أرى مثـل هـذه المـواضيـع بأسلـوبكِ الجميـل