بنات اليوم .... بدووون زعل

[عاشقة دبي]

بنات اليوم

عيبتني هاي القصيده في احد المنتديات
فارجو ان تعجبكم

بنات اليـــوم

هذا بنات اليوم برقع وجوال .... وإلاعباية كتف هم يلبسوها

والراس فوق الراس طرحه مع الشال ..... حتى الخصال الطيبة افقدوها

يوم البنات اللي غدٍ سبت اهمال ..... ويوم السبايب اهلها هملوها

الأم نامت والابو صار تمثال ..... والبنت راحت وين ما يسألوها

بالليل تسهر بين هاتف وجوال ..... والا على دش الفلس سهروها

اقفاي هي ما بين الاسواق واقبال ..... بلا غرض راحت ولا انشدوها

اللبس تلبس كل ما يطرب البال ..... وفلوس لو تنقص عليها عطوها

من شافها باللبس يا ساتر الحال ..... يسبها ويسب من خلفوها

كومة لحم وعيون والرمش قتال ..... ويلا مشت كل الشباب اتبعوها

هم ما دروا لو إن البراقع بتنشال ..... ونشوف وش تحت البراقع خفوها

يرتاح من صابه من اسبابها هبال ..... ويكشف حقيقة اللي عيونه هووها

وين البنات اللي بهم تضرب امثال ..... ليت السلوم الطيبة ما تركوها

البنت زين البنت لا زانت الحال ..... ما هو بلبس ولا علوم خذوها

وين المراجل ما بقى غيرة إرجال ..... ليت الشوارب واللحى حلقوها

اللي على عاره رضي الذل ينقال ..... ليت الكرامة ليتهم يرفعوها

اصبح ضياع البنت بسباب جوال ..... البنت ضاعت والأهل ضيعوها

[دلوعة دبي]

صح لسانج... تسلمين اختي ع القصيدة الصراحة عجيــبة



اختــج:دلـــوعــة دبـــي

[عاشقة دبي]

العفوووو اختي .. تسلمين عالمرور

[حبوبه دبي]

تسلميــــــــــــــــــــ ـن حبوبه ع القصيــــــــده ..
هذا اللي حــاصل للأسف ..

والسمــوحه

[الدلووووعة]

تسلمين اختيه
الله يستر على بناتنا
والسموحة

[أليمه]

thaanks ..

9a7 lsan elly katb halklmat

thanks mara thanyah

alsmo0o0o0o0o07ah

[الجنيه]

هذا هو حال البنات هاليوم الله يستر علينا وعليهم

ويهدينا أجمعين

[عاشقة دبي]

تسلمووووووون عالمرور ...