بتمـــوتّن يعنــــــــي !!

[بهجة الروح]

الســـــلام عليــــكم ورحمــــــة الله وبركــــــــــاته :

أخـــــوانـــي وخــــواتـــي ،،

أعضـــــــاء وعضـــوات الواحـــــــات ،، الكـــرام :

أدري انــي من زمـــاااان ما دخلت الواحـــــات
والكثيـــر منكـــم متشرهين عليّــــــــــه ،،

ما علينـــــــــا من هـــذا كله ،،

خلونـــي بقولكم شو اللي يابنــي اليوم ،،


http://egyptian2.salmiya.net/songs/Ruby/ram/Ruby2.ram


من فتــره وأنـــا أتصفح منتــدى من المنتــديات وبالأحرى كنت أقرا قصه
في قسم من أقسامه ،، صادفتني جمله ،، وقفت أقراها دقايق وأنا مستغربه :shocked: ،،

الحينه بتقولون شو اللي قرته " بهجة الروح " بخبركم

الله يسلمكم قريت انه البنت كانت تعاني من فراغ عاطفي كان هو السبب الأساسي

اللي خلاها تتعرف بالبطل

أبغي أفهم شي واحد الحينــــــه ؟؟ هل الفراغ العاطفي مرض نفسي:fa56: ولا مرض مزمن
ولا شوه بالضبــط ؟؟؟

كثير من البنـــــات ... أعوذ بالله من كلمةٍ بقولها ... يفكرن بالحب وانها تحب ولا تنحب
ويفكرن بالغزل والسوالف البطاليه اللي ما منها فايده .. ليش هذا كله ...
بيموتّن يعني جان ما حبن ...بتموتين يعني لو ما فكرتي بالحب وهالخرابيط...
بتموتين لو شفتي الجنس الآخر واتعاملتي معاه معامله سطحيه من غير هالسوالف المايعه ...
بتموتن يعني لو محد عبركن ...:fa44:

كل وحده تاركه نفسها وعلى هواها تسير وتي ،، إلا تشوف هذا بنظره والثاني تشوفه بنظره ثانيه...
كأنها عارضة أزيـــــاء تعرض نفسها على هذا وهذاك ,,, لا حيا ولا مستحى ،، بس عشان شي واحــد
انه حد منهم يعبرها ويحبها ويعيشها في وهم وحب ومزاج رايق .. وما تدري انه يتسلى معاها بس،،
وهي فخبر كان :unclesam: تحلم بالزواج ..لكن متأكده أنا انهن يدرن بعواقب هالحب بس مصرين عليه ...ليـــــــــــش!!!!
عشان شي واحـــــــد ..انها ما تعيش حالة من الفراغ العاطفـــــــي ...وحليلها :inlove:

ما أدري هاللي استفزني وخلاني اعبر عن بنات جنسي بهالطريقه

لكـــــن مش الكل طبعاً نفس الشي

في وايد اللي محتشمات وما يعرفن سوالف الحب ,,,

:fa54:

بس خلاص تعبت

خلوني أشوف ردودكم

[الجنيه]

بهجة الروح

ههههههههههههههههههههههههه ههههههههههههههه
والله ضحكتيني من الخاطر أنا أستغربت من العنوان بس من شفت المضمون
قلت ماجذبت والله ....

صدقج هلايام سبحان الله البنات ما أدري كيف صايرات منهن اللي خايفات يعنسن
ومنهن اللي يبن يجربن الحب وخرابيطه وايد يشوفن أفلام ...

اذا أنا البنت يوم أشوفهن أتساءل ياربي ليش هاي مسويه بعمرها جذي؟؟؟؟
هل ياترى تحاول تلفت الانظار والا من شلة أنا أتكشخ حق عمري؟؟؟؟

عجب عجاب ... تلبس حجاب والعبايه مرصصه ليش ؟؟؟
شو اللي كالفنج عليها؟؟؟ لاتعليق


الله يهدينا ويستر علينا أجمعين
بهجة الروح .... سانكيو

تحياتي الجناويه

[حبوبه دبي]

الله يهديهن بس ..
هذا حــاصل للأســف :fa55:
لــيش شو السبب !! :fa46: الفـراغ العـاطفي جيه وين سـارت الام ولا الربع :look:
لازم يعني الجنس الاخر :shocked: !!


مانقــول غير الله يهديهن بس ..

وتسلميــن حبوبه ع الكلام اللي قلتيه وهذا مايوضح الا شــي واحد وهو غيرتج علــى بنات جنسج :blush:

والسمــوحه

[أليمه]

hi

klaaaaaaaaaaaaaaaaaaaaaaaaaaam sleeeeeeeeem mn sha'79 saleeeeem

wallah 9a7 klamH allah most3aan

mshklat albnat ma yfakron f elly bay9e 38b

mashkooooooooooooooooooooooooooooooooooooooooooo
oooooooooooooooooooooooooooooooooooooooooooooorah

3la hatha almaw'9o0o0o03 al'3aaawy

alsmo0o0o0o07ah

[الغاليه]

يامرحبا بج يابهجة الرووح في الواحات مرة ثانيـــــة

هيه على سالفة الفراغ العاطفي ,,, يقولوون انه شي نفسي في شخصية الانسان

بس هالشي ما يبرر الأفعال اللي قاعدين انشووفها هالاياااام :mad:

على فكرة .. قمت بعد اشوووف متزوجااات يسون مثل البنات المستخفاات واخس ( اللهم لاشماته )

الله يهديهن ...

يعني يووم افكر اقوول ليش بعد الحريم يسون نفس الحركااات .. ويتدلعوون في الرمسة

والشيله مفروره !! .. عندهم فراغ بعد ...

عالعمووم ثانكس عالموضووع .. والله يهدي الجميــــــــــــــع :)

[الحساس]

فراغ فراغ فراغ.. اي شي فيه فراغ ايب الخراب..

الفراغ العاطفي هب مرض.. هاي فطره..

كل انسان انخلق ليحب وينحب..

ظروف حياتنا من تلفزيون والي نشوفه بالشارع والي نسمعه من قصص تخلي الانسان او البنت بالاصح انها تفكر انها تيرب الحب الي وايد تسمعه او ان فعلا هالبنت محتايه اهتمام كان من ولد ولا بنت وبما ان الولد يثير فضول اي بنت عسب تستكشف هذا المخلوق وكيف بيتعامل معاها فتحاول تتقرب من الجنس الاخر (الرجل) عسب تاخذ منه الي هي محتايه منه..

هب شي غلط.. لكن الاسلام بينلنا الطرق الشرعيه الي توفرلنا مانحتجه من عواطف واهتمام وحنان بطرق يكفلها ويحترمها المجتمع.. لكن اذا كانت البنت ماتقدم لها حد او انها صغيره.. كيف تحصل كل هذا؟؟؟ هنه تتجه الي الطريق الي رمستي عنه اختي ..

البنت ماراح تتجه لهذا الطريق اذا كان اخوها يساندها ويعينها في امورها.. لكن الاخ هب دوم يسد كل القلب.. فتحتاي البنت شخص تقربه لقلبها اكثر عن الاخ .. شخص تحس فيه روحها.. يدللها ويهتم فيها .. يسمع لها ويداريها.. يستشيرها وتستشيره..

البنت انسان فيها من العواطف اكثر عن الريال.. والمفروض الواحد يحافظ عليها اما عن طريق تزويجها او عن طريق سد الفراغ الي بحياتها الي تخليها بفراغها تفكر بهالسواف او عن
طريق الاخ اوالابو الي يرومون يعطونها من الاهتمام الي هي تحتاي له ..

وبس

[خسووفه]

كل شخص ممكن يتعرض للفراغ العاطفي إذا ما شغل نفسه بما ينفع

لازم نوجه عواطفنا لحب اللــــــــــــــــــــــ ه أولا و نشغل أنفسنا في طاعته فالنفس إذا لم يشغلها الانسان في طاعة الله شغلته في معصية

وفي أمور ثانيه بعد تساعد على تجنب هذا الشعور و الحاجه للجنس الآخر و هي الصحبـــــــه الصالحــــه لانه الانسان يحتاج لمن يعينه على امور الطاعه و حب الاهل و التقرب منهم و انه الوحده لازم تبحث عن شي مفيد تشغل فيه نفسها ووقت فراغها
فاالبعد عن ما يفيد و شغل النفس بما ينفع يؤدي إلى الفراغ العاطفي فتلجأ البنت أو الشاب إلى ملئ هذا الفراغ بطريقه ثانيه و هي البحث عن الطرف الآخر