ضروري لبنات جامعة الامارات ..

[بنت الساحل]

السلام عليكم ورحمة الله وبركاته ..

شحالكم شباب وبنات الواحات ..

عساكم مرتاحين ..

بس بغيت أسأل اذا عدنا بنات من جامعة الامارات أو أي حد سمع عن ... حفلة الخريجات ..( مب خريجات هالكورس )

أنا متخرجة من سنة .. وياني مسج يقول انه عبايات التخرج للمقيمات في كل الامارات ماعدا بوظبي والعين بيوزعونها في فندق الرحاب روتانا بدبي من الفترة 2-7 مايو ..
وانه الحفلة بتكون الاسبوع اللي بعده ..

انا الحين ابغي اعرف اذا السالفة صج ولا .. اذا صج ابغي اعرف اي الدفعات اللي بيخرجونهم .. ومتى بتكون الحفلة بالظبط ؟؟ ووين ؟؟

اللي عنده خبر بليييييز يرد عليه في أقرب وقت ..




اختكم ..

بنـ ـ ـ ـ ـ ـ ـ ـ الساحل :blush: ـ ـ ـ ـ ـ ـت

[أوتار القلب]

هيه اليوم حاطين اعلان في الجريده عن حفل التخرج

و حاطين اماكن تسليم العبايات و البشوت

الاعلان موجود في الجريده ص 7

برد اشوف و بخبرج

برب

[عنود الريف]

اسمحيلي اختي انا ما اعرف شي عن جامعة لامارات ..
تبين معلومات عن جامعة زايد حاضرة .
والسمووحه

[أوتار القلب]

باك
انزين الحفل حق المتخرجين لسنة 2003 - 2004م

و مب حاطين متى حفلة الطالبات

المصدر جريدة الخليج ص 7 :fa46:

[بنت الساحل]

مشكورة الغالية أوتار القلب ع الخدمة ..

شفت الخبر اليوم حاطينة بالجريدة ..

[بنت الساحل]

عنود الريف

أشكرج حبوبة ع المشاركة ..

[المزيوونه]

وعليكم السلام والرحمه ..


ممم انا اللي سمعته انه الاربعا 11-5 لين الجمعه بيجمعون الخريجات . فأي سكن عاد مادري.؟
وعن سالفة العبايا ماعرفها .. بس بتخبر اختي .. لانها خريجه ومن اسبوع نحن نسأل هناك فالجامعه
بس ها اللي حصلناه ..

الله حيه

[مرجانه]

mbrook mqadaman


thank u

[بنت الساحل]

المزيونة ..

مشكورة الغالية ع تفاعلج مع الموضوع ..

[بنت الساحل]

مرجانة ..

الله يبارج فيج حبيبتي ..

[المزيوونه]

احس الحفل تأجل .....

ها الاسبوع بيكوون ؟؟ صح ولا ا؟

[خيال الحب]

السلام عليكم
الحفله هالخميس

بس لازم تروحين العين يوم الثلاثا عسب البروفات
تاريخ 24

تحياتي لج
والف مبروك التخرج

[المزيوونه]

اللي عرفته حاليا .. انه الثلاثا بييبون الخريجات السكن .. والحفل بيكون فنادي العين
يوم الاربعا لكليات الطب والهندسه والآداب واداره واقتصاد
يوم الخميس تربيه وعلوم وشريعه وقانون والباجي ..

ووومبروووووك لكل الخريجات وعقبااالنا ان شاااء الله :)

[خيال الحب]

عاشت مراسلتنا من سكن البنات خخخخخخخخخخخ

تحياتي

والف مبروك للخريجات