المساعد الشخصي الرقمي

مشاهدة النسخة كاملة : موضوعي الرابع (المغازل)


دين البدو
29-03-05 ||, 10:25 AM
بسم الله الرحمن الرحيم ....







قبل كل شي استسمح منكم لاني ابطيت عليكم من زمان ما شاركت وياكم .. وان شاء الله موضوعي اليوم يكون هادف ومب ثجيل عليكم مع اني احس انه بعضكم بيمل وبعضكم ما بيعيبه الموضوع .. بس كلمة الحق لازم تنقال واذا انا غلطت في شي اتمنى انكم تساعدوني وتنبهوني .. موضوع اليوم عن المغازل

انا ما رح اكون داعية اسلامي او متعصب بيطيح فيكم و بيسمعكم مواعظ وعبر . كلكم ناس فاهمين ودارسين والا ماكنتم في هالمكان المحترم .. بس رح اخبركم عن بعض المواقف والاشياء اللي صادفتني في حياتي وبعض الاشياء اللي تتكرر عند الكثيرين منا ... ارد واقول انا مب احسن منكم انا اخوكم منكم وفيكم .. بس الصح صح والغلط غلط .. وكل واحد منا محتاي من اخوه ينبه في اغلاطه والحين اسمحولي عقب هالمقدمه ابدا موضوعي :



فلان الفلاني (وياكثرهم ) انسان محترم وولد ناس متربي احسن تربيه .. بس هالانسان يبى يواكب العصر .. وطبعا لابد من التلفون والسياره الزينه والحين وقت الانترنت .. ومن مظاهر مواكبت العصر يا فلان انه لازم تكون عندك صاحبه .. والا كيف تيلس فميلس كله شباب والكل يرمس عن ربيعته فلانه بنت فلان وانت يا فلان حليلك مثل الاطرش في الزفه تيلس ساكت ماتعرف في شو يرمسون .. خلوني اخبركم قصه فلان الحين

فلان كان مثل ما خبرتكم شاب محترم من ناس محترمين ومتربي عدل .. خلص الثانويه وياب معدل محترم رشحه انه يدش مجال راقي في الدراسه .. المهم في الفتره الي كان فيها فلان توه مخلص الدراسه وبيبدا مشوار الدراسه الجامعيه يعني احينه استوى ريال .. اتغير عليه الحال من عقب ماكان كله يالس في البيت وماعنده مجال يظهر مني والا مني .. الحين صار تحت ريله سياره وعنده كل سبل الرفاهيه الي يتمناها الشاب .. المهم فلان كان عنده صديق وهالصديق كان مثل ماخبرتكم سوالفه كلها في البنات تعرفت على فلانه وواعدت فلانه وفلانه قالتلي جي .. وشوي شوي قال لربيعنا فلان شو رايك اعرفك على بنت .. بختصر الموضوع .. افلان اتعرف على البنت (ف) مسكين قبل كان ما يخصه في البنات بالمره وحظه طاح على ف الي ماشي من سوالف المغازل والوصاخه ماتعرفها .. المهم عطته شوي من الخبره وتسهره طول الليل مع انه قبل كان ما يتعدى الساعه 10 واشكره بعد فتره قالتله ابى اشوفك وهو مب مصدق والحمد لله انه ماكان يعرف شي .. المهم عقب طلع وياها بس ما سوى وياها شي مع انها كانت بايعه عمرها .. اخر شي هي لانها بنت شوارع اتلقطلها كل يوم واحد طبعا ودرته مع انه كان مصدر بطايق



صاحبنا فلان عقب فتره حس بالوحده .. والي زاد الطين بله يوم ييلس ويا الشباب و يخوضون في سوالف البنات ولو يا بيسولف وياه يكرر نفس السالفه عن (ف) قال لازم اييب شي يديد الربع ملو من هالسالفه .. وساعده انه دخل الجامعه .. الجامعه الي تنشء الجيل الصالح .. اختلط بالشباب وطبعا مثل ماتعرفون فيهم الزين ومنهم الشين .. ومن هالفئه الشينه شاب الله يهديه دل صاحبنا فلان على طريق اسمه الانترنت .. ودله على شي اسمه الشات .... فلان استانس من هالشي مع انه قبل كان بس يسمع عن شي اسمه انترنت بس الحين صار هالشي بين ايده وشاف حلاته وانت يالس حاط ريل على ريل تدخل على موقع فيه شباب وبنات ومن كل الاماكن.. والله التطور وصل حتى في المغازل بدل ما تسير تلعوز عمرك في السناتر والا تصك خط من مدينه لمدينه ثانيه ويمكن تتعرف على بنت وممكن لا وممكن تعرض عمرك للخطر .. الانترنت اسهل واحلى .. وتقدر اتالف اشياء ماعليه عقب ماتيب راس البنت يصير خير ..



اخينا فلان بدا مشواره على النت .. بعد شوي ما سده يدخل من الجامعه ومن المقاهي .. اصر على هله يوصلوله النت في البيت .. لعرض شوه الدراسه .. انزين . شوي شوي صارن دلال مب دلة الشاي يخلصهن فلان وهو يالس في غرفته .. ما ييلس وياهله .. صارت امه تحسب المرات الي تشوفه فيهن .. والحبيب يالس في غرفته .. خلونا ندخل غرفة فلان نشوفه شو يالس يسوي

فلان رد من الجامعه .. طبعا اذا شاف امه يالسه في الصاله سلم عليها وركض على غرفته واذا ما شافها مب ناشد عنها .. دخل غرفته فر الكتب والملفات .. ماشي صلاه ماشي تسميه بالرحمن .. ركب الوايرات شغل الانترنت .. اوهو السيرفر بطي شو هالحاله .. مايدري انه الله يالس يصعب عليه المعصيه .. عنااااد بيدش موقع الشات ... دش الموقع باسم ........... سولف شوي على العام ضحكم شوي .. الحين شغل التقردين .. فتح اللسته شافله كم اسم عيبته هذي اسمها... دش وياها فسوالف وضحك ونفس الوقت يدش على ثلاث اربع .. عل وعسى وحده منهم تضبط ... بعد شوي فلانه والله اسولبج وايد عيبني ... الثانيه والله انا حاس بالوحده ومتضايق وابى حد يرمسني ... والثالثه .. بعد الضحك والله فخاطري اتمين وياي دوم وابا ارمسج في التلفون اترد عليه انا مارمس شباب يرد عليها والله انا عادي عندي ارمسج في اي مكان انتي تبينه والي يرضيج يرضيني تبيني هنيه في الشات والا مسنجر والا في التلفون اي شي يريحج بس انا خلاص احس انج فاهمتني وووو شوي شوي اييب راس وحده منهن

شوي شوي صاحبنا صار حريف .. صار يعرف البنت شو من الرمسه تعيبها .. صار يتفنن في الكلام العسل والي اييب راس شارون مب بس راس بنيه مسكينه قلبها ضعيف واتصدق الريال ..



في البدايه فلان كان يصدق ويا البنات ويقولهن اسمه الصدق وعمره الصدقي .. عقب شوي شاف الحال ما يصرف البنات يعرفن بعض وكل وحده بتقول حق ربيعتها انا اعرف فلان و بيخترب الترتيب .. شوي شوي يبدا يلوت على البنات وهن يلوتن عليه والدنيا لواته ... يوم عنده رنج ويوم عنده بي ام ويوم عنده بورش .. وكل يوم شي

فلان صار يوم ييلس عند الشباب صارو يبونه يسكت عن البنات .. رمست فلان وتعرفت على فلانه وهذي بنت شيوخ وهي عندها السياره الفلانيه وهذي يابتلي الهديه الفلانيه .. وبعد شوي سكتو سكتو شباب ربيعتي متصله بحطه على السبيكر ... الوو هلا حياتي عمري حبيبتي شوي وبتصل فيج والله في المستشفى موصل اخوي الصغير .. بند عنها والشباب ناقعين من الضحك بعد شوي اتصلت الثانيه الو هلا حبيبتي عمري شوي داش محل جواتي ابى اقيس البنطلون بخص محلق وبتصل فيج .. والهبله تحبه اتصدقه اي شي يقوله هذا فلان صادق خلاص حبته



خواني وخواتي .. فلان عايش بعده وبعده مستمر على الي هو عليه .. ادعوله بالهدايه .. وترا مكثرهم فلان

الحين ببدا وياكم بناقش هالقضيه .. شو لي يدفع الشباب لهلاشياء .. انا برمس عن الاشياء الي احسها والي اتوقعها ... اول شي برمس عن البنات .. انا اعرف وايد قصص صارن ويا بنات .. طاحن في شباك فلان وشلتة والسبب .. البنت محتكر عليها عايشه في بيئه صح مب غلط بس محتكر عليها مدرسه بيت غرفتها بس حتى سوق حتى اماكن ماتظهر .. اخوانها يعاملونها بقسوه انتي يالدبه انتي منو يباج يالدرام يالخسفه .. هالبنت تنتقل من عالم المدرسه للكليه او الجامعه .. اتشوف البنات دشن هالانترنت .. تيلس وياهن ... محكوم عليها تشوفهن دامها في الكليه يعني وين تسير فوق السطح .. ربيعاتها .. شوي شوي بدت تدخل الانترنت شوي مواقع شاتينج .. البنت بعدها حشيمه ومب راعية سوالف وصخه .. شوي شوي دش عليها فلان يبدا وياها .. بتاخذ الرقم من اول شي مستحيييييييييييييل .. يبدا حبه حبه .. سوالف ضحك . يدخل الاهل .. يدخل مشاكله العاطفيه يكسر قلب البنت .. البنت باجر اتدش اتلاقي فلان موجود اونه يترياها وهو حاطله الف بنت في اللسته ماعليه منها .. وينج انتي والله انتي تميت افكر فيج امس .. البنت انا الي اخوي يقولي الدبه الدرام الخسفه في واحد يترياني واعجبته عيبه اسلوبي شوي شوي تميل صوبه .. و هلم جرا



خواني خواتي .. عيب علينا والله عيب ... صارن بنات الناس لعبة فيدين هالوصخ ... بدش فكذا موضوع .. مره كنت ساير الحلاق .. الحلاق سوالف انا وياه دوم مزح وسوالف .. مره كنت اتحلق قالي ارباب يريد شوف شي .. قلتله هلا شو عندك ... ياب تلفون (حلاق عنده تلفون اكشخ من تلفون ) فتح الرسايل طلعلي فيديو بنت مواطنه تتفصخ واقولها بنت مواطنه تتفصخ مصوره اشكره ... قلب انقبض يا ناس .. هالبنت من ويها حلوه وبنت ناس صار الكل يهتك عرضها ويشوف الي تسويه .. حتى الهندي ... وين الله منكم طبعا بدون ماتقولون مسكت التلفون وتميت امسح منه اي شي مب زين .. وكلمته كلمتين

بس فذمتكم .. هالهندي لو صارله موقف ويابنت مواطنه وكانت عنده فرصه انه يسويبها شي بيتردد .. بيقول بنات الامارات كلهن شرات الي شفتها .... السمجه الوصخه تخرب على باقي السمج

بعضكم يضحك على هالكلام وبعضكم قلبه يعوره ... بس صدقوني ياما رمسو في هالمواضيع والكلام اييب شي .. اتوقع لو بنت عاقله تقرا موضوعي وكانت على وشك انها اتطيح في شباك فلان وشلتة بتنتبه لعمرها .. وحتى لو طاحت ومشت وحتى لو شي شاب مر في هالشي ومكثرهم الفرصه قدامه ..توب واستغفر ربك .. وبتلاقى ربك يستقبل بالرضى والتوبه ..حالنا بيتغير .. الهموم الي نعاني منها المشاكل الضيج الي كل شاب تلقاه عنده الف هم وهم شايلنه والسبب بعدنا عن ربنا .. محد يقول انا احسن عن غيري .. غيري يواعد كل يوم بنت وغيري يسوي اشياء اكثر واكثر وانا بس ارمس في التلفون انا بس اتعرف في الانترنت ... انا بس ارمس ويا البنات كخواتي واستفيد منهن .. شرات وحده اتقولي مره انا كنت ادش الشات عشان انصح الشباب ومره عيبني كلام واحد من الشباب وحبيته .... تتوقعون بليس بيخليها تسوي الخير .. ماجتمع رجل وامره الا كان الشيطان ثالثهما ... لاتقولين هذا جهاز بمجرد ما ببند بينتهي كل شي .. لا يوم بتنبدين بيبدا عقلج يشتغل و بليس يعاونه ..
بن دبي
29-03-05 ||, 06:51 PM
السلام عليكم ورحمة الله وبركاته
مشكور اخوي على الموضوع الطيب
واتمنى من كل شاب وشابه يدخلون المنتدى يقرون هذا الموضوع
انا اول ما شفت العنوان توقعت شي ثاني بس يوم قريت الموضوع حصلت شي غير عن اللي توقعته
واشكرك اخوي واتمنى إنك تفيدنا من الي عندك
اختك (( أموووره))
بن دبي
29-03-05 ||, 08:48 PM
http://www.al-wed.com/pic-vb/869.gif


سلام ااخوي دين البدو تسلم اولا على موضوعك الجرئ كلامك 100% صح http://oasis.bindubai.com/emoticons/fa42.gif ياماما سمعنا قصص احسن واخس من جيه بس ما اقول غير الدنيا دوارة http://oasis.bindubai.com/emoticons/fa43.gif بعد اول بس المغازل في السناتر يعني بس ترقيم وملاحق وبعدين اتطورا وصار في الجات والماسنجر بس اللحين ما اصدق حتى في المنتديات بعد!! اتخيل شاب يطرش له بنية اول شي سلام وبعدين كيف الحال واشوي واشوي اخر الاخبار وبعدين ها تبدأ السوالف.... ومن بعد السوالف انا متاكدة من الكل يدري شو يصير .. .. ..http://oasis.bindubai.com/emoticons/fa36.gif .. ... انزين أنا أناشد الادراة في كل المنتديات انه يتأكدوون من كل رسالة من قبل كل عضو او عضوه قبل ما ترسل مع اني هالشي وايد وايد صعب اصلا تبغي توعية أكثر للشباب والفتيات لانه اصلا هذا حرام حتى الشات والماسنجر بعد حرام http://oasis.bindubai.com/emoticons/fa55.gif والسموووحة فتاة جامعية

http://www.al-wed.com/pic-vb/869.gif
ميامي 44
29-03-05 ||, 11:42 PM
السلام عليكم ورحمه الله وبركاته

أشكرك اخوي دين البدو على هذا الطرح الرائع

وبالفعل الله يهدي الجميع إن شاء الله
لا حول ولا قوة الا بالله ..

الواحد قلبه يعوره وهو يسمع هذي السوالف ..
ويقول معقولة في ناس في هذا الزمن .. بهذي الطريقة ..

ما أقول غير :

الله يحفظ شبابنا .. وبناتنا ..
من كل مكروه ..

يعطيك العافية دين البدو مرة ثانية على الموضوع والطرح
أمرين
30-03-05 ||, 02:19 AM
السلام عليكم



مشكور أخوي دين البدو على الموضوع الرائع

ويزااك الله ألف خير

كلامك الصراحة كله صح

وصدقني إذا اليوم بعض الشباب ما يسوون جيه يقولك:

((اتخسي أكون أنا فلااان وما أكلم بنت))



والسموووووحة



وننتظر يديدك انشاءالله





المحبة:

أمــــــــــــــــريـــــ ــــــــــن
لمّــاح
30-03-05 ||, 02:48 AM
الســلام عليكم ^_^

موضوعك شدني و اسلوبك الممتاز ياخويه هو الي محلي الموضوع ، أهنيك بصراحة على هالاسلوب الجميل . .

موضوعك ماعليه غبار و كل الي قلته صح ، و مثل ما قال الرسول ( بما معناه ) انه من رأى منكم منكرا فاليغيره بيده فإن لم يستطع ف بلسانه فمن لم يستطع فبقلبه و ذلك اضعف الإيمان ..

أهنيك على غيرتك على اولاد و بنات بلادك و الله يجازيك خير الجزاء على هالموضوع ..

بالتوفيق ، و سجــل إعجـــابي بموضوعك المتميز و اسلوبك الجميل . .:)
الحاضر الغايب
30-03-05 ||, 07:19 AM
<font color='#000080'><FONT color=#000080>السلام عليكم ...

يا مرحبا بك اخوي وعوده متميزه ان شاء الله

ياخوك مثل ما قلت كلمت الحق تنقال ... واسمحلي من البدايه علي ردي ...

انا اخالفك من اول جمله قلتها ... يوم قلت فلان انسان محترم وولد ناس ومتربي احسن تربيه ...

انزين انا بسألك شو معني التربيه عندك ... ؟؟؟

الموضوع واضح ياخوي وانا ما ابي اجرح في فلان وعلان ...

<FONT color=#cc0000>باينه هشاشه التربيه وعدم وجود الوازع الديني</FONT> ... عيل كيف تقول احسن تربيه

يعني نرجع للاصل اللي هو التربيه .. وخلك من محترم وغيره لانها صفات ظاهريه يتشكل فيها الواحد اذا حب يغير من وجهة نظر&nbsp;الآخرين او اقدر اقول&nbsp;انه اسلوب جديد للتعايش .. يعني نوقف هني وما نكمل القصه لانها وبكل بساطه فيها نقص من الاساس فيها غلط من الاساس ... فلان طول الوقت ما سوي شي ... بس يوم انفتح له باب دشه علي طول ... هذا مب كلام منطقي ياخوي ... اذا حاب تحلل فلان شوفه من الداخل من يكون ... ولا تحكم علي فلان من اللسان
والدليل كلامك في آخر تصرف لفلان جدام ربعه ... يعني حتي ما تقدر تقول انه في شي من الاحترام اذا ما كان للذات علي الاقل يكون للغير .

الفلوس تعمي النفوس ....

انا اتوقع اني اذا رمست اكثر بيكون الكلام جارح اكثر ... اكتفي باللي قلته <IMG src="http://oasis.bindubai.com/emoticons/smile.gif" border=0>

الله يهدي فلان بس

واتمني تكون مشاركتي حلوه <IMG src="http://oasis.bindubai.com/emoticons/biggrin.gif" border=0>

والف شكر علي الموضوع

والسموحة
</FONT></font>
القلب
30-03-05 ||, 08:09 PM
<P align=center>
تسلم اخوي" دين البدو" .. على هالموضوع الحلو..
.. مثل ما قال الحاضر الغايب.. المتربي والمحترم ما له بهالسوالف..
&nbsp;يعني صح الربع والبيئة اتأثر بالشخص.. بس بعد ما بتغير المبادئ اللي تربى عليها هالشخص..
.. المشكلة ان اغلبية البنات عندهن ثقة زايدة بانفسهن.. يعني يوم ارمس وحده اقولها اللي اتسوينه غلط..
&nbsp;وكيف اتسوين جذه من وراء اهلج واترمسين الشباب عالمسن او الشات..
اترد علي بأنه هذا كله سوالف .. وانها مستحيل اتحب او تتعلق ابواحد من خلال الشات..

ما انقول الا الله يهديهن ويهدي شبابنا ..

قلب دبي
</P>
الثعلب الرمادي
31-03-05 ||, 04:37 AM
<font color='#000000'>أول شي الموضوع مبالغ فيه لدرجة كبيرة<IMG src="http://oasis.bindubai.com/emoticons/laugh.gif" border=0>

هالاشياء موجودة و محد يقدر ينكرها في الهند مثل ماهي في الامارات و ايطاليا الحين شو العلاقة بين هاي الدول هنيه السؤال<IMG src="http://oasis.bindubai.com/emoticons/cool.gif" border=0>

مثل مافي بنات و شباب منحرفين فيه شباب محترمين و مستحيل يغلطون هاي الغلطة و في شباب ما يسوون هالاشياء مب لانهم محترمين او متربيين و لكن لانه مالهم مزاج من الاساس (من يريد ينزل للمجاري) و يعيش هناك يرفع ايده و لا حد<IMG src="http://oasis.bindubai.com/emoticons/fa36.gif" border=0>&nbsp;مالي مزااااااج .... البنت اللي كتبت الموضوع موضوعج خيالي نصيحة لا تفكرين وايد في هالمواضيع اوكيه<IMG src="http://oasis.bindubai.com/emoticons/fa42.gif" border=0>

تشاو</font>
تحفه
31-03-05 ||, 06:20 AM
<font color='#000000'><P align=center>عليكم السلام والرحمه

تدرون .. ما ادري .. بس مرات احس إنّـه مع كل الي قاعد يصير في الدنيا ..
&nbsp;الواحد ما قام يعرف شو يسوي ولا كيف يسيطر على الوضع

والله التربيه في هالزمن احسها صعبه .. يحليلهم امهاتنا .. والله انا وايد مستغربه من الي قاعد يصير
نسمع وايد سوالف .. وصدق يعني النهايه اكيد بتكون ( تراجيديه)
وعن اذن المارقبين وراعي الموقع .. واسمحولي يعني .. بذكر اسم موقع .. ينزل قصص و مواضيع عن المغازل ..الصراحه الله يعطيهم الف عافيه الي قامو عليه ... ( اطري دبي مون ) ..&nbsp;يكتبون قصص صدقيه اتصير امبين الشباب وجي ( عن المغازل)

انا أعرف بنات .. امهاتهم طيباااااااات .. وبنات ناس وعوايل .. بس من كثر الدلع و من كثر ما الاهل يخافون عليهم ويحبونهم .. يظهرونهم من المشاكل مثل الشعره من الطحين ( ادري منقعه في المثل ) <IMG src="http://oasis.bindubai.com/emoticons/laugh.gif" border=0>&nbsp;

فـ احيانا البنت اتكون عارفه انها لو شو سوّت .. اهلها بيساعدونها و جي .. فتروح فيها


وفي بنات .. يعني استغفر الله .. يغازلون بدافع البيزات ( انا توني يوم دخلت الجامعه خبروني عنهن )
وهو نفسه سبحان الله الي وداد الكواري مؤلفه مسلسل حكم البشر و الثاني اليديد في رمضان ( نسيت اسمه)&nbsp;
&nbsp;.. يوم الممثله لميا طارق صاعت لانها اونها تبي تعيش حياتها مثل كل البنات وما ادري شو &#33;؟؟&#33; <IMG src="http://oasis.bindubai.com/emoticons/rock.gif" border=0>&nbsp;

تدرون .. انا احس ان شخصيه الانسان واعماله .. كلها تكون مبنيه على ( الفطره )
و صارت التربيه&nbsp;في الصغاريه و المراهقين&nbsp;تشكل 50% .. لان التلفزيون والنت والربع يدخلون فيها
وللبنات 65% .. بحكم انهم يحتكون بصوره اخف بوايد من الشباب بربعهم و ما إلى آخره ..

والباجي .. يعتمد على ربعهم و تعليمهم و بيئاتهم


...

واما عن المغازل .. فما ادري .. بس .. انا احس ان مافي شباب ما يرمسون ولا يغازلون ولا ما ادري شو هالزمن ؟&#33;؟
خاصه ان الاختلاط موجود موجود .. شر لا بد منه

...

وبصراحه .. ومن دون لف ودوران .. ما نقدر انلوم البنت لانها طلعت مغازلجيه .. لأن نحن نجهل ضروفها .. ولا نروم نلوم الولد
انا من اول ما دخلت الجامعه .. واسمع البنات يحشون ( هاي مغازلجيه .. شوفو شو لابسه اكيد هاي تووت .. وهاي ليش جي ترمس في التيلفون وايد .. وهاي تضحك ما ادري شقايل و فاره الشيله والعباه اكيد هاي ما ادري شو .. )

يعني انا استغرب .. نحن مب ألله استغفر الله عشان نحكم على الناس .. مثل ما نحن فينا عيوب .. هم هاذي عيوبهم
واذا هم ناس وايد منحطين .. ليش نكرهم ونحقد عليهم وما ادري شو &#33;&#33; ... بالعكس هالناس انا اشفق عليهم ..

انا وايد ما احب الي يحشون في الناس .. الحمدلله يعني وبدون تكبر وتخقق اقولها .. انا احسن صفه فيني .. اني ما احش عن حد او ارمس من وراه .. إلا اذا كنت متضايجه من تصرفاته و ارمس ربيعاتي عنه ..

الله يهيديهم ويهدينا ..


مشكووووور على الموضوع الاكثر من الرائع .. كان عندي كلام اكثر احسن&nbsp;.. بس نسيته

ام خدود </P></font>
الغاليه
31-03-05 ||, 06:38 AM
<font color='#000000'><P align=center>

السلام عليكم&nbsp;


مشكووور دين البدو عالموضووووع الرائـــــــــع ..

واللي اشترك في وصوول فلان وفلانه لهذي الحاله اكثر من عامل

التربيه والاهل والبيئه والمجتمع اللي يحتضنهم في اي مرحله عمرية كانوا ..( مدرسة ..جامعة عمل&nbsp; .. الخ )&nbsp;

بس في شي قلته لفت انتباهي ..&nbsp;&nbsp;

<FONT face="Times New Roman">السمجه الوصخه تخرب على باقي السمج<?xml:namespace prefix = o ns = "urn:schemas-microsoft-com:office:office" /><o:p></o:p>


هالشي لاحظته بشكل واااااااااااااااضح عندنا في الجامعة..&nbsp; بنات مايخصهن بهالسوالف اتعلموها من البنات الخياس

نسبــــــــــــــة كبيرة منهن يرمسن شباب عقب مادشن الجامعة ..&nbsp; وفي البريكات حالات العشق واضحه في كل مكان

خاصة ومحد مانع الموبايلات عندنا... <IMG src="http://oasis.bindubai.com/emoticons/laugh.gif" border=0>&nbsp;بالعكس قامن البنات يتحسبن هالشي هو الصح&nbsp;
&nbsp;

ماقاموا يستحون&nbsp;ويحسون انه شي غلط&nbsp;&nbsp;&nbsp;..&nbsp;&nbsp;وعادي جدا اتمر وحده عدالي فالكوريدوور واتقوول بكل صووتها شحاااالك فلاان ..الخ &nbsp;وتضحك باعلى صوتها

وتبوون الصراحه نحن بعد قمنا مانستنكر هالشي و مع الايام حسيناه شي عادي من خصوصيات الانسان والحرية الشخصية &#33;&#33;

اللي تبا مصلحتها اتعرف وين بتحصلهاا&nbsp; .. محد ياهل بيننا

يمكن الحاله اللي انعيشها نحن مب في كل&nbsp; الجامعات&nbsp; .. بس دام هالشي بدى عندنا شويه شويه بينتشر

وهاللي خلاني اعتقد ان المجتمع اكيد بينتقل لمرحلة اجتماعية ثانية غريبة جدا مايخصها لا بدينا ولا بعاداتنا &#33;&#33;

وهالشي ما اتمنااه ابدا&nbsp;..&nbsp;&nbsp; واصلا مـــــــب حلو <IMG src="http://oasis.bindubai.com/emoticons/fa44.gif" border=0>&nbsp;..

بس بعد شي فئــــــــــة زينة وخيرة من البنات&nbsp; ونسبتهن اكثر على فكرة .. حتى بعضهن من اللي يرمسن واشكالهن مش ولا بد

طيبـــــــــــــــــــات&nbsp;&nbsp; لكن مشكلتهن الوحيدة انهن&nbsp;ساااااذجاااااات ومايعرفن ليش هن ياياات الدنيا ...وماشي بيئة تصلبهن..


والسموووحه ...



تحـــــــــــياتي
</FONT></P>
<P class=MsoNormal dir=rtl style="MARGIN: 0in 0in 0pt"><SPAN lang=AR-AE style="mso-bidi-language: AR-AE"><SPAN style="mso-spacerun: yes"><FONT face="Times New Roman">&nbsp;</FONT></SPAN></SPAN>

</P></font>
دين البدو
31-03-05 ||, 07:37 AM
اموووره .... هلابج اختي واشكرج على اهتمامج وقراءتج للموضوع .. وانا امنيتي انه كل واحد يقرا الموضوع ياخذ منه الشي المفيد ويحاول ينشره .. لانه نحن في النهايه خوان وهل بلاد وحده والمصلحه مصلحت الكل ومحد له غناه عن الثاني ويامرحبابج مره ثانيه



فتاه جامعيه .... اشكرج يالمثقفه عاد انتي جامعيه لازم تتحفينا بآراءج ومقترحاتج الطيبه .. واتمنى من الاداره انهم ياخذون برايج والي اتمناه اكثر انه ما يتكرر هالموضوع لاي بنت في هالمنتدى واي مكان .. والي حاشمه عمرها بتم حشيمه غصب عن هاللوث .. بعدين بيني وبينج الي عادي عنده سوالف المغازل ما يفرق بين بنت نظيفه وبين الوصخه .. صار هالشي عادي يعتبر اي بنت تستخدم الانترنت صايعه .. واي بنت تسير السوق صايعه لازم يرقمها .. بس مانقول غير الله يهديهم و يصلح حالهم



ميامي 44 ..... حاضرين ياخويه ونحن دومنا ويابعض نتناقش في المواضيع الطيبه ونتمنى انه نشوف هالمظاهر السلبيه تقل من مجتمعاتنا ويامرحبابك يالغالي



أمرين ...... صادقه بس بعدهم الشباب المتربين والحشيمين مكثرهم بس مالهم طاري لانهم حافظين عمارهم عن هالرمسه ..... ويامرحبابج واسعدتني مشاركتج



لماح .... اتعرف الله يسامح حكومتنا الي خلت جامعاتنا كلها بالانجليزي ساعه يالس ادور الشده في الكيبورد عشان احطها على اسمك مالقيتها هههههههه .... الشكر لك والي محلي الموضوع ياخويه هو طلتكم الحلوه ومشاركاتكم الي تشرح النفس ... وياكبر اجرها عند الله ياخويه يوم نتواعن على الخير ونطرح مثل هالمواضيع وغيرها ونكررها دوم وذكر انه الكرى تنفع المؤمنين ... محد منا مافيه عيوب واخطاء بس شو فايدة الاخ اذا مانصح اخوه .... لك جزيل الشكر على كلامك الحلو يمكن ماستاهله بس تسلم واتمنى التواصل يدوم بينا في الي يرضي الله .. ويامرحبا الساع



الحاضر الغايب ............ الصراحه كلامك طيب وردك اسعدني ... وانا وياك في اللي قلته الي يسوي هالحركات انسان عديم الاخلاق .. بس ياخويه انا مابا ارد الغلط على الزمن واقول التطور والانترنت والفضائيات واردد الي يقولنه المطاوعه هذي الي خربت عيالنا وخلت الكل يمشي في هالدوامات الصعبه .. لا انا وياك الي يبى يخترب يخترب بكيفه محد ضربه على ايده .. المشكله انه عيال ناس والله اتشوف اهاليهم مربينهم احسن تربيه واهاليهم ما يفارقون المسيد وهم ماشيين على هالدرب ولكن رفقة السوء الي ماتقول انك تقدر تعيش بدون ماتخالطهم في المدارس في الحواري في النوادي في المولات فكل مكان موجودين .. صح انت بكيفك ترابع الي تشوفه زين ومحترم .. بس منو منا معصوم عن الخطأ .. والشيطان يبدي وياك حبه حبه .. انت رمس بنت بس لمجرد الصداقه .. راسلها بس ايميلات شوي شوي يقولك كلمها في التلفون مب لازم ترمس شي مب زين بس كلمها .. وايرك شوي شوي عقب يوسوسلك ماتبى تشوف هالانسانه الطيبه .. شوي تطلب صورتها شوي تطلب انك تشوفها من بعيد ويا اهلها شوي تبى تيلس وياك عشان تكلمها شوي شوي تحلى اللعبه .. صح التمسك بالدين يوقفك قبل ماتبدا هالمشوار .. ولكن نحن نقول للي مشو في هالدرب لا تقنطو من رحمة الله .. وتقدرون تقولون لا نحن ما بنواصل .. وانتو فيكم الخير ... مب معناته انحطكم في اللبلاك لست .. لا انتم خوانا وخواتنا .. والي يلحق على عمره نحن بنوقف وياه والي بيستمر نحن ما بنتوقف عن نصحه وارشاده .... اسمحلي على الاطاله ياخويه بس اتمنى انه نفيد بعضنا ونتعلم من بعضنا ونفيد بلادنا واهلنا ويامرحبابك في اي وقت



قلب دبي ..... هلابك ياخويه وسرتني مشاركتك وردك ... انا اقولك شرات ماقلت لخويه الحاضر الغايب .. الي يسوي هالحركات والي انا طريتهم مب من كوكب ثاني .. هم عيال بلادنا ويبقون عيال الامارات .. ونحن بنوقف وياهم ونعطيهم النصايح هذا واجبنا .. وكل نفس بما كسبت رهينه .. الي علينا انه نرشدهم نخبرهم شو تالية هالشي الي يسوونه .. البنت شرات ما قلت تعرف انه نهايه هاللعبه مب حب ولا زواج ... وتسمع عن المشاكل الي تصير ويا البنات الي يمشن هالدرب .. بس المسكينه تقول لا انا بجرب وبكون حذره .. وبعدين سعوود حبيبي والا حمود والا عبود والا رشود غير عن هالشباب الوصخين ... ترا انا يوم بكون وصخ والعب عليج ما بقولج تعالي شوفيني شو اسوي من وراج .. اكيد بكلمج باسلوب وبمكر الثعالب وبخدعج شوي شوي .. ولكن اذا فيوم من الايام قلب دبي والا الحاضر الغايب والا دين البدو والا اي واحد ثاني نزل موضوع شرات هالموضوع و قرته بنت كانت بتمشي في هالدرب وانتبهت لعمرها شو تتوقع الاجر من الله .... اشكرك ياخويه مره ثانيه وتسلم على ردك الطيب



الذئب الازرق .. اشكرك على مرورك واهتمامك .. بس ياخويه اول شي انا ريال ثاني شي اتمنى انك تقرا الموضوع برواقه مب وانت مستعيل وتعرف شو المغزى منه .. ثالث شي .. يعني الامارات عندك شرات الهند وشرات امريكيا ؟؟؟؟؟



ام خدود ... اشكرج على ردج وانا فخاطري وايد كلام بس الله يعلم بحالي اني احاول قد ماقدر ادش واستانس بردودكم واحاول اني اتناقش وياكم .. بس بعد بعطيج شوي من وقتي وان شاء الله اقدر في المرات القادمه اكمل وياج ..



شوفي ياختي الفاضله .. نحن هنيه ومثل ما قلت فموضوعي نحن مب مطاوعه يايين نقولكم هذا حرام وابتعدو عنه .. ولكن انا حالي حالكم شاب واعيش في هالمجتمع . وبدون تكبر وغرور لي مواقف في هالدنيا وفي كذا مكان صارن قدام عيوني وسمعت عنهم .. فانا ما ارضى اني اشوف نفسي في مثل هالمواقف ونفس الوقت ماحب اشوف وحده والا واحد من عيال بلادي والا لو كان مسلم انه يتعرضلهن .. اختي انا شرات ما قلتلج شاب .. واعندي قلب وابى حبيبه وابى انسان يكون وياي وقت ضيقي والظروف تحكم اني اكلم بنات سواء في الدراسه العمل المستشفى البنك اي مكان بتسيرينه البنت موجوده فيه .. ولكن يوم انا ايي اتعرف على بنت .. وما بسوي وياها الحرام لا مجرد انها تكون انسانه غاليه ونسمع بعض كلام زين ومحترم .. انزين هالبنت بعد كم سنه يوم بتزوج .. هل برضابها انها تكون زوجتي .. واذا رضيت ما بتم اشك انها مثل ماكلمتني ماكلمت غيري واذا صار هل اكيد اهلها بيرضون .. ثاني شي الكلام الحلو والاشياء الحلوه الي بنتلكم فيها والا ما بنبالغ فيها وما بنتكلم في الحرام منو كان اولى اقولها لبنت ما تربطني فيها اي علاقه شرعيه والا لبنت تكون حليلتي وزوجتي واعرف انه اي كلمه قلتها وطلعت مني تستاهلها هالبنت؟؟

بالنسبه للدوافع الي تجبر البنات والشباب على المغازل انا قلت شي منها في الموضوع وفي ردودي على المشاركين .. الضغوط الي تصيب البنت من اهلها هذي من اهم الاسباب .. البنت ماتلقى اي انسان يسمعى و يكون قريب منها غير هالذيب اللعين .. والي هو باسلوبه الي خلاص احترف فيه يسمعها كلام يخليها تفقد صوابها .. الله يحفظنا وياكم ياختي من كل شر واسمحيلي على الاطاله ويامرحبابج



الغاليه . انا اشكرج جزيل الشكر ومابرد على الكلام الي قلتيه لانج يبتي اشياء واقعيه وكفيتي فيها .. ولكن انا الي ابغي اقولج اياه والثاني والثالث .. صدقيني صدقيني صدقيني اقل القليل بيكون عندج صديقه او زميله في الصف تسوي هالشي وهي شرات ماقلتي تشوفه صح .. وماباج اتسيريلها باجر اتقوليها هذا حرام وهذا بيوديج النار .. ولكن فكري باسلوب وطريقه كيف انج توضيحيلها بطريقه مب مباشره انه هذا نهايته مب صح .. اشكرج مره ثانيه والله يجمعنا وياكم على الخير دوم
الملهم
31-03-05 ||, 08:51 AM
<font color='#A8A8A8'><P align=center>السلام عليكم

موضوعك واسلوبك رائع ..

المشكلة التي تعانيه مجتمعنا هي ان الفتاة اصبحت ساذجة ..
تصدق كل من قال احبكِ .. فليس كل ما يلمع ذهبا .. ليس كل من قال احب هو صادق ..
اصبحت الفتاة كاللعبة اذا مل منها الشاب اعطى لغيره وابدلها بغيرها ..

قال لي اخي مرة : احذر من ثلاث اشياء في عالم&nbsp;الانترنت .. الشات والمنتديات والماسنجر ..

&nbsp;أنا لا انكر ان الشباب هم ايضا السبب الاول في الفساد ..
وهم كالذئاب الذين لا يصدقون ان يروا صيد جميل .. فعلى الفتاة ان
تحذر بشدة منهم وان كان طيبا وان كان " مطوع او امام مسيد " ..

الله يحفظ شبابنا وبناتنا من افة الزمان
ويهديهم الى الطريق الصحيح ..

أشكرك اخي على موضوعك الاكثر من رائع
وعلى غيرتك على اهلك .. جزاك الله كل خير ..
وفقك الله للخير والسعادة ..</P></font>
أوتار القلب
31-03-05 ||, 10:17 PM
<font color='#ADA96E'><FONT color=#ada96e>
<P align=center>
<FONT face="Tahoma, Arial, Helvetica, sans-serif" color=#000099 size=2>عليكم السلام و الرحمه
انا احس ان ها المشكله من اهم اسبابها هو التفكك الاسري
و احس ان البنيه هي المظلومه من ها الشي
يعني محد يسأل عن البنيه وين تظهر وين تروح منو ترمس
تيلس عالنت طول اليوم و محد يقولها شي
و ماشي حد ترمس وياه في البيت
تقوله عن همومها .. مشاكلها
مهما استوالها تحطه في قلبها وتسكت
و هذا الشي يؤدي للكبت
و بالتالي تدور حد تكلمه بداعي الملل او الفراغ
و بعد الشاب ما ينلام لان البنت طلعت ساذجه و غبيه
و محد يسأل عنها
و البنت هي اللي فتحت ها الباب عليها
يعني مب&nbsp;معقوله واحد يرمس وحده غصب عنها
و هني البنت لازم تحذر من ها الشي
تسلم اخوي&nbsp;عالموضوع
الله يوفقك
<IMG src="http://oasis.bindubai.com/emoticons/smile.gif" border=0>
</FONT></P></FONT></font>