المساعد الشخصي الرقمي

مشاهدة النسخة كاملة : تذكرون ألعاب الفريج



بن دبي
17-05-02 ||, 09:25 PM
<img src="http://oasis.bindubai.com/emoticons/smile.gif" border="0" valign="absmiddle" alt=':)'>

السلام عليكم ورحمة الله وبركاته

مرحبا اخواني الشباب وخواتي البنات

اليوم يت على بالي ألعاب ايام زمان .. أيام السكيك والفريج
أيام ما كنا نلعب بنات وصبيان ويا بعض
يوم ما كنا نتالي بالفرجان الضيقه هني وهناك ونتالي طول النهار خاصة ايام الصيف والاجازات.. ولا نرد البيت الا عقب المغرب.. لا نفتكر لا بظهر ولا بحرارة الجو ولا حد ينشد عنا كلتوا وللا ما كلتوا وللا شو كلتوا .. ولا هاي الاكله مو زينه وبتسممون ولا شيات
والحمدلله احنا بخير وبصحه ومناعتنا ما شي شراتها.. وكل هذا من اكل البان والسمبوسه الهنديه ويا الشتني وذيج البكوره اللي بوسطها الفلفل الحار
وسندوشات البيض السمبوسه ويا الدقوس الي يبيعه الهندي المتجول راعي السمبوسه كل عصر
<img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'>
هذا مو موضوع كلامي .. لكن الذكريات ودتني لكل هالمقدمه لاحلى ايام عشتها بصغري وسط الفريج ويا خساره ان عيال هالزمن فاتتهم هالايام اللي ما تتعوض

موضوعي عن العاب زمان ... تذكرون..؟؟؟ المصطاع والكوك <img src="http://oasis.bindubai.com/emoticons/thumbs-up.gif" border="0" valign="absmiddle" alt=':look:'> والكوره اللي نفرها على قواطي معجون الطماط الصغيره.... <img src="http://oasis.bindubai.com/emoticons/devil.gif" border="0" valign="absmiddle" alt=':dev:'> وعقب نركض ويزخونا الربع
لااااا كله صوب ويوم كنا نطير النوامات ٍ( طائره ورقيه) &nbsp;صوب ثاني...
يا حبي لها اللعبه ..والله يوم اذكرها الحين اقول حنا كنا ميانين نركض ونركض ونركض عشان نزخ نوامه بنص وللا ربع ريال لا والكشخه النوامه الصاروخيه
اللي شكلها غير مو مربع ....

وكله صوب ولعب كرة القدم بالفريج صوب.... يالله على ايام سلوم القصير وعلووو الاقرع وجسوم العري.. يلي كان يدور حارس المرمى لكنه كان فاشل بمعنى الكلمة لانه ما كان قادر يصد الكور مالتنا

بصراحه ودي اعبر واقول اني تولهت على لعبة المصطاع وقواطي الطماط
وودي العبها .. ففي اي حد من الواحات بيلعبها وياي...
ولو اي حد منكم يتكلم عن العابه اي تعيبه ايام زمان ... وناسه <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

اخوكم بو<img src="http://oasis.bindubai.com/emoticons/hehe.gif" border="0" valign="absmiddle" alt=':heh:'> فهد

الياهل
17-05-02 ||, 10:12 PM
أنا ما كنت وياكم <img src="http://oasis.bindubai.com/emoticons/tounge.gif" border="0" valign="absmiddle" alt=':p'> أنا يديده <img src="http://oasis.bindubai.com/emoticons/hehe.gif" border="0" valign="absmiddle" alt=':heh:'> بعدني بقراطيسي <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> مالعبت في الفريج <img src="http://oasis.bindubai.com/emoticons/wow.gif" border="0" valign="absmiddle" alt=':0'> كان كشخه؟

بن دبي
17-05-02 ||, 11:57 PM
السلام عليكم...
الله عليك يابوفهد...مافيك حيله...
وتسلم انك ذكرتنا بايام اول <img src="http://oasis.bindubai.com/emoticons/sad.gif" border="0" valign="absmiddle" alt=':('> الي ماتنمحى من الذاكره......
والله ايام حلوه...يوم كنا نجتمع مع ربعنا ونلعب مختلف الالعاب وبالخص(كوك و كرة القدم)
الله يرحم ايام اول.. <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('> <img src="http://oasis.bindubai.com/emoticons/sad.gif" border="0" valign="absmiddle" alt=':('>
وحيد في باريس...

لبن مثلج
18-05-02 ||, 12:14 AM
<img src="http://oasis.bindubai.com/emoticons/smile.gif" border="0" valign="absmiddle" alt=':)'> الله عليك يابوفهد ،، وعلى موضوعك الشيق...ذكرتني بايام السبعينات ايام السيكل في الفرجان ،، والتيله والنوامه وكوك ،، ولعبه مميزه وايد كنا نلعبها ويا اخويه الوسطاني والي ماشي مثلها مول ،، لعبه الكراتين : كان يحطنا في الكرتون وساعات في الدرام ويعقنا من فوق الدري ،، والمصيبه ان كنا بسبعة ارواح ،، كنا نطلع من الكرتون بكامل قوانا العقليه ... والمرحانه الي كانت في النخله العوده في نص الحوي ،، اسمينا طحنا واتكسرنا .. بس كانت لعبه حلوه ..

هي اتذكرت لعبه ثانيه :كنا نوقف فوق الكبت وننقز على الفراش بالدور..:bigs:

والله ضحكتني يابوفهد .. رديتني لايام زمان ايام الشطانه والفرجان... <img src="http://oasis.bindubai.com/emoticons/bigsmile.gif" border="0" valign="absmiddle" alt=':bigs:'>

فرح
18-05-02 ||, 12:17 AM
<img src="http://oasis.bindubai.com/emoticons/smile.gif" border="0" valign="absmiddle" alt=':)'>

مرحبا بو فهد .....
والله اشكرك من قلبي على الموضوع الحلو اللي اشرح لي قلبي
وعن الالعاب فكنا مسكتين والله ما خلينا شي بخاطرنا ... وكلما ارد وافكر اقول ما ادري كيف احنا عايشين بخير ومو متشوهين من الشطانه اللي كنا نسويها... لكن الله الحافظ

الله يسلمك اخوي كنت احب وايد لعبة الميت والكوك و النط عالحبل
ولو اني بنت لكني لعبت كل العاب الشباب ومن اولهم تطير النوامات انا واختي الله يذكرها بالخير....
اما لعبة قواطي الطماط فهي لعبتي الاولى وممكن اتحداك فيها بس عاد ييب لي سكه زينه نلعب فيها
وما انسى التيل العاديه والملونه والمائيه ... تذكرونها ..؟؟ كان اخوي يفر التيل العاديه بالطوي وعقب اسبوعين ينزل الطوي يطلعها وهو حاط بباله انها بتتحول لمائيه... تهيوءات...:p
من اكثر الالعاب الخطره اللي لعبناها سباق تسلق ارايل التلفزيون ( الحديد مال ايام زمان) ليما سقف البيت....
وللا احلى شي يوم كنا نقلب المنز مال اختي الصغيرونه ونطيحها من المنز ونيلس عليها.... بصراحه كانت دبدوبه وصياحه زياده عن اللزوم.... لكن الحين نحبها وااايد لان دمها خفيف مثل الدبس <img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>

ولا انسى لعبة الحويم والوقوف على الرأس والصقله....
وقبل لا انسى.... احلى شي يوم كنا ننثر البودر على الكاشي ونلبس الزنوبه... ونتزحلق..... يا سلام لعبه ولا اروع.... <img src="http://oasis.bindubai.com/emoticons/tounge.gif" border="0" valign="absmiddle" alt=':ton:'>

بن دبي
18-05-02 ||, 10:38 AM
السلام عليكم ورحمة الله وبركاته

اشكرك اخووي بوفهد على الدعوه للمشاركه في هذا الموضوع الشيق

استااانست من الخااااطر يوم قريت العنوان الله العاب اياام قبل..ذكرتني باياام الطفوووله واياام الشطااانه وين عصابيتي الحين وين راحت وشخبارهم ..تذكرون ايام زعامة الفريج وعصابات البنات والاولاد<img src="http://oasis.bindubai.com/emoticons/devil.gif" border="0" valign="absmiddle" alt=':dev:'> &nbsp;والتحديات الي تصير بينهم ..تصدقون كنت زعيمة العصابه هههه &nbsp;نونه<img src="http://oasis.bindubai.com/emoticons/devil.gif" border="0" valign="absmiddle" alt=':dev:'> &nbsp;زعيمة هيه كنت شيطانه ومحد يقدر علي ؟..لا وبعد عنا كلمة سر للعصابه ماندخل اي شخص &nbsp;في العصابه ..تبون تعرفون شو هي كلمة السر ..تعالو بخبركم بس لاتقولون اني انا الي خبرتكم ولا بروح وطي من العصابه ،،كلمة السر الله يسلمكم (عقلة الاصبع) وبقولكم سبب التسميه بما اني كنت زعيمة العصابه فاخترنا هذا الاسم لاني كنت اصغرهم وااقصرهم هههههه..بس الحين لا انا مب قصيره <img src="http://oasis.bindubai.com/emoticons/wink.gif" border="0" valign="absmiddle" alt=';)'>

كنا نحوط من الصبح لين الظهر نرد نتغدى وعلى طوول برع حواااطه لين أذان المغرب وياحلاتها من حواطه بس خساره تكون في الاجازه والحين راحي هذي الايام...:doz:

وين ايااام المسطاااع وقواطي الطمااام <img src="http://oasis.bindubai.com/emoticons/smile.gif" border="0" valign="absmiddle" alt=':)'>..بوفهد طلعتوا شراتنا تلعبون بقواطي الطماط <img src="http://oasis.bindubai.com/emoticons/tounge.gif" border="0" valign="absmiddle" alt=':p'>..كله ولا لعبة الصلخ ماكنت احبها ..كنت دومي انضرب فيها وارقد فليل وانا اتألم ..ولا الكود والصاايح حج الركيف &nbsp;وويع الريل تالي الليل وتم ماماتي تهمز فينا حليلها <img src="http://oasis.bindubai.com/emoticons/inlove.gif" border="0" valign="absmiddle" alt=':love:'>

بعد شو يا نونه هيه تذركت لعبة الموووت والعذاب &nbsp;(الميت) <img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'> بس بعد كانت حلوه ولها ذكريات ماتنسى .. وياويلها لو كان في الفريق الضد اصحاب الاحجام الثقيله نروح وطي مافي مجال للفوز ههههههه

عاااد كله والا لعبة الاسبروا ولا احلى حج الاختباء .. تعرفون وين كنت اندس عسب محد يصيدني ههههه بقولكم بس بلييييز محد يضحك علي اوكي ..الله يسلمكن كنت انخش في الغساااله <img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'> ههههههه ولا فوق اللوزه ويتمون يدورون علي وانا خبر خير انساهم ههههههه


وين موااسم النوامات والتيل الله اشحلاتها من ايام كل واحد يتخقق بمجموعة التيل الي عنده ومن يوصل النوامه لاعلى مستوى ودايما يفوزون الباكستانيين علينا اذا تحدوا احد فينا ..ماشاءالله عليهم خبيرين هههههههه

وييه<img src="http://oasis.bindubai.com/emoticons/thumbs-up.gif" border="0" valign="absmiddle" alt=':look:'> نسيت احلى لعبه المشي فوق صور البيت ومن ثمه الهبوط على ارضية الحوش طبعا الدواشت تكون تارسه الارض ..هههههه لعبة المخااطره والله كانت رووووعه ولا احلى وتم امي ايدها على قلبها ونحن في وادي ثاني مستانسين

فرح الحبووووبه ذكرتيني بلعبه شرت اللي ذكرتيها بس الفرق انكم كنتم تنثرون الفودر نحن كنا نرش ماي على الكاي ويالله نحول الحوش لصاله تزحلق طبعا بالزنوبا ههههههههه

واللعبه الي كانت امي تكرها وهي التزحلق من اعلى الدرج للاسفل &nbsp;باستخدام الطشت هههههههههه تعرفون امي ليش كانت تكرها لانه كنا كل مانلعبها نكسر لها الطشت ههههه حليلها ماماتي الحبووبه اشكثر تحملت شطاتنا ونحن صغار وبعد ونحن كبار مانتوب لازم تينا ايام نشيطن فيها ههههه

مشكووووور اخوووي على اثاارت هذا الموضوووع الشيع والله اكتب وانا شاااجه الحلج مستااانسه اتذكر ايامناا ونحن صغااااار <img src="http://oasis.bindubai.com/emoticons/wink.gif" border="0" valign="absmiddle" alt=';)'>

<img src="http://oasis.bindubai.com/emoticons/dozingoff.gif" border="0" valign="absmiddle" alt=':doz:'>

ديج الفريج
18-05-02 ||, 11:13 AM
<span style='color:Pink'>يعني محد ياب طاريه .... ديج الفريج ؟؟؟؟؟؟؟؟</span>
<img src="http://oasis.bindubai.com/emoticons/sad.gif" border="0" valign="absmiddle" alt=':('>

بو كشه
18-05-02 ||, 12:30 PM
ذكرتوني بدوار المعلايه إلي كنى اندقها في الفريج ..

بن دبي
18-05-02 ||, 06:10 PM
<span style='color:Green'>اشكركم شباب &nbsp;..... وانتظر مشاركة الاخوه الاعضاء</span> &nbsp;<img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>

سبيجة
18-05-02 ||, 07:02 PM
السلام عليكم...

<img src="http://oasis.bindubai.com/emoticons/sad.gif" border="0" valign="absmiddle" alt=':('> &nbsp;يا ســــــــــــــــــــــــ ـــــــــــــــــــــــــ ـــــــــــــــــــــــلا م عليك يا بوفهد...

ذكرتنا بأحلى ايام حياتي ...

وتقريبا لعبت كل الألعاب اللي ذكرتوها... &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;من نط الحبل... والكوك ... والتيل ... وطبعا هوايتي كانت ... تسلق اليدران في عز الظهر <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;يا ويلي ... بعد الغداء تبدأ المغامرات ....

واظني نسيتوا ... سالفة النشابات .والأجرام اللي كنا نسويه ..بالكنكري .. <img src="http://oasis.bindubai.com/emoticons/shaun.gif" border="0" valign="absmiddle" alt=':sha:'> &nbsp;ومن غير يوم أيام الرحلات ..نركب على العرقوب... ومن قمته لين تحت ... نتم نفرفر قواطي البيبسي .. <img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'> &nbsp;ليش ما ادري ... <img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'> &nbsp;ومن غير ايام المزرعه ... ونركب على الشير... شرات السبلان...ولا بعد نسوي بيوت .. في الشير شرات قوم فلونه ... <img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'> &nbsp;(وين تبون؟)... والله أيام ولا أروع ..

شيء في حياتي محيرني واااااااااااااايد ... وما اظني انه هالشيء يستوي في فريجنا بس... <img src="http://oasis.bindubai.com/emoticons/lookaround.gif" border="0" valign="absmiddle" alt=':lok:'> &nbsp;بالنسبه لسيارات الغاز.. اللي تمر عسبة الحشرات والذباب .. كنا نتسابق ونركض وراها شرات المراثون .. <img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'> <img src="http://oasis.bindubai.com/emoticons/shaun.gif" border="0" valign="absmiddle" alt=':sha:'> &nbsp;ما ادري ليش والشاطر اللي يخش ويهه اكثر في انبوب الغاز ...&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33;&#33; والله لين الحين اموووووووووووت واعرف ليش كنا نسوي جيه ؟؟؟&#33;&#33;&#33;

واشياء واااااااااااااااايد ... <img src="http://oasis.bindubai.com/emoticons/sad.gif" border="0" valign="absmiddle" alt=':('> &nbsp;حلوه ....

بصراحه يوم اشوف اليهال هالايام متسمرين على play station اموت من الغصه ,,,,واتحسر..كل واحد منهم بليييييييييد وماشيء نشاط شراتنا قبل .... واتمنى أنه عيالي يعيشون شرات طفولتي .... وما يعيشون متجمدين جدام هالالعاب ... والرسوم.. الخياليه ... <img src="http://oasis.bindubai.com/emoticons/confused.gif" border="0" valign="absmiddle" alt='???'> <img src="http://oasis.bindubai.com/emoticons/confused.gif" border="0" valign="absmiddle" alt='???'>

من قلبي اقولك ...اخويه بو فهد مشكور على هالموضوع ... الحلو ... اللي ذكرنا بأشياء صعب ننساها .... <img src="http://oasis.bindubai.com/emoticons/confused.gif" border="0" valign="absmiddle" alt='???'>


السموحه

بن دبي
18-05-02 ||, 07:43 PM
شكرا جزيلا لصاحب الموضوع ...

يعطيك العافية اخوي ولكي ياخذ الموضوع بعدا آخر وليتسنى من رواد واحة التراث الإستمتاع فيه ... فضلنا نقله الى واحة التراث

بن دبي
18-05-02 ||, 07:55 PM
مبرووووووك يالمعرس مبرووووووووك .. شو احنا داخلين عرس أشوف الليتات ضاوية في كل مكان .. &nbsp;هييييييهه يا بوفهد ... ذكرتني بأول وزمان اول .. يوم ما كنت ألعب ويا صبيان الفريج كانوا حلوين .. تــــــدري أييهم أشوفهم يلعبون وهم &nbsp;مستانسين &nbsp;.... &nbsp; وفجأة أخرب عليهم لعبهم ويطيحون وراي وأنا أركض وأركض وأركض.. وما كانوا يقدرون يلحقون بي ..كنت خفيفة ومحد كان يقدرعلي ..وفي الآخر كل من يشوفنا يحط اللوم عليهم كيف يعذبون بنت صغيرة وحبوبة مثلي .. &nbsp;لا وكنت أخسس فيهم زيادة كنت أسير عند المطوع اللي نقرا عنده القرآن وأخبر عليهم .. وييبونهم ويربطون ريولهم بحبل .. وهات يا ضرب بالخيزران .. &nbsp; ونا واقفة أشاهد الموقف وأضحك .. &nbsp; &nbsp;من فترة شفت واحد منهم .. تم يطالعني لي ما عرفني .. لكن يا خسارة .. طبعا ما بيده حيلة &nbsp; &nbsp; &nbsp;.. لا ولما &nbsp;كانوا يسيرون البحر &nbsp;أتبعهم وأمشي وراهم دون ما يشوفوني ويوم يدخلون البحر و يسبحون .. أركض بسرعة جنونية .. وأخبر عليهم أهاليهم .. كنت شقية وقاسية على شباب الفريج .. يحليلهم بس.. &nbsp; &nbsp; &nbsp; وأحيانا.. يوم ايكونون راضين علي اييبولي الصدف والقواقع عشان نلعب صقلة احنا البنات .. شباب الفريج كانوا حلوين ويا ما ذاقوا الويلات على إيدي ..

بن دبي
18-05-02 ||, 07:57 PM
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;هاااااه طلعت شيبه يا بو فهد <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> &nbsp;

انا الحمدالله انولدت في الحاضر مب في الماضي ما اذكر غير إني كنت لوتي ومغازلجي <img src="http://oasis.bindubai.com/emoticons/butbut.gif" border="0" valign="absmiddle" alt=':but:'> &nbsp; ايام دمار ما ابا اتذكرها <img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'>

بن دبي
18-05-02 ||, 08:19 PM
ليش.. &nbsp;يالعقروووب .. انت مولود وفي حلجك ..... خاشوكة شــــقاوة .. الظاهر إن &nbsp;برجك ناري &nbsp;ونواري &nbsp;.......

الاميرة الناعسة
18-05-02 ||, 08:35 PM
وووووووووووووووووين ايام قبل يوم نلعب مع عيال الفريج..:) خلاص احينه عاده كبروا ونسونا.. والله شقول انت خليتني اضحك واتذكر اشياء وايد حلوة تسلم يالطيب على هالموضوع..:)

الشوق
22-05-02 ||, 07:24 AM
السلام عليكم ورحمة الله وبركاته ...
هلا باخوي بو فهد ... <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> .. ابصراحه حبيت احييك على موضوعك المسلي والاكثر من رائع ...
تدري وانا اقرى الموضوع واقرى ردود الاعضاء ماشاء الله عليهم .. لو بيدهم كانوا بيكتبون كل الاشياء اللي سووها ولعبوها ..
ابصراحه قريت المواضيع وانا مستانسه وشاقه حلجي من الضحك والوناسه ...:D <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

لبن مثلج <img src="http://oasis.bindubai.com/emoticons/smile.gif" border="0" valign="absmiddle" alt=':)'> هاهاها والله انك سالفه .. كل شي حلو والاحلى سالفة الكراتين احمد ربك انه ما صارلك شي .. خاصة انهم يفرونكم من الدري الله ستر ..
بس تدري ذكرتني بايام الدرام يوم كنا نلعب ننخش في الدرام ويدورونه ويدورونه لين راسنه ما يفتر ... نظهر من اسطوانة الدرام ونحن راسنا مفتر ... الحمدلله ما صار اي خلل في عقولنا .. <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;

فرح + بوفهد <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;شو سالفة القواطي الطماط ...اللي ترمسون عنه اول مره اعرف هاي اللعبه ..بس تدرون ذكرتوني اب لعبه ثانيه كنا نلعبها بالقواطي بس موب قواطي الطماط لا.. قواطي البيبسي والميراندا ..راح اخبركم بعدين ..عقب ما اخلص من الردود .. &nbsp;

نونه الشعنونه <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;.. ذكرتيني اب كلمة السراللي كنتوا تستخدمونها .. ماشاء الله اتاري البنات من يوم هم اصغار يستخدمون كلمات اسرار .. تدرين ليش لانا نحن بعد كنا انسوي هالشي ..بعني كنا اونه عاد كبرنا .. كنا نستخدم كلمه السر اللي هي " توتا" تذكرون رسوم توتا ... <img src="http://oasis.bindubai.com/emoticons/inlove.gif" border="0" valign="absmiddle" alt=':love:'> &nbsp;.. هذي كانت كلمة السر وكنا نستخدمها يوم ما نبي اندخل البنات اللي اضغر منا الحجره يعني ..نيلس نلعب وانسولف وماانبي اندخلهم ..وكنا دايما انسوي عمارنا اكبار .. يعني متزعمين عليهم ويوم اي حد يدق الباب يقول شو كلمة السر ..يعطونا اسم ثاني .. ما ندخله " شفتوا الخقه " كيفنا ... كبارصرنا هي هي هي

سبيجه بنت مبيرج <img src="http://oasis.bindubai.com/emoticons/smile.gif" border="0" valign="absmiddle" alt=':)'> هيه سالفة سيارات الغاز ..ذكرتيني يلست اضحك على عمري يوم قريت موضوعج تدرين ليش؟ لانا نحن بعد كنا نركض ورى السياره وكنا انسميه " فليـــــتــــي" ، تدرين ليش لانه كان يرش فليت في الشوارع اونهم يحافظون على البيئه ..هي هيه ي .. وهاي السياره ما كانت اتمر الا الصبح والعصر .. واعتقد كانوا ايوون مرتين في الاسبوع ..ونعرف مواعيدهم ..واول ما توصل سيارة الفليتي .. كنا نركض وانقول " فليتي " فليتي" هي هي هي &nbsp;وانصارخ ... وما اتشوفين الا ماشاء الله عيال الفريج كلهم وراج اتقولين جنهم يايين يشجون المنتخب الاماراتي ... &nbsp;هي هي هي

الخروفه الشلقه <img src="http://oasis.bindubai.com/emoticons/smile.gif" border="0" valign="absmiddle" alt=':)'> صدق يوم قالوا ان كيدهم عظيم تلعب وتستانس وياهم اخر شي اتسير اتخبر عليهم ..ماشاء الله عليج .. &nbsp;الله يعينكم يالشباب .. بس كل هذا عسب اتحاسبون من الجنس الناعم ..

اتريوني ..عسب تعرفون شو كنا انسوي ...لا تنسون ..
<img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> .. بوفهد تسلم على الموضوع القيم ... وراح ننقله ان شاء الله عن قريب للواحه القيمه ... بس يوم بتكثر الردود ... <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;واتزيد المشاركات ..

بن دبي
22-05-02 ||, 02:50 PM
بو فهد <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

مشكووور على موضوعك الحلو واللي له ذكرااات حلوه واايد على قلبي <img src="http://oasis.bindubai.com/emoticons/inlove.gif" border="0" valign="absmiddle" alt=':love:'>
واذا تكلمت عنها من اليووم لين باجر مابخلص
<img src="http://oasis.bindubai.com/emoticons/wow.gif" border="0" valign="absmiddle" alt=':0'>

بس بذكر لكم بعضها ... <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;لعبه القوااااااااااااااااطي اللي ذكروها اخواني الاعضاااء &nbsp;هذي عمري ماانساها يوم نركض ومن الركض اطيح واصيح وارد البيت وانسى نعولي برع ومتى اتذكرهن قبل ماارقد &nbsp;وارد مره ثانيه في الحاره نص الليل اودي اخوي معاي علشان نييبهن <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

ذكريااااااااات ولا عمري بنسااهااااا <img src="http://oasis.bindubai.com/emoticons/xmas.gif" border="0" valign="absmiddle" alt=':max:'>

<img src="http://oasis.bindubai.com/emoticons/xmas.gif" border="0" valign="absmiddle" alt=':max:'> &nbsp;تحيااتي <img src="http://oasis.bindubai.com/emoticons/xmas.gif" border="0" valign="absmiddle" alt=':max:'>

المزوحي
22-05-02 ||, 03:08 PM
حرااام عليكم ذكرتوني والله انها أيام سم .. تدرون نلعب نشابه وغيره .. ونلعب ميت واللي يزعل ومانتوووب بعد .. ماشي فرق بين <span style='color:Red'>البنات</span> و <span style='color:Red'>والاولاد</span> كلنا نلعب ..

لا وكنا نسرق من الدكان كاكاو <span style='color:Red'>بومعجون</span> لا ونشتري لبن مثلج وصفا جوس <img src="http://oasis.bindubai.com/emoticons/hehe.gif" border="0" valign="absmiddle" alt=':heh:'>

ونلعب كنكري ... لا ودووم راعي الفليت إيي يرش فليت ويوم اتغيم الدنيا ننقز من فوق أونه <span style='color:Red'>هايدي</span> الصغيره والله خبايل ..

ونسير اندق على <span style='color:Red'>البيب</span> ولا نسير نحرق جرااايد ..
ونشتري ولاعات <span style='color:Red'>حمره</span> و <span style='color:Green'>خضره</span> و<span style='color:Blue'>زرقه</span>

وإلا الكيك هذا بوشكر ضرابه عليه ( <span style='color:Orange'>الدونت</span> )
لا وتعرفون هالحلاوة اللي قرطاستها حمره وهي بنيه .. اونه نمصها عشان ناخذ طاقه ونلعب ميت <img src="http://oasis.bindubai.com/emoticons/tounge.gif" border="0" valign="absmiddle" alt=':ton:'>

ويه نسيت اقولكم يوم انقطع <span style='color:Red'>نبج</span> نمر على بيوت الناس والحرمات يفتنون علينا .. ولا سيكلي الزعيم <span style='color:Red'>بي ام اكس</span> ... ناكل لوز ونسير من فريج لفريج ...

ووواااااااايد اشياء

بن دبي
22-05-02 ||, 03:24 PM
<img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp; بس ماتلاحظون انه الالعاب &nbsp;وحركات الخبال كانت متشابه بينا <img src="http://oasis.bindubai.com/emoticons/tounge.gif" border="0" valign="absmiddle" alt=':p'> &nbsp;


سبحان الله <img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp; مب الحينه &nbsp;كل واحد شريط play station &nbsp;يختلف عن الشريط اللي عند ربيعه <img src="http://oasis.bindubai.com/emoticons/crazy.gif" border="0" valign="absmiddle" alt=':crazy:'> &nbsp;

ليت الطفوووله تعود يوما لترى ماذا فعل الشباااااااااااب <img src="http://oasis.bindubai.com/emoticons/tounge.gif" border="0" valign="absmiddle" alt=':p'>

الشوق
29-05-02 ||, 10:56 AM
هلا باخوي بوفهد
ابدعتنا اب موضوعك التراثي ...
ينقل الموضوع للواحه القيمه ..
وتسلم ..
<img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'> <img src="http://oasis.bindubai.com/emoticons/smile.gif" border="0" valign="absmiddle" alt=':)'>

منصوري الدوله
01-06-02 ||, 01:01 AM
مع ان عمري 17 سنـــــــــــه لكن والله احس اني لو تذكرت ايام الطفوله
اني برجع عشرين سنه ...

والله انا كانت لعبتي غريبه اشوي ....

ف يوم شفت سيارات كبيـــــــــــره تحمل الى الساحه اللي مواجه بيتنا أنابيب عوده ( بيبات ) كنت انا وربعي ندخل فيها وكانت البيبات عوده لدرجه انه عادي ندخل فيها ونيلس داخلها ...
كنا نلعب ( شرطي حرامي ) ... فيها .. وحلاته يوم ايمر اربيعك الشرطي وانته الحرامي من جدام البيب ( الانبوب الضخم ) اللي انته مندس فيه وما يطالعك وسط الظلام ...
كانت البيبات على شكل اربع صفوف مترتبه ورى بعض وكل صف يحوي على ثلاث بيبات فوق بعض اتخيلو ظخامتها ... وكانت مرتبه بشكل اتحس انك داخل مدينة بيبات ...
والله ايام يوم كنت ساكن ف العين وانا لين الحين ساكن فيها بقلبي وفكري وذكرياااااااااااااتي ...
ولا يوم كنت بصف اول ابتدائي ( والله اعيون بتدمع ) كنت يوم ارد من المدرسه ايكون وياي ( ربّيه ) درهم فقط لاني ف المدرسه اشتري زعتر وعصير ويوم ارد يتم هالدرهم وامر ع المطعم الهندي واطلب لي عصير اريج بالبرتقال ( فديته والله كان طعمه روعه 9 وسندويج سكر و ( براته ) .. وجبه كانت اتعوّفني الغدا
وبدرهم واحد بس هوب الحين ... شل وياك بوك مدحوب بيزات ولا بكفيك لانك تستحي تاكل ف المطعم الهندي لازم كنتاكي ولا مطعم من اللي كوب الماي فيه بسبع دراهم ..... هيه والله ..

ما اعرف ليش لين اليوم احب اشرب اريج ( العصير بو نص )
ولين اليوم احب اكل براته وشكر بـــــــــــــس استحي ... والله حاله .....


اشكرك اخوي ع موظوعك وتستاهل الواحه القيمه <img src="http://oasis.bindubai.com/emoticons/exclamation.gif" border="0" valign="absmiddle" alt=':exx:'> هذا الموظوع ..