المساعد الشخصي الرقمي

مشاهدة النسخة كاملة : ظبية وسعيد الرميثي



وردة الحب
11-12-02 ||, 05:14 AM
<font color='#F52887'>هيه حقيقيه بس فيها بعض الاشياااااااء مب من الحقيقه عشان الناس ما ايعرفون الي استوتلهم السالفه .....

الاسماء مب كلها حقيقيه ... و سمحولنا اذا في تشابه في الاسمااااااااااء

و الحين ما بطول عليك و بقولكم جزء من القصه (اتغيلس...عذروني)


يوووووم شفته و التفت صوبي فززز قلبي و قاااااال :.... هااااااااااااونه


في جامعة الامارات بالتحيد في الكوفي هاوس.. البنات يالسات على الطاوله دخلت عليهم حصه ومعاها كيسه ....
حصه: مرحباا بنات ... ايييييه بنات بنات.....&#33;&#33;
لطيفه: هااااه شعندج ..
حصه: مالت عليكم انا يايبه لكم شي وايد حلو واااااااااااااااايد..&#33;
فطوم : شوووه؟ قولي عااااد.
حصه: يايبه شريط عرس ولد يراااناااااااااااا وفيه كل المزاييين.
لطيفه: قولي والله .................. يالله نروح نشوفه.
فطوم: يا الله بسرعه قبل لا يخلص البريك.
حصه: أوكيه بس .. وين بنشوفه ؟؟
فطوم :في الااابات.&#33;&#33; لاب 25 فاضي دوم البنات يشوفون اشرطه هناك..&#33;&#33;
لطيفه : سلامي ع فطوم اللي عندها العلوم كلها .
قطوم: عيل شو تتحرييني خديه شرااتج.؟
حصه: أوكيه فكونا عاد ويله نشن .
وقاامن البنات بيروحن الااابات عدا ظبيه ربيعتهم اللي كانت ساكته طول الوقت ..&#33;&#33;
لطيقه: ظبيوه؟؟&#33;&#33; ليش يالسه مابتروحين ويانا .؟؟
ظبيه: سمحوا لي بنات تعبانه ومالي بارض.&#33;&#33;
حصه: شو تعبانه.. حرام عليج نشي شوفي الشريط معانا..
فطوم: يا الله عاد ظبيوه لا تخربين علينا نشي خلينا نستانس.
ظبيه: ادريبكن ما بترحمني .. بس عندي كلاس بعد نص ساعه يعني ما بطول ورايه درب المخج .
وراحت الشله(حصه,فطوم,لطيقه,شمه, حمده وظبيه)الابات وسحبن الكراسي وشغلن الشريط ويلسن البنات يشوفون الشريط وكان العرس واايد حلو واللي فيه احلى
فطوم: بنات بنات.. شفتن اللي لابس كندوره كركميه.. عنبو محلاته ..
لطيقه: هييييييييه ماشاء الله عليه غاوي.
فطوم: غاااوي إلا يهههههههههبل.حصوه منو هذا؟؟
حصه: واحد من رواعي المنطقه الغربيه.
فطوم : حصوه عيال بن صويلح ظاهرين في الشريط؟
حصه: لا مايو العرس كانوا رايحين عرس في الهير .. مع ان يايبين فرقة بوصلاح.
وكملن البنات تعليقاتهم ..على منو هذا وطاعوا هذا ..ومن وين فلان وكيف يرزف ومحلاته .....الخ
ظبيه ملانه ومالها خاطرلشي وفجأه شافت واحد إيبس عند الكميرا ويلست اتشوفه.. عيبها وايد وحركانه حلوه وهو يرزف ومر الوقت..
فطوم: ظبيوه ماعندج كلاس الحين؟؟
ظبيوه: هيه بس الظاهر اني بطنش المحاظره.
ويضحكون البنات ويكملون شوفة الشريط............ غنت الفرقة اغنية عيضه.(أهمه) نشو الشباب كلهم يرزفوون وظبيه بتمووووووت وتعرف منو هذا اللي يرزف.
ظبيه:حصوه منو هذا؟
حصه: أي واحد.؟
ظبيه: اللي لابس سفره حمرا هذا اللي يرزف مع اللي طاوي السفره..
حصوه: أوووه هذا سعيد.
ظبيه: شو جبيلته؟
حصه: رميثي.
ظبيه: ماشاء الله عليه واايد يرزف حلوووووووووو .
حصه: لا تتخبرين ما شالله عليه حتى هوه حلو
فطوم: لازم رميثي الحلاة إلا من عقبهم
ومر الوقت وخلص الفلم ونشن البنات وراحن البنات الكوفي وظبيه بعدها اتفكر في سعيد اللي سحرها برزفه وحركاته..كانت سرحانه ومب حاسه بعمرها.
لطيفه : ظبيوه..ظبيوه.. شوما بتروحين البوابه؟ وإلا بتيلسين مع البنات لين الساعه 8 شرات كل يوم ثلاثاء.. التيووس دي مال البنات؟
ظبيه: لا لا بروح البيت تعبانه ومالي خاطر بصراحه.
وقامت طبيه ولمت كتبها وشلت شنطتها.....
ظبيه: بنات حد منكن عندها شريط عيضه اليديد؟
فطوم : لا ما عندها روحي عند هاذيج الشله يحطون عند طاولتهم فوق الست مسجلات وكل الاشرطه تقولين تسجيلات واكيد بتحصلينه عندهن .
وراحت ظبيه صوب الشله وحصلت الشريط عند روضه وظهرت من الكوفي رايحه صوب بوبة العين وهي تسمع اغنية عيضه اهمه وكل ما تخلص الاغنية تعيدها من اول لين ما وصلت البوابه وراحت البيت وهي بعدها تفر في سعيد الرميثي وهو يرزف ع الاغنيه.....
lililiــــــــــــــــــــــ البيت ـــــــــــــــــــــــــ ــــlilili
سلامه:ظبيوه شبلاج من ييتي من الجامعه وانتي يالسه في الحجره وتسمعين عيضه.
ظبيه:مابلاني شي شفت اليوم شريط عرس يهبل .
سلامه:قولي والله شو حلو؟
ظبيه: لا تتخبريبن.ز إلا رهييييييب. فطوم ماتت ع واحد من المنطقه الغربيه.. بتموت وتعرف رقمه..&#33;&#33;
سلامه : فطوم امبونها رمسه لكن ادريبها مابتتصل به.
ظبيه: بس بصراحه العرس وايد حلو فيه واحد اسمه سعيد الرميثي من رواعي السمحه.. ماشاء الله عليه وايد حلو.. والله ايخليه لهله.
سلامه: وين مستوي العرس؟
ظبيه: ما اعرف والله صبري بتخبرفطوم.
وخذت ظبيه تيلفونها واتصلت حق فطوم ربيعتها الروح بالروح...
فطوم:ألوووووه مرحبا السااع ..هلا والله بهل فلي هزاع ..............
ظبيه: هههههههههههههههههههههههه ........... هلا والله علومج..؟
فطوم: طيبه.. هاه شوه في خاطرج؟ توني امفارقتنج&#33;
ظبيه: بسم الله منج ..أنا الغلطانه إني دقيت لج يله باي .
فطوم: حووووووه شعندج مره ماصدقتت البنت ...ظبيوه ليكون تيلفونج ما فيه رصيد ... الله ايعيني عليكم قوم البطاقه المدفوعه ..............
ظبيه: مالت عليج ..... يحيني أنا قوم بطاقتيه مدفوعه و مع هذا اتصلبج و انتي يا راعية الخط ما تتصلين ............ المهم وين مستوي العرس الي شفناه في الجامعه ؟
فطوم : ليش يعني .............. شي في خاطرج
ظبيه: لا ماشي بس سلامه تبا تشوف الشريط ..
فطوم: سلامه..ممممممم ما ادري والله بس اعتقد انه في سويحان.
ظبيه: اوكي خلاص يله باي جلبي بويهج.
فطوم: هههه باي
و قالت ظبيه لسلامه تيب تيلفون البيت وراحت سلامه ويابت التيلفون لين الحجره واتصلت ظبيه حق البداله وخذت رقم استيديو الوسام واتصلت به لكن ما حصلت الشريط العرس عندهم وعقب اتصلت حق مركز التسجيل وحصلت الشريط وطرشت الدريول وعطته فلوس عشان اييب لها الشريط.....

lililiــــــــــــــــــــــ ـــــــــــــــــــــــــ ــlilili

وتمر الايام والشهور وظبيه بعدها اتشوف الشريط وتتذكر سعيد الرميثي في كل لحظه.. ماكانت تقدر تنام لين ماتشوف الشريط وحفظت شكل سعيد.. ... ... وتمر الليالي ويهل عليهم العيد
سلامه: ظبيوه خلصي بسرعه.. ابويه وحميد وخليفه بيون الحين من الصلاة وانتي بعدج ..
ظبيه: صبري هاذوه خلصت شوه بلاج كنت اتعدل..
أم ظبيه: سلامه .. سلامه .ز
سلامه : لبيه امايه ..
الام: ظبيه ليش فاجه شعرج الحرمات بياكلونج وبيضربون بعين..روحي لميه...
ظبيه: حرام عليج امايه .. امس بت عند الافراح اعدل شعريه واتكشخ والحين تقول لي لميه ..
الام: لا حوووووول.... بس لاتظهرين جدام الحرمات بشعرج ............
...
يلست ظبيه اطرش مسجات حق ربيعاتها واتصلت بها فطوم وقالت لها انها بتيها البيت .. وراحت عند امها في الميالس ..و كانت امها ماسكه المدخن تتدخن .....و قالت حق امها ان فطوم بتيها
ظبيه: امايه عطيني المدخن بتدخن ريحة عودكم حلووووه .........
ام ظبيه: ظبيوه عقب ما تتدخنين وديه صوب الممر وخليه هناك ايفوح عالريايل اول حدرتهم..
ظبيه: ان شاء الله امايه ..
وراحت ظبيه و حطت المدخن عالطاوله في الممر .وفجأةسمعت صوت حد يقول ..هوود .... هووود.. ويوم لفت ويها وقف قلبها يوم شافت الي رمس ...... كان سعيد الرميثي و من الصدمه ما عرفت شوه اتسوي و نست انها بلا شيله و عباه ...... طاحت عينها في عينه.. وتصنم الريال من حلاتها .. ما كان ايريد ايشوفها بس ما قدر ينزل عينه من حلاتها.. فجاه ربعت ظبيه وسعيد ايطالعها و يشوف شعرها وراها كان فخاطره ان يمسك شعرها .... حس ان عيونها فيهن شي غريب ... بعدين دخلت عليه امها و رحبت به وقربتبه في الميلس .

ظبيه :سلالالالالالالالامه .... سلالالالامه ..
سلامه : هاا بلاج ..
ظبيه: بلاني .. لحقيني .. سعيد الرميثي في بيتنا .
سلامه: منوه سعيد هذا بعد ..؟؟
ظبيه: اللي شفناه في الشريط مال عرس سويحاان..
سلامه:.. قولي و الله ... هذا كيف ياااااااا بيتنا .....
ظبيه: ما ادري والله اني ما اعرف ما ادري ..... بس و الله انصدمت يوم شفته
سلامه: ظبيوه .... بس لايكون شافج؟
ظبيه : لالا ما شافني ....... بروح اتصل بفطوم.
جذبت ظبيه ع اختها وماقالت لها ان شافها سعيد ما عرفت ليش بس حست انه احسن ان سلامه ما اتعرف ...... اتصلت بفطووم وخبرتها كل السااالفه ........ .
lililiــــــــــــــــــــــ ـــــــــــــــــــــــــ ـــــlilili
طلع سعيد من بيت ظبيه.. وهو يفكر بالغزال اللي شافه ..... مب امصدق انه في انسانه ممكن اتكون حلوه لهدرجه ... ما قدر سعيد ينام ذك اليوم ..... كل ما اتخر عينه يتذكر ظبيه و حلاتها لدرجة انه صار يتخيل انه يلمس ويها ..... يلمس شعرهاااااا .... حاول انه يتخيل غزالت احلامه و هي تظحك ..... و هي ترمس ...... و هي نايمه ......
lililiــــــــــــــــــــــ ـــــــــــــــــــــــــ ـــlilili
في المركز الدولي في العين..الشباب متيمعين هناك...
علي : هلا بو عسكور وين محد يشوفك؟؟..
سعيد: والله الا في الدار ............. انته عولمك..؟؟
علي: تمام .. هاااه شبلاك ..؟ تعبان .. .؟
سعيد: آااااااااااااه.. يا علي لو تدري بحالي جان عذرتنيه ..
علي : رب ما شر بو عسكور..
سعيد:
بان الفجر واسفر علي ساهر الليل..
وأنا الذي من طل ليلي أعاني..
كله سبب سود العيون المظاليل..
ذاك الغزال إللي وداده شجاني..
فزيت له واقف على حسن تدليل..
وصغيت القوافي ثابته من زماني..
عيني يشوق لها حسين التعازيل..
اللي كساه الزين بين الغواني..
خده كما البراق لو جابع بشيل..
والعنق عنق اليافلي الدماني..
والعين تعشق فايج الزين وتميل ..
ع ما يحب الفلب في كل شاني...
والشعر طايح على المتن ويميل..
يسعدك شوفه بالصدفه لو ثواني..
.... .. .. . آااااه ياعلي..
علي: أفاااااا و الله يا بوعسكور ........... من ورايه..؟
سعيد: والله ياعلي من يوم شفتها وانا ميت عليها ...
علي: انزين عااااد منووووووووه؟؟
سعيد : ما اعرف اسمها بس هي أخت خليفه الظاهري..
علي : أي خليفه..؟
سعيد : خليفه.... ربيعنا اللي في فلي هزااع..
علي : قول والله .. انزين ... انزين تعاااااال .. انته وين شفتها ..؟؟؟؟؟
و قال سعيد حق علي كل شي استوى يوم العيد في ميلس قوم خليفه
علي : ما يهمك بوعسكور .... حلك عندي .... انته عطني بس يومين ...
سعيد : علي شوه بتسوي .... ايه لاتفظح البنت تراها خت ربيعي .....
علي :افاااااا عليك و الله ... بس كنت اريد اييب الك معلومات عنها ....
سعيد: كيف ..؟
علي : اعرف وحده من فلي هزاع بتخبرها عن هالبنت ...
سعيد :بس انا ما اعرف اسمها
علي : عادي .... و رفجت بوخليفه لاظويلك الاسم و الرقم ان بغيت
lililiــــــــــــــــــــــ ـــــــــــــــــــــــــ ـــــlilili
علي يتصل حق ربيعته ........
علي : مرحبا بج الغاليه.. شحالج ..؟
روضه: هلا والله بهالصوت غريبه متصل ..؟؟
علي : والله كنت شوي مشغول..
روضه : يا الله الحمد الله سمعنا صوتك..
علي : أقول أأأأأ....
روضه : هاا شو أطلب ..
علي : أباج تسألين عن وحده من فلي هزاع ..
روضه : والله بنات فلي هزاع وايد وانا اشدراني منوه اللي تباني اسأل عنها ...؟؟
علي : بعطيج أسم أخوها ..
روضه : أوكيه شو اسمه؟؟
علي : اسمه خليفه بن فلان بن فلان الظاهري ..
روضه : شوه هاي وحده يديده تبا تتعرف عليها..؟
علي: ههههههههه.... .... أفااااا انا اتعرف ع بنات.. حبيبي حبي الاول نعم انته ولا غيرك.... مكانك داخل فوادي ولاحد حاز تقديرك .. أنا احبك أنا ودك ....
روضه : ههههههههههههه بسك ... ادريبك .. دهااان سير هااااه..؟
علي : شو الحين بتسألين وإلا لا ..؟
روضه : أوكيه الغالي بسأ ل تآمر بشي ..
علي : لا سلامة راسج .
روضه : بتصل لك أنا مع السلامه ..
علي : تسلمين .. مع السلامه.
lililiــــــــــــــــــــــ ـــــــــــــــــــــــــ ـــــــــــــــــــــــــ ـlilili
ظبيه: صباح الخير امي
الام: هلا بنتي ها متى بتردين اليوم من الجامعه
ظبيه:مادري يوم بخلص بتصلبكم مع السلامه
الام: الله وياج ويوفقج
lililiــــــــــــــــــــــ ـــــــــــــــــــــــــ ـــlilili
في الطريق ظبيه وسلامه مع الخدامه والدريول رايحين الدوامات
سلامه: ظبيه بلاج ساكته
ظبيه: مادري خطر في بالي سعيد الرميثي
سلامه: الله الله عالصبح شو الظاهر قمنا نحب والله عجيبه
ظبيه: ههههههههههه سلامه نزلي يالله وصلنا مدرستج
سلامه وهيه تظحك: ..فكري فكري بسعيد مالج
ظبيه وسلامه : ههههههههههه
lililiــــــــــــــــــــــ ـــــــــــــــــــــــــ ــــlilili
تنزل ظبيه وادش الجامعه وتمشي رايحه الكوفي هاوس وتشوف ربيعاتها كلهم على الطاوله
ظبيه: صباح الخير...شحالكن بنات ..عساكن بخير
حصه + لطيفه + فطوم + شمه + حمده: صبااح النور
فطوم :هاظبيه اخبارج؟؟؟
ظبيه: تمام
فطوم: هاعندج كلاس الحين
ظبيه:هيه عندي في مخج بس عقب نص ساعه
فطوم :انزين انا رايحه
ظبيه: لحظه لحظه بوصلج كلاسج
ظبيه وفطوم يتمشون رايحين مبنى 66
فطوم: بلاج احسبج تبين تقولين شي
ظبيه : ماادري احس اني احبه
فطوم: اهااااااااااا منوه؟؟؟؟
ظبيه: سعيد الرميثي
وتبى فطوم ترمس وتقاطعها ظبيه وتقولها اشوفج بعدين باااي.
lililiــــــــــــــــــــــ ـــــــــــــــــــــــــ ــــlilili
سعيد في الدوام وتفكيره كله في الملاك اللي شافه
وتمر الثواني واللحظات والساعات
ويرن تلفون سعيد..وحاط نغمه (( وش الذي عيني تشوفه ..وجه القمر اومطلع الشمس))
ويرد سعيد: ألوووه....
علي : هلا مرحبا الشيخ ...
سعيد : عقب .. عقب سلم عليه الحين قول لي شو سويت...
علي : مب قلت لك قبل أعجبك أنا افا عليك ...
سعيد : قول لي يا الله عااااد ..
علي : أسمها ظبيه وتدرس في الجامعه كلية علوم أنسانيه و الاجتماعيه... و ... .,,, و ,,
هي اكبر وحده من البنات و عندها اخت بس صغيره .. يعني بنت مداارس .. الخ
وقال علي حق سعيد عن كل شي ..... ...
سعيد : فديت اسمها انا والله انها ظبيه ...ووالله اني احبها احبها ...
علي : يا الله عاد انته عليك الباقي .. انا اللي علي سويته ..
سعيد .. علي انته شو تقول ؟؟&#33;&#33;.. ... كيف تتوقع اني ممكن اغلط مع اخت ربيعي خليفه ..
علي : انا ما قلت لك أغلط معاها والحب مب عييييب ..
سعيد : عيب والله و اكبر عيييييب ........... ما ربينااا ع هالسوالف .
علي : عيل عن الحشره من شهر و انته حاشرنا واحبها ,...انزين ربك البنت تحب حد غيرك .. بعد انته غير شكل ...
سعيد : لا لاتقول جيه ان شاء الله لا .. بموت ... هي ذبحتني .. ونظرتها فيها شوق واشياء وايد والله يا علي .. احبها ..
علي : حوووووووووه .. يا ريااال شو انته صدق الظاهر تحب ..
سعيد : ما بيدي حيله يا علووه .
علي : لا انته قمت تخورها انا علوووه .. اصغر عيالك انا ..؟؟ يا الله اجلب بويهك انا بروح المقهى عند الشباب ,, ..
سعيد : اوكيه القاك هناك باي .
lililiـــــــــــــــــالبنت ـــــــــــــــــــــــــ ــــــــlilili
ظبيه يالسه في حجرتها وتسمع المسجل ..(لي صاحب خذني بزينه .. عن كل مزيون ورعبوب ..)..... .... وفجأة تيلفونها يرن ..
ظبيه : الوووه .
فطوم : الوه هلا ظبيوه شحالج ..؟؟
ظبيه : بصراااااحه تعبااانه .. &#33;&#33;
فطوم : أأ,,,,أوووه يضرب الحب شو بيزل ..
ظبيه : افطوم عن الغلاسه عاااد .. حسي .
فطوم : والله ما حبيت علشان احس ..
ظبيه : فطوم ... ... أحبه .
فطوم : جدييييييييييييييييييييييم ه من شهور وانتي تقولين هالكلام ..
ظبيه : فطامي حرام عليج عااد حسي فيه ... والله احبه .. وما ادري شو اقول لج ..
فطوم : ظبيووووووي ....
ظبيه : فطام حرام عليج لا تكسرين مياديفي ..
فطوم : لا فسفينه نحن .. عقلي .. شو بلاج الريال مب حاس فيج ولا يعرفج وانتي متعذبه ع الفاضي ليش ...؟ خلي عنج هالأفلام الهنديه وعيشي واقعج يا الهبله ...
وتدخل سلامه ع ظبيه وهي تكلم فاطمه ...
سلامه : ظبيه انا وامايه وحرمة خليفه وخالوه وبناتها بنروح نتمشى....... وعقب يمكن نظهر يا الله جان بتخاوييينا ..؟؟
ظبيه: لا مالي بارض .
فطوم : ظبيوه عيوني انا ببند عنج وانتي روحي خففي عن عمرج شوي روحي تمشي معاهن.. أحسن لج من الحكره في الحجره وسماع المسجل ..&#33;&#33;
&#92;ظبيه : اوكيه فطامي برايج باي .
فطوم : يا الله بيباي.
.......
lililiــــــــــــــــــــفي العين مووووول ـــــــــــــــــــــــــ ـــــــlilili

ظبيه:- سلامه مسكي عويش لا تخلينها تربع عنج..
عوشه:- عموه.. عموه... أنا اليد الوح الحمام..
ظبيه:- سلامه وديها الحمام..
سلامه:- شوه؟&#33; بتبطي.. وديها انتي..
ظبيه:- يعنبلاء نفعج... عيل انتي ليش يايه ويانا؟
سلامه:- اريد اروح باريس غالري..
ظبيه:- مالت عليج.. اوكي انا بودي عويش الحمامات وانتي روحي باريش غالري وبلاقيج هناك..
سلامه:- اوكي..
مسكت ظبيه عوشه بنت خوها خليفه وراحت تدور عالحمامات وخطفت من جدام الكوفي وفيه شباب وايد.. استحت ظبيه من الموقف هذا على انها اتطوف من جدام الرياييل بس كانت مطره علشانها ما كانت تعرف مكان الحمامات.. وصدفه ان سعيد وعلي يالسين ويا ربعهم في الكوفي نفسه..
يوم خطفت ظبيه من جدام الكوفي علقوا عليها الشباب
قال واحد منهم:- يا ويل حالي انا.. فديت الي لابسه وردي والله..
في ذيج اللحظه التفت سعيد صوب ظبيه.. وحس بشي غريب صوب هالبنت المتغشيه.. هو نفسه ما عرف ليش بس حس انه ايعرفها.. يوم انتبه علي حق سعيد التفت هو بعد صوب البنيه المتغشيه وشاف عوشه في ايدينها وعرف انها بنت خليفه..
فقال حق سعيد بصوت واطي عشان ما يسمعونه باقي الشباب:- سعيد.. اتعرف هالبنت الصغيره؟؟؟
سعيد:- اي بنت؟&#33;
علي:- الي تمشي مع هاي الطويله الي لابسه وردي..
سعيد:- لا ما اعرفها.. ليش تعرفها انته؟&#33;
علي:- هيه هذي بنت خليفه الظاهري.. هل فلي هزاع..
سعيد:- قول والله؟&#33; اوكيه يله نش..
علي:- حوووه وين بتروح؟&#33;
سعيد:- يمكن ظبيه معاهم.. بصراحه انا فز فلبي يوم طافت هالبنت من عدالنا والله كنت حاس اني اعرفها..
علي:- سعيد عّين خير.. يمكن ما تكون ظبيه يمكن تكون حرمة خليفه..
سعيد:- ظنك؟؟&#33; اوكي تعال ويايه انته بس.. شباب سمحولنا شوي وبنردلكم..
راح سعيد وعلي ورا ظبيه.. كانوا يلحقونها من مكان لمكان الين ما حست ظبيه انه حد يلحقها وما يتها الجراه انها تلف صوبهم علشان اتشوفهم.. بس حست فجاه ان قلبها انقبض وما تدري ليش.. واخيرا لقت ظبيه الحمامات.. ففتحت الباب حق عوشه علشان اتحدر.. وبصراحه كان ضاربنها فضول اتريد تشوف الي كانوا يلحقونها واستقلت فرصة انها كانت تفتح الباب ولفت بويها صوب سعيد وعلي.. وقف قلبها يوم شافت سعيد ومن الصدمه طاحت شنطتها .. فجاه وقف سعيد يطالع ظبيه فعرفها.. عرف انها الغزال الي طلع فجاه في حياته وسرق قلبه وكدر منامه.. وخت ظبيه صوب شنطتها وايديها ترتجف مب مصدقه.. معقوله؟؟&#33; سعيد مستحيل.. ما اصدق .. يلست ظبيه تكلم نفسها وهي في الحمامات بعد ما دخلت عوشه الحمام..
علي:- سعيد.. حوه.. سعيد اشعندك؟&#33;
سعيد:- هي والله والله العظيم انها ظبيه.. قلبي يقول انها ظبيه..
علي:- حي عاد شعندك؟ بو عسكور جاد ما تكون ظبيه... لا تتهور.. حط الرحمن في صدرك وخلنا انرد عند الشباب..
سعيد:-الشباب؟؟&#33; شو شبابه...انا من شهور وانا اريد اشوفها وانته تقولي شباب روح لااااااااااااا..
بعد ما خلصت عوشه من الحمام شلتها ظبيه وغسلت ايدها.. وعدلت ظبيه غشوتها واتعطرت وعطرت عوشه وياها وظهرن من الحمام وشافت سعيد وعلي وين ما كانت تحيدهم.. واتعمدت انها اطوف من جدامهم .. وطافت وشافت عيون سعيد كيف كانت بتاكلها .... في خاطرها فرحانه .. لأنها حست ان سعيد مهتم فيها وايد .. وراحت ظبيه صوب باريس غاليري ولقت أختها سلامه ..
ظبيه : شو سلامه مطوله ..؟؟
سلامه : هيه مسويه هديه حق ربيعتيه والظاهر أنهم بيبطون وهم يغلفونها ..
ظبيه : اوكي خلاص أنا بروح صوب الألعاب بلاعب عويش وانتي يوم بتخلصين تعالي هناك عشان عقب نروح البيت ..
وطلعت ظبيه من المحل وراحت صوب الألعاب وسعيد بعده ورااااهااا .. ويوم هيه ع السلم المتحرك ..كان واحد من الشباب ع اليمب الثاني من السلم كان يبا يرقمها وسعيد بغاااا يموت وكان خاطره يذبحه..لكن ظبيه كانت مطنشتنه وراحت صوب الألعاب وخذت كوره حق عويش ويلست تلاعبها من لعبة للعبه وسعيد بعده وراها تعبت ظبيه من الوقفه فيلست ع الكراسي المحطوطه وخلت عويش تحوط بين الألعاب واطالعها من بعيد وأستغل سعيد الفرصه وراح صوب عويش ومسكها وكلمها ......... ....
سعيد : أنتي شو أسمج ..؟
عوشه : ليث ..
سعيد : ههههههه.. شوفي إذا تبيني ألاعبج الألعاب كلهم قولي لي اسمج ..
عوشه : اذا قلت لك اثمي بتخليني العب وايد..؟
سعيد : هيه وايد .
عوشه : ثرات اسبوعي ...
سعيد : وهو يضحك .. هيه ..
عوشه : اسمي عوثه ..
سعيد : هاهاهاهااا .. يعني عوشه .... انزين منوه هاذيج اللي كانت تلاعبج ..
عوشه تأشر صوب ظبيه وتقول: ... هاي عمووه
سعيد : شو أسمها .؟
عوشه :ليش بتخليها تلعب وايد ثراااااات اسبوع ايدها بعد ..
سعيد : ههههههههههههههههههههه ...... هيه ...
عوشه : هاذي عموه ذبيه .. انا وايد احبها ما احب عموه سلامه.. ما تخليني العب في حجلتها ..
سعيد: هههههههههههههههههه .......... اوكي تعالي بوديج تلعبين ..
علي : وين بترووح ..؟؟
عوشه :سووه ؟ بنلوح نلعب.
ويضحك سعيد وعلي على رمسة عوشه ..
رن تيلفون ظبيه وكانت متصله لها فطوم....
فطوم: هلا ظبيوه شحالج ؟.. ..
ظبيه : أنا؟ ..أنا مالكة الدنيا كلها الحين كنت ابا اتصل لج بس تيلفوني مافيه رصيد..
فطوم: لازم قوم مدفوعه... قولي شو اللي مفرحنج ..؟؟
ظبيه : فطوم.. .... سعيد هنيه في المول والله يوم شفته يتبعني قلبي وقف ..
فطوم : ..أييييييييييييه ظبيووه شوي شوي عليه مب ملحقه افهم كلامج.
وقالت ظبيه حق فطوم كل السالفه ..... ... من اول ما شافته لين آخر لحظه.. وفجأة يتقرب سعيد وعلي وعوشه صوب ظبيه ..
ظبيه: فطوم بخليج .. الحين باي ..
وسكرتوما عطت فطوم فرصه انها ترمس او ترد عليها وهل عليها سعيد ..
سعيد : السلام عليكم ..
ظبيه : وعليكم السلام ... ... عوشه وين رحتي .. .. ؟
عوشه : لحنا نلعب ثوي .
سعيد : هاهااهاهاااااههاهاااااا
ظبيه : اسمحلنا الشيخ تعبناك ..
سعيد : لا أفا عليج... يله باي عوشه ..
عوشه : باي
بعد ما راح عنهم سعيد وقف صوب بوابة الخروج .. صوب الألعاب ..وأنتبهت له ظبيه وكان قلبها شوي وبيوقف .. خوف ع فرح ع ما تعرف شوووه ... ويتها اختها سلامه وماسكه الأكيااس...
سلامه : يا الله خلصت ..
ظبيه : يا الله بنرد البيت وايد تأخرنا ..
ويوم وصلوا صوب بوابة الخروج قالت ظبيه حق سلامه تروح هي وعوشه السياره وهي بتلحقهم بتروح التسجيلات تبا تاخذ شريط... ... ... سمعها سعيد ولحقها وهو يسحب علي وراااه ... .. دخلت ظبيه المحل ويلست تحوط مب عارفه شو تاخذ .. وسعيد وعلي وراها وهي مرتبكه .....
قال سعيد حق راعي التسجيلات يحط له اغنيه راشد الماجد ..( شيلي الطرحه عن الوجه السموح ... نوري كل الوجود بطلتك ....املكيني بالغالى عمر و رووووح زلزليني لا رميتي طرحتك )ارتبشت ظبيه و هيه تسمع الأغنيه ... وومب عارفه شو تسوي فطلعت من المحل ..وسعيد وراها من مكان لمكان لين ما وصل مواقف السيارات .... ...
سعيد : ظبيه بعطيج رقمي ارجوج تصلي .. ... ... ارجوج .. ابا اقول لج شي ..
في خاطري كلام وايد مب قادر اصبر ارجوج ..
وكرر سعيد رقمه فوق الخمس مراااات ..
lililiــــــــــــــــــــــ ـــــــــــــــــــــــــ ــــــــlilili
وتمر الأيام وسعيد ع أنتظاره .. يتريا ظبيه تتصل وظبيه ماكلتنها الحيره مب عارفه شوتسوي.. تتصل وتسمعه .. تتصل وتقول له عن اللي في خاطرها .. والا تحبه بسكوت ..
lililiــــــــــــــــــــــ اتصال ـــــــــــــــــــــــlili li
سعيد : اتصدق أحس اني غلطت يوم ر قمت ظبيه .. يا ريال حاس عمري طحت من عينها والله بموت إذا هالشي استوى .
علي : أووووه .. يا أخي تراك لوعت بجبدي من اسبوع ونحن ع هالمواال انزين انا شوووه بيدي ..
سعيد: تعتقد اني غلطان ..؟؟
علي : يوم قلت لك و الباقي عليك ظهرتني مب ولد جبايل وما اعرف السنع واليوم أنت اترقمها عادي صح ؟ .....
سعيد : لم ثمك .. أنا ما كان ينقصني إلا رمستك المخبقه .. يا الله بخليك باي
lililiــــــــــــــــــــــ ـــــــــــــــــــــــــ ــــــــlilili
يوم الثلاثاء الساعه 12 فليل
ظبيه يالسه في حجرتها اتريد تنام بس مب قادره مب عارفه شو اتسوي ..راحت صوب المسجل وشغلت
((( اسهر معي ليله ...حاول تحس بلوعتي ليله ..عد النجوم اشكثرها...يلي بقلبي كبرها))
ظبيه : ليتك تحس فيني والله
بعدها يت غنيه ((اهمه لوكذب اني مااهمه..غلاي يجول بقلبه ودمه))
ماتت ظبيه يوم سمعتها وحست الشوق يحرق فوادها
ويم سمعت هالمقطع(( يكابر وادري انه يكابر ...وانا ادري بس لكن دوم صابر..ابيه يبوح عن حبه وشوقه...وانا اللي بين خلق الله اهمه))
ماحست بنفسها الا وهيه ادق رقم سعيد..رن رنتين بعدين سكرت ..خافت من اللي سوته وخافت انه يكون راقد ..بس بعد ثواني اتصل بها سعيد ترددت اترد عليه والا لا وفي النهايه قرررت اترد عليه
ظبيه : الو ...مرحبا
سعيد : مرحبا الساع ..الشيخه حد اتصل على هالرقم
ظبيه: هيه اسمحلي كنت...كنت مغلطه في الرقم
حس سعيد انه يعرف هالصوت
سعيد: لا افااا عليج عادي الشيخه ...بس انتي متاكده انج مغلطه؟؟؟
ظبيه ساكته مب عارفه شو اترد عليه..حينها عرف سعيد ان السالفه فيها شيء...ماكان يعرف انها ظبيه ..بس حاس ان هالبنت عندها سالفه
سعيد: اوكي ..انتى منوه كنت اتريدين ؟؟يعني اذا ما فيها احراج
ظبيه :لا عادي بس خلاص انا غلطانه في الرقم سمحلي
سعيد: الشيخه .. لحظه..انا حاس انه في شي في خاطرج
ظبيه: لا ماشي في خاطريه.. اسمحلي ..مع السلاامه
سعيد: ورفجت بوخليفه اتقولين اللي في خاطرج ..والله احس انه شي في خاطرج..
ظبيه: ااااااه...اول شي ممكن اعرف تيلفون منوه هذا؟؟؟
سعيد: امممممممم تيلفوني
ظبيه : ممكن اعرف اسمك لو سمحت
سعيد: وياج سعيد الرميثي
ويوم نطق باسمه فز قلب ظبيه وماعرفت شو اتقول وسكتت..ويوم ان ظبيه ماتكلمت حس سعيد انها غزالة حياته والملاك اللي شافه
سعيد : ظبيه؟؟ ارجوج قولي انج ظبيه
ظبيه وهيه مصدومه: كيف عرفتني ؟؟؟
سعيد: لا مب معقوله والله انتى ظبيه ... لا اكيد انا احلم ..قولي والله انج ظبيه ..قولي انج ظبيه وريحيني
ظبيه وهيه مستغربه من رده فعل سعيد هيه وياك ظبيه
سعيد: اااه..حرام عليج هذا اللي تسوينه فيني والله حرام ..&#33;&#33;
ظبيه: انته شوه تقول ,,؟
سعيد:-شوه سويتي؟&#33; ما شي بس اخذتي قلبي وروحي وسرقتي النوم من عيوني خليتيني جسم بلا روح.. سرقت النوم من داخل عيوني.. وخليتي السهر فيها مؤبد..
ظبيه:- سعيد.. انته شوه تقول؟&#33;
سعيد:- ارجوج قولي اسمي مره ثانيه ارجوج..
ظبيه:- سعيد.
سعيد:- آآآآة فديت سعيد يوم تظهر من ثمج..
سكتت ظبيه من المستحى وما عرفت شو ترد على سعيد وعلى كلامه..
ظبيه:- انا اسفه اذا كنت اتصلت بك في وقت متاخر..
سعيد:- لا افا عليج لا متاخر ولا شي..
ظبيه:- يعني انته مب مشغول؟&#33;
سعيد:- لا فاضي ما شي ماسك خط دبي السمحه.. وبعدين حتى لو كنت مشغول عشانج افضى وافضي كل حياتي.. ظبيه.. ليش ما اتصلتي بي؟&#33; حرام عليج.. والله كنت بين علشان اكلمج..
ظبيه:- سعيد ما كانت عندي ذيج الجرأه اللي تخليني اتصل بواحد من الشباب.. سعيد.. انا ما كنت بتصل.. بس ما ادري يوم سمعت غنية عيضه ما قدرت امسك عمري.. ودقيت وانا مب حاسه بعمري...
سعيد:- غنية عيضه؟&#33; وشو دخل غنية عيضه؟&#33;
ظبيه:- سعيد.. انا اعرفك من زمان.. انا اعرفك من من اليوم او امس..
سعيد:- لحظه.. لحظه.. اريد اعرف شو السالفه.. ظبيه انا ادري انج عرفتي اني هو الشخص نفسه الي شافج عند ميالسكم ذاك اليوم( يوم العيد)..
ظبيه:- هيه عرفتك... بس على فكره انا كنت اعرفك قبل ذاك اليوم بشهور...
سعيد:- شوه؟&#33; شهور؟&#33; ليش انتي من وين عرفتيني؟&#33;&#33;
قالت ظبيه حق سعيد عن الشريط والعرس وكيف سالت عنه وكل شي.. وسعيد كان ساكت ويسمعها...
ظبيه:- وهذي كل السالفه... الحين عرفت شوه السالفه... وشوه سالفة غنية عيضه...
سعيد:- يالله يا القدر.. صدق والله ما في انسان يقدر يغير القدر...
ظبيه:- ليش سعيد انت تعتقد ان القدر يجمعنا..
سعيد:- اكيد والا ما استوى كل هذا... واكبر دليل انج يالسه تتكلمين ويايه الحين.. ظبيه.. ممكن اقولج شي؟&#33;
ظبيه:- آمر..
سعيد:- كان خاطريه اني اسمع صوتج لكن الحين ليتني ما سمعته..
ظبيه:- ليش؟&#33;
سعيد:- لاني قبل كنت ميت ومن سمعت صوتج زاد عذابي.. والطعن في الميت حرام يا بنت الناس..
ظبيه:- اذا انته كنت ميتفكيف تحسب بالعذاب؟&#33;
سعيد:- انا صدق ميت بس ميت بحبج..
زادت دقات قلب ظبيه مب امصدقه اذنيها مب مصدقه ان سعيد يحبها...
ظبيهك- سعيد ارجوك..
سعيد:- ظبيه انتي اللي ارجوج.. حرام عليج شهور وانا اتخيل هاللحظه... حرام عليج انج تحرميني منها.. ظبيه انا ما اطلب انج تحبيني.. بس ارجوج لا تحرميني من اني احبج..
كان في خاطر ظبيه انها اتقول انها تحبه بعد... بس كانت خايفه.. خايفه لا يكون سعيد يجذب عليها..
سعيد:- الغاليه سمعي هالاغنيه دوم اسمعها واتذكرج.. " من بين الناس حبيتك .. من بين الناس.. وبكل احساس اغليتك.. وبكل احساس.. حبك جرى بدمي.. نساني كل همي"..
ظبيه:- اوكي.. اوكي.. لحظه..
راحت ظبيه للمسجل وادور شريط راشد الماجد...
ظبيه:- اسمع هالاغنيه.. " انا احبك ولا فكرت اخونك.. وقلبي في الهوى عايش يصونك.. احلف ورب البيت غيرك ما حبيت"..
سعيد:- فديت روحج الغاليه ذوقج روووعه...
استحت ظبيه وضحكت...
سعيد:- بتخبرج الغاليه انتي وين ادرسين؟&#33;
ظبيه:- انا في جامعه الامارات سنه ثانيه كلية العلوم الانسانيه وشو بعد تبي تعرف ؟&#33;
سعيد:- والله زين وانا بعد بقولج عن نفسي انا اشتغل في جهاز بوظبي للاستثمار... امممممم...
ظبيه:- انزين كم عمرك؟&#33;
سعيد:- انا شيبه عمري 24 سنه... ويضحك..
ظبيهك- العمر كله انشاء الله وانا عمري 12 سنه .. ههههههه..
سعيد:- فديتج والله 12 وفي الجامعه عليه عاد قولي كم؟&#33;
ظبيه:- عمري 20 ىسنه..
سعيد:- العمر كله انشاء الله... وشو الجامعه حلوه والا ممله؟&#33;
ظبيه:- حلوه بس امتحاناتها صعبه..
سعيد:- لا اكيد انتي شاطره مبين عليج..
ظبيه:- سعيد بخليك الحين ورايه امتحان بكره الصبح..
سعيد:- انزين متى بتكلميني؟&#33;
ظبيه:- والله ما ادري؟&#33;
سعيد:- لازم لازم لازم تكلميني... حرام عليج والا بموت.. بتخبرج هذا تلفونج؟&#33;
ظبيه:- هيه تلفوني..
سعيد:- انزين انا بتصلج..
ظبيه:- لا لا لا دخيلك.. يمكن تتصل واكون عند اخواني.. اقولك.. خلاص انا بتصلك يوم بتفيق..
سعيد:- انزين الغاليه بس دخيلج اتصلي بي..
ظبيه:- انشاء الله من عيوني شي في خاطرك؟
لحظة سكوت..
سعيد:- سلامتج الغاليه..
ظبيه:- انزين تصبح على خير..
سعيد:- وانتي من اهله وربعه وجيرانه وطوايفه هههههههههه... مع السلامه..

و سمحووووووووووووووولي انشالله الباقي بعدين

















الحمدلله انهااااااااا عيبتكم و الياااااااااي احلا و الله ...ما بطول عليكم الجزء الثالث ..............


مريم : عويش عن الحشره ... بتطيحين ... حسبي الله ع هالبنت ...
ظبيه : بلاج خليها تلعب ...
مريم : شو تلعب ..؟؟ ماتشوفينها اتنط من كرسي لكرسي والله لو استوابها شي بيذبحنا خليفه ..
خليفه : فديت اللي تقول خليفه ..
مريم : مرحبااا ملاااين وزود والله .
عوشه : باباتي ثوفني كيف العب ثوووف ...
مريم : عويش والله لضربج .. خليفه شوف بنتك ..؟؟
خليفه : خليها تلعب اشعندج عليها ..
مريم : انزين ... تلعب لكن يوم بتتكسر لا تهزبني ..
ظبيه : ههههههههههه هاي بنت وحده ومظهره عيونكم الله يعين يوم بتيبون درزن ..
عوشه : ماماه أليد ماي .
مريم : ان شاء الله عيوني.
خليفه : ظبوي شلي عويش ويااج ابا ايلس ويا حرمتيه .
ظبيه : لا .. أنا مول ما حسيت... يا اخي قول فارجيينا وبس . صح .. ..؟
ويضحكون ع رمسة ظبيه .. وتروح ظبيه حجرتها ومعاها عويش وتحصل 3 مسج كول و5 مسجات ع تيلفونها .. لقت فاطمه متصله مرتيين ورقم اخوها حميد مره.. ويوم شافت المسجات لقت اربع من سعيد ووحده من فطوم.. وهي مب مكلمه سعيد من يومين .. فمسكت التيلفون وحطته في الجرج وودرت عوشه عند سلامه ورجعت حجرها قفلت الباب وشغلت المسجل ..
واتصلت حق سعيد ..
سعيد : مرحبااااا ملاين شو ملايين "إلا بلاااين ..وينج أنتي شو هالغيبه والله ما اصبر بدونج ..
ظبيه : هههههههه هلا مرحبا بو عسكور.. والله زحمت امتحانات عليه وبعدين من يوميين وبنات عمومي مسوين غزو علينا ..
سعيد : حرام عليج والله شتقت لج .. قسم با الله والله احس قلبي بيقف لو ما اتصلتي ...
ظبيه : فديت قلبك أنا ..
سعيد : آااااااااه .. كنت زعلان بس الحين لا..
ظبيه : هههههههههههه أوكي الغالي بخليك الحين .
سعيد : ششششششووووووووووه اتخليني ..&#33;&#33;&#33; انا ما صدقت انج اتصلتي تبيني اسكر .. لالالالالالا ما بسكر ..
ظبيه : فديت سعيد انا ... والله ورااايه دوام ..
سعيد : ليش متى دوامج ..؟
ظبيه : بروح بس حق محاظرتين من 2 لين الساعه 5.
سعيد : اوكيه يعني بتتصلين فليل ..؟؟
ظبيه : ان شاء الله ..شي في خاطرك؟
سعيد : بعدني بترياااج آاااه والله وايد في خاطريه ..... بس ماادري متى بترحميني ..؟؟
ظبيه : أوكي ... بيباي ..
سعيد : وهو يتنهد باي .
سعيد : ظبيه ..&#33;&#33;
ظبيه : لبيه..
سعيد: أحبج ..أحبج ..أحبج مووووت ..
لحظة سكووت.
ظبيه : باي.
سعيد : باي ..
lililiــــــــــــــــــــــ ــــ في الكوفي هاوس ـــــــــــــــــــــــــ lilili
ظبيه:- يالله بنات بنشوفكن بعدين...
فاطمه:- يالله باي بنات...
نوره:- ليش باي ما بترجعين مع ظبيوه...
فاطمه:- لا أنا من بعد الفكر ما عندي شي ومالي خاطر حق اليلسه...
وطلعت ظبيه وفاطمه من الكوفي رايحات صوب مبنى 66... وهن رايحات صوب الكلاس يلست ظبيه تقول حق فاطمه عن سعيد ألين ما وصلن القاعه ويلست ظبيه وفاطمه عدال بعض في السيد الثاني وشوي تيمعن البنات كلهن وبعدها بثواني دخل الدكتور وبدت المحاضره... كان الدكتور مندمج في الشرح والبنات مندمجات بعد وياه فجأه سمعن صوت تلفون واصلنه مسج والصدفه إن هالتلفون كان تلفون ظبيه احمر ويه ظبيه ومب عارفه شو تسوي وفاطمه أول ما سمعت التلفون لفت صوب ظبيه وخاطرها تذبح ظبيه لف الدكتور صوب البنات...
الدكتور:- بنات يا ريت لو يكون في شويت احترام للكلاس ولو سمحتي يا راعية التلفون أغلقي تلفونج أو حتى حطيه على السايلنت إذا إنتي ما تصبرين عنه... بنات هذي آخر مره بسمح بمثل هالحركات ...
تمنت ظبيه لو إن الأرض تنشق وتبتلعها وكانت تسمع البنات يهمسن عليها ويقولن والله إنها ما تستحي هذي مضيعه المذهب ووايد من هالرمسه لدرجة إنها كانت اتريد تطلع من الكلاس لولا فاطمه اللي مسكتها ... وبطلعت الروح خلص الكلاس طلعت فاطمه من الكلاس وتسحب ظبيه معاها ألين ما وصلن النافورة...
فاطمه:- ظبيوه والله انج ما تستحين شو هذا هبلا إنتي وإلا تستهبلين...
ظبيه:- والله والله إني انصدمت شراتج يوم سمعت التلفون وما كنت أدريبه إنه مب محطوط سايلنت...
فاطمه:- شوه ما كنت أدري؟ والله لو واحد غير الدكتور أحمد كان والله طلعج من الكلاس ووداج حق المشرفات ... شو إنتي ما تدرين إن فيها فصل...
ظبيه:- حرام عليج عاد... شو أسوي... حرام عليج إيسد كلام الدكتور لي...
فاطمه:- كلام الدكتور؟&#33; ما عليه... الغاليه تراج راسبه في الفكر خلاص... وأنا مالت عليه يالسه عدالج شوفي من عقب هاليوم في كلاس الفكر لا أعرفج ولا تعرفيني...
ظبيه:- حرام عليج فطوم...
فاطمه:- حرام عليج؟&#33; انزين منوه مطرش لج مسج؟
ظبيه:- ما ادري لحظه بشوف...
المسج:-
"يعلم الله في خفوقي شايلك صوره وصوت مثل دم في عروقي لو يخف مني أموووت"
ظبيه:- من سعيد...
فاطمه:- من سعيد؟ قوي جيه... والله العظيم نهايتنا بفظيحه إنشاء الله...
ظبيه:- بسم الله من فالج...
وعدى هاليوم على خير
lililiــــــــــــــــــــــ ـ اتصال ـــــــــــــــــــــــــ ـlilili
ظبيه:- سعيد باجر بنروح دبي...
سعيد:- دبي؟&#33; ليش؟&#33;
ظبيه:- ما شي بس نريد نفصل شيل وعبايا ونشتري قطع وهالسوالف ...
سعيد:- لا والله وماشي في العين؟&#33;
ظبيه:- لا شي بس في دبي علشان بالمره نتكشت...
سعيد:- ومنوه بيروح وياج؟
ظبيه:- أنا ومريم حرمت خليفه وفطوم ربيعتي...
سعيد:- يا سلام شلة بنات يعني... لا تروحين...
ظبيه:- سعيد حرام عليك عاد... أريد أروح والله سعيد فديتك...
سعيد:- اتعرفين نقطة ضعفي... بس ما تروحين لا وافي ولا السيتي سنتر وتتغشين بشيله غليظه...
ظبيه:- إنشاء الله الغالي انته آمر بس...
وراحت ظبيه ومريم وفاطمه دبي وحاطن في المراكز ألين ما شبعن وفي درب الرده الساعه11 فالليل بنجر عليهن التاير عدرب دبي العين... ومن نحاسة الحظ كان التاير السبير امبنجر بعد... ما عرفوا شوه يسون... نزل الدريول من السياره...
فاطمة:- طاعوا النحاسه ... والله صدق المنحوس منحوس ولو علقوا على رأسه فانوس...
ظبيه:- لحظه... لحظه أشوف سياره واقفه ورانا...
كان في السياره اثنين من الشباب رادين من دبي رايحين صوب العين فنزلوا من السياره وراحوا صوب الدريول وكلموه... فتحت مريم دريشتها تسال الدريول...
مريم:- حمزه...
حمزه:- هاه ماماه...
شوه أسوي تلفون حق خليفه علشان يشوف السياره؟&#33;
قال واحد من الشباب:- لا أفا عليج الشيخه... إنشاء الله بنعابل السياره وبنبدل تايرها لا تتصلين حق حد...
مريم ما تقصر يا الطيب...
رد عليها وقال:- أفا عليج... السالفه ما تحتاي...
سكرت مريم دريشتها وراح واحد من الشباب صوب سيارتهم ووقف اللي كلم مريم عند الدريول...
فاطمة:- يا حافظ عليه والله إنه شيخ هالريال...
ظبيه:- لا والله؟&#33;
حمزه:- ماماه هذا نفرات يقول سوي نزل شويه...
قاللهم نفس الريال:- الشيخات لو تنزلن من السياره شوي ألين ما نعابل في السياره... وانتن ركبن سيارتيه ألين ما نخلص ... لأنه فظيحه يا خواتي اتمن واقفات في الشارع جدام اللي خاطف واللي ياي وبعدين الحين فالليل وأنا أخاف على سمعتكن تراكن مثل اخواتي...
مريم:- إنشاء الله بنات نزلن...
فاطمه:- والله انه مخاوي شما...
ظبيه:- فطوم... بيسمعج...
نزلن من السياره وراحن صوب سيارة الريال ... بس ظبيه ما طاعت تركب... وتمت واقفه عند الباب عدال فاطمه الي ركبت هيه ومريم...
فاطمه:-مريوم أتشوفين صورته... المكان ظلمى وأنا من الصبح أدور وما لقيت شي
ظبيه:- وإنتي شدراج أنه حاط صورته؟&#33;
فاطمه:- الحين الشباب كلهم يحطون صورهم في السياره... وبعدين صورته حلوه غير رايكن اتحسبنه ...أكيد حلو مالت على حظنا يعني ما لقى التاير يبنجر الا فليل عشان ما نقدر نشوفه...
ظبيه:- مالت... سكتي تراه ياي صوبنا...
قاللهم:- أوكي الشيخات ...خلصنا من تايير السياره...
مريم:- مشكور يا الشيخ ما تقصر...
فرد عليها:- لا أفا عليج هذا واجب علينا...
نزلن من السياره الريال رايحات صوب سيارتهن
فاطمه:- بس اسمحلنا الشيخ انريد رقمك عشان اخوانا يتصلون بكعلشان يردولك التاير...
رد عليها الريال:- لا أفا عليج يا الشيخه هذي فضيحه في حقنا وتراه إلا تاير وفدوى عنكن مية تاير...
فاطمه:- هذا إلا من طيب اصلك... بس لازم ناخذ رقمك ولو حتى عشان يشكرونك...
قاللها:- اوكي رقميه (........)
فاطمه:- اسمحلي بس منوه الريال؟
قاللها:- عبدالله... عبدالله بهيان العامري...
فاطمه:- مرحبا الساع والله...
عبدالله:- مرحبا بج يا الشيخه...
وركبت فاطمه ويا مريم وظبيه السياره وراحن صوب العين...
lililiــــــــــــــــــــــ ـــــ اتصال ـــــــــــــــــــــــــ ــــــــlilili

ظبيه:- حبيبي...
سعيد :- عيون حبيبج آمري حبي...
ظبيه:- حبي كل عام وإنته الحب...وانشاء الله عقبال مليون سنه...
سعيد:-وياج عمري... ياليتنا نقدر نحتفل... ليت القدر يمشي على رغبة النفس... كان القدر بطوعه لأجل عينك...
ظبيه:- مب مشكله ... انشاء الله هذا يكون آخر عيد ميلاد بلايه...
سعيد:- إلا هذا شي أكيد لأني ما أصبر عنج...
ظبيه:- حبيبي اسمع:
بحتفل بعيد ميلادكlilili وللأسف بحييه من دونك
المهم أبقى عميعادكlilili واحفظ التاريخ وأصونك
سعيد:- حبيبتي... صدق بتحفظين التاريخ؟
ظبيه:- وبصونك انشاء الله...
سعيد: فديت روحج حبي...
lililiــــــــــــــــــــــ ـــــــــ في البيت ـــــــــــــــــــــــــ ــــــlilili

حميد:- أمايه ... اريد ارمسج شويه...
أم ظبيه:- لبيه الغالي... شي في خاطرك؟&#33;
حميد:- والله في سالفه أريدج اتكلمين أبويه فيها...
أم ظبيه:- ربك ما شر؟
حميد:- لا ما شي... إنتي تعرفين أني محير ميثه بنت عمي من سنين . وأنا خلاص نويت أكمل نصف ديني...
أم ظبيه:- هذا الشور الزين والله... ترى العرس ستره للحرمه والريال..ز
حميد:- ما أدري بس أريدج اترمسين أبويه عشان يرمس عمي...تراه حمد ولد عمي بيرد البلاد عقب أسبوع وبيرتبشون العرب برجعته وأنا إللي بضيع بين الريول...
أم ظبيه لا أفا عليك محشوم يا الغالي... مره لا تحط في خاطرك شي أنا برمس بوك وبخليه يرمس عمك...
رمست أم ظبيه ريلها وقالتله إن حميد يريد يملج على بنت عمه ميثه... وبعدها بيومين رمس بو ظبيه خوه وقاله يشاور البنيه علشان يملجون بسرعه... وتكون الملجه عقب ردة حمد للبلاد...
ظبيه:- ما تتخيل يا سعيد شوه العرب مرتبشين بييت حمد البلاد وزاد عليهم حميد بملجته الله يعينوالله ... من يومين ما نمت عدل والله حتى الجامعه طنشتها اليوم وما رحتلها...
سعيد:- لا والله؟&#33; لهدرجه ردت حميد تعنيلج وايد...
ظبيه:- سعيد... حمد ولد عمي وبس وأنا عمري ما فكرت به غير جيه... وبعدين احنا مرتبشين عشان ملجت حميد مب عشان حمد...
سعيد:- ممممممممممم...
ظبيه:- لا والله؟&#33; شوه معناه هذا؟&#33; حبيبي تغار؟
سعيد:- أغار؟؟؟ إلا بموت من الغيره ...يكفي إنه ولد عمج...
ظبيه:- وشوه يعني ولد عمي... حبيبي هو ولد عمي صدق ... بس مستحيل يفكر بلَي في بالك ...
سعيد:- ليش مستحيل؟&#33; هو بس بيشوفج مره وبيموت عليج...
ظبيه:- ههههه... بس أنا ما بموت ... لأني ميته من أول يوم شفتك فيها...
سعيد:- قولي والله...
ظبيه:- والله... والله...والله...
سعيد:- فديت عيونج... ظبيوه تحبيني؟؟؟
ظبيه:- يمكن كلمة أحبك ما توصف إحساسي صوبك...
سعيد:- فديتج ... أحبج ظبيوه...
lililiــــــــــــــــــــــ ـ في الميلس ـــــــــــــــــــــــــ ــــــــlilili

حمد:- شحالج عمتيه؟ ريج بخير؟
أم ظبيه:- بخير الله يسلمك... إنته شعلومك وشو علوم الدراسه؟
حمد:- الحمدلله ... خلصنا الدراسه وافتكينا... وردينا البلاد...
أم ظبيه:- فديتك لازم تخلص وإلا 5 سنين بعيد عن هلك وما يدرون بحالك مب شوي...
حمد:-يالله يا عمتيه تراني كنت ارد البلاد...
أم ظبيه:- وين ترد؟؟&#33; ما نشوفك إلا بالسنه مره...
حمد:- شوه إنسوي عاد... أقول عمتيه وين الربع ماا اشوف حد منهم؟؟؟
أم ظبيه:- والله خليفه شال حرمته ومودنها صوب هلها... وحميد ما نشوفه والبنات في حجرهن... اصبر شويه بزهرهن يسلمن عليك...
راحت أم ظبيه صوب سلامه وظبيه وزقرتهن علشان يسلمن على حميد ولد عمهن... ورجعت الميلس فدخلت أم ظبيه الميلس وعقبها سلامه وظبيه وسلمن على حمد...
سلامه:- هلا بو شهاب شحالك؟
حمد:- هلا والله شحالج سلامه؟
سلامه:- بخير الله يسلمك..
حمد:- شحالج ظبيه؟
ظبيه:- بخير الله يسلمك.. إنته اشحالك؟
حمد:- بخير ونعمه دامنا في البلاد...
سلامه:- لازم من شرب ماي العين ما صبر عنه...
حمد:- هيه والله... هاه سلامه وين موصله في الدراسه؟
سلامه:- ثاني ثانوي... احم احم ... علمي...
حمد:- يا سلام علمي بعد... وانتي ظبيه؟
ظبيه:- أنا ثاني سنه جامعه...
حمد:- والله؟&#33; أي كليه؟&#33;
ظبيه:- علوم انسانيه...
حمد : ما شالله... عنبوج يا الدنيا والله آخر عهدي بج في الإعدادي...
ظبيه:- أفا عليك بو شهاب كبرنا...
حمد:- هيه والله...
فجأه رن تلفون البيت ونشت سلامه علشان ترد عليه وكانت خالتها متصله فزقرت سلامه أمها علشان تكلمها وفضى الميلس بظبيه وحمد...
حمد:- يالله يا الدنيا قدج تتغشين مني...
ظبيه:- كبرنا يا بو شهاب...
حمد:- بس ما كبرتي عليه... أنا حمد وإلا ما تتذكرين يوم إنا كنا نلعب ويا بعض...
ظبيه:- حمد إنته تتكلم عن 9 سنين طافن... كيف تتوقع إني بتم ياهل... السنين تطوف...
حمد:- السنين الطوف... بس هذا ما يخليج تتغشين عني... إذا سلامه ختج ما تتغشى عني... وترمسني عادي...بس إنتي وايد متغيره عن آخر مره شفتج فيها...
ظبيه:- حمد... زمن سلامه غير عن زماني... وأنا آخر مره شفتك فيها كانت من 5 سنين... فلا تتوقع إني ظبيه الجديمه...
حمد:- لا الظاهر إن الجامعه غيرتج... وأنا أشوف إنج وايد تغيرتي مب بس في أفكارج لا حتى بشكلج...
يلس حمد يطالع ظبيه من راسها لريولها لدرجه إنها حست أنه فيها شي غلط...
ظبيه:- اسمحلي حمد... عليه امتحان بروح أذاكر...
ونشت ظبيه رايحه صوب الباب فنش وراها حمد وسألها...
حمد:- ظبيه... قالولي عندج موبايل... فلو سمحتي أريد رقمج...
فالتفتت ظبيه صوب حمد وهي معصبع وقالتله...
ظبيه:- حمد... الظاهر أن العشره مع الأجانب ظيعت مذهبك...
حمد:- ظبيه... ظبيه...
طلعت ظبيه من الميلس وهي معصبه لدرجة أنها كان في خاطرها تذبح حمد...وكلمت ظبيه سعيد ذاك اليوم بس ما قالتله عن موقفها مع حمدوما حبت تزعجه بهسالفه التافهه... بس حمد كان في تفكيره شي ثاني
lililiــــــــــــــــــــــ ـــــــــــــــــــــــــ ـــــــــــــــــــــــــ ــــlilili
حمد:- والله يا بوغنيم ما كنت اتوقع ظبيه لهدرجه تغيره...
سالم:- ليش حمد؟ إنته شو كنت تتوقع ؟ ظبيه كبرت وما شالله عليها ينعق فيها القصيد من حلاتها... وما فوق أخلاقها شي...
حمد:- آآآه ...إمبين عليها... ياخي قلبي فز يوم هلت عليه في الميلس والله لو مب المستحى ما أعرف شو كنت بسوي...
سالم:- هذا والبنت ظاهرتلك متغشيه وهاي حالتك الله يعين عيل لو إنك شفت ويها...
حمد:- والله ياخي قهرتني... أول شي ظهرت متغشيه وبعدين ما طاعت تعطيني رقمها...
سالم:- حمد إنته في الامارات مب في لندن... وعن هالحركات ترى ظبيه بنت عمك... والله والله لو بويه وإلا عمي دروبك والله بيذبحونك...ههههه... وإلا بيوزونك ظبيوه...
حمد:- ليت والله...
سالم:- حوه بو شهاب... شو ليت والله؟ شوه طبيت خلاص؟
حمد:- لا طبيت ولا شي بس عيبتني ... وما بلقى أحسن من ظبيه...
سالم:- خلاص عيل رمس بويه يكلم عمي...
ورمس حمد بوه وقاله أنه يريد ياخذ ظبيه بنت عمه...
lililiــــــــــــــــــــــ ـــ في الميلس ـــــــــــــــــــــــــ lilili

كان بو ظبيه مسوي عزيمه عردة حمدالبلاد وكان فيها كل هلهم إلل من العين وإللي في دبي إللي في بوظبي... وانحط العشى وتعشوا الرياييل وعقب العشى يلسوا يسولفون... فرمس بو حمد خوه بو ظبيه وقاله إنه يريد ظبيه لحمد...
بو ظبيه:- هاي الساعه المباركه... وحمد ولدنا وما بنلقى أحسن منه لظبيه... والولد ولدك والبنت بنتك...
نش خليفه من عند الرياييل وظهر عنهم من الميلس وراح صوب الحرمات وزقر حرمته مريم وقاللها أنه حمد يريد ظبيه وقاللها بلي دار بين أبوه وعمه...
فدخلت مريم على سلامه وظبيه وميثه وفاطمه...
مريم:- ظبيوه... يايبتلج خبر يسوى ملايين...
فاطمه:- شوه يايبه معرس حقها؟ يا ويلج إنتي واعدتني أنا تيبيلي معرس ...
مريم:- ليش إنتي اتبين حد غير بن بهيان...
فاطمه:- سكتن مب عرفته من وين هوه... طلع من هل الهير... يا ويلي لو قالي ني عيَبش والله بطيح مسلقايه...
ظبيه:- ههههههههههه... فطوم سكتي... هاه شو عندج الريم...
مريم:- استعدي لتلقي الخبر... حمد ولد عمج يباج وأبوج قرببهم...
ماتت ظبيه يوم سمعت مريم شوه تقول... مب قادره تصدق إللي تقوله مريم لها وحتى فاطمه إللي كانت تضحك سكتت ولفت صوب ظبيه... كانت ظبيه شرات الميته ما فويهها لون... ما عرفت شو تقول أو تسوي... فجأه نشت تربع صوب حجرتها وقفلت الباب عليها... وربعت وراها فاطمه ويلست تدق الباب عليها بس ظبيه ما طاعت تفتح الباب حق حد... ألين أبوها ما ياها ودق عليها... فنشت ظبيه وفتحت الباب حق أبوها...
بو ظبيه:- هاه ظبيوه قالولي قافله على عمرج وما تبين اتشوفين حد...
سكتت ظبيه ظبيه ما عرفت شو تريد على أبوها...
بو ظبيه:- ظبيه إنتي مب ياهل عشان اتسوين هالحركات وولد عمج أولابج... ومحد بيصونج شراته...
ظبيه:- بس أنا أريد أكمل دراستيه وما أريد أعرس ...
بو ظبيه:-ظبيه إللي في سنج عندهم عيال الحين..ز وسالفة الدراسه هذي بينج وبين حمد إذا هو بغاج اتكملين كملي وإذا ما بغى على هواه...
ظبيه:- بس بويه...
بو ظبيه:- أنا عطيت كلمه لعمج وللرياييل وإنتي ما بتطيحن رمستيه وإلي قلته هو إلي بيصير...
طلع بو ظبيه عنها وخلاها غارقه في أحزانها... وقالت مريم حق خليفه إلي استوى وردة فعل ظبيهيوم سمعت الخبر... فراح خليفه صوب حجرة ظبيه وسمعها وهيه تصيح... فتردد إنه يدخل وكان بيدخل حجرته بس حس انه لازم يكلم ظبيه... ويريد يعرف ردة فعلها هذي...
خليفه:- ظبيه... ظبيه...
ظبيه وهي تمسح دموعها:- الباب مفتوح ادخل يا خليفه...
خليفه:- ظبيوه بلاج حبيبتي... ليش هالدموع والصياح كله... إنت لازم تفرحين مب تصيحين...
ظبيه:- أفرح؟&#33;&#33; ليش إلي يحكمون بإعدامه لازم يفرح؟&#33;&#33;
خليفه:- أي اعدام ... ظبيه حمد شرانج وما أظني أنه ارتكب جريمه يوم بغاج...
ظبيه:- بس أنا ما أريده... ما أريده...
خليفه:- ليش؟؟؟ ليش ما تريدينه؟&#33;&#33;
قالت ظبيه حق خليفه عن إلي استوى في الميلس وعن حركات حمد معاها...
خليفه وهو منصدم من حركات حمد:- أنا ما أعرف ليش حمد سوى جذيه بس أكيد ما كان قصده... وأكبر دليل أنه طلبج... ولو كان تفكيره خايس والله أنه ما ياخذج...
ظبيه:- فديتك خليفه قول حق بويه قوله أنا ما أريد حمد أرجوك... حرام والله حرام...
خليفه:- ظبيوه... شو السالفه؟
ظبيه:- أي سالفه؟&#33; خليفه أنا ما أريد حمد والعرس مب غصب...
خليفه:- ظبيه إلي يريد بنات الناس يدق باب أهلها... وإلي يستاهلج إلي اييج أول... ما يتريا ألين ما إنتي اتروحين...
طلع خليفه عن ظبيه وخلا كلامه وراه... يلست ظبيه تعيد رمست خليفه... وجفاها النوم وما عرفت شوه تسوي... تتصل بسعيد وتقوله وإلا تسكت وتشوف الموضوع عشوه بينتهي... دقايق وإلا يرن تلفونها (("مالي غنى عنك" يتصل بك)) ما عرفت ظبيه شو تسوي... ترد على سعيد وإلا لا... وقررت ما ترد عليه وتو يتصل بها سعيد أكثر عن عشر مرات كأن قلبه كان حاس أنه في شي مستوي حق ظبيه...
فيوم ما ردت عليه طرشلها سعيد مسجات يقول فيها:- ((حبيبتي ليش ما تردين عليه)), ((طبيوه... شو مستوي... ليش ما تردين عليه)), (( والله أحبج... والله العظيم))...
وتمموا على هالحاله لمدة يومين سعيد يتصل بظبيه ويطرشلها مسجات وبيموت علشان يكلمها وهو مب عارف كيف وظبيه كل ما تقرا مسج من سعيد تيلس تصيح...
فيوم كان سعيد خاطف من جدام بيت ظبيه و هو يسمع ..............
يا خفيف الدم شحوالك ... و كيف حال الي نشد عنك
اتصالك وين و رسالك ... وين دارك شاقني فنك
سعيد : ااااااااااه يا ظبيه وينج ....
و الا انا في حال من حالك ... و السبب في حالتي منك
ما قدرت اصبر و لا اتمالك ... لا حشى و لاني بسالنك
lililiــــــــــــــــــــــ ــاتصال ـــــــــــــــــــlilili
فاطمه:- ظبيوه... إنتي لازم تكلمين سعيد...
ظبيه:- سعيد... فديت روحه والله... آآآه يا فاطمه والله ما أعرف شوه أسوي... أهليه محتشرين عليه وأولهم حميد... أوين والله بتخربين عليه...
فاطمه:- وحميد وين داخل بالعرض في السالفه بعد...
ظبيه:- داش عرض&#33;&#33;&#33; أصلا حميد هو الي مكبر راس بويه أوين إذا احنا ما قربنا بحمد ولد عمي ما بيوز حميد لميثه وهو يريد ميثه...
فاطمه:- ظبيوه... بنصحج نصيحه لويه الله ... خذي حمد...
ظبيه:- شوه خذي حمد؟؟&#33; إنتي بذات المفروض ما تقولين هالكلام أنتي تعرفين إني أحب سعيد وبموت إذا كنت لحد غيره...
فاطمه:- ظبيه بس سعيد ما سوى شي علشان ياخذج...
ظبيه:- أصلا إحنا ما تكلمنا في هالسالفه... فاطمه أنا متاكده أن سعيد يحبني...
فاطمه:- ظبيوه إنتي لازم تقولين حق سعيد..ز وتشوفين ردة فعله إذا هو شارنج صدق وايريدج بيسوي المستحيل علشانج... وإذا هو لعاب بيتعلث بأي شي وبيقولج ما بيدي حيله...
يلست ظبيه تفكر برمست فاطمه... وقررت أنها تتصل بسعيد ...
سعيد:- مرحبا ملايين... حبيبتي حرام عليج هذا الي تسوينه فيني...
ظبيه:- هلا سعيد...
ظبيه:- هلا سعيد؟&#33;&#33; هذا إلي طلع منج بذمتج؟ اسبوع ما أكلمج وتقولين هلا سعيد... ما كنت أتوقع أن قلبج قاسي لهالدرجه...
ظبيه:- حرام عليك سعيد... بس إنته ما تعرف إلي استوالي وإلا جان عذرتني...
سعيد:- ليش إنتي عطيتيني فرصه عشان أعرف... ظبيه إنتي طنشتيني أسبوع كامل وأنا اتصل وأطرش لج مسجات وإنتي مب حاسه فيني... حتى هان عليج اتردين عليه أو حتى اطرشين مسج...
ظبيه:- سعيد إنته وين الحين؟&#33;
سعيد:- عدرب سمحه بوظبي... ليش؟؟&#33;
ظبيه:- أوكي... خلاص يوم توصل البيت دقلي...
سعيد:- ظبيه بلاج شو مستوي... تراج مب ظبيه إلي أعرفها
ظبيه:- سعيد في سالفه أريد ارمسك فيها... وما ينفع أني أرمسك وانته تسوق
سعيد:- والله تقولين... شو السالفه؟&#33;
ظبيه:- سعيد يوم بترجع البيت بقولك...
سعيد:- ظبيه فلختيني شو السالفه؟&#33;
سكتت ظبيه...
سعيد:- اوكي يالله رمسي وقفت السياره هاه شوه السالفه
ظبيه:- سعيد.
سعيد:- عيون وروح وحياة سعيد... آمري يا الغاليه.
ظبيه:- الاسبوع الماضي كنا مسوين عزيمه في بيتنا... وقالت ظبيه حق سعيد عن سالفة حمد... وسعيد يسمعها وهو ساكت ألين ما قالتله عن رمست أبوها...
سعيد:- وانتي ليش ما قلتيلي... ليش ما خبرتيني اول ما استوت السالفه الحين رمستي...
ظبيه:- سعيد أنا ما عرفت شوه اسوي... بعدين كنت اريد أني اقنع أبويه بس حميد مكبر راس بويه... آآآآآآآآه والله تعبت... ما أعرف .. ماأعرف شوه اسوي...
يلست ظبيه تصيح... مب قادره تمسك دموعها...
سعيد:- حبيبتي تصيحين؟&#33; يخسي ألف ريال اينزل دمعه من عيونج... فديتج لا تصيحين.. فديتج.. دمعه من عيونج اشتريها بالف خاطر...
ظبيه:- مب قادره.. والله هذا مب بإيدي.. بس بس ورجعت تصيح...
سعيد:-فديتج ظبيوه لا تصيحين.. لو كنت غالي عليج صدق واتحبيني لا تصيحين.. ظبيوه.. تحبيني؟&#33;
ظبيه:- بعد هذا كله انته عندك شك أني ما احبك... سعيد أنا احسن لي الموت ولا اكون لحد غيرك..
سعيد:- لا انشاء الله لا انشاء الله لا تقولين جيه وانشاء الله بتكونين لي حتى لو ادفع عمري فدوى علشانج...
ظبيه:- انزين سعيد... شوه بتسوي؟&#33;
سكت سعيد شوي..
سعيد:- ما عليج.. انشاء الله ما يستوي إلا كل خير... بس انتي وعديني انج ما بتصيحين من عقب هاليوم..
ظبيه:- آآآآه ليت الافعال سهله شرات الاقوال.
سعيد:- حبيبتي.. اذا الله كاتبلنا اللقى... ما في انسان بيبعدنا واريدج تتاكدين من شي واحد اني ما حبيت ولا بحب حد غيرج..
ظبيه:- فديت روحك.. حتى انا احبك.. والله والله أحبك..
سكر سعيد عن ظبيه.. وهو مب عارف شوه يسوي.. شغل سعيد السياره وهو ضليج.. شغل الـ FM وسمع عبد الكريم يغني..( ودعتها والشوق بيني وبينها الشوق بيني وبينها بحور... ودعتها.. ودعتها.. رغم خوفي.. رغم خوفي والوله مجبور.. الحزن في ايدها قاسي يشدني.. كل درب عنها بعيد يصدني.. ما أدري المحبه ظيعتني وإلا أنا ظيعتها.. وإلا انا ظيعتها...)
وأول شي فكر فيه سعيد ربيعه علي فاتصل به على طول...
علي:- الو.
سعيد-ألو.. علي انت نايم؟
علي:- والله أنك ما تستحي متصل الساعه 3 الصبح وتتخبر اذا نايم.. اكيد نايم..
سعيد:- علي اريد ارمسك.. علي مب عارف شو اسوي..
علي:- عسى ما شر سعيد بلاك.. شي يعورك؟ تعبان؟
سعيد:- آه تعبان&#33;&#33; إلا بموت..
فقال سعيد حق علي عن الرمسه إلي قالتها ظبيه..
علي:- سعيد ترى البنت شارتنك وقسم بالله بتكون نذل اذا ما طلبتها..
سعيد:- بس بوها قرب بولد عمها..
علي:- سعيد لا تتعلث.. بعدين انته عندك خليفه وصدقني اذا خليفه حس انك تباها وهي تباك صدقني والله بيساعدك..
يلس سعيد يفكر فرمست علي طول الليل ألين ما اذن الصبح.. طلع سعيد من حجرته بيروح المسيد علشان يصلي.. لقى ابوه في الصاله
بو سعيد:- هاه سعيد ناش اليوم من الفير..
سعيد:- ناش؟&#33; وين ناش أنا ما نمت من امس..
بو سعيد:- بلاك عسى ما شر؟&#33;
سعيد:- لا ماشي بس .. بويه اريد ارمسك بسالفه..
بو سعيد:- خلنا نروح المسيد ونصلي وعقب انشاء الله بنرمس..
راح سعيد ويا ابوه المسيد وصلوا الصبح وفي درب الرده رمس سعيد بوه..
سعيد:- بويه اريد اعرس..
بو سعيد:- هذي الساعه المباركه.. حد في خاطرك وإلا تريد امك تتنقالك؟
سعيد:- بصراحه خاطريه فوحده..
بو سعيد:- منوه؟ حد من الي نعرفهم؟
سعيد:- هيه.. خت خليفه الظاهري ربيعي..
بو سعيد:- هيه هل فلي هزاع..
سعيد:- هيه وصلت..
بو سعيد:- انشاء الله يستوي خير.. برمس امك وبخليها تروح وتشوف البنت..
سعيد:- ما في داعي بويه أنا اريد الرياييل يروحون أول والحرمات بعدين..
انتبه بو سعيد انه في السالفه شي بس ما حب انه يضغط على سعيد.. اتصل سعيد بخليفه وقاله انهم بيونهم في البيت.. ففهم خليفه السالفه وعرف سبب رفض ظبيه لحمد..
ويوم سكر عن سعيد على طول راح صوب غرفة ظبيه..
خليفه:- ظبيه.. انصلبي اليوم سعيد الرميثي..
ظبيه أونها ما تعرف منوه سعيد الرميثي:- منوه هذا؟&#33;&#33;
خليفه:- منوه هذا؟&#33; المهم الريال يباج ... وقالي انهم يريدون أحدد لهم يوم علشان ايون ويرمسون بويه.. انتي شو رايج..
ظبيه:- الشور شورك..
فرمس خليفه بوه بس ما قاله انهم يريدون ظبيه.. بو خليفه كان يتوقع انهم يايين حق سلامه.. فتحدد اليوم ووصل سعيد وبوه وعمه ورمسوا في السالفه انصدم بو خليفه يوم عرف انهم يبون ظبيه.. كان يريد يقوللهم ان ظبيه مخطوبه لولد عمها بس خليفه قاله ما يقول واول ما طلعوا من الميلس وركب سعيد سيارته اتصل بظبيه وقالها عن الي صار وقالها ان ابوها ما ياب طاري حمد.. ففهمت ظبيه انها حركة خليفه.. يلس خليفه يرمس أبوه ويقوله عن سعيد وقاله أن ظبيه ما تريد حمد والعرس مب بالغصب..
بو خليفه:- خليفه أنا عطيت كلمه لحمد وعمك وما اروم ارد في كلمتيه..
خليفه:- بويه بس انته ما شاورت ظبيه..
بو خليفه:- ومن متى البنات لهن شور؟ تراه ميثه بنت عمك يوم خطبناها حق حميد ما سوت هالسالفه كلها؟
خليفه:- بويه.ز ميثه تريد حميد بس ظبيه ما تبا حمد..
بو خليفه:- شوف انا ما برد في كلمتيه.. واذا حمد رخص ختك حينها بفكر بسعيد.. بس دامن حمد يباها سعيد ماله نصيب فيها..
راح خليفه صوب ظبيه وقالها عن الي صار وعن رمست بوها..
خليفه:- ظبيوه.. انتي تبين سعيد..
سكتتت ظبيه..
خليفه:- لا تسكتين قولي تبينه وإلا لا.. عشان اذا ما تبينه بتصل بالريال وبقوله مالك نصيب عندنا..
ظبيه : خليفه انا كما اعرف شو اقولك بس انا عايفه حمد..
خليفه:- ظهري حمد من السالفه.. اتبين الريال والالا؟
ظبيه:- اذا انته تشوف ان سعيد زين ويناسبني انا ما برده..
فهم خليفه قصد ظبيه.. اتصل خليفه بسعيد وقاله عن رمست ابوه.. ففهم سعيد ان ظبيه بتكون له اذا حمد رخصها..
خليفه:- سعيد انا برمس حمد وبردلك خبر انزين.ز
سعيدك- دخيلك خليفه لا تبطي عليه..
خليفه:- انشاء الله..
رمس خليفه حمد وقاله عن سالفة سعيد..
حمد اسمحلي خليفه.. هذي بنت عمي وانا اباها.. وإن بغيتوا بيكوم اليوم وبنملج..
اتصل خليفه بسعيد..
خليفه:- اسمحلي سعيد حمد ما رخص ظبيه.. وقال انه شارنها..
سعيد:- خليفه.. دخيلك رمسه قوله انا اباها حرام والله حرام..
خليفه:- سعيد.. انا ما رمتله حيله وهو مصر عظبيه ومب طايع حتى يرمس في السالفه حتى انه ما تخبر عنك.. كل الي قاله انا اريد بنت عمي وان بغينا الحين بيملج عليها..
سعيد:- اوكي خليفه.. عطني رقمه..
خليفه:- سعيد لا تتهور..
سعيدك- لا تحط في بالك بس انته عطني رقمه..
خليفه:- اوكي رقمه(...) سعيد اريد اقولك شي..
سعيد:- آمر..
خليفه:- تراه ظبيه تباك..
سكر سعيد عن خليفه وكله عزم عشان يكلم حمد..
حمد:- الو... مرحبا...
سعيد:- مرحبا.. حمد؟&#33;
حمد:- هيه حمد منوه الريال؟&#33;
سعيد:- واحد بس ما ظني انك تعرفني..
حمد:- الي ما نعرفه انشاء الله بنعرفه..
سعيد:- وياك سعيد الرميثي.
حمد:- مرحبا الساع والله.. آمر يالطيب..
سعيد:- ما يامر عليك عدو.. بس كنت اريد ارمسك بسالفه..
حمدك- تفضل يا الطيب..
قاله سعيد أنه يريد ظبيه بنت عمه:- وعمك قال اذا حمد رخص البنت بنجربك وانا بصراحه اريد البنت وشارنها..
حمد:- لا والله؟&#33;&#33; اول شي انته شعرفك بظبيه وشوه لك بها.. وبعدين هذي بنت عمي وانا اولابها.. وانته اسمحلنا مالك نصيب عندنا..
سعيد:- سمحلي .. انا مب ياي اشحت منك.. والبنت ما تباك.. ولو.....
حمد وهو يقطع رمست سعيد:- وانته اشدراك اذا تباني وألا ما تباني.. شوف والله ان ما بقى ريال في الدار والله انك ما تلمس شعره من راسها دام اني حي.. وظبيه انا بتصرف وياها..
سحر حمد فويه سعيد وهو معصب واتصل بحميد..
حمد:- يعنبوها سنه اليوم من قدهن هالبنات يتنقن في الرياييل والله يا حميد تراها ظألا حشمتك وألا والله العظيم لو هي ختيه جان ذبحتها.. لا وهذا سعيد ياخي بقوة ويه متصل ويقول أباها.. حميد شوف اذا انت ما تصرفت انا بتصرف..
حميد وهو معصب:- ما عليه انا بتصرف..
دخل حميد البيت وهو معصب ويرقع بالبيبان..
حميد:- ظبيه.. ظبيه واللعنه..
طلعت امه من حجرتها تربع صوب حميد الي راح صوب حجرة ظبيه..
امه:- اشعندك؟&#33; بلاك تصارخ..
حميد:- بلاني؟&#33; بنتج هالخايسه اتريد اتنزل راسنا بين العرب هالخايسه والله والله بذبحها..
ودخل حميد حجرة ظبيه ولقاها فاظيه..


حميد:- وين بنتج؟&#33;
امه:- في قسم مريم.. انته شعندك؟&#33;
حميد:- روحي زقريها وألا والله احدر عليها واسحبها من شعرها...
أمه:- والله ما تشوفها الين ما تقولي شو الي مستوي..
سمعت سلامه صريخ حميد وهزابه.. وربعت واتصلت بخليفه خوها الي كان برى البيت.. واول ما رمست سلامه خليفه وقالتله عن حميد نش خليفه من عند الشباب رايح صوب البيت..
حميد:- اقولج زقريها وألا والله احدر عليها..
امه:- حميد... عيب عليك جنك بتحدر عحرمت خوك.. والله انك صدق مضيع المذهب..
حميد:- انا مضيع المذهب والا بنتج..
سمعت ظبيه صريخ حميد وكانت تريد تطلع واتشوف شو بلاه.. بس خليفه اتصل بمريم وقالها ما تخلي ظبيه تظهر من حجرته الين ما يوصل البيت.. ووصل خليفه البيت وشاف حميد وهو معصب ..
خليفه:- اشعندك تصارخ؟
حميد:- انته جب ولا كلمه يا الخام..
خليفه:- انا خام.. يا عنبوه ذا الويه لك..
امهم:- يا ويلي.. تضاربوا بعد تضاربوا.. عيب عليكم حشموني..
خليفه:- انا محشمنج والا والله لولا حشمتج جان غسلت هالخايس..
حميد:- اذا انا خايس ختك شوه عيل؟
خليفه:- جب.. ختك اخير منك ومن عشره من امثالك..
حميد:-هيه واضح.. البنت الي ترمس الشباب مب خايسه.. انا الخايس.. البنت الي ترفض ولد عمها عشان واحد خام مب خايسه انا الخايس.. خليفه ظهر ظبيه من حجرتك وألا والله أني احدر وأظهرها..
خليفه:- تخسي انك تحدر حجرتيه.. وظبيه مالك خص بها والله انك ان دقيتها اني بذبحك..
حميد:- اخسي؟&#33; اوكي بنشوف..
راح حميد صوب حجرة خليفه ويلس يدق عالباب ويزقر ظبيه..
نش خليفه صوب حميد ويلسوا يتواجعون..
امهم:- والله انكم ما تستحون.. سلامه اتصلي ببوج وخليه ايي ويشوف عياله الرياييل..
ربعت سلامه واتصلت ببوها وقالتله ايي بسرعه..
ظبيه وهي تصيح:- مريم خليني.. خليني اطلع خواني بيتذابحون..
مريم وهي تصيح:- والله ما تطلعين شوه ما تسمعين حميد؟&#33; والله بيذبحج..
ظبيه:- خليني.. خليني..
فتحت ظبيه الباب.. واول ما شافها حميد مسكها وضربها وخليفه يحايز عنها وظبيه تصيح.. وامهم تصيح وتصارخ.. كانت دقايق بس مرت عظبيه كانها ساعات.. دخل بو ظبيه البيت وهو يسمع الصياح والصريخ ومب عارف شو الي صاير.. الين ما شاف حميد يضرب ظبيه وخليفه ايحايز عن خته..
بو خليفه:- حميد..
وقف حميد يوم سمع بوه يزقره.. وربعت ظبيه صوب خليفه تلوي عليه وهي تصيح..
بو خليفه:- يا عنبوه هالويه لك.. تضرب اختك يا الخام؟.. شوه مالي حشمه في هالبيت.. انزين حشم خوك العود حشم امك..
حميد:- والله لو انته تدري بلي سوته بنتك..
بو خليفه:- جب.. انته مالك كلمه عخواتك ويوم بموت سوي الي تباه.. بس دامني حي مالك كلمه في هالبيت تسمع والا لا..
سكت حميد والتفت صوب خليفه الي لاوي عخته وهي تصيح.. وصد بو خليفه صوب ظبيه وقالها..
بو خليفة:-ظبيه تعالي هنيه..
فج خليفة ظبية عشان اتروح صوب بوها ..بس ظبية ما قدرت تمشي دارت بها الدنيا وما صارت تشوف المكان شرات ما كان ..صا رت تشوف الدنيا ادور بها.. فجاه طاحت ظبيه عليهم في الصاله..
أمها:- ظبية .ياويلي بنتي ..
ربع حميد صوب ظبيه.. مسكها خليفه...
خليفة:- ظبية.. ظبية..
حميد: شلها بنوديها المستشفى..
خليفة :ليش الحين تذكرت أنها أختك.... وأنته من الصبح تضرب توك حسيت..
بوخليفة :خلوعنكم هالرمسه شلوا البنت ودوها المستشفى...
ام خليفه:- يا ويلي بنتي بتضيع مني.. كله منك كله منك حسبي الله ونعم الوكيل.. حسبي الله منك..
يلس حميد يصيح وهو يسمع امه تدعي عليه.. ما قدر يمسك دموعه..
شل حميد ظبيه صوب سيارته وخليفه معاه.. ركبوا ظبيه السياره وودوها صوب مستشفى توام..
lililiــــــــــــــــــــــ ـــــــــــــــــــــــــ ـــــــlilili
سعيد يتصل بظبيه.. ويعطيه التلفون مغلق.. ين سعيد مب عارف شوه استوى بظبيه.. قلبه يقوله أن ظبيه مب بخير.. ومب عارف شوه يسوي علشان يعرف اخبار ظبيه.. فكر انه يتصل بخليفه بس ما قدر..
lililiـــــــــــــفي مستشفى توام ـــــــــــــــــــــــــ lilili
ظبيه نايمه وكل اهلها يالسين عدالها واولهم حميد الي ما نام من يومين وهو يالس عند ظبيه.. ما طاع حتى يفارقها ثواني..
خليفه:- حميد نش روح البيت ونام .. انته من يومين مب نايم..
حميد:- ما بنام الين ما تظهر ظبيه من المستشفى.. انا السبب.. انا السبب..
نش خليفه وخذ حميد من يده وطلعوا من حجرة ظبيه وخلوا امهم وسلامه عند ظبيه..
خليفه:- حميد لا تحمل نفسك فوق طاقتها.. والي استوى خلاص من الماضي.. حط الرحمن في صدرك وروح تسبح ونام وعقب ما تنش تعال..
حميد:- ما بروح الين ما اشوف ظبيه نشت..
خليفه:- انت الله يهديك.. ما عطيتني فرصه علشان ارمسك.... دشيت عرض عالبنت حتى ما عرفت شو السالفه..
حميد:- خليفه.. انا اتصلبي حمد.. ولو سمعت شو قال جان عذرتني..
خليفه:- الي سواه حمد ما يسويه اي ريال.. وسعيد شاري ختك ويباها وبويه قال له اذا حمد رخص ظبيه بيوزه ظبيوه... والريال ما غلط اتصل بحمد ورمسه.. بس حمد ما ادري اشعنده..
حميد:- خليفه حمد يريد ظبيه وبويه قربه جدام الرياييل كيف تباه يرده الحين؟&#33;
خليفه:- حميد بويه يوم عطى كلمه للرياييل ما شاور ظبيه.. وانته ما تقدر تجبر انسان عشي ما يباه.. كيف عيل تجبره عالعرس.. وهذي عشرة عمر.. حميد.. لا يكون مسوي هالسالفه كلها علشان ميثه..
حميد:- خليفه اذا ميثه تباني وشارتني صدق بتسوي الي سوته ظبيه وزود.. واذا هي ما تباني بتتعلث بهالسالفه عشان ما اخذها.. وهذا بيكشف غلاتي عندها..
وخذ حميد رقم سعيد من عند خليفه واتصلبه ورمسه وحدد معاه يوم علشان ايون هوه وابوه.. فطار سعيد من الفرحه بس كان خاطره يعرف اي شي عن ظبيه.. حس حميد بهذا الشي وما حب انه يزيد عسعيد فما قاله انها في المستشفى..
مريم:- عويش سكتي عموه تعبانه..
عوشه:- ماليد.. ماليد... يدوه.. ليث عموه ذبيه نايمه.. اوعيها؟&#33;
مريم:- عويش.. تعالي بوديج عند ابوج..
عوشه:- ماليد.. اليد العب عند عموه ذبيه..
سلامه:- عواشي.. تعالي حبيبتي.. تعالي بنروح نلعب برى..
عوشه:- لا انتي ما بتوديني..
تحركت ظبيه كانها كانت حاسه بالعرب.. ففتحت عيونها..
مريم:- عموه ظبيه نشت..
ام ظبيه وهي يايه تربع صوب الشبريه:- فديتج بنتي..
ظبيه:- وين انا؟&#33;
امها وهي تصيح:- فديتج انتي في المستشفى.. فديتج هميتينا عليج..
مريم:- خلاص عموه.. هذي ظبيه نشت لنا وهي بخير وما فيها شر..ويوم شافت ظبيه امها تصيح صاحت هي بعد.. نشت امها ولوت عليها .. وطلعت مريم من الحجره وهي تسحب عوشه وياها والدمعه عخدها..
عوشه:- ماليد.... ماليد.. مماتي ما احبج اليد عموه..
فجت مريم عوشه الي ربعت صوب حجرة ظبيه.. وراحت مريم صوب خليفه وحميد الي كانوا يالسين في غرفة الانتظار وهي تصيح..
مريم:- خليفه.. ظبيه نشت..
نش حميد يربع صوب حجرة ظبيه ووراه مريم وخليفه.. أول ما دخل حميد وشاف ظبيه وهي لاويه على امها.. صاح وراح صوب ظبيه ولوى عليها..
سلامه:- حرام عليكم شوه مسوين فلم هندي&#33;.. ويلست تضحك ودموعها تنزل غصبا عنها..
شوي ودخل خليفه ومريم.. وهدت الاوضاع شويه..
عوشه:- باباتي.. باباتي.. اليد الوح الحمام..
الكل يضحك من عوشه..
سلامه :- تعالي بوديج.. امبونه الله بلاني بج.. يالله عاد ظبيوه عن هالحركات.. انا ادريبج ان انتي ما فيج شي بس تتميرضين تبيني ابتلي بعويش المقروده..
عوشه:- اما مب مقلوده.. انتي الي مقلوده..
ويلسوا يضحكون عسلامه وهي تتواجع مع عوشه..
حميد وهو يكلم ظبيه بصوت واطي:- ليت ايدي انقطعت قبل ما امدها عليج..
ظبيه:- حميد انته لو ما كنت خايف عليه ما سويت هذا كله..
حميد:- فديتج ظبيوه سمحيلي .. فديتج..
ظبيه:- مسموح يا الغالي..
حميد:- يالله نشي عاد.. والا انتي عيبتنج يلست المستشفى..
ظبيه:- بصراحه هيه.. خلتكم كلكم عندي..
خليفه:- من هالناحيه لا تتخبرين.. حميد من يوم ما خلتي المستشفى ما ظهر منه.. ايعفنا بريحته قلناله روح تسبح ما طاع.. قال ما بروح الين ما تنش ظبيوه ..
حميد وهو يفر خليفه بغرشة الماي:- مالت عليك..
lililiــــــــــــــ في البيت بعد يومين ـــــــــــــــــlilili
حميد:- بويه ظبيه ما تريد حمد.. وبصراحه عقب الي استوى ما احس ان حمد يستاهل ظبيه..
بو خليفه:- حميد انا عطيت كلمه للرياييل..
حميد:- بويه قدها الكلمه الي تنقال اغلى من حياة بنتك؟&#33;
بو خليفه:- والله يا ولديه الي تشوفونه انته واخوك..
اتصلت ظبيه بسعيد اول ما سمعت رمست ابوها وقالتله الرمسه...
سعيد:- قولي والله.. صدق.. يعني نيكم الحين؟&#33;
ظبيه:- حبيبي.. حبيبي... شو تيي الحين.. صبر الين ما يتصلون بك خواني ويعطونك موعد عشان تيب هلك..
سعيد:- وانا وين فيني صبر؟
ظبيه:- حبيبي.. صبرنا هالشهور كلها ما بنصبر هاليومين..
سعيد:- فديتج والله.. انا ما اعرف شو كنت بسوي بلاج..
ظبيه:- الله لا يفرق بينا..
سعيد:- آآآآآآآآمين...
lililiــــــــــــــــــــ يوم الملجه ــــــــــــlilili
ظبيه:- فطوم.. فطوم الحريم ين؟
فاطمه:- هيه ين.. ما شاء الله هاي الملجه جذيه عيل في العرس شو بيستوي..
أم ظبيه:- ظبيه.. شوه ما خلصتي؟&#33;
مدام انصاف راعية الصالون:- ولو.. بس باإي شوي.. بس لو هيه تكن شوي..
فاطمه:- معذوره اليوم بتكون حرم سعيد الرميثي..
ظبيه:- فطوم..
بعد ما خلصت راعية الصالون من ظبيه.. ظهرت ظبيه عند الحرمات.. ومشت الين ما وصلت عند الكرسي الي بتيلس عليه..وزقر بو ظبيه ظبيه ووقفت ورى الباب عشان يسالها القاضي عن الملجه.. وبعدها بدقايق صارت حرم سعيد الرميثي صدق..
بو ظبيه:- هاه المعرس تريد تريد تشوف العروس..
سعيد وهو مستحي:- دام حرماتي شافنها ما في داعي اشوفها..
علي يرمس سعيد بصوت واطي:- يا قلبك.. ما تريد تشوفها؟
سعيد:- ألا بين علشان اشوفها بس حالف ما اشوفها الا وهي لابسه الفستان الابيض تترياني في الكوشه..
lililiــــــــــــــــ ظيت يوم العرس الساعه 2 الصبح ــــــــــــــlilili
سعيد يتصل بظبيه..
ظبيه:- مرحبا ملايين..
سعيد:- هلا والله اشحالج؟
ظبيه:- اممم.. بخير وانته؟
سعيد:- بصراحه.. مب بخير.
ظبيه:- عسى ما شر.. شي يعورك؟&#33;
سعيد:- قلبي.. بصراحه اريد باجر ايي بسرعه..
ظبيه:- هانت.. طاف الكثير وما بجى الا القليل..
سعيد:- روحي.. تحبيني؟
ظبيه:- اكرهك..ههههه...
سعيد:- ههههه.. الحمدلله اني عرفت اليوم قبل ما ابتلابج باجر هههههههه..
ظبيه:- ليش انا بلوه؟ أنا ربي بلاني فيك بلوه .. عشقتك والعشق اكبر مصيبه...
سعيد:- احلى بلوه شفتها في حياتي.. فديت روحج والله..
ظبيه:- احم احم.. شوف اصلا المفروض انك ما تكلمني..
سعيد:- ادري.. بس ما اصبر عنج..
ظبيه:- بو عسكور..
سعيد:- لبيه..
ظبيه:- احبك..
سعيد:- يا ويل حال انا..
ظبيه:- حبيبي.. اسمع هالاغنيه.. " من فينا هالليله ينام... والشوق صاحي ما ينام"
سعيد:- صدقه الجسمي ما جذب والله..
lililiــــــــــــــــــــــ ليلة العمرــــــــــــــــــــ ـــــــــــlilili
سلامه:- ما شاء الله عليج يا ظبيوه اتهبلين..
مريم:- بس ليش فتحتي شعرج حسبي الله عليج بيضربنج الحرمات بعين..
ظبيه:- شوه اسوي.. سعيد حالف عليه اني ابطله.. اوين حالمني وانا فاتحه شعريه..
يت عمتها وامها وحميد وخليفه وبوها عندها في الحجره علشان يودونها الخيمه..
وصلت ظبيه الخيمه وبوها وخوانها يقودونها الين ما وصلوا الكوشه والمغنيه تغني:-
الله يزين الي احظرت .. غطت على كل الحظور
طلعت علينا وانورت .. ما عقب هذا النور نور
يلست ظبيه على الكوشه وابوها عدالها وخليفه وحميد يرزفون وعوشه معاهم
فلت جذايلها وسرت .. وصفقنا حيل بلا شعور
هي هي بس الي اقدرت .. تجني على كل الحظور
يا سعيد اثريك معذور .. هذي تراه بعض الامور
يا سعيد اثريك معذور .. هذي تراه بعض الامور
هذي خذت عقلك اكيد .. مب بس انت كل الحظور
وشويه طلع ابوها واخوانها من الخيمه... ونشن البنات يرقصن ويغنن.. ويتصورن مع ظبيه..
موزه:- ظبيه.. سعيد حاشر العرب برى يريد ايحدر عليج في الخيمه..
ظبيه:- ههههههههه.. وليش ما حدر؟
موزه:- والله لازم يحطون عيضه (اهمه) عشان ايحدر.. وحميد خوج الظاهر بيضربه..
ظبيه:- ههههه ليش؟ّ
موزه:- والله شوه.. لازم بوج وخليفه يحدرون سعيد بس بدون حميد.. وحميد يريد ايحدر..
ظبيه:-ههه فديتج خليه ايحدر وقولي حق الفرقه تغني اهمه اول ما يحدر..
وقامت موزه اخت سعيد وسوت شرات ما قالتلها ظبيه.. ودخل سعيد الخيمه ومشى الين ما وصل الكوشه .. بعدين ما قدر يمسك عمره.. وبدى يرزف الين ما وصل عند ظبيه الي وقفت يوم شافت سعيد هال عليها.. يبس سعيد عند ظبيه..
ظبيه:- لو ما المستحى جان نعشت عدالك..
سعيد:- ههههه لو ما المستحى والا خايفه على عدلتج لتخترب؟
ظبيه:- ههههههه...
وقعد سعيد عدال ظبيه وقاللها:- "والله وتحقق منايه شوفوا حبيبي معاي... ياهل الحسد والوشايه سعادة القلب وياه"</font>

بريد ألكتروني
13-12-02 ||, 04:33 AM
<font color='#E77471'>القصه ماعليها كلام

مشكوره</font>

شوق القلوب
13-12-02 ||, 07:54 AM
<font color='#000000'>السلام عليـــكم...

الصراحه... القصه حلوه... وكله ولا كلام اهل العيــــن... &nbsp; <img src="http://oasis.bindubai.com/emoticons/cool.gif" border="0" valign="absmiddle" alt=':cool:'> &nbsp; رمستهم حلوه..

والحمد الله انها انتهت نهايه سعيده...</font>

وردة الحب
13-12-02 ||, 08:07 AM
<font color='#F52887'>بريد ألكتروني ...... العفووووووو

شوق القلوب ..... شفتي عاد اهل العين فديتنا والله رمستنها ما فيييييييها حيله
تسلمين الغاليه ع ردج &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'></font>

مسافرللجفا
13-12-02 ||, 01:07 PM
<font color='#810541'>يـــ مرحبا الساع ـــا

مشكوره اختي على القصة الحلوه .. الصراااحة ما عليها كلااام &nbsp;<img src="http://oasis.bindubai.com/emoticons/wink.gif" border="0" valign="absmiddle" alt=':;):'>
تسلمين وما قصرتي &nbsp;<img src="http://oasis.bindubai.com/emoticons/wink.gif" border="0" valign="absmiddle" alt=':;):'>
ونتريــــا المزيد &nbsp;<img src="http://oasis.bindubai.com/emoticons/laugh.gif" border="0" valign="absmiddle" alt=':laugh:'></font>

تحفه
14-12-02 ||, 02:40 AM
<font color='#F52887'>طويييييييييييييييييييلااا ااااااااااااااااااااااااا ااااااااااااااااااااااااا ااا


بس وايد حلوه</font>

أحلى حلو
14-12-02 ||, 06:30 AM
<font color='#000080'>والله قصه حلوه...

وقريتها لين ما ضبيه إتصلت بي سعيد والكلام إلي دار بينهم...وماكنت متفيّج أقره زياده..فسيده نزلت وعرفت إنهم إتزوجوا &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

مشكوووره على هاي القصه.. &nbsp;<img src="http://oasis.bindubai.com/emoticons/wink.gif" border="0" valign="absmiddle" alt=':;):'>

والسسموووووووحه &nbsp;<img src="http://oasis.bindubai.com/emoticons/inlove.gif" border="0" valign="absmiddle" alt=':ni:'></font>

كبيرة بعيوني
14-12-02 ||, 06:41 AM
<font color='#F52887'>القصة حلوة وااااااايد وااااااااايد

يسلمووو</font>

اسير2002الشوق
14-12-02 ||, 07:37 AM
<font color='#0000FF'>قصه حلووووووووه والله يسعدهم انشاالله لووووووول مشكووووره وردة الحب وماتقصرين <img src="http://oasis.bindubai.com/emoticons/notify.gif" border="0" valign="absmiddle" alt=':no:'></font>

بن دبي
16-12-02 ||, 02:56 PM
<font color='#F660AB'>تسلميين اختي ع القصه الحلوووه ..

بس ليش اسم القصه ميثه و سعيد &nbsp;.. و بطله القصه هي ظبيه &nbsp;<img src="http://oasis.bindubai.com/emoticons/mad.gif" border="0" valign="absmiddle" alt=':angry:'></font>

شواق الحلوة
16-12-02 ||, 06:09 PM
<font color='#000000'><img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'> احلى عن رووووووووووعة
مشكورة عزيزتي وردة الحب على هالقصة وتسلمين
بس ابا اعرف انتي قلتي قصة واقعيه بس فيها اضافات شويه 00000
<img src="http://oasis.bindubai.com/emoticons/smile.gif" border="0" valign="absmiddle" alt=':)'>
<img src="http://oasis.bindubai.com/emoticons/inlove.gif" border="0" valign="absmiddle" alt=':ni:'> &nbsp;<img src="http://oasis.bindubai.com/emoticons/inlove.gif" border="0" valign="absmiddle" alt=':ni:'> &nbsp;<img src="http://oasis.bindubai.com/emoticons/inlove.gif" border="0" valign="absmiddle" alt=':ni:'></font>

عيون الليل
16-12-02 ||, 07:47 PM
<font color='#000000'>القصـــــــــــــــــه وايــــــــد وايــــــــــد حلـــوه ...

اتعرفيـن وانا اقرا القصـه خفت انه آخر شي ما ياخذون بعض .. ولا شي يستوي ...

الحمدلله انه انتهت ع خيـر ...

واتمنى لهم حيـاه كلها سعاده ( اذا صدق القصه حقيقيه) &nbsp;<img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

ومشكـــوره الغاليـــه وتسلميـــــن &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>

اختـج... <span style='color:Purple'>عيـون الليــل</span></font>

المرهف
16-12-02 ||, 08:06 PM
<font color='#000000'>عورتلي عيني وانا ملصق عيني بالشاشة ..

لا .. وضيعت وقتي كنت رايح اذاكر .. &nbsp;<img src="http://oasis.bindubai.com/emoticons/tounge.gif" border="0" valign="absmiddle" alt=':p'>

شكرا اختي على القصة .. بس ما سئلوا قوم خليفة وحميد كيف تعرفت ظبيه عليه ؟؟ &nbsp;<img src="http://oasis.bindubai.com/emoticons/wow.gif" border="0" valign="absmiddle" alt=':O'>

تحياتي .. &nbsp;<img src="http://oasis.bindubai.com/emoticons/thumbs-up.gif" border="0" valign="absmiddle" alt=':up:'></font>

هاجس الروح
17-12-02 ||, 12:23 AM
<font color='#000000'>صراحه القصه وااااااااااايد حلوه ومشكوووور وردة الحب ...</font>

وردة الحب
17-12-02 ||, 11:59 AM
<font color='#8D38C9'>مسافرللجفا ... العفوووووووو اخووووووي والله يسلمك <img src="http://oasis.bindubai.com/emoticons/smile.gif" border="0" valign="absmiddle" alt=':)'>

ام خدود ... هي وايد طويله بس شفتي اشكثر حلووووووووة <img src="http://oasis.bindubai.com/emoticons/tounge.gif" border="0" valign="absmiddle" alt=':tou:'>

أحلى حلو ... لو كملت جان زييييييين وليش مب متفيج شو وراااك <img src="http://oasis.bindubai.com/emoticons/notify.gif" border="0" valign="absmiddle" alt=':no:'> ع العموم العفو

ريماني ... الله يسلمج <img src="http://oasis.bindubai.com/emoticons/smile.gif" border="0" valign="absmiddle" alt=':)'>

اسير2002الشوق ...الله يسمع منك ان شا الله .. والفعوووووو <img src="http://oasis.bindubai.com/emoticons/smile.gif" border="0" valign="absmiddle" alt=':)'>

شهرزاد دبي ... زين يوم نبهتيني هو صح غلط المفروض ظبية وسعيد الرميثي .. تسلمين ع التنبيييييية ...... والله يسلمج الغاليه

شواق الحلوة ... هي القصة حقيقية بس مغيرين الاسامي وفيها شوي اضافات مب وايد <img src="http://oasis.bindubai.com/emoticons/smile.gif" border="0" valign="absmiddle" alt=':)'>

عيون الليل .. من بؤك لباب السماء ... والقصة حقيقية ..

المرهف ... سلامت عينك .. بعدين لو درست جان احسن بدال ما ضيع وقتك بس تدري انت ضيعت وقتك بالشي رهيييييييييب <img src="http://oasis.bindubai.com/emoticons/notify.gif" border="0" valign="absmiddle" alt=':no:'> ... والله ما عندي خبر اذا سألوا والا لااااااااا <img src="http://oasis.bindubai.com/emoticons/rock.gif" border="0" valign="absmiddle" alt='???'>

هاجس الروح .. العفووووووووو

اشكركــــــــــــــــــــ ــم ع الرد وادري ان القصة حلوه والا ما كنت بنزلها بالواحاااااااااااااااااات <img src="http://oasis.bindubai.com/emoticons/inlove.gif" border="0" valign="absmiddle" alt=':ni:'> <img src="http://oasis.bindubai.com/emoticons/inlove.gif" border="0" valign="absmiddle" alt=':ni:'> <img src="http://oasis.bindubai.com/emoticons/inlove.gif" border="0" valign="absmiddle" alt=':ni:'>

يالله شاااااااااااااااااااااااا و</font>

بن دبي
21-12-02 ||, 06:18 AM
<font color='#0000FF'>القصة وايد حلوه <img src="http://oasis.bindubai.com/emoticons/biggrin.gif" border="0" valign="absmiddle" alt=':D'> وطوييييله <img src="http://oasis.bindubai.com/emoticons/down.gif" border="0" valign="absmiddle" alt=':dd:'></font>

مستشارة إبليس
21-12-02 ||, 12:55 PM
<font color='#810541'>اخخخخخخخخخخخخخخخخخ يا عيني .. والله انعمييت ما اشوف شي جداامي ..

مكشوره حبيبتي .. بس ليش العنوان ميثه و سعيد .. مب اسمها ظبيه ؟&#33;</font>

وردة الحب
22-12-02 ||, 07:38 AM
<font color='#8D38C9'>المغامر &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'> &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>

مستشارة ابليس .. سوري غلطت المفروض ظبية وسعيد الرميثي اسمحووووولي يا الاعضاء &nbsp;<img src="http://oasis.bindubai.com/emoticons/smile.gif" border="0" valign="absmiddle" alt=':)'>

وتسلمين ارنوووووووووووووبة = مستشارة ابليس &nbsp;<img src="http://oasis.bindubai.com/emoticons/lookaround.gif" border="0" valign="absmiddle" alt=':look:'></font>

طير الحب
30-12-02 ||, 07:21 PM
<font color='#000000'>الله يسعدهم ان شاء الله....بس متى صارت هالقصه...؟؟ <img src="http://oasis.bindubai.com/emoticons/woman1.gif" border="0" valign="absmiddle" alt=':w:'></font>

بن دبي
07-01-03 ||, 06:30 AM
<font color='#000000'><span style='color:Purple'>القصة واااااااااااااااااااايد حلوه لكنها مكرره لأني قبل قريتها باسم عاشق الأحمر والحين قريتها باسم وردة الحب...كيف يستوي ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ ؟؟؟؟؟؟؟؟؟</span></font>

بن دبي
10-01-03 ||, 08:41 AM
<font color='#F52887'>روووووووعه القصه ....
هاهااااااي &nbsp;وردووووه تعرفين كم تميت وانا اقراها؟؟
ثلاثه أيام <img src="http://oasis.bindubai.com/emoticons/down.gif" border="0" valign="absmiddle" alt=':dd:'>
كل يوم اقرأ شوي.....شو اسوووي ورانا امتحانات <img src="http://oasis.bindubai.com/emoticons/lookaround.gif" border="0" valign="absmiddle" alt=':look:'></font>

بن دبي
15-01-03 ||, 10:28 PM
<font color='#000000'>ما هذه الرواية الملحمية <img src="http://oasis.bindubai.com/emoticons/smile.gif" border="0" valign="absmiddle" alt=':)'> ...

رغم أنني من مدينة العين إلا أنني لم أتخيل وجود قصص بهذا الشكل باستثناء القبائل (اعتقد بانها محرفة أيضا) تم تغيير الأسماء و عنوان المستشفى و جميع المناطق التي ذكرت في القصة ليست هي نفس المناطق في القصة الحقيقية لماذا كل هذه الاحتياطات إذا كانت هذه القصة حدثت منذ سنتين على الاكثر <img src="http://oasis.bindubai.com/emoticons/biggrin.gif" border="0" valign="absmiddle" alt=':D'>

الرقيب</font>