طموووح .. [الأرشيف] - -:: واحات بن دبي ::-

مشاهدة النسخة كاملة : طموووح ..

عاشقة بابا زايد

18-09-04 ||, 07:33 PM

السلام عليكم ...

في ها الموضوع الي هو غريب شويه

انا احب اتكلم عن الطموح شفت انه موضوع حلو اني اتناقش وياكم فيه .

اول اي ابغي اعرفه ليش طموحي انا او هدفي في الحياه غير عن طموح شخص ثاني ؟؟؟

وشو يعني الطموح .؟

وليش في ناس عندها طموح وفي ناس لا ؟

ليش كلنا يالمواطين مالنا طموح في هاي الدنيا كلنا عايشين وين ماتودينا الدنيا سرنا ويها
ووين ماتيبنا ينا ويها

ليش مانرسم هدفنا نحن من البدايه ( على سبيل المثال )<IMG title=Cool alt="" src="http://www.daralaman.com/vb/images/smilies/cool.gif" border=0>
انا يوم بيكون عمري 18 بخلص مدرسه بدش الكليه الفلانيه ويوم بخلص ابغي اشتغل هاي الشغله ويوم بشتغل ابغي ايمع كم فلس عشان عشان اكمل نص ديني

يعني خلنا انقول رسم لمستقبلنا

ليش كلنا نتخرج من الثانويه انيب نسبه اي كلام اندش اي كليه المهم مانكون بطاليه بس المهم انه نشتغل ونطلع من هاي الكليه ونشتغل اي شي اي دوام
مب الدوام الي هو في بالنا......

(يعني وين ماتودينا المويه انسير وياها)

لو انخطط من البدايه ويعطونا الكبار فرصه نثبت فيه وجودنا او لو يسون حصه كل اسبوع مره في المدرس ويعلمونا كيف نقدر نرسم مستقبلنا كيف نقدر انخطط في المستقبل
او بأحرى ليش نحن عايشين وشو الهدف من الحياه

يمكن الموضوع مايعيبكم بس انا اشوفه وايد مهم وهي مشكلنا نحن يالمواطين انه نحن مالنا هدف ولا طموح

العجيبة

19-09-04 ||, 09:03 AM

ليش اتوجهين الكلام للمواطنين

لو ما شي طموح عند المواطنين ما بتشوفين الاطباء والمهندسين
 والمدرسين والقضاة والمحامين والطيارين وغيرهم وغيرهم واايد بعد

معقوله كل هالناس وصلوا بدون طموح وجد واجتهاد ؟

يمكن بعض الناس يحبطون أنفسهم من أول مطبة تواجههم

اهني العيب

ما يواصلون عشان يوصلون للقمة او لطوحهم

واكيد في الاخير نشوفهم في القاع ونسمع شكاوي ان البطالة مستمرة <img src="http://oasis.bindubai.com/emoticons/oo.gif" border=0>

بالنسبة لي مواطنه حالي حال اي مواطن في الدولة ولي طموح <img src="http://oasis.bindubai.com/emoticons/cool.gif" border=0>
مرة ثانية لا تقولي المواطنين مالهم طموح <img src="http://oasis.bindubai.com/emoticons/glare.gif" border=0>

مشكوورة على الموضوع

تحياتي لج

عاشقة بابا زايد

19-09-04 ||, 06:41 PM

اول شي مرحبابج اختي وصدق انج عجيبه ...

فهمتي موضووعي غلط

وانا ارمس عن البعض ما عندهم طمووح ليش !!!

وهذا سؤالي ...

وانا ما قلت ان المواطنين ما عندهم طمووح ..

يا ريت تفهمين موضوعي صح اختيه ..

وحي القلم

21-09-04 ||, 12:32 AM

..::{ السلام عليكم و رحمة الله و بركاته }::..

 لكل إنسان طموح... مب معقوله أنه شي ناس ما لهم طموح

 لانه الطموح مب في مجال الدراسة و بس... شي ناس عندهم طموح في المجال الإجتماعي أو أي مجال 

 غيره...

 و مثل ما قالت العجيبة... يحبطون عمارهم من أول "عقبة تواجههم"

 و أهم شي في الطموح... هو الإصرار لأنه الإنسان إلى تكون له 

طموح بدون إصرار هذا إنسان فاشل و ما بيقدر يوصل لهدفه

 ..:: عاشقة بابا زايد ::..

 تسلمين اختيه على هذا الموضوع الحلو... 

 و إن شا الله تكونين من أصحاب الطموح الراقية... و توصلين لأهدافج...

               
               
               
    
السموحة
 وحي القلم
<img src="http://oasis.bindubai.com/emoticons/fa33.gif" border="0" valign="absmiddle" alt=':ff3:'>

مــهــابه

21-09-04 ||, 03:55 AM

اخــتي عــا شقة بـــا بــا زايــد..

الطــموح..
هـــو ان نحــطي شــي في بـــالــنا ونوصــل لــه مهمــا كانت الصعـــوبـــــــات..

والطمــــوح موجـــود من بيـــن المواطنيــــــن..
لكــــن في منــهم مستهتــر..
ومنـــهم من يحــب العلــم..

ولو المواطنين ماعنــدهم طمــوح..
جــان ماشفنــا الدكتور..
والدكتوره..
والمهندس.. والمهندســـه..
والمحــاميــن وغيـــره..

وبرأيي انـــا الانســـان اللي مــاعنده طموح أو هـــدف..
مـــاله قيمـــــــــه في الحيـــاه..

طفلة من هذا الزمان

21-09-04 ||, 09:42 AM

أنــــــــــا ييــــــــــــت ،،،

أختي عاشقــة بابا زايــد .. انا اتفق ويـاج في كل كلمـة قلتيهــا .. و ذكرتيني في قهري اللي طلعته اهنـــه
ويــاج أن تركيبـة الطمـوح موب كـاملة في عيــال هالأيـام بالـذات
يمكن لأن عيالنـا تعودوا على الدلـع و الراحـة .. و بعدهم يتحرون إن كـل شي بيكون لهم بالسـاهل بدون بـذل مجهـود يذكر
و بلادنـا و الحمدلله في عز و نعمـة و ما عندنـا ظروف ممكن تجبر الواحد إنه ييهلك عمره دراسـة عشان يحصل شغل مريح .. يعني الظروف كلهـا في صف خريجي و خريجات الثانوية.. يبون شغل.. الجيش ما يرد حد .. يبون الكلية ترى الكلية ما تبا نسبة عالية .. يبون ينطبون في البيت منو بيقولهم لا  <img src="http://oasis.bindubai.com/emoticons/rock.gif" border=0>

عـاد محد يقهرني كثر هالشباب اللي من تسأله وين بتسير قالج الجيش .. ليش يا فلان رواتبهم أوكي و بظرف سنة بالكثير بشتري سيـارة او whatever  ..
بليز لا تفهمـون إني ضد الجيش و تبلغون السلطــات العليــا <img src="http://oasis.bindubai.com/emoticons/fa50.gif" border=0> 
بالعكـس .. أنا أكبر محرض لشباب انهم يدشون الجيش بشرط تكون دراسـة إلى جانب وجـود راتب
منهـا تخصص محتاجتنه بلادنـا و منها شهــادة بيد الشخص ..

و بعدين  أنا مقتنعـه قناعـة تامـة أن الولد اللي بيوصل  18 سنــة و بعده يبا أهله يصرفون عليه لين ما حضرته يتوظف اونه .. اعتبره شوي يعني فشــــــــل<img src="http://oasis.bindubai.com/emoticons/fa46.gif" border=0> ..
جني سرت بعيد عن الموضوع ...

اللي ابـا اقولـه أن شباب و بنـات هالأيام يبون أقصر الطـرق عشان يرتاحون ماديــا فقـط لا أكثر .. و أكيد الدراسـة الجامعية مجرد مضيعـة وقت بالنسبة لهم و كذلك شهادة مثل البكالريوس آخر إهتماماتهم .. لأنهم يبون إنجـاز مال سنتين عشان يتوظفون ..أو يبون دبلوم (ها ياخذونه غصب في بعض الكليات اللي ما تعطي شهادة إنجاز نفس كليتنا<img src="http://oasis.bindubai.com/emoticons/fa42.gif" border=0>)  يمكن لو التعليم العالي يخلون البكالريوس سنة و الماجستير سنة .. مستوى الطمـوح بيرتفع في عيالنــا .. و الله اقتراح صح .. <img src="http://oasis.bindubai.com/emoticons/fa50.gif" border=0> 

أعتقــد جاوبت على سؤالـج ..
و اسمحيلي وايد أحب اتكلــم فديتني <img src="http://oasis.bindubai.com/emoticons/fa46.gif" border=0>

السموحــــــة و تسلمين عالموضوع

أختج
طفلــــة <img src="http://oasis.bindubai.com/emoticons/fa51.gif" border=0>

ورديّـه

21-09-04 ||, 11:15 AM

ذكرتيني بشعر لـ خالد الفيصل ( ما اذكره عدل ) . بس فكرته
يوم كنت طالب حلمت وحلمي لامس السحاب اني اكون ... و... و ...
لكـنّي عقب ( أصدم الواقـع ) ......................... إلى نهاية القصيد

المهم

عنـد بعضنـا > طموح
لكــن .. المفروض أول نقطـة يراعونهـا ::
$ هل الطموح واضـح محـدّد؟ ( ابا اكون مهندس / شاعر ... الخ )
$ أو هل الطموح عام غير محدد يضيـّع بس ماشي حاله ( طموحي أبـا بيزات ودلّع عمري!! ) ..
$ هل الطموح عقـلاني؟ > يعني لا تقول بكون دكتور مرة وحدة <img src="http://oasis.bindubai.com/emoticons/fa52.gif" border=0> راعي مؤهلاتك قبل

ثـاني نقطـة :: شو واقــع هالطموح ( الـ reality )
يعنـي .. $ هل الطموح يناسب بيئـة الإنسان + العوامل المحيطة فيه (طموح أخلاقي أو لا / يحتاج الهدف لمجهود معيّن / مالية مقدور عليها ؟!)
$ هل الطموح ( وظيفة المستقبل مثلن ) مطلـوب + شو وضعيّة التوظيـف (بهالشهادة / هالفترة بالتحديد)    ....................   الخ
..

نرد نأكّد الطموح موجــود عند البعض
قد يستمر هالطمـوح أو يسووا له drop فـوري! لو مـا راعوا النقطتين اللي ذكرتهن سلفـاً
بـس الدلع وطلب الراحة فـ حالات أولريدي متوافرة سواء من الأهل أو من الدولة الحمدالله
>>> ها احياناً يقتل الطموح و يسـاعد ع التكاسل والكسل فـ إيجاد هـدف

بـس المفروض كل حد منا يكون بداخله دافع ذاتـي لمسار/ طموح معين
عسب يحس بقيـمة نفسه وفكره وشخصيته ومهاراته <img src="http://oasis.bindubai.com/emoticons/smile.gif" border=0> لـ ذاته أولاً
ولـ أهله ( إكراماً لوالديه اللي زهقوا > <img src="http://oasis.bindubai.com/emoticons/fa50.gif" border=0> ) وسمعة بيـن الناس <img src="http://oasis.bindubai.com/emoticons/fa36.gif" border=0>
.
.

ثرني ما قريت ردود اللي قبلي فلو شي مكرر سمحولي ..... وتسلميـن اختيه عاشقة بابا زايد ع الموضـوع
وبالنسبة لي ، الحمدالله طموحي محدد وانشالله خيـر <img src="http://oasis.bindubai.com/emoticons/wink.gif" border=0> والله يوفقنا جميع

عاشقة بابا زايد

06-10-04 ||, 07:28 PM

حياااكم الله خواتي وردوودكم مكمله لبعضهاا .. بصراحه اتفق ويااكم ...

ومشكوورين ..