كيـــد إمـــرأه [الأرشيف] - -:: واحات بن دبي ::-

بهجة الروح

03-09-04 ||, 10:30 PM

السلام عليكم ورحمـة الله وبركاته

اليوم يايه بفضفض لكم عن سالفه استوتلي من أسبوع تقريباً ،،

السالفه الله يسلمكم هي اني طلعت فليل من البيت على غير عادتي ،

ما أحب أطلع في وقت متاخر من الليل،، اضطريت في هذا اليوم أطلع من البيت لقضاء مشوار ضروري لا يمكن تأجيله لغد ،
وخذت معاي محرم ما أحب أطلع بروحي

طلعنـــا وقضينا المشوار الضروري وبعد ما خلصنا طلب مني محرمي يشتري وجبه من مكدونالدز ،
قلتله : يالله حجه وحاجه بصب بترول مره وحده لاني ما أبغي أطلع باجر ،
قالي : انزين , <?xml:namespace prefix = o ns = "urn:schemas-microsoft-com:office:office" /><o:p></o:p>
ورحنا شيشة البترول اللي فيها المكدونالدز ،،

ورحت أصب بترول في الجهه اللي ادخلني عالمكدونالدز على طول بدون ما أللف يمين أو يسار ،،

وعقب ما صبيت البترول كان طريقي سالك للمكدونالدز فمشيت سيده وجدامي يميع السيايير اللي مصطفين في اللين عشان يدخلون المكدونالدز ويطلبون من الويندو ، أنا ما كنت بروح أطلب من الويندو بوصل معهم لنص الطريج وبوقف السياره في الباركينج وبينزل المحرم اللي معاي

المهم ،،

وانا في سيدي شفت سيارة الاستيشن الي يايه تبغي تدخل عرض جدام سيارتي وغصب عني بعد ،،،
مع انه ما بيستويلها مكان انها تدخل ،

الحرمه اتجدم السياره تبا تدخل وانا احاول اتفاداها ، وأكيد ما ابغي اعطيها مجال لانها داشه غلط ،، <img src="http://oasis.bindubai.com/emoticons/fa55.gif" border=0>

يمين يسار أحاول اتفادها واتحاشاها ،،
ماشي دعمت سيالاتي من ورا  عند التاير الأخير من جهة اليمين ،، <img src="http://oasis.bindubai.com/emoticons/fa49.gif" border=0>
ما سدها هذا تمت لاصقه في سيارتي،
آخر شي نزلت اشوف اللي سوته وهي مطنشه ارمس واحتشر وهي مب معبره وجنها مب مسويه شي و
جنها ما دعمت سيارتي ، اذن من طين واذن من عجين <img src="http://oasis.bindubai.com/emoticons/fa36.gif" border=0> <o:p></o:p>
استخلفت الله وركبت سيارتي و وقفت اربع اشاير عل وعسى تبعد سيارتها عني وما حركت السياره واتصلت بالشرطه
وعقب جان ترد ريوس على ورا
واللي جدامي مشى ورحت اوقف في الباركنج وهي راح تطلب من مكدونالدز ،
( عافنا الله مب يوع فيهن كفختلي سيارتي)<img src="http://oasis.bindubai.com/emoticons/fa44.gif" border=0> <o:p></o:p>
المهم ،

طرشت محرمي وقلتله روح عندها وقوللها لا تروح عشان الشرطه بييون ،،
وراح يرمسها
ودقيقه وهو راد من عندها حصلنا الشرطه يايين على عكس اللي يقولون ان شرطة الشارجه ما ايون ابسرعه
دقيقتين من اتصلت وحصلتهم عندي <img src="http://oasis.bindubai.com/emoticons/fa50.gif" border=0>

المهم ،
ياني الشرطي وخبرته بالسالفه وراويته شو سوت بسيارتي ، وقالي وينها ؟؟
قالتله : راحت  تطلب ؟؟
جان يقولي  : ليش شو سالفة عناد هي ؟؟
 <o:p></o:p>
المهم راح الشرطي عندها وقفطها ،، <img src="http://oasis.bindubai.com/emoticons/fa34.gif" border=0>

وحليلها يالسه تطلب من الويندو والشرطي واقف على راسها وعقب ما خلصت قالها روحي بركني وخذ منها السالفه

عاااد هي ما صدقت يايبتلي القوم كلهم زقرت ريلها واخوانها ثلاثه اونه بتخوفني ،،وهي اصلاً الغلطانه مب انا

المهم يت تحتشر عندي وانتي اونه سبيتيني ،
قلتلها : حشى عليه لا سبيت ولا شي وهذا المصحف بحلفلج عليه .
.وقلتلها : يشهد عليه ربي اللي خالقني اني ما سبيت ولا يبت شرات هالرمسه

جان اتقول : لا سبيتي
قلتلها : انزين يوم سبيتج شو قلت ؟؟
قالت : انا ما سمعت لانه الجامه كانت مصكره
قلتلها : عيل ليش اتقولين اني سبيتج ؟؟
انزين تعالي واحلفي اني سبيتج وعقب روحي واشتكي

جان اتقول : ما ادري بس برفع عليج شكوى انج سبيتيني ...واذا بتتنازلين عن الحادث  بتنازل عند الشكوى  <img src="http://oasis.bindubai.com/emoticons/fa53.gif" border=0>

وشردت ابسرعه خافت من المصحف اللي كنت مظهرتلها اياه <o:p></o:p>
قلت فخاطري : شو تبى تقص عليه هي ..

وعقب روحت وعيونها مغرغره بتصيح ,,, مع ان السالفه ما تستاهل ان حد يصيح

( صدق المثل اللي يقول : سبقني واشتكى وضربني وبكى)

المهم،،

الشرطي كان واقف معاي انها هي اللي غلطانه ،،

جان يقولي : كيف هي اتقول انج سبتيها والجامه مصكره ،، شوه مركبه سماعات  خارجيه تسمع منهن... <o:p></o:p>
وكان يضحك عليها ,,

عقب يلست اتريا في السياره ،،

عقب ياني قالي : بتسيرون المركز؟؟ <img src="http://oasis.bindubai.com/emoticons/suspect.gif" border=0>  قلتله : مب سايره ،
 وخلص اوراقي ابسرعه عسب اروح واذا تبى تشتكي عليه خلها تروح تشتكي ..هااذوه الدرب

جان يقولي : اذا رحتوا حق القاضي بيوقف وياج لانج حلفتي وهي ما عندها دليل عليج

وعقب نقاش طويل بين الشرطه واخوانها وزوجها ( اللي يشوفهم يقول مجتمعين في مؤتمرالامه العربيه يتفقون على شي مهم الحين )

زقر الشرطي المحرم اللي معاي وقاله خلاص روحوا الغلط عليها و عطانا ورقة التأمين

وعقب اكتشفت ليش صاحت لان السياره اصلاً مب سيارتها

وعقب روحنا ،،

بس انا سويت شي عسب أعلمها درس ما أدور جدام غيرها مره ثانيه,,

هي شمخت سيارتي من ورا بس بس يوم يوا الشرطه سويت الشمخ طويل من جدام لين ورا ( شموخ مال قبل حطيتهن عليها <img src="http://oasis.bindubai.com/emoticons/fa50.gif" border=0>)

قلت  عقب حق المحرم :  لو سويت بعد التواير عليها جان زين عشان يبدلونهن
المحرم: بسج عاد

ورحنا البيت ولا الاقي اميه واختيه يتريون في الحوي واميه زايغه عليه

راويتهم الشمخ

قالولي : ولا يستاهل انج تزقرين الشرطه ، بس بنحط عليه التنر وبيخوز كله

وجذه انتهت السالفه

هي كانت تبغي تغلبني بس غلبتها ( يعني قبل ما تتعشى فيني تغديت فيها)

بس عقب رجعت احاسب نفسي قلت : لو كنت متصرفه تصرف ثاني كان ما بيستوي هل الحادث

يعني لو شفتها معانده نزلت وقلتها اني ببركن ما كانت بتعاند وبتدعم سيارتي

بس طبخٍ طبخته لازم تاكله محد قالها تعاند ويوم ما تروم تسوق سياره عوده لا تيلس تتفلسف<o:p></o:p>

بس وخلصت <img src="http://oasis.bindubai.com/emoticons/fa33.gif" border=0>

ا ل ز ع ي م

03-09-04 ||, 11:40 PM

كنت مره من المرات في أحدى سينمات الدوله وكنت أشاهد بالطبع فيلم هندي <img src="http://oasis.bindubai.com/emoticons/fa50.gif" border=0> 
وخلف الكرسي ألي جالس عليه عائله صغيره مكونه من صبيتان مراهقتان وبنتان صغيرتان -غريبه هذه العائله المكونه مع أن صالة السينما مقتضه بالشباب- على الأقل لما لا يتوجد من هم كبار السن معهم أو على الأقل هناك قسم كراسي العائله
المهم وأنا يالس أشوف الفيلم ووراي ما شاء الله اليهال مب أمقصرين بالترفيس على الكرسي الجالس أنا عليه حتى طفح الكيل

رجعت للخلف وذهبت للطفله المزعجه وكلمتها بأسلوب الأبوه قائلاً لها:
ماما حبيبتي لا أتضربين الكرسي لأن ظهري يعورني - أنزين يا الشاطره - + أعطاءها علبة الفراخ لها وكل هذا فقط ما تعاود بالفعل ولكن ظهر كلام من أحدى الصبيات قائله:
إذا ظهرك يعورك هناك مستشفى وإذا منزعج من الكرسي ما أحد جبرك بالجلوس هنا أمامنا

ذهبت إلى الموظفون أشتكي على ما حدث لي وأتوا الموظفون ليكلمونهم ولكن البنتان عاودا أسلوبهم الكريه والغير مهذب
،
،
،
يتبع

بهجة الروح

03-09-04 ||, 11:53 PM

زعيـــم .. ولكــن

تسلم أخويــه على المشاركه
وســرني حضورك،،

تصرفت أخي الكريم في الموقف اللي صار لك بأدب واحتــرام وحكمـــه ،، لكن المصيبه في الناس اللي ما تفهم
والي يبون يكبرون السالفه مع ان الغلط منهم والواجب عليهم احترامك كونك حاجز ويالس في مكانك

في الموقف اللي صارلي أنا تصرفت بسرعه وبدون وعي أو إدراك،،
ما كان ودي بس الحرمه استفزتني فتحت الجامه أبغي ارمسها وهي صاده عني ، ضربت هرن وطنشتني ومصممه انها تدعمني

مما استفزني آخر شي وطلعت اتحرطم على غير عادتي حتى اللي وياي استغرب مني
أول مره اسويها

بس بعد هالموقف وبعد محاسبه قاسيه من نفسي وسهر ليلتين وإعادة شريط الحادث ، طلعت نفسي أنا الغلطانه
ولو تصرفت تصرف ثاني كان أخير ولا وقفتي بنص الليل في شيشة البترول ، ( طبعاً في السياره ) ما قصر المحرم اللي وياي كان واقف مع الشرطه

درس واتعلمنا منه،
ان شاء الله ما نكرره وان صار شي بحاول أحل المشكله بأسلوب أعقل

بانتــــظار التــابع ،،

ولد الشحوح

03-09-04 ||, 11:54 PM

<img src="http://oasis.bindubai.com/emoticons/fa33.gif" border=0>السلام عليكم ورحمة الله وبركاته<img src="http://oasis.bindubai.com/emoticons/fa33.gif" border=0>
نياهاهاهاهاهاهاهااهاها
حريم
هههههههههههههههههه
لا الصراحة زين سويتي
هايلا ماحد يتفاهم وياهم
إلا بالعين الحمرا
صراحة عيبتني قوتج لان في ناس
لو كانوا مكانج بيسكتون

<img src="http://oasis.bindubai.com/emoticons/fa56.gif" border=0>ولد الشحوح<img src="http://oasis.bindubai.com/emoticons/fa56.gif" border=0>

بهجة الروح

04-09-04 ||, 12:00 AM

ولــد الشحــوح

تسلم أخويه على المشاركــه

أخي الكريــم :

ما أحب حد يغلط بحقي واسكت ولا أحب حد ياكل حقي واسكت عنه
لازم أحط النقاط عالحروف وأوضح الأمور،

ما كان ودي أزعجها او أضايقها ، وصدق غمضتني يوم شفتها بتصيح لانها حرمه كبيره يمكن اكبر عني ب15 سنه ،

بس أسلوبها ما فيه احترام ، مكانها كان غلط والمفروض منها انها تصبر ، الأكل ما بيطير الخير وفير
ولله الحمــد بس هي كانت تبغي تراويني شطارتها

وياليتها لو حشمت اللي عاطنها السياره ، السياره مب سيارتها وهي تسوي جذه

الله يهديها
والله يسامحني

كـلـكـلـووش

04-09-04 ||, 12:14 AM

هههههههههه

حلوه هذي السالفه

صدق كيدهن عظييييم

بس عيبني انج ما تنازلتي عن حقج

بس ما عيبني انج تصرفتي هالتصرف

يعني اعتقد كانت شي طرق احسن عن هذي الطرق

و انتي ما تعرفين هذي الحرمه شو ظروفها او شو حالتها النفسيه قبل لا يستيو الحادث

بس شي مكتوب و صار

و سلامتج و ما تشوفين شر

و آسف على التعقيب

و السموحه

غرشوب

04-09-04 ||, 01:16 AM

اذا اشرت لج بيدها انها بتدخل جدامج .. كان ممكن تعطينها السيد و ادخلينها جدامج <img src="http://oasis.bindubai.com/emoticons/laugh.gif" border=0>
اذا تمت واقفه وراج و اتريت دورها ما كان بيصير كل هذا <img src="http://oasis.bindubai.com/emoticons/fa44.gif" border=0>
لو احترمت نفسها من البدايه كانت بتأكل من مكدونادلدز و هي <img src="http://oasis.bindubai.com/emoticons/fa50.gif" border=0> مستانسه مب تصيح <img src="http://oasis.bindubai.com/emoticons/fa43.gif" border=0>
.
.
بهجة الروح تصرفتي صح
<img src="http://oasis.bindubai.com/emoticons/fa42.gif" border=0>

عيش عمرك ذيب تسلم من مخالب الذياب !
.
.
<img src="http://oasis.bindubai.com/ubbc/smileys/0570.gif" align=absmiddle border=0>
غرشوب
بن
غريشيب

العجيبة

04-09-04 ||, 03:16 AM

زين اللي سويتيه فيها

تهدد بعد  <img src="http://oasis.bindubai.com/emoticons/wow.gif" border=0>

يالله سلامات ما تشوفي شر

ا ل ز ع ي م

04-09-04 ||, 06:04 AM

قلنا يـتــبع ومادام يتبع فأكيد هناك البقيه فبعد أسلوب العقل والأحترام والذي أتعاملت به معهن جلست أتابع  عرض الفيلم ولكن بأت من جديد أسمع دقات الترفيس على الكرسي الجالس عليه وهالمره بالقوه الشديده فلفت لخلفي وتعجبت أن الفتاه غيرت كرسيه مع الطفله وكأنها متعمده بالإيذاء

ماذا تفعل يازعيم؟ <img src="http://oasis.bindubai.com/emoticons/fa40.gif" border=0> هل بتحط راسك مع أصغار سن وبتنزل مستواك؟
هل بتسكت وهكذا ترى العرض وحتى ترجع للبيت مع عوار شديد بسبب الترفيس؟
هل بتعاود أن تشتكي والشكوه بتكون غير مفيده كما فعلتها سابقاً؟
ماذا أفعل <img src="http://oasis.bindubai.com/emoticons/fa40.gif" border=0>

ها هم عاودوا الحركات فطفح الكيل ووقفت أجابلهن وأمام الناس أصرخ في وجههم قائلاً:
أنتي أنسانه لو متربيه ولو محترمه ولو بنت ناس على الأقل ما بتييلسين وراي ولا بتحاولين أتجابليني واتوايهيني أو حتى أنج أتحاولين أتحطين عينج في عيني صحيح أنج ما تستحين وشكلج متعوده مع الشباب

الناس بدل ما يتابعون العرض راحوا يلقون بنظراتهم صوبنا حتى أن الإداره أوقفوا عرض الفيلم وأناروا الصاله والغريب أن البنت من أشعلوا الليتات راحن وأتنقبن عشان ما ينفضحن ولكن هيهات أنا ما أسكت بسهوله

المهم بعد أحداث كثيره لا أريد أن أذكرها

وفي المخفر دخل والد الفتاه ولايمها بصفعه قويه في وجهها أمامي وأمام الضابط قائلاً لها : يا مسودة الويه فضحتينا أمام العربان
أنا عني أبتسمت على ما حدث لها
وأزيدكم أن أهلها أعتذروا بهذا وهي ما شاء الله ساكته متأدبه ولا نصخ نسمعه وكأن لم تكون هي نفسها وهذا كله عشان أمام أهلها

كثير من هؤلاء النوعيه منتشرون في المكان فلا أسلوب عقلاني ينفع ولا السكوت عنهم يساعد فقط التصدي في وجوههم وفضحهم حتى يسمعه أهاليهم فمنها تتأدب المرأه من هذا الكيد

شكرا أختي على فضفضتك الجميله<img src="http://oasis.bindubai.com/emoticons/fa33.gif" border=0>

عافك الخاطر

04-09-04 ||, 06:52 AM

بتحرم تاكل من ماكدونالدز خلاص <IMG src="http://oasis.bindubai.com/emoticons/fa50.gif" border=0>
هالأصناف من البشر شي منهم وايد ، ف كل مكان بعد .. والمشكلة يوم يصرون و يهددون ..!
زعيم ولكن :d ذكرتني بالموقف اللي ستوالي .. بس أنا الحمدلله هزبتهم مرة وحدة و ساروا <IMG alt=<img src="http://oasis.bindubai.com/emoticons/cool.gif" border="0" valign="absmiddle" alt=':cool:'> src="http://oasis.bindubai.com/emoticons/cool.gif" border=0 valign="absmiddle">  ..صج حركة اتبط الجبد خاصة لو كنت مندمج في الفلم وهم <IMG src="http://oasis.bindubai.com/emoticons/fa32.gif" border=0>و <IMG src="http://oasis.bindubai.com/emoticons/fa43.gif" border=0>
بهـجة الروح ..
تسلمين عالموضوع <IMG src="http://oasis.bindubai.com/emoticons/fa33.gif" border=0>..
السموحة..

دخون

04-09-04 ||, 06:58 AM

مرحبا الساااع...

حبيبتي بهوووجة ..  شطورة ما ينخاف عليج ..<img src="http://oasis.bindubai.com/emoticons/fa47.gif" border=0>

من وجهة نظري هذا حقج .. الدلع والافتراء ماله مكان وكل واحد يتحمل ردة فعله ..<img src="http://oasis.bindubai.com/emoticons/fa32.gif" border=0>

زعيم ولكن ... ردة فعلك يمكن تكون قوية بس اكيد انته طولت بالك وااايد على البنية ..
وتستاهل اللي يجرالها ..

صدج قلة تهذيب..<img src="http://oasis.bindubai.com/emoticons/fa38.gif" border=0>

بدون اسم

04-09-04 ||, 12:17 PM

بهجة الروح

لو سوينا مقارنة بين كيد المرأة وكيد الشيطان .. المرأة الي راح تغلب
والدليل من القرآن الكريم " ان كيدهن عظيم"  وفي آية اخرى " ان كيد الشيطان كان ضعيفا"

حاولت الحرمه الي دعمتج انها تتهرب من الحادث بطرق ملتويه .. ولكن لا يفل الحديد الا الحديد <img src="http://oasis.bindubai.com/emoticons/fa50.gif" border=0>

زين سويتي فيها <img src="http://oasis.bindubai.com/emoticons/fa42.gif" border=0> والحمدالله على السلامه

دموع قلم

04-09-04 ||, 10:08 PM

وعليــكم الســلام ورحمـة الله وبركــاتــه,,

بهجـــة الـــروح
الحمــد الله على السـلامة
ومـا شـاء الله عليــج ماينخـاف عليــج,,

نبـاج اتميـن جيـه دائمـا قـوية
وواثقـة من نفــسج ولا تخـافيـن إن كنتـي على الحــق
عسـى ربـي يـوفقـج في حيـاتج العلميـة والعمليـة

<img src="http://oasis.bindubai.com/emoticons/smile.gif" border=0>

فضــفضـة رائعــة
والسموحــة عــزيــزتي !!

انامل

05-09-04 ||, 02:56 AM

<img src="http://oasis.bindubai.com/emoticons/fa46.gif" border=0>بهجة روح الواحه

الله يبعد عنج اذي الناس
وردة فعلج عجبتني

وما اقول الا حسبنا الله ونعم الوكيل

زعيم ولكن
استمتعت بالقرايه واعجبني الاسلوب فصيح ممزوج بالعامي
بعض البشر ما تي الا بالعين الحمره

اهنيك على طولة بالك<img src="http://oasis.bindubai.com/emoticons/fa47.gif" border=0>

واعوذ بالله من المشاكل<img src="http://oasis.bindubai.com/emoticons/fa52.gif" border=0><img src="http://oasis.bindubai.com/emoticons/fa53.gif" border=0>

بهجة الروح

05-09-04 ||, 02:53 PM

الفتى الحزيـــن

تسلم أخويه على المشاركه الجميله

وبالنسبــه لظروف الحرمه ،، أي ظروف هذي اللي بتمنعها من احترام الآخرين وأي ظروف
بتخليها أطنش وما تعبر حد يعني ممكن تكون طرشا مثلاً ..<img src="http://oasis.bindubai.com/emoticons/rock.gif" border=0>

وبعدين هي بغت اتقص عليه واتكيدلي بس أنا كدت لها بالخفاء اني سويت الشموخ اللي من بداية السياره لين نهايتها كلهن عليها
مع انهن شموخ مال قبل بس اللي سوته هي كان اللي ورا ,,,

والحمدلله عدا الموضوع على خير

تسلم مره ثانيــه

بهجة الروح

05-09-04 ||, 02:56 PM

غرشـــوب

تسلم أخويه عالمشاركه الحلوووه

لو هي احتــرمتني بحترمها ، بس ما دامها هي لا تحشم ولا تحترم حد كيف بتصرف معاها ،
أكيــد بيكون تصرفي معاها سلبي ، ولازم بوقفها عند حدها لو شو ما كانت

بهجة الروح

05-09-04 ||, 02:58 PM

العجيبه

تسلميــن عزيــزتي عالمشاركه الحلوووه

والله يسلمج من الشــر

زين اللي سويته ؟؟ بس هزبوني فالبيت <img src="http://oasis.bindubai.com/emoticons/glare.gif" border=0>

شو اسوي يخافون عليه <img src="http://oasis.bindubai.com/emoticons/cool.gif" border=0>

كـلـكـلـووش

05-09-04 ||, 08:59 PM

الــمهم الحمدالله على الـسلامة ومــا تشوفيـــن الــشر <img src="http://oasis.bindubai.com/emoticons/smile.gif" border=0>

مس شانيل

06-09-04 ||, 06:14 AM

زين الي سويتي فيها اونها مستقويه
ولا بسيارة غيرها
تدرييين مقهوووووووووووووررره منها بموت منها
دواها دواها دواها عشان تتادب لا ويايبه العربان وياها عشان يحايزون لكن
على مين يا بابا دول وصولوا متاخرين
ما ظني اترد تاكل من الماكدونالز وبالذات هالمحطه
يالله الله يهديهم

miss chanel

المهره

06-09-04 ||, 06:28 AM

ما تشوفين شر الغاليه
<img src="http://oasis.bindubai.com/emoticons/inlove.gif" border=0>

عيون الليل

07-09-04 ||, 12:33 PM

عرفت اي محطة تقصديـن.,.,.,., اصلاً دوم هنـاك وبالذات دخلت ماكدونلدز تستوي عليها الضرابه.,.,., ماشي مذهب مول عافان الله يتضاربون ع الاكل.,.,., من الله فاست فود يعني مب صحي <img src="http://oasis.bindubai.com/emoticons/fa30.gif" border=0>

شوفي ترا يوم الماك فرايز يبرد يستوي مب شي.,.,., وحليلهااا ما اتهنت فيه .,.,., واكيـد الثلج ذاب الي كـان ف الكولا.,.,., الحرمه شكلها يوعانه موووت.,.,., وراحت عليها العشوه

انا الي يقهرني انه يوم اتكونين واقفه عند اشاره ولا عند دخلة مكان واييج واحد مستن ويبا يدخل عمره رضيتي ولا انرضيتي.,.,.,., يا اخـي بس انته الي مستعيـل!! كلـنا نبا انخلص مشاويرنـا وانرد بيوتنـا.,.,., بس شو بنقول الانانيـه ف كـل مكـان الحيـن

تصرفج صحيح وفي نفس الوقت مب صحيح.,.,., هذا مجرد رأي وبقولج ليش صحيح لانه بهالطريقه اتأدبين النـاس الي مب محترمه عمرها ويايه تفرض نفسها على الخلق.,.,., ومب صحيح لانج ضيعتي وقتج مع انسـانه مثل هـاي.,.,., يعني مثل ما قلتي انتي وحده كبيـره واتسـوي جي!!
 بس كسـرت خاطريـه يوم قلتي انها بغت اتصيح.,.,., يوم انتي مب ف سيارتج اشحقى اتسويـن هالسوايــا!! على الاقـل احترمـي راعي السيـاره باجر لو استوى شي بتتلوميـن فيه.,.,.,
نـاس عجيبـه ف هالدنيـا وبالذات ف الشـوارع.. صدق الواحد ساعات يحس عمـره ف حلبة سباق<img src="http://oasis.bindubai.com/emoticons/fa54.gif" border=0> او مصارعة ثيـران.,.,., بس انا الحكــم <img src="http://oasis.bindubai.com/emoticons/fa50.gif" border=0>

فضفضه<img src="http://oasis.bindubai.com/emoticons/fa42.gif" border=0> .,.,.,., على الاقـل ظهرتـي الي ف خـاطرج

ويوم بتسيريـن ماكدونلدز اطلبـي فيش فيليه<img src="http://oasis.bindubai.com/emoticons/fa37.gif" border=0>.,.,., شو عجيـــب <img src="http://oasis.bindubai.com/emoticons/fa34.gif" border=0>

والسـموحـه <img src="http://oasis.bindubai.com/emoticons/inlove.gif" border=0>

العيناويه

08-09-04 ||, 02:54 AM

وخخخخخخخخخخخخخخ
خقاقه ولعنوا خيرها
خل خقتها تنفعها عاده
الي سويتيه عين العقل
لو انا ما بسكت عن حقيه
يمكن عقب اتنازل .. بس اول شي لازم اراويها شغل الله
ختيه بهجة الروح
الله يبعد عنا وعنج اذيت الناس
والمظلووووم الله ينصره لو عقب سنين
<img src="http://oasis.bindubai.com/emoticons/fa33.gif" border=0>

السموحه
عيناويووو طويلة العمر

بهجة الروح

08-09-04 ||, 03:47 PM

زعيـــم .. ولكـــن

تسلم أخويـــه عالتكمله والتفصيل ،،
وزين اللي سويته فيهن يستاهلن

وتسلم عالمشاركــه