استحن شويه !! [الأرشيف] - -:: واحات بن دبي ::-

صمت الذئب

06-09-04 ||, 07:57 AM

السلام عليكم ورحمه الله وبركاته ,,

حاب الصراحه اني اتكلم عن شي سمعت عنه مره وشفته بعيوني مره ثانيه ,,
مره كنت ساير صحارى ( مركز المواعد والمغازل ) عساس اني بحضر فلم ,,
وهالفلم الصراحه ما عليه كلام ,, اسمه the village >> غامض بشكل عجيب <img src="http://oasis.bindubai.com/emoticons/fa42.gif" border=0>.

وانتبهت بصراحه لموضوع ,

ونحن يالسين فالفلم , رن موبايل واحد من الشباب ,, فالحبيب كان ماخذ راحته بطريقه عجيبه ,, يعني يرمس جنّه يالس فبيتهم ..
شويه  الا وحده اتقولم واتصارخ " اييييه انته !! صخ شويه نبا نسمع !! " <img src="http://oasis.bindubai.com/emoticons/suspect.gif" border=0>
يعني اتخيلوا هالمشهد يصير جدامكم والقاعه متروسه ناس ,,
نحن الشباب وما سويناها لين الحين ,, فا كيف يعني ,,هالبنت عادي عدها ؟؟
شو هالبنت ؟؟
مافيها حيا ؟ يعني معقوله وصلت السالفه انهم يصارخون جدام الناس؟؟ ( بغض النظر عن الاسباب )
وكل اللي فالسينما عاد تمّوا يطالعونها و كل واحد وطريقته ,,( اللي يبا يرقّمها , واللي سبها , واللي رمس عنها بطريقه مش مشّرفه  , واللي واللي ..)
يعني البنت عادي تسير السينما مع اهلها وهذا مافيه شي ,, ( مش من ناحيه دينيه,, ماقدر اتكلم عن هالناحيه لاني ما عندي خلفيه )
بس عاد انها تروح بروحها ,, انا مول ما اشجّع على هالشي ,,
لانه فتنه , وهالشي يفتن الشباب بها ...

والسالفه اللي سمعتها هي ,
واحد من الشباب يخبرني عن سالفه صارت جدامه ,, يقول :
كنت مره فصحارى, وقلت بسير اتعشى ,, وانا صوب المطاعم اطلب الوجبه
انتبهت على وحده واقفه صوب المطاعم وعيونها على واحد يالس ويا ربيعه ,,
كانت تصد عليه وعقب تصد عنه , واتصد عليه وعقب اتصد الصوب الثاني ,,  وانا طبعا الفضول ضرب ضربته عندي ,,<img src="http://oasis.bindubai.com/emoticons/fa50.gif" border=0>
ما وعيت الا وهي سايره صوبه , واتحط ورقه على طاولته واتروح !!!!!
والولد تم وحليله مبحلق فالبنيه مب مستوعب الموقف لين الحين ,,
جان اشوفه يظهر تيلفونه وتم يتطالع الورقه ويخزّن فالتيلفون ,,
*****
شو سوّت هالبنت ؟؟ شو هالورقه ؟؟ 
معقوله رقّمته ؟؟ يعني وصل الحيا لهالدرجه من الهبوط ؟؟
يعني عادي البنيه تلفت نظر الخلق فالسينما بس عشان تسمع الفلم  , والحينه وحده ثانيه يالسه ترّقم واحد من الشباب ؟؟؟

ومن فتره قريت فالواحات عن موضوع ,
ان خيّاط من الخياييط يالس ياخذ القياسات من على جسم حرمه وجدام الناس ..

*****
- شو سبب هذا كله ؟
 -هل هو الانفتاح على العالم ؟
-هل قلّه التربيه واهمال الاهل هم السبب  ؟؟
****
وبكل صراحه يعني ,, كل ما يخطر على بالي هالمشهد ,
احس صدق بخطوره الموقف ,,

وحاب اسمع رايكم ونظرتكم للموضوع ,,
وكل حد عنده قصّه من هالنوع , ياليت لو ما يبخل علينا ,,
وانشالله ينال اعجابكم ,
صمت الذئب <img src="http://oasis.bindubai.com/emoticons/fa33.gif" border=0>

المقاتل

06-09-04 ||, 08:15 AM

<img src="http://oasis.bindubai.com/emoticons/fa33.gif" border=0> وعليكم السلام ورحمة الله وبركـاتـه // أخي : صمـت الذئـب

<img src="http://oasis.bindubai.com/emoticons/fa30.gif" border=0> أعجبنــي أستنكـــارك للفعــل الغير لبــق من قبــل الفتـاة <img src="http://oasis.bindubai.com/emoticons/fa31.gif" border=0> والتي بدورها يجب أن تكون خجـولة ولكنهـا أثبتت العكـــس <img src="http://oasis.bindubai.com/emoticons/rock.gif" border=0> بس لاتظن إلا ظـن الخيــر <img src="http://oasis.bindubai.com/emoticons/fa49.gif" border=0>ما تدري يمكـن بو الشباب يرمس سوالف خايسـه وحر لبنيـه وطلع عنطورهــا <img src="http://oasis.bindubai.com/emoticons/fa40.gif" border=0> يمكـــن

أمــا عن سوالف المغازل فهيهات تعـدى الأمر على المواعــده و أصحاب الفتيات فالسيــارة وإلى النوم مع بعـض في الفنـدق هذا والعياذ باللـــه ( نسأل الله الستر والعافيـه )

أمـا عن الخجــل ينعـدم <img src="http://oasis.bindubai.com/emoticons/fa35.gif" border=0> إذا أنعـدم الديــن ( وأول البلاء على العبـد أنعدام الحيـاء )

<img src="http://oasis.bindubai.com/emoticons/inlove.gif" border=0> فأخيـرا النـــاس يبقون ناس منهم الخيّـر ومنهـم الشرّي  <img src="http://oasis.bindubai.com/emoticons/fa42.gif" border=0>والبنت إلي ترضى تبيع شرفهـا عسب ترقم فلان وعلان <img src="http://oasis.bindubai.com/emoticons/fa37.gif" border=0> فهاي ××× مالها مكان فالمجتمـع

<img src="http://oasis.bindubai.com/emoticons/fa33.gif" border=0> ويوم البنت في بيتها مكرمه و معززه الكــل يباها  <img src="http://oasis.bindubai.com/emoticons/fa46.gif" border=0>وإلي تظـــن العكس فهــاي مسكيــــــــــنه

والسبب يا خوي المحرم مش ويا البنت والآخر الدين ضعيف والتالي ما عليها لا والي ولا حسيب فالدنيــا غير الله

<img src="http://oasis.bindubai.com/emoticons/fa31.gif" border=0> أخوك

<img src="http://oasis.bindubai.com/emoticons/inlove.gif" border=0>المقا<img src="http://oasis.bindubai.com/emoticons/inlove.gif" border=0>تـــل<img src="http://oasis.bindubai.com/emoticons/inlove.gif" border=0>

شمعة أمل

06-09-04 ||, 08:40 AM

بقولك رايي بصراحه

من 2000-2002 كان دور الشباب يغازلون .. الخ
من 2003-2005+ استوى العكس والبنات بدو يغازلون

همممممم ماعرف شو اقووول بالضبط

بس انعكاس<img src="http://oasis.bindubai.com/emoticons/rock.gif" border=0>
مادري بس انا لاحظت هالشي
يعني في بداية 2000 ماترومون تظهرون من البيت الا لو يي واحد ويلعوزكم اما الحين تظهرون عادي محد يلعوزكم الا نادرا لانه خلااااص البنات تعلمو الحركاااات وعرفو كيف يغازلون
ف الشباب مب لازم يلحقون ورا البنات لانه شي بنات بيلحقون وراهم<img src="http://oasis.bindubai.com/emoticons/oo.gif" border=0> << طبعا بنات مايستحون على ويههم

طبعاااااااااا في كلامي ماقصد كلحد بس اقصد العدد الخربان في هالمجتمع ومادري اذا صغير ولا كبير

هممم
مادري
بس الحين وايدين مب بس بنات حتى شباب بدو يعتبرون انه كل شي عادي ... والاسباب لهالاشياء  رفقاء السوء ولا نقص حنان ولا عناد

ومايستوي تردون هالشي على الاهل .. لانه مرات مهما الاهل سووا "الولد / بنت" لو شي في بالهم بيسونه!

الله يهديهم

صمت الذئب

06-09-04 ||, 09:17 AM

اختي شمعه امل ,,
انا ما اوافقج الراي فالعباره :
ومايستوي تردون هالشي على الاهل .. لانه مرات مهما الاهل سووا "الولد / بنت" لو شي في بالهم بيسونه!

لانها بكل بساطه , اذا الاعرفوا كيف يربّون بناتهم , جان ماصار اللي صار ..
الاهل هم اللي يزرعون فالعيال مراقبه النفس , واذا ما زرعوا هالشي فيهم ,,
راح ينجر الاعيال ورا كل خطأ يشيع .

ومشكوره على الرد <img src="http://oasis.bindubai.com/emoticons/blush.gif" border=0>

صمت الذئب

06-09-04 ||, 09:21 AM

اخي المقاتل ,,
اشكرك اخي على الرد الطيّب ,,
بس الريال اللي رد على الموبايل ما كان يرمس عن شي معيّن ,
اشكره كان واحد متصل به من الخارج , يعني لا كان يتحرّش في حد ولا شي ..

البنت هي نفسها اللي بدت الموضوع ,,
يمكن تتحرّى هالشي كوووول وكشخه <img src="http://oasis.bindubai.com/ubbc/smileys/0087.gif" align=absmiddle border=0>
,,
والله المستعان على كل شي .

بدون اسم

06-09-04 ||, 09:47 AM

موضوع شدني وايد

انا بعد شفت كمن موقف بعيني انه بنت ترقم ولد <img src="http://oasis.bindubai.com/emoticons/suspect.gif" border=0> اذا انت الشاب الي شفته شرد .. انا الشاب الي شفته ركض هو وربيعه واندسوا فمحل من المحلات <img src="http://oasis.bindubai.com/emoticons/fa36.gif" border=0> انعكست الايه

وما كنت بصدق الموضوع لولا اني شفت هالشي بعيوني

شي مخزي فعلا .. والمشكلة انها ترقم بدون اي خووووووووووووووووف <img src="http://oasis.bindubai.com/emoticons/fa46.gif" border=0>

وين الخوف من عقاب الله قبل الخوف من الاهل والمجتمع <img src="http://oasis.bindubai.com/emoticons/fa36.gif" border=0>

بالنسبة للبنات الي يهزبوووون اي شاب فنظري هاي ردة فعل غلط .. لانه في بنات يستغلونها علشان يتضاربون مع شاب <img src="http://oasis.bindubai.com/ubbc/smileys/0013.gif" align=absmiddle border=0> ( المهم طريقة يبدأون فيها المحادثة) وبعدين شوي شوي يصالحها  ويتبادلون الارقام بطريقة ما .. حديث هاتفي .. والله يعلم شو بيصير بعدين

وفي بنات محترمات بس ما قدروا يمسكون اعصابهم .. فيبدأ الشاب يغلط عليها ويسبها ويمكن ما تتماسك اعصابها وتسبه وتندم بعده .. لانه ممكن يمد ايده عليها ( وصار هالشي)<img src="http://oasis.bindubai.com/ubbc/smileys/0014.gif" align=absmiddle border=0> <img src="http://oasis.bindubai.com/ubbc/smileys/0016.gif" align=absmiddle border=0> <img src="http://oasis.bindubai.com/ubbc/smileys/0169.gif" align=absmiddle border=0> ويمكن(يسبها سب <img src="/ubbc/smileys/0576.gif" align=absmiddle border=0> لين ما تندم انها بطلت حلجها وقالت شي) <img src="http://oasis.bindubai.com/ubbc/smileys/0292.gif" align=absmiddle border=0>

فأحسن شي انها تظهر مع اهلها  ويكون في شخص اكبر منها معاها او انها تظهر فوقت مايكون فيه زحمه او اختلاط شديد " مثل الصبح"

واذا تعرضت لاي موقف فتطنش وتكمل شغلها وترد بيتها <img src="http://oasis.bindubai.com/emoticons/fa50.gif" border=0>

غزيلن فله

06-09-04 ||, 10:05 AM

يا ويلي <IMG src="http://oasis.bindubai.com/emoticons/fa52.gif" border=0> 
هالأشيا لها وايد أسباب, عن البنت الي سايره السينما بروحها : أهلها ما يخافون على بناتهم يخلونهم يسيرون بروحهم؟؟؟
نحنا ممنوع نطلع حتا ويا ربيعاتنا إلا إذا كنّا شلّه أو أختي العوده ويانا. الغلطة قد تكون من الأهل, لأنهم ما يهتمون بالبنت وين تسير و ويا منو.

ووو أنا ما بيلس أتفلسف عليكم و بس أقول الله يهديهم<IMG src="http://oasis.bindubai.com/emoticons/fa36.gif" border=0> 

w by the way film "the village " kan 3ajeeeeeeeeeeeeeeb  <IMG src="http://oasis.bindubai.com/emoticons/fa42.gif" border=0>

صمت الذئب

06-09-04 ||, 10:21 AM

اخي بدون اسم ,,

تعلية صوت البنت جدّام الناس منقود عند العرب ومحرّم  فالاسلام ,
وثاني شي , البنت لو كانت محترمه او صايعه , ورفعت صوتها جدّام الناس ,
 بتكون فكرتهم عنها وحده انها قليله حيا , 
فا احسن شي تسويه البنت انها ما تظهر الا باللباس الشرعي ( اللي غطّي المفاتن ) ..

 يعني بعض البنات يقولون الويه والايد حلال كشفهم ,,
 صح هالكلام , بس مش في كل الاوقات ,,
 ساعات البنت يكون عدها جمال ربّاني , في هالحاله من المفروض ان تغطّي ويهها لانه يعتبر فتنه تفتن الناس به .
وحتى لو ما كان قصدها شي .

****
وطول ما البنت محترمه نفسها , وساتره شكلها ماظن ان حد بيجرّب صوبها ..
 والاحسن انها تخرج مع محرم .

تحفه

06-09-04 ||, 10:27 AM

تـؤ تـؤ تـؤ تـؤ

لا حـول ولا قـوة إلا بالـلـه ..

زيـن بعـطيك خوش إقــراااح .. إشحقـه ما تروح السـنما الـصبح عـلشـان تفـتك وتاخذ راحتـك ..

بـصراحه .. أنا اروح معظـم الاوقـات الصـبح .. وناخذ راحتـنا لآخـر درجـه <img src="http://oasis.bindubai.com/emoticons/fa56.gif" border=0> ..

يعني عـادي نتـوقع وحده من الـشله تتـربع على الكـرسي .. وحـده تـعدل شـعرها ... لأن مافـي حد
و عادي يعني مره وحده وفي مقطع ممل من اي فلم ..
نفتـح سالفـه بعديده كل البـعد عن مضمون الفـلم

الصـبح .. شي يعنـي ..

والـسموحه على المـشاركه .. موضوعـك جذبـني <img src="http://oasis.bindubai.com/emoticons/fa34.gif" border=0>

صمت الذئب

06-09-04 ||, 10:28 AM

مشكوره اختي غزيلن فله على المرور ,,

مثل ما قلتي , ان اهلهم هادّينهم شرات الدبش ( عزكم الله ) يرعون لين اخر الليل وعقب ايّوون الزريبه ..

وعن الفلم , الصراحه انصح الكل انه يشوفه ,,
يمكن ما يعيّب البعض  .. بس عني انا , هو عندي من احسن الافلام ..
غموض وتشويق ومفاجآت بطول الفلم ,,
( مب شركه دعايات<img src="http://oasis.bindubai.com/emoticons/fa46.gif" border=0>) >> فقط لابداء الاعجاب ..

صمت الذئب

06-09-04 ||, 10:36 AM

ام خدود ,,

الموضوع مب  سيرة السينما الصبح ولا العصر ,
الموضوع عن اللي فصخوا الحيا ,,
 وثاني شي تتوقعين ان محد غيركم فالقاعه ؟؟
ما تدرين ان المسؤولين عن عرض الفلم هم يالسين وراكم على طول ويطّالعونكم بكل بوضوح ؟؟

 انتبهي مرّه ثانيه ,

الولع

06-09-04 ||, 11:21 AM

السلام عليكم ورحمة الله وبركاته

مرحبا أخوي

الصراحة الواحد ما يعرف ويش يقول <img src="http://oasis.bindubai.com/ubbc/smileys/0241.gif" align=absmiddle border=0> بس يوم انها  راضية على عمرها تقوم قدام الشباب و تصرخ قدام الناس على الرجال <img src="http://oasis.bindubai.com/emoticons/glare.gif" border=0> 

انزين يا خوي مرة و نحن مسافرين لاوروبا ... و كنا انا و أخوي نتمشى في حديقة .. المهم شفنا مجموعة بنات يتمشن و كل وحدة تشم ريحتها من بداية الحديقه لنهايتها .. ما خلوا لا عطر ولا بخور ولا طيب الا و تطيبن منه ... المهم ونحن نمشي كان في مجموعة شباب جالسين بعيد و حاطين الاكل و الشاي و البارد  قدامهم .. و البنات مرن من قدام الشباب و يطالعن بس ولا واحد مالشباب عطاهن وجه .. فوحدة من البنات رجعت لورا و سارت صوب الشباب و شلت كوب و صبت لها شاي و كل واحد فيهم مستغرب هذي عاقلة ولا مجنونة .. و العرب الموجودين هناك يطالعوها و هي ولا مهتمة .. المهم بعد ما صبت الشاي قامت و قالت لهم ما بتضيفوا اللي معاي ؟؟؟ <img src="http://oasis.bindubai.com/emoticons/oo.gif" border=0> .. و يقوم واحد من الشباب و يعطيها كلمتين في الصميم و ما خلا من السب شي الا و سبها و الناس اللي هناك منهم اللي  يشوفها باحتقار و منهم اللي يسب و منهم اللي تم ساكت يشوفها باستغراب و هي ولا كنها سوت شي

تخيل .. والله انا مش  عارفة هذي ليش عايشه .. لا حيا ولا هم يحزنون .. و البنت بدون حياها الموت أكرم لها الصراحة
الصراحة أولا ما شي وازع ديني .. و ثانيا الغلطة غلطة الاهل اللي مخلين البنات بلا حسيب او رقيب

الله يهديهن ... و يستر علينا و على بنات المسلمين و يعزنا من هالاشكال

تحفه

06-09-04 ||, 12:08 PM

السلام عليكم ..

كلامك صحيح .. بس الحمدلله ما تجاوزنا حدودنا .. واذا ع سالفة اتعدل شيلتها ولا شعرها > ترا ظلام اف ظلام <IMG src="http://oasis.bindubai.com/emoticons/biggrin.gif" border=0>
ويوم نـرمس .. < ما اعتقد انهم بيمانعون لأن ياما وياما تناقشنا افنص الموفي

ويوم نروح .. نتاكد من عند الحرمه إن القاعه فاضيه الصبح .. وإذا كان في حد .. اكيد بنحترم وجودكم ..
so  لا تحاتيهم ..

وعن هاذيلا البـنات .. فـ الله يهديهن

ومشكور على الموضوع

بيبا

06-09-04 ||, 05:56 PM

اشكرك اخويه على هالموضوع,,, وفعلا الحين البنات هن اللي ما يستحن <?xml:namespace prefix = o ns = "urn:schemas-microsoft-com:office:office" /><o:p></o:p>
في موقف استوى ويا اخويه,, طبعا اخويه مثل معظم الشباب,, يطالع ويرقم<img src="http://oasis.bindubai.com/emoticons/fa33.gif" border=0> ,, بس مره يقول انه كان يالس في برجمان فوق عند المطاعم يتريا ربعه,, فيت شيلة بنات تدور مكان,, عشان ييلسن,, فهو استحى انه هو يالس وهن واقفات,, فقبل لا ينش سألته وحده: انته يالس روحك؟؟ فهو تلوم وقال لا انا بنش تعالن يلسن فردت عليه,,, :: لا احنا بنيلس معاك<img src="http://oasis.bindubai.com/emoticons/fa40.gif" border=0>,,,    المسكين متعود هو يسوي هالحركات,, فاستغرب وزاغ ,, يقول نشيت ولا رمست  وللخلف در يا عسكري ,, يدور الباب.... <o:p> </o:p>
<o:p> </o:p>
<o:p> </o:p>
ومره انا كانت وحده ويايه,, يت بيتنا وعقب قالت الدريول محد وديني انتي,, واحنا ظاهرين من الفريج,, طبعا احنا بيتنا ع البحر,, والمغرب ساعة الذروة حق الشباب اللي يستعرض واللي يلفف ع الخلق <img src="http://oasis.bindubai.com/emoticons/fa32.gif" border=0>,, المهم طاف عليه استيشن وديملي,, شو السالفه<img src="http://oasis.bindubai.com/emoticons/fa40.gif" border=0>,, شويه مرسدس ضرب هرن,, اول مره <img src="http://oasis.bindubai.com/emoticons/fa36.gif" border=0>,, عقب نسيان راعيه سوا بايباي,, صديت على الهفتا لي يالسه عدالي لقيتها هي تسويلهم بايباي وتأشر ,,,,,,,,,,,,,,,,و وافشلتاه<img src="http://oasis.bindubai.com/emoticons/fa43.gif" border=0>   .. موتري عليه رقم ابويه,, الكل يعرفه,, من غير انه اخواني سيوقونه ساعات وبعد اللي يشوفني انا واخويه يتحرانا توم,, يعني عرفوا انه هاي خت فلان ,, المهم هي حصلت رمسه من الللي تعيبكم <img src="http://oasis.bindubai.com/emoticons/fa34.gif" border=0> .... وجحتتها عن باب بيتهم وعينكم ما تشوف الا ان النور<img src="http://oasis.bindubai.com/emoticons/fa56.gif" border=0>  ,, ولين باجر ادعي ربي انه يستر عليه ومحد يفكر تفكير غلط عني,,, <img src="http://oasis.bindubai.com/emoticons/down.gif" border=0>

سبيجة

06-09-04 ||, 07:54 PM

السلام عليكم ...

أخي الفاضل .... احترم غيرتك على البنات في زمن أصبح نادر جداً من يغار... <img src="http://oasis.bindubai.com/emoticons/fa52.gif" border=0> 

بغض النظر عن مركز معين ..أو مكان معين مثل السينما ... فالبنت تفرض احترامها وين ما كانت ... وخصوصاً في الأماكن المختلطه ...

والحل لا يتعمد على وجود الفتاه مع محرم في كل الأوقات فمشاغل الحياة قد لا تتيح الفرصة لتواجد الإخوان مع اخواتهم في كل الأوقات ... وحتى إن كان الأخ سيرافق اخته في أغلب الأماكن ...ماذا عن اماكن العمل ؟؟؟؟ فأغلب دوائرنا مختلطه ....  هل الحل بأن تعمل في أماكن تقتصر على النساء فقط..!! لا أنكر بأن أغلب الأهل يفضلون أن تعمل بنتهم في أماكن تختص بالنساء فقط... ولكن طبيعة الحياة اليومية تفرض على الفتاه الإختلاط.. (وهذا لا يعني بأني مع فكرة الإختلاط <img src="http://oasis.bindubai.com/emoticons/fa33.gif" border=0>) .. أهم صفة يجب أن تُغرس في الفتاه ... الثقة ... وأن تعلم كيف تحافظ على هذه الثقة ... فالرقابة المشددة التي يفرضها الأهل على بناتهم ... كثيراً ما تؤدي إلى مثل الصفات التي ذُكرت في الموضوع ... فالفتاه حين تشعر بأنها تحت المجهر 23 ساعة ...وساعة واحده فقط تقضيها بدون رقابة ...تأكد بأنها ستسعى في هذه الساعه ... لعمل كل ما حرمت منه ... <img src="http://oasis.bindubai.com/emoticons/suspect.gif" border=0> لذا فإن الثقة إن كانت موجوده ... لفتاه أهل لهذه الثقة صدقني لن تتصرف أي تصرف يسىء لها أو لعائلتها ...

عنوان موضوعك شدني كثيراً .... واحزنني في الوقت ذاته على المرحلة التي وصلنا إليها ...

جزيل الشكر ..

السموحه

ملاك الليل

06-09-04 ||, 08:21 PM

يسعد لي صباحك بكل خير اخوي صمت الذئب

ماشاء الله عليك ضارب عالوتر الحساس يالطيب

بس اذا تبي الحق اللي يخلي البنات يتمادون بذا الشكل هو عدم التربية من قبل الاهل

وكل يمة ابي اروح عند صديقتي فلانة وهي ماتدري عنها وين تروح

او في عزومة عند اخل صديقتي بروح وهي والعياذ بالله

تمشي مع هذا وذاك من الشباب المنحرفين واللي في النهاية

راح تضيع وتضيع حياتها معها وحياة اهلها ياما راح تتصف بعدم الشرف

او راح تطيح في طريق المخدرات هذا والعياذ بالله حصيلة البنات في تعاطي

المخدرات في ازدياد كبير كله من ايش من الدلع والدلال الزايد وعدم رفض اي

طلب للبنت لو مهما صار

عمر الحياة ماتسير كذا

ولا جد قبل يومين شفت بنت وكنا جالسين في احد الاماكن ماعرفها انا وكانت
سبحان من صورها جميل بكشل رهيب حلوة حلوة حلوة

حتى كنت اقول انا يالله شاللي ناقصها ماشاء الله عليها كل شي فيها حلو ومزيون

طيب ماهي الا ساعة وتاليتها تطلع بره وتمشي بشكل مدري شلون

والشعر ماتغطيه حجاب يعني اسم بس لاغير

وامها واهلها كلهم معها قلت يالله شو هالبشر
يشوفون الغلط بعيونهم ويسكتون

وهذا كله بسبب تباعدهم عن ربهم وعن تعاليم دينهم

اللهم احفظنا واياكم من فتن هذا الزمان

يديمك ربي ويحفظك وماشاء الله عليك

مواضيعك ولا احلى يالطيب يسلموو

مــــــ حزن القصيد ــــــلوكة

صمت الذئب

06-09-04 ||, 09:24 PM

عدنا من جديد ,,

اختي سبيجه بنت مبيريج ,,  ردّج الصراحه صحيح بكل معنى الكلمه  ,,
ومثل ما قلتي  , البنات المراقبين 24 ساعه هم اللي يكونون فالتوه في اغلب الاوقات ,,
واكبر مثال على هذا , بنات السعوديه ,,
فا تشوفونهم يوم ايّون دبي كيف يكونون ,  او اذا حد فيكم سار اوروبا عن طريق السعوديه
فالصيف بيشوف العجب ,, يعني البنت منهم ما تبان عيونهم يوم تركب الطياره ,,
بس يوم تنزل ما اتّم قطعه على جسمها من الملابس الساتره (( هيه ترا جو اوروبا حر ! ))<img src="http://oasis.bindubai.com/emoticons/glare.gif" border=0>
*****

يعني باختصار شديد ,,
اجرب فرصه تيها البنت ( المشدد عليها فالبيت ) تستغلها بطريقه مش صحيحه
عساس انها تنفّس عن عمرها ,,

والله يعين من اللي ياي ,

صمت الذئب

06-09-04 ||, 09:31 PM

الاخت بيبا ,,
 ( سامع هالاسم في مسلسل مكسيكي )<img src="http://oasis.bindubai.com/emoticons/cool.gif" border=0>

مشكوره اختي على السالفه اللي طريتيها ,,
والله يهدي جميع البنات ,,

وعن سالفه الفضيحه بسبّه البنت ..
فا انا اقولج لا تحاتين..
( اللي يستر العبد , دام العبد ساتر نفسه  )

********
وين الشباب ؟؟
ماشوف حد يرد فيهم ,,<img src="http://oasis.bindubai.com/emoticons/rock.gif" border=0>

صمت الذئب

06-09-04 ||, 09:32 PM

لي عوده ,,

بيبا

06-09-04 ||, 10:15 PM

<img src="http://oasis.bindubai.com/emoticons/fa56.gif" border=0>ههههههههههههههههههههههههه ههههه    <?xml:namespace prefix = o ns = "urn:schemas-microsoft-com:office:office" /><o:p></o:p>
<o:p> </o:p>
اول مره اعرف انه في مسلسل مكيسكي ..   هذا يا طويل العمر بنت اخويه مسميه عمرها هالأسم لأنها يوم صغيره تقول ابا بيبا (يعني ماي)   بس وسار عليها <img src="http://oasis.bindubai.com/emoticons/inlove.gif" border=0><o:p></o:p>
<o:p> </o:p>
طبعا حقوق الملكيه محفوظه لنا نحن وبس   ,,, <img src="http://oasis.bindubai.com/emoticons/fa32.gif" border=0><img src="http://oasis.bindubai.com/emoticons/fa32.gif" border=0><img src="http://oasis.bindubai.com/emoticons/fa32.gif" border=0>

عيون البلاد

06-09-04 ||, 10:28 PM

السلام عليكم ورحمة الله وبركاته

بارك الله فيك أخويه على هذا الموضوع (الأ كثر) من رائع  <img src="http://oasis.bindubai.com/emoticons/fa47.gif" border=0>

انا عندي موقف  بعد إذا تسموحون لي
(السينما )
مره  كنا سايرين  انشوف فلم (عجيب وايد حلو)وعاده سرنا  العرض ما قبل الأخير
يعني (10:45pm) حجزنا الكراسي  ودخلنا  والمكان هادي وصخه <img src="http://oasis.bindubai.com/emoticons/fa56.gif" border=0>

والخلق تدخل أفواج  بس  الناس الموجوده (أطفال من الشهورإلى9سنوات)<img src="http://oasis.bindubai.com/emoticons/fa40.gif" border=0>
المهم دخلت عايله كبيــــــــــــــــــــــ ـــــــــــــــــــــــــ ــــره (خليجيه) والغريب انهن  أمهات وبنات وحريم الأخوان
وبنات عم وخالات وعمات (خيبه!) كل هذيل بدون محرم  وكل وحده متغشيه والحاله لله <img src="http://oasis.bindubai.com/emoticons/fa30.gif" border=0>
حطو الدعايات (مب لازم أخبركم عنها فظايح) تقوم البنت ( يمه بكره بنروح البحر خذيلي زي  لبس هذي المره)

وفي نص الفلم (إلى ما فهمنا منه شئ) تسمع وحده من البنات بهذاك الصوت الوعر:يا ( **** )اقعد دحين يجي الرجال !
وشباب يضحكون عليها (طماشه تراهم <img src="http://oasis.bindubai.com/emoticons/fa56.gif" border=0>)

وفي مره بعد كنا سايرين السينمه نفس الوكت تقريبا .. كان مكاني( إستراتيجي )<img src="http://oasis.bindubai.com/emoticons/fa46.gif" border=0>كل شئ يبين وينسمع  
البنت الله يستر عليها ( حراااام يا ... كنت ابغي أيلس حذاله شوفي كل ثانيه يصد عليه )!
وربيعتها( انا اعرف اربيعه  صبري بطرشله مسج عسب  يغيرون مكانهم ويون عدالنا) !!!!
الله يرحم ذيج الأيام يوم البنت  تحشم عمرها..وإذا جافت حد  يتحرش فيها
 دعت عليه من <img src="http://oasis.bindubai.com/emoticons/fa41.gif" border=0> وعقباها بيوم طايح فالمستشفى<img src="http://oasis.bindubai.com/emoticons/fa40.gif" border=0>

اسموحه منكم أخواني
عيون البلاد

عيون البلاد

06-09-04 ||, 10:54 PM

السلام عليكم ورحمه الله وبركاته
 
وفي مداخله بسيطه أخواني وخواتي

أنه المسؤليه  والكل يعرفها أتكون على (الأهل بصفه عامه وأساسيه ) بس هذا مو معناته انه البنت تربيتها غلط

بالعكس في وايد بنات الحمد الله على خلق ودين  وأدب بس سلوكهن أشويه يبغيله تعديل ..

وهذ ظاهر  منتشره في  كل الإمارات مب شرط في سناتر  الشارجه أو دبي او غيره من السناتر
 
وحتى  يوم انا اظهر اشوف (خلواالكبار )البنات إلى توهن الأعدادي مثلا (أسلوبها وكلامها  والاهم تفكيرها

أعوذ بالله يارب استر علينا ورحمنا وهديهم)

وانا برأي انه  البنت إلى تتجه  لهذي الأساليب أولا
 1) لضعف الإيمان

2) قلة الثقه بنفس

3)الكلام:مشاء الله البنات (الأولاد)ما يخلون شئ وإلا رمسوا فيه (والكل يعرف )
والخربانه بتم أتقولها (انتي حلوه بس جذه فيج وجذه فيج لو كان هذا جي .و.و.و
أهم رمسه اتقولها البنت الخربانه :وهي أتصاصرها ( ترا الحركات والأشياء الغريبه اتعيب الشباب !)

والمسؤل الأول (الشباب)وبعدين البيئه المحيطه بالبنت وبعدين إيمانها وخوفها من الله وبعدين الأهل

وسموحه منكم 

وهذا مجرد رأي ولا أكثر ولا أقل <img src="http://oasis.bindubai.com/emoticons/fa31.gif" border=0>

بارك الله فيكم والله يهدي  البنات والشباب أجمعين
قولوا آمين <img src="http://oasis.bindubai.com/emoticons/fa50.gif" border=0>

عيون البلاد

دموع قلم

07-09-04 ||, 12:55 AM

وعليــكم الســلام ورحمـة الله وبركـاتـه,,

للأسـف كثـرة الفـواحـش والمفـاسـد في هـذه الدنيـا
ولا نشعـر بأي خـوف من عقـاب الله لنـا

<img src="http://oasis.bindubai.com/emoticons/down.gif" border=0>

كنـا نـرى أن الشبـاب من يعـاكسـون الفتيـات,
ولكـن الآن انقـب الأمـر وأصبحـت الفتيـات يعـاكسـن الشـباب !!,,
وأصبحـت الفـواحـش التـي تنتشـر في هـذه الدنيـا شي عـادي بنسـبة لنـا
فـ هنـاك فتـاة تتحـدث مع شـاب وبعـد فتـرة علمـت الأم بـ ذلك, ولكـن لم تفعـل شيـئا
ولا حتـى حـاولت تقـديم نصيحـة واحـدة لابنتهـا !!!

الآن نخـاف كثيـرا على بنـاتنـا
لأنهـا خلعـت ثـوب الحيـاء ولا تبـالي بـ عقـاب الله الشـديد
اللهــم اهـديـنا واهـديهم جميعـا,, اللهـم آميــن

<img src="http://oasis.bindubai.com/emoticons/down.gif" border=0>    <img src="http://oasis.bindubai.com/emoticons/down.gif" border=0>    <img src="http://oasis.bindubai.com/emoticons/down.gif" border=0>

صمـــت الـذئــب
أشكـرك على غيـرتك لـدينـك
وعلى موضـوعك الجميـل والمهـم
وننتـظر كـل ما هـو مفيـد منــك دائمـا

<img src="http://oasis.bindubai.com/emoticons/smile.gif" border=0>

ملاك الليل

07-09-04 ||, 03:59 AM

يسعد لي مساك اخوي صمت الذئب

انا معاك ان في بنات من السعودية يسوون اللي تقوله

بس لاتعمم ياخوي ظلم كذا انا بنت سعودية

بس ولله الحمد محافظة على حجابي حتى وربي لو زرت الكويت مافتح وجهي

مابالك حتى العباية الناس اجناس

واللي يبي طريق المستقيم يعرف واللي لا فيعرف بعد

جد والله عندنا بنات تربيتهم ولا احسن

بس اللي مو متربية زين تسوي كل شي خبيث والعياذ بالله

ادامك الله وحفظك

واذا تبي الحق هذا الصنف اللي ذكرته من السعوديات جد صرنا

نستحي نقول حنا سعوديات بسببهم حسبي الله ونعم الوكيل

لكن انا من النوع اللي اتشرف بلباسي الاسلامي وعبايتي وغطوايتي

بره البلاد الحمد لله

صمت الذئب

07-09-04 ||, 04:44 AM

سمحيلي اختي الغاليه ملاك الليل ,,
انا ما قصدت كل بنات السعوديه ,,
ولو اني نسيت اكتب " مش كلهن " ..
في كل مكان , في الشين والزين .

السموحه ..
اخوج , صمت الذئب .

ورديّـه

07-09-04 ||, 05:18 AM

سمعتـن يـا قوم الصريـخ وووالخ

استحـن!

وهـاي هب جـرأة <img src="http://oasis.bindubai.com/emoticons/fa55.gif" border=0>

.
.

والحيـا فيه جَمـال

وشعبة من شعب الإيمـان

..

الدلووووعة

07-09-04 ||, 05:27 AM

مشكور اخويه على الموضوع
انا شوف السبب الاول هم الاهل لن هم خلوها اتسير اي مكان بروحة
وثاني شي صعف الوازع الديني يعني لو ايمانها قوي ما بتسوي ها الشي
اصلا هاي الايام البنات هم يربعون ورا الشباب
والسوحة

بهجة الروح

07-09-04 ||, 05:53 AM

صمت الذئب

تسلم أخويه على هالموضوع المنتشر كثيراً والمخزي جداً

شو بنقول ...

الواحـــد من كثر ما يشوف هالمناظر يتعود عليهــــا

وسالفة ترقيم البنات للشباب تراها مب يديده من زمان البنات مستقويات ومسترخصات عمارهن

ياليتهن لو يستشعرن برقابة المولى سبحانه

ولا ما كانن بيسون هالمناكر

الله يهــديهن ويصلح شانهن

كـلـكـلـووش

07-09-04 ||, 06:13 AM

الــسـلام علـــيكم ،،

ســـلامي علـــيك يا خوي على هالمـــوضوع الحـــلو
شـــرات صاحبـــه <img src="http://oasis.bindubai.com/emoticons/inlove.gif" border=0>

موضــــوع في غــاية الأهميــــة
لكـــن المـــشكلـــة انه يوم تتـــكلم عن هالـــشي ايي الإستهـــزاء من بعـــض الفتـــيات ..!

و الـــبعض يتــكلم عنــه انه صـــار شي عـــادي <img src="http://oasis.bindubai.com/emoticons/rock.gif" border=0>

الله المــستعــــان

هالــسوالـــف يـــا خوك انتــشرت برأيي بســـبب تغـــاضـــي الأهــــل عن بنـــاتهـــن ..!

و يـــوم تــرمســهم يقـــولون لك نحن واثـــقين من بنـــاتنـــا !

شي طـــيب انـــك تثـــق في بنــتك .. و شي طــيب انج تثــقين ببــنتج ..

لكــــن الــشي الطــيب ما يتفـــسر مفــهوم الــثقه علـــى اســـاس مـــنح الــفتــاة حريـــتها !

يوم الأهـــل عـــطوا الـــبنت الــثقه .. هل أعطوا الــثـقة للشـــباب اللي بيــتواجدون بنــفس مكـــان بنــتهم !

الــبنــت يمكن تكـــون ملــتزمه بس مع سوالــف الــبنات و نغــزات الــشيطــان من الممــكن انهـــا تمـــيل ...!

بأعتـــقادي انه الأهـــل هم المـــسؤوليــــن عن هالـــشي ..!
بــــسبب إهمـــالهـــم ..

و أشكـــرك اخــوي صمت الذئــــب مـــره اخـــرى
والله لا يحــرمنـــا من مشـــركــاتك الجـــميلـــة

و الــسموحــــة

أخــــوك / الــفــتـــى الـــحـــزيــــن

العجيبة

07-09-04 ||, 07:17 AM

مرحبا الساع

موضوع تحفه .. يعني عادي بعد فتره ايحطونه في متحف الواحات
بتصير مشهور يا الذئب

امم ما بهذرب وايد واحاول اني ما اطلع عن صلب الموضوع

انا رايي يقول الله يسلمك ويسلم الحاضرين

لو البنت ملتزمة بدينها
وحاشمة عمرها بلبسها
وتملك اخلاق على مستوى
ووراها رياييل يمشونها

كانت والله ما راحت السينما ولا دلت دربها وين

بس الله يعين على هذا الزمن
يقولك زمان اول تحول
تحول 360 درجة مرة وحده <img src="http://oasis.bindubai.com/emoticons/glare.gif" border=0>

هو اصلا لانه الناس دخلت عليهم اصول غير عربية او حتى غير خليجية
وبالتالي تغيرت العادات والتقاليد وتأثروا بالغرب وبمناهجهم

الله المستعان

والله استغرب من هالناس اللي يسيرون يدفعون ما ادري كم
عشان يدخلون يشوفون فيلم
انزين ترا بعد فتره هالفيلم بينزل في شانال تو
<img src="http://oasis.bindubai.com/emoticons/tounge.gif" border=0>

تسلم اخوي الذئب على الموضوع
وبانتظار مواضيعك دووم
<img src="http://oasis.bindubai.com/emoticons/smile.gif" border=0>

دخون

07-09-04 ||, 07:19 AM

مرحبا الساااع..

شكرا لطرحك هالموضوع ..
اذا كثرنا من الغرائب والعجائب بيطول الموضوع ..<img src="http://oasis.bindubai.com/emoticons/fa36.gif" border=0>

المسميات اختلفت للشي الغريب والمفاجيء للي قاعدين نشوفه ؟؟؟

قلة عقل .. قلة تهذيب .. قلة ايمان .. قلة حياء ..  قلة مسؤلية .. قلة تربية .. الخ <img src="http://oasis.bindubai.com/emoticons/fa55.gif" border=0>

بس ما اقدر اسميها حرية ولا انفتاح ...
اعتقد اننا بآخر الزمان ... والله يستر ..<img src="http://oasis.bindubai.com/emoticons/down.gif" border=0>

ورديّـه

07-09-04 ||, 07:24 AM

بس تعليق على رد أخوي الصغير ساد بوي

بنيةمتحجبة  'مع هلها' وعلى الصراط المستقيم 'مع هلها' .. ومن وراهم شي ثاني وثالث ورابع وأنا شفت وسمعت
هـا كبـت!      هب قلة تربية وإهمال م الأهـل

لأنه تحضير الولد والبنت عسب يكونوا ( قد عمارهم ) من ورا هلهم ،
أهم بـ وايد من صورة مصورة منهم وشكل مضبـط تضبيط جدامهم وعشانهم
.
.

المشكلة بعض الأهل ما يقولوا للبنية أو الولد < ليش لازم تسوي جيه والسبب > لأ!
سوّي جـيييه وخـلاص       طاااخ!! <img src="http://oasis.bindubai.com/emoticons/oo.gif" border=0> ( الباب )    جان هب كف

وعيال يغلطـوا ويتعلمـوا ( مع إحساس ومعرفة بأن هناك حد فالبيت متفهم ) ويروموا يخبروه بغلطتهم
ويسمعلهم ويساعدهم ..... أبـرك عن كبـت عقولهم واحساسهم وافكارهم < لتصرفات مؤقتة أمامهم بس > وينحرفـوا!

ولو كان فيه أساس سليم
مهما شحط الولد او البنت لطريق غلـط ، يردّوا لأساسهم وفكرهم السليـم
أما عكسه ( وذوي الأساس السلبي ) فـ يتمردوا زيادة وزيـادة ........
والسموحه
..

صمت الذئب

07-09-04 ||, 08:05 AM

,,
زرع الوازع النفسي والديني في نفوس الاولاد والبنت ..
هذا اهم شي تجنّب الفسق اللي نشوفه الحين ..

,,
ان الثقه يجب ان تتبع بمراقبه دائمه ..
لكي اذا صدر اي خطأ  , يسهل معالجته مع بدايه حدوثه ..

الفتى الحزين , شيطونه ورديه ,
اعجبني ردّكم ,,<img src="http://oasis.bindubai.com/emoticons/fa42.gif" border=0>

لي عوده ,

نويّر

07-09-04 ||, 08:16 AM

::  صمت الذئب  ::

موضوع رائع بالفعل ويستحق القراءه
 اخي صمت الحياء شعبه من شعب الايمان
لكن لم نعد نراه هذه الأيام فما بالك بالأيام القادمة التي سيكون وطئها صعبا هل سنستطيع تحمل ما سيأتينا مستقبلا
أم ننجرف مع التيار ( نسأل الله السلامة ) عسى الله تعالى ان يهديهم يارب ويرحمهم برحمته

ما نره هذه الأيام من تجاوزات تقشعر لها الأبدان نعم تقشعر لها الأبدان
فأصبح كل شي مباح لا حول ولا قوة الا بالله
وهذا طبعا يأتي في البدايه نتيجة لقلة الوازع الديني وقله التربيه من جهة الأهل واهمالهم الدور الرئيسي الا وهو تربيه الابناء

مشكور اخويه على موضوعك
عساك عالقوة

نويّــــر

بنوته صغيرونه

07-09-04 ||, 09:12 AM

نــاقصات عقل ،،
البنت مهما درست و فهمت اتم ناقصه عقل لانها عاطفتها تتحكم فيها اكثر و خاصه في مرحلة المراهقه
برأيي انه السبب الرئيسي في انتشار هذه الظاهره هم الأهل و تربيتهم للفتاه ،،
و بعد ذلك يأتي رفقاء السوء ،، و كثير من البنات اتحصلهم اتربوا احسن تربية عند اهلهم
و لكنهم لما يرابعون وحده و ينخدعون بمظهرها و يحبونها يحاولون كثر مايقدرون انهم يقلدونها
و يتأثرون من تصرفاتها و اعتقد انه هالشي طبيعي و معروف انه الربع يأثرون على بعضهم
سواء بطريقة ايجابيه و يكون نادر جدا و طريقة سلبية و هي منتشره بشكل أكبر ،،
و كذلك ضعف الوازع الديني الذي يعتمد على تربية الأسره للفتاه ،،
و غيرها الكثير من الأسباب ،،
الله يهدي الجميـــع

و تسلم اخويه عالموضوع المهم
<img src="http://oasis.bindubai.com/emoticons/smile.gif" border=0>

صمت الذئب

08-09-04 ||, 12:23 AM

اختي بنوته صغيرونه ,,
البنات بدوا ينجرفون ورا وايد اشيا مش بس المغازل وقله الحيا ,, مثل :
1- الدفاشه . <img src="http://oasis.bindubai.com/emoticons/fa32.gif" border=0>
3- عدم الحشمه فالستر .
2- التدخين .( كووول )<img src="http://oasis.bindubai.com/emoticons/fa42.gif" border=0>

..
قلّه التربيه هي السبب ..
مثل ما قلتي ..
وفي المرتبه الثانيه .. رفيق السوء ..

عيون الليل

08-09-04 ||, 10:53 AM

هاذيلا الي ذكرتهن يا اخويـه حـالات شاذه .,.,., والله يبعدنا عنهن

بس في نقطه انا مب وياك فيها.,.,., اخويه يوم البنت بتظهر روحهـا وبتكون ظاهره بحترامها لا بتغمز لهذا ولا بتتبسم لذاك ما اعتقد انه ممكن حد يتجرأ ويسوي اي حركه فيها
ف المشكله مب ف البنت انها تظهـر روحهـا.,.,., المشكله ف طريقتها واسلوبها ف الرمسه والدلع وقلة الحيـا

في هالحاله تستـاهل الي اييهااا ويعلها زود

والسـموحه

صمت الذئب

08-09-04 ||, 08:52 PM

اختي الغاليه عيون الليل ,,

انا ما قلت غلط ان البنت تطلع بروحها,,
انا قلت انه يستحب انها تطلع مع محرم , عشان تسد كل المنافذ المؤديه للتحرّش ..

اختي الغاليه ,
شي شباب ما يتحرشون فحد الا المنقبات ..
 هل ترين انهم كاشفات شي من مفاتنهن ؟؟

فا مثل ما قلت ..
الاحتشام سد منيع ..
ولكن مش كافي في زمن ..المفاتن فيه زادت .

تحياتي .

صوفيا

08-09-04 ||, 10:17 PM

مرحبا كيف الحال...
الموضوع مهم بصراحة و المستوى اللي وصلت لإلو البنات هاي الأيام للأسف كتير واطي((طبعا معروف مين المقصود...اللي بيتصرفو هاي التصرفات المشينة)))

يعني صار كمن موقف قدامي السنة و أنا بالأردن كتير كتير بشعين

مرة كنت بالصويفية بالسوق دخلت على محل كان في 4 بنات في المحل صاحبات...وحدة قاعدة بنص المحل بتقيس ببنطلون...و كان البنطلون كتيييييييير ديق و خصرو كتير ساحل...و صاحب المحل صار يسكرلها بالسحاب...و البنات قاعدات عالأرض (مع انو في كراسي) و بيدخنو وبيضحكو

طلعت بسرعة من المحل و ما تفرجت على شي...

و كمان قصة بالجبيهة (حديقة الجبيهة) صفت سيارة عالبوابة نمرة ((دبي)) و نزل منها 3 بنات لابسين عبايات و متغشيين و أول ما دخلو الحديقة شلحو العبايات و الشيل و كانو لابسي ن لبس مخزي جدا....بنطلونات جينز ديقة كتير و بديهات مشلحة كتير كتير و كل صدرهم و ضهرهم و بطنهم مبين...و مكياج كاااامل كأنها عروس...أول ما طلعو من الحمام (بعد ما شلحو العبايات)) لحقهم شباب سعوديين و كويتيين و اماراتيين ...كانو طابوور وراهم ...لا  كمان شو...وحدة منهم بتدخن

يعني حبيت أقلكم عن أكتر موقفين علقو بعقلي بيخص هادا الموضوع

الله يستر على بنات المسلمين و يبعد عنهم الحرام و أولاد الحرام...

قولو آآآآميـــــــــــــــــــ ــن