هل ترضى ان تتزوج بنت كنت اتكلمها على التلفون ؟ [الأرشيف]

صمت الذئب

31-08-04 ||, 01:48 PM

(( السلام عليكم ورحمه الله وبركاته ))

فالبدايه حبيت اقول ان هذا اول موضوع لي فالواحه المتفوحه ..
وانشالله يلقى النجاح والتقدير اللازم ..

لاحظنا فالفتره الاخيره ازياد العلاقات بين الشباب والبنات على الموبايل ..
منها مثلا بدت من ال ( chatting ) ... 
او بدت من( منتديات بن دبي )...<img src="http://oasis.bindubai.com/emoticons/fa31.gif" border=0>
واتطوّرت شويه لين ال(msn ) ...
وشويه لين تبادل الارقام للضروره .. ( اي ضروره عاد <img src="http://oasis.bindubai.com/ubbc/smileys/0005.gif" align=absmiddle border=0>)
وهذا بشرط ان محّد يتّصل بالثاني موليه ..
وشوي شوي لين ال ( sms ) ( انا اون لاين ) <img src="http://oasis.bindubai.com/emoticons/fa42.gif" border=0>
وفي يوم من الايام والشيطان يلعب بقوّه تحمّل الولد ....
فا يطرّش مسج في وقت غير اعتيادي ( تصبحين على خير ) او ( جوود نايت ) او ( سوييت درييمز ) <img src="http://oasis.bindubai.com/emoticons/inlove.gif" border=0>

او في يوم من الايام .. والشيطان يلعب فاعصابها .. وهي اللي تبدا تطرّش ..
فا تبدا بمثلا ( كل يوم وانت بخير ) <img src="http://oasis.bindubai.com/emoticons/fa50.gif" border=0> او ( اول مسج حلو بينّا ) <img src="http://oasis.bindubai.com/emoticons/fa42.gif" border=0>

ويوم ورا يوم .. يبدا الطرف الثاني فالتجاوب للموضوع .. ( نظرا لعدم وجود حواجز )..

وشوي وشوي ... وتمر الايام .. والشهور وربما السنين ..
وهي , او هو ,, كل واحد وايده تاكله ..
 هو : (( يا ترا كيف صوتها ؟؟ ))
هي : (( يا ترى كيف صوته ؟؟ ))
وتبدا التلميحات ..
هو : ( والله انا ملان ,, وما عندي حد اكلمه ) >>>>>>" احسن يا شاطر "<img src="http://oasis.bindubai.com/emoticons/fa47.gif" border=0>..
هي : ( والله انا متضايجه وحابّه اكلم حد وافضفض له ) >>>>>>" وهو ما يصدّق "<img src="http://oasis.bindubai.com/emoticons/fa51.gif" border=0>..

انزين .,,  بس مره وحده ..
اول مره وآخر مره ..
ولا راح انعيدها مره ثانيه ... انزيييييييين ؟؟؟<img src="http://oasis.bindubai.com/emoticons/fa30.gif" border=0>
 ويببدا اول اتصال ...ويعتبر اخر تصال .. ( هو صح بيكون اخر اتصال , بس في نفس اليوم ) ..
*****
وبعد كم يوم ...
هو: دام انّا سويناها مره وحده .. ليش ما نسويها مره ثانيه ؟؟  نحن شو خسرانين ؟؟
هي : مب خسرانين شي ,,  بس اخاف حد يعرف .. وعقب تستوي فضيحه .. وما بقدر اشوفك مره ثانيه ..
هو : لا , ما بيستوي شي , لو حاسبتي .. انتي بس حاسبي وانشالله كل خير .. ( اي خير الله يهديك ).
هي : انزين ,, بس اصبر ,, بتريا اهلي لين ما يطلعون .. ويوم بكون روحي .. عشان اخذ راحتي وماحاتي .. ( احسن هنااااااااااك )
<img src="http://oasis.bindubai.com/emoticons/fa32.gif" border=0>

************************
هذا ملخّص للي يصير فالوقت الحالي ,, نظرا لانتشار الموبايلات .. وسهوله الحصول عليها ورخصها ..
بس انا فبالي سوال  واحد ,,
او سوالين ,, او اكثر .. 

للشباب,,
 1- هل ترضى على عمرك تاخذ وحده كلّمتها مره بالموبايل ؟؟
2- كيف راح تكون هي بنظرك اول ما توصّلها للموبايل بعد (عدّه محاولات) ؟؟؟
3 - هل ستكون ,, الكريمه الشريفه الطاهره ؟ ام انها ( بتطيح من عينك )؟؟؟

وللبنات ,,
1-  ما درجه وثوقك بكلامه ؟؟
2- هل تعرفين عنه كل شي ( ان وعدك بالزواج )؟؟....
3- هل تعرفين ابن من هو ؟؟ ومن هن خواته ؟؟ ومن  اي عائله واي قبيله ؟؟
.....

فا ياليت من الاعضاء الاجابه على هذه الاسئله , لتوضيح بعض العلاقات المنتشره ..
والسموحه على الاطاله ,
اخوكم , صمت الذئب.<img src="http://oasis.bindubai.com/emoticons/fa33.gif" border=0>

تحفه

31-08-04 ||, 02:04 PM

الموضوع عجيب ..

لي عوده

أحلى منصوري

31-08-04 ||, 02:08 PM

بالتأكيـــد .. ( لا )

شكراً على هذا الطرح الجميــل وبدايـة موفقــة ..

والسموحه

أخــوكم
أنــا

الولع

31-08-04 ||, 03:06 PM

السلام عليكم ورحمة الله وبركاته

أخوي الكريم

أشكرك على الموضوع الحساس
و اللي بدأ ينتشر بشكل كبير جدا بين شبابنا و بناتنا الله يهديهم جميع

بس قبل كل شي أحب أقول كلمة

إنه هذي العلاقات محرمة بين الشباب و الفتيات .. و هي مدخل من مداخل الشيطان
و البنية اللي ترضى لنفسها بهالشي غبية  بكل اختصار 
العلاقات هذه مثل ما ذكرت محرمة .. و غير مباركة من رب العالمين 

تخيلي أختي و انتي تكلمي هالشخص الي يدعي أنه يحبش و اللي تظني بأنش تبادليه الشعور .. و انتي تكلميه .. ما فكرتي في أهلش اللي عطوش الثقه .. ما تفكري في رب العالمين اللي جالس يشوفش و انتي ترتكبي الحرام و عرشه يهتز غضبا على اللي تسويه 
" كلكم راع و كلكم مسؤول عن رعيته .... " 
و انتي تحملي مسؤولية كبيرة ألا و هي ثقة أهلش فيش ... فكري في اسم ابوش اللي تحمليه .. سمعتش .. لا تفرطي فيها لنزوة عابرة 

أخي الكريم 
تخيل و إنت تكلم وحدة عرفتها عن طريق النت و وصلت المسائل الى المحادثة بالتلفون..  وتكلمها كل ليلة و انت عارف بأنك ما بتاخذها و إنك جالس تقضي وقتك و بس و تلعب عليها  .. ما تخاف بأن ربنا يعاقبك في خواتك ؟؟؟ 
فكر فيهن ... الله بيعاقبك في أعز شي بالنسبة لك .. مثل ما تسوي تجازى يا خوي .. هذا غير عن غضب ربنا عليك 
أذا ما خواتك فكر .. يجوز تاخذ وحدة لها ماضي عرييييييق في هالامور و انت تعتقد بأنها الشريفة العفيفة 
أذا ما حرمتك .. بناتك اللي يحملن اسمك .. خاف عليهن 

أمور كثيرة قد تنتج عن هذا الأمر ...  و تؤدي إلى فساد المجتمع

أخوي صمت الذئب 
موضوعك رااائع و حساس جدا
يعطيك ألف عافية

و الله يهدينا جميع و يثبتنا على طاعته
الهم آمين <img src="http://oasis.bindubai.com/emoticons/smile.gif" border=0>
موضوعك راااائع جدا

راحت أيامي

31-08-04 ||, 03:25 PM

اولا :
السلام عليكم اخوووي ..
موضوعك وايـــــد حلــــــــو <img src="http://oasis.bindubai.com/emoticons/smile.gif" border=0>

ثانيا: بجاوب على اسألتك ..

وللبنات ,,
1-  ما درجه وثوقك بكلامه ؟؟
2- هل تعرفين عنه كل شي ( ان وعدك بالزواج )؟؟....
3- هل تعرفين ابن من هو ؟؟ ومن هن خواته ؟؟ ومن  اي عائله واي قبيله ؟؟

ج1: انا الصــــراحـــه ما اثق بــأي كـــان ولد يرانا ولد عمـــي ولــد عمــتــي ولد خالـــوا ولد خــالـــي .. ولو شويت ثـــقــه أبــدأ ما اثق ..<img src="http://oasis.bindubai.com/emoticons/oo.gif" border=0> ( في هذا الزمن محد يأمن فيــهم انا اربيعه ما أمن فيها .. أمن في واحد )

ج2: أنــــا اذا يــانــي واحــد وقالــي رمــســيني وأنا آخـــر شي بآخذج ماشي فرق بيــن الحـــين وعقـــب ما آخذج بــس أنــتي رمــســيني<img src="http://oasis.bindubai.com/emoticons/wink.gif" border=0> ( أنا لو الموت يا ما صدقــــتـــه )

ج3: حـــتــى لــو كــنــت أعـــرف ولـــد منــو هذا ومــنــو خواتـــه وحــتى لو كـــان واحــد معـــروف ومن عايــلــه معــروفــه وبأنه مب مــال بنات بــس يأي يقص علـــيه يا ما صدقـــت <img src="http://oasis.bindubai.com/emoticons/glare.gif" border=0>


وجــاوب على سوالين محـــطنـــه للشباب أدري ما يخصني فيه بس لي رأي <img src="http://oasis.bindubai.com/emoticons/laugh.gif" border=0>
 1- هل ترضى على عمرك تاخذ وحده كلّمتها مره بالموبايل ؟؟

الـــي هــوه السوال الاول ..
ج1: أنـــا مـــســـتحـــيل آخذ واحد مرمستنه ..

الســوال الثانـــي ما عندي له اجابــة <img src="http://oasis.bindubai.com/emoticons/glare.gif" border=0>

وهذا الســوال الثــالـث ..

3 - هل ستكون ,, الكريمه الشريفه الطاهره ؟ ام انها ( بتطيح من عينك )؟؟؟

ج3 : أنــا لو شو ما كان ما بآخذ واحد مرمسني لانـــه أدري ما بيوثق فيــني وآخرتها بطيح في جبده ( لا تظهرين, لا تسيرين, لا تسوين, تعالي منه. سيري منه, أتحملي أتقــولــين جـــي لا تــرديــن على التيلفون , ما شي موبايلات , لا ادشيــن النـــت , لا ترمســـيــن بنت فلان <img src="http://oasis.bindubai.com/emoticons/glare.gif" border=0>)
 تـــرى اشوف وايد في مجتمعنا جي والصــراحــه ما بآخذ لي واحد مب واثــق فــيـنــي ( أبــى أعيـــش حــياتــي مســتانـــسه وريــلي راضــي عنـــي <img src="http://oasis.bindubai.com/emoticons/biggrin.gif" border=0><img src="http://oasis.bindubai.com/emoticons/tounge.gif" border=0>)

السمــوحــه مــنــك أخوي صمت الذئب

عيووون الوضيحي

31-08-04 ||, 04:48 PM

مشكور اخوي صمت الذئب
عا الموضوع الحلو <img src="http://oasis.bindubai.com/emoticons/biggrin.gif" border=0>

علا ما اضن ان بنات اليوم يعرفن كل شي عن الشاب الي يكلمنة <img src="http://oasis.bindubai.com/emoticons/mad.gif" border=0>

ومثل ما يقولون (ان لكيدهن عضيم ) 
والسموووووحة

44444

31-08-04 ||, 06:36 PM

السلام عليكم ....

الزواج قسمة ونصيب ... والطيور على أشكالها تقع ,,,,

العديد من الزيجات صارت عن طريق الجات والنت ,, والحمد لله ناجحة ... ترى هذا من نية الأثنين .. لو الأثنين دخل قلبهم الحب الشريف أعتقد انه الله بيسهل أمورهم ...

طبعا لو بدوا صادقين مع أعمارهم ... وكانت علاقتهم سوية .. أتوقع راح توصل للزواج ؟؟؟

سوري نسيت .. ولو توافقت الطبقات والأصول مع بعض ...بتمهد وايد .....

وشكرا .... لا تنسون .. لو خليت لخربت

درة الدنيا

31-08-04 ||, 10:00 PM

مرحبا مليون اخويه صمت الذئب ؛

تابعت الردود وماشالله الاخوان ماقصروا ؛ فيهم

المعارض معارضة تامة؛ وفيهم الـ نص نص؛ وفيهم من

هو اموافق بس بطريقه غير مباشرة <img src="http://oasis.bindubai.com/emoticons/tounge.gif" border=0>

واكيد كل حد ورايه ومافيه حد مّـنا ماسمع عن سالفة وحده اتكلم واحد خاصة

من الربع او العكس؛

واسمحلي ارد ع اسئلتك <img src="http://oasis.bindubai.com/emoticons/kungfu.gif" border=0> ونتمنى  انشوف اراء جميع الاخوان والاخوات ؛

للشباب,,

اسمحلي بعيش دور الشاب وبرد ع هالاسئلة ههههه

 1- هل ترضى على عمرك تاخذ وحده كلّمتها مره بالموبايل ؟؟

ماظني الواحد يرضى ع عمره ياخذ وحده امرمسنها بالتلفون و

نظرية الشباب معروفة  " اللي كلمتني بالتلفون رح اتكلم مليوون واحد من ورايه " ؛

2- كيف راح تكون هي بنظرك اول ما توصّلها للموبايل بعد (عدّه محاولات) ؟؟؟

هههههههه خلني اعيش الدورعيبتني السالفة <img src="http://oasis.bindubai.com/emoticons/tounge.gif" border=0> اول ما البنت اتكلم الشاب بعد

عدة محاولات راح يقووووول الشاب ف باله " وأخيراَ تمكنت منها " << رسوم متحركه ولا شو ههههه <img src="http://oasis.bindubai.com/emoticons/blush.gif" border=0>

3 - هل ستكون ,, الكريمه الشريفه الطاهره ؟ ام انها ( بتطيح من عينك )؟؟؟

هالشي ايحدده الشاب ؛

لو كانت بنظره الكريمة والشريفه والطاهره والعفيفة خله يتقدم لها بالحلال ؛

ولا  لو غير هذا يعني انها طاايحه من عينه <img src="http://oasis.bindubai.com/emoticons/tounge.gif" border=0>

والله يووفق الجميع يارب <img src="http://oasis.bindubai.com/emoticons/laugh.gif" border=0>

وللبنات ,,

1-  ما درجه وثوقك بكلامه ؟؟

في هالزمن المخربط ماعدنا نثق في حد

ولو هم اقرب اصدقاءنا وصديقاتنا بس هالشي مايمنع اني

ماصدق اي شي ايقولولي ؛ حرام بعد<img src="http://oasis.bindubai.com/emoticons/blush.gif" border=0>

2- هل تعرفين عنه كل شي ( ان وعدك بالزواج )؟؟....

اكيد لا مابعرف ولا ايكون هو امخبرني وخاصة الاشياء الخاصة جداً ؛

و اللي انعرفه انه بداية كل شات او محادثه يبدا الواحد " يقص ع الثاني " انا من قوم ..

ونا ونا  ...ايمانا منه بان العلاقة ماراح تتطور ؛ بس لوو يا وقت الجد و ع

قولتهم " حبوا " بعض  يمكن مايروم يقولها الصدق و .. و ...  وبيكمل عليها

بالجذب ؛ واهني الاساس

كان مبني على الجذب ؛ واكيد كل شي مبني ع الجذب مستحيل ايتم ويستمر؛

3- هل تعرفين ابن من هو ؟؟ ومن هن خواته ؟؟ ومن  اي عائله واي قبيله ؟؟

لو هو انسان صادق يمكن ايخبرني لاني مااعمم انه كل الشباب يخبون

مثل هالاشيا بس برايي الاغلب ؛ خاصة في مجتمعاتنا ؛ الشاب

ماييب سيرة اخته ولا امه ولا اساميهن فكيف بيخبر هالاشيا لوحده

متعرف عليها ومابينهم شي غير " اسلالاك لاسلكية " او " شاشة وكيبورد " ؛ 

مشكور اخويه ع المشاركة المميزة و

موفقين <img src="http://oasis.bindubai.com/emoticons/kungfu.gif" border=0>

السنافي

31-08-04 ||, 10:23 PM

السلام عليكم انا اقوول لا لا لا لا لا لا لا لا لا لا

وتسلمين على الموضوع الحلووو ...

تحياتي <img src="http://oasis.bindubai.com/emoticons/fa41.gif" border=0>السنافي<img src="http://oasis.bindubai.com/emoticons/fa41.gif" border=0>

-------------------------------------------------------------

<img alt="" hspace=0 src="http://www.2xtreme.net/~gjenness/kakashiani.gif" align=baseline border=0>
<img alt="" hspace=0 src="http://oasis.bindubai.com/download/jojo/nnnn.jpg" align=baseline border=0>

صمت الذئب

31-08-04 ||, 10:49 PM

عدنا من جديد ,,

اشكر الاخت درّه الدنيا على المشاركه  المتميّزه ,, وياليت لو تستمر هالمشاركات <img src="http://oasis.bindubai.com/emoticons/fa50.gif" border=0>..

واذا بنرد نتكلّم عن الموضوع ,,
برايي مب كل علاقه على الموبايل تكون خراب في خراب ...
يعني ممكن مثلا واحد يتعرّف على وحده ويبدا يعرفها عدل , ويحبها اكثر , وهي تبادله نفس المشاعر الصادقه ..( وهذا حصل )

(يعني مب كل الشباب هاي نظرتهم عن اللي يرمسونهم فالموبايل ..)

اذا عرف انها نظيفه , وشريفه , ومابها عيب ,, اظن عادي انه يتجدّم الها .. وها برايي مب عيب ,,
لانه لو يفكرّ شويه , راح يكتشف انها ما سوّت هالشي الا عشانه ,( هذا لو كانت بنت طاهره ) .. وهو بيعرفها اكثر مع استمرار العلاقه اذا هي كانت طاهره ولا لا .
.............
ربعي مثلا ,, اعرف كم واحد فيهم , اتزوجوا بنات مكلمينهم على التيلفون لمده سنتين قبل لا يتجدّمولهن ..
يعني مب كل البنات ( اذا كلّمتني بتكلّم مليون غيري ) ..
ومب كل الشباب ( انا بس ابا العب ) ..

1- يعني الواحد ينعرف عنه انه جاد , اذا ياب  طاري اهله جدام البنت ..
2- وراح ينعرف انه جاد وايد , اذا عرّفها على خواته .. وقالها تفاصيل حياته ..

********
ولي عوده للاعضاء الباجين .
تحياتي , صمت الذئب <img src="http://oasis.bindubai.com/emoticons/fa33.gif" border=0>

صمت الذئب

01-09-04 ||, 02:47 AM

الاخت ام خدود ,,
ننتظر عودتج ..

احلى منصوري ,,
ما سمعنا رايك عن الموضوع الا ( لا ) ..
على العموم اشكرك على مشاركتك الجميله ..

الولع ,,
صح كلامج اختي ,, واشكرج على النصيحه ..
ولو هالشي ما انتشر ,, وبصوره كبيره جان محّد انتبه له ..
وولا انكتب له موضوع هني ..<img src="http://oasis.bindubai.com/emoticons/fa33.gif" border=0>

راحت ايامي ,,
مش من المعقول انّا نجمع الاجابه على جميع الشباب ..
في ناس هم اهل للثقه , لكنج لين الحين ماشفتيهم وولا جرّبتيهم ( اصابعج مب سوا )..

عيون الوضيحي ,,
مشكور اخوي على مشاركتك الجميله ..
صح ان البنات يعرفون كل شي عن الشباب اللي يكلمونهم  .. ( مش الكل )
لكن شو بيدها تسوي بهالمعلومات اللي عدها ؟؟
تتوقع انها بتسير وبتهدده ؟؟
في هالحاله هي بتهدد شرفها  .. مب شرف الريال ..

ولي عوده انشالله ..

بن دبي

01-09-04 ||, 04:12 AM

السلام عليكم
مشكوور اخوي على الموضووع
واقوول   لا ثم لا ثم لا  لكل شاب يقول هالكلام لاي وحده
مشكوور

متساند على الباب

01-09-04 ||, 06:07 AM

صمت الذئب
انت كشخه و موضوعك اكشخ <img src="http://oasis.bindubai.com/emoticons/fa42.gif" border=0>

لو بتسالني انا هالاساله ما بعرف ارد عليك لانه ما مر على بالى التفكير فيها <img src="http://oasis.bindubai.com/emoticons/fa40.gif" border=0>

اعرف واحد مزوج من وحده عقب ما تعرف عليها من الشات ومثل ما اشوفه مرتاح وما عليهم قصور

وفي واحد ثاني مزوج وحده متعرف عليها عن طريق الترقيم <img src="http://oasis.bindubai.com/emoticons/fa56.gif" border=0>
عنده عيال ومرتاحين والحمدلله

بهجة الروح

01-09-04 ||, 06:09 AM

" صمت الذئب "

أولاً : يا هلا ومرحبا فيــك في ربوع الواحه المفتوحه ، وان شاء الله ما يكــون آخر موضوع وان شاء الله
سيل المواضيع القيمــه تتبع هذا الموضوع

ثانيـــاً : تسلم أخويــه على هــذا الطرح الجميل والمهم

أخي الكريــم :

خلني أجيب على الأسئله بوضوح ،

صحيح ان الحيــن انتشرت سوالف النت والمسن ومن ثم الكلام عالموبايل والمسجات وما إلى آخره من علاقات
محرمه ، علاقات لا ترضي الله سبحانه وتعالى ولا ترضي رسوله " صلى الله عليه وسلم" ، بس من سابع  المستحيلات ان الشاب اللي يكلم بنت من البنات أو شعر بناحيتها بعاطفه انه في يوم من الأيام ينجذب لها أو يتزوجها ، لانها هي في نظره غير لائقه لتربية الأبنـــاء وبيقول شرات ما رمستني بترمس غيري ،
وكيف بتزوج وحده وبتربي عيالي بعدين وهي مب من النوعيه الصالحه

هــذا من وجهة نظري ، وأفضل شي في الدنيا هو الحلال
واللي بيحب يحب زوجته اللي اختاروها أهله له بعد وثوقهم في دينها وصلاحها

ولا تقطعنــا أخويه من هالمواضيع الزينه

دموع قلم

01-09-04 ||, 06:41 AM

وعليــكم الســلام ورحمـة الله وبركــاته,,

موضـوع رائــع وجميــل
وقضيـة مهمـة منتشـرة في مجتمعنـا بكثــرة,,

بالطبـع لا أثـق في الشـاب الذي اتحـدث معـه, مهمـا كانت أخلاقـه شخصيتـه ومعاملتـه الحسنـة لـي, لأن في مرحلـة المراهقـة الشـاب دائمـا يميـل للفتـاة وكـذلك الفتـاة تميل للشـاب, وكل كلمـات الحـب التـي قالـوها مجـرد كلمـات تافهـة خرجـت من أفـواههـم وليـست من قلبـهم, وإن وعـد الشـاب الفتـاة بالـزواج فـ ذلك مجـرد وعـد ليحصـل الشـاب على ما يريـده, وإن كان بالفعـل صـادقـا فـعقله ما زال صغيـر ولم ينضـح بعـد,

اذكـر شـاب محتـرم يتحـدث مع فتـاة خلـوقة, وعنـدما أخبـر الشـاب خالـه العـزيز عليـه بـ تلك الفتـاة وحبـه لهـا, ضحـك خالـه وقـال بأنـك ما زلـت صغيـراً وعنـدما سـتكبـر سـ تضحك على ما فعلـته الآن !!

للأسـف هنـاك شبـاب محتـرمين ونيتـهم صافيـة ولكـنهم يتحـدثون مع الفتيـات
وهنـاك فتيـات محتـرمات ولكـنهن يتحـدثـن مع الشبـاب بحجـة أنـهم شـباب محتـرمين !!!

<img src="http://oasis.bindubai.com/emoticons/oo.gif" border=0>

صمـــت الــذئـــب
شــاكرة على موضـوعك الرائـع
وعلى أسلـوبك الجميـل في سـرد الموضـوع
ونتمنـى أن نـرى كل جـديد من مشــاركـاتك أخي الكـريم

<img src="http://oasis.bindubai.com/emoticons/smile.gif" border=0>

بنوته صغيرونه

01-09-04 ||, 11:34 AM

أغلب اللي ردوا فالموضوع يقولون مستحيل الشاب ياخذ وحده كان يرمسها
لكن انا اعرف وايد ناس خذوا بنات كانوا يرمسونهم و مرتاحين وياهم ،،
انا ماقول اني مع هالفكره
لكن هذا الواقع اللي اشوفه عند اغلب الشباب اللي عايشين بمحيطي ،،

الله يهدي الجميـــع
<img src="http://oasis.bindubai.com/emoticons/smile.gif" border=0>

صمت الذئب

01-09-04 ||, 11:43 AM

السلام عليكم ,,

وانا مع الاخت " بنوته صغيرونه " فالراي ..
ماشوف هالشي عيب ,, ان الواحد ياخذ وحده تعرّف عليها قبل لا يتزوجها ..
دام انها نظيفه وموثوق بها و هالاشيا راح يعرفها الا بعد فتره ..
****
صح كلامج اختي ,
وايد ناس سووها وعاشوا وهم مستانسين .. دام الحب والثقه والاحترام موجودين .. كل شي يهون .

العجيبة

01-09-04 ||, 08:09 PM

السلام عليكم

اشوف رايك يا اخوي الذئب ان الشباب ممكن يتزوجون
 بنت تحدثوا معها قبل الزواج سواء عن طريق الشات
 اولا وثم الماسنجر واخيا الهاتف ،وبما استمرت علاقتهم
شهور وسنين فهل نعتبر تأييدك محادثة الشاب والبنت
 بأنك تشجع اقامة مثل هذه العلاقات المحرمة
على اساس أنه النهاية هي الزواج
في مجتمعنا الاماراتي المحافظ على العادات والتقاليد ؟

سؤالي واضح واتمنى انك تجاوبني عليه

موضوعك الاول جدا جميل سواء من القضية او الاسلوب
اتمنى لك التوفيق وان شاء الله نشوف يديدك دوم <img src="http://oasis.bindubai.com/emoticons/smile.gif" border=0>

الماتادور

01-09-04 ||, 09:18 PM

احم احم

نعم اخوووووووووي ارضى

ليش لا

افضل وحده اتكون امكلمه غير على اني اخذ وحده اتكلم بعدي

اخوووي مب كل البنات الي رمسوا في التليفون خربانات

و مب كل الشباب يقولون ان اذا كلمتني بتكلم غيري

اصابع ايدك مب نفس الشي

الانسان مب معصوم عن الغلط

شي شباب يتعرفون عسب يلعبون

و شي شباب يتعرفون بداعي العلاقه الشريفه و هالشي موجود في وايد من شبابنا

و شي بنات يبون يلعبون و يضربون بطاايق <img src="http://oasis.bindubai.com/emoticons/fa47.gif" border=0> و شي بنات مسكينات على نياتهن و يبون الاستقرار و الستر

مب عيب انك اتغلط العيب انك تستمر في الغلط

وخير الخطاؤون التوابون

اذا بنيه يالها واحد من اهلها و ماسك وضيفه

يعني خلاص اتفر روحها عليه

اوكي فرضا اتزوجوا و عقب الزواج تضمن البنت ان الريال مابيخونها

اما اذا خذته عن حب و كل الطرق الي اتئدي الى الحب ذكرتهاتوك  مثل التليفون و و الحب صادق

اعطيك قرنتي ان ماينشرخ هالحب ولى بذرته خيانه

شو فاكرين ان الريال اذا عرف وحده و كلمت غيره يعني اذا ماخذها ريال

يوم انك تبا وحده عسب تاخذها

لاتلعب ويى الكل

اونه نضام الشباب هاليومين وحده الحرمه و الباجي ححق اللعب

وين عايشين

افعل كما شئت كما تدين تودا

لعوزت بنات الناس بس حط في مخك

عندك خوات و باجر بيكون عندك بنات و يمكن مرتك

مب جني طولت .... خذاني الحماس

انا اوؤيد هالشي و بشده

ان الزواج عن حب و بكفى الطرق التي تجمع بين الطرفين

زواج ناجح بكل المقاييس

بس قبل لاتزوجون فكروا

ترى الزواج مب لعبه<img src="http://oasis.bindubai.com/emoticons/down.gif" border=0>

صمت الذئب

01-09-04 ||, 11:44 PM

السلام عليكم ورحمه الله وبركاته ..
مرحبا اختي العجيبه ,, ومشكوره على تفاعلج مع الموضوع <img src="http://oasis.bindubai.com/emoticons/smile.gif" border="0" valign="absmiddle" alt=':)'>

بالنسبه لسؤالج .. انا اتكلّم عن الموضوع ككل .. مب قصدي اني اشجّع الشباب على هالعلاقات , انا اللي اقصده فالعلاقه نفسها , ((هل انهم يرضون
على عمارهم ياخذون بنات رمّسوهم على التيلفون ولا لا )) ..

 ولا تفهمين غلط , اني مثلا اشجّع الشباب على هالشي , هم روحهم متشجعين , من اللي يشوفونه واللي يسمعونه  ..

واذا تبين جوابي  ,,
لا , ما اشجّع الشباب على قيام هذه العلاقات ..
لكن اذا كانوا فعلاقه  ,, هل بيتزوجون اللي يكلمونهم  ؟ >>> ها قصدي .. ( اني اسالهم واستفسر, هل بياخذونهم ولا لا .)
وبس ..

انشالله اكون جاوبت سؤالج,,
مع تحياتي ,<img src="http://oasis.bindubai.com/emoticons/fa33.gif" border=0>
صمت الذئب .

دمعة شوق

02-09-04 ||, 02:01 AM

أحجــز لي مكان ولي عوده
ان شاءالله

...

والموضوع يستاهل النقاش لأن كثرت العلاقات في
هالــزمن <img src="http://oasis.bindubai.com/emoticons/down.gif" border=0>

...

دموع قلم

02-09-04 ||, 03:54 AM

المــاتـادور
مرحبــابك أخـي الكـريم في الواحة المفتـوحـة,,
وسـ أدخل في صلـب الموضـوع

<IMG src="http://oasis.bindubai.com/emoticons/smile.gif" border=0>

عـلاقــات شـريفة بالتلفـون .. ؟!
لا أعتقـد في هـذا الزمـن توجـد تـلك النـوايا الحسنـة .. !!

صحيـح أننـا جميعنا نـخطئ وخيـر الخطائييـن التـوابيـن, وكما قلـت أصـابع إيـديك مش نفـس الشـيء, ومن الجميـل أن الإنسـان يعيـش في الحـب ويتـزوج من يحـب, ولكـن ليـس بطريقـة يغضـب الله تعـالى, فـماذا لا نعيـش في الحـب ولكـن بعـد الزواج؟! لا أظـن هـذاالأمـر مستحيــل, والشـاب الذي نيتـه حسنـة ويريـد فعلا الزواج من الفتـاة يدخـل من البـاب ( ومش من الدريشـة ) ويتحـدث مع الفتـاة تالـي الليـل, أليـس هـذه خيـانة؟!

وإن كنـت تـوافق على الحب مـا قبـل الزواج, وعلاقـات شـريفة بالتلفـون
إذا,, هـل سـترضـى إن كانـت أختـك تتحـدث مع شـاب بنيـة الزواج .. ؟!
هـل سـ تسمـح لـذلك الشـاب بـتكويـن علاقـة في التلفـون مع أختـك .. ؟!
تـذكر إنـك طرحت حـديث الرسـول صلـى الله عليه وسلـم:  ( كمــا تـدين تـــدان )

<IMG src="http://oasis.bindubai.com/emoticons/smile.gif" border=0>

مجـــرد اختـلاف في الرأي
وذلك لا يفسـد في الـود قضيــة,,
ننتـظر مشـاركـاتك ومـواضيـعك في هـذه الواحة, فلا تحرمنـا

<IMG src="http://oasis.bindubai.com/emoticons/smile.gif" border=0>

الحلووه

02-09-04 ||, 11:08 AM

والله انا اعرف واحد خذ وحده كان يرمسها قبل وهوو ماكان يرمسها من زمان
هوو صح كان يحبها وهيه تحبه بس ماكانوا يكلمون بعض من يوم هم صغار
يوم كبر هوو واشتغل وهيه خلصت دراستها من الكليه بعدين رمسوا بعض
وعقب فتره انخطبوا اظني هذا مافيه شي ...

وبعدين انا ويا اللي ياخذون بعض وهم عن حب مب ايسير ياخذ وحده مايعرفها
ولا هيه تعرفه لازم يكون من بينهم شي من قبل ..

والله هذا رايي انا والسموحه ..,,

أحلى منصوري

02-09-04 ||, 03:57 PM

قد يكون لموضوع كاتبنا المبدع ( صدى الونه ) وخاصه في أولى فقرات موضوعه القيّــم صله بهذا الموضوع ,,
تفضلوا معــي .. <A target=_blank href="http://oasis.bindubai.com/cgi-bin/oasis.cgi?act=ST;f=23;t=6219">راهــــب ٌ في صــومـعـتـه ِ 000 </A>

والمعذرة ,,

أخــــوكم
أحلى منصوري

الدلووووعة

02-09-04 ||, 06:29 PM

مشكور اخويه على الموضوع
ولي عودة في اقرب وقت ان شاء الله
والسموحة

الماتادور

02-09-04 ||, 08:10 PM

وإن كنـت تـوافق على الحب مـا قبـل الزواج, وعلاقـات شـريفة بالتلفـون
إذا,, هـل سـترضـى إن كانـت أختـك تتحـدث مع شـاب بنيـة الزواج .. ؟!
هـل سـ تسمـح لـذلك الشـاب بـتكويـن علاقـة في التلفـون مع أختـك .. ؟!

صدقيني اختي

هالشي موجوووووووووووود في كل الشباب

يرضون انهم يكلمون و مايرضون ان حد يكلم خواتهم

اما عني انا <img src="http://oasis.bindubai.com/emoticons/laugh.gif" border=0> فماروم اجاوبج لان ماعندي خوات

ولاتقولين افترض لاني انا جي عايش بدون خوات

اقول اتقولين الحب حلو بس مب بهاي الطريقه

مب بالتليفون ولى المسنجر

عيل كيف ايحبها نفس ايام قبل

فوق الصطوح ولى عند الدكاكين

واخر شي يواعدها على السيكل و في سكة الخيل

هذي عادات بلادنا !!!!!

حتا على ايام الفقر جي سوالفهم  <img src="http://oasis.bindubai.com/emoticons/fa42.gif" border=0>

ماتقدرين تنكرين

لان شيابنا يخبرونا سوالف قبل

..................

شو هالزواج

الواحد يرطبت ويى وحده و مايعرفون اي شي عن بعض

و اخر شي ماشي تفاهم

الواحد مايدخل من الباب

ليش كل الشباب الي يحبون

عندهم بيزات و يداومون

لا

كيف يخطب

....................

انا افضل الواحد ياخذ مغربيه عن حب ولى ياخذ وحده عن طريق المعارف

من السوالف الي نسمعها

الواحد يخاف ياخذ وحده مايعرفها و مب واثق فيها

و لي عودة

الدلووووعة

02-09-04 ||, 08:42 PM

رجعت
اللي امايد ها النوع
اذا انت ترضى انك اترمس وحدة مثل ما تقول عادي تتزوجها
 اوكي بترضى ان اختك جي اتسوي اكيد ما بترضى يعني يعني
 شرات نك ما بترضى اختك اتكون جي بعد لا ترضى على بنات الناس
والسموحة

نبضة قلب

02-09-04 ||, 08:58 PM

1-  ما درجه وثوقك بكلامه ؟؟

صفر.. ما أثق بكلامه أبدا..

في هالوقت صارت العلاقات بين الشباب و البنات شي عادي مثل العلاقات بين البنت و صديقتها " للأسف " و مثل ما ذكرت اخوي السبب هو سهولة الحصول على أرقام خاصة مع عدم وجود رقابه،، و ترك الحبل على الغارب..
طبعا السن يلعب دور كبير ..و الفراغ ايضا.. و انا " كوني أم " اعتبر انه هذه مشكلة يجب أن يتداركها " الأهل " قبل الأبناء.. ولا يقع اللوم هنا على الأبناء بقدر ما تقع على الأهل و تربيتهم.. و غيابهم عن حياة ابنائهم..

2- هل تعرفين عنه كل شي ( ان وعدك بالزواج )؟؟

الوعد بالزواج ليس كافيا ابدا لبناء الثقة بين الطرفين.. ان هو يحبني كما يقول فسيأتي من الباب مباشره.. و سيعمل المستحيل كي يثبت حسن نيته..

3- هل تعرفين ابن من هو ؟؟ ومن هن خواته ؟؟ ومن  اي عائله واي قبيله ؟؟

وهذه نقطه اخرى،، قد تكون معرفة هذه الأمور لبعض الفتيات كافيه كي يثبت الشاب حسن نيته " حسب قوله " و البنت تشعر بأنه اثبت حبه  و " خلاص ما فيه داعي لزياده "

و هنا أقول للأخوات انه معظم الشباب لا يهمهم ابدا كشف اوراقهم لأنهم في النهاية يعرفون انهم " لن يحاسبوا " و لن  "تشوه سمعتهم "

من جانب آخر...

قد يكون هذا النوع من التعارف بداية لعلاقة صريحه و صادقة من الطرفين.. "و هذا طبعا نادرا جدا و يحتاج لصفاء نية من الطرفين والتي قد يكون مستحيل وجودها "

لذلك و باختصار.. يجب علينا غلق منافذ الشيطان.. و كلما كان الانسان طيب النيه كلما رزقه الله الخير في الدنيا  و الآخره.. و المنتديات أو الأنترنت بوجه عام وضع للفائدة و ليس للاستغاله في ايذاء الناس..

شكرا على هذا الموضوع.. و اتمنى ان تعم فائده على الجميع..

نبضة قلب

02-09-04 ||, 09:23 PM

أخي الماتادور ..

كلامك منطقي جدا.. صحيح الـرجل هذه الأيام يبحث عن امرأة " يعرفها " حتى لا " تطيح في جبده " بعد الـزواج.. و هذا من حقه طبعا..

لكن هذا الموضوع يحتاج لنية حسنة.. و نحن نقول للفتاه ما هي الاثباتات التي تجعلك تثقين بالشاب؟؟؟

أليس امامنا الكثير من النماذج لفتيات تحطمت سمعتهن؟؟

أليس أمامنا مئات و آلاف الشباب العابثين بقلوب الفتيات تحت ستار الزواج؟؟؟

و بعد كل هذه المشاكل و كل هذه الامور لا اعتقد انه يمكن للفتاة ان تثق به...

الحب موجود.. و كان موجودا.. و ما زال.. و سيبقى.. لكن للأسف معناه الحقيقي غير معروف ..

و هنا اذكر حديث للرسول - ص -  "حديث ابن عباس أنه "لم ير للمتحابين مثل النكاح" أي مثل الزواج، ولذلك.. جماعة شكوا للنبي -صلى الله عليه وسلم- وقالوا: ابنتنا عندنا ابنة تقدم لها اثنان رجل معسر ولكنه شاب ورجل موسر ولكنه شيخ، وابنتنا تهوى الموسر.. البنت تهوى الشاب وإن كان معسراً، وإنما شبابه يعني.. فالنبي -صلى الله عليه وسلم -قال لهم: (لم ير للمتحابين- يعني لا علاج للمتحابين إلا أن يقترنا بهذا العقد الشرعي الزواج- لم ير للمتحابين مثل النكاح. مثل الزواج ومثل هذا الرباط المقدس"

و هذا دليل على ان الحب عاطفة انسانية يقدرها الاسلام و يحترمها و يظللها بالزواج كي يحميها من الأخطاء..

و لكن للأسف الفهم الخاطئ لهذه العاطفة الشريفه..و استغلالها في ارضاء الرغبات هي ما اوصلت الثقة بين الشباب والفتيات إلى الصفر..

صمت الذئب

03-09-04 ||, 01:11 AM

يا جماعه ,,

 ( البنات مب كلهن سوا )  ,,
( والشباب مب كلهم سوا ) ,,

حطوا هالشي فبالكم .

ملاك الليل

05-09-04 ||, 01:03 AM

مرحبا فيك اخوي صمت الذئب يعطيك ربي الف عافية
على هالزين ذا كله ربي يوفقك ويخليك يارب

ولي تعليق  على اسئلتك

1-  ما درجه وثوقك بكلامه ؟؟

طبعا هذه الحالة لاتنال رضائي ابدا ولا احبذ هذا النوع من العلاقات
لان من وجهة نظري مافي احلى ولا اجمل من الحب اللي يتكون بعد الزواج
لان دعائمه اقوى واكثر ثبات من الحب اللي قبل الزواج


2- هل تعرفين عنه كل شي ( ان وعدك بالزواج )؟؟....

طبعا ماراح يخبرها بكل شي لانه راح يظهر لها الزين من صفاته اما الشين
فراح يوريها بعد الزواج هذا اذا تعب نفسه وخطبها <img src="http://oasis.bindubai.com/emoticons/rock.gif" border=0>


- هل تعرفين ابن من هو ؟؟ ومن هن خواته ؟؟ ومن  اي عائله واي قبيله ؟؟

ناس تقول الصدق وناس تكذب بس طبعا ماراح يعطيها حياته على بساط من ذهب

ومهما كان يقول الحق فراح يكذب ازمان وازمان

يحفظك ربي اخوي الكريم بس صراحة ناس وايد يكلمون اولاد عالتليفون
ويظلون سنوات مع بعض وطبعا اذا جا وبغى يتزوج فماراح يختارها
ولا حتى في الاحلام لانه بيحط في باله اليوم كلمتني بكرة تكلم عشرة غيري
وهذا هو الوضع القائم في مجتمعنا فليش تعطين هالولد
او ذاك فرصة عشان يجرح فيج ويعتبرج اداة سهلة للاصطياد

حفظنا الله واياكم من كل سوء
ودمت اخي الكريم متميزا

مــــــــ حزن القصيد ــــــــلوكة

أتمنى

05-09-04 ||, 05:47 AM

مســـــاكم الله بالنور و السرور

:: صمت الذئب ::

الله يعطيك ألف عافية اخوي على الموضوع الجميل <img src="http://oasis.bindubai.com/emoticons/smile.gif" border="0" valign="absmiddle" alt=':)'>

برأيي أن الانسان هو من يضع الحدود لكل شيء في حياته

ما أعتقد اني راح أعطي انسان فرصة انه يتكلم معي بذاك الاسلوب عشان أصدقه أو أكذبه !!

و الموضوع قبل ما يكون موضوع اني عملت حاجة غلط في حق نفسي

أو ديني أو أو ......

الموضوع موضوع ثــــــقــــــة ... يعني أهلي أعطوني ثقة كبيرة

كيف أستطيع خيانة تلك الثقة من أجل هذا أو ذاك !

و بصراحة اللي نشوفه هذا الوقت ان الولد هو اللي يحب بصدق

و يتكلم بصراحه و البنت هي اللي تلعب و تكذب !

الله يستر على المؤمنين جميعاً .. لا عدمنا مواضيعك يا اخوي <img src="http://oasis.bindubai.com/emoticons/smile.gif" border="0" valign="absmiddle" alt=':)'>

المعذرة

القلب المحتاس

05-09-04 ||, 07:33 AM

مرحبا..
انا ريماني مش القلب المحتاس
بس نك نيمي ما دخلني من غيرته ماعرف ليش<IMG src="http://oasis.bindubai.com/emoticons/sad.gif" border=0>

المهم

برمس عن الحب بشكل عام وبعدين عن سؤالك

الحــب أطهر عن جذه..الحب ان الحبيب يخاف على حبيبته حتى من نفسه
يخاف عليها تطيح بشي حرام .. يعني يوم انه بيرمسها ..
هذا بحد ذاته حرام .. فـ هو يخاف عليها انها تسوي جذه
يمكن مايصبر عنها..بيرمسها .. بس يحاول انه ما يتعمق وياها وايد
أو .. يسألها عن أخبارها وجي وبس !
والباجي بيخليه حق عقب الزواج
اوكي .. ما قلنا الحب حرام .. حبوا ..
بس الحب ارتبط الحين بــ :
مواعد .. شوفة .. رمسة تيلفون .. طلعات !!!
الحب :
طاهر عفيف ..
الحبايب يحبون بعض .. بس بعــاد بالمسافة..جرايب بالقلـوب
ليما يصير بينهم شي حــلال !
حزتهــا .. يرمسها كثر مايبي
لو تلاحظوون ان معظم العلاقـــات هاليومين .. ماتنتهي بزواج!
ليش؟
لان كلهم يطيحون بالحرام .. والله مايعين عبده العاصي !
لكن لو كانوا صابرين على البعد .. وجريبين من ربهم .. دايما يدعونه انه يجمع من بينهم في
الدنيا والاخرة
أكيد اهنه الله بيازيهم بالشي اللي يبونه بإذنه ان شالله !!
في الحب ..
الطرفين .. يبعدون عن ربهم وكل واحد منهم يفكر بالثاني؟
ليش يوم تحب ماتاخذ الحب دافع في حياتك؟
يعني .. يكون هدفك *حبيبك*
تنجح في حياتك على شان تكون كبير في عيونه !
تتجرب من ربك .. على شان .. يستجيب لدعائك ويجمعك مع حبيبك في الدنيا
وان شالله في الجنة في الاخرة !!

\\\\\

بالنسبة لســؤالك
اوكي .. هاي يوم حبت هالانسان؟
وكلمته عـ االتيلفون .. وين تعرف تحب؟
وين حبها .. لأمها .. لأبوها .. لأهلها؟
لو كانت تحبهم صدق جان ما سوت هالشي اللي تعرفون نتايجه لو عرفوه الأهل!
جان ما خانت ثقتهم ..
اوكي هي تقول احبه وماراح أخونه أبد
عيل كانت تحب أهلها ليش خانتهم؟؟
صح مرات الواحد ينجبر على شي .. موبيده لو مشاعره اتعلقت في انسان
بس يقــدر .. لو يبــا .. وكل شي بالتدريج
بالنسبة لي أشووف وايد بنااات .. يحبن
ويعطوني وايد مواقف خلتهم يوثقون بهالأنســان
ويعرفون انهم يسوون شي غلط .. بس مايقدرون يصلحون الغلط !!
لانهم متمسكين بقلوبهم!!
بس يحاولون انهم ما يكبرون هالغلط أكثر من اللازم
\\ \\
بالنسبة لي أنا ..
اممم عن طريق التيلفون ؟!
أويه  . بدينا بالفضايح<IMG src="http://oasis.bindubai.com/emoticons/biggrin.gif" border=0>
اممم بقول وجهة نظــري .. بالنسبة لهاليومين ..
اذا أنا كلمت هالانسان .. وسبحان الله يعني كانت لحظة طيش
وتطورت .. وماشفت منه أي شي يضرني أبد
وكل شي يصير يثبت لي انه قد الثقة .. وحبه صادق
ومحافظ على صلاته .. واخلاقه اوكي ويا الناس
شو يمنع؟
للعلم .. بعطيه ثقتي .. بس مب كلها .. لازم اخذ حذري مهما كنت واثقه منه!
لانه .. يمكن .. بخبثه قدر يثبت لي هالحب .. فـ لازم أكون حذره شوي..
واذا كان مب صادق ..المخفي يبان مع الأيام..
واذا كان صادق .. أكيد الثقة .. بتكبر من بينا مع الأيام .. بس لازم اخلي لها حدود
طبعا.. بحاول اني ماتعلق فيه وايد لاني مادري شوبيصير باجر!!
يعني .. شو الاخبار؟ .. شو العلوم ؟ .. شو الدنيا؟..شو مفرحنك؟.. شو مظايجنك؟
ما بدخــل بمواضيع ممكن انها تدخلنا بأشيا حرام!
بحاول اني دايما أكون كبيرة في عيونه
واذا شفته هو بعد يبي ينال رضاي
ما اعتقد اني برفض!!
وطبعا ما بتم أرمسه 10 سنين على أمل انه ايي ويطلبني من أهلي
اذا انه يباني صدق .. ما بيبطي ..وأول ما تسمح الظروف بيرمس أهلي
لكن لو شفت انه يحاول يتجنب هالموضوع . بعاند أحاسيسي حتى لو اني ميته فيه
واحد مثل هذا ما يستاهل مني حتى يسمع نصخي .. مب صوتي وبس<IMG src="http://oasis.bindubai.com/emoticons/mad.gif" border=0>
بس طبعا .. انا مابي اجرب هالشي . لاني يمكن من نصيب حد ثاني غير هالانسان
فـ شو ذنب اللي بياخذني اذا انا عطيت احاسيسي حق انسان قبله؟
انا بروحي .. بندم على هالشي..لكن لو صار ما باليد حيله .وبحاول
اني اعطي الانسان اللي بكمل عمري وياه .. من الحب قد ماقدر..
ماعندي رمسة أكثر عن جي .. يمكن ظهرت عن سؤالك شوي .. بس حبيت ارمس في هالموضوع

يمكن في حد بيقول هاي حركات وأكيد مجربة وجي
بس انتوا طلبتوا راينا وعطيناكم !!
وانا احس اني بكون جذه .. في موقف مثل هذا..

وانتــوا ..الحينه تكتبون ردكم بعقولكم ..بس سبحان الله يمكن يصير شي
ماتعرفون شو مكتوب لكم وعليكم .. والكل يغلط ..
حزتها يمكن تتصرفون تصرف غير اللي ذكرتوه
لان احاسيسكم بتتعلق أكثر بقلوبكم مب عقولكم
ما أقول هالرمسة أكيد..بس لو تلاحظون وايد مواقف جي..

والسموحة .. طولت وايد<IMG src="http://oasis.bindubai.com/emoticons/smile.gif" border=0>
ريمــاني
مب القلب المحتاس<IMG src="http://oasis.bindubai.com/emoticons/mad.gif" border=0>

ولد الشحوح

05-09-04 ||, 07:53 AM

<img src="http://oasis.bindubai.com/emoticons/fa33.gif" border=0>السلام عليكم ورحمة الله وبركاته <img src="http://oasis.bindubai.com/emoticons/fa33.gif" border=0>
صراحة ريماني كفت ووفت

وانا اقووول
اذا كان بينهم حب صادق وهم عارفين ها
فأنا لا أمانع إنهم يرمسون بعض ولكن بحدود

ولكن إذا كان أحدهم شاك مجرد شك فيكون
حذر .... ويحاول يبتعد شوي شوي لين
يبين و يوضح كل شي

بالنسب للأسئلة 
 1- هل ترضى على عمرك تاخذ وحده كلّمتها مره بالموبايل ؟؟
هي إذا كنت أحبها وعارف انها تحبني 

 كيف راح تكون هي بنظرك اول ما توصّلها للموبايل بعد (عدّه محاولات) ؟؟؟
والله ما أعتقد اني بنظر لها نظرة سيئة وانا عارف انها تحبني
اما اذا كانت ما تحبني بهاي الحالة نظرتي بتكون على حسب شخيصة وأخلاقها

 هل ستكون ,, الكريمه الشريفه الطاهره ؟ ام انها ( بتطيح من عينك )؟؟؟
طبعا بتكون الشريفة الطاهرة
أما اذا كانت ترمس غيري قبل فأخيرها بيني وبينهم وكل إنسان له زلات

صمت الذئب مشكووور على موضوعك

<img src="http://oasis.bindubai.com/emoticons/fa56.gif" border=0>ولد الشحوح<img src="http://oasis.bindubai.com/emoticons/fa56.gif" border=0>

أحلى منصوري

05-09-04 ||, 09:06 AM

والله إنتوا فنانين ياللي بتاخذون وحده كنتوا اترمسونها بالتلفون ،،
ذكرتوني بأوروبـــا <img src="http://oasis.bindubai.com/emoticons/fa55.gif" border=0>

دام البنت خانت أمانــة أهلها بتخون الكل هب بس اللي اونها اتحبــه بالتلفون .. فتحوا عقولكم وفكروا ,,
ركزا معايــه .. اللي يسرق تفاحــة يسرق شجرة التفاح بكبرها كله شرات بعض ..
واللي خانت أهلها بتخون ريل المستقبــل ..

والسموحه

أنــا
أخــوكم

صمت الذئب

05-09-04 ||, 09:20 AM

عدنا من جديد <img src="http://oasis.bindubai.com/emoticons/fa33.gif" border=0>
******

مشالله الجماعه ما خلّوا شي ما قالوه , وشفنا التناقظ الكبير بين اراء الاعضاء ,, يعني منهم حبّذ الفكره على اساس انه حب صادق وان الثقه هي اساس
كل شي ,, و اذا ماكانت الثقه موجوده فالحب مش موجود اصلا ,,
وكل واحد الحينه وقال رايه ,, هذا وهو مش فالموقف ,,

 فا كيف بيكون الراي في هالموضوع اذا هم  نفسهم كانوا في العلاقه ؟؟ هل ممكن ان تحكمهم قلوبهم؟؟
ام تكون ارادتهم قويه ويحكمهم عقلهم  ؟؟

يعني باختصار شديد : 
- ساعات التفكير يتغيّر بكبره اذا هم اللي كانوا فالموقف ..
الحين ممكن نقول ان هذا مب زين , وهذا حرام وكذا ,, بس ساعتها العاطفه راح اتكون في اقصى مراحلها ..
واتذكرّوا ان العاطفه ما نقدر نتحكّم فيها .. وانها تغطّي شي اسمه " عقل " في بعض من الاحيان ..

- الرغبه تظل موجوده في كل شخص وهذا شي غريزي ,, بس الفرق بين حد والثاني هو قوّه الاراده والعقل ..

وجذبني فالحقيقه رد الاخت " ريماني " ..
بكل صراحه اعجبتني صراحتج الشديده ,, ولا تخافين انّا نظن بشي ولا شيّات ( ان بعض الظن اثم )
بس في نفس الوقت احب اسال ,,
 - وين سارت ثقه الاهل ؟؟ هل لها مكانه فقلبج ؟؟
- يعني السوال موجّه للاخت " ريماني " .. معقوله تخنونين اهلج بسبب عاطفه تجاه شخص لا تثقين به كل الوثوق ؟؟
*******
ومشكورين جماعه على التفاعل ,,
 صمت الذئب .<img src="http://oasis.bindubai.com/emoticons/fa33.gif" border=0>

دلوعه ماما

05-09-04 ||, 11:06 AM

بالنسبه للاسئلتك الموجهه للبنات
شو هي درجة وثوقج فيه؟؟
اكيييد ما شي وثوق لانه اكيييد يخرط عليها
هل تعرفين عنه كل شي ان وعدك بالزواج؟؟؟
اكيييد لا .. بس يرسم لها احلام ورديه عسب تستمر وياه<img src="http://oasis.bindubai.com/emoticons/inlove.gif" border=0>

مشكووور اخوي على الموضوع الشيق
بالنسبة لي اشوف الشباب اليوم يلعبون بعواطف البنات مب كلهم.. غالبا اتحصل واحد رمس وحده ع التلفون
وخذها واذا خذها حياتهم بتكون فاشله لانه اكيييد بيشك فيها انها اذا رمسته اكييد بترمس واحد غيره
وبعدين ليش البنت اصلا اترمس ؟؟؟ شو الهدف يعني ؟؟ <img src="http://oasis.bindubai.com/emoticons/fa40.gif" border=0>

ورديّـه

05-09-04 ||, 09:41 PM

تسلم اخوي صمت الذئب ع الموضـوع .. ومابا أجاوب بكلمة وانتهى ومع السلامة
عسب ما اقلل بقدر السالفة ، وفايدة موضوعك ^ بس شكلي بتبهدل <IMG src="http://oasis.bindubai.com/emoticons/biggrin.gif" border=0><IMG src="http://oasis.bindubai.com/emoticons/fa46.gif" border=0>

#

الحب مب كلام وتيلفون وطلعات ومصاخة الخ ..... وليس لدرجة نعت البعض له الحين بـ ( عيب وحرام !! )
الحب احساس عالي لا يصح لأي شخص ولا يعطى سوا لشخص .. طريقها هب ( سماعة وخط ) الحب من القلب للقلب فقط ..

واللي يقول ما في حب قبل الزواج وبحب عقب الزواج بس ( ممم حتى كلام هب منطقي! ) ،
وين رحت عن كلام الرسول الكريم صلى الله عليه وسلم بمعنـاه ( ما رأيت للمحبين أحسن من الزواج )
--- فهي عاطفة جميلة راقية فوق الكلمات يتوجها الزواج

الحب كاحساس يحكم فيه القـلب <IMG src="http://oasis.bindubai.com/emoticons/fa41.gif" border=0> > وأحياناً لدرجة عدم الادراك صحة فعل أو خطأه
كذلك يحكم فيه الغريزة وها شي طبيعي بس الله عطانا عقـل غير عن باقي المخلوقـات الحمدالله .. ولو حد حب صدق بيحترم حبيبه
وبيخاف عليه أول وتالي ومستحيل يأذيه، أما اللي بيلعب!  يعرف أصول اللعب كيف

/

شباب يرمسون فاليوم أو على دفعات < فوق العشر بنات > قصدي 15 <IMG src="http://oasis.bindubai.com/emoticons/fa40.gif" border=0>  لا زيادة  <IMG src="http://oasis.bindubai.com/emoticons/fa55.gif" border=0> ،
عقب يقولون funny thing actually > اللي سوتها مرة تسويها ألف مرة والله كلام منطقي يناسبك ، ويقرر عقب ما لعب وخلّص قـرار رجولي :
( بـاااخذ وحدة ما تعرف هالسوالف ) < وينسى ما قيل > ( كما تديــن تــدان ) .. ومهما رحت وييت بيـرد لبيتك
وناسك وهلك وليس بـ عبث . شخص ضعيـف الشخصية ينقصك الرقي فحياتك ومعاني الرجولة، والخبيثين للخبيثات .

 بنت لقت ضربة قوية من حبها الأول ، عقب < خذتها هواية ومهنة الحبيبة <IMG src="http://oasis.bindubai.com/emoticons/rock.gif" border=0> > تحب مع كل بطاقة ( ثلاث أو اربع شباب )
وتغيرهم كل فترة ، بس القائمة الجديمة موجودة ( احتيـاط! ) وعقب < ما تشفي غليلها وذكرى حبها الأول > فيهم ، تحول لحد ثاني
الله يعينج قلبج مريـييض وروحج فقيـرة جداً لوايد أشيا ،  تافهة يا تافهة  ..   والخبيثين للخبيثات .

\

والحب كان موجود وموجـود وبيبقى موجود ، بس هب شرات أول وعفويتهم البسيطة كـ بساطة حياتهم وقلوبهم
شيّـابنا اللي هم ( شباب  لأول ) + شباب من عمر اخوانا الكبار احم فالثلاثين  <IMG src="http://oasis.bindubai.com/emoticons/biggrin.gif" border=0> وياما تحت السواها ...  ( فترة نقية جداً )

وهم 'وقولها عن دراية ووعي' غير عن شباب هاليوميـن ،
أول يخاف ع سمعتها ، لحد يعرف عنهم شي ويرمسون عليها لأنه يحبها وحاط فباله يباها وبـ يتزوجها
الحيـن سوالف البنية كلها عند الشباب  ولو فيه صورة بيكون لج جزيل الشكـر! والبنت على أولها: أوكيـه!
وانا اقصد الفئة اللّعابـة بس

^

فـ على هالأساس المؤسف الواقعي جداً
ونتيجة لقصص  مختلفة الفصول حضرت أحداثها ع لسان أبطالها
واللي على كثرتها  < ولا وحدة نجحت >   بدون مبالغة وتضخيم
واعتبروه راي شخصي خذوا به أو اتركوه

.
.

قبل لا يفكر الريال هاي البنية تصلح لي ولا لا  ..  أنا ما بوافق أرمسـه أصلن .
لأني ما برخص عمـري واكسر ثقة نفسي ( بقدر نفسي ) لتسلية شخص واتريا قرار مستقبلي من واحد هب راعي قرار

واللي يحب صـدق ما بيتريا سنة ولا سنتين ( بفكر / المشكلة أهلي ..../ بكون نفسي / ممم خاطبين لي بنت عمي شو الحل؟! ) الخ م الحجج <IMG alt="<smilie>" src="http://smilies.sofrayt.com/%5e/k/eyebrow.gif">، فـ من أول نظرة <IMG src="http://oasis.bindubai.com/emoticons/love.gif" border=0> ودقة قلب <IMG src="http://oasis.bindubai.com/emoticons/fa41.gif" border=0> أصلاً بيعـرف وتعـرف <IMG src="http://oasis.bindubai.com/emoticons/fa36.gif" border=0> والحب الصادق هو العفيف والحياء م الحبيب وليس العكس ، ولأنّه كذلك بيدق الباب سـيده وبيطلبهـا بالحلال وما في أحلى عنه < ولا يقـوول أبا اعرفها واتعرف عليها ووو > أظن فترة الخطوبة موجودة   وإلاّ   كان غيرك أشطـر

..

فالزمن تغيّـر بناسه ، وتغيـرت معه الكثير م المعاييـر .. اللي اتصفت بكثيـر من الجمال والنقاء سابقاً
بس أعرف somewhere  شي أساس للحب والمحبين ( وما اسميهم شواذ عن القاعدة فهم الأساس ) <img src="http://oasis.bindubai.com/emoticons/smile.gif" border="0" valign="absmiddle" alt=':)'>
وها رايي صراحه والسمـوحه ع الاطالة

بتوقيع أختكم شيطونه

القلب المحتاس

06-09-04 ||, 02:51 AM

رجعت <img src="http://oasis.bindubai.com/emoticons/cool.gif" border=0>

ولد الشحوح .. شكرا .. جان استانس<img src="http://oasis.bindubai.com/emoticons/blush.gif" border=0>

صمت الذئب 
 وين سارت ثقه الاهل ؟؟ هل لها مكانه فقلبج ؟؟
- يعني السوال موجّه للاخت " ريماني " .. معقوله تخنونين اهلج بسبب عاطفه تجاه شخص لا تثقين به كل الوثوق ؟؟

بالنسبة لســؤالك .. لو تلاحظ أنا ذكرت لك
يمكن الواحد يطيح في لحظة طيش وبعدين تطــورت.. مهما قلنا مابنسوي
وبنتجنب هالأشيـاء..نحن مانعرف حزتها شو بيصير ؟
المهم .. الحمدلله ربي عطاني عقل .. واعرف افكر واتصرف
انا ما أتخقق أو شي جي..بس وااايدين قالولي عقلج أكبر من سنج <img src="http://oasis.bindubai.com/emoticons/smile.gif" border=0>>كبرت أنا.ثاني علمي<img src="http://oasis.bindubai.com/emoticons/cool.gif" border=0>
ودامني أعرف أفكر .. واحسب حساب كل شي
مابكشخ بهالعقل وبس .. لازم أستغل هالشي ..
ولو صــارلي هالشي .. من عقب لحظة طيش .. وحسيت بنبضه يديدة بين نبضات قلبي
مابفشي عن حبي .. إلا عقب ما تكون عندي أقل شي نسبة 97% ثقة فيه !!
وطبعــا .. دامني أفكر في أهلي .. اللي مابخلوا علي بشي
ووفرولي كل اللي خاطري فيه .. ليش أنا أيازيهم بهالشي؟
أكيد .. قلبي بيعورني على اللي أنا أسويه .. وحزتها مابقول والله انا غلطت وبسكت !
لأ .. لازم أحاول اني اصلح هالغلطة .. ليش ما أحـاول أخفف وصالي به؟
بيلس بتفاهم ويا هالشخــص عن وجهة نظــري .. واذا كان يحبني
مافي شي يخليه يعــارض شي لمصلحتي .. وممكن يكون لمصلحته ؟!
وما أعتقد يكــون غلط .. من وجهة نظر أي انسان يعرف الصح من الغلط!
وبتم أحبه ويحبني..أوفي ويوفي .. بس ونحن بعــاد

لو نفكر فيها .. نشوف ان هالشي لمصلحتنا مب بس من ناحية أهلنا..من ناحية نفسيتنا
يعني تخيل انته تحب هالانسان وتطول عشرتك وياه .. واخرشي مافي من بينكم نصيب؟
الظيج أهون اليوم من باجر ..شو بتسوي بعمرك حزتها؟ .. يبالك وايد ليما تفج ظيجك

واذا كان صدق يحبني .. بييــني يوم بتسمح الظروف..
اذا كان في شي يعيقه .. دراستي..دراسته .. اممم أو انه توه يدور شغل !
يعني باختصــار..اذا غلطت هالغلطة .. بصلحهــا وما بستمر عليهـا
مش معناته اني ما راح أحبه وبحاول أنســاه . لأ. بنتباعد لمصلحتنا أكيد .
واذا الله مقدر يجمعنا .. الحمدلله..
واذا انه مش مقدر .. "عسى أن تكرهوا شيئا وهو خير لكم" ..
بس ما بقضي عمري وأنــا أتريااااه .. كل شي وله حــدود وله آخــر ..
واذا كان يحبني ماعتقد يبطي سنين وسنين .. أقل شي بيحاول يخلي رمسة بينه وبين الأهل
واذا أبطــى .. ترى واضحة السالفة .. وربي بيراويه<img src="http://oasis.bindubai.com/emoticons/mad.gif" border=0>

+!!+!!+!!+

ان شالله يكون جوابي .. شافي لســؤالك .. رمست وايد ويمكن مب ميمعه عدل
لاني من شوي واعية .. وتعرف الحالة كيف<img src="http://oasis.bindubai.com/emoticons/biggrin.gif" border=0>
واذا في أي ملاحظة أو اعتراض على رمستي ..أتريا ردك عليها
والسموحة عـ الإطالة ..>احب النقاشات عسب جي محد يروم يسكتني <img src="http://oasis.bindubai.com/emoticons/biggrin.gif" border=0>
<img src="http://oasis.bindubai.com/emoticons/smile.gif" border=0>

صمت الذئب

06-09-04 ||, 04:49 AM

وعليكم السلام ,,
لا اختي   ريماني ",, ما عندي اي تعليق على جوابج , وخاصه ان الموضوع آراء ..
وكل واحد ورايه ..

**

تحياتي,<img src="http://oasis.bindubai.com/emoticons/fa33.gif" border=0>
صمت الذئب

العيناويه

08-09-04 ||, 02:29 AM

السلام عليكم والرحمة
شحالهم عرب زايد
اجوف الموضوع مشتل ما شاء الله <img src="http://oasis.bindubai.com/emoticons/fa34.gif" border=0>
تسلم اخويه الكريم ع الموضوع الرائع
وحلووووو ان الواحد يكون صريح ولا يلف ويدور
في ناس يرمسون ويقولون والله ما نرضى بهالشي وهم بروحهم يسووونه <img src="http://oasis.bindubai.com/emoticons/fa36.gif" border=0>
انا عندي سؤاااااااااال
بس قبل لا اسأل انا لا ويا هالشي ولا ويا غيره
يعني لا اقبل ولا ارفض <img src="http://oasis.bindubai.com/emoticons/fa30.gif" border=0>
السؤااااال يقووووووووووووووووول ؟؟
يوم الواحد يقول الي تكلمني تكلم غيري .. ربكم الي ياخذها تكون اخس من الي يرمسها يمكن الي يرمسها ينقص عليها بس ربه يبليه بوحده داهيه ... ما يعرف تتظاهر بانها اوكيك
على فكره انا انا سمعت عن عرب استغفر الله الله يستر علينا وعلى بنات المسلمين .. البنيه استفغر الله محد ما يرمس عنها والكل يعرفها
وآخر شي خذها واحد معرووووووووف عنه بقمة الاخلاق والدين والاحترام
شو رايكم في هالشي ... هل هالانسان يستحق مثل هالانسانه
<img src="http://oasis.bindubai.com/emoticons/fa40.gif" border=0>
بس ربكم والله ... االطيبون للطيبات .. والخبيثون للخبيثات

والسموحه
عيناويوو طويلة العمر

غزيلن فله

08-09-04 ||, 07:51 AM

السلام عليكم صمت الذئب,
الصراحه موضوعك <img src="http://oasis.bindubai.com/emoticons/fa42.gif" border=0> يوهّق <img src="http://oasis.bindubai.com/emoticons/fa47.gif" border=0>

انزين انته شو رايك؟ <img src="http://oasis.bindubai.com/emoticons/fa50.gif" border=0> بتزوج وحده كنت تكلمها عالتلفون؟

يالله ابا اشوف ردّك <img src="http://oasis.bindubai.com/emoticons/fa47.gif" border=0>

و تحياتي,
غزيلن فله <img src="http://oasis.bindubai.com/emoticons/fa33.gif" border=0>

صمت الذئب

08-09-04 ||, 08:30 PM

السلام عليكم ,,
( وجان ابتلش ..<IMG src="http://oasis.bindubai.com/emoticons/tounge.gif" border=0> )

اختي غزيّلن فله ..
ممكن ردّي ما يعيّب بعض الاعضاء ويمكن ياخذون عني فكره ..
جوابي هو :
هيه , بس على حسب البنت .. اظن كل واحد وخبرته في معرفه سوالف البنت اذا كانت لعّابه او لا ..
مب كل البنات اذا كلّموا ولد بيكلمون عشرين غيره ..
اذا البنت كانت صادقه .. راح اكتشف هالشي بعلاقتي بها ..
اما اذا كانت لعّابه ..  بعد راح اكتشف هالشي بعلاقتي بها ..

صح انها خانت ثقه اهلها ,,
بس هي ما خانته الا عشاني انا ..  ( اذا ما كانت لعّابه )
,,
فا جوابي باختصار ,,
(ارضى , اذا اكتشفت انها صادقه )

وعلى فكره , اسوي هالشي احسن من ما اطيح على وحده اهلي اختاروها
 وبالصدفه تكون عدها خلفيه خايسه انا ماعرفها ,, ( بكون صدق غشيم هاييج الحزه )..

يمكن تلاحظون الاختلاف بين ردّي الحينه ..
وبين ردّي على ريماني ..
( فردّي على ريماني , انا بغيت اعرف شو نظرتها تجاه هالشي ..) 
 يعني مش كل البنات نظرتهم لهالشي سلبيه , وانا اللي بغيت اعرفه , شو السبب اللي يخلي البنت تشوفه شي ايجابي.

اتمنى ان فكرتي وصلت ..


تحياتي ,<IMG src="http://oasis.bindubai.com/emoticons/smile.gif" border=0>
صمت الذئب