نحبك يا زايد الخير.. [الأرشيف]

مشاهدة النسخة كاملة : نحبك يا زايد الخير..

المزيوونه

06-08-04 ||, 04:27 PM

السلام عليكم والرحمه ...

اخواني وخواتي .. انا اليوم يايتنكم بموضوع بسيط وياليت منكم تشاركوني ..

كلنا نحب زايد .. وودنا نفديه بارواحنا ..
انا يوم ايلس واتخيل واسرح فالوالد زايد .. عيني تدمع .. احس قلبي ينبض بقو .. ودي اشوفه..اتخيل عمي وانا احبه
 على راسه وارد اسأل عمري .. ليش ها الكثر نحب زايد .. انا مب مستكثره عليه ها الحب .. بس سبحان الله عندنا
 حب زايد فطره .. يعني الياهل الصغير اشدراه بكل انجازات زايد .. بس مع ذلك يقولك ابويه زايد احب زايد فديت زايد ..
يستاهل بو خليفه كل حب الدنيا..الشرق والغرب الشمال والجنوب كلهم يحبونه .. نعم انه يستاهل ..

طول اليوم نحن محطين نجوم ونقرى المسجات..ماشالله من كل بقعه مطرشين للقايد ..

يدتيه فديت روحها .. تقول العمر بياخذنا ونحن بس فخاطرنا نشوف زايد ..

عمتيه.. تعرفون شو فخاطرها.. ودها تشوف زايد وتوايهه .. قالت هذا ابونا ما ينقض علينا<IMG src="http://oasis.bindubai.com/emoticons/fa40.gif" border=0> يا ليت بس جان
انا اول الناس طايحه فحظن حبيييبنا زايد ..

حمودي اخويه (سنتين بس) .. تعرفون شو يتحرطم علينا .. يبانا نحطله المقابيل ولا فرقة دبي الحربيه عسب يرزف
 لزايد الخير.. بو سنتين هاا

                     
                    
                    

             
<IMG src="http://oasis.bindubai.com/emoticons/fa41.gif" border=0>هذا زايد اللي حاز على قلوووب كل الناس<IMG src="http://oasis.bindubai.com/emoticons/fa41.gif" border=0> .. ربي يشافيه ويعافيه.. حتى فخطبة الجمعه اليوم كانت كلها عن زايد ..

اتريا ردودكم .. وتوثيق حبكم لوالدنا ...

مع السلامه ..

عاشقة دبي

06-08-04 ||, 04:40 PM

الى ابونا الغالى الوالد الشيخ زايد :<img src="http://oasis.bindubai.com/emoticons/laugh.gif" border=0>

باسم كل شعبك وخاصة العيـــــــم <img src="http://oasis.bindubai.com/emoticons/wink.gif" border=0> اهديك قلب يدعولك فى كل لحظه بالصحة وطولة العمر و
لو ندري ان الكلام عبر هذه الصفحات بيوفيك لو جزء صغير من خيرك علينا ان جان ملينهن كتابه . . بس ما فيى ايدينا يا ابونا الغالى غير ان ندعولك بطول العمر وبوافر الصحة والله يديمك للامارات وشعبها سالم غانم ونفرح بشوفك يا بو سلطان . . <img src="http://oasis.bindubai.com/emoticons/grinning.gif" border=0>

الحساس

06-08-04 ||, 04:44 PM

تسلمين اختيه على الموضوع...

انا البارحه طول اليوم حاط على قناة نجوم ويالس اقرا الاهداءات ...
ويلست افكر اقول ليش يالس اطالع انا !!! ورايه دراسه وانا يالس اطالع!!

وليش هاي الناس تهني!!!
واخذني تفكيري للشيخ زايد طولي بعمره.. قلت انا عمري ماشفته بالحقيقه... بس ليش احس مرات اني ابا اشوفه ... كل مايحطون اغنيه عنه تشدني او صور عنه تشدني الصور...
ليش اعزه ها الكثر...
توصلت لنقاط معينه..
العيشه والعز والرفاهيه الي انا فيها .. بعد الله سبحانه الشيخ زايد سببها وانجازاته.. افكاره وآراءه هي السبب..
افتخر اقول انا اماراتي جدام العالم .. لاني اعرف ان انجازات الدوله وصلت لكل بقعه بالعالم..
يوم اشوف صور الشيخ زايد.. كلها بليا استثناء صور تبين تواضعه .. حبه للشعب.. حبه ان يشوف شعبه في رفاهيه.. اقوله حكم والله... شوفي ودوري اي حاكم يحب شعبه شروات الشيخ زايد.. اكيد مافي...

الشيخ زايد اسطورة.. القرن ... هو المعجزة الوحيده بايامنا هاي... وله يرجع الفضل مما فيه نحن من حياة.. ..
اكيد بنحبه ..  وبنحبه حيل بعد هب هو راعي نعمتي...

نحبك يا زايد.... الله يعطيك الصحه والعافيه وطولة االعمر...وتشوف بلادك صنع يديك.. راح توصل شرات ما تبى
الـــــــــــــدار حلوة بزايد .. والــــحلى زايد ...........  واكــــــــيد  زايد سبب كل الحــلى فيها

<IMG alt="" hspace=0 src="http://oasis.bindubai.com/download/hisham13/Zayed1.jpg" align=baseline border=0>  

 <center><object id=RAOC classid=clsid:CFCDAA03-8BE4-11cf-B84B-0020AFBBCCFA height=55 width=180 ><param name=_ExtentX value=4763><param name=_ExtentY value=1455><param name=AUTOSTART value=-1><param name=SHUFFLE value=0><param name=PREFETCH value=0><param name=NOLABELS value=-1><param name=SRC value=http://www.mixmusics.com/child_ali_naser/dar_zayed.ram><param name=CONTROLS value=ALL><param name=LOOP value=0><param name=NUMLOOP value=0><param name=CENTER value=0><param name=MAINTAINASPECT value=0><param name=BACKGROUNDCOLOR value=#000000><embed src=http://www.mixmusics.com/child_ali_naser/dar_zayed.ram height=55 width=180 controls=Default autostart=true console=Clip1></object></center>

عافك الخاطر

06-08-04 ||, 04:58 PM

اللـه يحفظـه و يطول بعمـره يارب..
دمت لنا فخراً وذخراً <img src="http://oasis.bindubai.com/emoticons/inlove.gif" border=0>
وتسلميـن عزيزتي غـزيل ..

العيناويه

06-08-04 ||, 05:27 PM

ابويه زايد
ربيت على حبك ... وكبرت وانا احبك .... وبموووووووووووووووووت على حبك
ابو ووالد وزعيم وقايد بمعنى الكلمه
الناس يوم حبوه ما حبوه من فراغ
الياهل يوم يصرخ بسمه ويغنيله هب من فراغ
لانه انسان يستحق كل الي نسويه وبنسويه له
ولو انه ما بنوفيه ولا شي من حقه
الي سواه حق شعبه وبلاده اكبر من انه ينوصف او ينقال
وفر حق شعبه عيشه ورفاهية يحلمون بها كل دول العالم هب بس الدول العربية
يتمنون لو يحصلون لهم ربع هالانسان في رئسائهم
<img src="http://oasis.bindubai.com/emoticons/love.gif" border=0>
فديتك والله يعلني ما خلا منك

تسلمين غزيل الشمال ع الطرح
يعطيج العافيه وننتظر منج كل يديد ان شاء الله

السمووووحه
عيناويووو طويلة العمر تنتظر يديدج

المزيوونه

06-08-04 ||, 05:55 PM

عاشقة دبي .. <img src="http://oasis.bindubai.com/emoticons/smile.gif" border=0> الله يسمع منج انشالله ..

الحساس.. الله يسلمك ويسلم غاليك .. هيه والله يا اخويه .. كل كلمة قلتها حق ..انته فبلاد الغربه
ومشاعرك اكثر تفيض عنا نحنا اللي فبلادنا ..  نحن اي سفره نسيرها ونشوف فيها شعب الامارات
 نستانس ونقول عيال زايد هنه .. شوف حتى النسب ننسبه لزايد .. يالله كيف حب ها الانسان متربع فقلوبنا
الوطنيه تظهر فالغربه وحب زايد ايزيد.. كل ما نسكن فبيت فالسفر لازم ننصب علم الامارات وصورة الشيخ زايد
حتى فالفنادق!! .. ماقصر على شعبه بشي والشعب بعد ماقصر فحبه للقايد..
ومشكور اخوي ع المرور..

عافك الخاطر.. الله يسلمج الغاليه .. والله يسمع منج .. <img src="http://oasis.bindubai.com/emoticons/smile.gif" border=0>

العيناويه.. اسعدني ردج عزيزتي .. صدق انه كل شعوب العالم يتمنونه زايد .. انسان نادر فالوجود
ليت كل الناس شرواه .. مره حد سألنا قالنا انتوا من الامارات قلنا هيه نعم .. قالنا أبناء زايد لازم نكرمهم
والله يسلمج غناتي .. والطرح ماكان بيصير الا لانه نابع من قلبي .. <img src="http://oasis.bindubai.com/emoticons/laugh.gif" border=0> ..

سلمتوا ..

ورديّـه

06-08-04 ||, 06:04 PM

غزيل الشمال
تسلمين ع السؤال وعلامة الإستفهام ؟ وما جرّه من إجابات
شيخنا وأبونا زايد ، ليش هالقد نحبه ؟

لأنه كل حد فينا .. يشوف عمره فـ زايد
وخاطره يكون شرات زايد ( لو شوي )

وها من بعد الرسول صلى الله عليه وسلم طبعاً و( يمكن ها!) ، أبوه
لأنه بعضهم يقول بابا زايد قبل ما يقولها لأبوه < ها شعر لطيف سمعته <img src="http://oasis.bindubai.com/emoticons/biggrin.gif" border=0>

ولو ( نحن ) فينا من طيبته وعقله رجاحته وعزمه مرونته وابتسامته
>>> جان غدينا ( لو طشونه ) شراته في قلوب البشر . وجان تمت الإمارات فوق!

وأنا أشوف فـ محمد بن زايد الحمدالله من أبوه . بس ، هل فيه مثل الشيخ زايد > ؟!
ونحن بنتم عياله وهو باباتنا <img src="http://oasis.bindubai.com/emoticons/wink.gif" border=0> والله يطول بعمره
والحمد الله انه قايدنا وقايد مسيرتنا ، هو زايد ..

وشرات ما كنت أنا ووحدة نصاصي لبعض > صباح زايد <img src="http://oasis.bindubai.com/emoticons/blush.gif" border=0>
( يعني صباح الخير ) وكل شي غاوي ، والله يديمها علينا وعالعالم ها كله

المزيوونه

06-08-04 ||, 06:15 PM

شيطونه ورديه .. تسلمين اختيه ع ردج الغاوي .. ومساااا زايد عليج يا خويتيه <img src="http://oasis.bindubai.com/emoticons/laugh.gif" border=0> ..
هو مافي حد مثل زايد .. بس فيه ناس ياخذون من صفات زايد ويربونها فأنفسهم ..مب جيه!
قايدنا متأسي بالرسول عليه الصلاة والسلام ونحن متأسين بالرسول بس ما نوصل لدرجة زايد

<img src="http://oasis.bindubai.com/emoticons/biggrin.gif" border=0> اكسسبشل .. الديكوريشن فنان..

ظبيه الدار

07-08-04 ||, 11:00 AM

فديت بو خليفه من ما يحبه
على فكره تراني منحوووووووسه <img src="http://oasis.bindubai.com/emoticons/down.gif" border=0>
تدرين ليش مره كنا في السوق ( العين )
مرت قربنا  سياره بوخليفه بس من زود نحاستي كان في الصوب الثاني شفت طرف الشيخ طحنون .
طول عمري وانا اتمنى اشوف بوخليفه واخر شي يمرقربنا ولا اشوفه <img src="http://oasis.bindubai.com/emoticons/down.gif" border=0>
ان شاءالله بنشوف جريب ان شاءالله
والله يطوووووووووول عمره ولا يحرمااا منه
امــــــيييييييييييــــــ ـن
....
تسلمين الغاليه على الموضوع <img src="http://oasis.bindubai.com/emoticons/blush.gif" border=0>

مهاوي

07-08-04 ||, 11:18 AM

تسلمين غناتي غزيل الشمااااال على الموضوع ...
تذكرت اني يوم كنت في صف سادس ابتدائي طلعنا من
المدرسه ..اممم..كان كل مدارس بني ياس والوثبه وفي من بوظبي
طلعت عسب نستقبل الشيووخ ...مجلس دول التعاون ..كان في بوظبي
هذيج  السنه ...وكانت احلى سنه وكنا كلناااا بصوت واحد نهتف باسم
أغلى رجل في الدنياااااا كلهاااااا ...أبوونا زااايد... متلهفين على شوفته ..
والحين خااطرناا في شووفته الغالي والله يخليه ذخر لدولة الإمارات ويطول
          بعمره ياااااااارب....آآآآآميييييي يين ....

المزيوونه

07-08-04 ||, 04:32 PM

ظبية الدار .. ومهاوي .. تسلمن خواتي ع المرور ..
يحظكن ع الاقل كنتن وياه فمكان واحد<img src="http://oasis.bindubai.com/emoticons/smile.gif" border=0> ..

هييه صح ..انا مرررررررره شفت الشيخ زايد .. كان عدنا سباق للهجن وبيحضرونه شيوخ الامارات وقطر..عاد انا اشتطيت انه زايد بكبره بيي عدنا .. قمت اهاذي واقولهم ودوني السوان ابى انعش لزايد<img src="http://oasis.bindubai.com/emoticons/oo.gif" border=0> .. الله يسلمكم خطفنا بالسياره وكانت ورانا سياره شطولها سودا وايد حلوه ويوم تلفت لورا لانه الشيخ زايد يالس جدام . قمت اناقز ويا بنت عمي الفنتوكه ونقول بابا زايد وقفوا بنسلم عليه .. حتى انهم سبقونا واشوف زايد مستانس ع الجو وعايبتنه بقعتنا انها خضرا .. تعرفون كيف كنت صدق يعني الفرحه ما توصف اللي انا كنت فيه .. بس فالاخير تيقنت انه حلم .. حلم جميل ماظنتي يتحقق<img src="http://oasis.bindubai.com/emoticons/glare.gif" border=0> ..

مره اختيه( تدرس فجامعة الامارات) طلعت تبى تسير مكتبة زايد .. وشافت الضجه اللي فالشارع وقالولها انه زايد مر قبل اشويه .. تخبلت تبى تشوفه ..ولين اليوم تهاذي بهاذيج اللحظه .. انه السياره مرت ولا انتبهت للي داخل .. <img src="http://oasis.bindubai.com/emoticons/oo.gif" border=0> تمت محوزنه .. 

عندنا وحده عيوز .. قالولها امسات انه زايد سافر لانه تعبان .. تعرفون شو سوت ... صااااحت .. وتمنت تكون بداله ..

صدق انه حبيبنا وغالي ع قلوبنا .. والله لو نقول من اليوم لين ما نموت انه نحب زايد بعدنا مابنوفيه حقه..ولا بنعبر اصلن عن خواطرنا تجاهه ..  

وو .. نتريا الرود ..