ولد بلادي [الأرشيف] - -:: واحات بن دبي ::-

مشاهدة النسخة كاملة : ولد بلادي

الجنيه

10-06-04 ||, 11:32 PM

السلام عليكم ورحمه الله وبركاته

أدري اللي بيشوف الموضوع بيقول هاي شو مشكلتها ويا الشباب؟؟؟ !!!

بس صدقوني بعد ما تعرفون الموضوع عن شو يتكلم بـــــــــــــــــــــــت عذورني

الله يسلمكم الإسبوع اللي طاف كنا سايرين الممزر نتمشى ويا هلي والصغاريه طبعا مأجزين يبون يحوطون المهم سرنا عند الممزر

طبعا ماله داعي أتكلم عن السوالف اللي تستوي هناك من ملاحق ومغازل وتحرش الكل عارف عن هالشي بس

اللي شفته هاليوم( أو بالأحرى هاي الايام وايد منتشره هالظاهره ) شي صدق مؤسف ووضيع

شاب مواطن متغتر ومتهندز ويتمشى ويا هنتين مغربيات الله يستر على الكل بس

طبعا عارفين منو أقصد يعني بالعربي الفصيح طالع وياهن وماشاء الله كل وحده أتقول الزين عندي

طبعا مب مقصرات ميك أب فل والعطر واصل لآخر الشارع وحركات بايخه الواحد يستحي حتى أييب طاريها

شو الي صار في عيالنا وين الغيره اللي فيهم كيف يرضون على نفسهم هالشي لا وبكل وقاحه سي السيد يوم مر حذالنا

زاد بحركاته ويمشي أتقول الأرض مب شالتنه من زود الوناسه كونه يمشي ويا ملكات جمال وشوفوا يا بنات البلاد واحترن!!

ليش في شباب يفكرون بهالطريقه و شو يبون يثبتون بحركاتهم هاي أحس هالنوعيه من الشباب عندهم نقص صدق يعني الواحد فيهم

يظن أنه يوم يطلع وياهالأشكال ويرابعهن يتحرا عمره شي لا وتلقاهم يتعمدون يسوون حركات يوم يشوفون بنات البلاد يعني حركاتهم أتدل

على أشياء وايده منها المغايض يعني يتحرون عمارهم جي بيخلون البنات يتغايضن ليش وليش يتعرفون على هالأشكال ؟؟؟؟؟؟؟؟؟

هذا كله كوم وحركاتهم اللي يسوونها كوم يعني لا يحشمون حريم ولا صغار الحين هالصغاريه شو ذنبهم يشوفون هالاشياء في هالعمر

بتقولون في التلفزيون يحطون أخس من جي أنا وياكم بس لا تنسون أنه التلفزيون مقدور عليه يعني شويه مراقبه من الأهل وينتهى الموضوع

تدرون بنت أختي اللي عمرها 9 سنين شو قالت لي يوم شافتهم ؟؟؟

قالت لي خالو هاي ليش جي لابسه ؟؟؟ هذا ريلها ليش ما يقول لها شي؟؟؟ <img src="http://oasis.bindubai.com/emoticons/down.gif" border=0> 

وطبعا ما قدرت أرد عليها شو أقولها ؟؟ ما كان عندي لها جواب كل اللي قدرت عليه أني أقول ماما ما يخصج بالناس

وأنا داخليا مش مقتنعه كيف ما يخصها وهي أتشوف هالشي جدامها وفي مكان عام !!!!!

أسمحولي يمكن طولت وايد بس في سؤالي صدق محيرني ليش شبابنا مستوين جي هالأيام ؟؟؟ ليـــــــــــــــــــــــ ـــــــــــــــــــــــــ ــــــــــــــــــش؟؟؟

طبعا مش الكل بس فئه مش قليله ....

أحلى منصوري

10-06-04 ||, 11:59 PM

الســــــــلاام علــــــــيكم ورحمــــــــة الله وبركــــــــاته
اختيه الجنيه :
هالبنت شو عندها على الشباب <img src="http://oasis.bindubai.com/emoticons/fa32.gif" border=0>..
ليش ما تتكلم عن البنات ..
يالله يا شباب الواحات ... خل انروغها <img src="http://oasis.bindubai.com/emoticons/fa30.gif" border=0>.
( سوالف وهذربان منصوري لا يؤخذ عليـه صاحبـــه <img src="http://oasis.bindubai.com/emoticons/fa31.gif" border=0>)
القضيـــة مهمة ووايد تحصل عند شبابنا المبجلين .
تلقى الواحد يمشي مع ( فلبينيه ) أو ( روسيـة ) أو حتى ( مغربية ) أو أو أو .. .
نحن في كل ما انروح مكان انشوف هالسوالف ..
في واحة ( أدنوك ) على طريق بوظبي _ دبي ؛؛
نزلنا نشتري إلنا شي ونتعشى  الساعـة 12 بالليل وإذا بـ المواطن ( الساكب ) ينزل ( روسية ) من موتره ( تسمى كذلك سيارتـه ) ويشتري إلها أشياء وخلاف تحركوا ..
وفي موقف في بالي ما راح أنساه طول حياتي وحدث في الحديقة المائية بدبي ( الوايلد وادي ) ... <img src="http://oasis.bindubai.com/emoticons/fa34.gif" border=0>.
روسيات يترين على الباب وقلنا يمكن يحدرون لحالهم ..
ولكن هيهات هيهات حتى وصلوا ربعهم المواطنين من الشباب .
وحدروا الحديقة والله لا يراويكم اللي في الحديقـــة .
ومستانسين ولا كأنه على بالهم .
الله يستــر على مجتمعنا .
إذا عندي إضافــة برجع لكم .
شكراً على هذا الموضوع .
وربي يوفقج .

والسموحه

أخــوكم
أحلى منصوري

دموع قلم

11-06-04 ||, 12:28 AM

الســلام عليــكم,,

للأسـف الشـديد هـذه أحـوال الشـباب في هـذا الزمـن
والله يحفـظ باقـي الشبـاب الصالحيـن

<IMG src="http://oasis.bindubai.com/emoticons/smile.gif" border=0>

أختـي الغـاليـة ...
صـادفتـني ألـف مـرة شـرات هـذه المـواقف في الأمـاكن العـامة
مـرات في القـرية العـالميـة ومـرات في الحـدائـق ومـرات في المـراكز ويـا كثـر
أذكـر يـوم ظهـرنا ويـا الأهـل وكـانت ويـانـا يـاهل وشـافـت هذا المنظـر وعقب قـالت:
( هـالريـال مـا يستـحي يخـلي حـرمتـه جيـه تلبـس <IMG src="http://oasis.bindubai.com/emoticons/kungfu.gif" border=0> ؟!! )

الصـراحـة ما عـرف شـو أقـولها, طفـلة صغيـرة اتشـوف هالمنـاظر جـدامهـا
وتـرا هالمنـاظر تـأثـر سلبيـا على الأطفـال والصغـاريـة وأيضـا تشـوه سمعـة دولتنـا العربيـة الإسـلامية
للأسـف أقـولهـا وكلي حـزن على شبـابنـا اللي ما عنـدهم لا حيـاء ولا عفـة ولا كـرامـة

اللهـم اهـديهـم واصـلح بـالهم
وربــي يحفـظ أبنـاء الدول العربيـة والإسـلاميـة إن شـاء الله

<IMG src="http://oasis.bindubai.com/emoticons/smile.gif" border=0>

الجنيـــــة
أشكـرك عـزيزتـي على مـواضيعك المهمـة
وأعجبتنـي الغيـرة الدينيـة التـي فيـك
ننتـظر المزيد من مـشاركاتك

ورديّـه

11-06-04 ||, 02:00 AM

شو يـبوا يثبتـوا؟
سؤال فـ محله صدق <img src="http://oasis.bindubai.com/emoticons/fa40.gif" border=0> حد يعرف "من واحد يعرفه أو سمع عنه" وات إفر

مشكوره اختيه ع تساؤلاتج وبرايي هاذيل عادي مضيعين المذهب و(الدّيـن)

الملهم

11-06-04 ||, 02:41 AM

السلام عليكم

للأسف هذا حال شباب مجتمعنا
يفتخرون بالمعاصي .. وينسون أنفسهم
لا يدرون كيف كرمهم الله .. لقد كرمهم بالعزة
والرفعة وهم يريدون الذل والمهانة .. فكيف يرضى
الشاب بمرافقة وحدة اجنبية لا تمد له بصلة
ويتفاخر أمام الناس بمصاحبتها ..

للأسف قد خلعوا لباس الحياء وتلحفوا
بالنذالة والمهانة .. والمشكلة ايضا تجد الشاب
يشتري هدايا والبسة للمرأة الاجنبية .. يضيع نقوده
ليشتري لإمرأة غربية عنه غربية عن الدولة!!

لا أدري مالفائدة منه عندما يصاحب أجنبيه ويمشي معاها
أمام الخلق دون حياء أو تعفف<img src="http://oasis.bindubai.com/emoticons/down.gif" border=0>

لا نستطيع إلا أن ندعي بهداية شبابنا وبطرد
الأجنبيات اللواتي تردن ضياع مجتمعنا

<img src="http://oasis.bindubai.com/emoticons/smile.gif" border=0> <img src="http://oasis.bindubai.com/emoticons/smile.gif" border=0> <img src="http://oasis.bindubai.com/emoticons/smile.gif" border=0>

أشكركِ أختي على الموضوع الجميل المهم
وعلى غيرتكِ على الإسلام وعلى المجتمع

والسموحة منكم
أخوكم

المقاتل

11-06-04 ||, 03:06 AM

كح كح كح

أنا ييت سجلــوا حضوري
 
كح كح

عالعمـــوم وتحت المراقبــه أتكلم

<img src="http://oasis.bindubai.com/emoticons/fa54.gif" border=0> شبلاها الجنيـــه إمسويه هجــوم علينــا .. حليلنا ما حصلتينا إلا نحن معشر الشباب <img src="http://oasis.bindubai.com/emoticons/fa36.gif" border=0> أفقر ناس على وجه الأرض

<img src="http://oasis.bindubai.com/emoticons/fa52.gif" border=0>كح كح <img src="http://oasis.bindubai.com/emoticons/fa52.gif" border=0>

إنزين .. وجان أدخل في السالفــه

واللـــه من ناحية سالفــة المغربيــات أو مهما كانت جنسيتهم .. <img src="http://oasis.bindubai.com/emoticons/fa36.gif" border=0> طبعــا ما بنرضى ناخذ إلا بنت لبلاد  

:::::

<img src="http://oasis.bindubai.com/emoticons/fa56.gif" border=0>واللــــــه يا جمــاعة الخيــر البنـــات هم إلي يابوا العنوسه لعمارهم <img src="http://oasis.bindubai.com/emoticons/fa56.gif" border=0>

<img src="http://oasis.bindubai.com/emoticons/fa52.gif" border=0> حشى حشى كليتوني 

أقول أقصـــــد مثــلا 

يعني لمــــا يلقى البنت تبا مهره 100 ألف والحفلــه 70 ألــف ألخ ألخ 

بو الشباب بقق عيونـــه شبرين <img src="http://oasis.bindubai.com/emoticons/suspect.gif" border=0> وبكنســل السالفــه وبتــم عازبــــــ  كحال معظم الجنس الفقير(  الشباب )

فلــذلك يفكــر بالجنسيــه الأخرى .. كما تفضل الأخ المنصوري ( الفلبيني .. أأع <img src="http://oasis.bindubai.com/emoticons/fa36.gif" border=0> من حلاتهم يلوعون الجبــد ) أو ( الروســي .. بشر كلهم أمراض أعوذ بالله ) أو ( المغربي .. بشر يا إنسى بيزاتك أو خلي لمطوع يقرا عليــك ) 

كح كح كح

وهوه طبــعا في فكــره و لازم أييب طاريهـــا 

هوه فكــرة العربي ولا العيمي ولا البلوشي ولا الكلاتي < لا عاد مصختها > <img src="http://oasis.bindubai.com/emoticons/fa40.gif" border=0>

::::

يعني أوضح أزيــد 
ساعات بوالشباب يكون ياي يخطب ( عيمي <img src="http://oasis.bindubai.com/emoticons/fa53.gif" border=0> أنا ما يخصني بس هذا الواقـــع ) لمــا تسمــع طاريه بنت لبلاد إتقول : ماباه ماباه .. مابقى إلا العيمي إيي يخطبني <img src="http://oasis.bindubai.com/emoticons/fa49.gif" border=0> وإصيـــح وعقب إيردونه

<img src="http://oasis.bindubai.com/emoticons/fa33.gif" border=0> من ناحيــة هذا الطرف فأحسن أقول للبنت خليــج مب معرســـه لما إتعرسين الله كريـــم 

:::::

هوه أنا أطرقت وذكــرت سوالف الزواج ..  لكني أظـــن بأن السالفـــه لها صلــه فالجريمــه <img src="http://oasis.bindubai.com/emoticons/fa40.gif" border=0>

وطبعــــا بالنسبـــه للمواقف إلي ننصعق منها يوميـــا

فأقول

حـــــــــــــــــــدث ولا حــــــــــــــــــــــرج

فأتمنى بأني كفيت ووفيت فــ ردي

أخوكم

بوعــــــــــلاوي

كح كح

شموخ

11-06-04 ||, 07:02 AM

الجنيه

موضوع جميل وفي محله

فعلا اختي للاسف ان هذا حال شبابنا هالايام

الكل يتفاخر بالغلط ويجاهر بالمعصيه

الله يعينا ويهديهم اجمعين

وشو غرضهم من هالشي كل واحد وضميره

بس ع العموم شو ماكان مقصده يكون بس الشي اللي يصير غلط

الجنيه

اشكرج اختي على الموضوع الجميل

شمــ<img src="http://oasis.bindubai.com/emoticons/inlove.gif" border=0>ـــوخ

الجنيه

11-06-04 ||, 02:39 PM

أحلى منصوري

<img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0><img src="http://oasis.bindubai.com/emoticons/fa44.gif" border=0>

شو ذنبي إذا الشباب مستوين عوذبالله منهم مضيعين مذهب وكل يوم أتزيد بلاويهم

الصراحه أشياء ما ينسكت عنها ... غصب عني لازم ارمس ما أقدر أشوف الغلط وأسكت

   بخبركم عن سالفه شفتها أناشخصيا الله يسلمكم كنا في الجمعيه نتشرى أغراض للبيت وفجأه طلع في 
ويهنا واحد ويا حرمته مسكينه متنقبه ما يبين منها شي أبد وريلها يقول لها أرتحتي الحين ترا طلعناج مب أتقولين 
أنته ما أتطلعني ويا حسره لو أتشوفونها شو ماخذه !!! أغراض حق البيت يعني مستخسر عليها طلعه أتقضي فيها أشغالها
وأشوي مرت حذالنا وحده روسيه غنيه عن التعريف لو أتشوفون شكله كيف عينه ما شلها عنها, حرمته أتكلمه وهو عينه عليها,,,

الجنيه

11-06-04 ||, 02:53 PM

دموع قلم

وعليكم السلام ورحمه الله وبركاته

شفتي كيف ياأختي صرنا ما أنعرف كيف أنجاوب هالصغاريه اللي أنعلمهم الصح من الخطأ

بأي ويه نرد عليهم والا بشو كيف أنفسر لهم هالشي اللي هم يشوفونه هاييل صغار ما يفرقون بين المتزوجين والا لا

أي أثنين يشوفونهم على طول يغلفونهم بغلاف طاهر وشرعي ألا و هو الزواج وهذا حسب سنهم التفسير الوحيد للي يشوفونه

كيف أنقول لهم أنه هاييل ربع (boy friends and girl friends) وهذا شي منافي لعاداتنا وتقاليدنا كيف أنفسر هالشي كيف

شيطونه ورديه

أنا بخبرج هم شو يبون يثبتون , تلقين هالشخص يبا يتباهى عند ربعه أنه متعرف على وحده يقدر يطلع وياها متى ما يبا
وين ما يبا من دون رقابه أهل ولا شي وغير عن ها كله لا تنسين أنه هاييل لا دين ولا مذهب ولا عادات أو تقاليد
تمنعهم في سبيل أنهن ياخذن اللي يبنه ممكن يسون أي شي وطبعا شبابنا الغافلين ما يقصرون وياهن
لكن لو وحده تطلب من ريلها شي على طول بيقولها ما عندي وما أدري شو لكن هاييل ما بيردهن
لو طلبن القمر بييبونه لهن ...

وشي ثاني في حجه الشباب يتعلثون بها في مثل هالحاله بيقولون لج نحن محتاجين وحده تفهمنا أتحبنا وتعطف
علينا وبنات البلاد المحترمات هالشي ما يرضنه فالبديل وين ... طبعا ما يحتاي أقول وين
جد شفتوا واحد فكر يحفظ نفسه وشبابه ويفكر يتزوج بدل لا يلجأ لها الأشكال؟؟؟

أحلى منصوري

11-06-04 ||, 03:08 PM

على فكرة ؛؛
أكثر المغربيات اللي يوصلون الإمارات يكونن محملات بالإيدز ..
منظمة صهيونية تنظم لنشر الإيدز في البلدان الإسلاميــة ..
والشباب مستانسين ..
عندي مغربيـــة ..
الله يهديك ويهدينا جميعاً .
<img src="http://oasis.bindubai.com/emoticons/down.gif" border=0>
..

العيناويه

11-06-04 ||, 04:54 PM

تسلمين الغاليه ع الموضوووووووع
الحلوووووو والمهم في نفس الوقت
بس تبين الصدق
انا اجووووووووووووووووووف انه نفس ما الشباب يغايضون البنات ببنات زلمات او مغربيات
او ايا كان
البنات نفس الشي
قامت كل وحده ترابعلها واحد زلمه
وآخر شي الزلمات مستربحين
يعني الحينه الزلمة شو تبا من الواحد يوم ترابعه غير الفلوووووس
ويعيشه احسن عيشه
وياجرلها احلى شقه والا فله
والزلموكي نفس الشي
شو يبا من البنيه غير انها تصرف عليها
يعني السموووووووووحه في هالكلمه
خيبتج وخيبتك يا عيال الامارات
كل واحد فيكم يغايض الثاني وياليت في شي زين
في شي مشوه سمعتنا عن الكل
وخاصه البلاد العربيه

شوووو بييهم لو حشموووا عمارهم
؟؟؟؟

والسموووووووووووووووحه
عيناويوو طويلة العمر تنتظر يديدج

إسهر معي ليله

11-06-04 ||, 05:19 PM

السلام عليكم

أول شي مشكورة إختي الجنية عالموضوع اللي كنت أبا أكتب عنه من زمان بس مب بهالأسلوب.. اللي كنت أبا أكتبه هو اللي بكتبه أحين فالرد <img src="http://oasis.bindubai.com/emoticons/smile.gif" border=0>

أول شي هاللي صاير هالأيام يسمونه بزنس.. البنت ما تطلع معاه الا بفلوس.. واكثر هالبنات المغربيات والعراقيات.. ما عليكم من الروسيات والفلبينيات.. هذيل موضه جديمة.. حتى المغربيات قلن أحين

واحين بالفعل قايم سوق العراقيات.. وبعض المواطنات <img src="http://oasis.bindubai.com/emoticons/down.gif" border=0>.. وهذا مب معناه إنه الشباب بيغايضون المواطنات ولا شي.. لالا ما عليكم.. هذي تجارة منتشرة هالأيام.. ومنتشرة وااااااايد

معظم البنات اللي في الشوارع مب مواطنات.. عراقيات... واللي مشّى سوقهم هو انه فيه ناس فوق.. <img src="http://oasis.bindubai.com/emoticons/cool.gif" border=0> واظن تعرفون منو هم اللي فوق... دخلوهم البلاد وهم اول ناس بدوا فيهم واحين الشباب

هالفئة من البنات عايشات معززات ومكرمات.. احسن سيايير وارقى فلل.. بعد ما تبونهم ينتشرون؟؟  الوحده فيهم تركب تكسي تلقون احسن سيايير وراها.. اعوذ بالله شباب يعبد الجنس.. مستعد يدفع اي شي بس عشان ليلة وحده.. الشباب يدورون الجنس وهاللي خلاهم جيه

حديقة وايلد وادي مكانهم.. يتيمعون فيه.. ما عليكم من اللي يقول انه فيه مواطنات هناك.. انا ما بقول انه ماشي.. هوه فيه بس اغلبهن عراقيات.. خسهن الله.. والقهر شايفات عمارهن.. والشباب ذالين عمارهم عشانهم

بلادنا اختربت.. وانتشر الجنس.. والواحد فينا لازم  يحاسب على عمره.. أعوذ بالله من مرض الإيدز اللي خااايف انه ينتشر.. وقبل لا ينتشر في شبابنا.. ينتشر في شباب ولاة امورنا.. صدقووني اذا كان رب البيت بالدف ضارب.. فما شيمة أهل البيت الا الرقص !! <img src="http://oasis.bindubai.com/emoticons/sad.gif" border=0>

اذا هم اللي فوق يسوون جيه.. فوين بيترقعون شبابنا... اذا اللي فوق عبدوا هالأشكال.. وين شبابنا.. اذا اللي فوق عقوا فلوسهم على هالأشكال وسكنوهم وعيشووهم احلى عيشة.. كيف بيكون شبابنا

الله يحفظكم <img src="http://oasis.bindubai.com/emoticons/smile.gif" border=0>

ورديّـه

12-06-04 ||, 01:15 AM

الله يستر <img src="http://oasis.bindubai.com/emoticons/kungfu.gif" border=0>

لمّــاح

12-06-04 ||, 11:02 AM

موضوع جميــل , , 

لي عودة , , <img src="http://oasis.bindubai.com/emoticons/smile.gif" border=0>

لحظه صمت

12-06-04 ||, 12:25 PM

<IMG src="http://oasis.bindubai.com/emoticons/down.gif" border=0>السلام عليكم <IMG src="http://oasis.bindubai.com/emoticons/down.gif" border=0>
صراحه اختي موضوع يعور القلب ومهما قلنا وشكينا حال مجتمعنا ما بنوفي لو جزء بسيط من  هذي البلاوي الي تستوي وتشوفينها بعد جدام عيونج
صراحه انا يوم اشوف هالسوالف والله يجيسني قهر والله احس هذا شرات اخويه وانا مب قادره اسوي شئ
ليش وصلت حالتهم لين هذه الدرجه الشباب استوى يدور عن اللعب مب عن الحلال
ويفضل يخسر بيزاته على هاللعب بدال ما يفكر يتزوج ويستر عمره
ييتحجون بموضوع غلاء المهور ولا يستخسرون في هالخياس الاف الدراهم وايضا لا ننسى السيارات الفخمه الي في نظري مالها داعي
 في بنات وايدات والله العظيم يرضون بلي يقدر عليه الشاب ولو هو شاطر ويعرف ينقي بيلقى الي تناسبه
 امس كنت راده من مشوار وشفت هالمنظر بعد شاب متكشخ ويا وحده يبين انه مب مرته يعني
 ليش هالتخلف الي استوى في المجتمع الشباب لا خوف من الرب ولا مستحى من الناس
 الواحد صار يكره انه يطلع من البيت والله اني ما اداني اظهر عسب ما يعورني قلبي
وبعدين اذا كان ريال زين ومحترم بس كان مش مواطن او مش من قبايل
افضل اخذه على المواطن الي يلعب والي فضل الحرام على الحلال .
هذا رايي في هذا الموضوع والله يهدي الشباب والبنات

الجنيه

12-06-04 ||, 12:26 PM

ملهم القلوب

صدقت يا خوي رب العالمين كرمنا وعززنا بالإسلا م وتعاليمه بس شباب اليوم ما همهم شي
يعيشون يومهم ولا يفكرون بآخرتهم كيف الواحد فيهم بيجابل ربه وهو هاي عمايله
كيف يتوقع يكون مصير البلاد دام سندها ما يتسند عليه ,,, إذا عماد الأمه 
          أساسهم جه ركيك كيف بيردون العدو عنها اذا لاسمح الله
صابها شي ؟؟؟ اذا الواحد فيهم تفكيره ما ياخذه لأبعد من أنه
يتعرف على علانه وفلانه وين بيفكر بمصير بلاده ...
ما أنقول غير الله المستعان وان شاء الله
يهدي الشباب ويردون لدينهم وربهم

الجنيه

12-06-04 ||, 12:48 PM

المقاتل
كح كح سجلنا حضورك يالمقاتل شو أسوي إذا أنا ما رمست عن شبابنا منو بيرمس منو بيحسسهم باللي يسوونه ؟؟؟ ما أتقولي منوه؟؟
الشباب هاييل هم سند هالبلاد إذا عيالنا كل واحد ربع ورا وحده ما أدري شو جنسيتها وجان زين لو بالحلال أتشوفه متغمس بالحرام
لقمة راسه وهو بايعنها بشرف ولا هامنه شي شو تباني أٌقول هالشاب لو ما يمت لي بصله يظل في النهايه أخي في الإسلام وما
أرضاها له ....

إسمحلي على اللي بقوله بس هذا يسمونه  عذر أقبح من ذنب يعني بذمتك الحين غلاء المهور ها عوق الشباب اللي مخلنهم
يتجهون للحرام ؟؟؟ و الاشياء الثانيه ما يلتفتون لها تلقى الواحد ياخذ له موتر آخر موضه ب 200 او 300 الف من
دون ما يقول لا الموتر غالي حتى لو ما يبقى ما راتبه غير درهم بيتحمل عشان هالموتر لكن لو يبت له طاري العرس
بينافخ وبيقول لالا ما أقدر المهور غاليه وليش أنت ما أتشوف بنت الحلال اللي تبا الستر ومن مستواك
الإجتماعي أسمحولي بس ما ظني وحده عايشه عيشه محترمه يعني من ذوي الدخل المحدود
بتي تطلب من اللي متقدم لها 100 الف مهر !!! صح والا لا وكل واحد يمد ريوله على قد 
لحافه ... اسمحلي مره ثانيه بس المهر حجه واهيه لا أكثر ...

شموخ

كل الشكر لج عزيزتي على المرور
وبالفعل صار حال شبابنا يرثى له وصرنا طماشه للي يسوى والي ما يسوى
لو تسمعين بس شو ينقال عن شبابنا صدقنيا بتتمنين تنشق الأرض وتبلعج ولا تسمعين كلمه ضدهم
لأنهم أخوانا وعيالنا وأهلنا ,,, ما أقول غير الله المستعان والهادي ....

الجنيه

12-06-04 ||, 01:05 PM

العيناويه
الله يسلمج

صدقتي أختي السالفه صايره منافسه عند الجنسين البنات يرابعن الزلمات والشباب كل الجنسيات
كل من هب ودب صار له جيمه عندهم ويفضلونه على غيره ... سبحان الله لين وين وصلنا بتفكيرنا
التافه نغايض وأنعاند منو ؟؟ !! ومن المتضرر فينا ؟؟ من المسؤول ؟؟؟ وليش حكمنا على عمارنا
بالتخلف والاستهتار؟؟ ليش ما يكون حالنا حال البشر ؟؟؟
أتصدقين من زود اللي شافوه هالزلمات صار لهم ويه يتحرشون بنا واللي يتصل يبا يتعرف أونه
عادي ما فيها شي صداقه !! وين تبون ها كله بسبه من؟؟؟ طبعا من اللي يشوفونه يوم المواطن
يتمشى ويا وحده أجنبيه يتراوالهم عادي حتى البنات يرابعن الأجانب ومجرد تعارف لا أكثر
ما أقول غير حسبي الله ونعم الوكيل ,,, الله يهدي الجميع ....

شيطونه ورديه

الله يستر ويرحمنابرحمته قولي آمين

لمّــاح

تسلم وبإنتظار عودتك <img src="http://oasis.bindubai.com/emoticons/fa31.gif" border=0>

وحي القلم

12-06-04 ||, 01:08 PM

الله يهديهم

..

الأمل الضايع

12-06-04 ||, 02:10 PM

الصراحة صدق قهرعيل ليش ما يتزوج ويفك عمر.......... هو ما يبا يتزوج بس يبا يغطي نفس تحت تسميت الزواج الطاهر
(هاذي بحد ذاتها جريمه) 

انا بقولكم مواصفات الولد الاماراتي  

من صغره الحمد الله عايش في عز
يوم كبر اتعلم كم كلمه وشاف الدنيا
طلع من المدرسه عشان يشتغل ويكون نفسه
يبا تليفون و سيارة(وهو بعده ما طلع من البيضه)
 يوم حصل تليفون وسياره قام يدور في الشوارع يدور عروس اول ما شاف وحدة حلوه جدامه قام يلاحقها
ورقمها عاد البنيه لعب براسها الشيطان قامت وكلمته في التليفون وبدا المواعد من سنتر لسنتر..
....(مل منها).. وكل مايابوله طاري الزواج اونه زعل 
وكانت حجه زعل منها واتعرف علي وحده ثانية ( في امل الحصول علي الراحة والسكينة)
وبعدها الثلاثه والرابعه والخامسة ( وما يكتفي بتليفون وبس لازم يشوفها) .................................... ............ المليون
وكون عنده مجموع (غاليري)
وكل ما يلس وياي اهله حط تليفونه عالصامت ( من كثر ما يرن)<img src="http://oasis.bindubai.com/emoticons/fa46.gif" border=0>
 يقول حق كل  وحدة يكلمها احبج<img src="http://oasis.bindubai.com/emoticons/fa41.gif" border=0> بس بعدني ما كونت نفسي توني مشتغل ومعاشي ( ومن هناك معاشي 10.000 )
وكيف ما يكفي ( المهم كل واحد وظروفه)
يوم مل من بنات البلاد راح واتعرف على وحده اجنبيه وقام يصرف عليها اللي  جدامه واللي وراه
(عادي يدين عشانها حلال)

( هذا نوع واحد من انواع الشباب بلادي)
  ملاحظة: يجب ان نعرف الاسباب ما وصلنا اليه قبل حل المشكلة

بس ما قول الا الله يهديهم ويهدينا<?xml:namespace prefix = o ns = "urn:schemas-microsoft-com:office:office" /><o:p></o:p>

الجنيه

12-06-04 ||, 02:15 PM

إسهر معي ليله

اسمحلي عيل خربت عليك ,, الصراحه هالموقف من زمان كان في بالي أكتبه بس ما لقيت فرصه
اتفرغ له عسب جي تحيرت في الكتابه عنه ,,, وصدقت والله لو ماالكباريه جان نحن ما كان ها
حالنا .. يعني هم القدوه بالنسبه لشبابنا واذا لمنا حد والا قلنا له شي بيقول يوم الراس العود
سوا هالشي محد رمس يعني محد يقولي شي ... صح
ومثل ما قلت بزنس يعني شبابنا ما همهم لو يبيعون اللي جدامهم ووراهم بس عسب وناسه
ساعه صدقني يرخصون الغالي عشانهن ويوم بتي اتقولهم ليش يا فلان ما اتعرس بيتعلث
ويتحجج بألف حجه أولها غلاء المهور وتكاليف الزواج شوف كيف يستخسرون درهم
على شي بيسويه بالحلال ولا يفكرون بالألوف اللي تنصرف على هاللوث ...
ما أقول غير الله يستر من الياي ...

لمّــاح

12-06-04 ||, 03:10 PM

السلام عليــكم ,

عدنا للموضوع اختيه ^_^ ,

والله كلام وايد في خاطريه , و أول ما طريتي الممزر اتذكرت وايد مواقف صدق الواحد يستغرب و يضيج يوم يشوفها ,

- مره كنت في الممزر تقريبا على الساعه 11 فليل و سرت آخذ جاي حليب من المطعم , اول ما وصلت شفت موتر واحد امواطن , من أهل البلاد , ماخذ 4 جاي حليب واحد حقه و 3 حق الي وياه ( 3 صينيات , الرخيص للرخيص <img src="http://oasis.bindubai.com/emoticons/rock.gif" border=0> ) , ,

- في جميرا , ما اذكر المنطقه عدل لكن تقريبا صوب الميديا ستي , على الشارع العام يكون البحر على يمينكم و شي مثل دخله ( مش رسميه يعني شارع , قرقره يعني ) , مره على الساعه 12 فليل دخلنا هالبقعه كنا بنيلس شويه فيها ويا الشباب , دخلنا ولا انشوف شباب ويا روسيات  يشيشون !!

- مطعم الصفدي , الي في شارع الرقة , كنا فيه و طبعا شارع الرقه صعب انحصل فيه مواقف ف قلنا بنلف و بنوقف على الرصيف الي تحت البناية , عقب ماخلصنا اكل و طلعنا , السيد واحد يعني مانقدر انرد ف قلنا بندخل داخل , و نحن نمشي بالموتر ( الي هي السيارة على قولة احلى منصوري <img src="http://oasis.bindubai.com/emoticons/biggrin.gif" border=0> )  الي يقول نمشي في بانكوك ولا دوله اوروبيه<img src="http://oasis.bindubai.com/emoticons/rock.gif" border=0> , روسيات و صينيات بملابس فاضحه واقفات تحت البنايات يتريّن الشباب !!

- مره عند تويز آر اس واحد من ربعي كان في الموتر و امنزل الجامه جان اتشوفه وحده روسيه و اتفر عليه الرقم !!

- منطقة الممزر ( مب البحر , المنطقة نفسها صوب تقنية الشباب و صالات البليارد ) عادي بين السكيك اتحصلون وحده ابشيله و عباه تتمشى , و يوم اتشوفون ويهها تطلع صينيه او روسية لابسه هاللبس عسب ما يزخونها التحريات , ,

- بنات البلاد بعد , قبل لا ابتدي حبيت اخبركم عن شي معروف , مثلا المرسدس الها علامة خاصة , البي ام الها علامة خاصة أو شعار , اتصالات , البلديه , كل الشركات و المحلات الها شعارها الخاص , و طبعا شغلة البزنس ( الي بالي بالكم ) الها شعارها الخاص خصوصا عند البنات المواطنات , معروف انه 90% من البنات الي ينزلن القصة على جدام , يعني من فوق اليبهه لين تحت على شكل نص دويره , هالبنت من بنات البزنس , يعني صارت هالقصة عبارة عن شعار او رمز !!

يمكن بعض البنات مايعرفن هالشي , ف أتمنى انه محد يسيئ الضن في أي انسان و لازم نحسن الضن !!

00

احلى منصوري , كلامك صحيح ياخويه اللوم مب كله على الشباب , البنات حتى الهم دور ,

اخويه اسهر معي ليله , كلامك صحيح ياخويه , و بيني و بينك تعجبني صراحتك <img src="http://oasis.bindubai.com/emoticons/oo.gif" border=0> , لكن ياخويه مش كل الي يدخلن البلاد من ورا الكباريه , الله يحفظه الشيخ محمد بن راشد أمر قبل فتره ( فتره طويله ) انهم ما يسمحون للروسيات الي تحت عمر ال 30 سنه على ما اضن من انهم يدخلون البلاد , و بعدها بفتره صارو يتلاعبون ف قامو و طلعو قرار بأنه الروسيات الغير معرسات ممنوع عليهن دخول البلاد عن طريق مطار دبي , ف قامت كل وحده اتسوي عقد زواج و اول ماتدخل البلاد يطلقها ريلها <img src="http://oasis.bindubai.com/emoticons/glare.gif" border=0> يعني ماشي فايده ,

ثاني شي , ياخويه الكباريه مهما كان الي يسوونه , هم بشر !! مب آلات , يعني بقولك , لو واحد عادي غلط بتقولون غلطه و كلنا نغلط , و لو واحد خذ أجنبيه بتقولون حياته الشخصيه صح انه هالشي مب عايبنكم لكن حياته الشخصية , لكن خلنا نرمس عن الكباريه الي طريتهم , لو حد منهم غلط بتقولون والله غلط و هم الي يسهلون الغلط و هم و هم , متناسين انهم بشر و يغلطون , و اذا حد خذ اجنبيه قلتو ليش ياخذها , أخ فضل عنها !! و نسيتو انها حريته الشخصية <img src="http://oasis.bindubai.com/emoticons/rock.gif" border=0>

و في النهاية , مثل ما الله خلق الجنه و النار , الخير و الشر موجودان , يعني انا لاحظت من ردود الاغلبيه ( و انا واحد منهم ) انه المواقف كلها تستوي في دبي , في الوايلد وادي , الممزر , السناتر و هالاماكن , و في مواضيع ثانيه الكل طايح في دبي على انها دار فساد و و و  , اخواني مثل ما الشر موجود من خمر و وصاخه و ديسكوات , ترا دبي فيها مسايد و مسابقة القرآن الكريم و وايد اشيا اتفيد و اشياء اجتماعية , و مثل مايقولون الي يبغي الصلاة ماتفوته , و بنقيس هالمثل على الاشيا الثانيه , الي يبغي الخير بيووصله , لكن اذا كانت نيته شي ثاني و يقول ابغي الخير , ف مابيشوف غير الشر !! و هالكلام مش موجه لحد معين , انما هو كلام عام  ,

و طبعا اخواني ( الجنيه و احلى منصوري و اسهر معي ليلة ( خصوصا انته يا معلم <img src="http://oasis.bindubai.com/emoticons/cool.gif" border=0> ) و للجميع ايضا ) الاختلاف في الرأي لا يفسد للود قضية , و مثل ما انا لي وجهة نضر قابله للنقد ترا انتو ايضا الكم وجهة نضر قابله للنقد , 

و شكر خاص جدا جدا جدا مع باقة ينانوه <img src="http://oasis.bindubai.com/emoticons/tounge.gif" border=0> للاخت الجنيه على موضوعها الممتاز ,

و السموحه على الاطاله <img src="http://oasis.bindubai.com/emoticons/smile.gif" border=0>

ورديّـه

12-06-04 ||, 06:23 PM

تعليق ع رد أخ لمـاااح ::
تعرف القَصة اللي ع اليبهة (وعـ قولتك على شكل نص دويره) لو ملاحظ حريم البدو يسوونها خصه بعض القبايل دوناً عن غيرها يعني بناتهن وحتى عيايزهن (يفلن القذلة) الى يومك هذا على انه شي عادي فمذهبهن لأنه أولريدي الشعر سايح ,, فـ سالفة الشعار قوية شوي <img src="http://oasis.bindubai.com/emoticons/oo.gif" border=0> <
ولاّ ها سوالف <img src="http://oasis.bindubai.com/emoticons/biggrin.gif" border=0> والسموحه =)

إسهر معي ليله

12-06-04 ||, 06:30 PM

السلام عليكم

أخوي لمّاح.. انا عندي تعليق على كلامك.. تسمحلي؟ <img src="http://oasis.bindubai.com/emoticons/rock.gif" border=0>

انته قلت ((معروف انه 90% من البنات الي ينزلن القصة على جدام , يعني من فوق اليبهه لين تحت على شكل نص دويره , هالبنت من بنات البزنس)) ... هاي احسها غلط.. يعني هاي القصة معظم العراقيات يسونها... عشان جيه قالوا انها علامة تجارية لهم.. بس بعد ما يصير نحط هالشي فبالنا.. يعني شو ذنب المواطنة اذا سوت هالحركه.. انا معاك انها لازم تتحشم ووتتحجب.. بس يمكن ما تدري بهالشي.. فحرام نظلم عمارنا <img src="http://oasis.bindubai.com/emoticons/smile.gif" border=0> هذا رايي

الشي الثاني انته فهمتني غلط.. انا ما قلت انهن كلهن دخلن من ورى الكباريه.. وانته قلت الشيخ محمد منع الروسيات.. وانا ما قاعد اتكلم عن الروسيات.. انا اتكلم عن العراقيات.. واللي عايشات في احلى بيوت وعندهن احلى سيايير.. واذا انته ما تعرف عن هالشي اسأل وشوف بعينك... والله نشوووفهن.. الله يطول عمره فلان كنا فوايلد وادي.. فلان معرووووف ومب من الكبارية.. من الناس اللي فوق.. والله لو طريته بتعرفونه على طول.. المهم كنا هناك وشلة عراقيات تضاربن معانا.. خخخ المهم عقب جيه شفناهم مع هذا الشخص.. حتى انهم كانوا يقولوله هذيل اللي تضاربوا معانا.. بس احنا طنشنا.. المهم.. آخر شي يوم طلعنا الشلة ركبن رنجات ومشن.. مب رنج واحد بعد... وين رايحات؟؟ <img src="http://oasis.bindubai.com/emoticons/cool.gif" border=0>

وانا معاك ان الكبارية بشر لو شو سووا.. بس اطري اللي يسوون هالحركات.. القدوة... اللي الواحد فيهم خذ هالسيارة كلهم خذوها.. وغيّر رنجات سيارته كلهم غيروا.. ولبس جيه كلهم لبسوا.. خلها على الله عن يسحبونا.. فما فينا على خبز ودال في مخيرز <img src="http://oasis.bindubai.com/emoticons/wink.gif" border=0> اتمنى انك عرفت اللي اقصده.. يعني هذيل وراهم شله لاتعد ولا تحصى.. تعلموا وعلموا ربعهم.. وهذا تعلم من هذا.. وانتشرت السالفة

وفي النهاية اذا الواحد فيهم خذ اجنبية عادي.. انا ما اعاارض هالشي.. اصلاً انا ما يخصني.. ليش منو انا؟ <img src="http://oasis.bindubai.com/emoticons/oo.gif" border=0> انزين يعني شرات الشيخ محمد يوم خذ اميرة اردنية كلهم حطوا عليه.. و انا مب من هالأشكال .. اول شي خذ اميره يعني مب اي وحده.. وثاني شي هذي حريته.. ريال قادر وخذ... بس انا اتكلم عن العراقيات اللي عايشات في فنادق وبيوت.. واظن انته سامع عن البيتين اللي في جميرا.. هذيل اثنين معروفين.. ما يندرى اذا فيه غيرهم ولا لاء <img src="http://oasis.bindubai.com/emoticons/glare.gif" border=0>

المهم.. اذا ما شفتوني مره ثانية طرشولي فاكس هناك.. يمكن واحد منكم يكون معايه بعد.. مع السلامه <img src="http://oasis.bindubai.com/emoticons/smile.gif" border=0>

بهجة الروح

12-06-04 ||, 08:39 PM

الجنيــــه

تسلميـــن عزيـــزتي عالموضوع المهم
وما شاء الله مسوي ضجه كبيره

شو بقول ولا شو بخلي

ما شاء الله عليهم الأعضاء اللي قبلي كفوا  و وفوا

وهاللي شفتيه من سوء حال الشباب، شي صار الحين عادي
من كثر ما نشوفه ونسمع عنه

شو بقول غير الله يهدي شبابنا

ملانـة

12-06-04 ||, 10:48 PM

هلا اختيه الجنية...

موضوع ولا أروع بصراحة... بس فالحين يظهرون عيوب البنات و الرياييل ما يشوفون عيوبهم... <img src="http://oasis.bindubai.com/emoticons/fa55.gif" border=0>

أنا عندي كذا سؤال و يا ريت ألقى إجابة لو على سؤال واحد بس...

يا ترى اللي مسوي عمره جرئ و قد هالحركة.. يروم اييب هالأشكال جدام أبوه والا حد من أهله؟؟
يا ترى اللي مستانس انه متعرفله على وحدة من هالخايسات.. حاط في باله انه يمكن يقبضه الأيدز و الا أي مرض ثاني من الأمراض اللي تنتشر من الممارسات الجنسية؟؟
ياترى معقولة اللي يتاجر والا حياته كله عايشنها عشان مغربية و الا صينية أو حتى تايلاندية ... معقولة باجر بيكون ريل وحدة فينا؟؟؟
واللي بيذبحني من الغيظ... شو اللي يعيبهم في هالأشكال .. لا جمال.. و لا أخلاق.. و لا حتى ريحة سنعة!!! عفانا الله... معقولة عسب شهوة من شهوات الدنيا.. يفضلون هالخايسات ع الستر و ع بنات البلاد..؟؟

و السؤال الأهم اللي يدور في بالي..

كيف يرقدون و ضميرهم مرتاح؟؟؟ ما يخافون من لحظة يتمنون لو يردون لحياتهم و يكفرون عن أكبر الكبائر... الزنا؟؟؟

هه... <img src="http://oasis.bindubai.com/emoticons/fa55.gif" border=0> سوَي أختي الجنية شراتي.. أنا لا طفت عدال واحد من هالأشكال و وياه وحده من هالأوبئة .. سيده أقول: عفانا الله... أيدز أيدز.. ابعدوا عنهم...<img src="http://oasis.bindubai.com/emoticons/fa47.gif" border=0>

و ربي ما أحشمهم لأنهم مو ويه حشيمة!!!!

و مشكورة مرة ثانية ع موضوعج الفنتك..

أختج

نــبــاشـــة
<img src="http://oasis.bindubai.com/emoticons/devil.gif" border="0" valign="absmiddle" alt=':dev:'>

الجنيه

13-06-04 ||, 12:00 AM

لمّــاح

هي يا أخوي السوالف وايده لو بتم أرمس ما بتخلص السوالف والمواقف الي صارت و أتصير بشكل يومي
أما بالنسبه للقصه الصراحه أول مره أعرف لشو ترمز بس في وايد بنات ترا يسون هالحركه من دون
ما يعرفن فمايصير اتعمم هالشي على الكل شو رايك لو أقولك ربيعاتي بنات ناس محترمات وأوكي
بس يطلعن هالقصه صح هالشي غلط بس بعد هاي حريه شخصيه وكونهن طلعن القصص جذه
مايعني أنهن راعيات سوالف شرات هاييل ,,, ودبي فديتها و لللأسف صحيح فيها أشياء وايده
أوكي بس يا خوي دبي ما كانت جذه أحس كل ما أتطورنا وذاع صيت دبي في العالم كل ما زادت
الآثام والذنوب والمعاصي اللي ترتكب  فيها اذا انفتح فيها باب صالح انفتحوا عشره غيره
ما أقول غير الله يستر ويرحمنا برحمته ..

شاكره لك مرورك والباقه الصراحه أحلى شي <img src="http://oasis.bindubai.com/emoticons/fa31.gif" border=0>

الجنيه

13-06-04 ||, 12:02 AM

إسهر معي ليله

يا خوفي أستوي يارتك في السجن وهناك ماشي فاكسات الله يهداك خف علينا أشوي
مالنا غنى عنك ولو أنت أخ وعزيز وما بيهون علي تنسجن بسية موضوعي ..

لمّــاح

13-06-04 ||, 12:37 AM

شيطونه ورديه , يامرحبابج اختيه , بس قبل كل شي اسمحيلي اختيه الجنيه برد على بعض الردود في موضوعج <img src="http://oasis.bindubai.com/emoticons/smile.gif" border=0>

شيطونه ورديه , هالشي عادي يعني انه الوحده اتسوي هالقصة , طبعا هي مابتكون قاصده لانه في ناس اتعودو ,
لكن الي اطريه انه معظم (( بنات البزنس )) اتكون علامتهم التجارية هي هاذي القصه , و مش كل بنيه اتسوي هالقصة تعتبر ( بنت بزنس ) , , ,

اسهر معي ليله , اول شي تسلم شيخي على الرد ,

قبل لا ابتدي , انا كتبت بالاحمر : يمكن بعض البنات مايعرفن هالشي , ف أتمنى انه محد يسيئ الضن في أي انسان و لازم نحسن الضن !!

اخويه انته كلامك صح , و انا بس تكلمت عن الصينيات و الروسيات لسبب واحد , اني ماحبيت اتكلم عن شي انا سامع عنه , انا ولد ديره ( مش بر دبي ) و سوالف العراقيات دوم في بر دبي مب في بر ديره , و عن العراقيات يعني دوم انشوفهن راكبات مواتر راهية , العيوز (( احم احم )) يالسه جدام و البنات يسوقن و يالله حركات جدام الخلق عسب اتمشي البزنس , , ,
و عن الكباريه الي انته ترمس عنهم و اتقول انهم قدوه , صح ياخويه في هاي صدقت ,
تدري والله مره حسبيتها , , هالفلوس الي تدخلها الروسيه ولا المغربيه ولا اي وحده من هاللوث في الشهر , اكثر من معاش مدير إدارة في بنك !!

يالله خلها على الله , و نتلاقا في مخيرز <img src="http://oasis.bindubai.com/emoticons/tounge.gif" border=0>

لمّــاح

13-06-04 ||, 12:44 AM

اسمحولي توني انتبهت انه شي صفحة ثانيه في الموضوع , , <img src="http://oasis.bindubai.com/emoticons/oo.gif" border=0>

الجنيه , تسلمين اختيه لكني قلت: يمكن بعض البنات مايعرفن هالشي , ف أتمنى انه محد يسيئ الضن في أي انسان و لازم نحسن الضن !!

انا قلت هالكلام لأني ادري انه وايد وايد وايد بنات يسون هالحركه لكن بدون مايدرون انها شعار للبزنس ,
ومثل ما قال اخويه اسهر معي ليله هالحركه يسوونها العراقيات اكثر شي , انا ماعممت , لكني اقول هالحركه معروفه مثل ماتقولين شعار لبنات البزنس , لكن ها مايعني انه كل وحده اتسويها تعتبر وصخه ,

و اسمحولي جان في سوء فهم للجملة الي كتبيتها قبل عن القصة , فقط للتنويه : الي اطريه انه معظم (( بنات البزنس )) اتكون علامتهم التجارية هي هاذي القصه , و مش كل بنيه اتسوي هالقصة تعتبر ( بنت بزنس ) , ,

و تسلمين اختيه الجنيه على تعليقج لرديه , و السموحه منج <img src="http://oasis.bindubai.com/emoticons/smile.gif" border=0>

دفا الروح

13-06-04 ||, 03:43 AM

الجنيه

فعلا اختيه كلامج صحيح وهالظاهره منتشره وايد وخاصه فالفتره الاخيره

وللاسف فمجتمعاتنا العربيه المسلمه

الشباب غرتهم الحياه وبدوا يسعوا ورى ملذاتها

متناسين المجتمع والناس والدين

متناسين الاخلاقيات والمبادىء

يمكن تكون هاي دعوه منج اختيه

والكل يستفيد منها

يزاج الله خير اختيه على الموضوع

والله يهدي الجميع

دفـ<img src="http://oasis.bindubai.com/emoticons/fa35.gif" border=0>ــــا

الجنيه

13-06-04 ||, 12:28 PM

بهجة الروح

الله يسلمج حياتي شو أسوي مب مني من الغيض اللي فيني
صدق أرثي لحال شبابنا هاييل أخواني حنى لو مب من لحمي
ودمي يتمون عيال بلادي واللي يمسهم يمسني واللي يغلط
عليهم يغلط علي .. أتمنى من الله يهديهم وتصحى ضمايرهم
وينتبهون لعمارهم أشوي...

نباشة القبور

صدقتي أختي تراها مقيوله (السموحه بس ماعندي غير هالمثل )
البقره ما أتشوف ذيلها أتشوف ذيل ربيعتها
لو كل واحد بدا بإصلاح نفسه وبعدين أتهم فلان وعلان أخير
يعني الواحد بيده يتخلص من كل هالاشياء بالاراده القويه
والتوكل على الله ....
طبعا مافي واحد يتجرأويعرف هله على وحده من هاللوث ولا
يشرفه ياخذ وحده منهم في وايد شباب يقولون خل نلعب الحين
وبعد العرس بنصطلب ليش أنزين عرس وفك عمرك من الأذيه
وبليييييييييز سالفه غلاء المهور اعتبرها عذر أقبح من ذنب والله

لمّــاح

مسموح يا خويه خذ راحتك وماتفرق اذا انت رديت على الأعضاء او أنا
الموضوع تحت أمركم طالما أنه للمناقشه وتوضيح وجهات النظر <IMG src="http://oasis.bindubai.com/emoticons/fa31.gif" border=0>
وصح أنت من البدايه ماعممت على سالفه القصه بس مثل ما قلت
مش كل وحده اتسوي القصه جذه اتكون من هالسوالف .....
عاشوا هل ديره <IMG src="http://oasis.bindubai.com/emoticons/fa42.gif" border=0>

دفا روح

الله يسمع منج عزيزتي وإن شاء الله نقدر أنفيد ونستفيد من الكل

أدعي لهم ولنا بالهدايه والصلاح ...

سويرة

13-06-04 ||, 12:46 PM

الجنية
 ...
تسلمين حبيبتي ع الموضوع الحلو
 ...
في بعض الشباب لما يعرف ع ( روسية . مغربية . او ... ) يتفاخر ع ربعه
  و مثلا اربيعا هاذا ما عنده اربيعه قال ليش هو عنده و انا ما عندي
 عشان جي برووح هو بعد يتعرف ع بنية
يعني لو واحد من الشباب سوى جي
 بتجووفين جيش ورا يسوى نفسه <img src="http://oasis.bindubai.com/emoticons/fa50.gif" border=0>
 يعني كله غيره بـ غيره <img src="http://oasis.bindubai.com/emoticons/fa55.gif" border=0>
..
سويـــــــرة <img src="http://oasis.bindubai.com/emoticons/fa42.gif" border=0>

الجنيه

13-06-04 ||, 12:47 PM

لحظه صمت

السموحه فديتج تأخرت في الرد عليج بسبة أنه صارت صفحه ثانيه وانا على بالي
أني رديت عليج ... اسمحيلي حبوبه..

الله يسلمج صدقتي بكل كلمه قلتيها يعني هاللي طايح ورا هاللوث لو أشويه فكر جان سار
خطب له وحده تناسبه ومن مكانته الاجتماعيه عسب ما يقول أهلها يتطلبون وبالفعل في
وايد بنات يبن الستر وبس وما يطلبن مهر غالي ولا شي بس الشباب يتهربون بهالحجه
لو واحد عنده ضمير صاحي بس يقولي كم مره سار يخطب وحده وردوه بسبه المهر ؟؟؟ كم واحد؟؟؟
تلقين ولا واحد فيهم مر بهالتجربه شخصيا تلقينه سامع أنه فلان طالبين عليه مهر ما ادري كم
أنزين يمكن هالفلان خطب بنت ناس كباريه وطبعا هاي ما بترضى بالشي القليل ,, ليش ما كل واحد يتوكل
على الله واذا له خير  في هالزواج الله بيسهل له , حتى لو طلبوا منه مهر مليون سبحان الله الله رايد لهازواج انه
يتم مافي شي بيوقف في ويه الزواج هاي حكمه رب العباد هم على يطول يحسبونها على أساس أنهم ما يقدرون يوفرون هالمبلغ
للمهر أنزين سبحان الله يمكن هالزواج ما كان لك فيه خير فرب العالمين سخر لك سبب يمنعك عنه وهالسبب هو المهر!! صح والا لا ...

الأمل الضايع

أهم شي أعصابج فديتج هدي مافينا بعد تتنرفزين واتخبصين في الماث <img src="http://oasis.bindubai.com/emoticons/fa30.gif" border=0>

كلامج مظبوط نمر ون ,, الصراحه وايد من الشباب هاأسلوب حياتهم ما يحسون بجيمه شي
يعني من فتحوا عيونهم وهم عايشين الحمدلله في نعيم ما يعرفون جيمه شي وكل شي يبونه زاهب ولا يبون
يكدون ويتعبون لأجله واللي ما يسعى ورا اللي يباه لو شو مايصير ما يقدر ياخذه أو يملكه ,,, رب العالمين قال
إسعي يا عبدي و أنا أسعى معاك .. يعني لو كل واحد فكر يعرس حاسب على عمره والمصاريف اللي مالها لزمه
أستغى عنها يقدر يكون نفسه ويستقر والله الموفق  ....

أتمنى أني ما نسيت حد وإذا صار ان شاء الله لي عوده وبرد عليكم

لمّــاح

13-06-04 ||, 01:20 PM

عــدنا , ,

قبل كل شي , شكر خاص جدا للاخت الجنيـه لانها عطتني green card عسب ارد و اشارك كمن مره في موضوعها <img src="http://oasis.bindubai.com/emoticons/blush.gif" border=0>

00

- بعض المحلات و اخص بالذكر محلات البليارد و المقاهي ( اقصد الشيشة ) يتعمدون توضيف بنات من الجنسية (( الروسية )) و هذا كله لجذب أكبر عدد من الشباب لارتياد هاذي المقاهي و صالات الالعاب , , ,

- شباب , و أيضا شوّاب من الجنسيات الخليجية الاخرى , استوت وجهتهم الشبه ( شهرية ) هي دبي , وذلك لسهولة العثور على بائعات الهوى !!

00

يعني والله اشيا محزنه , شاب مواطن جدام اهله ماشي احسن منه و من ورا هله الله يعلم شو !!

الله يهدينا جميع و اسمحولي على المغثه <img src="http://oasis.bindubai.com/emoticons/smile.gif" border=0>

الجنيه

14-06-04 ||, 07:52 PM

لمّــاح

أنا كريمه وأنت تستاهل <img src="http://oasis.bindubai.com/emoticons/fa31.gif" border=0><img src="http://oasis.bindubai.com/emoticons/fa31.gif" border=0>

العفـــــــــــــــــو

الاسطوري

16-06-04 ||, 03:23 AM

السلام عليكم ..
اشحالهم العربان ..

أختي الكريمة / الجنيه

أنا مب ضد الحريم ولا اني ويه الريال بس بصراحه انتوا منحازين لجانب واحد
ومخلين البنات على صوب ولا جنهن يسون شي .. مادري
ماتشوفون اللي أنا أشوفه ولا ماتبون 
تشوهون صورة البنات
جدام الخلق !!
 
السموحه أفكاري ضـــــــايعه
من الامتحـــانــــات
( ولي عودة)

أخوكم
الاسطوري

الجنيه

16-06-04 ||, 12:54 PM

الأسطوري

وعلسكم السلام ورحمه الله وبركاته

 أولا مرحبا بعودتك صدق فقدناك

الله يسلمك أنا مش منحازه ولا شياته بس أنا رمست عن شي يستوي بشكل
رهيب ,,, ما أنكر أنه فيه وايد من البنات يسون أشياء يمكن أخس من الشباب
بس أنا عن نفسي لليوم ما شفت وحده تتمسى ويا واحد زلمه أو أجنبي
ما أقولك أنه ماشي وأنا شخصيا أعرف بنات ماخذين أجانب
بس أنا رمست عن الشباب وأنتوا لكم المجال مفتوح
ترمسون عن اللي أتشوفونه وأتشاركونا باللي عندكم
يلا جمع بنات أفكارك وبانتظار عودتك

الاسطوري

25-11-04 ||, 11:38 PM

احم احم
عدنــــــــــــــــــــــ ــــا

جمعت بنات أفكاري بس ماطاعوا يطلعون وياي على الهوا يستحون حليلهم مب شرات البنات اللي لا حيا 
ولا مستحى ، انزين بالنسبه للإتهام هو للطرفين مب لطرف واحد واللي يسوونه الشباب
يمكن الكل يشوفه عشان جيه الكل يتكلم بس اللي يسوونه البنات كله
من تحت لتحت وانتوا البنات تعرفون هالشي
أكثر منا وبين بعضكم البعض
تعرفون تاريخ
كل
وحده منكم بس محد يتكلم لأنه خايف على سمعته ، يمكن الشباب مصخوها وايد وصار شي عادي
عندهم ومب هامنهم لا دين ولا عادات ولا تقاليد ولا شي بس مب معناته أن البنت
بعد تسوي نفس الشي وتضيع عمرها عشان نزوات دنيويه ،
وكل واحد يغلط مابيتندم إلا بعد مايفوت
الفوت وساعتها ماينفع
الصوت
<IMG src="http://oasis.bindubai.com/emoticons/sad.gif" border=0> 
وين دينكم ياناس .. أنتوا اتخافون أن حد من أهلكم يعرف وتصير لكم مشكلة و و و و و و و و
ويعني ماخفتوا من رب العالمين اللي شايف وعارف كل شي وأنتوا تعصونه
يوميا ليل نهار ، نار جهنم يوم القيامة يقولون لها
هل إمتلئتي فتقول هل من مزيد وترا
وقود النار هم الناس
والحجارة
والله يبعدنا عن الحرام ويهدينا ويجعلنا من الصالحين ،
التوبة اليوم يمكن تنقبل بس بعد الموت
خلاص كل شي ينتهي وعذاب
القبر شي مب
هين 

السموحه وأتمنى كلام الحق
ماينزعل منه
<IMG src="http://oasis.bindubai.com/emoticons/rolleyes.gif" border=0> 

الاســـــطوري
أخوكم

الجنيه

27-11-04 ||, 04:08 AM

الأسطوري 
كح كح كح

ماشاء الله عليك مب بنات أفكا رهاي اللي يبالها خمس شهور عسب تترتب
أعتقد أني من البدايه قلت هالرمسه وبعيدها مره ثانيه ،،،،،
أنا ما أنكر أنه في بنات يسون أشياء يمكن الشباب ما يسوونها
وأنت بنفسك قلت أنهن يسون بس من تحت لتحت يعني لا من شاف ولا من دري
أكيد اللي هم يسوونه غلط بس يوم الله ساتر عليهم وهم ما يجاهرون باللي يسوونه
ما يضرون غير أنفسهم وأعتقد نحن البشر ما لنا حق أنحاسبهم أو أنعاقبهم على هالشي
لأنه رب العالمين هو اللي بيحاسبهم على هالشي ,,,

وكلامك أبدا ما يزعل لأنه حقيقه وواقع نحن كلنا عارفينه ....

الله يوفقك

زمان أول

27-11-04 ||, 05:15 AM

مرحبا الجنيه

ولا الريال فرحان المفروض يستحي ... شو فرحان على خيبته الله يهديهم ... المفروض الشرطه ما تخلي هالاشكال يمشون على الشارع وياهم بنات ما ادري من وين يابينهم ...

اخوج
الكتبي

الجنيه

27-11-04 ||, 05:20 AM

البدوي

جان زين ياخوي لو الشرطه يساهمون بهالشي
تلقاهم يومين وينسون الموضوع
مشكله في سوء الاداره عندنا الصراحه
يقولون دوريات الشرطه دوم هناك بس ما نشوف شي
كله رمسه لا أكثر ،،،

وين يستحي واللي من أمثاله يعرفون الحيا والحشيمه
خلها على الله

الله يهدينا ويهدي الجميع ويستر علينا