منوعات نقاشية [الأرشيف] - -:: واحات بن دبي ::-

مشاهدة النسخة كاملة : منوعات نقاشية

إسهر معي ليله

23-04-04 ||, 08:46 PM

بسم الله الرحمن الرحيم
نبدأ مواضيعنا <img alt="" hspace=0 src="http://planets.uaeplanet.net/images/smiles/brows.gif" align=baseline border=0>


***
الواسطة

تعلن شرطة دبي عن فتح باب التسجيل لدورة المرشحين.. الشباب كلهم قدموا.. اظن وصلنا الألف.. طلبونا للمقابلة وخسنا لين قابلونا.. <img alt="" hspace=0 src="http://planets.uaeplanet.net/images/smiles/unsure.gif" align=baseline border=0>
في نفس اليوم عرفنا إن الشرطة ما تبا الا 60 واحد.. طبعاً فقدنا الأمل.. لكن تشجيع الأهل حمسنا.. ما عرفنا منو المقبولين الا من هذا وذاك.. والنتيجة 40 واحد دخلوا عن طريق الديوان بدون لا مقابلة ولا شي.. و20 واحد طبعاً بيكونون عيال الضباط.. ومب أي ضباط.. علاوة على هذا 16 واحد من اليمن و12 واحد من فلسطين!!.. ومن دول الخليج الخمسه ماخذين 7 فقط.. سبحان الله <img alt="" hspace=0 src="http://planets.uaeplanet.net/images/smiles/wassat.gif" align=baseline border=0> (( نشكر شرطة دبي على الإعلان اللي حمسنا كلنا.. ونشكرها لأنها بينت للكل انها تبا مواطنين يقدمون عندها وانها في خدمة الشعب <img alt="" hspace=0 src="http://planets.uaeplanet.net/images/smiles/uaeflag.gif" align=baseline border=0> ))

برنامج إعداد.. في أول أيامه كان مثال للبرنامج الناجح اللي يساعد الطلبة المتخرجين والأوائل واللي مب قادرين يدرسون برع.. البرنامج ما يقبل الا اللي نسبته فوق الـ80%
المهم.. قدموا الشباب.. او بنتكلم عن واحد من هالشباب.. نسبته فوق الـ80 لكن قالوله انته في الزفت اللي اخترعوه "waiting list " <img alt="" hspace=0 src="http://planets.uaeplanet.net/images/smiles/vertag.gif" align=baseline border=0> الأخ رضى بقضاء الله وقدره.. لكن سمع ان واحد من ربعه واللي نسبته 60% إنه مقبول مع إنه عنده مادتين راسب فيهم وبيعيدهم (( شكراً للقائمين على برنامج إعداد )) <img alt="" hspace=0 src="http://planets.uaeplanet.net/images/smiles/post-16-1049736636.gif" align=baseline border=0>


ملاحظة!. كل واحد فينا لما عنده واسطه يستغلها .. لكن حرام لما تكون هالواسطة ظلم <img alt="" hspace=0 src="http://planets.uaeplanet.net/images/smiles/ranting.gif" align=baseline border=0>

شركة شرطة دبي

حكومتنا صارت الكترونية.. وصار كل شي بالكمبيوتر.. <img alt="" hspace=0 src="http://planets.uaeplanet.net/images/smiles/mf_type.gif" align=baseline border=0> المهم.. قبل فترة طويلة عرفنا ان زمان الغاء المخالفات انتهى.. يعني مافي حد يقدر يكنسل مخالفاته.. ما قلنا لاء.. لأن هذا من حق شركة شرطة دبي اوه!.. قصدي ادارة شرطة دبي.. مع انه فيه وايدين الكمبيوتر يقبل يكنسل مخالفاتهم.. اظن يخاف من رتبهم او شي مع انهم هم اللي قادرين يدفعون ملايين ولا يتأثرون.. بس ما عندنا اعتراض.. هذا من حق شرطة دبي.. احنا نخالف ونستاهل
المهم.. شرطة دبي قامت تغير اللوحات.. واعتقدنا انها ناوية كل سنة تغيرها.. واحنا ما علينا الا ندفع 70 درهم قيمة اللوحات سنوياً.. شكر خاص للشيخ محمد لأنه الغى هالشي.. مع ان احنا كنا نتمنى ان هالشي يطلع من شرطة دبي .. الشركة الحلوة.. بس ما عليه.. تكنسل هالشي وارتحنا
لكن فيه مشكله يديده ويا الكمبيوتر.. ومادري اذا كانت بعدها موجوده.. قبل مشكلة اللوحات اللي انحلت.. شرطة دبي كنسلت "الستيكر" اللي فيه تاريخ تجديد اللوحه.. وقيمته 10 دراهم.. سرنا نجدد سيارتنا وقلنا للشرطي ليش هالعشر دراهم يوم انكم كنسلتوا "الستيكر"؟ قال والله هذا في الكمبيوتر وما كنسلوه يعني الكمبيوتر يقول شي عشر دراهم وانتوا غصباً عنكم تدفعونها <img alt="" hspace=0 src="http://planets.uaeplanet.net/images/smiles/throw.gif" align=baseline border=0> (( شركتنا.. عفواً شرطتنا الحلوة.. اول شي سمعنا انه عندكم احسن هكر في العالم.. يمكن اشاعة لكن اكيد عندكم.. يا ترى هالهكر ما يروم يمسح كلمة العشر دراهم مال "الستيكر"؟.. بس ما علينا حكومتنا الكترونيه ولازم نتحمل.. وعلى فكرة!.. كل عشر دراهم في ذمت الشركة لين يوم القيامة ))

العنوسة

انا ما بتكلم او بييب شي يديد.. كلنا نعرف اسباب العنوسة المنتشرة وكل واحد له راي.. لكن ما فيه شي ما فكرنا فيه..يمكن كنا غافلين عنه..فيه سبب وهو:
احنا في الإمارات منقسمين إلى أربع طوائف (عرب، بدو، عيم، بلوش) وكل واحد فيهم ما يتزوج من الثاني.. يا ترى ما فكرتوا ان هذا سبب عنوسة؟ لين متى بنظل نفكر في الريال واسمه واصله؟ البنت تقول امااايه انا كبرت.. تقولها لا بعدج صغيره وبييج راعي الأصل.. خير ان شالله
ليش احنا بعدنا على عصر الجاهلية.. الرسول -صلى الله عليه وسلم - قال دعوها فإنها منتنه أو ممتنه (بصراحة مادري شو هو اللفظ الصحيح) لكن معناه نتنه! و اظن سمعناها وايد يوم كنا في المدارس.. عزكم الله معناها وصخه... رسولنا الكريم قال هالكلام عن التفاخر بالنسب.. هذا كله كان في الجاهلية.. واحنا احين مسلمين.. (( يمكن دشينا في سالفة العنصرية.. لكن بصراحه.. ما تعتقدون ان هذا سبب في انتشار العنوسه؟ )) <img alt="" hspace=0 src="http://planets.uaeplanet.net/images/smiles/birgits_shrug.gif" align=baseline border=0>


***

اتمنى اني ما اكون طولت عليكم.. واحس انه عندي اشياء ثانية.. وان شالله أي شي يديد احطه وانتوا بعد لا تنسون تشاركونا 
مشكورين.. مع السلامه <img alt="" hspace=0 src="http://planets.uaeplanet.net/images/smiles/clap.gif" align=baseline border=0>

لحظه لحظه.. اتمنى ان كل واحد يعطيني رايه وبصراحه.. وما يكتفي بشكراً وبس حتى لو كان رايه ضدي
الله يحفظكم <img alt="" hspace=0 src="http://planets.uaeplanet.net/images/smiles/thumbup.gif" align=baseline border=0>

اوووه اتريوا.. اعتذر لكل اعضائنا الحلوين.. اول شي ما تشوفوني اشارك وايد.. يعني اكيد الواحد فيكم بيقرا موضوعي وبيقول هذا ما يرد على مواضيعي.. ليش ارد عليه؟.. والسبب هو اني ما احب ارد واكتفي بشكراً.. احب اناقش واعطي رايي.. فإذا كان رايي مذكور ما اشارك.. او اذا ما اعرف اعبر.. الزم سكوتي.. <img alt="" hspace=0 src="http://planets.uaeplanet.net/images/smiles/sweatdrop.gif" align=baseline border=0>
الله يعطيكم العافيه.. مع السلامه 

اووه لحظه.. خخخ خلاص خلاص.. مع السلامه <img alt="" hspace=0 src="http://planets.uaeplanet.net/images/smiles/in_love.gif" align=baseline border=0>

خنفروش

24-04-04 ||, 01:01 AM

مرحبااااااا الغااالي اسهر معي ليله الصراحه موضوعك قوي وااااااايد و ايدل عليك بلا شك و يأكد إنك شخص واعي عشان جيه برد لموضوعك بس عندي تعقيب صغير على ملاحظتك أو هي نصيحه ترى الأخوة أخذ و عطاء و تفاعل مثمر و من الأشياء الي تنجح الموضوع الكاتب نفسه و مكانته عند الأعضاء و أنت ما تنقصك الطريقة ولا الاسلوب يعني الكسل هو الي يخليك ما تتفاعل مع الاعضاء من اليوم قول انا بدش كل الواحات وبرد على الاعضاء بدون النظر الى شو بكتب خلك مثل خنفروش يكتب بكل عفويه ولو غلط يعتذر بطبع موضوعك عشان اتفيج له و السموحه منك الحلو

شوكولاته

24-04-04 ||, 01:19 AM

مشكور اخوي على الموضوع
والصراحة بلادنا تحكمها الواسطات
و ما نقول غير حسبنا الله و نعم الوكيل
 
اختكم
شوكولاته<img src="http://oasis.bindubai.com/emoticons/009.gif" border=0>

إسهر معي ليله

24-04-04 ||, 07:32 PM

اخوي خنفروش.. اول شي مشكور عالمشاركة الطيبة وننتظرك.. وثاني شي انا معاك فهالشي.. لكن احياناً المواضيع ثقافية بزياده.. مثلاً عن القلم والكتاب.. انا وين وهالسوالف وين؟؟.. خخ.. وبيني وبينك احياناً اتكاسل.. الهم تسلم اخوي وننتظرك <img alt="" hspace=0 src="http://planets.uaeplanet.net/images/smiles/post-16-1049736636.gif" align=baseline border=0>

اختي شوكولاته.. نك نيمج عجيب <img alt="" hspace=0 src="http://planets.uaeplanet.net/images/smiles/brows.gif" align=baseline border=0> .. مشكوره عالمشاركة.. والله يعينا على هالواسطات اللي بتدمر مستقبلنا <img alt="" hspace=0 src="http://planets.uaeplanet.net/images/smiles/ranting.gif" align=baseline border=0>

الله يحفظكم <img alt="" hspace=0 src="http://planets.uaeplanet.net/images/smiles/in_love.gif" align=baseline border=0>

عاشق الخيل

24-04-04 ||, 08:27 PM

مشكووووووووور عزيزي على هذا الموضوع المهم الذي طرحته

وفعلاُ فيتامين (( و )) مثل مايقال عنه والي هو الواسطات مسيطره في الدوله

وأحلى شيء الشرطه ههههههههه ونحن بعد اونه مقدمين خخخخخ تعبنا عمارنا والله

المقابله الساعه 7 والحبيب داخل الساعه 11 ونص ههههههه وتمصخروا عليه وقالولهه اطلع

وانا سمعت انه بينعون الواسطات بس من ناس معينين والي هم اللعيبه الي في الانديه ولاكن وين الباقين ؟؟

الله كريم والله المستعان .

وبعد هالايام دائره خاصه اخترعوا رمسه يديده وانا بقولك شو السالفه واحد سار يقدم في هذه الدائره وللاسف اخترعوا كلمه هؤلاء لجل

مسكين يرضا بقليله (( بنطالع الميزانيه لان اكتفينا )) وبعدها بيومين الحبيب متعين وموافقين عليه والمشكله هالمكان ماعندهم ميزانيه

بس اخترعوها من عندهم لجل يسكتون <img src="http://oasis.bindubai.com/emoticons/008.gif" border=0> الفقير ولاكن بعدها بيومين اتعين والواسطه فوق القانون <img src="http://oasis.bindubai.com/emoticons/015.gif" border=0>.

أحلى منصوري

25-04-04 ||, 06:08 AM

الســــــــلاام علـــــــيكم ورحمــــــــة الله وبركـــــــاته
اخويه اسهر معي ليلة:
الطريق مراقب بالرادار ،،، والسما فيها غيوم.
ما روى السياسة إلا التعاسة ،،، أكيد سبني وقال شو هالانسان ،،
اذا ما تبى اتشارك ،، اذلف ولا اترد على الموضوع ،،
بس أنا راح أرد على موضوعك ،، حتى لو انت ما تبى (أمزح معاك<img src="http://oasis.bindubai.com/emoticons/000.gif" border=0>)
بس تعال انته ،، ما اشوف ردودك في مواضيعي <img src="http://oasis.bindubai.com/emoticons/004.gif" border=0>.
...
الواسطة:
وما أدراك ما الواسطة.
انت ما عندك واسطة!!
عيل ليش ياي اتقدم عندنا ،، سير دور لك على واسطة وخلاف تعال.
في الجيش ،، بالحرف الواحد قالوا حق واحد الله يستر عليه(لا اتخافون هب أنا ،، أنا ما أحب أحدر الجيش<img src="http://oasis.bindubai.com/emoticons/012.gif" border=0>) :
إذا ما عندك واسطة لا اتقدم ،، كلام الضابط للطالب اللي يبغى يسير على حسابهم.
مثال ثاني: المعهد البترولي الله يطول بعمره ،، شروط الالتحاق ،، فوق ال 70 علمي.
بس هالشرط هب للكل ،،
 اللي عنده هالشرط ينقبل ،، فوق القانون يقدر يدشها.
شي ناس تحت ال 70 ويدرسون ،، بس آخر شي يظهرون لانه الدراسة صعبة.
بس ضيعوا على عمرهم وعلى غيرهم الفرصة.
في الشرطة ،، اذا ما عندك واسطة بتتريا ورى (الخانات) في الطابور.
وليسنك بعد شهرين ،، غير بو الواسطة ،، في اسبوعين ( وإذا واسطتك قويه : اسبوع وايد)
جهاز الاستثمار ،، حدث ولا حرج.
..
أخاف يسير السلام بين الناس بالواسطة ،، هب كأنه سار وانتهى<img src="http://oasis.bindubai.com/emoticons/016.gif" border=0>.
اللي ما عنده واسطة لا يكتب في الواحات ،، بعد سارت<img src="http://oasis.bindubai.com/emoticons/008.gif" border=0>.
شو بقى يا ناس !!!
حد يقدر يخبرني؟؟
هيه ،، أنا اعرف ،، ما شي واسطة بينك وبين الله<img src="http://oasis.bindubai.com/emoticons/012.gif" border=0>.

لي عودة وبقضية ثانية.
عيبني الموضوع ،، شو رايك تعطيني الليت الأخضر في الموضوع ،، عادي ،، من دون واسطة<img src="http://oasis.bindubai.com/emoticons/000.gif" border=0>.

الموضوع فكرته حلوة.
والله يوفقك.

والسموحه

أخــوكم
أحلى منصوري

العيناويه

25-04-04 ||, 03:39 PM

<?xml:namespace prefix = o ns = "urn:schemas-microsoft-com:office:office" /><o:p>
دائما نتسائل هل نحن جيل عازف عن الزواج ...

وهل فعلا تاخر سن الزواج للشباب يرجع الى نقص الامكانيات الماديه فقط

وان هذا الي يخلي  الشباب دايما يتأخرون في الزواج ؟؟؟؟؟؟؟

علما ان الشاب يختلف عن الفتاة بانه متى ما يبا  يعرس  فبامكانه دون انتظار طرف اخر<o:p></o:p>
<o:p> </o:p>
ولكن ماذا عن الشباب من اصحاب الدخل العالي وامتناع معظهم عن الزواج...  
هل لأنهم يشعرون بأن الأمر متاح لهم في أي وقت ...  لذلك لا تجد ذلك الاهتمام البالغ بالحصول على الشيء .
اما بالنسبة لطبقة الكادحين ... فهاذيله يحسون بهذا اكثر لانهم صعب يحصلون على الي يبونه ولأنهم ما يوصلون له  إلا بشق الأنفس وبعد جهد جهيد ..
 فيقدرون أدق الأمور بالحياة .<o:p></o:p>
<o:p> </o:p>
اما بالنسبة للفتيات ان اهم اسباب العنوسة هي :<o:p></o:p>
السبب الاول <o:p></o:p>
غلااااااااااااء المهووووووور ( يعني يوم يسير الواحد عسب يخطب ... يقول ابوها بنتنا غاليه يعني المهر 200 الف والزهبة 200 الف والمأخر 200 الف عسب نعيز الريال ولا يطلق وغيره وغيره من تكاليف العرس الباهظه )<o:p></o:p>
السبب الثاني<o:p></o:p>
 البنيه بتكمل تعليمها ( يمكن العرس ما يخلي الوحده توفق بين بيتها ودراستها وهيه تبا تعطي كل ذي حق حقه ) .<o:p></o:p>
السبب الثالث <o:p></o:p>
مبالغة الفتاة في اختيار فتى احلامها ( وتبدا تتشرط اباه يكون طويل ... وسيم وهذا اهم شي .. متعلم ... يشتغل في مكان محترم وراتبه شي شي .<o:p></o:p>
السبب الرابع<o:p></o:p>
 يمكن تكون مخلصه وتشتغل وراتبها حلوووووووو فتجوف الزواج على انه شي هب ضروري .
السبب الخامس<o:p></o:p>
 العادات والتقاليد على ان الولد حق بنت عمه ( محيره ) ... واذا يا أي واحد يخطبها يردونه .. وآخر شي يظهر الولد ما يبا بنت عمه او هيه ما تباه ( فتطيح الحلوه في جبد اهلها ) .<o:p></o:p>
<o:p> </o:p>
تسلم اخويه اسهر معي ليلة ع المواضيع القيمه والي تحتاج لنقاش جاد <img src="http://oasis.bindubai.com/emoticons/012.gif" border=0><o:p></o:p>
وحلول اكثر جدية هب كلام وبس<o:p></o:p>
<o:p> </o:p>
والسموووووووووووووووووووو ووووووووحه <img src="http://oasis.bindubai.com/emoticons/003.gif" border=0><o:p></o:p>
<o:p> </o:p>
عيناويووووووو طويلة العمر تنتظر مواضيعك<o:p></o:p>
</o:p>

إسهر معي ليله

25-04-04 ||, 08:03 PM

عاشق الخيل.. ياخي عورت راسي.. كلمة فصحى وكلمة عاميه خخخ <img src="http://oasis.bindubai.com/emoticons/tounge.gif" border=0>.. مشكور الغالي عالرد.. ذكرتني يوم كنا في الشرطة.. سامتين وحالتنا حاله.. وانا كل ما اشوف واحد حاسر ولا متعصم.. اقول ما بيقبلونه.. انا سامت بيشوفوني ريّال.. بس في النهاية شاتوني واللي ما كان سامت واسطته سامته <img src="http://oasis.bindubai.com/emoticons/glare.gif" border=0>

احلى منصوري.. لا ياخي ما بعطيك الليت الأخضر.. لازم تكلم واحد من الكبارية اللي هني خخخ.. تسلم اخوي عالرد والموضوع موضوعك.. وعلى سالفة الجيش فيه ناس قدموا على دورة المرشحين.. وفي نفس المكان اللي قابلوهم فيه كانوا يزقرونهم ويحاولون يقنعونهم يدخلون مشروع زايد اللي الكل يشرد منه.. يعني يتصل فيك ويفرحك انك مقبول.. وانته عبالك انك بتكون مرشح.. بس في النهاية بيدخلونك مشروع زايد.. والله يستر اخاف ايي يوم يتندمون ليش انهم ما دخلوا مشروع زايد.. لأنه لين احين يبون ناس.. الله يعلم مى بيصير المشروع بالواسطة <img src="http://oasis.bindubai.com/emoticons/rock.gif" border=0>

العيناوية... مشكورة عالمشاركة اللي تفوح ورد.. وصح اللي فلتيه.. للأسف اللي عنده.. فلوسه تروح على عراقيات البزنس.. نشوف الواحد فيهم يسوي حفلة في مزرعته ايمّع شلة الأنس شباب وبنات.. والسهرة كلها على حسابه.. لو يتزوج مب احسن له؟ وللأسف ما يعرف قيمة الفلوس.. يعني يكون وارث هالفلوس من تعب ابوه ولا يدّه.. ويوم طاحت في ايده يفرها في اشياء مالها فايده لين يفقر.. والله يستر من اللي الياي <img src="http://oasis.bindubai.com/emoticons/down.gif" border=0>

مشكورين على ردودكم الطيبة.. الله يحفظكم <img src="http://oasis.bindubai.com/emoticons/cool.gif" border=0>

بهجة الروح

25-04-04 ||, 08:44 PM

اسهر معي ليله

تسلم أخويه عالموضوع وعالمنوعات النقاشيه...

أسلوبك في الطرح وايد حلوو

والمشاكل اللي اطرق لها مهمه جداً

وباخذ نقطتين من اللي عرضتهم

أول شي : الواسطه :

بالفعل هالأيام ...الواسطه تلعب دور كبير ..ما أدري ليش
بس عندي أنا واسطتي هي رب العالمين
الواحد يتوكل على الله والله بيوفقه

ثاني شي: العنوسه:

مشكله في تزايد مستمر نظراً لكثره عدد البنات بالمقارنه مع عدد الشباب...
شاب مقابل 4 بنات
4:1

فحل هالمشكله هي بتعدد الزوجات

بس مش كل وحده يعجبها هالحل الوسط <img src="http://oasis.bindubai.com/emoticons/016.gif" border=0>

ا ل ز ع ي م

25-04-04 ||, 09:41 PM

00 بسم الله نبدأ 00

الشركات الخاصه وليست حكوميه  وهذه الشركه ولأنها خاصه أفصحت بأنها مهتمه بتوظيف المواطنون والأولويه للمواطنين ولذلك تم نشر شروط القبول للشركات الخاصه على أن يتثب المواطن على أبراز هذه الشروط وهي كالتالي:

1) حاصل على شهادة جامعيه أو ما يعادلها
2) أن يكون متخصص في مجال الأعمال والكمبيوتر
3) أن لا يقل  عن عمر الـ 20 سنه ولا أكثر عن عمر الـ 50 سنه
4) أن يكون ملم كثيراً باللغه الأنجليزيه
5) أن يكون ساكن في نفس الإمارة التي  تكون فيها مقر الشركه
6) أن تكون له خبره لا تقل عن الخمس سنوات

* تعطي الأولويه لمواطني دولة الإمارات العربيه المتحدة

المواطن قد يثبت الشروط الأولى إلى الرقم (5) ولكن الرقم (6) وبما أن ليس له أي خبره وذلك من الجامعه سيده ينتظر العمل غير عن الوافد ألي كل يوم من شركه لشركه ومن مكان لمكان ومن دوله لدوله - ما شاء الله عليه ولا النحله النشيطه -وفي الأخير تجده يشتكي كثرة العسل الزايد في دولتنا لذا المجال للوافد هو الأفضل ولأن معروف أن لا ولن يوجد مواطن عنده خبره أو أنه كان مقيم في دوله غير عن دولته ويا حكومتنا نحن الشركات الخاصه سوينا ألي علينا ولكن كما ترون الوافد هو الأحسن لأنه وافد وليس مواطن ولأنه خــبـــيــر وأنيق ويلبس كرافتأ وشعره أربع وعشرين ساعه أمبلس ويلامع ويعرف الأنتكيت ومتفتح زياده كالورده المتفتحه وما أييب طاري قلة الراتب فهذا يساوي شهادة الدكتوراه ألي عند المواطن وهات تصفيق في تصفيق <img src="http://oasis.bindubai.com/emoticons/015.gif" border=0>

ا ل ز ع ي م <img src="http://oasis.bindubai.com/emoticons/011.gif" border=0>

إسهر معي ليله

26-04-04 ||, 12:10 AM

بهجة الروح.. أخجلتيني إختي <img alt="" hspace=0 src="http://planets.uaeplanet.net/images/smiles/in_love.gif" align=baseline border=0>.. ومشكورة عالرد.. وانا معاج ان تعدد الزوجات بيكون الحل.. بس للأسف ان الواحد راتبه يا دووب يكفيه ويا حرمه وحده.. وين لو اكثر؟ وثاني شي لا ننسى انه العزابية واااايد.. يعني العنوسة مب بس بين البنات.. بين الشباب بعد.. فلو كل الشباب تزوجوا اربعه.. بعد بنشوف حالات عنوسه.. وفي الأخير ما بنعقد الأمور.. هي فكره حلوة.. ويمكن انها بتقلل نسبة العنوسة<img src="http://oasis.bindubai.com/emoticons/smile.gif" border=0>

زعيم00ولكن00ساخر... هاي ساخر أول مرة اشوفها.. مشكور اخويه عالرد.. والشركات الخاصه ما عليها لوم.. يوم ان القطاع الحكومي صارت شروطه عجز.. ومثل هذيل حتى الوافدين ودروهم.. احين قام سوق الهنود.. الهند متطورة في تقنية المعلومات.. يعني اييك الهندي براتب قليل وساعات عمل كثيرة.. ولغة انجليزية.. <img src="http://oasis.bindubai.com/emoticons/cool.gif" border=0>
ويقولون ليش الهنود كثروا... قبل كانوا عمّال بنا وعلى قد حالهم.. اما الحين صاروا خبراء.. فزيادة على عددهم زادت سياييرهم.. فكل مكان تشوف الهنود اكثر.. في الشارع.. المستشفى.. الجمعيه.. حتى معارض السيايير !!.. والله اني استغربت يوم دخلت معرض كبير واني الوحيد مواطن فيه والباقين هنود.. اللي يشتغلون والزباين.. ((دخلنا في سالفة ثانيه)) بس الصراحة لازم يلاقون لها حل.. يعني نسبة سكان الإمارات مليونين نسمة... 800 الف بس مواطنين.. والباقي؟؟<img src="http://oasis.bindubai.com/emoticons/glare.gif" border=0>

مشكورين على ردودكم الطيبه.. الله يحفظكم <img src="http://oasis.bindubai.com/emoticons/smile.gif" border=0>

أحلى منصوري

26-04-04 ||, 04:43 AM

الســــــــلاام علـــــــيكم ورحمـــــــة الله وبركــــــــاته
اخويه اسهر معي ليلة:
أنا بيي وبسهر معاك ،، شو رايك<img src="http://oasis.bindubai.com/emoticons/000.gif" border=0>.
امممم ،، ما عندي واسطة غير قلمي ،، تباه<img src="http://oasis.bindubai.com/emoticons/012.gif" border=0>.
وتسلم اخويه على الليت الأخضر ،،
بسم الله فلنبدأ.
...
العنوسة:
قال رسول الله صلى الله عليه وسلم:
( إذا أتاكم من ترضون دينه وخلقه فزوجوه إن لم تفعلو تكن فتنةٌ في الأرض وفسادٌ كبير )
صدق رسول الله صلى الله عليه وسلم.
واعتقد بأنه مشكلة العنصرية اللي اطرق الها اخويه اسهمر معي ليلة بدت تتلاشى.
ما سمعت من فترة عن زواج .... من .... (بدو من  عيم)
وبعد زواج ... من .... (من دون جنسية من بدو)
هاي المشكلة موجودة عندنا ،،،
بس هب هي خيط المشكلة ،،،
لو الناس تتقيد بالشريعة الإسلامية كان الكل بيكون بخير ،،،
وأي مشكلة راح تنحل.
واختيه بهجة الروح :
ما اعتقد بانا نبغى انحل المشكلة بمشكلة ثانية ،،
وما اعتقد بانه أي ريال في هالزمن يقدر يتزوج من ثنتين او اكثر.
لا تنسون ،، من شروط التعدد العدل ،،،
ورييايل هالأيام ما يعدلون ،،، تتفاقم المشكلة لمشكلة ثانية وأكبر.
وبخصوص كلام اختيه العيناويه:
سببج الأول جوابه في الحديث الشريف ،،
واللي يبغا العرس لازم يساعدونه أهله ،، ولا شو فايدة الأهل !!؟؟
والناس همها المظاهر الخارجية ،، من برع هالله هالله ومن داخل يعلم الله.
بس ليش الناس ما اتمد ريولها على قد الحافها !!؟؟
وسببج الثاني هب مقنع ،،
البنت مردها لبيت ريلها.
وما اعتقد بأنه حق الزواج أفضل من حق الدراسة.
وعلى أيام الرسول ،، البنت كانت بس تتعلم القرآن والحيدث.
وبنات اليوم يعرفن كل حايه ،، بس بعد ما يتزوجن يفشلن ،، اتعرفين ليش ؟؟
ما شي عقيدة صحيحة تخلي الحرمة اتعرف واجباتها.
الريال أولى بحرمته من الدراسة.
والسبب الثالث ،، ما يعيب الريال اي حاية<img src="http://oasis.bindubai.com/emoticons/012.gif" border=0>.
والسبب الرابع  ،،، مهما وصلت الحرمة من المراتب فهي في النهاية محتاجة لأسرة اتضمها.
راح تمشي واتشوف كل الحريم عندهم عيال إلا هي والسبب شغلها وراتبها اللي عايبنها.
العمر يركض ،، والشغل ما يخلص .
والسبب الخامس صعب اتغيره في شيابنا.
وياما بيوت اختربت واتدمرت بسبة التحيير على بنات العم للولد.
بس بعد الولد يقدر يقنع أهله ،، كل شي بالعقل زين ،، العقل زينه.
...
اللي يتمسك بالعقيدة ما راح يضيع.
قال الرسول عليه الصلاة والسلام:
( تركتُ فيكم ما إن تمسكتم به لن تضلوا من بعدي: كتاب الله وسنتي )

والسموحه على الإطالة.
ولي عودة ولكن بقضة أخرى.

أخــوكم
أحلى منصوري

الحمرة

26-04-04 ||, 05:13 AM

مشالله عليكم متفاعلين مع الموضوع

أنا بضيف في موضوع العنوسه

كلامك صح الأخ (إسهر معي ليله)  بس بعد ما يصير وحده أصل تاخذ واحد قليل أصل قليل أصل، عن النبي (ص) قوله: (اختاروا لنطفكم فإن العرق دساس وإن الخال أحد الضجيعين).
 مع احترامي للجميع

أحلى منصوري

26-04-04 ||, 05:57 AM

الســــــــلاام علـــــــيكم ورحمـــــــة الله ورحمـــــــة الله وبركــــــــاته
احم احم ،،،<img src="http://oasis.bindubai.com/emoticons/003.gif" border=0>.
اختيه الحمرة:
شو رايج في
قال رسول الله صلى الله عليه وسلم:
( إذا أتاكم من ترضون دينه وخلقه فزوجوه إن لم تفعلو تكن فتنةٌ في الأرض وفسادٌ كبير )
صدق رسول الله صلى الله عليه وسلم.
أنا سامع شيبته يقول ،، يوم تبغى تاخذ الحرمة شوف منو أبوها ومنو خوال عيالك ،، ما سمعته يقول شوف أصلهم<img src="http://oasis.bindubai.com/emoticons/016.gif" border=0>.
لو كنتي سامعه عن سلمان الفارسي ،، خذ وحدة من المدينة وكانت عربية وهو من بلاد فارس.
وكيف يعني قليل أصل ،،
نحن كلنا كأسنان المشط عند ربج ،،
فليش نحن نصنع العنصرية ،،
وراح أنشد وأتخبر عن الحديث اللي كتبتيه لأني ما أروم أفتي فيه.
والله يوفقج.
..
اخويه اسهر معي ليلة:
إذا حسيت إني زودتها ،، واستحيت مني ،، طرش بس ليه رسالة فاضية وأنا بفهمها<img src="http://oasis.bindubai.com/emoticons/003.gif" border=0>.

والسموحه

أخــوكم
أحلى منصوري

إسهر معي ليله

26-04-04 ||, 05:54 PM

السلام عليكم

أحلى منصوري... أخوي خذ راحتك.. الموضوع موضوعك.. وانته مب غريب..

إختي الحمره.. ماعرف اذا كان الحديث صحيح او لاء.. بس ما علينا اظن انه مر عليّه قبل.. بس بقولج حكمة خليها فراسج (( اللي له اصل ما يطالع بأصل غيره )) <img src="http://oasis.bindubai.com/emoticons/wink.gif" border=0>
خلينا نتكلم بوضوح.. اذا الرسول قال هالكلام.. فهل معنى كلامه ان الريال ما ياخذ الا عربيه.. اذا خذ بلوشيه ولا عيميه بتكون عديمة اصل؟ شو هالرمسه بعد<img src="http://oasis.bindubai.com/emoticons/glare.gif" border=0>
انتي منو قالج ان عديم الأصل معناه ان يكون غير عربي؟؟ من وين يايبه هالرمسه؟.. احين الباكستانيين والأفغان ماشالله عليهم يمكن اكثر ناس يتعبدون.. ولو دخلنا مسايدنا بنشوفهم اكثر ناس يصلون.. يا ترى هذيل عديمين اصل؟ رغم كل التقى اللي فيهم بيظلون عديمين اصل؟ مادري كيف تفكرين<img src="http://oasis.bindubai.com/emoticons/rock.gif" border=0>
الواحد يوم الله خلقه عايش مع بلوش او عيم.. يعني الله خلقه عديم اصل؟.. عديم الأصل موجود بين العرب والعيم والبلوش والكل.. عديم الأصل هو اللي ما فيه طيبه.. ما فيه خير.. يعني انسان سفيه وتافه.. هذا عديم الأصل اللي محد يناسبه.. مب شرط جنسيته او اي شي... ماعتقد ان رسولنا الكريم بيكون متخلف ومتعصب... صح ان العصبية القبلية فينا كلنا.. لكن الإسلام محى هالسوالف وصرنا كلنا واحد... وبدون هالأشياء الواحد لازم يفكر بعقله.. لين متى بنتكبر عالكل وبنشوف الناس عديمين اصل؟ يا ترى اصلج بيدخلج الجنه؟ هاي مب رمسه اختي.. كلنا في التراب.. وكلنا  بنكون عند ربنا واحد وبلغه وحده.. اتمنى انج فهمتي شو معنى عديم الأصل <img src="http://oasis.bindubai.com/emoticons/smile.gif" border=0>

الله يحفظكم<img src="http://oasis.bindubai.com/emoticons/cool.gif" border=0>

إسهر معي ليله

26-04-04 ||, 05:56 PM

عفواً.. غيري عديم الأصل بكلمة قليل الأصل.. ((ماشي فرق))

دموع قلم

29-04-04 ||, 08:11 PM

السـلام عليـكم,,

الــواسطـــة
نـادر ما نستـطيع العمـل في أي مجال بـدون فيتـاميـن ( و )
هـذا الفيتـاميـن يـزيد لعمـلك رتبـة عاليـة
ويسـاعـدك على التخـلص من الاعتـمـاد للنفـس وتحمـل المـسؤولية
ليـتنـا نستتطيع الاستغنـاء عن هـذا الفيتـامـين <IMG src="http://oasis.bindubai.com/emoticons/glare.gif" border=0> !!

العنــــوســـــة
هـذه الظاهــرة منتـشرة في مجتمعـنا بكثـرة فالكـل يعـلم بـذلك
ولكـن لمـا لا نعـمل على حـل هـذه المشكلـة والتـي يعـاني منها الكثيـر

أولا, اتبـاع العادات والتقاليـد التي تقـول بأن على الابـن الزواج من ابنـة عمه
فلما نغصـب الابـن على الزواج من فـتاة هو لم يرغـب بها ولما الأهل مصـرون على ذلك ؟!
فالابـن هو الـذي سيختـار الفتـاة التـي ستكـون شـريكة حيـاته للأبـد

ثـانيـا, العنصـرية التـي تقـول بأن لا يتـزوج الفتـى العربـي من فتـاة عيميـة أو بلـوشيـة, فلمـا ذلك التفـرقة العنصـرية التـي تـؤدي إلى العنـوسة في النهـاية؟! فالرسـول عليه الصـلاة السـلام قـال: ( لا فـرق بيـن العربي والأعجمـي إلا بالتقـوى )

ثـالثـا, غــلاء المهـور, فبعـض الأسـر لا يقبلـون الرجـل الـذي يريـد الزواج من ابنتـهم بمبـلغ بسيـط, لأنـهم يظنـون أن السعـادة فقـط تأتـي بالمـال وتنـاسوا أن السعـادة تـأتي بالراحة والاستقـرار والطمـأنيـنة, فهم لا يتـنازلون لابنتـهم بالزواج من رجـل أقل منـهم حالا ومـالا <IMG src="http://oasis.bindubai.com/emoticons/glare.gif" border=0>

اسهــر معــي ليلـــة
شاكـرة لك على هـذا الموضوع الرائـع
وأتمنـى أن لا تحـرمنا من أفكـارك دائمـا <IMG src="http://oasis.bindubai.com/emoticons/smile.gif" border=0>

بن دبي

30-04-04 ||, 02:35 PM

اول شي مشكووووور ...

 الصراحه ما توقعت ان في حد صريح وجريء  لهاي الدرجه ...

                     

اما على سالفة الواسطات ..

يمكن سمعت هالكلام قبل ..

 اعتقد انه مب بعيد ان مره توقف عند محطة البترول

ولا الدكان واتقول حق الهندي . . :

جيب 2 واسطه مال  خمسين درهم ...

        و 4 واسطة مال المستوى 3  ..

لأن السالفة منتشرة  .. ولازم ييي يوم اتشوف

اعلان في التلفزيون يقول ..

 هل تعبت من الوقوف في الدوائر الرسمية ؟؟

هل طفشت من البطالة ؟؟

هل لاعت جبدك من المعاملات الي يبالها 100 سنه لين اتخلص ؟؟

               اذا عليــك بالوااااسطه ..

ملاحظه .. متوفرة بجميع المستويات ..

         من تخليص الفحص الطبي مال البشكارة الى الحصول على

                              وظيـفة رئيس وزراء  ... براتب يتعدى الخيال ..

 

                     العنوسة ...

                   هاي السالفة ما بتنحل الا اذا اتمسكنا بالدين ... اول شي  ..

                   وثاني شي ... رضينا باللي الله كاتبنه ...

                                                     ومشكور اخوي على كل شي ..

إسهر معي ليله

30-04-04 ||, 05:41 PM

إختي دموع قلم.. أول شي كل عام وانتي بخير وعقبال الـ1000000 سنه..<img src="http://oasis.bindubai.com/emoticons/wink.gif" border=0> يمكن متأخره.. بس اتمنى انج تسامحينا عالقصور <img src="http://oasis.bindubai.com/emoticons/blush.gif" border=0>
ثاني شي أشكرج على المشاركة اللي تفوح ورد وعالكلام اللي ماروم اضيف عليه اي شي.. (احسدج على اسلوبج) <img src="http://oasis.bindubai.com/emoticons/smile.gif" border=0>

إختي عذوب.. مشكورة عالمشاركة.. والله يستر من هذا اليوم.. اللي ما نتمنى انه يوصل.. مع اني اعتقد انه وصل.. <img src="http://oasis.bindubai.com/emoticons/glare.gif" border=0> فلو قارنّا بين الكلام اللي قلتيه والرشوة ما بنلقى بينهم أي فرق.. يعني بالرشوة اقدر اشتري واسطتي واخلي الكل واسطتي.. الله يحفظكم <img src="http://oasis.bindubai.com/emoticons/cool.gif" border=0>

أحلى منصوري

01-05-04 ||, 03:29 AM

الســــــــلاام علـــــــيكم ورحمــــــــة الله وبركــــــــاته
رجعت الكم شرات ما قلت الكم ،،،
رجعت بسبة حديث اختيه الحمرة واللي يقول :
عن النبي (ص) قوله: (اختاروا لنطفكم فإن العرق دساس وإن الخال أحد الضجيعين).
 ...
وبعد عمليات التحري والتقصي ،،، اتصلت بولد عمتيه ونشدته عن الحديث.
قال ليه أول مرة أسمع به ،، بس بنشد الشيخ مالنا ،،
ورد عليه خبر وقال ليه بأنه الحديث موضوع .
والحديث الموضوع هو الحديث الأقل من الضعيف ،،، يعني الحديث المدسوس على الرسول عليه السلام .

أتمنى لو توصل هالمعلومة  لأختيه الحمرة 

والسموحه

أخــوكم
أحلى منصوري

الحمرة

01-05-04 ||, 03:53 AM

الظاهر أنا ما عرفة كيف أوصلكم فكرتيه

إسهر معي ليله  و أحلى منصوري

اسمحوليه ترا أنا ما عرف مقدمات و خواتم... أنا أدخل في صلب الموضوع

الحين الي له أصل و نسب...ما طالع نسب غيره خلاص عيل بيروح النسب

يعني العيمي ياخذ من العربي ... ما يصير ،مع إحترامي إلهم

 العيمي ياخذ العيمي و العربي ياخذ العربي

 استوت و صار تناسب امبينهم

بس أنا أتكلم عن وجهت نظريه أنا  و عن نفسيه..مستحيل أخذ حد مب من أصليه بس هذا مب معناته أنيه ما أرضى فيهم، بلعكس أنا عنديه ربايع عيميات و بلوشيات  النعم فيهن والله <img src="http://oasis.bindubai.com/emoticons/012.gif" border=0>

بس مثل ما أقول هذي وجهت نظريه أنا

و السمووووووحه من الجميع <img src="http://oasis.bindubai.com/emoticons/003.gif" border=0>
 إذا اتضايقتوا من رديه مب قصديه أجرح حد

أحلى منصوري

01-05-04 ||, 04:05 AM

الســـــــــلاام علـــــــيكم ورحمـــــــة الله وبركــــــــاته
اختيه الحمرة:
أنا ما قلت لج أي حايه ،،، رايج على العين والراس.
بس أنا بغيت أخبرج عن الحديث ،،
واختلاف الرأي لا يفسد في الود قضية.
ولي عودة بقضية أخرى.
والله يوفقج.

والسموحه

أخــوكم
أحلى منصوري

إسهر معي ليله

01-05-04 ||, 04:49 PM

أحلى منصوري.. أشكرك أخوي على تواصلك <img src="http://oasis.bindubai.com/emoticons/smile.gif" border=0>

إختي الحمره.. اسمحيلنا اذا فهمناج غلط.. بس اللي خلانا نستغرب هالحديث اللي كتبتيه.. يعني اذا الرسول قاله فمستحييل يكون هذا معناه.. ومثل ما قال اخوي الإختلاف في الرأي لا يفسد في الود قضيه.. ومشكورين على مشاركاتكم <img src="http://oasis.bindubai.com/emoticons/cool.gif" border=0>