مهرجان دبي للتسوق / القريه العالميه [الأرشيف]

مشاهدة النسخة كاملة : مهرجان دبي للتسوق / القريه العالميه

ولد الحكومة

25-01-05 ||, 05:37 AM

<A target=_blank href="http://www.mydsf.ae/arb/index.asp"><IMG style="WIDTH: 164px; HEIGHT: 106px" height=91 src="http://www.mydsf.ae/img/dsf_logo.gif" width=250 border=0></A>
السلام عليكم ورحمة الله وبركاته 

موضوعي اليوم عن القريه العالميه الى في دبي وحبيت اطرح عليكم بعض الاسئلة  ؟ وانتوا بعد حطوا من عندكم اسئله ؟  

شو رايكم في القريه العالميه من ناحيه :

1. مظهرها الخارجي والداخلي2. الخدمات الموجوده فيها ، مثل خدمة السيارات والخ.......3. القرى الموجوده فيها 4. المطاعم 5. تكرمون المرافق الصحيه... مثل الحمامات الخ........6. دور الشرطه والامن. 7. النظافه 8. الالعاب الموجوده 9. الاسعار10. الباركنات(المواقف  ) 11. شو رايكم بتخصيص يوم الثلاثاء فقط للعائلات

واذا حد عنده اي مداخله او اسئله اخرى اتمنى انه مايبخل علينا <IMG src="http://oasis.bindubai.com/emoticons/biggrin.gif" border=0> 

بنتظــــــــــــــــــــا ر تفاعلكم مع الموضوع <IMG src="http://oasis.bindubai.com/emoticons/fa42.gif" border=0> 

اخوكم العزيز والغالي على قلبوكم ولد الحكومة <IMG src="http://oasis.bindubai.com/emoticons/fa46.gif" border=0>

طيب القلب

25-01-05 ||, 06:00 AM

شكرا يا ولد الحكومة والمعذرة منك لاني بعدني ماسرت القرية العالمية
لكن على ما سمعت من الجماعة يمدحونها من ناحية الدول المشاركة والتنظيم
والمواقف لكن يشتكون من غلاء الاسعار وخاصة المطاعم ومن ناحية المظهر
الخارجي وحسب الصورة اللي شفتها فاعتقد انه منظر جميل وجذاب لانه يدل
على رموز ومواقع مشهورة للدول المشاركة في القرية العالمية.

أخوك طيب القلب<IMG src="http://oasis.bindubai.com/ubbc/smileys/0088.gif" align=absMiddle border=0>

ولد الحكومة

25-01-05 ||, 07:05 AM

<IMG src="http://oasis.bindubai.com/emoticons/smile.gif" border=0> هلا اخوي طيب القلب ، اشحالك عساك مرتاح.........

افا عليك والله مسموح شيخي وانا اشكرك على الرد بس تبا نصيحتي روح هناك واستانس، والله وناسه ، وعقب خبرني انشاءالله وتسلم حبيبي على الرد وربي يحفظك.

اخوك ولد الحكومة <IMG src="http://oasis.bindubai.com/emoticons/fa35.gif" border=0>

عنود الريف

25-01-05 ||, 10:04 AM

مرحبا اخويه ولد الحكومه .. تسلم عالموضوع ..
وانا اليوم سايره القريه اول مره اسيرلها من بدا المهرجان هالسنه ..
المهم رايي .
 شو رايكم في القريه العالميه من ناحيه :

1. مظهرها الخارجي والداخلي... والله المظهر تمام ما عليه كلام وحتي القرى ..<IMG src="http://oasis.bindubai.com/emoticons/fa47.gif" border=0>
2. الخدمات الموجوده فيها ، مثل خدمة السيارات والخ......والله ما اعرف عنها شي هاي الخدمه غير اني سمعت بها .. بس ما جربناها .. اليوم يوم سرنا .. دخلنا من البوابه رقم 5 ومره سيارتنا قريبه منها ...
.3. القرى الموجوده فيها.. لا تعليق على القرى بس ان حجمها واااااايد كبير احسن عن قبل ..   4. المطاعم.. اوكي .. بس يمكن يتاخرون في الطلبات .. يعني سنه لين ما ايون لنا العشا في بعض المطاعم مب كلها .. بس صراحه الاسعار غاليه .. سندويتش كباب دياي بعشر .. حرام عليهم .. يعني اللي عددهم 5يبالهم اقل شي 150 عشان الاكل .الماي غالي ..حتى الاورنمين سي .. مرت ربيعتي بتاخذه جان يقولها بعشر .. قلنا مره ثانيه بنمر شيشه الامارات قبل ...  5. تكرمون المرافق الصحيه... مثل الحمامات الخ.....ما عليها كلام بس يمكن كان زحمه .. بس العاملات موجودات ..يعني ينظفن كل شوي ... .6 دور الشرطه والامن .... ما اعرف ؟؟ . 7. النظافة... المكان نظيف .. وعمال التنظيف موزعين ما شاء الله ..  8. الالعاب الموجوده.. ما احب اسيرالالعاب بس قالولي انها جديمه نفس العام ما يجددون ..  9. الاسعار... اسعار الثياب او حتى الاشياء الثانيه غاليه اغلى عن قبل بوااااااااااايد .. يعني تنوره بــ 250 .. اسير برومود احسن لي .. 10. الباركنات(المواقف  )... احسن شي سووه<IMG src="http://oasis.bindubai.com/emoticons/fa42.gif" border=0> ..  11. شو رايكم بتخصيص يوم الثلاثاء فقط للعائلات .. انا عني عادي .. بس لو كانوا مخلين ايام اكثر للعائلات احسن ..
بس انا اكثر شي اسير يوم الحريم .. يعني يوم الاثنين ..

اخر شي .. شي ما عيبني ابدا .. انا من اهل جميرا .. اسير القريه العالميه من درب جسر كليهالشرطه يعني من درب البرشاء .. في السيره يكون قريب علينا .. بس في الرده .. ما شي لفه انرد على نفس المكان الا عند الجسر اللي قريب ند الشبا .. يعني الدرب يطول علينا .. وناخذ وقت اطول ..
فالله يعين .. فاتنى يشووفولنا حل على الاقل يقرب درب الرده علينا ..
وبس .. هذا اللي عندي ..
والسمووحه

بنت الدلع

25-01-05 ||, 10:18 AM

السلام عليكم والرحمه

انا بعدني ماسرت القريه انشالله باجر

وعن اللي سمعت عنه اوكي
بس الكل يشتكي من الزحمه>>>صوب السيايير
والبعض يشتكي من الحمامات>>عزكم الله

يوم بسير برد عليك
وبقولك شو رايي

العجيبة

25-01-05 ||, 10:26 AM

كان ودي أقولكم رايي ..

بس انا ما اسير هيك أماكن

<IMG src="http://oasis.bindubai.com/emoticons/cool.gif" border=0>

سـوّاح

25-01-05 ||, 09:38 PM

تسلم ياخوي ولد الحكومه على هالموضوع..
وانا اقول انه ماعليها كلام..
ما جربت اشتري شي بس مثل ما قالوا المطاعم اسعارها نار والخدمه تتأخر وايد.. حتى والله نسيت شو طلبت !
خذت لفه سريعه على القريه صراحه رقيص .. بس القريه الصينيه كانت مزحومه يعني ألتفت يمين باضرب في حد وألتفت شمال باضرب في حد..
الباركنات ما عليها كلام.. كل شي مرتب وعجيب...
غير جي ما أهتميت في شي ثاني غير اليواله <IMG src="http://oasis.bindubai.com/emoticons/cool.gif" border=0>..
والله يوفق المتأهلين ليوم الأربعاء <IMG src="http://oasis.bindubai.com/emoticons/smile.gif" border=0>...

أخوك
سـوّاح

متساند على الباب

25-01-05 ||, 11:25 PM

الســــــلام عليـــكم

زحمـــــة زحمــــــة زحمــــــة

بالثلاث بعد

مب الزحمـــــة يلــــي داخــــل لا الزحمــــة يلي علــى شارع الامارات

هالشي يلــــى يخلــــى تنظيمـــهم هالسنــــه

فاشـــــل فاشـــــل فاشـــــل

بالثلاث بعد

<IMG src="http://oasis.bindubai.com/emoticons/laugh.gif" border=0>

عنود الريف

25-01-05 ||, 11:56 PM

اخويه صندل انا البارحه يوم سرت ما شفت زحمه صوبنا نحن اللي يايين من جسر كليه الشرطه ولا حتى في الرده .. يعني الدرب كان يمشي عادي .. موول ما شي زحمه .. عاد ما ادري هذا يوم الحريم ...اما عن الايام الباقيه ما اعرف ؟؟
والسموووحه

ولد الحكومة

26-01-05 ||, 01:17 AM

عنود الريف <IMG src="http://oasis.bindubai.com/emoticons/smile.gif" border=0> 
بالنسبه للطريج الي انتي تيين منه ، انا اشوفه احسن عن شارع الامارات بوايد ، انا يوم ايي  القريه ايي من الدرب الي انتي تين منه بالضبط  وعن اللفه صح المشكله الي ساكن في جميرا والبرشاء صعب ان يرد لازم على الجسر .ومشكورة وايد و على الرد وانشاءالله استانستي هناك.  <IMG src="http://oasis.bindubai.com/emoticons/fa46.gif" border=0> 

بنت الدلع <IMG src="http://oasis.bindubai.com/emoticons/smile.gif" border=0> 
يلا سيري قبل ماتفوتج القريه ، واخذي راحتج ونتريا ردج. وعن الزحمه ، وخاصه اول يوم العيد وثاني العيد زحمه فضيعه. والهنود هب مقصرين تارسين البقعه. هب شايفين خير <IMG src="http://oasis.bindubai.com/emoticons/biggrin.gif" border=0> ومشكورة وايد على الرد <IMG src="http://oasis.bindubai.com/emoticons/fa42.gif" border=0> 

العجيبة <IMG src="http://oasis.bindubai.com/emoticons/smile.gif" border=0> 
<IMG src="http://oasis.bindubai.com/emoticons/nerd.gif" border=0> والله انا اقولج فرصه اتروحين هناك لانج الي تبين تشترينه موجود هناك ، وخاصه انتوا يالبنات الاشياء الي تبونها موجوده هناك . روحي مابتخسرين شيء <IMG src="http://oasis.bindubai.com/emoticons/crazy.gif" border=0> ومشكورة على الرد. <IMG src="http://oasis.bindubai.com/emoticons/fa42.gif" border=0> 

سـوّاح <IMG src="http://oasis.bindubai.com/emoticons/smile.gif" border=0> 
صدقت اخوي ، الاسعار هناك وايد مرتفعه وكل شيء غالي <IMG src="http://oasis.bindubai.com/emoticons/fa39.gif" border=0> ، وعن المطاعم اتصدق ماشيء مكان كلها فل . يلاه اهم شيء انته استانست ومشكور اخي على الرد ويعطيك العافيه <IMG src="http://oasis.bindubai.com/emoticons/fa42.gif" border=0> 

صندل <IMG src="http://oasis.bindubai.com/emoticons/smile.gif" border=0> 
الغالي ادري ان الزحمه في كل مكان بس انته لا تيي من شارع الامارات لانك بتاخذلك ساعتين من كثر الزحمه ، انا بعطيك درب ولا اروع ، تعال على شارع الشيخ زايد وعقب اركب الجسر و بتيك لافته مكتوب عليها ( كليه شرطة دبي ) واركب الجسر وتعال على شارع الامارات وعلى طول بويدك هذا الدرب على دوار المرابع العربيه . وصدقني ما بتحصل زحمه ولا شيء. <IMG src="http://oasis.bindubai.com/emoticons/rolleyes.gif" border=0> واشكرك وايد على الرد <IMG src="http://oasis.bindubai.com/emoticons/fa42.gif" border=0> 

<HR>

<IMG src="http://oasis.bindubai.com/emoticons/fa35.gif" border=0> حبيت اقولك انه عدد زوار القريه وصل تقريباً 5000.000 ، هذا خلال عطله العيد ، وهناك اول ما تدخل البوابه حاطين جهاز يسجل عدد الزوار الي ايون القريه. ماشاءالله والعدد في تزايد مستمر <IMG src="http://oasis.bindubai.com/emoticons/fa46.gif" border=0> 

والسموحه.

نجمة دبي

26-01-05 ||, 02:07 AM

هلا اخوي ..

والله لين الحين ما سرت القريه ..

بس سمعت انه مب شي .. لانه بعيييد وزحمـــــــــــــــــــــ ه .. وان العام كان احلى ...

لي عوده .. بس بعد ما اسيرله ...

اختكم

الاسطوري

26-01-05 ||, 03:42 AM

السلام عليكم ..
وشحالهم العرب ..

ولد الحكومة

أنا سرتها من أول يوم فتحوها ولاحظت أن التنظيم حلو هالسنة وخاصة بالنسبة للباركنات
لأنهم موزعينها على كل الجهات تقريبا ومسوين 6 مداخل بس أستوت أزمة
في أيام العيد والزحمه وصلت للبرشا والصوب الثاني لقريب
درب العين وشارع الامارات صار مثل شارع
الرقة من كثر السيارات اللي
فيه وخاصة اللي
يوقفون
على يمين ويسار الشارع  والناس اللي تعبره وحتى الحواجز ركبوا عليها <IMG src="http://oasis.bindubai.com/emoticons/Oo.gif" border=0> والشارع
أصلا 3 سيدات بس الناس سووه 7 ومشوا على أكتافه وحتى في الطلعه من
الباركنات العادية كانت الزحمه لا توصف لأن السيد مايتحرك ،
هذا أيام العيد بس وبعد العيد الدرب أشوفه
ماشي عادي ولا فيه شي ، 
ومن الـ VIP
كانت الدخله فاضيه بس بعدما نطوف الزحمه والطلعه تكون ولا أسهل ، وبخصوص
المظهر تراه مرتب من الناحيتين وأحسن عن كل سنة وخدمة السيارات
أوكيه للي يتعبون من المشي والقرى أوكيه بس لاحظت
أن كثير منها فيها محلات وأشياء
مايخصها بالدولة
<IMG src="http://oasis.bindubai.com/emoticons/crazy.gif" border=0>
أصلا ، مجرد تكملة عدد يعني والمطاعم أنا ماسيرها لأني ماحب آكل جدام مليون
واحد والمرافق الصحيه بعد ماسرتها لأني ما أيلس وايد هناك يعني
ماعرف عنها ، وبالنسبة للشرطة والأمن هالسنة
وايد مشددين ونص الموجودين
من المباحث
<IMG src="http://oasis.bindubai.com/emoticons/laugh.gif" border=0>
وخاصة في الألعاب لأن أكثر البلاوي تستوي هناك ، بس بعد على هالكثرة
كل يصير من تحت لتحت وبخصوص النظافة القرية نظيفة
بس أيام المطر يصير العكس <IMG src="http://oasis.bindubai.com/emoticons/shutup.gif" border=0> والالعاب
ترا هي نفسها اللي ايبونها
كل سنة بس
التوزيع يختلف كل مرة ، والاسعار سمعت أنها مرتفعه بس أنا للحين ماشتريت
عشان أحكم ، أما بتخصيص يوم الثلاثا فقط للعوايل فهذا لزيادة
الربح مب لراحة الجمهور أو مراعاة للمجتمع
بالعكس عشان يزيدون الطين بله ،
وعندي تعليق أن
الجو مرات يكون بادر وهذا في الغالب ومرات يكون حار وهذا في الزحمه والقرية
بتستمر بعد المهرجان مب عشان سواد العيون لأ عشان تزيد الأرباح
منها ، وعشان يزيد الفسق اللي في الالعاب وللعلم
حتى أيام السيدات في رياييل
يدخلون عرب
وغير عرب بعد ؛ مب للطماشه لا لأن عندهم شغل هناك فيعني اللي بتروح
يوم السيدات لازم ماتاخذ راحتها بحجة يوم الحريم ، وأتمنى
لكم أوقات سعيدة في بلادكم وأنتوا على
الرحب والسعة في أي
وقت 
<IMG src="http://oasis.bindubai.com/emoticons/smile.gif" border=0>

هذي المعلومات اللي عندي
والسموحه
<IMG src="http://oasis.bindubai.com/emoticons/look.gif" border=0>

الاســــــطوري
أخوكم

ولد الحكومة

26-01-05 ||, 04:52 AM

مرحبا باخوي الاسطوري ، والله نورت المكان .

والله ردك الصراحه ماعليه كلام وانا معجب به ، الصراحه انته حطيت النقاط على الحروف ، يعني انته حطيت ملاحظه جيده عن يوم الثلاثاء الا هو حق السيدات ، ان فيه بنات ايدخلون شباب وهذا يعتبر مخالف للقوانين.

والنقطه الثانيه : تجمع الشباب عند الالعاب ، وهذا كله عشان البنات الموجودين هناك ، بس ترا التحريات تارسين البقعه وكل يوم ايزخون حد.  <IMG src="http://oasis.bindubai.com/emoticons/crosseyed.gif" border=0> اتحملوا ياشباب <IMG src="http://oasis.bindubai.com/emoticons/fa52.gif" border=0> 

تسلم اخوي على المشاركه الطيبه واتمنى ان الموضوع عيبك والسموحه

اخوك ولد الحكومة

ولد الحكومة

26-01-05 ||, 04:56 AM

نجمة دبي <IMG src="http://oasis.bindubai.com/emoticons/laugh.gif" border=0> 

مرحبابج اختي اشحالج عساج مرتاحه...... والله يالغاليه الزحمه موجوده بس ، القريه صح انها بعيده بس وايد احلى عن  قبل ، كببروها والباركانت مجوده ووسيعه من داخل وتحصليلج مكان.... المهم انا انصحج اتروحين هناك وعقب ردي وخبريني.

تسلمين على الرد ويعطيج العافيه <IMG src="http://oasis.bindubai.com/emoticons/fa47.gif" border=0> 

وداعه الله <IMG src="http://oasis.bindubai.com/emoticons/fa42.gif" border=0>

بحر الموده

26-01-05 ||, 06:18 AM

السلام عليكم ورحمة الله وبركاته

ولد الحكومه

اشكرك اخى الكريم على الموضوع

والصراحه انا بعدنى مارحت بس حبيت اشاركك فى موضوعك .. والصراحه لى نشوفه فى غلا وايد فى الاسعار

عندك المطاعم يعنى متى استوى شوارما بنظرب لك مثل ب 10 ريال خيبه لو عائله كم يبالك... يعنى تعاون ماشىء

وغرشة ماى مسافى يمكن ب 4 وعلى كلام الناس لى راحت وخبرونى يعنى يشتكون وايد من الزحمه لى ياين من الشارجه درب الامارات مب مشكله حد لى عنده فورويل هوبيس ولا انه فى القريه العالميه بس يوم بيطلع بينشب فى الزحمه يبالك ساعتين ثلاث ساعات
وخدمة صف المواقف وايد تووووووب يعنى تخلى موترك وتسير عنهم

وهذا الكلام لى عندى بعدنى ماسرت وجيه ههههه عيل يوم بسير الله يعلم بس بروح القريه التايلانديه وبطلع عشان الهمبا لوووووول

والسموووووووووحه على الاطاله

ولد الحكومة

26-01-05 ||, 06:49 AM

<IMG src="http://oasis.bindubai.com/emoticons/laugh.gif" border=0> انتي موتك وحياتك تايلاند <IMG src="http://oasis.bindubai.com/emoticons/laugh.gif" border=0> 

هلا باخي الكريم بحر الموده ، اشحالك وشو اخبارك وين هالغيبه ، انا الصراحه من فترة ماشفت مواضيعج. <IMG src="http://oasis.bindubai.com/emoticons/nerd.gif" border=0> 

<HR>





   مثل ماتفضلت وانا اتفق معاك ان الاسعار مرتفعه جداً واصحاب المطاعم مستغلين الناس المساكين ، وعن خدمه السيارات تعطينهم مبلغ 25 درهم وهم ياخذون السياره وايوقفونها في الباركن ، عاده المشكله يوم تبين السياره اينقعونج ساعه لين ما ايبونها من كثر الزحمة <IMG src="http://oasis.bindubai.com/emoticons/look.gif" border=0> 

اشكرك اخي الكريم على الموضوع واتمنالك التوفيق.

وداعه الله

بحر الموده

26-01-05 ||, 07:26 AM

اهلين والله

ولد الحكومه توه الناس خخخخ اشوفك كله انتى ومواضيعج جيه تحيدنى بنت خخخ

بخير الطيب انا مدامك انته بخير

 كيب كين كاه كبكون كب^(~

دخون

26-01-05 ||, 07:45 AM

بسم الله ابدأ

مشكور اخوي على الموضوع ..

وياريت تنقل ملاحظاتنا لمنظمي المهرجان ..<IMG src="http://oasis.bindubai.com/emoticons/fa46.gif" border=0>
اولا  نشكر لهم جهودهم الواضحة هاي السنة في القرية العالمية خاصة ..

القرية سرتها البارحة يوم النساء .. الاثنين
يوم واحد للحريم ما يكفي .. لو يومين افضل ..<IMG src="http://oasis.bindubai.com/emoticons/wink.gif" border=0>

المواقف متوفرة ..لكن خدمة المواقف ب 25 درهم وايد ؟؟؟
فنادق خمس نجوم يعني ؟؟<IMG src="http://oasis.bindubai.com/emoticons/fa52.gif" border=0>

عربة الاغراض نأجرها ب 10 ونحط مقدم 50 درهم ؟؟ شريط فيديو هو ؟؟
وايد بعد ؟؟ كل شي بفلوس ؟؟؟<IMG src="http://oasis.bindubai.com/emoticons/mad.gif" border=0>
ممكن  ..  بس باسعار رمزية اقل يعني ؟؟؟

موقع القرية وايد بعيد هلاك سفر يعني اهل الشارجة والامارات الشمالية معاناة ..<IMG src="http://oasis.bindubai.com/emoticons/fa56.gif" border=0>

المساحة اوكي كبيرة واسعة بشكل واضح  ...( تعب في المشي ) <IMG src="http://oasis.bindubai.com/emoticons/Oo.gif" border=0>
الزحمة ما تكون واضحة غير داخل القرى لانها صغيرة مش الكل البعض ..

المطاعم بعيدة وايد مش في الوسط مثل العام ؟؟؟
اسعار المطاعم غالية ؟؟؟<IMG src="http://oasis.bindubai.com/emoticons/fa37.gif" border=0>

ثلاجات الماي متوفرة والهواتف العمومية بعد ..

الخريطة احلا شي عشان ما نتوه <IMG src="http://oasis.bindubai.com/emoticons/fa42.gif" border=0>
اممممم شو بعد ...!!!

الالعاب بعدني ما سرتها ..الاسبوع الياي باستكشف وبلعب ...
واكيد اللعبة  ب 20 <IMG src="http://oasis.bindubai.com/emoticons/fa43.gif" border=0>

وصلت 4:30 وظهرت 10 وشفت خمس قرى ؟؟؟
متى بشوف الباجي ما اعرف <IMG src="http://oasis.bindubai.com/emoticons/crosseyed.gif" border=0>

مودتي للجميع<IMG src="http://oasis.bindubai.com/emoticons/fa35.gif" border=0>

قلب الوصال

26-01-05 ||, 08:09 AM

انشالله انشالله انشالله من اسير لازم لي عودة فى الموضوع هذا ؟؟؟؟
السموحه على قل التواصل

شوق القلوب

26-01-05 ||, 08:46 AM

السلام عليكم..

ماشاااء الله .. بنات الوحات كلهم كانوا امس موجودين في القريه  <IMG src="http://oasis.bindubai.com/emoticons/cool.gif" border=0>

كان يبالي اخليهم يزقرون بالمايك عن عضوات بن دبي <IMG src="http://oasis.bindubai.com/emoticons/laugh.gif" border=0>

ولد الحكومة

26-01-05 ||, 09:15 AM

بحر الموده <IMG src="http://oasis.bindubai.com/emoticons/fa46.gif" border=0> 
السموحه اخويه والله كل اتحارك وحده ..... انا اسف وحقك عليه. انشالله ما بيتكرر الغلط <IMG src="http://oasis.bindubai.com/emoticons/rolleyes.gif" border=0> 

دخون <IMG src="http://oasis.bindubai.com/emoticons/smile.gif" border=0> 
تسليمن على الرد ومشكورة وماقصرتي ، كفيتي ووفيتي ، بس حبيت اقولج ان الخريطه وايد نفعتنا وصدقتي عشان ما انتوه.
 وعن اسعار الالعاب فيه العاب 30 درهم وفيه 70 درهم ..... <IMG src="http://oasis.bindubai.com/emoticons/nerd.gif" border=0> 

قلب الوصال <IMG src="http://oasis.bindubai.com/emoticons/biggrin.gif" border=0> 
نترياج لين ما اتردين من القريه وتخبرينا شو سويتي وشو شفتي. <IMG src="http://oasis.bindubai.com/emoticons/fa46.gif" border=0> 

شوق القلوب <IMG src="http://oasis.bindubai.com/emoticons/wink.gif" border=0> 
مشكورة وايد على المشاركه ، وحلوة منج الدعابه.

<HR>

مشكورين وماقصرتوا <IMG src="http://oasis.bindubai.com/emoticons/fa42.gif" border=0>

متساند على الباب

26-01-05 ||, 12:57 PM

ولـــد الحكومــــة
شكرا على هالطريق 
لو سرت مره ثانيه راح اجربه مع اني
ما اعتقد اسير
ما احب الزحمه من بين الناس داخل
<IMG src="http://oasis.bindubai.com/emoticons/laugh.gif" border=0>

ولد الحكومة

30-01-05 ||, 06:45 AM

مرحبا باخوي صندل ، اشحالك وشو اخبارك

والله الغالي انا انصحك اتروح هناك وتشوف الاشياء الحلوة

اخوك ولد الحكومة <IMG src="http://oasis.bindubai.com/emoticons/fa35.gif" border=0>

حركات

30-01-05 ||, 11:14 PM

انا سرت البارحه الصراحه اول مره اسير ولا اتعب وايد استانست <IMG src="http://oasis.bindubai.com/emoticons/fa35.gif" border=0>

عيبتني خدمة السيارات وقفنا سيارتنا عند البوابه  وهم ياخذون السياره وايقفونها في المواقف البعيده ويوم انروح ايوصلونها
 عندنا لين البوابه وعشان جي ماتعبنا

والقريه من داخل وايد اموسعينها السنه حتى ماحسينا بالزحمه
حتى في كل مره يوم نرجع ايقولون توبه انسير من الزحمه والتعب
بس هالمره في طريج الرده ايفكرون متى انرد انسير مره ثانيه

بس رديت امفلسه <IMG src="http://oasis.bindubai.com/emoticons/mad.gif" border=0>

ولد الحكومة

31-01-05 ||, 12:14 AM

<IMG src="http://oasis.bindubai.com/emoticons/smile.gif" border=0> هلا باختي حركات ، جيف حالج عساج مرتاحه

والله زين انكم استانستوا ، ومشكورة وايد على المداخه ، وصدقج الزحمه مب طايعه اتخف <IMG src="http://oasis.bindubai.com/emoticons/cool.gif" border=0> 

شاكرلج الغاليه ع الرد

اخووووووووووووج ولد الحكومة

قلوب دبي

31-01-05 ||, 01:28 AM

السلام عليكم

اخي الكريم بالنسبه لمهرجان دبي للتسوق 2005 اعتقد انه ماشيء الوضع معاه والازمه المروريه اللي حاصله انما هيه لعدم اتباع تعليمات المرور والاستهتار من قبل بعض الزوار بالنسبه للقريه العالميه فهي كموقع ممتازه و لكن تكمن المشكله في تداخل القادمين من ابوظبي مع القادمين من جهه الشارجه المواقف مخصصه لحوالي 16000 سياره و لكن الاعداد التي قدمت اكبر بكثير من المتوقعه اما الخدمات و التنظيمات كلها عال العال و كذلك المرافق الصحيه وا لخدميه و الالعاب و صيانتها تتم يوميا و مراقبه اخصائيين في المواقع المختلفه كذلك بالنسبه لواحه السجاد تمثل موقع من مواقع المهرجان و توجد بها بضائع تفوق 100 مليون درهم و المبيعات حتى الامس وصلن فوق 10 مليون درهم و هي في تزايد مستمر رغم ارتفاع اسعار السلع المعروضه عن الاعوام السابقه نعود الى قريه التراث فهي كالعاده مركز جميل للحياه التراثيه الجو يكون عندهم بارد والحال مثل القريه العالميه واتمنى منكم انكم تلبسون ملابس ثقيله وايضا شارعه الرقه و المرقبات والمخيم في حديقه مشرف و حديقه الخور و العديد من الفعاليات ..
اتمنى اني وصلت الكم موجز عن مهرجان التسوق في موضوع القريه العالميه والمعلومات السابقه كوني عضو في لجنه مهرجان دبي للتسوق 2005

السموحه

قلوب دبي

ريم العذارى

31-01-05 ||, 02:28 AM

روحت العالميه ثاني ايام العيد .. والدرب زحمه والسييد ما يتحرك ظهرنا من البيت الساعه 5 جان نوصل الساعه 8  ونص<IMG src="http://oasis.bindubai.com/emoticons/fa56.gif" border=0>

اما بالنسبه للمظهر الخارجي اشوفه شرا كل سنه تقريبا .. الا المساحه مكبرينها وتعبنا من كثر ما مشينا !

وخدمة السيارات ما بزيد ع رمسة الاخوان .. بس حليلنا نقعنا ساعه لين ما وصلوا لنا السياره  

والمرافق الصحيه ما شفتها ولا قربت من جداها وعمال النظافه ماشاء الله عليهمـ  تارسين القرى والاماكن

واما القرى ما عرف عنها شي لاني ما حدرت الا القريه التايلانديه وما شفت فيها شي حلو

والالعاب فنانه شرا كل سنه ما شوف تغير فيها شي بس اسعارها اتولع <IMG src="http://oasis.bindubai.com/emoticons/fa46.gif" border=0>

والسنه الي طافت يوم روحت يوم العائلات شفت الشباب وااايدين شرا يوم عاام .. !

ومادري اذا هالسنه مشددين اكثر !

:

ولد الحكومة

تسلمـ  اخوي عالموضوع

ويعطيك العافيه

:

ولد الحكومة

01-02-05 ||, 12:20 AM

<IMG src="http://oasis.bindubai.com/ubbc/smileys/0088.gif" align=absMiddle border=0> <IMG src="http://oasis.bindubai.com/emoticons/fa35.gif" border=0> قلوب دبي <IMG src="http://oasis.bindubai.com/emoticons/fa35.gif" border=0> <IMG src="http://oasis.bindubai.com/ubbc/smileys/0088.gif" align=absMiddle border=0>

<IMG src="http://oasis.bindubai.com/emoticons/fa35.gif" border=0> ريم العذارى <IMG src="http://oasis.bindubai.com/emoticons/fa35.gif" border=0> 

تسلمون على المشاركه الطيبه.

اخوكم
ولد الحكومة

تحفه

01-02-05 ||, 02:23 AM

انا القريه كانت تعيبني لانها زحمه ..

ويوم تحسوون الدنيا محتشره و زحمه على الالعاب .. اتحسون فيه حماس اتحسون في اكشن .. ( اكون مستانسه في هاللحضه <IMG src="http://oasis.bindubai.com/emoticons/fa42.gif" border=0> )

لكن للاسف هالشي ما استوى غير مرتين في القريه <IMG src="http://oasis.bindubai.com/emoticons/mad.gif" border=0> .. اول يوم في القريه ويوم ثاني يوم العين جنه ما ادري ثالث يوم <IMG src="http://oasis.bindubai.com/emoticons/fa55.gif" border=0>

الموهيم ..

اهم شي الالعاب موجوده .. انا اخر مره  لعبت تقريبا كل الالعاب من احلها ( الكوره الي اتطير ) .. الين الالعاب السخيفه ( هاي مالت السيارات لول <IMG src="http://oasis.bindubai.com/emoticons/biggrin.gif" border=0>)

ما عدا العاب اليهال طبعا و مالت الدباديب .. <IMG src="http://oasis.bindubai.com/emoticons/fa44.gif" border=0>

رديت البيت متكسره و حالتي حاله .. حتا اني ما بغيت ارد البيت .. يتصلون فيني يقولون يله ردي وانا اقول نزين يايه في الطريج وانا اتري دوري اركب الللعبه لول

اسميني نقعت الدريول ثلاث ساعات ونص برع لوول

اخر شي رديت يوم ياني رقاد<IMG src="http://oasis.bindubai.com/emoticons/sleepy.gif" border=0> واستوى بررررررد <IMG src="http://oasis.bindubai.com/emoticons/crazy.gif" border=0> .. ما قدرت اتحمل جان اقرر ارد

كان هاذاكي احلى يوم في القريه .. استانست وايد فيه لأن ربعي والشله كلها كانت موجوده

مشكورين على الموضوع ..

ولد الحكومة

01-02-05 ||, 03:21 AM

ام خدود <IMG src="http://oasis.bindubai.com/emoticons/fa35.gif" border=0> 

اول شيء حبيت اشكرج وااااايد على الرد ، وانشاءالله استانستي ولعبتي ، بس على فكرة الزحمة محد مسونها غير الهنود <IMG src="http://oasis.bindubai.com/emoticons/biggrin.gif" border=0> في اول ثاني يوم العيد ، بس غريبه كل الناس تكره شيء اسمه ( زحمة ) الا انتي <IMG src="http://oasis.bindubai.com/emoticons/fa32.gif" border=0> 

ثاني شيء وين هالغيبه الطويله محد شافج من زمان <IMG src="http://oasis.bindubai.com/emoticons/cool.gif" border=0> 

على العموم تسلمين ويعطيج العافيه

اخوووج ولد الحكومة <IMG src="http://oasis.bindubai.com/emoticons/laugh.gif" border=0>