سلوكيـــــــات في الســواقه [الأرشيف]

بهجة الروح

05-12-04 ||, 06:30 AM

الســـــــلام عليـــــكم ورحمــــــة الله وبركـــاته ،،

:: أعضـــاء وعضـــوات الواحــــات الكــرام ::

جيت اليـــوم بطرح لكــــم موضوع ، الكـل يعاني منه أو البعض منا ،
كثير منا من هم يقودون السيارات وكثير منا من يعانون من الإزدحام و و.....إلخ ..

في البـــدايـــــه :
أحب أهني جميع السائقين والسائقات بروحهم المعنويه العاليــــه في تحمل أغلاط الغير وتحمل سذاجة البعض <IMG src="http://oasis.bindubai.com/emoticons/fa42.gif" border=0>

نــــدخل في صلب الموضوع :

كثيـــــر منــــــــا من يتصرف تصرف مخالف لأقرانه في القياده ، وكثير أيضاً من له سلوكيـــــات في قيادة السياره ،
وكثير من دون ملاحظـــــات في باله عن الشارع وأحوال القياده : إليــــــــكم بعض ملاحظـــــــاتـــي :: -

- أول شـــي تعلمتـــــــه بعــد ما خــذت الليســــن هــي :: تحمـــلـــي من سواقـــة الشــــواب <IMG src="http://oasis.bindubai.com/emoticons/nerd.gif" border=0> :: كانت نصيحه لي وبعدين صارت نصيحه وتجربه أيــضاً ، كون الشايب يسوق بصوره تهوريه أحياناً وبلا مبالاه وبلا اهتمام ، وأحياناً أخرى ببرود تام.

- ثانــــي شـــي عرفتــــه : عنـــاد الحريم في السواقه : خصوصاً الهنديــــات : لا مجال للمناقشه ولا مجال للتجاوز : يسوولك طااف <IMG src="http://oasis.bindubai.com/emoticons/Oo.gif" border=0> ، عــــادي بتدعميــن السياره دعميها أنتي المواطنـــه وأنتي اللي بتخسريـــن <IMG src="http://oasis.bindubai.com/emoticons/shutup.gif" border=0>

- ثالــث شـــي : حذاري من المواطنات : تهور ، اهمال ، لا مبالاه ، عناد زايد ، راس يابس : طبعاً مش الكـــل
تحمـــــــل توقف قبل المواطنه في اللفه أو عنـــد الدوار أو عند الإشاره ، ترا من تشوف الإشاره والعه مشت وما تنتبه اذا حد جدامها ولا لا ،
أو عند اللفه تنتبه للشارع وما تنتبه للي جدامه وان شافت ما شي سيايير في الشارع مشت وما توعى إلا انها داعمه اللي جدامها <IMG src="http://oasis.bindubai.com/emoticons/Oo.gif" border=0>، :: عن تجربــــــــه ::

- رابــع شي : تعلمتــــه من الأخت العزيـــــزه :: سرعــي على كيفج في الطرق السريعه لكـــــن قبل صنـــدوق الرادار خففي السرعه :: مضمونـــــــه <IMG src="http://oasis.bindubai.com/emoticons/fa42.gif" border=0>

- خامـــس شـــي : عنــد التجاوز : أطلب من السائقين ( التكاسي )  بإشاره للعبور أمـــامه ،، ولا الإنتظار لأخذ الدور في الزحمـــه

- سادس شي :: إذا كنت تسوق بسرعه عاليـــه عشان تتجاوز الإشاره وتلحق الإشاره الخضرا قبل ما تنطفي لا توقف فجــأه ان شفت الإشاره صارت صفرا ، بتصيح ويييل بالقو واحتمــــال اطير<IMG src="http://oasis.bindubai.com/emoticons/crosseyed.gif" border=0>

- ســـابع شــي :: لا تضيق على غيــرك وتضيق الدرب باستغلال الشارع اليمين والمشي البطيء فيه ،، يقهرون اللي يسون هالحركه <IMG src="http://oasis.bindubai.com/emoticons/fa55.gif" border=0>

وغيرها من الأشيـــــــاء اللي ما اذكرها الحين ،

بس ودي كل عضو يضيف أي ملاحظه أو أي نقطه من اللي يلاحظه كل يوم

ويوم بذكر شي برجع وبضيفه اهنيـــــه

وشاكره لكـــــم حسن الحضور

خنفروش

05-12-04 ||, 08:44 AM

خخخخخخخخ (( لياسن غش )) ماعلينا احييييج بهجه الروح على هالموضوع و الصراحه اسلوبج جتلني من الضحك انزين اضافتي انا ما ادري شو تعتبر بس اتمنى انها اتكون مفيده -

1- اربط حزام الامان - و لا تخلي حد يركب حذالك بدون لا ايحط الحزام - صح انت ماعلى سواقتك \ سواقتج كلام - بس الغجج وايد

2 - في المدينه حافظ على سرعة ما تتجاوز الـ 100 و الافضل بين الـ 80 و الـ 100 مهما كان ليسنك جديم او السياره مضمونه - اما السرعه الزايده فما بتوصلك للمكان الي تباه بأكثر عن خمس أو عشر دقايق فرق بس ممكن اتوصلك المستشفى في اربع ثواني وهي من بداية الحادث إلى نهايته (( تتخيلون 4 ثواني او 5 ثواني مب ازياده هي الفتره الي يحتاجها الحادث عشان يبتدي وينتهي ))

3- الاطفال خلهم في المقاعد الخلفيه

4 - الله يرحم والديك لا اتفل من الجامه (( ارجوك <IMG src="http://oasis.bindubai.com/emoticons/fa56.gif" border=0> ))

5 - دخيلج اغسلي الموتر على حسابي حتى والا سوي جمعيه هيهيهيهيهي

6-  اهتموا في صاينه المركبه (( حلوه المركبه - طلع الحبيب يشتغل فالمرور ونحن ما ندري خخخخخخخ

7 - لا تنشغل بغير الطريق

8 - الغباء في السواقه ما يعرف جنسيه ولا جنس ولا عمر ولا حتى شهاده - كونوا حذرين من الجميع

متساند على الباب

05-12-04 ||, 08:56 AM

1- الله يخليك لا تعق الوصخ وانت اتسوق
2- يوم تبا تلف وحد وراك دق اشاره مب فاضين اندح بريكاات
3- يوم الواحد يضربلك فول ليت خوز عنه لا تستهبل و ادق اشاره اونك بتلف
4- الله يعطيك العافيه ايدك خلها على السكان لا تخشها بخشمك

خنفروش على سالفة الغسيل اسمحلي ما اقدر اغسل الموتر راس الخيمه كلها اغبرها
يعني لازم كل يومين اسير المغسله <IMG src="http://oasis.bindubai.com/emoticons/rock.gif" border=0>
فما بيتملي مصروف الجيب <IMG src="http://oasis.bindubai.com/emoticons/tounge.gif" border=0>

ذنـيـنـي

05-12-04 ||, 06:55 PM

1- لا تتردد عند الدوار اذا دخلت على سرعة كبيرة

2- انتبه من السائقين الي يجاوزون من على اليمين

3- لا تركبون مخفي شامل, لأنه جذاب, جذاب, جذاب الي يقول انه يقدر يشوف فليل (اسألوا صاحب التجربة الفاشلة مع المخفي الشامل<IMG src="http://oasis.bindubai.com/emoticons/fa46.gif" border=0>)

4- لا تزيد السرعة عن 80 داخل عجمان لأنه المرور يتفننون في وضع الرادارات المتحركة و عيب عندهم يحطون الرادار في نفس المكان مرتين.

5- اذا مريت على تفتيش افتح فتحة السقف لأنها بتقلل من نسبة المخفي في السيارة, يعني اذا مركب 50% يبين جنه حاط 30% لأنه بيكون في اضائة من داخل السيارة<IMG src="http://oasis.bindubai.com/emoticons/fa42.gif" border=0>

6- اذا كنت من النوع الي يستخدم الخطوط السريعة دائما, حاول انك دائما تتاكد من نسبة ضغط الهواء في الاطارات.

7- و دائما اعتبر انه محد يعرف يسوق في الشارع غيرك, و دائما اتوقع اخطاء الاَخرين.

المزوحي

06-12-04 ||, 03:35 AM

الصراحة حتى وانا اطلع من البيت سواء الصبح وانا متوجه للعمل او حتى العصر .... الضغط يرتفع بسبب زيادة
عدد الهنود المسلمين منهم والهندووووووووس شو هذا بعد .. خص الصبح .... اسير يمين السيد مايمشي
اسير يسار واحد ماسك الخط وكل وشيه يدح بريك والمشكلة إنه مافيه حد جدامه مادري يستهبل وإلا يجرب البريك ...
وإذا ديمت له ولكنه شاف شي ... وفي منهم من يتك ضارب إشارة يسار إني بتم على خطي والقهر يتم ماشي على سرعة 60
والشارع 120  <IMG src="http://oasis.bindubai.com/emoticons/mad.gif" border=0> ومب بس هذا .... التهور في الحريم والرياييل <IMG src="http://oasis.bindubai.com/emoticons/shutup.gif" border=0> لكن القضية يوم حد يدخل جدامي ويدخل بوز الموتر
ويستهبل اكره هالحركه ... لكن إذا ضرب اشاره اعطيه درب .... لكن أحيانا وانت تمشي في الطريج ويطلع له شارع فرعي على اساس يبغي يدخل وياك في السيد وهو إلا يبغيك اتطوفه .. قلنا اوكي يالله امش ... يطلع وعقب يدح بريك يعني شو هالعبط ...
اما إذا حد لف عليّه واعتذر او انا هرنت له عسب ينتبه وسلم عليّه اطوفها .. لكن يوم انبهه عسب مايلف ويعصب
هنيه ودي الته كف <IMG src="http://oasis.bindubai.com/emoticons/wink.gif" border=0> اما إذا انا فوق الجسر وابغي انتقل اقصى اليسار ... قمت احترم القانون واضرب اشارة وانتظر
ولازم الف عسب اللفه بتطوفني .. ( لا تعتبروني ماعرف اسوق ) لكن محد يعطيني درب يسرعون ... وهذا حصل لي اليوم الصبح بعد واحد عنده باص ... زين ماشل جزء من سيارتي ...  <IMG src="http://oasis.bindubai.com/emoticons/sad.gif" border=0> شو اقول إلا شو اقول .... واحيانا يدمون لك من بعيد ويوم تخوز عنهم يلفون عنك يمين لأنهم مايبون نفس دربك اصلا  <IMG src="http://oasis.bindubai.com/emoticons/mad.gif" border=0> لكن اللي ياي مسرع ومايديم اخوز عنه ...

إسهر معي ليله

06-12-04 ||, 04:12 AM

السلام عليكم.. مشكورة راعية الـ CIVIC عالموضوع.. صح ولا انا غلطان؟

المهم

1- التزم بخط سيرك وخصوصاً في الزحمة.. حتى لو السيد اللي حذالك يمشي خلك فنفس سيدك.. لأنك يوم تتجاوز فهالوقت تزيد الزحمة

2- احترم الغير.. حتى لو انته مسرع.. ما في داعي "تديّم" او إنك "تدّقر" فيه.. يمكن ما يقدر يلف فهالوقت.. اذا مصخها وما خاز تقدر "تديم" بشكل بسيط عشان ينتبه.. ما في داعي "تديّم" بطريقة وصخه

3- التزم بالسرعه المحدده في كل سيد.. يعني اذا انته تمشي 80 مافي داعي تاخذ السيد الأخير في شارع الشيخ زايد

4- يوم توقف سيارتك في الـ PARK وقفها عدل.. حس بغيرك.. ساعات الواحد ما يحصّل مكان يوقف فيه والسبب هالوقفة

5- ويوم تنزل من السيارة ما فيه داعي تدق باب السيارة اللي عندك.. يعني انا واحد انقهر يوم ايي واشوف سيارتي مشخطه والسبب طيش واحد غبي ما يحاسب يوم يفتح باب سيارته ( خصوصاً الهنديات )

6- يوم تتجاوز أشّر.. وحاول تبتعد عن التجاوز من الجانب الأيمن

7- لاتعرقل السير وخصوصاً في شارع الضيافه.. بس عشان تطلب من الكافتيريا ( لاتكون عديم إحساس )

8- عند التقاطع في وقت الزحمة، لاتدخل المربع الأصفر إذا كان موجود..  انته تزيد الزحمة وتأخر اللي يبون يمشون عقبك

9 - وانته ماشي اترك مسافة بينك وبين اللي جدامك.. لاتقول ان المسافة هاي تزيد الزحمة ( لو تفكر فيها يوم انته تترك مسافة واللي جدامك يوقف بشكل مفاجئ انته ما تحتاج تخف سرعتك لأنه بيتحرك قبل ما توصل له ) وهذا يخفف الزحمة، ويعطي مجال للي يبغي يتجاوز

10- لما تطلع من اللفة تأكد ان الشارع خالي، وما في دعي تطلع عالسيد الثاني على طول بس لأنك بتلف الـ U-Turn اللي جدام بـ 100 متر

11- يوم بتتعنتر وبتسرع خلك واثق وعارف هالرادار على أي سرعة يزخ، يعني امس جدامي واحد ومرينا عالرادار.. الرادار يزخ على سرعة 140.. والحبيب خف لتحت الـ 100 !!.. شغلوا مخوخكم ولاّ لاتسرعون

12- وقت الزحمة ، لازم تكون عندك أخلاق.. يعني يوم فيه ناس بيطلعون من اللفة وماعندهم أمل الا رحمتك انته.. فلازم انته تخلي واحد يمر وتمشي.. واللي عقبك يسوي شراتك ( ولازم اللي يطلع من اللفة يعرف انه سياره وحده هيه اللي تطلع.. مب يستغل الدرب اللي مسواي حق اللي جدامه ويطلع وراه بعد )

13- رجاااء لبعض الشباب، يوم انت ما شايف خير وشفت بنت ما فيه داعي تلف على غيرك وما تعطي درب لحد بس عشان هالبنت.. ترى الرزااانه وايد زينه لاتذل عمرك، ولا تستنذل على غيرك والسبب بنت ( ولا تكفخ الرصيف بعد )

14- يوم انتي بنت اعتبري نفسج وحده حالج حال غيرج.. لاتتسغلين انوثتج عشان تخلين الشارع ملك لج، واذا خالفج الشرطي تقولين انا بنت وانتوا ليش ما تخالفون الشباب؟ ( ترى الشرطة ما مقصرين فالشباب ويعاملون الكل على انهم واحد، والشباب هم اللي لازم يحتجون لأنه محد يسامحهم شرات ما بعض الشراطي متساهلين معاكم )


وان شالله متأكد اذا مشيت في الشارع بشوف أخطاء وبحط عليها.. مشكورين عالموضوع.. الله يحفظكم <IMG src="http://oasis.bindubai.com/emoticons/fa35.gif" border=0>

لحظه صمت

06-12-04 ||, 04:30 AM

:: مراااحب ::

اوب اوب شو هالموضوع صراحه ... خطر <IMG src="http://oasis.bindubai.com/emoticons/shutup.gif" border=0>
 انا اقول يعني بما اني لسه يديده في السواقة
 ليش مستعيلين الشارع ما بيطير <IMG src="http://oasis.bindubai.com/emoticons/rock.gif" border=0>
عط فرصه للناس وخلك متعاون <IMG src="http://oasis.bindubai.com/emoticons/wink.gif" border=0>
اتمنى انهم يسوون شئ ويمنعون الهنود والهنديات من السواقه
اف اف قهر يرفعون الضغط ... ماسكين الخط السريع ويمشون على بيض
 تحمل يوم بتاخذ الخط الثاني ولا تلفلف عالاودام وخاصه الفتيات لنه بسرعه يخافون
وقد ينتج عن حالة الخوف حركات مينونه <IMG src="http://oasis.bindubai.com/emoticons/tounge.gif" border=0>
واسمحولي يعني بس ما اقدر اربط الحزام .. عقب كيف بلزق في السكان <IMG src="http://oasis.bindubai.com/emoticons/shutup.gif" border=0>
 
:: وبالتوفيق ::

بهجة الروح

06-12-04 ||, 07:01 AM

:: خنفـــرووش ::

تسلم أخويـــــه على ردك الحلوو وملاحظـــاتك الأحلى ،،

تكلمت عن حزام الأمـــــــان وما أدراك من حزام الأمـــــان ، أكره شي في حيــــاتي ،
نـــادر ما أحطـــه وان صار وحطيته أخليه وسيع وايـــد ، ومرات يوم أشوف دوريه ولا شي أسحب السير أوني عاد
لابستنــــه ،
أدري اني لازم ألتزم بالقوانين وأحافظ على روحـــي بلبس حزام الأمـــــان ،
بس ما أقدر أسوق وأنـــا لابستنــه أحس اني مربـوطه ومقيده عن الحركه <IMG src="http://oasis.bindubai.com/emoticons/fa55.gif" border=0><IMG src="http://oasis.bindubai.com/emoticons/fa55.gif" border=0>

وعلى طاري اللي يتفلون ما أعتقـــد ان هذيلا فيه ذرة مشاعر وضمير ورأفه للي يمشون وراهـــم ، ما يحترمون أي حد

أما بالنسبــــه لصيانة المركبـــه ، فهذا شي دوري وضروري ، <IMG src="http://oasis.bindubai.com/emoticons/fa42.gif" border=0>

وعن السرعه ما بين 100 و80 في المدينــــه ها شي نادر لو يكون 100 و120 في المدينه يكون أحسن
لأنه في ناس ما يعرفون شي أسمه " بتحوط في الشارع ولا بتمشى " أقضي حاجتج وردي البيت ابسرعه <IMG src="http://oasis.bindubai.com/emoticons/fa52.gif" border=0>

:: صنــــدل ::

تسلم أخويـــــه على المشاركه
والملاحظـــات الصريحـــه ،،

بالنسبــــــــه لغسيل السياره لا تحاتي خل اي هنــدي يغسلها ب 5 دراهم فقط شهرياً ب 100 درهم لا غير

وعنـــد التجاوز يجب مراعاة الشخص اللي خلفك ، ووضع مسافه كافيه للتجاوز
مش شرط تضرب اشاره  <IMG src="http://oasis.bindubai.com/emoticons/fa46.gif" border=0>

عنود الريف

06-12-04 ||, 07:10 AM

مرحبا ..
هالموضوع روعه .. ويقهر في نفس الوقت ..
مب منقهره منكم .. بس انقهر من اللي يسوقون ..
الله يسامحهم .. اعاني من هاي المشكله كل ما اسير الجامعه .. صح انا ما اسوق بس اكون موجوده في السياره ..
والله يقهرون ..
انتوا ما قصرتوا ..
بس في اشياء ابغي اذكرها ..
حد منهم يشغل ليته الفليل على اخر شي .. يخلي الخلق تنعمي .. ما ادري شو عنده .. جنه الا ما تكفي ليتات الشارع ..
وثاني شي .. باصات المواصلات الليما تعطيك درب ولا تسوي لك سالفه واتلف عليك ...
والله لو تشوفوني في السياره جني انا اللي اسوق .. ادح بريكات في الهوا .. من الزياغ .. حشى .. <IMG src="http://oasis.bindubai.com/emoticons/sad.gif" border=0>
الله يعينا على الباقين ...
وكل ما اشوف شي بيي وبزيد ..
وتسلمون .. موضوع حلو ..
والسمووووووووووحه

دخون

06-12-04 ||, 08:02 AM

مرحبا مليااار...

بهوووجة مشكورة عزيزتي عالموضوع الفنتك...<IMG src="http://oasis.bindubai.com/emoticons/fa42.gif" border=0>

ما قصروا اللي ردوا .... ما خلولنا شي ...<IMG src="http://oasis.bindubai.com/emoticons/fa46.gif" border=0>

بو خنفش .. انت عجيب ..
اسهر معي ...انت ..رهيب ..
ضحكت من الخاطر والله ...<IMG src="http://oasis.bindubai.com/emoticons/fa56.gif" border=0>

* كله ولا العناد ... بالذات الهنود ...
ماشي فايدة يسير باقصى اليسار ... على 80؟؟؟  <IMG src="http://oasis.bindubai.com/emoticons/crazy.gif" border=0> سوله هرنات ..لايت ماشي فايدة
موت قهر ... هو حر كيفه ؟؟؟
* اصحاب التكاسي .. نظامهم افسح لزميلك التاكسي الاخر القادم من اليسار .. اي سائق آخر طز ..<IMG src="http://oasis.bindubai.com/emoticons/Oo.gif" border=0>

* المخفي مأساة انا حاطة 50% واعاني ... في الليل ؟؟؟

* المواقف ... لازم نوقف السيارة عدل ..بالموقف المضبوط .. ما ناخذ مكان سيارتين !! عيب <IMG src="http://oasis.bindubai.com/emoticons/wacko.gif" border=0>
 يعني اللي عنده بي ام ولا مرسيدس .. لازم يريح على سيارته ويغصص عل سيايير الناس ؟؟؟<IMG src="http://oasis.bindubai.com/emoticons/crazy.gif" border=0>

* اصحاب سيارات الفور ويل .. بالذات الكروزرات ؟؟؟<IMG src="http://oasis.bindubai.com/emoticons/fa44.gif" border=0>
يعني الله عطاكم سيايير مرتفعة تتخققون عالناس وتتجاوزون وتبتونون بطرق جريئة !!!!
ليش <IMG src="http://oasis.bindubai.com/emoticons/fa36.gif" border=0>  عيييييب ..

وسلامتكم ...<IMG src="http://oasis.bindubai.com/emoticons/fa35.gif" border=0>

متساند على الباب

06-12-04 ||, 10:03 AM

بهجة الروح

المشكله المهنده مستوين بطرانين ما يغسلون غير ب10
يوم اسير الكليه الهندي ما يطيع يغسل ب5
كله يقول "لا ارباب خمسه مافي كفايه" <IMG src="http://oasis.bindubai.com/emoticons/rock.gif" border=0>

بهجة الروح

07-12-04 ||, 06:44 AM

:: نصوور ::

تسلم أخويـــه عالرد الممتاز
وملاحظاتك في غاية الأهميــــــــه <IMG src="http://oasis.bindubai.com/emoticons/fa42.gif" border=0>

في الدوار الواحد لازم ينتبه لخط سيره ولا يرتبك ولا يخفف من سرعته عسب ما يعرقل غيره

وشي لازم وضروري نتأكد من تعبأت إطارات الهواء

:: المزوحي ::

تسلم أخويــــه على الرد المهم

الزحمه صارت جزء من حياتنـــــا اليوميه ،، مالنا غنى عنها <IMG src="http://oasis.bindubai.com/emoticons/fa43.gif" border=0>

الظاهر ان نسبة الهنود بدت اتزيد زياده واضحه وسريعه ،،

صارت البلاد بلادهم واحنا ضيوفهم ،

ترا وايد اللي يستهبلون في الشوارع وينتظرون من الآخرين انهم يراعونهم

يوم مب قد السواقه ليش تسوقون

الشوق

07-12-04 ||, 07:12 AM

بهوجه .. الصراحه فظيعه في الموضوع .. 
والاخوان ما قصروا الصراحه 

نصايح الشــــــــــــــوق لكم :- 

- لا تنسون دعاء ركوب السياره .. اول ما تحدرون السياره ..

- لا اتسوقون ورى تكاسي التعليم الصراحه يرفعون لك الضغط اللي يتعلمون<IMG src="http://oasis.bindubai.com/emoticons/mad.gif" border=0> .. ساعه لين ما يتحركون ، والقهر يوم يلفون حق اليوتيرن ياخذون شارعهم وشارع غيرهم .. 

- لا تستهينون بالرادارات اللي بين دبي وبوظبي - واتقولون حافظين الدرب  وماادري شو .. ترى عادي اتحصلون رادار ومتحرك بعد  .. وانت حليلك على نياتك .. ( ويعطيك صورة على الماشي ) <IMG src="http://oasis.bindubai.com/emoticons/tounge.gif" border=0>  ويقولك تشيــــــــز ..  

- هيه في الشوارع الفرعيه ... ياريت من الاخوه والاخوات اذا بتلفون على الاقل اتاشرون لان ساعات الصراحه  السواقين يقهرون انا اتريا السياره تمشي واتحراها بتكمل سيدها وبتروح سيده .. وفي النهايه انقهر بعد  طووول انتظار في النهايه اتلف السياره .. رغم اني اروم الف قبلها ... 

-  اتجاوز راعي الدراجه او السيكل . الصراحه يقهرون  .. يا يمشون اب كل هدوء .. وبكل خفه .. يا اتحصلهم يمنه ويسرى ... يعني يالس ويتفنن في سواقته  ..
واللي يقهرني ايام الزحمه  وصوب الاشارات .. انت اخر الاشاره واقف .. وهو اب كل هدوء شل اب عمره ودز عمره اول  واحد ( اقول اف خاطري لو عندي سيارة ما يكل نايت )) جان مااضطريت اتريا دوري لين ما اعدي الاشاره .. جان طرت من فوق السيايير

-  الاخوان اللي يايين من بوظبي و يستخدمون شارع الشيخ زايد (( اقولكم خفوا عن هالشارع اشويه .. لاعت جبودنا من الزحمه اليوميه استخدموا الطرق الثانيه مثل جسر البرشه او جسر الصفا والقوز .. كبديل من شارع الشيخ زايد .. خاصة ايام الاربعاء والخميس والجمعه ..

- ياللي يبركن في المواقف العامه .. لا تتخقق على الخلق وتاخذ الباركن اثنينه واتخاف ان سيارتك تنشرخ او شي ومن هناك شال بدل الباركن اثنينه . ترى في ناس يدعون عليك  .. من القهر لانك ماخذ باركنين ...

- الشباب اللي ع شارع الضيافه .. اعتقد في اختراع اسمه مكيف  يعني ماله داعي اول مااتشوفون سيارة ابنيه جنكم ما شايفين خير .. فتحولهم نص الدريشه ويلسوا يبققون عيونهم على  السياره اللي حذالهم واللي ابداخلها (( نص الشباب اللي في شارع الضيافه .. بتحصلون درايشهم مفتوحه ))  جنه اتقولون امبندين المكيفات وماخذين التكييف الخارجي الطلق ..

هاللي طرى في بالي ... ووووبس  بخلي باقي الاشياء لكم
وتسلمين يا راعية الموضوع
خويتكم/ الشوق 
<IMG src="http://oasis.bindubai.com/emoticons/blush.gif" border=0><IMG src="http://oasis.bindubai.com/emoticons/blush.gif" border=0><IMG src="http://oasis.bindubai.com/emoticons/blush.gif" border=0>

العجيبة

07-12-04 ||, 07:23 AM

السلام عليكم
ما شاء الله كنه اسبوع المرور منفتح البارحه
بس موضوع حلو وتعلمت منه أشياء واايدة
وبخبركم شي أنا بعد .. بعد اللي شفته :
- حاولوا قدر المستطاع تجنب المسار الأيمن في الشارع لأن رعات التكاسي أخ منهم بس يدقون بريكات وهم يسرعون قبل 160 ، ويوم عقب حد يدعمهم ايطلعون الغلط منك ( عدم ترك مسافة كافية )

- يوم بتطلع السيارة من بيتكم حاول قد ما تقدر انك ما تطلعها ( ريوس ) وانت تمشي على وراء لأنه ماتدري يمكن ياهل أو قطو يمشي .. وحصل انها استوت راح ضحيتها الكثير من الاطفال والقطاو ..

شي ثاني بعد .. يوم يقولون سواقة الحرمة مب زينة فأنا أقول لهم : اللي واايد وااثق من نفسه ايي ويجرب سواقتي .. << خ خ خ أنا ما ادري ليش الين الحين ما سرت أطلع ليسن <IMG src="http://oasis.bindubai.com/emoticons/cool.gif" border=0>

شي أخير
اللي ف خاطره ايطلع ليسن أفاا عليه
يدق على هالوصلة :

<A target=_blank href="http://oasis.bindubai.com/cgi-bin/oasis.cgi?act=ST;f=42;t=49264;st=0;r=1;&#entry5694 82">http://oasis.bindubai.com/cgi-bin/oasis.cgi?act=ST;f=42;t=49264;st=0;r=1;&#entry5694 82</A>

أسميني سويت دعاااية حق عمري

مشكوورة
بهجة الروح على الموضوع

اسمج يذكرني بـ مهجة اللي في عباس الابيض في اليوم الاسود
تعيبني <IMG src="http://oasis.bindubai.com/emoticons/blush.gif" border=0>

شكرا والسموحه
<IMG src="http://oasis.bindubai.com/emoticons/cool.gif" border=0>

خنفروش

07-12-04 ||, 08:06 AM

هيه تذكرت بعد :-

1 - رفيق <IMG src="http://oasis.bindubai.com/emoticons/wink.gif" border=0> ممنوع يخلي بشـّاه جدام إذا أنت يسوق سياره يمسك سكان والا بشـّاه <IMG src="http://oasis.bindubai.com/emoticons/cool.gif" border=0>(( الترجمه )) لا تسوق وشايل ياهل في حضنك - ترى كرسي السياره يمدحونه

2 - بو الشباب الزقرتي - فديتك انا - خف على صوت الأغاني - عرفنا إنك ذويق <IMG src="http://oasis.bindubai.com/emoticons/wow.gif" border=0> و مرحبااا بشلة الأنس - ماشاء الله دق امعلايه - و حاشرين الدنيا بعد اشويه والا واحد امظهر راسه يبغي يرزف فالسياره الشباب مب امخلينه وحليله طربان (( أوننننننننننننننه ))<IMG src="http://oasis.bindubai.com/emoticons/tounge.gif" border=0>

ذنـيـنـي

07-12-04 ||, 04:39 PM

انا بعد اذكرت شي <IMG src="http://oasis.bindubai.com/emoticons/fa46.gif" border=0>

1- لا تيلس اتسولف ويا ربيعك عقب المطبة او في الشارع لأنه وايد ناس وراهم اشغال و حضرتك اتسولف ياربيعك و معطلين السير.<IMG src="http://oasis.bindubai.com/emoticons/fa44.gif" border=0>
2- و عند الU-turn او عند اللفة اوقف في الدور لا تسوي عمرك بطل زمانك و اونه عيب توقف ويا الناس في الدور.
3- عندي لكم حركة صح انها قديمة لكن وايد ناس ما يستخدمونها, حط لك كيس في السيارة علقه في الجير حق الزبالة و الكلنكس  (كيس الدكان, الجمعية, كارفور, محطة البترول ....اي شيء)
المهم انك ما اتعق الوصخ في الشارع.
================================================== ======================
و على طاري شارع الضيافة اشوف الشباب و البنات وايد امصخينها هناك, اشوف اغلب الي يسيرون هناك (مب كلهم) فصخوا الحياء. ما ادري نحن في باريس و لا في دبي<IMG src="http://oasis.bindubai.com/emoticons/fa36.gif" border=0> 
اتصدقون اني اخذ طرق بديلة عسب ما ادخل هالشارع<IMG src="http://oasis.bindubai.com/emoticons/fa52.gif" border=0> لأنه مستوي مكان سخييييييييييييييف و حق الناس الي عندهم وقت فراغ و مب عارفين شو يسوون فيه <IMG src="http://oasis.bindubai.com/emoticons/fa46.gif" border=0>

بعدني برد اذا ذكرت شي
اخوكم نصووور <IMG src="http://oasis.bindubai.com/emoticons/cool.gif" border=0>

الجنيه

07-12-04 ||, 09:41 PM

يا ويلي أنا شو اللي بيسكتني الحين عاد أنتوا أتعرفون عقدتي من الشباب وسواقتهم ,,,,

الله يسلمكم ويبارك فيكم ..... أنا عندي نصائح للجنسين طبعا نبدىبالـــ<IMG src="http://oasis.bindubai.com/emoticons/fa56.gif" border=0>

الشبـــــــــــــــــــــ ـــاب

1- لو سمحت وتكرمت وتفضلت يوم أتسوق لا أتم أتوايج فسيايير خلق الله يعني مخفي 70 لازم تذبح عمرك واتطلع طبرك من الموتر عسب أتشوف اللي فذاك الموتر!!!!

2- يوم أتحيد عمرك من أتشوف وحده أتسوق وناوي تلحقها لا أتدح بريك فجأه وتلحق أتغير سيدك وفي النهايه تكتشف أنها هنديه لابسه عباه أترد تربع عسيدك الأولي  (شفت هالشي بأم عيني )

3- يوم أنته محرص على أهلك وخواتك وبنات عايلتكم كلها ما يسوقن ويطلعن ويادريوليه أضمن أشعنه تلاحق البنيات اللي ويا الدريول من بقعه لبقعه ؟؟؟ يعني تتحرى ماشي خبله غيرك يسوي هالشي ويا أهلك مثلا؟؟!!!

4-أنا اللي أعرفه أنه السواقه فن وذوق وأخلاق طبعا كل هالصفات منعدمه عندك أتعرف ليش؟!! لأنك دريول قديم ماخذ الليسن بس للضرورات القانونيه لا أكثر لأنك وبكل فخر يوم عمرك أثنعشر سنه أتسوق البيكب مالت العزيه ....

5- مافيها شي اذا أفسحت الطريق لسائق مثلك يعني لو بنيه ان شا ءالله تدعم بس بتسويلها درب عسب تلحقها لكنه لو واحد شاب حاله من حالك بتخليه يلتعن عله ما حصل درب ...


الحين دور الحلوات الرقيقات

البنيـــــــــــــــــــا ت

1- الغاليه يوم أنج أتسوقين ما له داعي عاقه الشيله على الجتف و كل ما شفتي موتر غاوي أستهبلتي أونه معجبه بالموتر والا أنتي  أتوايجين على راعيه  عيـــــــــب والا انتي فاصخه برقع الحيا من زمان ،،،

2- حبوبه إذا أنتي ما أتدلين الشوارع عدل ماله داعي الخوف ما بتضيعين البلاد أمان مب أتدشين لفه بالغلط وتنصدمين طبعا أتدحين بريك قوووووووووو وتدعمين ياللي جدامج والا اللي وراج بيدعمج ،،، خلج قد المسؤليه وكوني واثقه ،،،

3- عزيزتي  السائقه هذا الشارع مخصص لمن يرغب باللحاق على دوامه والوصول في الوقت المحدد ،،، يعني اذاأنتي فخاطرج شي ثاني من الصبح أفسحي المجال لغيرج وماله داعي مواعد فنص الشارع  تلفت يمين ويسار وتلفون فاليد وايد على السكان  

4- مب عيب أنج أتسوقين عسرعه 60  لكن العيب يوم أتحاولين أتقلدين الغير وأتسوقين عسرعه 100 وأنتي توج ماخذه الليسن !!! 
كلن ينام على الجنب اللي يريحه أقصد يسوق بالطريقه اللي أتعيبه وما أتضر غيره ....

5- سوالف المرايس والخربطيشن هاي ودريها عنج عيب عليج اتسابقين ويا الشباب وبعدين النتيجه حادث ودعاوي على اللي سابقتيه ومن دعمتي شرد عنج ,,,,,

الصراحه عندي الكثير والكثير من هذا الكلام الجميل لي عوده ان شا ءالله

بهوج طانكيو على الموضوع الفلته طلعت كل حرتي <IMG src="http://oasis.bindubai.com/emoticons/fa47.gif" border=0>

انامل

09-12-04 ||, 03:31 AM

الســـــــــــــلام عليكم يا أحباب
شاكره لبن دبــــــــــي وضع مثل هذه المواضيع في موضوع الواحه
لانه فعلا بعض المواضيع تستحق القراءه
لاهمية ما فيها

بهجة الواحـــــــــه<IMG src="http://oasis.bindubai.com/emoticons/fa35.gif" border=0>
موضوع ممتاز
الله يحفظ كل شباب وبنات بلادنا ويهديهم يارب
ممم
<IMG src="http://oasis.bindubai.com/emoticons/fa46.gif" border=0>
السواقه سلوكيات مثل ما تفضلتي
والسواقه فن وذوق........................ ومهاره واستايل
احترام من هم حولك واجب<IMG src="http://oasis.bindubai.com/emoticons/fa42.gif" border=0>
والشارع ملك للجميع
::
الادب ومراعاة بعضنا امر جدا ضروري
وكما انه للحديث اداب
فان للطريق اداب مثل ما وصانا الرسول صل الله عليه وسلم
الجميع مشكورين اضافاتهم حلوه حيل

::
بس انا حبيت اضيف عن السائقين اللي عندهم هواية التحدث
بالموبايل اثناء القياده<IMG src="http://oasis.bindubai.com/emoticons/fa52.gif" border=0>
::

وهي السبب الرئيسي في الكثير من الحوادث
اتمنى لكم السلامه
من كل شر الطريق
::
ومثل ما قالت شوقنا
لا تنسون دعاء الركوب
سبحان الذي سخر لنا هذا وما كنا له مقرنين
وانا الى ربنا لمنقلبون
سبحان الله والله اكبر 6 مرات
..
<IMG src="http://oasis.bindubai.com/emoticons/fa35.gif" border=0>وهالله هالله بعمركم<IMG src="http://oasis.bindubai.com/emoticons/fa35.gif" border=0>
وانته في الدرب
::

تذكـــــــــر انك لازم تعود البيت سالم وابخير
لانه في حد يحبك وينتظرك

ارجع لهم
وعشانهم

ولا يكون تهورك وطيشك
سبب ومصدر ماساه لهم
::
الله يحفظكم جميع

مودتـــــــــــــي

بهجة الروح

09-12-04 ||, 08:13 AM

:: اسهر معي ليـــله ::

وعليــكم الســلام والرحمـــه ،،

تسلم أخويـــه على النقاط أو الملاحظــــات المهمــه جداً ،،

أتفق معاك في النقطه الأولى لانـــي دايماً أسوي هالشي ،
 
بالنسبـــه للي يستخدمون السيد اليسار ويقهرون انهم ما يمشون شرات الأوادم والنـــاس
اللي قابض الموبايل ويرمس واللي يرمس ويا اربيعـــه ، انزين اتحركوا ولا تعالوا على اليمين ترا في ناس وراكم تبا اطوف وياليت لو في زحمـــه جدامهم ولا شي من هالقبيل الشارع يكون فاضي ،

ناس فاضيــــه <IMG src="http://oasis.bindubai.com/emoticons/fa44.gif" border=0>


:: لحظــة صمــت ::

تسلميــن عزيــزتي على الرد والملاحظـــه ،،

صدقج وايـــد يقهرون هالهنـــود ،، دمهم ثقيــل ويحسبون الشارع لهم بس

وأنا شراتج عقدتي الحزام <IMG src="http://oasis.bindubai.com/emoticons/fa55.gif" border=0>

:: بنت جميـــرا ::


تسلمين عزيـــزتي عالرد الحلوو
وذوقج الأروع ،،

الله يعينـــج ، أكيـــد بتتنرفزين من حركات البعض وتجاوز البعض الآخر وبرودة أعصاب
غيرهم ،

اذا احنا يجيسنا شد أعصاب وتوتر من الصبح بسبة الزحمــه شو بيكون أنتوا ،

أحسن شي لا تشوفين الدرب وريحي عمرج من عوار الراس ،
اتغشي وغمضي عيونج لين ما توصلين الجامعه <IMG src="http://oasis.bindubai.com/emoticons/sleepy.gif" border=0>

:: دخـــون ::

يا هــلا ومرحبـــــــا ،،

نورتي الموضوع ،، ملاحظاتج حلوه ومهمـــه <IMG src="http://oasis.bindubai.com/emoticons/fa42.gif" border=0>،،

الهنــــود عقدونا بتصرفاتهم ،،

والتكاسي ما أبغي أظلمهم بس دون يطوفوني أستغلهم <IMG src="http://oasis.bindubai.com/emoticons/fa46.gif" border=0> 

بس أحاذر منهم لانهم أصحاب مشاكل وسواقه بائسه ،،

الباركنج ،،

لازم نسوي حساب لغيرنا الباركنج مش حقنا بس

تسلمين عالحضور

المزوحي

09-12-04 ||, 09:06 AM

لاتقهروني ....

اتذكرت مره واحد من المهنده عنده دراجه وحضرته مسوي زوبعه .. لا يسرع .. ولا ياخذ الطرف ..
ديمت له وعصب ... يالس يأشر بيده ...يعني طووووووووف شي مكان  <IMG src="http://oasis.bindubai.com/emoticons/mad.gif" border=0>
اما اليوم الصبح ( سايق ) عنده كامري يبغي يتسابق ويايه ... المهم انا على لفه إني بدخل الشارع الثاني ..
لفينا ضربه انا على اليمين وهو اليسار .... سرع وبغه يدعم تاكسي ... والمصيبه نه اللي وياه مواطن (15 )
ما اعطيه اكثر اشوفه إيده ظاهره من الدريشه يقووووووووووووول شو هالسواقه ؟؟؟
ياسلام عليكم ....
اما امس واحد ماخذ الخط السريع ويمشي 10
<IMG src="http://oasis.bindubai.com/emoticons/sad.gif" border=0>

كنت بشتكي عليه
يتكلم في الموبايل مافي اشكال
بس مب راضي يخوز عن الدرب 
يتر يمين ويرد يرجع ...

بهجة الروح

16-12-04 ||, 11:01 AM

:: الشوق ::

تسلميــن عزيــزتي على الرد الطويل والحلوو

والملاحظات الحلوه ،

ابصراحه عن الدعـــــاء : دعاء ركوب السياره : انسى أقراه من العيله ، واكتفي بإذاعه القرآن الكريم

ومرات يتسنى لي الوقت بقراءة بعض الآيات ،،

بس الزحمه فضيعه في دبـــــــي ،، يعني ما يخلوا يوم ما نشوف فيه حادث ولا شي من هالقبيل ،،<IMG src="http://oasis.bindubai.com/emoticons/fa55.gif" border=0>

وعن سواقين الدراجات ابصراحه اللي صادفوني جيه <IMG src="http://oasis.bindubai.com/emoticons/fa42.gif" border=0> ، ابسرعه يسوقون ويتخطون الزحمــه ،،

حتى مرات أقول في خاطري لو ما كنت بنت جان رحت بدراجه للدوام <IMG src="http://oasis.bindubai.com/emoticons/fa52.gif" border=0> أحسن عن اني أوقف في هالزحمــه وايد


:: العجيبه ::

هلا ومرحـــبا ،،

تسلميــن عزيــزتي عالحضور المتــألق ،،

وعيونج الأحلى

سواقة الحريم مع اني أنضم لهالفئه ما أمدحها ابصراحه ،، لانه كل  أزمه أو حادث أو اي شي من هالقبيل تلاقين الحرمه
سبب فيـــه ،،

الله يحفظنـــا ،،

نصايح حلوه ضفتيها للموضوع ،، أتمنى حضورج الدايم معانا <IMG src="http://oasis.bindubai.com/emoticons/fa35.gif" border=0>


:: نصوور::

ولكم باك ،، وثانكس عالإضافــه الحلووه

أخاف أقول شي وانحرج ،، بس ما عليه بقول ،،

ما أعرف وين شارع الضيافه <IMG src="http://oasis.bindubai.com/emoticons/fa52.gif" border=0> ، اسمع عنه بس ما أدله

الحمدلله اني أدل طريق الدوام

:: خنفروش ::


ولكم باك ،،

وشكراً عالإضافه الحلوه ،،

ما أدري شقايل رايقين هالي يعلون على صوت المسجل من صباح الله :: الواحد وين له مزاج لهالسوالف ::