مشــاكســـات مــدرسيــة^____^ [الأرشيف]

مشاهدة النسخة كاملة : مشــاكســـات مــدرسيــة^____^

أنا فقط

05-10-03 ||, 12:24 PM

اخواني وأخواتي الأعضاء والمراقبين و المشرفين ... السلام عليكم ورحمة الله وبركاته ..

لكم جميلة تلك الأيام ... بها مواقف و ذكريات لا تنسى ... لا تخلو طبعا من المشاكسات التي تضفي جوا أكثر متعة على الطالب ...

أخواني و أخواتي ..

لكل طالب و طالبة طريقةفي ( المشاكسة ) .. وأسلوب ليتميز على أقرانه في كسر ( الروتين ) اليومي الممل ^^ ..

ومن خلال تصفحي لواحة المدارس والجامعات .. رأيت أساليب ( طريفة ) في مجال أسميته ( مشاكسات مدرسية ) ^_^

أنتظر مشاركاتكم الطريفة

أختكم : قطرة ندى

أنا فقط

06-10-03 ||, 01:26 PM

أنا عن نفسي كنت دايما أرسم على كتاب الانجليزي <IMG src="http://oasis.bindubai.com/emoticons/blush.gif" border=0> ... من بدينا ناخذ انجليزي ( من الصف الرابع ) و أنا شغالة على الشخصيات الموجودة في الكتاب <IMG src="http://oasis.bindubai.com/emoticons/smile.gif" border=0> ... مستخدمة ( المزيل ) وأقلام الحبر الملونة <IMG src="http://oasis.bindubai.com/emoticons/down.gif" border=0>

 ولليوم محتفظة بكتاب الانجليزي ( مال ثالث ثانوي <IMG src="http://oasis.bindubai.com/emoticons/biggrin.gif" border=0> ) .. وإن شاء الله براويكم ( نموذج ) من الأعمال الفنية اللي سويتها في هالكتاب  ... صار تحفة فنية .. ماقدرت استغنى عنه <IMG src="http://oasis.bindubai.com/emoticons/tounge.gif" border=0> ...

 عاد ( المس ) كانت تستانس لما تشوف ( إبداعاتي ) ... بس كان خوفها من إن المديرة تحظر الحصة و تاخذ كتابي ( بكون رحت فيها  ) ...

 هذي هي ( المشاكسة ) اللي رافقتني طول فترة دراستي <IMG src="http://oasis.bindubai.com/emoticons/cool.gif" border=0> ( طبعا مع عدم احتساب المراحل الثلاث الأولى > الأول والثاني والثالث < لأنه ما كان عندنا انجليزي <IMG src="http://oasis.bindubai.com/emoticons/sad.gif" border=0> )

               

   
               

    وانتظروا ( عينة ) من تلك المشاكسة <IMG src="http://oasis.bindubai.com/emoticons/cool.gif" border=0>

               * ملاحظة هامة : أعترف ان السلوك هذا ( غير قانوني ) <IMG src="http://oasis.bindubai.com/emoticons/down.gif" border=0> ... ويمنع منعا باتا لأي طالب القيام بذلك <IMG src="http://oasis.bindubai.com/emoticons/devil.gif" border=0>


               

               

        تحياتي لكم ........ أختكم : قطرة ندى <IMG src="http://oasis.bindubai.com/emoticons/inlove.gif" border=0>

إسهر معي ليله

13-10-03 ||, 11:39 PM

مرحبا.. مشكوره اختي عالموضوع.. وصدقج.. ما في احلى من المدرسه.. صح ان احنا ما كنا شطار.. لكن والله كانت ايام حلوه

ايي الصبح.. والصف فيه 3 طلاب.. يرن الجرس عالطابور.. 2 او 3 ينخشون في الحمام.. وواحد يوقف في الطابور <img src="http://oasis.bindubai.com/emoticons/rock.gif" border=0> مادري شو اللي يخلينا ننخش في الحمام!! مع انه الساحه فيها ظله

تبدأ الحصه الأولى والإستاذ ما يعرف شو يسوي.. خاصةً استاذ (..) يقعد ويسولف ولا شاف تيلفون يديد عند طالب يطالعه ويتفحصه!!.. وعقب ربع او نص ساعه من الحصه الأولى ايون طلاب الصف وهم راقدين.. يدخلون والإستاذ يضارب وياهم.. وينقص هذا والثاني ما ينقصه.. فيقوم ربيعه يقوله ليش نقصتني وما نقصته.. ,وتستوي الضرابه.. الصراحه ايام حلوه

الطلاب يلعبون كره في الساحه.. واول ما توصلنا الكرة نشلها ونلعب داخل الصف..

الطلاب متعودين ييلسون في الحمام بين الحصص.. يدوخون ويسولفون.. اذكر مرة مدير المدرسه كان ينتظرهم في الحمام.. واول ما دخلوا طلع لهم <img src="http://oasis.bindubai.com/emoticons/laugh.gif" border=0> ومرة ياهم استاذ يبي يطلعهم.. سكوا عليه باب الحمام وما خلوه يطلع.. والمسكين يصرخ <img src="http://oasis.bindubai.com/emoticons/down.gif" border=0>

والله أيام شو حلاتها.. ما كنا نذاكر.. بس مادري كيف يبت 73% <img src="http://oasis.bindubai.com/emoticons/smile.gif" border=0>

كنا يوم اللإمتحان ما نذاكر.. نيلس اول خمس دقايق من الإمتحان نطالع الورقه وما نحل.. صدقوني لو نفكر في الأسئلة بنحل بعضها.. بس مادري ليش كنا اغبيه.. هني الإستاذ يشوف واحد يطالع ربيعه.. يسير صوبه ويقوله شو تشوف.. والشباب يشتغلون.. كل واحد يغش من الثاني.. واذكر مافيه شطار في الصف الا واحد وكان دوم يغيب !!.. يعني نغش غلط
بس والله لازم في كل امتحان ولد منحوس.. يتم الإستاذ يراقبه هو والباقين يغشون <img src="http://oasis.bindubai.com/emoticons/cool.gif" border=0>

كنا نسوي بلاوي اكثر.. وانا مانصحكم تسوونها.. لأنه مديرنا كان وايد طيب ويانا وكنا كل شهر ننفصل مرة.. حتى وصلت في مره انهم فصلوا الصف كامل <img src="http://oasis.bindubai.com/emoticons/glare.gif" border=0>

يابوا لنا واحد من الوزراة مسوي احصائية لنسبة النجاح... واذكر انه في صفنا خمسه ناجحين.. و23 راسب خخخخ.. الأول كانت نسبته في الثمانين او السبعين.. وانا كنت الثاني. نسبتي 60% والباقين درجاتهم في الخمسين ! وعلى صفوف الأدبي واحد يايب 90%
بس الحمد لله شدينا حيلنا ويبنا 70%
 
اتفلسفت وايد.. مشكوره اختي عالموضوع الحلو.. الله يحفظج <img src="http://oasis.bindubai.com/emoticons/inlove.gif" border="0" valign="absmiddle" alt=':ilo:'>

إسهر معي ليله

13-10-03 ||, 11:41 PM

ما قلت لكم!.. سرت عند الإخصائي.. قلت له ليش ما تسوون لنا حفلة تكريم.. انا طالع الثاني <img src="http://oasis.bindubai.com/emoticons/cool.gif" border=0>

قالي من حلاة درجاتك نسويلك حفله؟ <img src="http://oasis.bindubai.com/emoticons/glare.gif" border=0>

عاشق الخيل

14-10-03 ||, 03:06 AM

مشكوره يالشيخه ع الموضوع الحلو .

لو بتكلم عن المشاغبه والله يمكن ماتصدقون

اسهر معي ليله هذا سبة البلاوي كلها اول شيء النشد الوطني للدوله يغنونه معلايه خخخخخخخخخخخخخ مافيهم روح وطنيه وبعد خلوينا الاستاذ يقدم استقالته
والله اول يوم يايبينه مسكين ما خلينا دبة ماء الى وفلعناه من يكتب ع الصبوره نفتح الدبه وفيها ماء ونفرشها ع الاستاذ مسكين كل حصه كنا انفره خخخخخخخ
ومره اسهر معي ليله يايب من الاستور مال المدرسه طباشير مال قبل المهم كل واحد فينا عنده كميه في يده الثنتين المهم وواحد في يده دبة ماء قال من بفر الدبه عليه بيصد انتوا فروه بالطباشر والله من صد ورى الكل فر الطباشير عليه والله لو اتشوفونه مابتفرقون بينه وبين كلب مرقش هالمنقط ههههههههههههه مسكين والله يذكره بالخير هالاستاذ امتحان  مانسويله سالفه والله انقوم من مكانا وانسير عند ربعنا ننقل والكل قايم من كرسيه والي مطلع الكتاب مسكين كان وااايد يخاف زين ادبناه من اول يوم مايقدر يسوي شيء عقب .

وبخبركم سالفه ثانيه مره ودونا محاضره في  غرفة التجاره والصناعه المهم نحن شباب صفنا يالسين مكان واحد عاد من يقول المحاضر من يتكلم على طول انصفق من قال السلام عليكم خخخخخخخخخخخ  والله انه تم فتره يبغي يتكلم مامخلينه وآخر شيء ظفر قام من كرسيه ويلس يباغم هههههههههههههههه والله يانا فوق اطلعوا برع  وخبره ان نحن من المدرسه الفلانيه ويوم يانا قالنا انتوا مال اي مدرسه عطيناه اسم مدرسه ثانيه ههههههههه والي كان ياي هالمحاضره بيعرفنا نحن شباب اي مدرسه وفي واحد الله يذكره بالخير ياي من العين عاد هناك طاردينه والسبه مضارب استاذ يقول اول مره اشوف مدرسه شرات هاي يقول نحن عندنا شباب مخبل بس مايسون شراتكم هههههههههههه والمدرسه يديده دمروها .

لو اخبركم سواف اللمدرسه مابتخلص والله <img src="http://oasis.bindubai.com/emoticons/tounge.gif" border=0>

بس انا ما اشجعكم على هالشيء .

أنا فقط

15-10-03 ||, 01:35 PM

اخواني : اسهر معي ليلي .. عاشق الخيل .. الصراحة مشاكساتكم على مستوى
<img src="http://oasis.bindubai.com/emoticons/tounge.gif" border="0" valign="absmiddle" alt=':p'> ..
انزين أنا بقولكم شي و أعتبره ( نقطة سودا ) في حيااتي الدراسية ... مرة لما كنت في صف سادس مدرسة الرياضيات ( الحساب لما كنا يهال ) كانت تشرح و أناا أردد وراها ... انزين جان تسمعني .. بعدني عصبت علي و قالت لي روحي عند الاخصائية .. عاد أنا شليت عمري ورحت أتحوط و أخذت كمن لفة في المدرسة بعدها يوم دق الجرس رديت الصف ..