بغيت مساعدتكم..شوركم..شو اسوي؟

[سماريه]

<font color='#000000'>السلام عليكم ورحمه الله وبركاته...اشحالكم شبيبه..انشالله بخير
انا عندي مشكله وبغيت شوركم..فقلت افضض لكم اهني..<img src="http://oasis.bindubai.com/emoticons/rock.gif" border=0>
انا الله يسلمكم من الكليه..والحين اقدم تدريب من الكليه في بنك من البنوك..المهم..اول شي الوالد طبعا ماطاع اشتغل في بنك وعقب اقناع مني
ومن اخوي العود وعقب مايا اخوي العود الكليه..رظى وانا الحين اشتغل..والتدريب هو لمده شهر واحد بس..المشكله هي في البنك..الجو وايد غريب علي.
ومب متعوده عليه...قبل ما اسير قلت انشالله اللي بقابله في البنك اول يوم يكون كبير في العمر عشان استحي..يعني مافيني يطلع شاب..
المهم يوم سرت اول يوم قابلت المدير..ووعمره طلع مب صغير..وها اللي كنت اتوقعه..يعني قلت اذا مدير بيكون في الثلاثين يعني..المهم هذا عدى
بس اليوم ثاني يوم لي وانا للحين مب منسجمه وايد وياهم..الا وحده..وهاي متزوجه يعني وقلت الحمدلله اني وياها.
المدير مب البدايه...يعني مكان فتح حسابات يديده...وهذا المفروض يعني..وياي وحده اللي متزوجه..واثنين من الشباب..ووحده ثانيه..وفي واحد
غيره يقولون بس هذا ماخذ اجازه..مليت من المكان..يعني من اسير اتم قاعده وماشي شغل..وطبعا الشغل مايي الا اذا يا عميل..عشان نفتح له حساب
واذا مايا..اتم قاعده لا شغله ولا مشغله..يمكن اتم اكثر عن ثلاث ساعات ماشي شغل..وانا دوامي من ثمان الا ربع للساعه 3..انا للحين اسولف ويا المتزوجه شوي
وهي اللي اتعلمني الشغل..وطبعا الشباب استحي ارمس وياهم...في وحده عادي ترمس بس انا ماقدر..هم يسالوني اذا اتريقت ولا لا..يعني احسهم اوكي ويرمسون
بس انا ماقدر..يعني متغيره عن الكليه 180 درجه..من الملل اطرش حق ربيعاتي مسجات واسالهم شو يسوون..ويردون علي..واكثرهم مستانسين..ولو ان ماشي شغل
وبعضهم يشتغلون عدل..اقول اذا انا عندي هالشغل بحمد ربي..على الاقل اتسلى..حتى البنيه اللي ويانا غير المتزوجه مارمس وياها..يعني اتم ساكته..من القهر رمست
ربيعتي وقعدت اصيح..اقول ماتخيل اني بتم في هالبنك شهر..مادري من شو متظايجه بالضبط..يمكن لان ماشي شغل واكثر الوقت ساكته وما اشتغل..ويمكن لاني مب
محتكه وياهم..يعني هو يرمسون وانا بس اطالع..ومرات انزل راسي وبس..وفي سوداني اللي مسؤول عنهم يرمسني واحليله وينكت..وامس قالي ذكريني اعلمج شوي باجر
على اسا اليوم بس انا ماقلت يمكن وايد انشغل اليوم..واستحي اقوله..والبارحه سرت اصلي الظهر ويا اللي اتعلمني..ورديت..واليوم قلت لها بسير فوق بصلي..يوم رحت بروحي
ماحصلت السياده عشان اصلي..ماسالت اللي هناك ولا شي..مع ان في حد..بس استحيت..نزلت تحت وقلت لها ماحصلت السياده..قلت بتحصلينها في الدرج اللي برع الغرفه
قلت استحي اقولهم وماقدر افتح الدرج وآخذ منه..قالت عيل اتريي لين اخلص وبنسير مع بعض..اترييتها وبعدين سرنا فوق..يوم سرت مره ثانيه فوق احس ان اللي
قاعده هناك اطالعني..يمكن استغربت لاني نزلت ورديت ييت ووياي الحرمه..والله استحيت..ونزلت راسي وانا امشي..حتى على الريوق ما آخذ شي..مع انهم يقولون لي شو تبين وبنييب لج
هذا غير التلفون..يوم يرن ما ارد عليه..تلفون المكتب طبعا..واتكون اللي وياي تشتغل وما ارد عليه..وبعدين قالت لي ردي عادي..بعدين البنك عادة الساعه 1 مايستقبل عملاء
يعني الباب يتسكر..بس الموظفين يتمون للساعه 3..وانا طبعا منهم..والشباب اللي موجودين طلاب في الكليه يعني يسيرون الكليه..والبنيه اتسير فوق..يعني اتم انا ويا المتزوجه
تحت..وماشي شغل..وقالولي برايج اطلعي مافي داعي يعني اتمين للساعه 3..قلت ماقدر لان احتمال اللي مسؤوله عني في الكليه اتيي على غفله وانا محد..وهذا بياثر علي في الشهاده&nbsp;
وطبعا كل وحده من الطالبات عندها مسؤوله عنها في الكليه..يعني اتيي في الاسبوع مرتين ولا مره ماعرف متى بالضبط..
بس اللي امريحني شوي اني كل اسبوع بكون في مكان في البنك..اقول يمكن باجر احسن عن اليوم..ولا الاسبوع الياي والايام اليايه احسن عن الحين..
قلت بغير الفرع يعني ولا البنك..بس ماظن الكليه يقبلون..وباجر برمس اخوي عسب يرمسهم في الكليه..بسير عند&nbsp;وحده من ربيعاتي يعني..مادري شو اسوي..في الكليه وايد غير..انا الاحظ على عمري اني متغيره..وايد بعد مب شوي..ربيعاتي يحاولون يخففون عني بس مب قادره..لا بعد والاخس عن هذا انهم يدخنون..وايد يدخنون..اول يوم راسي بينفجر علي
رديت البيت وانا دايخه..رقدت ويوم نشيت بعد يعورني..بس اليوم مب وايد دخنو..اللي واشتغل وياها واتعلمني قالت نحن اتعودنا..عادي يعني..قلت برايهم انا شهر وبظهر عنكم
افيدوني..انصحوني..شو اسوي..رايكم بليييز..لاتبخلون علي <img src="http://oasis.bindubai.com/emoticons/down.gif" border=0>
اسمحولي اذا طولت عليكم <img src="http://oasis.bindubai.com/emoticons/down.gif" border=0></font>

[شمعة أمل]

<font color='#FF0000'>صح انه يمكن تقولين انا مايخصني في هالسوالف بس انا وايد ارمس عن الشغل ويا ابويه ترا مرات يوم وايد شغل عنده مايقدر يخلصه فييبه البيت ومرات يكون شي فايلات مال بنات ..الخ انه يبون شغل فانا اتم اسال ابويه عن هالاشياء


الشي الى انتي تمرين فيه طبيعي وايد لانه يوم كنت ارمس ابويه كان يقولي انا ماباج تروحين جامعه مال بنات اباج تروحين مختلط ويوم قلتله ليش قالي لانه البنات الى يون من التقنيه او زايد وايد يستحون وايد نحن نعرف انهم قادرين على شغلهم بس المشكله انهم يستحون وهالاستحياء يخرب عليهم
يعني عنا بنات في المكتب يوم نقولهم روحي عند هذا واطلبي منه هذا ..الخ يقولولنا لا ويوم نقول ليش يقولون انهم يستحون

يعني

البنات الى يون من التقنيه وزايد وايد يستحون ومايعرفون يختلطون ويا الناس وهالشي لازم تحاولون تبعدونه عنكم لازم تحاولن تختلطون ويا الناس وتفاعلون هيه استحوا بس مب وايد انه يخرب عليكم شغلكم وكل شي له حدود

هذا الى اقدر اقوله لج

والسموحه
شمعة امل</font>

[أحلى منصوري]

<font color='#000000'><p align=center><font size=3>الســــــلاام علــــــيكم ورحمــــــة الله وبركـــــــاته
<font color=#0000ff>اختي السماريه:
</font>الحياء شعبة من شعب الإيمان.
هذا ما قاله الرسول عليه الصلاة والسلام.
ولكن الحياء الذي يؤدي الى ضياع حق من الحقوق والواجبات غير نافع وراح يؤثر عليج.
الشغل ما فيه شي غلط ولا عيب.
روحي ، اتحركي ، اطلبي ، نبشي ،............ ، بس المهم انج اتحسين انج تشتغلين.
يمكن شغل البنك تعب ، بس اللي يشد حيله ما راح يوقفه شي.
وبقول لج : دوام الحال من المحال ، بس ودري اشويه هذه الصفه اللي راح اتضرج اكثر من انها تنفعج.
حتى الحياء في طلب العلم والمعرفه مب زين.
كانت الصحابيات يسؤلون ويبحثون عن امور دينهم من دون حياء ولكن بكل ادب.
التأدب غير والحياء غير.

وبخصوص المدخنين ثراج تقدرين اتبلغين السؤول وهو بيكلمهم ، لانهم يظرونج ويظرون اعمارهم.

انشالله بس قدرت اصول لج المعلومه المفيده لج ، بس اتمنى انج اتجربينها..

والسموحه
اخـــــــــــوكم
احلى منصوري</font></p></font>

[سماريه]

<font color='#000000'>مرحبا
مشكوره اختي شمعة امل على ردج..بس بغيت اقولج ان بنات الكليه لهم قابليه انهم يحتكون ويا الناس اكثر عن الجامعات..وهالكلام هب من عندي بس..حتى المدرسات والاماكن اللي اشتغلو فيها البنات..وادربوا فيها بعد..بس مشكوره <img src="http://oasis.bindubai.com/emoticons/smile.gif" border=0>
مشكور اخوي احلى منصوري على ردك..اليوم حاولت شوي اني اتحرك..لاني اشتغلت اليوم اكثر عن قبل..وبدلت مكاني..يعني اتحركت <img src="http://oasis.bindubai.com/emoticons/smile.gif" border=0>&nbsp;
بس عن اللي يدخنون ماقدر الصراحه..الا هذي..بس بحاول قدر الامكان اني احتك وياهم على الاقل اني اسالهم في الشغل..

ومشكورين..واتمنى من الاخرين انهم يبدون رايهم <img src="http://oasis.bindubai.com/emoticons/smile.gif" border=0></font>

[كنت احبك]

<font color='#728FCE'>مرحبا عزيزتي...

حبوبة مشكلتج هاي منتشرة بين كل المتدربين.. و حتى أنا أول ما اشتغلت في البنك كنت في نفس حالتج (بالنسبة لعدم الرد ع التيلفون) هههه ...عزيزتي.. بعطيج رايي خاصة اني في الفرع مسؤولة عن تدريب و تقييم المواطنين.. و كاني اقيم واحد عندنا و تقريبا له نفس مشكلتج..

حبوبة.. أول شي المفروض يكون عندج جدول تمشين عليه.. و بما انج في فرع عيل أكيد بتمرين بأقسام الفرع الرئيسية (الحسابات, البطايق,الصرافين).. فتأكدي أنه جدولج يتضمن هالأقسام كلها.. و اذا حابة اني اعطيج نفس الجدول اللي اسويه حق المتدربين عندنا خبريني و انا بطرشلج بالرسايل الخاصة..

ثاني شي المفروض تبتدين اتغيرين بنفسج.. يعني ابتدي اسألي عن الشغل و حاولي انج اتسوينه بنفسج.. لا تتريين لين ما حد اييبلج الشغل لين عندج.. اذا ياكم عميل و بغى يفتح حساب.. حاولي انج انتي تشرحين له عن مواصفات هالحساب,, الرسوم.. الخ.. لأنج اذا تميتي منخشة في مكانج ما بتتغيرين و لا بتستفيدين شي.. و لا تخافين من الأخطاء.. كلنا نغلط.. اذا ما كنتي متأكدة من شي اعتذري من العميل و قوليله انا متدربة هني فخلني اتأكد من هالمعلومة من عند الموظفين..

عن سالفة التيلفون.. بقولج شو سويت عسب اتغلب على هالعقدة.. قمت ارد ع التليفون و طبعا اقول اسم البنك و بعدها اقول حق المتصل : لحظة بحولك ع القسم المسؤول و بس&#33;&#33; easy isn&#39;t it&#33;&#33;&nbsp; و بعدها شوي شوي يوم بتكتسبين الخبرة و الا بتعرفين عن الموضوع اللي يسأل عنه العميل.. روحج بتجاوبينه و بكل ثقة بعد..

هممممم شو بعد... حبوبة الحيا شي زين.. بس كل شي يزيد عن حده ينجلب ضده.. يعني كل اللي اشتغلوا في البنك ما واجهوا نفس اللي واجهتيه؟؟ أكيد لا.. ما تدرين شو فضايحهم و عيوبهم بعد&#33;&#33; فانتي حطي شي في بالج.. انه محد أحسن عنج ابشي.. خلي في بالج انه مثل ماهم اممشين الشغل و فاهمينه انتي بعد بتقدرين اتسوين نفس الشي.. و حتى لو مجال البنوك ما عيبج.. مب عيب انج تتعرفين على الخدمات اللي ايوفرها لأنه باجر ان شاالله لا تخرجتي و اشتغلتي بتحتاجين تتعاملين ويا البنك .. و هالخبرة اللي بتكتسبينها خلال فترة تدريبج بتنفعج وين ما بتكونين.. بتخلي ثقتج بنفسج أكبر.. بتخليج عارفة شو تبين و محددة أهدافج.. و في نفس الوقت.. بتعلمج انه مجال العمل مختلف اختلاف تام عن مجال الدراسة..

أدري اني تفلسفت وايد عليج.. بس لأني حبيت أساعدج دامم اني&nbsp;في نفس المجال اللي انتي تتدربين فيه ... واذا احتجتي أي شي تراني في الخدمة <img src="http://oasis.bindubai.com/emoticons/grinning.gif" border=0>

بشرينا عاد و نتريا منج الأخبار الحلوة <img src="http://oasis.bindubai.com/emoticons/laugh.gif" border=0>&nbsp;


أختج

لاتلوميني
</font>