ظاهرة منتشره في الدولة [الأرشيف]

مشاهدة النسخة كاملة : ظاهرة منتشره في الدولة

مــهــابه

21-11-03 ||, 04:55 PM

بسم الله الرحمن الرحيم

طبعا قرب العيد ، وقربت اجازة العيد ، وطبعا قرب اليوم الوطني للدولة وقربت إجازته
طبعا انتشرت عندنا ظاهرة غيــــــاب الطلاب من المدرســــه ، رغم تحذير المدرسين لهم من الغيـــــــاب..

برايكم شو هو الحل اللي ينفع لهم ؟؟

ومن المسؤول عن الغيـــــــاب؟؟

وليش بعض الأسر يحثون ابناءهم على الغياب بدل تحذيرهم ؟؟

هموم الحب

شمه

21-11-03 ||, 05:06 PM

برايكم شو هو الحل اللي ينفع لهم ؟؟
ما اظـــن ان لها حل..لان من اول يوم في المدرســـه و انشوف ان الغياب شي عادي..
الله يرحم ايام المدراس..الحين الليت محسوب و الابسنت الله يعينا ماشي واحد اثنين
طوالي رساله تحذير..

ومن المسؤول عن الغيـــــــاب؟؟
الطالب نفســــه.. و المدرس اكيد

وليش بعض الأسر يحثون ابناءهم على الغياب بدل تحذيرهم ؟؟
ما ادري والله بس في بيتنا ما شي غياب و لو حد مريض ..ماشي لازم ايسيرون المدرســه..
بس اظن لانهم شافوا ان ماشي فايده من الابناء ..حتى لو ساروا ما بيستفيدون شي..دام حاطين في بالهم انهم بيغيبون ..
ولا شو اتشوفين ...
<img src="http://oasis.bindubai.com/emoticons/cool.gif" border=0>
شمــــه

نجود

24-11-03 ||, 01:49 AM

لو المدارس عندهم نفس النظام اللي في كليتنا .......كان محد غاب

كل شي محسوب علينا........ومحد بيتاثر غيرنا
رسايل تحذير........عقبها رسوب في المادة حتى لو كنتي يايبة درجات كاملة في كل الامتحانات

مطلعين عيونا <img src="http://oasis.bindubai.com/emoticons/mad.gif" border=0>

تحياتي
نجود <img src="http://oasis.bindubai.com/emoticons/blush.gif" border=0>

بن دبي

24-11-03 ||, 03:00 AM

قوم المدارس ماخذين اجازه اكثر عنه نحن مال الجامعاات .. بالرغم من ان الوزاره ما عطتهم تصريح الغيااب الا انهم .. وكالعاده حطموا القوانين

وغابوا .. مال المدارس الحين مستوين اقويه وعلى كيفهم يغيبون .. وخصه اذا كان في اجازه .. يغيبون قبل الاجازه وبعد الاجازه ..

والحين خلونا فهذه الاجازه ...

اولا غابوا لان المدرسين اصلا ما كانوا صارمين مع الطلاب في هذا الموضوع .. بالعكس في بعض المعلمين لمحوا للطلاب بعدم الحضور .. ولكن يشكل غير مباشر .. حتى مابقولن الطلاب ان المعلم الفلاني قال لنا غيبوا ...

ثانيا : الوزاره ..ما تصدر قوانين صااارمه وتطبقها للحد من هذه الظاهره .. تصدر القانون لكن مايطبق .. ومع تكرار الوضع .. ادى الى ان الطلاب يستسهلون هذا الشي .. بحجه ان الوزاره ..بتعصب ببادىء الامر . لكن بعدين بكون الامر عاادي ..

ثالثا الاهالي .. اللي اصبح الامر عادي عندهم .. بالعكس يشجعون عيالهم على الغيااب بحجه .. العيد وانهم يبون يزهبون ..ويبون الراحه لعيالهم .. واذا الولد قال لامه اميه ترا باجر محد بيداوم .. حتى الاول اللي فصفنا مابيداوم .. الام تقول خلاص عيل انت بعد لاتداوم .. ((  امحق  التطور )) ....

ونحن اللي بالجامعه طبعا مانقدر نسوي اي شي لان كل وااحد منا مسوؤل عن تصرفاته .. واذا غبنا هذا يعود علينا بالامر السلبي .. وينزلون لنا انذار ..

والسموحه

المزيوونه

24-11-03 ||, 04:01 AM

احم احم انا انسانه غايبه تراني اليوم .. فالمفروض ما اشارك بالحل <img src="http://oasis.bindubai.com/emoticons/tounge.gif" border=0> ..

لا بس الصراحه يمصخونها الطلاب.. نحن غبنا اليوم في نية انا نحضر الاسبوع الياي.
بس غيرنا طائينها جااازه اسبوعين <img src="http://oasis.bindubai.com/emoticons/glare.gif" border=0> ..

الله حايه

عفاريتووو

24-11-03 ||, 10:57 AM

الصراحة انا غايبة هل إسبوع و الاسبوع الياي بعد
أدري وايد بس تدريون ليش؟؟؟

أول شي مثل ما قالت شوق العيون المدرسين ما غاصبينا ننداوم قالولنا كيفكم
دام السالفة فيها كيفنا ليش نداوم بعد؟؟؟؟؟

ثاني شي تقدرون تقولون شغل عناد 
ليش نحب نكسر القوانين؟؟؟؟ لأنه لو شو سوينا ما في عقاب
ودام السالفة ما فيها عقاب و لا حد بيقولنا ليش غبتو ليش نداوم ؟؟؟؟؟؟

و بعدين السبت و الاحد كانوا برمضمان يعني المفروض تكون الإجازة منهم
طووول رمضان نحن نداوم
الرحمة زينة بس شو نقول
عشان شي صرحنا الاجازة حق عمارنا

دموع قلم

24-11-03 ||, 06:04 PM

السـلام عليـكم

مـوضـوع جميــل ومهـم أيضـا

برأيي المسـؤول عـن الغيـاب هـو الطـالب نفسـه وثـم الأسـر
الطـالب .. لأن هـو المفـروض يجتــهد ويحـب دراستـه
والأسـر .. لأن هـم المفــروض يحثـون الابـن علـى حب العلـم

والحـل برأيي أن المفــروض الأهـالي مـا يصـدقـون أبنـاءهم يـوم يقـولـونهم أن مـاشي دراسـة
فالمفـروض أنهـم يتأكــدون بنفــسهم ويتصــلون بالمـدرسـة ويسـأل عـن ابنـائهم

.. همـوم الحـب ..
أشكــرج أختـي الغـاليـة علـى هالمـوضـوع المفيـد
وربـي يعــطيج العـافيـة <img src="http://oasis.bindubai.com/emoticons/smile.gif" border=0>

فركوشه

27-11-03 ||, 11:33 PM

هلا اختيه<img src="http://oasis.bindubai.com/emoticons/biggrin.gif" border=0>

برايكم شو هو الحل اللي ينفع لهم ؟؟

انهم يعطونهم اجااااااازاات واايد<img src="http://oasis.bindubai.com/emoticons/biggrin.gif" border=0>

ومن المسؤول عن الغيـــــــاب؟؟
وزارة التربيه والتعليم<img src="http://oasis.bindubai.com/emoticons/tounge.gif" border=0>

وليش بعض الأسر يحثون ابناءهم على الغياب بدل تحذيرهم ؟؟
الصراحه يوم الوحده تشوف بنتها ولا ولدها تعبانين<img src="http://oasis.bindubai.com/emoticons/blush.gif" border=0>
 من المدرسه وكل يوووووم امتحان ولوعه جبد وماله خلق حد بعد ما يرد من المدرسه <img src="http://oasis.bindubai.com/emoticons/down.gif" border=0>
لازم تخاااااف عليه من الامراااض النفسيه <img src="http://oasis.bindubai.com/emoticons/rock.gif" border=0>
يعني ضغوط الواجباات والامتحانات والتحضير والمراجعه <img src="http://oasis.bindubai.com/emoticons/wow.gif" border=0>
الصراحه كان عندي امتحانين بنفس  اليوم كان تاريخ وجغرافيا والمعلومات كلها اتلخبطت<img src="http://oasis.bindubai.com/emoticons/glare.gif" border=0>
 يعني يبالنا راحه<img src="http://oasis.bindubai.com/emoticons/biggrin.gif" border=0>
 وانا ضد الغيااب <img src="http://oasis.bindubai.com/emoticons/mad.gif" border=0>
بس يوووم الواحد يشوووف عمره تعباان وماله خلق يسير المدرسه لازم يباله يووم راحه <img src="http://oasis.bindubai.com/emoticons/grinning.gif" border=0>
اما عن الاياااام اللي قبل العيد نحن من حقنا نغيب <img src="http://oasis.bindubai.com/emoticons/cool.gif" border=0>
اولا مب جاهزين حق العيد <img src="http://oasis.bindubai.com/emoticons/wink.gif" border=0>
وثانيا ليش يغيرون رمستهم اول شي يقولون انهم يدمجونها عقب يقولون لأ وانا ما تعيبني هالحركه <img src="http://oasis.bindubai.com/emoticons/mad.gif" border=0><img src="http://oasis.bindubai.com/emoticons/mad.gif" border=0>

والسموحه<img src="http://oasis.bindubai.com/emoticons/wink.gif" border=0>

مــهــابه

28-11-03 ||, 06:57 PM

تسلمون خواتي ع الرد

غرشوب

02-12-03 ||, 05:24 AM

انا يوم اشوف عمري تعبان و مافيني اسير المدرسة اغيب... ليش اسير و انا مب متفيج.. يا برقد فالصف <img src="http://oasis.bindubai.com/emoticons/sleeping.gif" border=0> ..او بدق سوالف ويا الربع عسب جي ليش اسير و اخرب على غيري ..فاحسن اني اغيب  مع انه هاي السنة هي اخر سنة و بتخرج يعني لازم اشد حيلي و ما اغيب بس شو اسوي بو طبيع ما يوز عن طبعه <img src="http://oasis.bindubai.com/emoticons/biggrin.gif" border=0> ...

تحياتي...
غرشوب..  <img src="http://oasis.bindubai.com/emoticons/cool.gif" border=0>