لوكنت تحب شخص أصغر منك!!! [الأرشيف]

مشاهدة النسخة كاملة : لوكنت تحب شخص أصغر منك!!!

مرهفة الإحساس

16-11-03 ||, 02:38 AM

السلام عليكم ورحمة الله وبركاته

شحالكم حبايبي عساكم بخير ان شاء الله ؟؟؟

طبعا من عنوان الموضوع أكيد عرفتوا  شو اللي راح نتناقش فيه .....

بصراحه موضوع حييل غامضني .... لانه وايد تصير مع أشخاص عايشين حوالينا وقريبين مننا

يعني تسمع ان واحد يحب وحده اكبر عنه بثلاث سنوات او العكس
 
او واحد يحب وحده اكبر عنه بسنه والعكس

والمصيبه لواكبر عنه بوايد يعني خمس ست سنوات واكثر ..!!!!

هيه تصير لاتستغربوووون <img src="http://oasis.bindubai.com/emoticons/rock.gif" border=0>

بصراحه حبيت أعرف رايكم ... شوتقولون لوعرفتوا مثلا ان احد قريب منكم

او مثلا صديق او واحد من الأهل يحب وحده أكبر عنه ؟؟؟!!!

بصراحه أنا أقول الحب أعمى ,,,,, هذي المقوله طبعا قايلينها قبلي ... <img src="http://oasis.bindubai.com/emoticons/wink.gif" border=0>

بس صدق هذا اللي نشوفه يعني الواحد لوحب وحده اكبر منه عادي ممكن يتزوجها

لانه حبها وتعلق فيها .....ويعيشون حياتهم بسعاده لانهم اثنينهم حبوا بعض وقدروا بعض

بس كلام الناس مايرحم .... <img src="http://oasis.bindubai.com/emoticons/glare.gif" border=0>

يعني كل حد بيقول شي .... ليش خذا اصغر عنه وليش وليش وليش والليشات مابتخلص <img src="http://oasis.bindubai.com/emoticons/laugh.gif" border=0>(جمع تكسير) ههههه<img src="http://oasis.bindubai.com/emoticons/tounge.gif" border=0>

المهم حبايبي ماأبااطول عليكم بس حبيت اعرف شو تكون ردة فعلكم لوصار هالشي وياكم لوشفتوا حد منكم تزوج اصغر عنه ؟
أدري مب حرام وعاااادي الرسول تزوج خديجه رضي الله عنها وهي اكبر عنه .....بس لكل شي سبب

ونحن أكيد بنختلف كثير عن الرسول..... والاسلام ماحرم هالشي.
. بس نحن كمجتمع نحس ان هالظاهره ...ماتدخل العقل وايد ونادراً  ماتصير ...

والحينه أبا أعرف رايكم حبايبي...... ياريت تشاركون وتناقشون وياي هالموضوع .... علىر احتكم ...

والسموحه طولت عليكم ....انتظر ردودكم...... تقبلوا تحياتي: مرهفة الإحساس<img src="http://oasis.bindubai.com/emoticons/inlove.gif" border=0>

فرح

16-11-03 ||, 02:42 AM

<img src="http://oasis.bindubai.com/emoticons/smile.gif" border=0>

رايي الشخصي ......

ان الحب  لا يمسكه لا سن ولا شي

المهم انهم يكونون متفاهمين مع بعض ومتوالمين بافكارهم وطموحهم وفاهمين بعض زين وكل حد يراعي الثاني

وهذا ما  يخصه منو اكبر عن الثاني الشاب او البنت.... وكم فرق العمر ....

بن دبي

16-11-03 ||, 02:51 AM

صح كلام الناس ما يرحم

شخصيا ماحب جي.. و يمكن صعب للبنت.. لان المعروف ان البنت تطيع زوجها.. لكن اذا هي اكبر يمكن تجادل و تسوي مشاكل <img src="http://oasis.bindubai.com/emoticons/biggrin.gif" border=0>
احسن تكون صغيرة و يكون الجو هادئ متفاهم يسمعون كلام بعض.. احسن جي في راييي

مرهفة الإحساس

16-11-03 ||, 02:53 AM

هلا اختي فرح .....تسلمين الغاليه على مشاركتج بموضوعي<img src="http://oasis.bindubai.com/emoticons/smile.gif" border=0>...

بصراحه انا وياج في الرأي .....بس في ناس يرفضون هالشي ...

ويعتبرونه شي مب عدل ... بس ليش الله العالم... يعني لوتقولين ترى فلان خذ فلانه اصغر منه

يستغربون ويقولون ليش ماحصل وحده اصغر عنها أو كبره ..وجي يعني تعرفين رمستهم اكيد....

وكلامج صحيح بصراحه في نصهم يكونون صغار بس أعقل من الكبار <img src="http://oasis.bindubai.com/emoticons/cool.gif" border=0> وطبعا أصابع الأيدين محال يتساوون

مشكوره اختي على ردج

وننتظر ردود الباقيين.........

تقبلوا تحيا اختكم: مرهفة الإحساس<img src="http://oasis.bindubai.com/emoticons/inlove.gif" border=0>

مرهفة الإحساس

16-11-03 ||, 02:57 AM

أخوي علوو...... مشكور على مشاركتك..

أنا احترم رايك الشخصي
بس لوكانوا ثنينهم يحبون بعض....

ومستعده البنت انها تعيش وياه وماتجادله  يعني عادي

دامها تحبه وهو يحبها مثل ماقالت اختي فرح اكيد راح يكونون متفاهمين

وعادي مافيها شي انها تطيع زوجها حتى لوكان اصغر عنها <img src="http://oasis.bindubai.com/emoticons/smile.gif" border=0>

والسموحه اخوي

تقبل تحياتي : مرهفة الإحساس<img src="http://oasis.bindubai.com/emoticons/inlove.gif" border=0>

بن دبي

16-11-03 ||, 02:59 AM

بس الحب ينقص و يزيد.. مب كل يوم تحبه بنفس القيمة او الغلاة.. يعني بي يوم البنت تعصب او تستوي مساله حساسة.. وقتها البنت بشوف واحد ينصحها باسلوب قاسي شوية يمكن من غيرة الزوج.. ذيج الساعة البنت بتقول " كيف يصارخ علي وانا اكبر عنه " او اي تصرف جي.. و تعصب على الزوج المسكين ههههههههه.. و يطيح البكس <img src="http://oasis.bindubai.com/emoticons/biggrin.gif" border=0>

مرهفة الإحساس

16-11-03 ||, 03:11 AM

أخوي علوو.... اهلا فيك مره ثانيه ....
اوكي صحيح كلامك الحب ينقص ويزيد ..بس ماحد يجبر حد على شي
هي اللي وافقت انها تاخذه . وهم متفاهمين على كل شي
يعني يوم بينصحها بتطيعه غصب عنها ...ولانها تحبه بتنسى فارق السن بينهم ....

(حلوه هاي ينقع البكس)<img src="http://oasis.bindubai.com/emoticons/tounge.gif" border=0>
حلبة مصارعه مب زواج عيل <img src="http://oasis.bindubai.com/emoticons/laugh.gif" border=0>

مرهفة الإحساس<img src="http://oasis.bindubai.com/emoticons/inlove.gif" border=0>

سين

16-11-03 ||, 03:19 AM

هلا وسهلا...
---
كل شي يجووز يا رهف..ليش لا.. بس عاد يعني فرق ثلاث خمس سنين موو مشكله..اقل او اكثر ...وحسب تفاهم الطرفين ..اهم شي الثقه بين الطرفين..
-----
تحياتي..

امباركين عرس الاثنين ..ليلة ربيع ...عيني قمره<img src="http://oasis.bindubai.com/emoticons/smile.gif" border=0>

بهجة الروح

16-11-03 ||, 03:19 AM

مرهفــة الإحســاس
<img alt="" hspace=0 src="http://www.al-wed.com/pic-vb/33.gif" align=baseline border=0>

تسلميـــن عزيزتي على هالموضوع الحلوووو...
باعتقـــادي الواحــد يحب الي يبغيــه وهذي حريه شخصيــه
لأنه يمكــن يشوف فالي أكبــر عنه صفــات ما يشوفها فالأصغــر

وحتى وان صــار واتزوجوا...أكيــد ما بتقوله انا الأكبــر ولازم تسمع كلامي...
دام انها اختارته عن حق بتكون زوجه وفيـه له وما بتعصي أوامره...إلا اذا أمرها بمعصيه
وأعرف واااايدين الي ما خذين أكبــر عنهم..مب فرق امبينهم سنه أو ثلاث..لا 5 أو 7 سنين..
والحمــدلله عايشين في خير ونعمــة ومتناسين فارق السن الي امبينهم

بن دبي

16-11-03 ||, 03:19 AM

انا مادري من وين هالتفاؤل هههههههههههههه
الريال مب مكينة ولا رجل الاي او رجل ميكانيكي حتى يكون هادي على الدوام او يكون له اسلوب محدد

الريال مرات يعصب و مرات اسلوبه يكون قاسي.. , البنت نفس الشي مرات تعصب.. فلو كانت اكبر من الريال كانت دوافع العصبية اكبر.. لانها ربما تقول "انا اكبر عنه، و لازم يحترمني و فوق هذا انا زوجته" و بعدين يطول لسانها على الريال المسكين و تقطع هذا الزوج.. و عقب يفتحون ملف جنائي رقم الف و ثمانمئة و سبعة و خمسون قسم الحوادث المدنية<img src="http://oasis.bindubai.com/emoticons/biggrin.gif" border=0>

مرهفة الإحساس

16-11-03 ||, 03:32 AM

سين ...........احترم رأيكم الشخصي وشكرا على المشاركه <img src="http://oasis.bindubai.com/emoticons/smile.gif" border=0>

 

بهجة الروح .....هلا فيج اختي مشكوره الغاليه على مشاركتج في الموضوع...
والله يسلمج ويسلم غاليج يارب

بصراحه كلامج صحيح  دامها هي اللي وافقت ومقتنعه بكل شي اكيد مابتعصي

صدقتي والله ممكن تلاقين المواصفات في الصغير هي اللي تريحج اكثر سبحان الله ....
تسلمين على مرورج الغاليه...

على العموم كل شخص له حرية واختيار...<img src="http://oasis.bindubai.com/emoticons/smile.gif" border=0>

اخوي علوو ... انا وياك صحيح الريال مب مكينه ......الخ...<img src="http://oasis.bindubai.com/emoticons/smile.gif" border=0>
بس بعد دامهم كانوا متفقين من اول لازم يرضون ببعض...
وعادي مافيها شي يصير بينهم سوء تفاهم وبعدين يتفاهمون وبالطيب كل شي يصير <img src="http://oasis.bindubai.com/emoticons/wink.gif" border=0>
لالالاالله لايقول شو جنائي ..... ماتوصل لهالمواصيل <img src="http://oasis.bindubai.com/emoticons/laugh.gif" border=0>
مب لهاي الدرجه لازم بيتفاهمون.....مشكور اخوي على مرورك الكريم

تقبلوا تحياتي: مرهفة الإحساس<img src="http://oasis.bindubai.com/emoticons/inlove.gif" border=0>

راك وولف

16-11-03 ||, 03:42 AM

هذي معقوله  انا اعرف شباب متعلقين فبنات اكبر منهم بوايد ....

بس فيه شباب يحبون الصبيان الاولاد الصغار وماليهم خص بالبنات  

شو بيقولون عنهم ,,,,,,,  ما أدري

زشكرا

مرهفة الإحساس

16-11-03 ||, 03:45 AM

المتفجرات .... شكرا على المرور الكريم .....

"بس فيه شباب يحبون الصبيان الاولاد الصغار وماليهم خص بالبنات  

شو بيقولون عنهم ,,,,,,,  ما أدري "

هذا بروحه بعد موضوع يباله مليون  سيييين وجييييييم

ثااانكس

اختكم : مرهفة الإحساس

بن دبي

16-11-03 ||, 03:51 AM

لاتحاولي.. مابغير رايي  ههههههه

يوم بتتزوجين واحد عمره عشر سنوات بتعرفين الي اتكلم عنه ههههههههههه (امزح و اسف مقدما ما اقصد شي يزعل.. )

مرهفة الإحساس

16-11-03 ||, 03:59 AM

<img src="http://oasis.bindubai.com/emoticons/laugh.gif" border=0>          <img src="http://oasis.bindubai.com/emoticons/laugh.gif" border=0>               <img src="http://oasis.bindubai.com/emoticons/laugh.gif" border=0>             <img src="http://oasis.bindubai.com/emoticons/laugh.gif" border=0>

هههههههههههههههههه...... ان شاء الله .....عشر سنوات لااااا ست سنوات احسن <img src="http://oasis.bindubai.com/emoticons/laugh.gif" border=0>باخذه اربيه

اخويه هذا رأيك وانا احترمه <img src="http://oasis.bindubai.com/emoticons/smile.gif" border=0>وبشده ....

لالاأفا علييييييك لك حرية الرأي وقول اللي بخاطرك ......مسموح

اختك مرهفة الإحساس<img src="http://oasis.bindubai.com/emoticons/inlove.gif" border=0>

بنت الشامسي

16-11-03 ||, 02:23 PM

السلام عليكم والرحمة ،،

أول شي أشكر أختي مرهفة الإحساس على هالموضوع ،،

الصراحة أنا أعرف ناس من أهلنا ومعارفنا متزوجين بنفس الطريقة (الريال أصغر من زوجته) ،،

والصراحة الين الحين ما سمعنا عن أي مشاكل بينهم والحمد لله ،،

ومن رايي أنه العمر ما يخصه ،،

إذا كانوا متفاهمين ،، ما في أي شي بيمنعهم من الاستمرار ،،

غناتي

16-11-03 ||, 02:31 PM

السلام عليكم ورحمة الله وبركاته

أنا عن نفسي أقول اللي يحب ما يهمه فارق السن

أهم شي يسود بينهم الاحترام والتفاوم

بس هب كل زواج من هالنوع يكون ناجح

واللي يمشي ورا كلام الناس والله يضيع

والسموحة على هالمداخلة

غناتي

الشيخه82

16-11-03 ||, 04:16 PM

...انا اعتقد ان سهل الواحد يقول عادي ومافيها شي....<img src="http://oasis.bindubai.com/emoticons/glare.gif" border=0>
مادام ومدام..... الحب والتفاهم..ويسوي عمره عاقل  بزياده....<img src="http://oasis.bindubai.com/emoticons/rock.gif" border=0>
 لكن لو يكون احد الطرفين...وحزة ساعة القرار.. اكييييييييد بيكون في تردد<img src="http://oasis.bindubai.com/emoticons/oo.gif" border=0>...وبيكون الرأي غير..<img src="http://oasis.bindubai.com/emoticons/glare.gif" border=0>

عدنان

16-11-03 ||, 04:54 PM

لابأس اذا كانت تكبره بعشر سنوات أما اكثر من ذلك فاأنا أراها صعبة خاصة في مجتمعنا وزماننا الحالي
أما كون الزوجة أكبر من زوجها في العمرفهذا شي ليش بجديد ولم يحرمه الاسلام اذا لابأس منى ذلك
اذا كان الطرفين يحبان بعضهما البعض وراضين بذلك

والسموحة

عدنان

الحلوة

16-11-03 ||, 04:54 PM

مرحبا ملياار

الصراحه

مووول مافيها شي

عايشين حياتهم عاديه

وايدين من اهلنا متزوجين اكبر عنهم
وعايشين حياتهم

وليش اسير بعيد

اخوي ماخذ وحده اكبر عنه بسنه
تعالو شوفوهم كيف عايشين
احلى عيشه
ومب مبين ان هيه اكبر عنه

وجانكم بتسمعون رمست الناس
تراها ماتخلص
و ودرو عنكم هذي المعتقداات

والسمووحه

فداعت الله

مرهفة الإحساس

16-11-03 ||, 08:59 PM

وعليكم السلام ورحمة الله وبركاته....

هلا فيج أختي بنت الشامسي......العفو يالشيخه
وتسلمين على مرورج ومداخلتج ....
الحمدلله  أختي ربي يوفقه يارب..صحيح اختي لومتفاهيمن اكيد مافي شي بيمنعهم...<IMG src="http://oasis.bindubai.com/emoticons/smile.gif" border=0>

غناتي..... هلا فيج أختي .مشكوره على مرورج حبوبه....
وكلامج مثل كلام الأغلبيه وهو صحيح .في رأيي طبعا... ولكل منا له رأي...
ومثل ماقلتي مب اي زواج يكون ناجح...مشكوره اختي على مشاركتج....<IMG src="http://oasis.bindubai.com/emoticons/grinning.gif" border=0>

الشيخه 82 ..... هلا فيج أختي....
اختي في جدامج تجارب ولوقريتي كل الموضوع بتلاقين ان في البعض عايشن وبسلام وسعاده مثل ماقالوا...
احترم رأيج الشيخه..و مشكوره على مرورج ....<IMG src="http://oasis.bindubai.com/emoticons/smile.gif" border=0>

عدنان .... هلا فيك أخوي ...مشكور على مرورك ....
تسلم أخوي على مداخلتك ..واحترم رأيك <IMG src="http://oasis.bindubai.com/emoticons/smile.gif" border=0>

اختي الحلوه .. ياهلا فيج مشكوره الغاليه على مرورج
تسلمين الغاليه لانج وضحتي لنا مثال عاش قريب منج
الله يوفقهم ياااااااااارب ويسعدهم ان شاء الله

تقبلوا تحياتي اختكم:مرهفةالإحساس<IMG src="http://oasis.bindubai.com/emoticons/inlove.gif" border=0>

أميرالليل

16-11-03 ||, 09:11 PM

انا برايي ماشي مشكله

لأن الحب أعمى

واذا كان الطرفين متفاهمين

والثقه مابينهم قويه

خلاص شو المانع

خيال الروح

17-11-03 ||, 02:45 AM

والله انا اشوف انه مافي مانع اذا واحد حب وحده اكبره منه...

بالعكس.. وايـــد شباب حريمهم اكبر عنهم..

وعايشين حياه سعيده لا فيها مشاكل ولا شي .. ومتفاهمين..

وتسلمين مرهفه الاحساس على الموضوع..

بن دبي

17-11-03 ||, 03:50 AM

تزوجوا انا مايخصني <img src="http://oasis.bindubai.com/emoticons/rock.gif" border=0>

شموخ

17-11-03 ||, 08:06 PM

هلا اختي مرهفة الاحساس..

تسلمين اختي على الموضوع الجميل

انا حابه اقول انه فالحب مافي فرق بالعمر
وااايدين تزوجوا اللي اكبر منهم وعايشين ومرتاحين

مااعتقد انه فارق العمر صارت مشكله<img src="http://oasis.bindubai.com/emoticons/rock.gif" border=0>

وفيــــ<img src="http://oasis.bindubai.com/emoticons/inlove.gif" border=0>ـــــت

بوميثه

17-11-03 ||, 08:37 PM

يااااليت الي تقوولينه يستوي  صج  ولا كنت بستانس

بوميثه

مرهفة الإحساس

17-11-03 ||, 09:16 PM

هلا فيك اخويه امير الليل....مشكور على مرورك ومشاركتك..

هلا فيك أخوي غرشووب.مشكوره على مرورك اخويه
الحمدلله فارق العمر مايأثر على اي شخصين لوكانت بينهم رابطة قويه <img src="http://oasis.bindubai.com/emoticons/smile.gif" border=0>
الله يسلمك أخويه ....

أخوي علوو.......<img src="http://oasis.bindubai.com/emoticons/wink.gif" border=0>كل واحد ورأيه
تسلم على اهتمامك ومتابعتك للموضوع...

وفيت خلي ماوفا...هلااا مليون فيج الغاليه
والله يسلمج .<img src="http://oasis.bindubai.com/emoticons/blush.gif" border=0>صحيح كلامج
مشكوره على مرورج ....

هلا فيك اخويه بوميثه ......<img src="http://oasis.bindubai.com/emoticons/kungfu.gif" border=0>
يصير ليش مايصير أخويه ....!!
عااااادي ....ربك كريم ....وكل شي بيده
مشكور على مرورك .... ومشاركتك....
وتوكل على الله <img src="http://oasis.bindubai.com/emoticons/wink.gif" border=0>

مشكووورين حبايبي على اهتمامك ومروكم الكريم.....

تقبلوا تحياتي اختكم : مرهفة الإحساس<img src="http://oasis.bindubai.com/emoticons/inlove.gif" border=0>

مرهفة الإحساس

17-11-03 ||, 09:17 PM

أتمنى

17-11-03 ||, 09:28 PM

السلام عليكم و الرحمة ...

تسلمين الشيخة على الموضوع <img src="http://oasis.bindubai.com/emoticons/smile.gif" border="0" valign="absmiddle" alt=':)'>

و الرد على الجمــــــيع . سواء من ينتقد أو يؤيد .. بأن سيد الأسياد محمد _ص_ تزوج من سيدتنا خديجة و هي تكبره 20 سنة .. و كانت خير زوجة

السموحة

مرهفة الإحساس

17-11-03 ||, 09:34 PM

هلا فيج أختي أتمنى ...وعليج السلام ورحمة الله وبركاته
الله يسلمج الطيبه ...<img src="http://oasis.bindubai.com/emoticons/smile.gif" border=0>
.مشكوره على ردج ومرورج الكريم ....

وانا ذكرت هالشي الغاليه .....صدقتي والله
بس عاد الناس الله يهداهم كل شي يشوفونه غلط
والحمدلله ان رسولنا صلى الله عليه وسلم هو خير قدوه وأحسن قدوه حسنه لنا جميعا....<img src="http://oasis.bindubai.com/emoticons/smile.gif" border=0>

تسلمين اختي.....

تقبلي تحياتي : مرهفة الإحساس<img src="http://oasis.bindubai.com/emoticons/inlove.gif" border=0>

انامل

17-11-03 ||, 09:56 PM

السلام عليكم ورحمة الله وبركاته
<img src="http://oasis.bindubai.com/emoticons/blush.gif" border=0>مرهفة الاحساس
صدق والله استمتعت بقراءه الموضوع والردود بنفس الوقت
اهنيج عليه والخص راي بجمل ارجو قبولها
رضاء الناس غاية لا تدرك
القلب وما يهوى
الحب اعمى
سبحان من يجمع القلوب
الزواج قسمة ونصيب
التفاهم +الاحترام+الانسجاام+الاخلا� �+والحب المفعم بالمشاعر=زواج ناجح باذن الله
الستر والبعد عن الحرام غايه ومطلب يجب ان نضعه بالاذهان
لك كل الاحترام عزيزتي
مودتي
انامل<img src="http://oasis.bindubai.com/emoticons/blush.gif" border=0>

مرهفة الإحساس

17-11-03 ||, 10:08 PM

وعليج السلام ورحمة الله وبركاته....

ياهلااا فيج الغاليه ....تسلمين والله اخجلتي تواضعنا <img src="http://oasis.bindubai.com/emoticons/blush.gif" border=0>

مرورج وقراءتج واهتمامج ومشاركت بموضوعي اسعدني <img src="http://oasis.bindubai.com/emoticons/smile.gif" border=0>

ورأيج مقبول واحترمه بشده الغاليه ....صدقتي والله ارضاء الناس صعب ..

وكل جملج صحيحه ...ٍسبحان الله ....

والحمدلله ان موضوعي عيبكم وان شاء اللا فادتكم كل كلمه

تسلمين اختي كل كلمة كتبتيها كانت صحيحه وبصراحه عيبني اسلوبج في التعبير<img src="http://oasis.bindubai.com/emoticons/grinning.gif" border=0>
الله يوفقج اختي ... واشكرج مره ثانيه لاهتمامج ...

تقبلي تحياتي أختج : مرهفة الإحساس<img src="http://oasis.bindubai.com/emoticons/inlove.gif" border=0>

انامل

17-11-03 ||, 10:25 PM

<img src="http://oasis.bindubai.com/emoticons/blush.gif" border=0>موضوعج حلو وتستاهلين ننتظر شى يديد
وانت لا تحرمينا طلاتج
تحياتي
اختج انامل<img src="http://oasis.bindubai.com/emoticons/blush.gif" border=0>

مرهفة الإحساس

17-11-03 ||, 10:37 PM

تسلمين الغاليه.....<img src="http://oasis.bindubai.com/emoticons/blush.gif" border=0>انتي الاحلى ومن ذوقج
ان شاء الله ماراح أقصر وراح أحاول اني
 احط  لكم كل مره موضوع يديد ومفيد ان شاء الله

والله المستعان <img src="http://oasis.bindubai.com/emoticons/smile.gif" border=0>

تقبلي تحياتي: مرهفة الإحساس<img src="http://oasis.bindubai.com/emoticons/inlove.gif" border=0>