الشباب والديون

[الجنيه]

<font color='#810541'><FONT color=#810541><FONT color=#cc99cc>السلام عليكم ورحمه الله وبركاته

الصراحه عندي موضوع ودي من فتره اني اكتبه بس نظرا لانشغالي الشديد ما قدرت اني احطه هو يمكن يكون مشابه لموضوع اختي الشوق بس محدد اكثر يعني يختص بشي معين لاأكثر....

بسني فلسلفه وبدخل في الموضوع ...

الموضوع الله يسلمكم عن الشباب والديون ... طبعا ديون البنك هب الا متسلف من ربعه واهله ...

يا جماعه الخير ظاهره التسلف من البنوك صايره مثل اللعبه يعني الواحد ما يمديه يخلص السلفيه اللي عليه الا ومقدم على غيرها ...وللعلم اغلب هالسلفيات يا اتكون لشراء سياره آخر موديل والا السفر والا هوايه للشخص كونه مايقدر يتخيل حياته من دون ديون &#33;&#33;&#33;&#33;

كوني اتعامل مع هالاشياء بشكل مباشر ويومي يكون فكري بالفعل مشغول عليهم يعني صدق يا ربيه هاييل كيف يدبرون امورهم وكيف بيعيشون حياتهم للسنوات المقبله وهم مديونين يعني الواحد يكون مقيد ....

من كم يوم ياي شاب عمره ياناس 19 سنه توه مكمل شهرين متوظف ياي يقدم على سلفيه قدرها 150000ألف ويوم سالته السبب طبعا مجرد فضول قالي عندي موتر الوالد شارنه من سنه بس انا الحين اشتغلت وابي اخذلي موتر على الموضه &#33;&#33;&#33;&#33;....؟؟؟؟؟&#33;&#33;&#33;&#33;&#33;....

استغربت قلت له كيف وانت راتبك يالله يوصل الخمس وان خذو منك القسط الشهري قول 3000 آلاف بتقدر ادبر عمرك لين اخر الشهر جان يقولي عادي بتسلف من الاهل ان ما سدني الراتب؟؟؟؟ سبحان الله اذا انت امكانياتك ما تمسح لك تاخذ موتر جيمته 150الف ليش اتكلف على عمرك وتاخذه خذلك موتر على قدك يقضي حايتك&nbsp; جان يقولي لا والله و شو تبين الشباب يقولون عني؟؟؟

سالته سؤال واحد بس .... قلت اذا احتجت في يوم وهلك احتاجوا وما عندك شي في واحد من هالشباب بيسلفك ؟؟؟ قالي وين يسلفوني وهم كل واحد فلوس بترول مافي مخباه ؟؟؟؟

بس أبي اعرف الشباب شو اللي يستفيدونه من الديون وعلى فكره اللي يدخل دوامه الديون مره مستحيل انه يتحرر منها انا ما اقصد اللي يتدين عسب يبني والا يعرس اقصد اللي يتدين عسب الكماليات وفي وايد شباب اتقولهم ليش يا فلان ما اتعرس بيقول مصاريف العرس وايده لكن&nbsp; يوم اتقوله السياره الفلانيه الموديل الفلاني وايد روعه والكل ياخذ منه تلقاه بايع اللي ونه ووراه وماخذنه ليش هالتناقض؟؟؟؟؟؟

والسموحه</FONT></FONT></font>

[الشوق]

<font color='#000000'>اوووويه ليكون ترمسن عن ولد اختي وانا ماادري
صدقتي الغاليه ... بعطيج اكبر مثال على الحوار اللي صار بيني وبين ولد اختي ..
ياي من اهناك مستانس .. علشان يبي يطلعله شبح ... ويقولي .. انا ادينت وماادري شووو
اوكيه اتخيلوا ,,, شارله شبح اب موديل 2004 ..
يعني وبيتم يدفع في هالاقساط لمدة 7 سنوات تقريبا قسطه يخلص ...
يعني الحينه انت عمرك19 سنه ... عيل متى بتخلص هالقسط ..
خلونا نحسبها ويا بعض ...يعني بعد 27 سنه بيخلص القسط ..&nbsp;
الحينه بتيلس تتدفع بع ثمان اسنين اقساط سياره ... يعني طوووول عمرك وانت يالس على هالدين ..
جان اقوووله اوكيه بما ان سيارتك هذي الحينه اتكون يديده ... تعتقد بعد ثمان سنين .. بترضى فيها خاصة انكم انتوا الشباب
اتحبون سوالف الخقه .... يعني ما بتخلص ديونك وفي السنين الاربعه بتفكر تاخذ وحدها غيره والسبب ( ان موديلها جدم .. ولازم الشباب يجددون )
مثل ما يجددون تيلفوناتهم شهريا ... ليش ما يجددون سيايرهم .. كل سنه او سنتين ...

يعني خاطري اعرف هالخمس الالاف او ستة الاف شو بتسوي به خاصه اذا كان انسان ما كمل تعليمه الجامعي ..
يعني درس الين المرحله الاعداديه ويوم ملوا منها قال بسير اشتغل .. علشان اكون نفسي ...
وين هالتكوين النفسي اللي سوا ه في حياته .. يوم طوووول&nbsp;الثمان سنسن بيلس يدفع ديون السياره ..
عيل متى بتزوج ..
تدرون شو قالي .. قال يوم بخلص من ديون السياره ..
قتله عز الله بطيح في ديون الزواج هالمره&#33;&#33;&#33;&#33;
شفتوا التفكير الغريب ...
الله يهديهم شبابنا .. على العموم اختى الغاليه .. اشكرج على الموضوع
خليتيني اظهر اللي في خاطري ...
وبعطيكم مثال ثاني سمعته وانا في الدوام ... عن ديون ( السفر )

بس خلوني قبل اعطي فرصه لاخواني واخواتي يبدون رايهم في الموضوع

اختكم / الشوق
<img src="http://oasis.bindubai.com/emoticons/inlove.gif" border=0><img src="http://oasis.bindubai.com/emoticons/inlove.gif" border=0></font>

[بن دبي]

<font color='#000000'>

<strong><font color=#3366cc size=4>السلام عليكم
تسلمين أختي على هالموضوع الجيد واللي يطرح مشكلة صار لازم الكل يتمشكل به
يعني الواحد في هالزمن ما يقدر يسوي شي الا ويتسلف والدين هو ثقيل مهما كان سبب التدين كان للعرس او للسيارة او للبناء هو هم في هم
يعني الواحد يتسلف عسب يتزوج <font color=#ff3366>لووووولووووووو</font> بتم يدفع لين ما ولده بيكبر وبيقله كمل مهر أمك
على كل حال سوى شي مفيد في حياته تزوج أو بنا لكن الحسرة اللي يتدين ويشتري سيارة عالموضة أويصرفه في شي ما يستفيد منه
في واحد من الشباب خذ سبعين ألف دين من بنك بس عسب يلعب بهم يعيني 24 ساعة طايح في مراكز الألعاب ويلعب بلياردو ويعزم ربعه وكل يوم نشوف له&nbsp;ربع يدد
وبعد ما فلس ما حد يمر عليه ولا حتى يسأل عنه .

حملت الحديد فلم أجد أثقل من الدين

والسموحة عالاطاله
<img src="http://oasis.bindubai.com/emoticons/smile.gif" border=0></font></strong></p></font>

[الجنيه]

<font color='#810541'><font color=#666633>أسير العيون ,,,, الشوق ,,,

مشكورين على مروركم الكريم والصراحه كل اللي قلتوه وانا ما ذكرته كان بودي اكتبه بس ماقصرتوا

ومثل ما قلت اتمنى صدق الشباب يفكرون الف مره قبل لا يفكر بشي اسمه دين او سلفيه

تبون الصدق هالايام حتى البنات قامن يتسلفن

في وحده متسلفه خمسين الف تدرون ليش؟؟؟؟ عسب تاخذ لها ساعه ما ادري اي ماركه وهاي الانسانه انا اعرفها شخصيا يعني زين منها يسدها الراتب لآخر الشهر....

الله يستر من باجر والله العالم شو بيصير باجر</font></font>

[دموع قلم]

<font color='#0000FF'><FONT color=#0000ff>
<P align=center>السـلام عليـكم

<FONT color=#000099>هـذا المـوضـوع في غايـة الأهميـة
وهـذه الظـاهـرة منتشـرة بكثـرة في مجتمعـنا
وأتمنـى مـن أعضـاء الشبـاب المشـاركـة فيه حتـى نـوضل للحـلول</FONT> <IMG src="http://oasis.bindubai.com/emoticons/smile.gif" border=0>

كثـير مـا نسمـع بقـصص الشبـاب والديـون
وتكـون آخـر الحلقـة إمـا دخـول المديـن للسجـن أو كثيـرا مـا يفكـرون المـدينـون&nbsp;بالانتحـار
وللأسـف فالمـديـنون يـاليـت يستـخدمـون هـذه الأمـوال فـي شي مهـم أو شي ضـروري ولكـنـهم يستـخدمـون أمـوالهم في شـراء&nbsp;تـوافه الأمور&nbsp;الـتي نستـطيع العيـش مـن دونـه ولكـن المشكلـة لـدى الشبـاب فكـل واحـد منـهم يـريد التفـاخـر والفـوز بأحسـن سيـارة أو هـاتف متحـرك أو نظـارة وسـاعـة&#33;&#33;

<FONT color=#000099>فالمشكلـة هنـا عنـد الشبـاب والمفتـاح لـديهم
</FONT>الكثيـر منـهم معتـادين علـى حيـاة التـرف فلـم يعرفـو كيف يستغـلو أمـوالـهم فيصرفـون ذلك الأموال فـي أشيـاء تافهـة لا تفيـدهم بـل تضـرهم والحـل لـديهم .. فعليـهم بحسـن استـغلال&nbsp;أمـوالهم في الأساسيـات

.. <FONT color=#000099>الجنيـة</FONT> ..
أشكـرج أختـي الغـاليـة علـى مـوضـوعج المفيـد
وأتمنـى مـن جميـع الأعضـاء المشـاركـة
ربـي يعـطيج العـافيـة

<FONT color=#000099>ربمـا لـي عـودة إذا الله أحيـانا</FONT> <IMG src="http://oasis.bindubai.com/emoticons/smile.gif" border=0></P></FONT></font>

[الجنيه]

<font color='#810541'><p align=center>
بالفعل حل هالمشكله بيد الشباب نفسهم واذا هم لديهم الرغبه

راح ينتشلون انفسهم من مصيده الديون

الله يوفقهم ويهديهم

وان شاء الله يحاولون انهم يبعدون انفسهم عن مصايب الديون والغرقان فيها </p></font>

[ميره]

<font color='#000000'>مد ريولك على قد لحافك

عافان الله يعني المشكله مش بين اوساط الشباب الذكور بعد بين البنات



يعني شو اختي بتستفيدين لو شريتيلج ساعه شوبارد مثلا اوكي قلنا ماركه عالميه

يا هل ترى انتي الحين لما بتلبسيين هالساعه كل يوم وكل ساعه او انج بتلبسينها بس بالمناسبات

اوكي قلنا بالمناسبات بس بتلبسينها بس اذا انت من النوع الي يركض ورا الموضه هل بتستحملين تلبسين هالساعه بكل مناسبه

يعني ربيعاتج دايما يشوفنج تلبسين هالساعه على مدى كم سنه


وياله عاد بتقهرين اذا سمعتي وحده تتكلم عنج وتقول عانبوه هذي جنها ما مصدقه تلبس ساعه

وبعدج ما مرت عليج سنه من شريتيها اكيد انتي بتملين منها

وهذي السالفه صايره لوحده من المدرسات يعني شارتلها ساعه بالشئ الفلاني ولما قامت تلبسها كل يوم على مدى سنه كامله

سمعت هالكلام وانقهرت وتبغي تشتريلها ساعه بعد ماركه وبالشئ الفلاني عاد ليش خلاص على قولتها ايدها تعودت تلس ماركات</font>

[الجنيه]

<font color='#810541'><p align=center>
<font color=#999966>صدقتي الغاليه

حتى البنات انعدن من الشباب وبدن يربع ورا اشياء اسخف واتفه

وكماليات ما يتمن عندهن اكثر من شهر لو اتصدقين يعني اللي بتشتري الساعه الفلانيه بالسعر الفلاني

شي طبيعي مثل ما قلتي بتربع ورا اليديد من الموظه وهاييج الحزه بتصير الساعه مالها جيمه بنظهرها

والمشكله يعني ما يحسن انه تعبهن يروح بلاش يعني يوم اسال وحده من هالنوع انتي ما اتحسين انه راتبج كله ينصرف على اشياء تافهه

اتقولي ليش انا كم بعيش خليني اتمتع بحياة الرفاهيه ؟؟؟؟؟؟؟؟؟؟ يا سبحان الله يعني لو هي مستفيده من هالكم بيزه جان وايد ابرك بس شو بنقول غير

الله يهدي الجميع ويصلحهم </font></p></font>