" شو رايكــم فالبنــــات الي يحضــرن مباريات كرة [الأرشيف]

مشاهدة النسخة كاملة : " شو رايكــم فالبنــــات الي يحضــرن مباريات كرة

بهجة الروح

12-11-03 ||, 03:46 AM

<img alt="" hspace=0 src="http://www.geocities.com/siliconvalley/6603/animation/wenegrana.gif" align=baseline border=0>

<img alt="" hspace=0 src="http://oasis.bindubai.com/download/wood1/w2.psd.bmp" align=baseline border=0>

الســــلام عليـــكم ورحمــــة الله وبركـــــاته

أعضــــــــــاء وعضــــوات الواحــــــــــات الكـــرام:

ييتكم اليـــوم بسالفه ايديده من سوالفي المتواضعـــه...ومن بعــد نقاش طويل مع أخويه فكرت ان أطرح هالموضوع
وأشوف آرائكم فيــــــــــه
والموضوع بعنـــــوان:

" شو رايكــم فالبنــــات الي يحضــرن مباريات كرة القــدم فالنوادي ؟؟"

يمكــن البعض منكم يقول حرام ان البنت تشوف مباريات...لما فيه من لبس اللاعبيـن
لكــن...أنا من النوع الي يتابــع المباريــات وخاصه للفرق الأوربيــه..
فدار على بالي سؤال يوم كنت ويا أخويــه أنشوف مباره لكرة القــدم..
سألته هالســؤال:
" لو كنـــا مسافرين بريطانيــا بتوديني المباراه وياك؟؟؟ "
رد عليــه وقالي : " ما بوديج ..عيب البنيه تروح المباريــات...بس بقعـد وياج فالفنـدق وبطالع المباراه وياج"

ودار بينــا نقاش طويــل

المهــم...
اذا كنـــا نحــن فالبـــلاد ...ما بروح المبــاراه...لان الي بيحضرون النوادي كلهم شبــاب ..وأنا أتفق مع هالشي..لانه عيب البنت تروح النادي
لكن لو كنا في بــلاد الغرب<img src="http://oasis.bindubai.com/emoticons/glare.gif" border=0>..ترا الحريم اهنــاك
يروحن المباريـــات ..وبعــدين انا اذا رحت بروح بحجابي..وما بهتف ولا بنادي بأعلى صوتي...
احتراماً لذاتي ونفسي...بس بشوف المباراه...

هـــذا رأيي...
بانتظـــار تعليقـــاتكم...

عدنان

12-11-03 ||, 03:55 AM

مرحبا أختي
والله أنا الي أشوفه العيب عيب سواء كانت داخل البلاد أو في بلاد الغرب ما شي فرق يعني حتى لو كان في تواجد نسائي دام انه في اختلاط مدرجات الشباب والبنات

اشوف أن البنت لو تقعد في بيتها وتطالع المباراة في التلفزيون أبرك من الروحة للنادي  وطبعا الكل يعرف حالياً البنات تتعرض لكثير من المضايقات يوم تظهر في الاسواق
والمراكز التجارية فما بالكم بمكان أكثر المتواجدين فيه من الشباب ( تراهم ما بيصدقون ) وهني أنا ما أعمم على الكل شي شباب ولله الحمد محترمين عمارهم

بس عندي أنا الحل ما بقول هو الحل النهائي والي بيحل المشكلة بس يمكن بيكون أفضل وهو:

أنه كل نادي يخصص أماكن ومدرجات للنساء فقط ومدرجات للعوائل هني يمكن المشكلة ما أقول أنها بتنحل يمكن الوضع بالنسبة للبنات بيكون أضل بكثير من الاختلاط
وهني بصراحة أنا ما أعارض ذهاب البنت للنادي للتشجيع اذا توفرت أماكن مخصصة لهم بعيداً عن الشباب ...

هذا رأي مني  والأختلاف في الرأي لايفسد في الود قضية

ومشكورين

عدنان

ريم الامارات

12-11-03 ||, 04:05 AM

السلام عليكم ..
تسلمين الغاليه على طرح الموضوع ..
ونتي قلتيها يالشيخه .. من ناحية الشرع ما يجوز البنيه تشوف المباريات بسبب لبس اللاعبين ..
وسالفة روحة البنيه للنادي .. انا اشوفها عووده ...وهب حلوه ..
المكان كله شباب ..ولو كان مختلط ..ترا الاختلاط ايضا فالشرع مايجوز .. وهو لا ضروره ولا حاجه

والله يعطيج العافيه يالغاليه ..
والسموحه ..

تحيـ ريم الامارات ــاتي <IMG src="http://oasis.bindubai.com/ubbc/smileys/0024.gif" align=absMiddle border=0>

جمال الكون

12-11-03 ||, 04:12 AM

والله لو في مكان خاص  للعائلات  والبنات  ..    ما في شي يمنع

أما إذا كان مختلط  ... ف  أنا أشوفها  مب حلوه 

هذا رأيي  ب صراحه

وتسلمين أختي عالموضوع  الحلو

أقول بهجة الروح  ؟؟؟  ... شو تشجعين من الأندية الأوروبية ؟؟؟؟؟؟<IMG src="http://oasis.bindubai.com/emoticons/biggrin.gif" border=0><IMG src="http://oasis.bindubai.com/emoticons/tounge.gif" border=0>

أخوج  ..
جمال

عيون الليل

12-11-03 ||, 05:05 AM

بالنسبــه لي انا فأعتقد انه رأيي بيكون مخالف لآراكم

صح ف البلاد عيب البنيه تحضر مباريات لانه الي ف النادي كلهم شباب ولو شافوا بنيه بينهم شو تتوقعون يسوون؟ بلاوي <img src="http://oasis.bindubai.com/emoticons/suspect.gif" border=0>
لــكن بلاد برع غيـر ... الواحد اصلاً امسافر يتفسح ... ويسير المتحف والحدايق وباقي الاماكن ويشوف المحتشم وغير المحتشم وبالذات البلدان الاوروبيه... ف شو الغلط لو بنيه سارت مع اخوها وهي محتشمه النادي؟؟
ما فيها شي ف وجهة نظريه ...
صح العيب عيب... بس اصلاً ليش هو عيب؟؟؟ لانه ف البلاد الي يحضرون المباريات كله شباب ...
واذا ع اللبس مب لازم اتشل وياها دوربين <img src="http://oasis.bindubai.com/emoticons/biggrin.gif" border=0>
وتراها امسافره بلاد اوروبيه الي ف الشوارع شو بيكونون لابسين؟؟؟

وهذا رأيي واتمنى محد زعل منه

ومشكورة اختيه بهجة الروح ع الموضوع الحلووو <img src="http://oasis.bindubai.com/emoticons/wink.gif" border=0>

اختكم... عيون الليل <img src="http://oasis.bindubai.com/emoticons/smile.gif" border="0" valign="absmiddle" alt=':)'>

ألم ترى

12-11-03 ||, 05:19 AM

بسم الله الرحمن الرحيم

ما حكم مشاهدة مباريات كرة القدم ؟

للحفظ
<a target=_blank href="http://media.islamway.com/fatawa/othymeen/footballmatches.rm">http://media.islamway.com/fatawa/othymeen/footballmatches.rm</a>

هذا حكم الرجل فما بالكم بحكم النساء

وبالله التوفيق والسداد

شموخ

12-11-03 ||, 08:45 AM

هلا اختي بهجة الروح

اولا حبيت اشكرج على مواضيعج الحلوه

وثانيا حبيت اشارك برايي البسيط
انا مااحب ولا اميل للمبارايات صراحه
بس اللي انا مقتنعه فيه اكثر اني انا مستحيل
اروح اماكن مثل النوادي لان اختي انتي تعرفين العادات والتقاليد
بس اذا كنت في بلاد اوروبيه مااعرف اذا كنت بروح اولا يمكن لو كان عندي ميول للمبارايات افكر اني
اروح من باب الفضول عسب اشوف لان اكيد الشي اللي تحبينه ماتقدرين تقاومينه

والسموحه على الاطاله
وفيــــــــ<img src="http://oasis.bindubai.com/emoticons/inlove.gif" border=0>ــــــــت

الشيخه82

12-11-03 ||, 11:20 AM

انا عن نفسي....

اشوف اللي يركض ورا كوره ما عنده سالفه....<img src="http://oasis.bindubai.com/emoticons/glare.gif" border=0>

كيف لو اتم اراقبه....<img src="http://oasis.bindubai.com/emoticons/suspect.gif" border=0>

راع7ي

12-11-03 ||, 12:16 PM

مشكورة الاخت على الموضوع
على سالفة انها تشوف المباراة تشوف الى تبية
لاكن انها تروح النادي هي وين تبي عندنا منقود بارك الله
فيج
الله حيـــــــــــــــــــــــ ا

<a target=_blank href="http://www.sheikhmohammed.ae/arabic/biography/millennium.asp"><img style="width: 237px; height: 130px" height=114 src="http://www.sheikhmohammed.ae/arabic/images/biography/millennium_pic.jpg" width=77 border=0></a>

بهجة الروح

12-11-03 ||, 04:54 PM

عــدنــــان
<img alt="" hspace=0 src="http://www.al-wed.com/pic-vb/33.gif" align=baseline border=0>

تســـلم أخويــه عالمشــاركه والرد..
وتسلم على الحل الوســط...لكــن كيف بتسوي أماكن مخصصه للعوائـل
اذا كنا رايحين انشوف المباراه بالخارج<img src="http://oasis.bindubai.com/emoticons/rock.gif" border=0>...يعني عادي عندهم الإختــلاط..
أما بالنسبــه اذا سووا أماكن مخصصه للعوائل اهنيــه فبلادنـــا
فطبعاً ما برووح...لأنه روحتي فيها شي غلط..

ريم الإمــــارات
<img alt="" hspace=0 src="http://www.al-wed.com/pic-vb/33.gif" align=baseline border=0>

تسلميــن عزيــزتي عالمشــاركه والرد...وأنا أتفق معــاج
صح هي مب حلوووه وأنا أشوفها مب حلووه فحقي اذا رحت نادي من النوادي الي فالبــلاد
بس انا قصـدي برع
أي فالخـــارج...يعني كأني رايحه نزهه أو مكــان ..وكل مكــان فيــه اختــلاط

جمـــال الكــون
<img alt="" hspace=0 src="http://www.al-wed.com/pic-vb/33.gif" align=baseline border=0>
تسلم أخويــه عالمشــاركه والرد..بس بعــد
كيف بيسوون أماكن مخصصه للعـوائل فالنوادي الأوربيــه <img src="http://oasis.bindubai.com/emoticons/glare.gif" border=0>
اذا كان عادي عنــدهم الإختـــلاط..
بالنسبــه للنوادي الي أشجعهم...رويــال مدريد...ومانسشتر يونايتد

عيــون الليـــل
<img alt="" hspace=0 src="http://www.al-wed.com/pic-vb/33.gif" align=baseline border=0>

تسلميــن عزيزتي عالمشــاركه والرد الحلووو..
وزين حصلت حد يفهمني...
أنا ما أفكــر أصلاً اني أروح النوادي الي اهنيــه..لأنه عيب أصلاً..والي اهناك كلهم شبــاب
بس اذا كان برع أحس ان هالشي عادي

سيــف الإســـلام
<img alt="" hspace=0 src="http://www.al-wed.com/pic-vb/33.gif" align=baseline border=0>

تسلم أخويــه عالمشاركه والرد..وتسلم على الرابــط
ويــزاك الله خيـــر
وجعله الله في ميـــزان حسناتك
وكثر الله من أمثالك

<<<< لــــي عــــوده >>>>
<img alt="" hspace=0 src="http://www.geocities.com/siliconvalley/6603/animation/dogrun.gif" align=baseline border=0>

المقاتل

12-11-03 ||, 08:03 PM

مرحبــــــا الســـاع

السلام عليكم

....................

أوه أوه بهجة الروح من متابعي المباريــــات ( ماشاء الله شي بنات عيل يتابعون لمباريات هههههه < <IMG src="http://oasis.bindubai.com/emoticons/tounge.gif" border=0> أول مره أعرف > )

عالعموم قريت الموضوع بإهتمام وإندمجت فيـــه وكتبت بعض الشروط والحلول ( إلخ إلخ <IMG src="http://oasis.bindubai.com/emoticons/cool.gif" border=0> )

أما عن بالنسبــــة لمشاهدة البنت للمبـــــارايات ( ما أقدر أقول حرام < هاي فتوى وما أقدر أقول > لكن إنقول ونتكلم مثل ما قالوا العلمـــاء ) < عشان ما تقولون كل من يه وهب قال حرام ! >

نحــــن الرجـــــال نستحي أن نشاهد عورة الرجــــــل ( < فالحياء من الإيمــــان > ) 

فأمـــــا عن البنت فكيــــف لم تستحي وترا عورة الرجــــل ( فإذا نحن حرم علينا أن نرى عورة الرجل ! < فوق الركبة > فأحيانا يرتفع البنطلون أو ما شابة ( اللاعب يلعب مندمج فلا يبالي في العورة إن خرجت )

وإيضـــــــــــــــــــــ ـا

نسأل يدتنا العودة ( إميّه ) 

تقولكم ( عيــــب <IMG src="http://oasis.bindubai.com/emoticons/crazy.gif" border=0> شو بعـــد البنت تظهر :: متى صاروا يشوفون لعب الرياييل :: !؟! )

نعطيكم مثال :-

إتخيلوا إن البنات يالسات على أطراف ملاعب أولاد الفريـــــج <IMG src="http://oasis.bindubai.com/emoticons/suspect.gif" border=0> 

بتقولون عيب 

ليش !؟!

أول شي لأنها إعتادة للملاعب ( النوادي ) وذهــــب الحياء وإنعدم وأمــــا الملاعب ( الفريج ) لم تعتاد والحياء لا زال .

ولكن لو قلنا إن هناك وهنيه نفس الشي 

كيف !؟! لأن هنيه في ملاعب الفريـــــج بشوفنها ناس يعرفونهم ( وشو بقولون بعدين )

فأمــــا فالملاعب ألف وحده وما بحصلونهم !؟!

<IMG src="http://oasis.bindubai.com/emoticons/inlove.gif" border=0> وبعديـــن لازم نتمسك فعاداتنا وتقاليدنا <IMG src="http://oasis.bindubai.com/emoticons/inlove.gif" border=0>

والمعروف إن مثل هالأمــــاكن البنات ما يسيرولّه < عيــــــب <IMG src="http://oasis.bindubai.com/emoticons/cool.gif" border=0> ههههه > 

وهـــذا مجرد رأي أنـــــا  

<IMG src="http://oasis.bindubai.com/emoticons/grinning.gif" border=0> وكذلك الكثير الكثير من قول العلمــــــاء البنت مب مكانها هناك < وفي قوله تعالى : (وقرن في بيوتكن ) > إذا فالسوق وجيه وإسير الملاعب <IMG src="http://oasis.bindubai.com/emoticons/suspect.gif" border=0> 

هدانـــــا الله وإيــــاكم من هاي الســــالفة 

<IMG src="http://oasis.bindubai.com/emoticons/tounge.gif" border=0> وبعديــــن لازم فيــــه حد بعارضني لأني معجبات كرة القدم ( .... ) الله يستر <IMG src="http://oasis.bindubai.com/emoticons/laugh.gif" border=0> سالفة حساسة عندهم خخخخ

وفالأخــــير

<IMG src="http://oasis.bindubai.com/emoticons/inlove.gif" border=0>تحياتي<IMG src="http://oasis.bindubai.com/emoticons/inlove.gif" border=0>

<IMG src="http://oasis.bindubai.com/emoticons/grinning.gif" border=0>المقاتل<IMG src="http://oasis.bindubai.com/emoticons/grinning.gif" border=0>

عدنان

13-11-03 ||, 06:21 AM

بهجة الروح أنا أتكلم عن أماكن مخصصة للعوائل في الامارات

اما عن الخارج والاماكن المختلطة  طبعا
اقول  لا

والسموحة

عدنان

بن دبي

13-11-03 ||, 06:34 AM

موضووووووع حلووووو ومشكورة بالنسبة لي أظن أنج تستغلين وقتج بوقت ثاني أبرك لج من روحة النادي ولكن شرايج لو كانت مباراة حريم تبين الريايل يحضروووووا
تحياتي / قانص الغيد

بن دبي

14-11-03 ||, 09:36 PM

مرحبا الساع بهجة الروح
تسلمين عالموضوع
وحبيت اقولج رايي في هالسالفه
دوم يوم اني اشوف مباريات في التلفزيون يستوي خاطري اروح واشجع ..
ويوم بدى الدوري عدنا في الدوحة ولعب نادي الاتحاد الي انا اشجعه كنت فخاطري اروح خصوصا ان ربيعاتي راحوا بس انا ما يتني الجراه اقول لامي ابا اروح شو شو بتقول ..؟؟ اصلا المكان كله شباب مع انه فيه مدرجات للعائلات بس حتى ولو ..
حتى يوم فاز نادي العين بالكاس كنت الف ساعه قدام التلفزيون اتابع المباراة واتابع الوصول وتابعت كل شي ووايد فرحت يوم فازوا ومع اني كنت اشوف ناظرات امي ..ودومها تقولي انتي شللج بالكورة ؟؟
وابويه احس احيانا انه يستانس عليه لاني اتابع وجي بس احيان احسه يباني اخفف وانا بصدق ما اعرف شو له ميته جي عالكورة ..معنه ما اعرف العبها
المهم ..تراها هب عدلة وحدة تروح الملعب صدق ..حتى المسيرة اللي تستوي بعد المباراه احس انه مكان البنت يكون غلط لان الكورة والمسيرة وهالسوالف للشباب حتى يوم نشوف وحدة متلثمة وطالعه في مسيرة احنا نفسنا نشك فيها فما بالج بالناس
والسموحة

حبيبي

19-12-03 ||, 11:48 AM

<img src="http://oasis.bindubai.com/ubbc/smileys/0028.gif" align=absmiddle border=0> الشيخه82انا عن نفسي....

اشوف اللي يركض ورا كوره ما عنده سالفه....<img src="http://oasis.bindubai.com/emoticons/glare.gif" border=0>

كيف لو اتم اراقبه....<img src="http://oasis.bindubai.com/emoticons/suspect.gif" border=0> 

<img src="http://oasis.bindubai.com/ubbc/smileys/0148.gif" align=absmiddle border=0>بحط

مها دبي

19-12-03 ||, 02:32 PM

السلام عليكم و رحمه الله و بركاته

البنت هنيه لو سارت الملاعب هنيه
 
بيتمون خلق الله يرمسوون( يعني بيقولون ... اوووو بنت هنيه شو تسوي <img src="http://oasis.bindubai.com/emoticons/love.gif" border=0>( .... وااابوك هاي شو يابها هنيه <img src="http://oasis.bindubai.com/emoticons/tounge.gif" border=0><img src="http://oasis.bindubai.com/emoticons/biggrin.gif" border=0><img src="http://oasis.bindubai.com/emoticons/tounge.gif" border=0>)

اما لو حظرت مباراه برع . محد يخصه في الثاني ايلس و تابع و بعدين اطلع ..<img src="http://oasis.bindubai.com/emoticons/wink.gif" border=0>
)
يعني هني واااايد بينقدون الشئ ... و انا مع هذا الشئ . بعععععد قصورها الوحده ميلسه في النلعب و تشجع ( شكلها غلط <img src="http://oasis.bindubai.com/emoticons/tounge.gif" border=0>)

والسموحه

تحياتي مهاااااا دبي<img src="http://oasis.bindubai.com/emoticons/blush.gif" border=0>

بهجة الروح

13-01-04 ||, 04:47 PM

شمــوخ

الشيخـه82

راع7ي

المقاتل

عــدنان

قانص القيــد

هنوف جارحات اهدابها

حبيبي

مها دبي

تسلمون أخواني وخواتي على المشاركه والرد
واحتـــرم راي الجميــع

لكــن شخص هوايه وميــول وكره القدم أشوفها فـن من فنون الرياضه
بس أدري ان العيب عيب والغلط غلط..
صحيح اني أشوف مباريات لكــن ما أرضى على نفسي
أروح مباريات مقامه أهنيه لانه محد بيتقبلها
لكــن باعتقادي ان الغرب عنــدهم هالشي عادي
عادي ان البنت والولد يحضرون مباريات
في مجتمعهم مش عيب
وناقشة هالموضوع مع أحد أخواني وقالي لا
يلست البيت أحسـن
وخذت برايــه<img src="http://oasis.bindubai.com/emoticons/cool.gif" border=0>

..

قلوب دبي

14-01-04 ||, 05:33 AM

<img src="http://oasis.bindubai.com/emoticons/smile.gif" border=0>

السلام عليكم

من حيث الحلال والحرام ما عندي اي فكره لانها امور متعلق بالشريعه
بس من وجهه نظري اشوف انه اكبر غلط ان البنيه تروح الى النوادي و تحضر امباريات
لانه هالشيء بيسيء الها و لسمعتها و بتقولون اوروبا و بالخارج شو رايكم ممكن انسير ؟؟
اقولكم انه النوادي الاجنبيه ما تصلح انها ندخلها و عن تجربه لاني حظرت اهم مباراه لبطل 
 الدوري البلجيكي سنه 2002 شهر 8 و حظرت مباراه في ملعب موناكو سنه 2003
شهر 11 الصراحه مافي احترام للملاعب و لا شيء.. اوكي الملاعب كلها مختلطه و لكن
 ما في اي نظام من حيث التعامل و الروح الرياضيه و معظمهم سكارى و البريك مالهم بين
 الشوطين الناس اتسير تشرب ماي و عندنا اتروح اتصلي و عندهم ايروحون عزكم الله
 يشربون خمر و حالتهم عوذ بالله منها ..
انا كشاب الصراحه استأت من الملاعب مالتهم فكيف لج يا بنت بتتحملين السكارى
 و بتتحملين الزحمه و المخالطه و بالنسبه لبعض الجماهير العنف و العصبيه تصاحبهم
 و السبو الحركات الماصخه شي عادي عندهم فترضين يا بنت انج تروحين الملاعب ..؟؟
فالخلاصه الله يسلمكن انه الملاعب لا في البلاد و لا خارجها تصلح للبنت و افضل لها و احفظ
لكرامتها انها تيلس و اطالع المباره في البيت و لا اتيب لعمرها الاحراج ..
مجرد وجهه نظري

 و السموحه

 قلووووووووب دبي

حب دبي

14-01-04 ||, 02:39 PM

مرحبا

أنا عن نفسي أطالع المباراة في البيت ، بس يوم أخوي شافني أطالع المباراة قال عيب البنات ما يشوفون المباراة ..<img src="http://oasis.bindubai.com/ubbc/smileys/0003.gif" align=absmiddle border=0>
اذا وحدة تتابع المباراة في البيت ، فهذا ما فيها شيء ( وجهة نظري ) .. بس اذا حضرت المباراة و أكثر من نصف
الجماهير شباب فهذا ما يجوز لان نحن عندنا عادات و تقاليد لازم نحترمها ....

و السموحة ..

ولد الحكومة

16-01-04 ||, 10:47 AM

السلام عليكم ورحمة الله وبركاته ....

أنا من رأيي انه البنت اتشوف المباريات في الملاعب ،،،، ؟
الصراحه  في نظري  عيب  ، وبعدين عاداتنا تقاليدنا ماتسمح انه البنت اسوي هذا الشيء ،  وانتوا كلكم شفتوا في دورة الخليج في الكويت كان جمهور المنتخب الكويتي كله بنات ، واكثر عن الشباب ، يعني احنا انشوف الناس شو يسون ونسوي مثلهم ؟؟؟؟ <img src="http://oasis.bindubai.com/emoticons/suspect.gif" border=0> هذا غلط في غلط

بهجة الروح .... تسليمن عالموضوع والله يعطيج الصحة والعافية <img src="http://oasis.bindubai.com/emoticons/grinning.gif" border=0> 

تحياتي ولد الحكومة

بن دبي

16-01-04 ||, 05:21 PM

اذا كان حرام رؤية اللاعبين من قبل الفتاة في الملعب فهو بالتالي حرام على التلفزيون بعد

و وني موجود في اوروبا مايحول الخطأ الى صح

بن دبي

17-01-04 ||, 02:45 PM

<DIV align=center>
<HR>

<SPAN lang=AR-SA dir=rtl style="FONT-SIZE: 10pt; COLOR: navy; FONT-FAMILY: 'Times New Roman'; mso-ascii-font-family: Verdana; mso-fareast-font-family: 'Times New Roman'; mso-hansi-font-family: Verdana; mso-ansi-language: EN-US; mso-fareast-language: EN-US; mso-bidi-language: AR-SA">السلام عليكم

أنا غير مؤيد لفكرة إن البنت أتروح المباراة لا في بلادنا ولا في بلاد الغرب

منقود ^_^

ظاهر غريبة :: البنت في بلادنا تتستر وتحتشم في لباسها بس يوم أتسافر برع للخارج مثلا إلى لندن يفصخن الحية ... أنا جد سئلت وحدة ليش أنتي موب محتشمة (( ما لابسه عباية ولا شيله )) مثل لباسها في لبلاد ابصراحة صدمتني بهذا القول .. في لبلاد الشباب يشوفوها ويفصلوها بالشوف إذا ما لبست العبايه والشيله بس برع لبلاد الأجانب ما يشوفوها مثل العرب ؟؟

يعني حرام علينا وحلال على الأجانب هيهيهي أتمصخر ^_^

أنا أشوف مافي فرق يوم انكون في لبلاد ويوم انسافر برع بالعكس لازم انكون مظهر لبلادنا برع

والسموحة ^_^ أكيد الحين بعض البنات بيحتشرن ^_^

<HR>
</DIV>

لمّــاح

17-01-04 ||, 05:02 PM

السلام عليــكم ,,

اولا اشكرج على هالموضوع ,,

ثانيا ,, انا من اشد المعارضين لهذه الضاهره ,,

يعني معظم الي في النوادي شباب و الواحد مايقدر يأمن ,, و لاتنسين الزحمه و الدبيج و الحشره و هذا يصرخ و هذا يسب و هذا يضرب الثاني ومن غير الي يرقصون و حالتهم حاله و الخبايل ,,

يعني حتى لو هالشي عادي و مب عيب عندنا ,, البنيه وين ممكن تيلس ؟! وراها شباب و على يمينها شباب و على يسارها شباب و تحتها شباب ,,

و حتى لو برع ,, نفس الحاله ,, و هم رياييل ,, يعني  مب حرام علينا و حلال عليهم ,, ف انا من اشد المعارضين !!

و السموحه

أسيرة الصمت

17-01-04 ||, 05:25 PM

السلام عليكم

مشكورة اختي على طرح هالموضوع المهم

اما رايي فما اقدر افتي هل هو حرام ولا لأ
بالنسبة لي اشوف المباريات عالتلفزيون ..اما اني اروح النادي فهذي اشوي قوية
يعني الشباب بكل مكان ..ومن غير هذا الشباب ما يصدقون الفريق يخسر ولا شي ..تبدا الضرابة (مثل مباراة النصر اذا تذكرون)

وهذا والله اعلم(انا مع كل اللي قالو انه حرام البنت اطالع عورة الريال..والله يلبسون عدل ..شو هالحاله<img src="http://oasis.bindubai.com/emoticons/mad.gif" border=0>)

ملاحظة: اطالع بس مباراة المنتخب اما الحين طبعا ما اطالع لاني صار مصخرة هب منتخب <img src="http://oasis.bindubai.com/emoticons/devil.gif" border=0>)

والسموحة
أختكم أسيرة الصمت<img src="http://oasis.bindubai.com/emoticons/inlove.gif" border=0>

المرهف

17-01-04 ||, 09:56 PM

من بعد تجربة الكويتيات والعمانيات في كاس الخليج .. والكاميرات الي تحوم حولهم .. تبون تسيرون المباريات ؟

لا حول ولا قوة الا بالله ..

يا خوفي ان تتجه ادارات انديتنا بتخصيص قسم للعوائل في المدرجات .. كما فعلت الكويت !!!

الله يحمي بناتنا ..

<img src="http://oasis.bindubai.com/emoticons/rock.gif" border=0>