مسابقات ارمضان .. على آخر موضه .. [الأرشيف]

مشاهدة النسخة كاملة : مسابقات ارمضان .. على آخر موضه ..

لمّــاح

06-11-03 ||, 03:52 AM

لا هالمره الموضوع مب شرات آخر مواضيعي .. يعني مب مسابقه ..
 لكن امثله من دارنا .. دار الحي ..

وايد اشيا انشوفها .. ماعرف شو اسميها .. انسب اسم حصلته هو : مسابقات ارمضان

==

مسابقات الحريم .. اتشوف الحرمه قبل ارمضان بإسبوع كامل .. في جمعية الاتحاد التعاونية .. ما خلت كرتون طماط على بطاط على خس على خيار على كوسه على باذنجان على طحين على خبز على صمون على سليس على لبناني على دقوص على فلفل اخضر .. اوووه ما بخلص
الي يقول .. شهر المأكولات العالميه .. ولا جنه شهر عباده الواحد يتعبد فيه و الفرق الوحيد انه يمتنع عن الاكل من الصباح لين الليل !!
لا و احلى شي يوم يسيرون سوق الجمعه .. عشان ياخذون رويد <img src="http://oasis.bindubai.com/emoticons/biggrin.gif" border=0>

ف أحسن اسم .. مسابقات الحريم .. او بالاحرى مسابقات المأكولات العالميــــــــــــــــــ ة

==

مسابقات الشواب .. يالله عاد .. حدث ولا حرج .. قبل رمضان ب ست شهور الشيبه ناصب خيمته عند السكه او جدام البيت .. و فارش الحصير و مركب الدش و الرسيفر و التكي .. و لا تنسون الثلاجه عشان يحط فيها البارد..
و في ارمضان .. لعب ورق و سوالف ..  <img src="http://oasis.bindubai.com/emoticons/sleeping.gif" border=0>

==

الحين بنرمس عن الشباب ..

الشباب ينقسمون الى 3 اقسام :
القسم رقم " 1 " : هاييلا سلمكم الله هياته في الشوارع و السناتر .. لكن الحمدلله يصومون و ماعندهم حركات السهر ..
القسم رقم " 2 " : هاييلا ييلسون في الخيمه من الساعه 11 فليل لييييين الساعه 6 او 7 الصبح .. شو يسوون انا مادري ؟! <img src="http://oasis.bindubai.com/emoticons/glare.gif" border=0>
القسم رقم " 3 " : هاييلا الحمدلله مستفيدين من ارمضان .. صوم و قراية قرآن .. الله راضي عليهم ان شاءالله ..

==

بعض الشواب .. و حتى في شباب .. مع بداية رمضان .. يحجزولهم تذكره سيره الى لندن .. عشان ما يصومون .. سبحان الله .. نسى انه الله وراه .. و عقب شهر ( يعني يوم بيخلص رمضان ) يرد البلاد و اذا سالوه ليش ما صمت .. يقولك ياخوك انا كنت على سفر .. هيه حياتي معذور <img src="http://oasis.bindubai.com/emoticons/rock.gif" border=0>

==

مسابقة المسايد ..

احسن مسيد في دبي .. و في نظر الكثير من الشباب و حتى بعض الشواب .. هو المسيد الي يخلص بسرعه .. و يحطم الرقم القياسي ..  <img src="http://oasis.bindubai.com/emoticons/cool.gif" border=0>

مسيد عند نادي الشباب ( حذال الممزر ) .. ماخذ المرتبه الاولى على التوالي في آخر سنتين .. يخلص اول مسيد في دبي .. يبتدي الصلاه الساعه 7 و نص و يخلص الساعه 8 الا ربع .. يعني ربع ساعه .. صلاة العشا و 8 ركعات صلاة التراويح .. و يالله عاد ماشي مواقف .. الناس ايوقفون مواترهم عند الدوار و مسكرين السيد .. الي يقول السديس يئم في المسيد ..

و ماشاءالله كل مسيد يحاول يتفنن و يخلص .. لكن لين الحين محد حطم الرقم القياسي .. المرتبه الثانيه في مزهر .. يخلص الا عشر .. الفرق 5 دقايق .. مجابل جامعة زايد .. <img src="http://oasis.bindubai.com/emoticons/suspect.gif" border=0>

سبحان الله .. الناس يدورون المسايد الي اتخلص اول شي ..و الرسول وصانا بالتراويح و سماها التراويح لأنها اتريح الانسان .. و كان يصليها الرسول لين ما يتعب و تتعب ريله ..

و المشكله انه هالمسايد ممزوره شباب .. يعني لين آخر صف .. و زحمممه .. <img src="http://oasis.bindubai.com/emoticons/crazy.gif" border=0>

و كل مسيد يحاول يسويله سمعه هالسنه عشان يكسب اكبر عدد من الزباين لرمضان الياي ..

==

و الكثير الكثير من هالمواقف .. الي تتكرر كل سنه .. و هاي بعض المواقف الي تحظرني الحين ..

كالعادة .. اسئلة ..

1- شو سبب هالحركات كلها ؟؟ و الكل ناسي .. او متناسي انه رمضان شهر للعباده و ليس للعربده ؟؟

2- شو من مواقف سلبيه تذكرونها عن ارمضان هالسنه ؟؟

عيون الليل

06-11-03 ||, 05:39 AM

<IMG src="http://oasis.bindubai.com/emoticons/biggrin.gif" border=0>اوووووه اسكت مسابقة المأكولات العالميـه !!! يا اخويه انا كـل ما اسير الستي احس كارفور يفووور من النــاس والكاشير زحمـــه  صدق انه مسابقه

امايه من ايام اتقولي : الاوادم ما يشبعون من الاكل ... من يفطرووون سيده عفدوا ع كارفور ولا الجمعيات وطايحين ف المشتـرى !! بل <IMG src="http://oasis.bindubai.com/emoticons/suspect.gif" border=0> لو هالوقت الواحد يصلي له ركعتين اخيـر له
واحيـد الناس من يخلص ارمضان يضعفون بس الظاهر هالسنه بنشوووف شي ثاني... كل واحد اشمتنه! <IMG src="http://oasis.bindubai.com/emoticons/rock.gif" border=0> 

وعن الخيـم ف حدث ولا حرج... ماشي فريج يخلى من خيمه ولا ملعب !!

والي يقهـر اكثـر انه الشباب او الشواب يسمعون الاذان والامام يصلي وهم دق سوالف ولعب واكل ! <IMG src="http://oasis.bindubai.com/emoticons/wow.gif" border=0>

1- شو سبب هالحركات كلها ؟؟ و الكل ناسي .. او متناسي انه رمضان شهر للعباده و ليس للعربده ؟؟

شو السبب!!  همممم ناسي ما اعتقد بس متناسي اكيـد ... ويظن انه هذا شهر سهر ولعب وضرب بالخمس <IMG src="http://oasis.bindubai.com/emoticons/glare.gif" border=0>

2- شو من مواقف سلبيه تذكرونها عن ارمضان هالسنه ؟؟

والله واااااايد ... احس الناس مستانسين ع ارمضان لانه ياكلون لين ما يقولون بس وحتى اذا قالوا بس بعد ياكلون  <IMG src="http://oasis.bindubai.com/emoticons/biggrin.gif" border=0>....
وبعد المقاهي والشيش والدق على العود والاغاني.... بالاضافه الى المغازل <IMG src="http://oasis.bindubai.com/emoticons/suspect.gif" border=0>اليوم 9 ارمضان وانا كل ما اظهر اشوف المواعد والمغازل وقلة الحيـا <IMG src="http://oasis.bindubai.com/emoticons/crazy.gif" border=0>

وايد اشياااء يا اخويه بس اترك المجال لغيري ... <IMG src="http://oasis.bindubai.com/emoticons/biggrin.gif" border=0>

ومشكور ع الموضوع الحلووو

اختكم.. عيون الليل <img src="http://oasis.bindubai.com/emoticons/smile.gif" border="0" valign="absmiddle" alt=':)'>

لمّــاح

06-11-03 ||, 06:40 AM

حياج الله الشيخه ^_^

و عن المغازل .. خليها مستوره .. الخلق ميوعين في ارمضان .. من يشوفون بنيه .. يالله وراها

شموخ

06-11-03 ||, 08:06 AM

السلام عليكم والرحمه
هلا اخوي المنحوس

تسلم اخوي النحوس على الموضوع
فعلا الواحد ماعاد يعرف كيف يستغل رمضان وكيف انه في هالشهر يقدر
يتقرب من ربه
الله يهدينا اجمعين
بصراحه بالنسبه للمسابقات اللي قلت عليها انا مااطلع الاسواق واايد وبصراحه اكثر
انا في حياتي ماشهدت شي من مسابقات ارمضان
وعن مسابقات المسايد اسمع الوالد الله يطول بعمره يوم يناقش هالموضوع مع اخواني الشباب عندنا فالبيت
الله يهديينا كلنا
والله مافي احسن من شهر ارمضان الانسان نفسيته ترتاح فيه
وانا طبيعتي وحبي للبيت بصراحه ماتخليني احتك بالناس وايد عسب جيه ماتصادفني مثل هالمواقف
بس اسمع وااايد عنها من اخواني واهلي فالبيت

مشكور مره ثانيه على الموضوع
ادري اني دخلت ومحد بيستفيد من ردي لاني مارديت على الاسأله
بصراحه مااعرف<img src="http://oasis.bindubai.com/emoticons/down.gif" border=0>
بس حبيت اشارك

وفيـــــ<img src="http://oasis.bindubai.com/emoticons/inlove.gif" border=0>ـــــت

روابي

06-11-03 ||, 10:33 AM

1- شو سبب هالحركات كلها ؟؟ و الكل ناسي .. او متناسي انه رمضان شهر للعباده و ليس للعربده ؟؟

* الحريم : يعني اكيد لازم يشترون اكل و مادري شو

* الشيبة : لازم يستانس شوية لان عمره مب طويل

* الشباب ( والله حالة <IMG src="http://oasis.bindubai.com/emoticons/rock.gif" border=0>) :
 1) يمكن يبون يشوفون البنات على شكلهم الصجي <<< بدون مكياج      
 2) يدقون سوالف مرة عن البنات و مرة عن السيارات و مرة عن ...... الخ .

* اللي يسافرون يمكن مايقدرون يتحملون لازم ياكلون <IMG src="http://oasis.bindubai.com/emoticons/glare.gif" border=0>

* هذيل يبون يخلصون بسرعة عشان بعدين يردون البيت و يجابلون التلفزيون او يظهرون ويا ربعهم <IMG src="http://oasis.bindubai.com/emoticons/rock.gif" border=0>

2- شو من مواقف سلبيه تذكرونها عن ارمضان هالسنه ؟؟

بنات صفنا حركاتهم مثل قبل كله هواشة و سب... جنه الحين مب رمضان <IMG src="http://oasis.bindubai.com/emoticons/glare.gif" border=0> <IMG src="http://oasis.bindubai.com/emoticons/rock.gif" border=0>
و البارحة بعد يوم كنت انا و ربيعاتي في المصلى نصلي الظهر ... 2 من بنات صفنا قاعدات يراكضن في المصلى عبالهن ان المصلى حقنا بس لأن ماكان شيء بنات غير بنات صفنا .. و الله حالة

مثل هل مواضيع وايد حلوة

بس ليش ماكتبت عن البنات

لمّــاح

07-11-03 ||, 03:10 PM

وفيت خلي ما وفا .. شكرا اختيه على المرور و اصلا الي اتسوينه هو الصح ..

شكرا على المرور ^_^ ..

==

احلى دلوع .. شكرا اختيه على مرورج .. و انا ما كتبت عن البنات لأني اترياكم انتو تكتبون عن البنات ( انا ولد و ماعرف سوالف البنات <img src="http://oasis.bindubai.com/emoticons/oo.gif" border=0> )