ماوحشتك
25-10-03 ||, 02:23 AM
<font color='#000000'><p align=center>
<font color=#ff0000 size=4>بســـــــــــــــم الله الرحمــــــــــــــن الرحيــــــــــــم
رجعت لكم بقصه يديده بعد انقاطعي عن واحة القصص ..
وانشالله تنال اعجابكم هالقصه ..
</font>
</p>
<p align=center><span class=smallfont><font color=#0066ff size=4>الحلقة الاولى
في سيارتها كانت شمسه قاعده جدام السكان ... واثار الصدمة بعدها على ويها... تقاوم كل انفعال في داخلها عشان تكون طبيعيه بس في الاخير عرفت انها ما تقدر تروح الدوام ... او حتى ترجع البيت تجابل امها .... كانت محتاجه شخص تقوله عن اللي فيها او حتى تسمعه وينسيها... في هاللحظة كانت انسانه وحده بس تقدر تطلعها من مزاجها هذا .... سلمى ... مسكت تيلفونها واتصلت بها مع انها تدري انها في المستشفى بس هي بحاجة لها ولازم تكون وياها ... رن تيلفون مكتب سلمى مرتين وردت عليه سلمى
شمسه: ليش تيلفونج مغلق
سلمى: (تبتسم) يا ماما انا اداوم في المستشفى ما اقدر اشغل التيلفون
شمسه: اوكي اوكي مب مشكله ... طلعي الحين خلينا نتمشى شوي
سلمى: سلمى انتي ما وراج محاظرات اليوم
شمسه: اعتذرت للطلبه الاسبوع اللي طاف وقلت لهم اني يمكن ما ايي ...
سلمى: (تبتسم وفي خاطرها تقول ما بتغيرين يا شمسه لو كنتي وزيرة مب الا دكتورة في الجامعه) زين انا عندي دوام الحين
شمسه: سلمى بتين ولا ... دوري اي حد يقعد مكانج ... ما احيدج برفسورة ولا جراحه يا دوب دكتورة عامه
سلمى: هاهاها آآآآه جرحتي شعوري
شمسه: تعالي العين مول .... انا بترياج في درواه .. هالوقت الكافيه فاضي ومن الحين اقولج بنتغدا مع بعض ويمكن ندخل موفي
سلمى: ماشاء الله متى رتبتي هالجدول
شمسه: الحين ... تعالي ياللا
سلمى: اوكي بشوف امل اذا تقدر اتيي تقعد مكاني
شمسه: لا حرام عليج خليها عند عيالها ... شوفي جاكي احسن ... وبعدين تسكن قريب المستشفى عشر دقايق وتكون عندج
سلمى: اوكي مب مشكله ... قلتي حق ريلج
شمسه: بطرش له مسج اني ما برد اليوم البيت من وقت واني وياج .. عنده محاظرة الحين
سلمى: شي طيب والله .. بالمسج تتواصلين ويا ريلج
شمسه: سلمى مب متفيجه لزناختج الحين
سلمى: زين وامي شيخه بتخلينها بروحها
شمسه: اختج سارة ما بتقصر ... بتقعد وياها
سلمى: خلاص انتي روحي وانا بكلم جاكي اتيي المستشفى ...
شمسه: اوكي عندج نص ساعة تكونين بعدها في درواه
سلمى: اوكي اوكي ... مع السلامه
شمسه: باي
أحمد ريل شمسه بعد دكتور في جامعه الامارات العربيه المتحده بس هو في كلية الهندسه وهي في الاداب قسم علم نفس ... وتدري شمسه انه في هالوقت عنده محاظرة فطرشت له المسج وهي تفكر فيه ... احمد اللي كان يحبها ولازال يحبها بنفس الدرجه ويمكن اكثر بعد ... اتحملها بكل جنونها وفي كل ثورات غضبها ... وهي تطرش له المسج ابتسمت ... تدري انه ما بيقولها شي ويوم بيخلص محاظراته بيرد بيت امها اللي يسكنون فيه هو وياها لانها اصرت ما تخلي امها بروحها ... بيتغدا وبيقعد يقرا في كتاب او يجهز لمحاظرة ...شو بتكون ردة فعله يوم تخبره بانه خلاص ماشي امل ... طرشت المسج وتحركت بسيارتها وشغلت الاف ام بس عشان تشغل تفكيرها هاللحظة بش ثاني ... تتجنب التفكير بالمصيبه اللي هيه فيها وهي بهالمزاج... عشان بعدين تقعد وتفكر بتعقل ... هذي شمسه طول عمرها تقدر تسيطر على انفعالاتها ... عمرها ما خلت شي ينتصر على قوة ارادتها وشخصيتها حتى عواطفها ومشاعرها اللي في هاللحظة كانت دون الصفر
**
في بيت ام شمسه ... كانت شيخه حاطه قناة اقرأ في التلفزيون وقاعده اتريا سارة اخت سلمى لين ما اتيي عندها عشان اتريق وياها ... سارة بعد ما خلصت دبلوم عالي في كلية التقنية قررت تقعد في البيت ولا حتى تفكر مجرد تفكير في انها تشتغل ... ومن خلصت كلية وهي على هالحالة اتنش الصبح وتروح بيت ام شمسه تقعد تسولف عندها وتسليها او تطلع تخلص مشاويرها او تزور صديقتها الوحيده شما ... بس اليوم سارة اتأخرت وصارت الساعه عشر ونص والبنت مايت من بيتهم اللي كان حذال بيت ام شمسه
ميرنا(خدامة امي شيخه) : ماما ما يريد يسوي اكل ...
امي شيحه: لا بنتريا سويره ...
ميرنا: وايد تأخير اليوم ... الساعه 10:30
امي شيخه: تعرفين رقم بيتهم
ميرنا: يس ماما
امي شيخه: اتصلي شوفيها
ميرنا: اوكي (اتصلت ميرنا على رقم البيت بس محج رد عليها) مافي انسر ماما
امي شيخه: زين ما تعرفين رقم تيلفونها اللي تشله وياها دوم
ميرنا: نو ماما
امي شيخه: وليش ما خذتيه من عند ليندا وسجلتيه .. الحين انا لو بغيت البنت وين احصلها ما تعرفين رقمها
ميرنا: ماما انتي ما خبر انا يسجل رقم سارة
وهنيه دخلت سارة عليهن وهي تسمع ام شمسه تواجع الخدامه والخدامه تطريها ... كالمعتاد الصبح لابسه بنطلون جينز وتي شيرت ... وفاله شعرها الاسود اللي من دخلت الكلية وهي قاصتنه مدرج لين جتوفها بس
سارة: شو فيها سارة ... هاه ميرنا شو مسويه وتبين تحطينه على راسي
امي شيخه: يا بنتي وينج بطيتي اليوم
سارة: سوري يا حبيبتي راحت علي نومه لا يكون بعدج اتريني ما تريقتي
ميرنا: ماما waiting for you … she didn’t eat with sir at morning
سارة: فديت امي شيخه انا اللي اترياني وما تبلع اللقمه من دوني
امي شيخه: بلا عيارة وياللا ميرنا هاتي الريوق
سارة: هنيه
امي شيخه: هيه هنيه ... بشوف التلفزيون هذا المحدث يحدث زين ... يمكن الله يهديج وتعقلين
سارة: هاهاها ليش امي شيخه انا خبله .. لا قولي قولي انا خبله بعد
امي شيخه: الا خبله ومطيوره وما فيج عقل
سارة: امي شيخه حرام عليج ... انا اللي اشاركج جميع صبحياتج واسليج تقولين علي جيه
امي شيخه: يابنتي العقل زينه .. الله يرحمك يا سعيد بن سيف تعال شوف بنتك شو تسوي
سارة: عادي طالعه على امي
شيخه: محشومه سعاد عنج ... ما سوت سواياج
سارة: امي شيخه انا طالع صور امي شو ما سوت اللي اسويه تنكرين كانت تلبس ميني جيب
امي شيخه: وشو هاي الجيب مالتج
ساره: هاهاها التنورة القصيرة لين فوق الركبه
امي شيخه: حشا عليها والحشا عن مية يمين ... مياورتنا من يت من لبنان ما شفتها لابسه هاللبس اللي تقولين عنه
سارة: ماشفتيها في لبنان .. انا شفت صورها
امي شيخه: وانتي اشلج بلبنان ... ما احيدج منهم انتي بنت سعيد بن سيف .. ريال معروف في البلاد في حياته ما جد طلعت العيبه من جداه
سارة: (عشان تغير موضوع الحديث اليومي ويا شيخه) ميرنا ياللا هاتي الريوق حق امي شيخه ... بنسمح الحديث وياها ... بس شرط بعدين بحط ميلودي بعد الحديث
امي شيخه: وشو ميلودي
سارة: (تبتسم بلؤم) بعد الحديث بتشوفين
**
وصلت سلمى العين مول ولقت موقف حذال سيارة شمسه فوقفت سيارتها فيه وردت غشوتها على ويها ونزلت وهي تشوف ساعتها... شمسه عطتها نص ساعه وهي خذت ساعه الا ربع الله يعينها من الحشرة اللي بتسويها لها شمسه يوم بتوصل عندها ... راحت كافيه درواه فوق وحصلت شمسه قاعده في قسم العايلات تترياها ... فجهزت نفسها للهزبه .. ويوم وصلت عدالها.. عقت غشوتها
سلمى: السلام عليكم
شمسه: وعليكم السلام ... تو الناس ليش ييتي ...
سلمى: تدرين بعد لين ما يت جاكي وطلعت و
شمسه: هاي مشكلتكم يا العرب ما تنضبطون بمواعيدكم .. وماشاء الله مجهزين لستة اعذار
سلمى: عدال يا الامريكيه ...
شمسه: على الاقل منضبطه بمواعيدي
سلمى: هاهاها زين لا تقولين يايبتني هنيه تعطيني محاظرة في ضبط المواعيد
شمسه: لا ما اريد اعطي محاظرات اليوم ... ولا جان رديت الجامعه
سلمى: زين الحمدلله ... شو سويتي لين ما ييتج
شمسه: ماشي مريت السنما ... وحجزت لنا تذكرتين لفلم توم كروز اليديد يبدا عرضه وحده
سلمى: اوكي .. ولين وحده شو بنسوي
شمسه: بنتريق .. بنتسوق وبنسولف
سلمى: ماعليه
كان الجرسون واقف يترياهن يطلبن عطته شمسه الطلبات وراح اييب لهن اللي يبنه .. تمت سلمى ساكته اتريا شمسه تقول اللي عندها تدريبها دام انها يابتها هنيه وطنشت محاظراتها فأكيد فيها شي جايد ... بس شمسه تمت ساكته ويوم تكلمت سئلتها عن دوامها
سلمى: والله لا باس اوكي يوم جيه ويوم جيه .. هذا شي في كل مكان
شمسه: واخبار مريم واموله
سلمى: الحمدلله بخير ... امل ملتهيه ويا عيالها وريلها ومستانسه في حياتها .. تخيلي وحده في شغلتنا مستانسه في حياتها
شمسه: البنت فطين ... من ياها نصيبها عرست ما قالت بدرس ويوم بخلص يصير خير ... عرست ودرست واشتغلت
سلمى: يوم كل الرياييل بيكونون شرات ريلها ذيج الساعه في مجال ... تدريبه فارس ماشاء الله عليه ريال واثق من نفسه... وما يهتم بشغلات الحريم ... وسوت وراحت وتشتغل في مستشفى ... يحبها من خاطره ويدري انها تريد تكون دكتوره
شمسه: ( وهي تلعب بطرف شيلتها ويعونها على الشيله) حتى احمد ماشي مثله
سلمى: (وهي مب منتبهه على حالة شمسه) أكيد ماشي مثله ... على قولة سارة اللي يصبر على شموس هالعمر كله ماشي مثله
شمسه: (تبتسم) هاي ساروه يبالها قص لسان
سلمى: ادري ... ياللا قصيه جان ترومين ... على فكرة انا احس ان اختي هاي طالعه عليج ما ادري ليش مع اني انا اختها
شمسه: حشا علي عنها .. اختج هاي ما عندها طموح
سلمى: خلي الطموح على صوب .. عنيده واللي في راسها تسويه ... وما يهمها حد في الدنيا هاي كلها
شمسه: لا والله انا امي تهمني
سلمى: هذا بعد قاسم مشترك بينكن انتن الثنتين تهمكن امي شيخه .. بس ولا وحده فيكن تسمع كلامها
شمسه: ياللا عاد
سلمى: شو الطلبه وياج تقبلوا فكرة دكتورة تعطيهم
شمسه: غصبن عنهم مب بكيفهم ... يدورون حد غيري يعطيهم الماده ولا يتريون لين ما اتقاعد
سلمى: هاهاها ما بيتخرجون عيل
شمسه: هاه سيف شو مسوي في الجامعه خلاص هذي سنة التخرج له
سلمى: سيف ريال ما ينخاف عليه ...
شمسه: الله يستر بس لا تخربه ثقتج الزايده فيه
سلمى: هاهاها بلاج على خواني من رديتي من امريكا وانتي مستلمتنهم
شمسه: اربيهم لج
سلمى: هاهاها ... تذكرين ايام ما كنتي تدرسين جامعة العين قبل لا تعرسين
شمسه: (تبتسم) أذكر ... ايام ما تنسى والله
سلمى: من يومه وسيف يعاندج حتى لو كان في خاطره الشي اللي تبينه بس غياض فيج ما كان يسمع الكلام
شمسه: هيه من يوم يومه قليل ادب
سلمى: حرام عليج ... سيف اكثر واحد عاني بعد حادث امي وابوي .. كان متعلق في ابوي بالقو ... حتى المكتب يروح وياه
شمسه: سارة كانت اصغر ما سوت مثله
سلمى: سارة كانت صغيرة ... حتى ذكرياتها عن امي ضبابيه ... كل اللي تعرفه عنها من الصور
شمسه: سارة ما كانت جيه .. كانت ناعمه وهاديه ومطيعه حتى يوم كنت ايي اجازات كنت اذكرها حياويه وايد
سلمى: ياللا الله يسامح اللي كان السبب
شمسه: تذكرين الايميلز اللي اتطرشينهن لي والصور
سلمى: اذكرهن .. اصلا انا طابعه كل ايميلاتج اللي طرشتيهن لي وحاطتنهن في فايل
شمسه: يا رومانسيه انتي
سلمى: احم احم دومني
شمسه: حليلنا على ايامنا ما نستخدم الكمبيوتر الا حق الايميلز والبحوث .. تعالي شوفي شباب اليوم ماشاء الله جات وصياعه وبالتوك وما ادراك ما البالتوك
سلمى: شدراج انتي
شمسه: هاهاها لازم اجرب واشوف شو اللي يخرب تفكير شبابنا في النت ناسية اني دكتورة جامعيه علم نفس
سلمى: اموت واعرف شو يسوون في الجات .. في خاطري ادش بس ما اعرف كيف اريد اشوف بس
شمسه: لا تموتين ولاشي .. اللاب توب في السيارة تعالي نروح انيبه ونرد
سلمى: والله .. بس كيف بتوصلينه على النت
شمسه: من الموبايل يا دكتورة .. واكبي التطور والحضارة شوي
سلمى: اوكي روحي ييبيه وبترياج
نزلت شمسه وردت وياها اللاب توب وشغلته ووصلت وياراتها بالموبايل .... وهن يضحكن على عمارهن.. اللي يشوفهن ما يعطيهن انهن فوق الاربع وثلاثين سنه ... شكلهن مراهقات وقاعدات يسون شي غلط بالدس عن اهلهن
شمسه: ان شاء الله ما يمر علي طالب عندي ويشوف شو اسوي
سلمى: هاهاها بيقول دكتورتنا عندها انفصام في الشخصيه
شمسه: ياللا جب
سلمى: زين ياللا دخلي جات
شمسه: ما اعرف... نسيت اسمائهن
سلمى: لا والله توج قلتي بالتوك
شمسه: يا هبله البالتوك برنامج ينزلونه ولازم يكون فيه سماعات ومايك
سلمى: زين اللاب توب فيه سماعه ومايك
شمسه: سلمى اقولج برنامج ينزلونه .... تبيني انزله في اللاب توب اللي عليه محاظرات الجامعه
سلمى: زين الحين شو نسوي
شمسه: اتصلي في سيف ولا ساروه اكيد يعرفون واحد
سلمى: بتصل في سيف صبري (طلعت مبايلها من شنطتها واتصلت في اخوها سيف اللي كان في السيارة ويا سالم ربيعه )
سيف: هلا والله هلا ... مرحبا ملايين ولا يسدن ... هلا بالغاليه هلا
سلمى: هاهاها هذا كله حقي
سيف: كم اخت مثلج عندي ... اصلا منو مثلج في العالم كله
سلمى: مشكور حبيبي ... شحالك انت
سيف: دام اني اسمع صوتج بخير كل الم فيني يزول مع هالصوت الملائكي عسى الله ما يحرمني منه
سالم: اي شوي شوي انت منو تغازل
سيف: جب انت مالك خص سوق وانت ساكت
سلمى: بسك عاد عن اللواته هاي ... منو وياك
سيف: انا وسلوم بس منو وياي يعني
شمسه: مب جنه اخوج عنده محاظرة بعد شوي وين يهيت
سلمى: هيه صح ... مب عندك محاظرة انت بعد شوي
سيف: اوووه انتي ويا هاي الله يعينج
سلمى: سيف حبيبي عيب عليك
سيف: ونه عيب عليك ... انتن وين
سلمى: انا في العين مول في درواه ... الساعة وحده بندخل فلم توم كروز اليديد
سيف: (وهو يأشر لسالم يوقف السيارة) اهاااااا وليش الاخت الدكتورة شموس ما عندها محاظرة الحين
سلمى: امبلا بس هي معتذرة عنها
سيف: هيه (كان سالم يأشرله شو فيه بعد ما وقف السيارة وسيف يقوله صبر بيده)
سلمى: سيف حبيبي شو موقع الجات اللي يدخلونه في النت
سيف: اي جات .. شو تبن في الجات
سالم: طالع ونه جات ... وييييو عيايز ويدورن جات هاهاهاهاهاها
سيف: اسكت خلنا نفهم السالفه
سلمى: قوله عازن ركبك يا الهرم ...
سيف: اي جات سلمى
سلمى: اي جات حبيبي ... شمسه لازم تشوف شو جات انت تعرف هيه علم نفس والحين كل اللي يدرسون في الجامعه والمدارس في الجات
سيف: هيه زين دخلن هارت جات دت كوم
سلمى: هذا فيه العيال
سيف: هيه فيه من الجامعه وكليات التقنيه والمدارس بعد .. بس المدارس مب الحين الظهر والمغرب وفي الليل يوم يردون من دواماتهم
سلمى: ماعليه حبيبي مشكور .. روح المحاظرة لا تأخر عليها
سيف: ان شاء الله ... مع السلامه
سلمى: الله يحفظك حبيبي (بعد ما بندت سلمى عن اخوها)
شمسه: شمسه تبى هاه ... مب جنه انتي في خاطرج تدخلين الجات
سلمى: حلفي بس انتي حرمه شكبري اقول حق اخوي الصغير اريد ادخل جات
شمسه: وشو فيها قوليله تخافين يضربج
سلمى: هاهاها بعد ما اريد اهز صورتي جدامه
شمسه: ياعيني عليج يا ام صور انتي
**
في السيارة بعد ما بند سيف عن اخته على طول سالم سئله ليش قاله يوقفون في الشارع
سيف: سلمى في العين مول وبتدخل فلم توم كروز
سالم: زين عادي بندخل وياها ... سلمى طيبه بنقص عليها بكلمتين وبتصدق
سيف: هيه هذا لو كانت بروحها ... عندها شموس الجلبه روح انت وياهن خلها تنابح عليك بروحك انا ما فيني اسف
سالم: لا تقول ... وهاي ما عندها محاظرات في الجامعه ولا حلال عليها حرام علينا
سيف: معتذره عن محاظراتها ..تريد تروح وياها مع السلامه .. انا واحد ما اريد اروح وياها .. اصلا لو سلمى بتقبل فكرة إنا مطنشين المحاظرة شموس بتكوكها علينا وبتترس راسها وبتذلنا على السالفة اسبوع
سالم: اقولك مجابل جاسم الشامسي اهون خلنا نرد الجامعه
سيف: هيه والله
سالم: ما تعرف منو ياخذ عندها هالحزة اطرشهم العين مول يشوفون دكتورتهم وين
سيف: يا ريال شو تبابها .. لو بروحها تستاهل بس وياها سلمى اختي
ردوا سالم وسيف الجامعه عشان يحضرون محاظرتهم بعد ما خرب وجود شمسه في العين مول خططهم ... سالم صديق سيف من ايام الطفوله ... سيف وسالم كانوا دوم مع بعض من ايام حياة بو سيف وبعد وفاته زادت علاقتهم خصاصة وانهم عمرهم ما افترقوا من ايام المدرسة تخصصوا نفس التخصص في الجامعه ... لدرجة ان سالم كان يحس بنفسه واحد منهم مب مجرد صديق لسيف ... ايام امتحاناتهم كان سالم يودر بيتهم وايي يقعد ويا سيف واهله ما كانوا يعارضون علاقته بسيف خاصة انهم كانوا يعرفون ابو سيف لانهم يسكنون نفس المنطقة وان كان بعيد شوي
**
في بيت امي شيخه .. وبعد ما خلصن سارة وامي شيخه الريوق ... كانت سارة تصب قهوة على امي شيخه واتريا الحديث يخلص عشان ترتبش يوم بتحط ميلودي ولا مزيكا ... كانت تدري ان شيخه بتعصب عليها وبتواجعها .. بس في الاخير بتروح تحط راسها شوي وبترقد وهي بتم بروحها في البيت ... وفعلا خلص الحديث وهي تصب اخر فنيان لشيخه
سارة: هاه خلاص خلص دورج الحين دوري
امي شيخه: يا بنتي خليه بيطلعون الحين شي زين بنستفيد منه وبنتعلم في دينا
سارة: لا لا لا شو الاتفاق .. مرة انا ومرة انتي
امي شيخه: شو تبين تطالعين في التلفزيون وما تقدرين تصبرين عنه
سارة: (وهي تاخذ الرموت) الحين بتشوفين (وحطت قانة ميلودي)
امي شيخه: (وهي معصبة) تبدلين عن اقرأ وتحطين هالمنكر والكفر ... حرام يا بنتي هذا كله حرام ما سمعتي الريال شو يقول
سارة: اوووه امي خليج كوووووول .. اتربشي ياللا
امي شيخه: استغفرك يا ربي واتوب اليك ... وانتي شو اللي مخربنج غير هذا ... عيل هذا لبس تجابلين فيه خلق الله في الشارع .. غير مايقولون الا بشكارة تشتغل عند خلق الله
سارة: وايه فديتني وين بشكارة تشبهني انا علني ما اخلى مني
امي شيخه: انتي مرة ثانيه لا اتيين بيتي يوم الا هذا كلامج وهذا اللي تبينه .. بدلي اشوف بدلي عن هذا
سارة: كم مرة رغتيني من بيتج هاه ... بس ادري بالباجر اتريني ايي عشان اتريق معاج ... يعني لو انا زعلت منج صدق شو بتسوين
امي شيخه: زعلت غانم عالحسا يا بنت سعيد
سارة: فديت بنت سعيد انا
امي شيخه: الحين هذا ميلودي اللي تبينها ... الا قلة ادب ومنكر وكفر استغفر الله
سارة: (تغايض امي شيخه) اقوم ارقص لج راب
امي شيخه: وشووو ... انا مخلتلج البقعه ورايحه حجرتي عن خبالج ...
سارة: كل يوم تخليني بروحي وتروحين حجرتج .. قعدي وياي انا اشوف اللي تبينه شوفي اللي اباه
امي شيخه: انا ما اشوف هالمنكر ... جان ما يايزلج بدلي عنه
سارة: ياللا عاد خلج شبابيه ...
امي شيخه: (وهي تقوم بتروح حجرتها) استغفر الله ... استغفر الله ... الله يهديج يا بنتي ويهدي سرج الله يهديج يا بنتي
دخلت امي شيخه حجرتها في الطابق الارضي وتمت سارة في الصالة وهي تبتسم ... تعودت على موال كل يوم وهزبت كل يوم ... بس في النهاية تدري انه مافي حد يهتم فيها ويحبها بعد اختها سلمى كثر امها شيخه ... سمعت موبايلها يرن وشافت انه رقم ربيعتها الوحيده شمه متصله بها
سارة: هلا والله
شما: اهلين ... شحالج
سارة: بخير الحمدلله .. شحالج انتي
شما: الحمدلله في الدوام ... انتي شو سوين
سارة: في بيت امي شيخه يعني شو بسوي اكيد اشوف التلفزيون
شما: يابوي من قدج مرتاحه .. هب نحن اللي نكرف
سارة: محد ضربج على ايديج غناتي
شما: الحاجة يا بعد عمري اللي ضربتني وقالت لي اشتغلي يا بنت ... كل الناس شراتج
سارة: زين زين شو تبين الحين ما وراج شغل
شما: حشا حشا ... بلاج انتي على الصبح وانا اللي اقول بسمع صوت صديقتي حبيبتي
سارة: هاهاها ماشي توها امي شيخه عاطتني المحاظرة المعتاده
شما: صراحه صدقهم ... اللي تسوينه غلط وانتي تدرين بهالشي
سارة: اقول انتي جب ... انا كيفي غلط صح كيفي ... يعني انا اللي غلط واللي من تحت لتحت صح هاه
شما: سارة لا تقارنين هذا في هذا
سارة: ما بقارن شي بس غيري الموضوع .. قلت لج مرة وحده انا جيه عيبكم كان بها ما عيبكم خلاص الباب يفوت جمل
شما: الله يسامحج
سارة: الله يسامح الجميع ... واحسن انج تغيرين الموضوع ... انا مب ياهل انا اعرف شو اسوي
شما: زين زين ... الا اخبار سيف
سارة: الحمدلله بخير في الجامعه ... الزبده اخبار سلوم صح
شما: (واللي احمرت صدق) لا ليش يعني
سارة: خلاص حبيبتي معروف اخبار سيف بعدها شحال سالم
شما: زين زين حشا اليوم مستجلبه من الصبح عافانا الله
سارة: (تبتسم) شو ما بتسئلين
شما: والله تبين تجاوبين تعرفين السؤال
سارة: اها يعني بكيفي
شما: هيه بكيفج
سارة: بما اني ادري انج تحترقين .. وما فيني تموتين قبل لا توصلين البيت بقولج
شما: شو بتقولين
سارة: اخبار سلوم النحس
شما: زين اخباره
سارة: ماشي
شما: والله انج سخيفه زين ... ياللا باي هب منج مني انا اللي متصله فيج
سارة: هاهاهاهاها صبري صبري خلاص حشا هب سلوم هذا
شما: بعدين عيب عليج ... شو سلوم هاي هب اصغر عيالج هوه
سارة: حاظر عموه .. بعد
شما: ماشي ياللا قولي اخبار سالم
سارة: الحمدلله بخير ... راح ويا سيف الجامعه كان امس بايت عندنا
شما: والله يا حظكم
سارة: والله انج مسكينه ... شو ينحب فيه هالغلس
شما: والله كل شي فيه ينحب .. انتي شدراج
سارة: هيه ... حليلك يا سلوم والله ولقيت حد يحبك
شما: سلوم مرة ثانيه
سارة: لا يكون بعد فيه حد يحب اخوي سيف من وراي والله بنتحر ... تراهم ما ينحبون ولا ينبلعون
شما: يوم انتي اخت سيف منو بيحبه يا حظي ... ينخاف منج
سارة: الحمدلله يعني مسويه حماية لبنات حواء
شما: هاهاها ماعليه بيي يوم وبخبر سيف عليج
سارة: ياماما خوفتيني ...
شما: ادريبج قويه ما تخافين ... ياللا بخليج خلص البريك مالي برد اشتغل
سارة: اوكي ما بتمرين عندي اليوم
شما: ما ادري بشوف بعد المغرب
سارة: ترى سالم بيكون في بيتنا
شما: والله ادل بيتهم زين
سارة: مالت عليج ... ياللا جلبي ويهج
شما: هاهاها ياللا مع السلامه
بندت سارة عن شما وردت تطالع التلفزيون وتجلب في القنوات .. اما شما فردت تفكر في سيف ... شما تقريبا ظروفها مثل ظروف سارة وهذا اللي قرب بينهن الثنتين يتيمات الام والابو ... صح سارة عندها اخو ... بس شما ما عندها الا اختين اكبر منها كانن مسؤولات عنها مسؤولية كاملة ... أما اهل امهم وابوهم كانوا من الباطنه ومحد عندهم في العين ابدا .. فقعدن في بيت بروحهن وبالرغم من ظروفهم الصعبة وراتب تقاعد ابوهن والشونه القليلة اللي تنزل لهن من الشؤون الاجتماعية الا انهن ربن شما بروحهن .. ما كان لهن في البلاد الا حرمة تقرب لابوهن من بعيد ... كانت بين فترة وفترة تطل عليهن او تتخبر عنهن ... ويوم كبرت قامت شما هي اللي تروح تسأل عنها ... هالحرمه هيه ام سالم ربيع سيف ... وجيه عرف سالم شما وحبها وهي حبته بعد ... بعد وفاتة حرمة عبيد اخو سالم العود ... زادت زيارات شما لبيت اهل سالم .. عشان تساعد امه في تربية عيال عبيد اللي كان يشتغل في بوظبي ومخلي عياله الصغار ناصر ومنصور عند امه .. غير عبيد عند سالم اخو اصغر منه في الثانويه العامه اسمه عمر ...
**
في العين مول في كافيه درواه .. وسلمى وشمسه جدام الكمبيوتر في الجات ...
سلمى: بنديه بنديه .. صدق ناس ما عندهم سالفة ...
شمسه: يعني يهال سو اترين من وراهم
سلمى: ولا دكتور القلوب .... والمرتبشه والسودا شو هالاسماء
شمسه: شو اترين من عيال الدش والعولمه
سلمى: الله يستر من الياي .. لا يكون ساره تدخل هالاماكن في النت
شمسه: قبضيها وسئليها شو تسوي على النت
سلمى: بشوفها اليوم يوم برد البيت ان شاء الله
شمسه: اقول الساعة 12 الحين خلينا ناخذ لفة على المحلات نشوف شو عندهم قبل لا ندخل الفلم
سلمى: اوكي .. ياللا قومي
شمسه: بس قبل خلينا نرد اللاب توب السيارة
سلمى: اوكي
نزلت سلمى ويا شمسه وراحن ردن اللاب توب السيارة ودخلن المول يتسوقن ... صح شمسه ما قالت لسلمى شو اللي مضيقنها ولا سئلتها سلمى هالسؤال لانها تدري انهن قبل لا يردن البيت بتخبرها كل شي ... وان شمسه ما بتقول لها الا يوم تكون مستعده فعلا انها تقول
**
في بيت هادي في اطراف الطوية ... كانت دكتورة امل قاعده في الصالة ويا عيالها حميد وحمدان تعلمهم يكتبون الاعداد صح بعدهم ما دخلوا الروضه بس حبت ياخذون خلفيه عن الموضوع
امل: حميد حبيبي مب جيه يكتبون تو ... اكتبها جيه (وخذت الرقم تراويه
حميد: اوووه ما اريد خلاص خلاص بس .. اريد العب سيارات
امل: ماشي سيارات حميد بتكتب يعني بتكتب
حميد: (فر القلم) مااريد بروح اتصل في باباه
امل: باباه في النادي ما بيرد عليك
حميد: اريد الون مثل حمدان
امل: لا
حميد: زين بكتب مرة وحده بس تو ... حرام عليج انا بيبي كم كثر تبيني اكتب
امل: من شوي كنت ريال الحين بيبي
حميد: (وهو حايس البوز) لا انا بيبي ايدي عورتني
امل: زين اكتب مرة وحده
وقعد حميد اللي كان واقف عشان يكتب مرة وحده على قولته بس المرة استوت مرتين وثلاث لين ما رد ابوه ويا عمه البيت حميد يوم شاف ابوه فر القلم وقام يناقز
حميد: بابا يا هيه هيه .. بابا يا
فارس: هلا والله بالشيوخ هلا
علي: ماشي عمي يا ولا شو سالفتكم انتو
امل: (وهي تبتسم) هاه علومكم ...
علي: ماشي شوية علاج طبيعي وخلاص ... ماصار شي الا شد عضلي بسيط
فارس: احمد ربك الا شد عضلي ... شو كنت تريد تمزق في العضلات
علي: بسم الله علي
حمدان: (اللي كان في حضن عمه وهو عاف ويهه) عمي دخلوا عليكم جول انت غلطان
علي: والعثرة شو هالفال ولد اخوي .. لا حبيبي محد دخل علينا جول
حمدان: ليش بابا زعلان (كلهم ضحكوا على حمدان)
علي: ابوك دومه زعلان مب شي يديد عليه .. بعدين ابوك ما دخل جول هو غلطان
حمدان: (فاج عيونه مصدوم) باباه انت غلطان ... بابا عود بيزعل
فارس: لا حبيبي محد غلطان نحن ما لعبنا ... ماشي مبارة اليوم
حمدان: (يبتسم) زين عشان بابا عود ما يزعل
علي: وين امي وابوي
امل: عمي في الدوام ... وعمتي في المطبخ ويا البشكارة كالعاده
علي: ما داومتي اليوم
امل: ماعندي دوام اليوم ... من يومين كنت ماسكه زام في الليل
علي: هيه صح ... واخبار ربعج في المستشفى
امل: بخير يسلمون عليك
علي: والله منو يسلم علي بالضبط ... اي دكتورة
امل: ولازم الدكتورات اللي ايسلمن عليك
علي: يعني لاعب مشهور وحلو مثلي منو بيسلم عليه اكيد بنات حلوات
امل: لا الدكاترة يسلمون عليك
علي: (حايز بوزه) الله يسلمهم ردي السلام عليهم (ضحكوا عليه فارس وامل وهم يطالعونه)
فارس: انت وايد مصدق عمرك ونه لاعب مشهور ... شو لا يكون بيكهام ولا روبيرتو
علي: لا شو بيكهام ولا ريبورتو انا علي محمد اشهر منهم .. شو تقول انت
فارس: شوي شوي على نفسك يابيكهام العين
علي: تعالي بتخربج دكتورة مريم شحالها
امل: يا هالمريم ... بخير يسرك حالها
علي: شو الدنيا وياها
امل: الحمدلله تمام
علي: شافت المبارة الاخيرة
امل: شافتها
علي: شافتني بدعت فيها
امل: شافتك
علي: والله شو قالت ... ما قالت علي احلو
امل: لا قالت والله وكبرت يا علوه
فارس: هاهاهاهاهاها تستاهل يا علوه
علي: اه يا قلبي جرحتيني
امل: هاهاهاها اسفه ما كنت اقصد اوديك المستشفى
علي: هيه هي موجوده
امل: لا بداوم وياي ... هناك سلمى
علي: لا ما اريد اروح ... بقعد في بيتنا
فارس: لا ليش سلمى بعد حلوة
علي: لا عاد سلمى كبر امي حرام عليك
امل: هاهاهاها انت اللي حرام عليك سلمى كبر امك
علي: اكبر من فارس وين تبين انتي
امل: ماعليه ان ما خبرتها عليك
علي: لا والله حليلها لا تقولين جيه تدرين اني احبها واعزها وايد
ام فارس: (وهي توها داخله عليهم يايه من المطبخ) واعليه عليك يا ولدي منو تحب يا خوفي تمرض شرا فارس يوم حب امل
هنيه فارس وعلي ضحكوا من خاطرهم على امهم المسكينه واللي ما تدري شو السالفة وامل احمر ويها وهي تحاول تسكتهم عن عمتها
امل: صدق ما تستحون على ويوهكم تضحكون على امكم لا وجام عيالي بعد
ام فارس: بلاهم يا بنتي الا جان اتخبلوا
علي: امايا انا ما احب هاي وحده كبيرة انا احترمها
ام فارس: هيه بارك الله فيك يا ولدي .. زين ترى اللي يحترم اللي اكبر عنه الناس تحترمه
فارس: فديتج يا امي ... والله محد يسواج ... بس شو رايج في ذوقي والله ترى امل تستاهل
ام فارس: ماشاء الله عليها يا ولدي من خذتها ما شفنا منها عيب او غلط (امل هنيه احمرت من المستحى)
علي: يا ويل حالي على حرمة اخوي الحياويه
فارس: الا وين ريم
ام فارس: في الجامعه يا ولدي بعدها ما ردت .. الله يسهل عليها ويسر لها امورها واتخرج
امل: امين ... حمدان ياللا بابا لم دفاتر التلوين والالوان وودهن الحجرة وانت بعد حميد ياللا لم دفاترك
حميد: (اللي كان ويا اخوه في طرف الحجرة يلونون) ما خلصنا صبري شوي
امل: حميد ياللا عشان بنتغدا وبنروح نرقد شوي
حميد: اقولج صبري شوي بس شوي
فارس: ما ادري هالولد على منوه طالع عنيد ... (وهو يطالع بطرف عينه أخوه) اكيد على اللي قاعد حذالي
علي: لا والله وليش مب عليك انت ابوه انا شلي
ام فارس: خلوه على هواه الولد .. بيكبر وبيعقل .. خلوه يلون الحين شوي
امل: عمتي بغديهم وبرقدهم شوي من الصبح ناشين
فارس: لازم ترقدينهم خليهم بيقعدون ويانا لين ما نرد النادي
امل: حرام عليك عمي بيرد تعبان يبغي يرقد وعيالك لا يغرك هدوءهم الحالي لانهم منشغلين بالالوان ... بيجلبون البيت فوق حد
ام فارس: برايهم يا امل .. بو فارس بيفعد ويا العيال .. ليش يرقد
امل: لا برايهم عمتي ... يوم بيردون من النادي يقعدون وياهم كلهم على راحتهم
شلت امل عيالها بعد ما لموا دفاترهم والوانهم ودخلتهم حجرتهم تغديهم عشان ترقدهم ... وتموا فارس واخوه يسولفون ويا امهم لين ما يرد ابوهم واختهم عشان يتغدون مع بعض
وللقصة بقية</font></span></p>
<font color=#0066ff> </font></p>
<font color=#0066ff> </font></p></font>
<font color=#ff0000 size=4>بســـــــــــــــم الله الرحمــــــــــــــن الرحيــــــــــــم
رجعت لكم بقصه يديده بعد انقاطعي عن واحة القصص ..
وانشالله تنال اعجابكم هالقصه ..
</font>
</p>
<p align=center><span class=smallfont><font color=#0066ff size=4>الحلقة الاولى
في سيارتها كانت شمسه قاعده جدام السكان ... واثار الصدمة بعدها على ويها... تقاوم كل انفعال في داخلها عشان تكون طبيعيه بس في الاخير عرفت انها ما تقدر تروح الدوام ... او حتى ترجع البيت تجابل امها .... كانت محتاجه شخص تقوله عن اللي فيها او حتى تسمعه وينسيها... في هاللحظة كانت انسانه وحده بس تقدر تطلعها من مزاجها هذا .... سلمى ... مسكت تيلفونها واتصلت بها مع انها تدري انها في المستشفى بس هي بحاجة لها ولازم تكون وياها ... رن تيلفون مكتب سلمى مرتين وردت عليه سلمى
شمسه: ليش تيلفونج مغلق
سلمى: (تبتسم) يا ماما انا اداوم في المستشفى ما اقدر اشغل التيلفون
شمسه: اوكي اوكي مب مشكله ... طلعي الحين خلينا نتمشى شوي
سلمى: سلمى انتي ما وراج محاظرات اليوم
شمسه: اعتذرت للطلبه الاسبوع اللي طاف وقلت لهم اني يمكن ما ايي ...
سلمى: (تبتسم وفي خاطرها تقول ما بتغيرين يا شمسه لو كنتي وزيرة مب الا دكتورة في الجامعه) زين انا عندي دوام الحين
شمسه: سلمى بتين ولا ... دوري اي حد يقعد مكانج ... ما احيدج برفسورة ولا جراحه يا دوب دكتورة عامه
سلمى: هاهاها آآآآه جرحتي شعوري
شمسه: تعالي العين مول .... انا بترياج في درواه .. هالوقت الكافيه فاضي ومن الحين اقولج بنتغدا مع بعض ويمكن ندخل موفي
سلمى: ماشاء الله متى رتبتي هالجدول
شمسه: الحين ... تعالي ياللا
سلمى: اوكي بشوف امل اذا تقدر اتيي تقعد مكاني
شمسه: لا حرام عليج خليها عند عيالها ... شوفي جاكي احسن ... وبعدين تسكن قريب المستشفى عشر دقايق وتكون عندج
سلمى: اوكي مب مشكله ... قلتي حق ريلج
شمسه: بطرش له مسج اني ما برد اليوم البيت من وقت واني وياج .. عنده محاظرة الحين
سلمى: شي طيب والله .. بالمسج تتواصلين ويا ريلج
شمسه: سلمى مب متفيجه لزناختج الحين
سلمى: زين وامي شيخه بتخلينها بروحها
شمسه: اختج سارة ما بتقصر ... بتقعد وياها
سلمى: خلاص انتي روحي وانا بكلم جاكي اتيي المستشفى ...
شمسه: اوكي عندج نص ساعة تكونين بعدها في درواه
سلمى: اوكي اوكي ... مع السلامه
شمسه: باي
أحمد ريل شمسه بعد دكتور في جامعه الامارات العربيه المتحده بس هو في كلية الهندسه وهي في الاداب قسم علم نفس ... وتدري شمسه انه في هالوقت عنده محاظرة فطرشت له المسج وهي تفكر فيه ... احمد اللي كان يحبها ولازال يحبها بنفس الدرجه ويمكن اكثر بعد ... اتحملها بكل جنونها وفي كل ثورات غضبها ... وهي تطرش له المسج ابتسمت ... تدري انه ما بيقولها شي ويوم بيخلص محاظراته بيرد بيت امها اللي يسكنون فيه هو وياها لانها اصرت ما تخلي امها بروحها ... بيتغدا وبيقعد يقرا في كتاب او يجهز لمحاظرة ...شو بتكون ردة فعله يوم تخبره بانه خلاص ماشي امل ... طرشت المسج وتحركت بسيارتها وشغلت الاف ام بس عشان تشغل تفكيرها هاللحظة بش ثاني ... تتجنب التفكير بالمصيبه اللي هيه فيها وهي بهالمزاج... عشان بعدين تقعد وتفكر بتعقل ... هذي شمسه طول عمرها تقدر تسيطر على انفعالاتها ... عمرها ما خلت شي ينتصر على قوة ارادتها وشخصيتها حتى عواطفها ومشاعرها اللي في هاللحظة كانت دون الصفر
**
في بيت ام شمسه ... كانت شيخه حاطه قناة اقرأ في التلفزيون وقاعده اتريا سارة اخت سلمى لين ما اتيي عندها عشان اتريق وياها ... سارة بعد ما خلصت دبلوم عالي في كلية التقنية قررت تقعد في البيت ولا حتى تفكر مجرد تفكير في انها تشتغل ... ومن خلصت كلية وهي على هالحالة اتنش الصبح وتروح بيت ام شمسه تقعد تسولف عندها وتسليها او تطلع تخلص مشاويرها او تزور صديقتها الوحيده شما ... بس اليوم سارة اتأخرت وصارت الساعه عشر ونص والبنت مايت من بيتهم اللي كان حذال بيت ام شمسه
ميرنا(خدامة امي شيخه) : ماما ما يريد يسوي اكل ...
امي شيحه: لا بنتريا سويره ...
ميرنا: وايد تأخير اليوم ... الساعه 10:30
امي شيخه: تعرفين رقم بيتهم
ميرنا: يس ماما
امي شيخه: اتصلي شوفيها
ميرنا: اوكي (اتصلت ميرنا على رقم البيت بس محج رد عليها) مافي انسر ماما
امي شيخه: زين ما تعرفين رقم تيلفونها اللي تشله وياها دوم
ميرنا: نو ماما
امي شيخه: وليش ما خذتيه من عند ليندا وسجلتيه .. الحين انا لو بغيت البنت وين احصلها ما تعرفين رقمها
ميرنا: ماما انتي ما خبر انا يسجل رقم سارة
وهنيه دخلت سارة عليهن وهي تسمع ام شمسه تواجع الخدامه والخدامه تطريها ... كالمعتاد الصبح لابسه بنطلون جينز وتي شيرت ... وفاله شعرها الاسود اللي من دخلت الكلية وهي قاصتنه مدرج لين جتوفها بس
سارة: شو فيها سارة ... هاه ميرنا شو مسويه وتبين تحطينه على راسي
امي شيخه: يا بنتي وينج بطيتي اليوم
سارة: سوري يا حبيبتي راحت علي نومه لا يكون بعدج اتريني ما تريقتي
ميرنا: ماما waiting for you … she didn’t eat with sir at morning
سارة: فديت امي شيخه انا اللي اترياني وما تبلع اللقمه من دوني
امي شيخه: بلا عيارة وياللا ميرنا هاتي الريوق
سارة: هنيه
امي شيخه: هيه هنيه ... بشوف التلفزيون هذا المحدث يحدث زين ... يمكن الله يهديج وتعقلين
سارة: هاهاها ليش امي شيخه انا خبله .. لا قولي قولي انا خبله بعد
امي شيخه: الا خبله ومطيوره وما فيج عقل
سارة: امي شيخه حرام عليج ... انا اللي اشاركج جميع صبحياتج واسليج تقولين علي جيه
امي شيخه: يابنتي العقل زينه .. الله يرحمك يا سعيد بن سيف تعال شوف بنتك شو تسوي
سارة: عادي طالعه على امي
شيخه: محشومه سعاد عنج ... ما سوت سواياج
سارة: امي شيخه انا طالع صور امي شو ما سوت اللي اسويه تنكرين كانت تلبس ميني جيب
امي شيخه: وشو هاي الجيب مالتج
ساره: هاهاها التنورة القصيرة لين فوق الركبه
امي شيخه: حشا عليها والحشا عن مية يمين ... مياورتنا من يت من لبنان ما شفتها لابسه هاللبس اللي تقولين عنه
سارة: ماشفتيها في لبنان .. انا شفت صورها
امي شيخه: وانتي اشلج بلبنان ... ما احيدج منهم انتي بنت سعيد بن سيف .. ريال معروف في البلاد في حياته ما جد طلعت العيبه من جداه
سارة: (عشان تغير موضوع الحديث اليومي ويا شيخه) ميرنا ياللا هاتي الريوق حق امي شيخه ... بنسمح الحديث وياها ... بس شرط بعدين بحط ميلودي بعد الحديث
امي شيخه: وشو ميلودي
سارة: (تبتسم بلؤم) بعد الحديث بتشوفين
**
وصلت سلمى العين مول ولقت موقف حذال سيارة شمسه فوقفت سيارتها فيه وردت غشوتها على ويها ونزلت وهي تشوف ساعتها... شمسه عطتها نص ساعه وهي خذت ساعه الا ربع الله يعينها من الحشرة اللي بتسويها لها شمسه يوم بتوصل عندها ... راحت كافيه درواه فوق وحصلت شمسه قاعده في قسم العايلات تترياها ... فجهزت نفسها للهزبه .. ويوم وصلت عدالها.. عقت غشوتها
سلمى: السلام عليكم
شمسه: وعليكم السلام ... تو الناس ليش ييتي ...
سلمى: تدرين بعد لين ما يت جاكي وطلعت و
شمسه: هاي مشكلتكم يا العرب ما تنضبطون بمواعيدكم .. وماشاء الله مجهزين لستة اعذار
سلمى: عدال يا الامريكيه ...
شمسه: على الاقل منضبطه بمواعيدي
سلمى: هاهاها زين لا تقولين يايبتني هنيه تعطيني محاظرة في ضبط المواعيد
شمسه: لا ما اريد اعطي محاظرات اليوم ... ولا جان رديت الجامعه
سلمى: زين الحمدلله ... شو سويتي لين ما ييتج
شمسه: ماشي مريت السنما ... وحجزت لنا تذكرتين لفلم توم كروز اليديد يبدا عرضه وحده
سلمى: اوكي .. ولين وحده شو بنسوي
شمسه: بنتريق .. بنتسوق وبنسولف
سلمى: ماعليه
كان الجرسون واقف يترياهن يطلبن عطته شمسه الطلبات وراح اييب لهن اللي يبنه .. تمت سلمى ساكته اتريا شمسه تقول اللي عندها تدريبها دام انها يابتها هنيه وطنشت محاظراتها فأكيد فيها شي جايد ... بس شمسه تمت ساكته ويوم تكلمت سئلتها عن دوامها
سلمى: والله لا باس اوكي يوم جيه ويوم جيه .. هذا شي في كل مكان
شمسه: واخبار مريم واموله
سلمى: الحمدلله بخير ... امل ملتهيه ويا عيالها وريلها ومستانسه في حياتها .. تخيلي وحده في شغلتنا مستانسه في حياتها
شمسه: البنت فطين ... من ياها نصيبها عرست ما قالت بدرس ويوم بخلص يصير خير ... عرست ودرست واشتغلت
سلمى: يوم كل الرياييل بيكونون شرات ريلها ذيج الساعه في مجال ... تدريبه فارس ماشاء الله عليه ريال واثق من نفسه... وما يهتم بشغلات الحريم ... وسوت وراحت وتشتغل في مستشفى ... يحبها من خاطره ويدري انها تريد تكون دكتوره
شمسه: ( وهي تلعب بطرف شيلتها ويعونها على الشيله) حتى احمد ماشي مثله
سلمى: (وهي مب منتبهه على حالة شمسه) أكيد ماشي مثله ... على قولة سارة اللي يصبر على شموس هالعمر كله ماشي مثله
شمسه: (تبتسم) هاي ساروه يبالها قص لسان
سلمى: ادري ... ياللا قصيه جان ترومين ... على فكرة انا احس ان اختي هاي طالعه عليج ما ادري ليش مع اني انا اختها
شمسه: حشا علي عنها .. اختج هاي ما عندها طموح
سلمى: خلي الطموح على صوب .. عنيده واللي في راسها تسويه ... وما يهمها حد في الدنيا هاي كلها
شمسه: لا والله انا امي تهمني
سلمى: هذا بعد قاسم مشترك بينكن انتن الثنتين تهمكن امي شيخه .. بس ولا وحده فيكن تسمع كلامها
شمسه: ياللا عاد
سلمى: شو الطلبه وياج تقبلوا فكرة دكتورة تعطيهم
شمسه: غصبن عنهم مب بكيفهم ... يدورون حد غيري يعطيهم الماده ولا يتريون لين ما اتقاعد
سلمى: هاهاها ما بيتخرجون عيل
شمسه: هاه سيف شو مسوي في الجامعه خلاص هذي سنة التخرج له
سلمى: سيف ريال ما ينخاف عليه ...
شمسه: الله يستر بس لا تخربه ثقتج الزايده فيه
سلمى: هاهاها بلاج على خواني من رديتي من امريكا وانتي مستلمتنهم
شمسه: اربيهم لج
سلمى: هاهاها ... تذكرين ايام ما كنتي تدرسين جامعة العين قبل لا تعرسين
شمسه: (تبتسم) أذكر ... ايام ما تنسى والله
سلمى: من يومه وسيف يعاندج حتى لو كان في خاطره الشي اللي تبينه بس غياض فيج ما كان يسمع الكلام
شمسه: هيه من يوم يومه قليل ادب
سلمى: حرام عليج ... سيف اكثر واحد عاني بعد حادث امي وابوي .. كان متعلق في ابوي بالقو ... حتى المكتب يروح وياه
شمسه: سارة كانت اصغر ما سوت مثله
سلمى: سارة كانت صغيرة ... حتى ذكرياتها عن امي ضبابيه ... كل اللي تعرفه عنها من الصور
شمسه: سارة ما كانت جيه .. كانت ناعمه وهاديه ومطيعه حتى يوم كنت ايي اجازات كنت اذكرها حياويه وايد
سلمى: ياللا الله يسامح اللي كان السبب
شمسه: تذكرين الايميلز اللي اتطرشينهن لي والصور
سلمى: اذكرهن .. اصلا انا طابعه كل ايميلاتج اللي طرشتيهن لي وحاطتنهن في فايل
شمسه: يا رومانسيه انتي
سلمى: احم احم دومني
شمسه: حليلنا على ايامنا ما نستخدم الكمبيوتر الا حق الايميلز والبحوث .. تعالي شوفي شباب اليوم ماشاء الله جات وصياعه وبالتوك وما ادراك ما البالتوك
سلمى: شدراج انتي
شمسه: هاهاها لازم اجرب واشوف شو اللي يخرب تفكير شبابنا في النت ناسية اني دكتورة جامعيه علم نفس
سلمى: اموت واعرف شو يسوون في الجات .. في خاطري ادش بس ما اعرف كيف اريد اشوف بس
شمسه: لا تموتين ولاشي .. اللاب توب في السيارة تعالي نروح انيبه ونرد
سلمى: والله .. بس كيف بتوصلينه على النت
شمسه: من الموبايل يا دكتورة .. واكبي التطور والحضارة شوي
سلمى: اوكي روحي ييبيه وبترياج
نزلت شمسه وردت وياها اللاب توب وشغلته ووصلت وياراتها بالموبايل .... وهن يضحكن على عمارهن.. اللي يشوفهن ما يعطيهن انهن فوق الاربع وثلاثين سنه ... شكلهن مراهقات وقاعدات يسون شي غلط بالدس عن اهلهن
شمسه: ان شاء الله ما يمر علي طالب عندي ويشوف شو اسوي
سلمى: هاهاها بيقول دكتورتنا عندها انفصام في الشخصيه
شمسه: ياللا جب
سلمى: زين ياللا دخلي جات
شمسه: ما اعرف... نسيت اسمائهن
سلمى: لا والله توج قلتي بالتوك
شمسه: يا هبله البالتوك برنامج ينزلونه ولازم يكون فيه سماعات ومايك
سلمى: زين اللاب توب فيه سماعه ومايك
شمسه: سلمى اقولج برنامج ينزلونه .... تبيني انزله في اللاب توب اللي عليه محاظرات الجامعه
سلمى: زين الحين شو نسوي
شمسه: اتصلي في سيف ولا ساروه اكيد يعرفون واحد
سلمى: بتصل في سيف صبري (طلعت مبايلها من شنطتها واتصلت في اخوها سيف اللي كان في السيارة ويا سالم ربيعه )
سيف: هلا والله هلا ... مرحبا ملايين ولا يسدن ... هلا بالغاليه هلا
سلمى: هاهاها هذا كله حقي
سيف: كم اخت مثلج عندي ... اصلا منو مثلج في العالم كله
سلمى: مشكور حبيبي ... شحالك انت
سيف: دام اني اسمع صوتج بخير كل الم فيني يزول مع هالصوت الملائكي عسى الله ما يحرمني منه
سالم: اي شوي شوي انت منو تغازل
سيف: جب انت مالك خص سوق وانت ساكت
سلمى: بسك عاد عن اللواته هاي ... منو وياك
سيف: انا وسلوم بس منو وياي يعني
شمسه: مب جنه اخوج عنده محاظرة بعد شوي وين يهيت
سلمى: هيه صح ... مب عندك محاظرة انت بعد شوي
سيف: اوووه انتي ويا هاي الله يعينج
سلمى: سيف حبيبي عيب عليك
سيف: ونه عيب عليك ... انتن وين
سلمى: انا في العين مول في درواه ... الساعة وحده بندخل فلم توم كروز اليديد
سيف: (وهو يأشر لسالم يوقف السيارة) اهاااااا وليش الاخت الدكتورة شموس ما عندها محاظرة الحين
سلمى: امبلا بس هي معتذرة عنها
سيف: هيه (كان سالم يأشرله شو فيه بعد ما وقف السيارة وسيف يقوله صبر بيده)
سلمى: سيف حبيبي شو موقع الجات اللي يدخلونه في النت
سيف: اي جات .. شو تبن في الجات
سالم: طالع ونه جات ... وييييو عيايز ويدورن جات هاهاهاهاهاها
سيف: اسكت خلنا نفهم السالفه
سلمى: قوله عازن ركبك يا الهرم ...
سيف: اي جات سلمى
سلمى: اي جات حبيبي ... شمسه لازم تشوف شو جات انت تعرف هيه علم نفس والحين كل اللي يدرسون في الجامعه والمدارس في الجات
سيف: هيه زين دخلن هارت جات دت كوم
سلمى: هذا فيه العيال
سيف: هيه فيه من الجامعه وكليات التقنيه والمدارس بعد .. بس المدارس مب الحين الظهر والمغرب وفي الليل يوم يردون من دواماتهم
سلمى: ماعليه حبيبي مشكور .. روح المحاظرة لا تأخر عليها
سيف: ان شاء الله ... مع السلامه
سلمى: الله يحفظك حبيبي (بعد ما بندت سلمى عن اخوها)
شمسه: شمسه تبى هاه ... مب جنه انتي في خاطرج تدخلين الجات
سلمى: حلفي بس انتي حرمه شكبري اقول حق اخوي الصغير اريد ادخل جات
شمسه: وشو فيها قوليله تخافين يضربج
سلمى: هاهاها بعد ما اريد اهز صورتي جدامه
شمسه: ياعيني عليج يا ام صور انتي
**
في السيارة بعد ما بند سيف عن اخته على طول سالم سئله ليش قاله يوقفون في الشارع
سيف: سلمى في العين مول وبتدخل فلم توم كروز
سالم: زين عادي بندخل وياها ... سلمى طيبه بنقص عليها بكلمتين وبتصدق
سيف: هيه هذا لو كانت بروحها ... عندها شموس الجلبه روح انت وياهن خلها تنابح عليك بروحك انا ما فيني اسف
سالم: لا تقول ... وهاي ما عندها محاظرات في الجامعه ولا حلال عليها حرام علينا
سيف: معتذره عن محاظراتها ..تريد تروح وياها مع السلامه .. انا واحد ما اريد اروح وياها .. اصلا لو سلمى بتقبل فكرة إنا مطنشين المحاظرة شموس بتكوكها علينا وبتترس راسها وبتذلنا على السالفة اسبوع
سالم: اقولك مجابل جاسم الشامسي اهون خلنا نرد الجامعه
سيف: هيه والله
سالم: ما تعرف منو ياخذ عندها هالحزة اطرشهم العين مول يشوفون دكتورتهم وين
سيف: يا ريال شو تبابها .. لو بروحها تستاهل بس وياها سلمى اختي
ردوا سالم وسيف الجامعه عشان يحضرون محاظرتهم بعد ما خرب وجود شمسه في العين مول خططهم ... سالم صديق سيف من ايام الطفوله ... سيف وسالم كانوا دوم مع بعض من ايام حياة بو سيف وبعد وفاته زادت علاقتهم خصاصة وانهم عمرهم ما افترقوا من ايام المدرسة تخصصوا نفس التخصص في الجامعه ... لدرجة ان سالم كان يحس بنفسه واحد منهم مب مجرد صديق لسيف ... ايام امتحاناتهم كان سالم يودر بيتهم وايي يقعد ويا سيف واهله ما كانوا يعارضون علاقته بسيف خاصة انهم كانوا يعرفون ابو سيف لانهم يسكنون نفس المنطقة وان كان بعيد شوي
**
في بيت امي شيخه .. وبعد ما خلصن سارة وامي شيخه الريوق ... كانت سارة تصب قهوة على امي شيخه واتريا الحديث يخلص عشان ترتبش يوم بتحط ميلودي ولا مزيكا ... كانت تدري ان شيخه بتعصب عليها وبتواجعها .. بس في الاخير بتروح تحط راسها شوي وبترقد وهي بتم بروحها في البيت ... وفعلا خلص الحديث وهي تصب اخر فنيان لشيخه
سارة: هاه خلاص خلص دورج الحين دوري
امي شيخه: يا بنتي خليه بيطلعون الحين شي زين بنستفيد منه وبنتعلم في دينا
سارة: لا لا لا شو الاتفاق .. مرة انا ومرة انتي
امي شيخه: شو تبين تطالعين في التلفزيون وما تقدرين تصبرين عنه
سارة: (وهي تاخذ الرموت) الحين بتشوفين (وحطت قانة ميلودي)
امي شيخه: (وهي معصبة) تبدلين عن اقرأ وتحطين هالمنكر والكفر ... حرام يا بنتي هذا كله حرام ما سمعتي الريال شو يقول
سارة: اوووه امي خليج كوووووول .. اتربشي ياللا
امي شيخه: استغفرك يا ربي واتوب اليك ... وانتي شو اللي مخربنج غير هذا ... عيل هذا لبس تجابلين فيه خلق الله في الشارع .. غير مايقولون الا بشكارة تشتغل عند خلق الله
سارة: وايه فديتني وين بشكارة تشبهني انا علني ما اخلى مني
امي شيخه: انتي مرة ثانيه لا اتيين بيتي يوم الا هذا كلامج وهذا اللي تبينه .. بدلي اشوف بدلي عن هذا
سارة: كم مرة رغتيني من بيتج هاه ... بس ادري بالباجر اتريني ايي عشان اتريق معاج ... يعني لو انا زعلت منج صدق شو بتسوين
امي شيخه: زعلت غانم عالحسا يا بنت سعيد
سارة: فديت بنت سعيد انا
امي شيخه: الحين هذا ميلودي اللي تبينها ... الا قلة ادب ومنكر وكفر استغفر الله
سارة: (تغايض امي شيخه) اقوم ارقص لج راب
امي شيخه: وشووو ... انا مخلتلج البقعه ورايحه حجرتي عن خبالج ...
سارة: كل يوم تخليني بروحي وتروحين حجرتج .. قعدي وياي انا اشوف اللي تبينه شوفي اللي اباه
امي شيخه: انا ما اشوف هالمنكر ... جان ما يايزلج بدلي عنه
سارة: ياللا عاد خلج شبابيه ...
امي شيخه: (وهي تقوم بتروح حجرتها) استغفر الله ... استغفر الله ... الله يهديج يا بنتي ويهدي سرج الله يهديج يا بنتي
دخلت امي شيخه حجرتها في الطابق الارضي وتمت سارة في الصالة وهي تبتسم ... تعودت على موال كل يوم وهزبت كل يوم ... بس في النهاية تدري انه مافي حد يهتم فيها ويحبها بعد اختها سلمى كثر امها شيخه ... سمعت موبايلها يرن وشافت انه رقم ربيعتها الوحيده شمه متصله بها
سارة: هلا والله
شما: اهلين ... شحالج
سارة: بخير الحمدلله .. شحالج انتي
شما: الحمدلله في الدوام ... انتي شو سوين
سارة: في بيت امي شيخه يعني شو بسوي اكيد اشوف التلفزيون
شما: يابوي من قدج مرتاحه .. هب نحن اللي نكرف
سارة: محد ضربج على ايديج غناتي
شما: الحاجة يا بعد عمري اللي ضربتني وقالت لي اشتغلي يا بنت ... كل الناس شراتج
سارة: زين زين شو تبين الحين ما وراج شغل
شما: حشا حشا ... بلاج انتي على الصبح وانا اللي اقول بسمع صوت صديقتي حبيبتي
سارة: هاهاها ماشي توها امي شيخه عاطتني المحاظرة المعتاده
شما: صراحه صدقهم ... اللي تسوينه غلط وانتي تدرين بهالشي
سارة: اقول انتي جب ... انا كيفي غلط صح كيفي ... يعني انا اللي غلط واللي من تحت لتحت صح هاه
شما: سارة لا تقارنين هذا في هذا
سارة: ما بقارن شي بس غيري الموضوع .. قلت لج مرة وحده انا جيه عيبكم كان بها ما عيبكم خلاص الباب يفوت جمل
شما: الله يسامحج
سارة: الله يسامح الجميع ... واحسن انج تغيرين الموضوع ... انا مب ياهل انا اعرف شو اسوي
شما: زين زين ... الا اخبار سيف
سارة: الحمدلله بخير في الجامعه ... الزبده اخبار سلوم صح
شما: (واللي احمرت صدق) لا ليش يعني
سارة: خلاص حبيبتي معروف اخبار سيف بعدها شحال سالم
شما: زين زين حشا اليوم مستجلبه من الصبح عافانا الله
سارة: (تبتسم) شو ما بتسئلين
شما: والله تبين تجاوبين تعرفين السؤال
سارة: اها يعني بكيفي
شما: هيه بكيفج
سارة: بما اني ادري انج تحترقين .. وما فيني تموتين قبل لا توصلين البيت بقولج
شما: شو بتقولين
سارة: اخبار سلوم النحس
شما: زين اخباره
سارة: ماشي
شما: والله انج سخيفه زين ... ياللا باي هب منج مني انا اللي متصله فيج
سارة: هاهاهاهاها صبري صبري خلاص حشا هب سلوم هذا
شما: بعدين عيب عليج ... شو سلوم هاي هب اصغر عيالج هوه
سارة: حاظر عموه .. بعد
شما: ماشي ياللا قولي اخبار سالم
سارة: الحمدلله بخير ... راح ويا سيف الجامعه كان امس بايت عندنا
شما: والله يا حظكم
سارة: والله انج مسكينه ... شو ينحب فيه هالغلس
شما: والله كل شي فيه ينحب .. انتي شدراج
سارة: هيه ... حليلك يا سلوم والله ولقيت حد يحبك
شما: سلوم مرة ثانيه
سارة: لا يكون بعد فيه حد يحب اخوي سيف من وراي والله بنتحر ... تراهم ما ينحبون ولا ينبلعون
شما: يوم انتي اخت سيف منو بيحبه يا حظي ... ينخاف منج
سارة: الحمدلله يعني مسويه حماية لبنات حواء
شما: هاهاها ماعليه بيي يوم وبخبر سيف عليج
سارة: ياماما خوفتيني ...
شما: ادريبج قويه ما تخافين ... ياللا بخليج خلص البريك مالي برد اشتغل
سارة: اوكي ما بتمرين عندي اليوم
شما: ما ادري بشوف بعد المغرب
سارة: ترى سالم بيكون في بيتنا
شما: والله ادل بيتهم زين
سارة: مالت عليج ... ياللا جلبي ويهج
شما: هاهاها ياللا مع السلامه
بندت سارة عن شما وردت تطالع التلفزيون وتجلب في القنوات .. اما شما فردت تفكر في سيف ... شما تقريبا ظروفها مثل ظروف سارة وهذا اللي قرب بينهن الثنتين يتيمات الام والابو ... صح سارة عندها اخو ... بس شما ما عندها الا اختين اكبر منها كانن مسؤولات عنها مسؤولية كاملة ... أما اهل امهم وابوهم كانوا من الباطنه ومحد عندهم في العين ابدا .. فقعدن في بيت بروحهن وبالرغم من ظروفهم الصعبة وراتب تقاعد ابوهن والشونه القليلة اللي تنزل لهن من الشؤون الاجتماعية الا انهن ربن شما بروحهن .. ما كان لهن في البلاد الا حرمة تقرب لابوهن من بعيد ... كانت بين فترة وفترة تطل عليهن او تتخبر عنهن ... ويوم كبرت قامت شما هي اللي تروح تسأل عنها ... هالحرمه هيه ام سالم ربيع سيف ... وجيه عرف سالم شما وحبها وهي حبته بعد ... بعد وفاتة حرمة عبيد اخو سالم العود ... زادت زيارات شما لبيت اهل سالم .. عشان تساعد امه في تربية عيال عبيد اللي كان يشتغل في بوظبي ومخلي عياله الصغار ناصر ومنصور عند امه .. غير عبيد عند سالم اخو اصغر منه في الثانويه العامه اسمه عمر ...
**
في العين مول في كافيه درواه .. وسلمى وشمسه جدام الكمبيوتر في الجات ...
سلمى: بنديه بنديه .. صدق ناس ما عندهم سالفة ...
شمسه: يعني يهال سو اترين من وراهم
سلمى: ولا دكتور القلوب .... والمرتبشه والسودا شو هالاسماء
شمسه: شو اترين من عيال الدش والعولمه
سلمى: الله يستر من الياي .. لا يكون ساره تدخل هالاماكن في النت
شمسه: قبضيها وسئليها شو تسوي على النت
سلمى: بشوفها اليوم يوم برد البيت ان شاء الله
شمسه: اقول الساعة 12 الحين خلينا ناخذ لفة على المحلات نشوف شو عندهم قبل لا ندخل الفلم
سلمى: اوكي .. ياللا قومي
شمسه: بس قبل خلينا نرد اللاب توب السيارة
سلمى: اوكي
نزلت سلمى ويا شمسه وراحن ردن اللاب توب السيارة ودخلن المول يتسوقن ... صح شمسه ما قالت لسلمى شو اللي مضيقنها ولا سئلتها سلمى هالسؤال لانها تدري انهن قبل لا يردن البيت بتخبرها كل شي ... وان شمسه ما بتقول لها الا يوم تكون مستعده فعلا انها تقول
**
في بيت هادي في اطراف الطوية ... كانت دكتورة امل قاعده في الصالة ويا عيالها حميد وحمدان تعلمهم يكتبون الاعداد صح بعدهم ما دخلوا الروضه بس حبت ياخذون خلفيه عن الموضوع
امل: حميد حبيبي مب جيه يكتبون تو ... اكتبها جيه (وخذت الرقم تراويه
حميد: اوووه ما اريد خلاص خلاص بس .. اريد العب سيارات
امل: ماشي سيارات حميد بتكتب يعني بتكتب
حميد: (فر القلم) مااريد بروح اتصل في باباه
امل: باباه في النادي ما بيرد عليك
حميد: اريد الون مثل حمدان
امل: لا
حميد: زين بكتب مرة وحده بس تو ... حرام عليج انا بيبي كم كثر تبيني اكتب
امل: من شوي كنت ريال الحين بيبي
حميد: (وهو حايس البوز) لا انا بيبي ايدي عورتني
امل: زين اكتب مرة وحده
وقعد حميد اللي كان واقف عشان يكتب مرة وحده على قولته بس المرة استوت مرتين وثلاث لين ما رد ابوه ويا عمه البيت حميد يوم شاف ابوه فر القلم وقام يناقز
حميد: بابا يا هيه هيه .. بابا يا
فارس: هلا والله بالشيوخ هلا
علي: ماشي عمي يا ولا شو سالفتكم انتو
امل: (وهي تبتسم) هاه علومكم ...
علي: ماشي شوية علاج طبيعي وخلاص ... ماصار شي الا شد عضلي بسيط
فارس: احمد ربك الا شد عضلي ... شو كنت تريد تمزق في العضلات
علي: بسم الله علي
حمدان: (اللي كان في حضن عمه وهو عاف ويهه) عمي دخلوا عليكم جول انت غلطان
علي: والعثرة شو هالفال ولد اخوي .. لا حبيبي محد دخل علينا جول
حمدان: ليش بابا زعلان (كلهم ضحكوا على حمدان)
علي: ابوك دومه زعلان مب شي يديد عليه .. بعدين ابوك ما دخل جول هو غلطان
حمدان: (فاج عيونه مصدوم) باباه انت غلطان ... بابا عود بيزعل
فارس: لا حبيبي محد غلطان نحن ما لعبنا ... ماشي مبارة اليوم
حمدان: (يبتسم) زين عشان بابا عود ما يزعل
علي: وين امي وابوي
امل: عمي في الدوام ... وعمتي في المطبخ ويا البشكارة كالعاده
علي: ما داومتي اليوم
امل: ماعندي دوام اليوم ... من يومين كنت ماسكه زام في الليل
علي: هيه صح ... واخبار ربعج في المستشفى
امل: بخير يسلمون عليك
علي: والله منو يسلم علي بالضبط ... اي دكتورة
امل: ولازم الدكتورات اللي ايسلمن عليك
علي: يعني لاعب مشهور وحلو مثلي منو بيسلم عليه اكيد بنات حلوات
امل: لا الدكاترة يسلمون عليك
علي: (حايز بوزه) الله يسلمهم ردي السلام عليهم (ضحكوا عليه فارس وامل وهم يطالعونه)
فارس: انت وايد مصدق عمرك ونه لاعب مشهور ... شو لا يكون بيكهام ولا روبيرتو
علي: لا شو بيكهام ولا ريبورتو انا علي محمد اشهر منهم .. شو تقول انت
فارس: شوي شوي على نفسك يابيكهام العين
علي: تعالي بتخربج دكتورة مريم شحالها
امل: يا هالمريم ... بخير يسرك حالها
علي: شو الدنيا وياها
امل: الحمدلله تمام
علي: شافت المبارة الاخيرة
امل: شافتها
علي: شافتني بدعت فيها
امل: شافتك
علي: والله شو قالت ... ما قالت علي احلو
امل: لا قالت والله وكبرت يا علوه
فارس: هاهاهاهاهاها تستاهل يا علوه
علي: اه يا قلبي جرحتيني
امل: هاهاهاها اسفه ما كنت اقصد اوديك المستشفى
علي: هيه هي موجوده
امل: لا بداوم وياي ... هناك سلمى
علي: لا ما اريد اروح ... بقعد في بيتنا
فارس: لا ليش سلمى بعد حلوة
علي: لا عاد سلمى كبر امي حرام عليك
امل: هاهاهاها انت اللي حرام عليك سلمى كبر امك
علي: اكبر من فارس وين تبين انتي
امل: ماعليه ان ما خبرتها عليك
علي: لا والله حليلها لا تقولين جيه تدرين اني احبها واعزها وايد
ام فارس: (وهي توها داخله عليهم يايه من المطبخ) واعليه عليك يا ولدي منو تحب يا خوفي تمرض شرا فارس يوم حب امل
هنيه فارس وعلي ضحكوا من خاطرهم على امهم المسكينه واللي ما تدري شو السالفة وامل احمر ويها وهي تحاول تسكتهم عن عمتها
امل: صدق ما تستحون على ويوهكم تضحكون على امكم لا وجام عيالي بعد
ام فارس: بلاهم يا بنتي الا جان اتخبلوا
علي: امايا انا ما احب هاي وحده كبيرة انا احترمها
ام فارس: هيه بارك الله فيك يا ولدي .. زين ترى اللي يحترم اللي اكبر عنه الناس تحترمه
فارس: فديتج يا امي ... والله محد يسواج ... بس شو رايج في ذوقي والله ترى امل تستاهل
ام فارس: ماشاء الله عليها يا ولدي من خذتها ما شفنا منها عيب او غلط (امل هنيه احمرت من المستحى)
علي: يا ويل حالي على حرمة اخوي الحياويه
فارس: الا وين ريم
ام فارس: في الجامعه يا ولدي بعدها ما ردت .. الله يسهل عليها ويسر لها امورها واتخرج
امل: امين ... حمدان ياللا بابا لم دفاتر التلوين والالوان وودهن الحجرة وانت بعد حميد ياللا لم دفاترك
حميد: (اللي كان ويا اخوه في طرف الحجرة يلونون) ما خلصنا صبري شوي
امل: حميد ياللا عشان بنتغدا وبنروح نرقد شوي
حميد: اقولج صبري شوي بس شوي
فارس: ما ادري هالولد على منوه طالع عنيد ... (وهو يطالع بطرف عينه أخوه) اكيد على اللي قاعد حذالي
علي: لا والله وليش مب عليك انت ابوه انا شلي
ام فارس: خلوه على هواه الولد .. بيكبر وبيعقل .. خلوه يلون الحين شوي
امل: عمتي بغديهم وبرقدهم شوي من الصبح ناشين
فارس: لازم ترقدينهم خليهم بيقعدون ويانا لين ما نرد النادي
امل: حرام عليك عمي بيرد تعبان يبغي يرقد وعيالك لا يغرك هدوءهم الحالي لانهم منشغلين بالالوان ... بيجلبون البيت فوق حد
ام فارس: برايهم يا امل .. بو فارس بيفعد ويا العيال .. ليش يرقد
امل: لا برايهم عمتي ... يوم بيردون من النادي يقعدون وياهم كلهم على راحتهم
شلت امل عيالها بعد ما لموا دفاترهم والوانهم ودخلتهم حجرتهم تغديهم عشان ترقدهم ... وتموا فارس واخوه يسولفون ويا امهم لين ما يرد ابوهم واختهم عشان يتغدون مع بعض
وللقصة بقية</font></span></p>
<font color=#0066ff> </font></p>
<font color=#0066ff> </font></p></font>