الكـــــــــذب .. [الأرشيف] - -:: واحات بن دبي ::-

الغزاله العيناويه

21-10-03 ||, 06:47 PM

السلام عليكم والرحمه ..

شحالكم اخواني وخواتي ..

باختصار .. موضوعنا عن (( الكــــــــــذب ))

الكذب
وهو: مخالفة القول للواقع . وهو من أبشع العيوب والجرائم، ومصدر الآثام الشرور، وداعية الفضيحة والسقوط. لذلك حرمته الشريعة الإسلامية، ونعت على المتصفين به، توعدتهم في الكتاب والسنة:
قال تعالى :((إن الله لا يهدي من هو مسرف كذاب))(غافر: 28).

 
وقال الباقر (عليه السلام): (إن الكذب هو خراب الإيمان)(2 الكافي).
وقال رسول الله (صلى الله عليه وآله) في حجة الوداع: (قد كثرت علي الكذابة وستكثر،فمن كذب علي متعمدا، فليتبوأ مقعده من النار، فإذا أتاكم الحديث فاعرضوه على كتاب الله وسنتي، فما وافق كتاب الله فخذوا به، وما خالف كتاب الله وسنتي فلا تأخذوا به)



طبعا مافيه حد منا لا يكذب .. ماشالله الكــــل .. 

انزين .. شو رايكم في الكذب ؟؟

لعـــــن الله الكاذب ولو كان مازحا .. هذا بس لو كان يمزح .. وين عاد الي يكذب .. <img src="http://oasis.bindubai.com/emoticons/down.gif" border=0> الله يعينا .. انا والله محد شراتي كان يمزح ولا امزح بالجذب (( بالكذب )) كنت وايد <img src="http://oasis.bindubai.com/emoticons/down.gif" border=0> جذابه .. بس والله اتخلصت من هالعاده .. ما ماكان قصديه اكذب لا والله بس المزح .. بس صدق الواحد وعلى حسب ما يتعود ..

ومتـــى تكذب ؟؟
 

وليش تكذب ؟؟ وانت تعرف انه حرام .. هل لارضاء الدنيا وتخســــر الآخره ..

صح انا اكذب , لكن الظروف تجبرني , لكن من بينفعني في الاخير , (( الحمدلله اني مب شرات يوم كنت ياهل )) .. والله احينه مااجذب .. الا يوم انجبر (( يعني في المدرسه )) <img src="http://oasis.bindubai.com/emoticons/down.gif" border=0> ادري انها مابتنفعني في الآخره وانا اللي بتحاسب .. <img src="http://oasis.bindubai.com/emoticons/down.gif" border=0> بس شو اسوي ..

وفيه نظركم منوه اللي اكثر يكذبون ؟؟ النساء ام الرجال .؟؟ وليش ؟؟

أعتقد أن الرجال أقل كذباً من النساء . . باستثناء ساعة يغازلونهن فيها <img src="http://oasis.bindubai.com/emoticons/laugh.gif" border=0>
عيب المرأة . . أنها لا تعطيك إجابة صريحة قط , البعض طبعا .. ولكن الاكثريه ..

اخـــي المسلم , اختــي المسلمه .. هل انتم صادقين ؟؟

<a name="علاج الكذب">علاج الكذب</a>
فجدير بالعاقل أن يعالج نفسه من هذا المرض الأخلاقي الخطير، والخلق الذميم، مستهديا بالنصائح التالية:
1 ـ أن يتدبر ما أسلفناه من مساوئ الكذب، وسوء آثاره المادية والأدبية على الإنسان.
2 ـ أن يستعرض فضائل الصدق ومآثره الجليلة، التي نوهنا عنها في بحث الصدق.
3 ـ أن يرتاض على التزام الصدق، ومجانبة الكذب، والدأب المتواصل على ممارسة هذه الرياضة النفسية، حتى يبرأ من هذا الخلق الماحق الذميم.

               
    ـــــــــــــــــــــــــ ـــــــــــــــــــــــــ ــــــ
               
   



 
الموضوع برعاية ..           @ dreams group @


ودمـــــــــــتم سالمين .. والسموحه منكم .. ادري اني وايد خربطت ونقعت بس شو اسوي .. <img src="http://oasis.bindubai.com/emoticons/down.gif" border=0> (( افضفض , وللاستفاده ) ) وعشان اكســـــب اجركم .. <img src="http://oasis.bindubai.com/emoticons/smile.gif" border=0>

المزوحي

21-10-03 ||, 08:23 PM

شكرا على هالموضوع المهم ..

فعلا إن كذبت اليوم في أمر صغير وتشوفه عادي .. باجر بتكذب في شي أكبر عنه .. وبتصبح عندك عادة الكذب ..
بس في ناس يكذبون عشان يتخلصون من أذى فلان ( يعني دل ما يصدعني بالأسئلة وهو يعتبرها محاسبة فيكذب، عشان يوقفه )  <img src="http://oasis.bindubai.com/emoticons/rock.gif" border=0>

الحمدلله إني ما اكذب .. لكن لاحظت على واحد من ( الربع ) مستغرب وليش يعني ما اكذب هل هذا خوف من اي شخص اكلمه حتى لو مايشوفني ؟؟

نحن نسوي حساب للناس لكن مانفكر برب العالمين ..

نصيحه مني لا تكذبون .. صح انتوا مب مجبورين تخبرون الناس بكل شي .. لكن لا تكذب ..

لمّــاح

21-10-03 ||, 08:46 PM

موضوعج حلو اختيه ..

شكرا ^_^ و يزاج الله خير

شموخ

21-10-03 ||, 08:50 PM

هلا اختي
جزاج الله الف خير على الموضوع والنصيحه الطيبه
احس انه مافي احد في هالدنيا ما يكذب الكل
وانا وحده منهم وعيبي الكبير اني احب اسوي مقالب بس مو بقصد الكذب هي لتسليه
ولو انها حرام اتمنى اني اقدر اتخلص من هالعقده
ولو اني مااحب الكذب اللي ممكن يدمر بيوت او يخرب سمعت احد
مااعتقد اني في يوم من الايام تجرأت وكذبت كذبه كبيره
ومن وجهة نظري انه الحريم لهم فالكذب اكثر يمكن عسب اغلب وقتهم كلام في كلام

والسموحه على الاطاله
أختـــــــ وفيت ــــــــج

همس الخفايا

21-10-03 ||, 10:06 PM

هلاهلاهلا ولله بالغزاله العيناويه

شخبارج شحالج .. ها ما تولهتي علي  <img src="http://oasis.bindubai.com/emoticons/tounge.gif" border=0>
المهم
السالفه الحين عن الجذب
واويييييييلالالالالالالال اه .... لو عديت جذباتي في اليوم ما بخلص .. مزح او هب مزح
شو اسوي يلوعون جبدي
لا بس وي البنات ما اجذب بس عالمسات يوم يعاقبوني .. حتى هالايام جذبت او ما جذبت يعاقبوني ما شي فايده <img src="http://oasis.bindubai.com/emoticons/oo.gif" border=0> 
المهم ما علينا فيني اجذب ولا لا بس صدق جذباتي بييييييييييضه ولا عليها نقطه سوده .. <img src="http://oasis.bindubai.com/emoticons/glare.gif" border=0>
طبعا انا احاول ما اجذب و اصلا ولا مره في حياتي حلفت جذب الحمدلله  .. استغفر الله بس مره اختي لانها تضاربت
وي ربيعتها و اونه انا الوسيط اللي بينهم اونه اصالح من بينهم ما يدرون اني اخرب .. المهم ان قلت حق ربيعتها ان اختي مب وياي الحين و انا اصلا دقيت و اختي ما تدري و لو ردت بتذبحني من هناك اختي يالسه وياي ..جان اتيني الطامه الكبرى قالت لي قولي ولله ... توهقت
و اختي الذكيه اونها مدينه خلتني احلف .. و بس
انشالله بحاول ما اجذب ..
مشكوره عالموضوع غزوووووووووله

اختج
همس الخفايا

أحلى منصوري

23-10-03 ||, 12:16 PM

السلاااام عليكم والرحمه
مشكوووره اختي الغزاله عالموضوع
وهذه موضوع شايك
منوو هالايام ما يجذب
وصلت درجة الوقاحه من بعض الناس انهم يجذبون على ابوهم وامهم
ياريت مثل ما قلتي بس تجذبين في الدراسه
بس هالناااااس
وبغيت اجاوبج على اسالتج 
 شو رايكم في الكذب ؟؟
افه سئه منتشره في المجتمعاات العربيه وخاصه الخليجه
وتستخدم دايماا في الخقه على الاخرين
واقول الكم يالخقاقين(مد ريلك على قد الحافك)
ومتـــى تكذب ؟؟
سؤالج اهنيه غلط
قولي متى ما تكذبووون<img src="http://oasis.bindubai.com/emoticons/biggrin.gif" border=0>
وليش تكذب ؟؟
للخقه عالناس(ارمس عن غيري مب اناا<img src="http://oasis.bindubai.com/emoticons/blush.gif" border=0>)
منوه اللي اكثر يكذبون ؟؟ النساء ام الرجال .؟؟ وليش ؟؟
النساء اكثر لانهم يتكلمون اكثر ويهتمون بالمظاهر اكثر
والرجل عنده الجراه على قول الحقيقه اكثر من المراه
 هل انتم صادقين ؟؟
الصادقون يحشرهم الله يوم القيامه مع بعض
يعني ويا الرسول (الصادق الامين) عليه الصلاة والسلام وابوبكر(الصديق) رضي الله عنه

<a name="علاج الكذب">علاج الكذب</a>

التمسك بكتااب الله وبسنة رسوله والصلاه
ومعرفة ان هناك حساب لكل من الفئتين
وانتوو اختاروو يا جماعه
والسموحه عالاطاله
اخــــــــــوكم
احلى منصوري

حلم الطفوله

23-10-03 ||, 03:07 PM

اختي الغزاله العيناويه..
موضوعج يانا بالوقت المناسب بصراحه
لأني تعبت من كثر ما أسمع الجذب كل يوم..
أحس الجذب صار عادي بالحياه وكل واحد يتفنن فيه علشان يخلص عمره من المشاكل
بس عندي إضافه مهمه؟؟
ليش يقولون إنه الجذب حرام وهم يجذبون؟؟
هذا سؤال سألني اياه ولد صغير وما عرفت شو أرد عليه لأنه إلي يسمعهم يجذبون هم أقرب الناس له؟؟
درسنا وتعلمنا في الكتب انه حرام
فليش نصدم بهالواقع بكل مكان نسيرله
أكره الجذب وايد من استويت..واذا اضطريت اني ما اجاوب على سؤال اسكت احسن من الجذب
هذا مب هروب هذا يسمونه صدق وايمان بأن الجذب حرام
وطولت عليكم صح؟؟اسمحولي
أختكم حلم الطفوله<img src="http://oasis.bindubai.com/emoticons/laugh.gif" border=0>

الغزاله العيناويه

23-10-03 ||, 05:23 PM

مرحبا والله ..

المزوحـــي .. تسلم خويه ع الرد .. <img src="http://oasis.bindubai.com/emoticons/smile.gif" border=0> وشرا ماقلت (  نحن نسوي حساب للناس لكن مانفكر برب العالمين ) <img src="http://oasis.bindubai.com/emoticons/down.gif" border=0> 

المنحـــوس .. تسلم خويه ع المرور الكريم .. <img src="http://oasis.bindubai.com/emoticons/smile.gif" border=0>

الغزاله العيناويه

23-10-03 ||, 05:33 PM

مرحبا والله ..

وفيت وخلي ماوفا .. تسلمين حبوبه ع الرد .. تعرفين انا والله كنت شراتج .. كله اجذب بس هب اني احلف بالله .. لا , كنت دومي اتمصخر وامزح واسولف وجذابه عوده في هالسوالف .. لكن احينه الحمدلله والله وايد خفيت .. وحتى يوم اقول بمزح ولا اسوي مقلب استغفر الله ومااجذب .. صدق والله اني يوم مااجذب وحتى لو بسوالف احس براحه ..

همس الخفايا .. بالمهلي مايولي .. انا بخير وسهاله .. <IMG src="http://oasis.bindubai.com/emoticons/laugh.gif" border=0> تسلمين الغاليه ع الرد ..

الغزاله العيناويه

23-10-03 ||, 05:45 PM

مرحبا والله ..

احـــلى منصوري .. تسلم خويه ع الرد الحلوو . .. <img src="http://oasis.bindubai.com/emoticons/smile.gif" border=0>

حلم الطفوله .. تسلمين الغاليه ع الرد ...  مسموحه بالحل .. افا عليج والله .. الموضوع موضوعج .. خذي راحتج .. <img src="http://oasis.bindubai.com/emoticons/smile.gif" border=0>

المزيوونه

23-10-03 ||, 05:50 PM

تسلم غزاالتناا على ها الموضوع الحلو..

صدق اصبتي وتر حساس شرى مايقولون..

الشي الحلو فيني اني انعرف يوم اجذب وما اكمل الجذبه.. لاني اتم اضحك.. نعمه من ربي يمكن مايباني اجذب..

توه ها مستوي موقف ليه..

كنت موقفه عند باب حجرة امايه وهيه داخل والحجره ظلمه يعني ماتشوفني زين .. وانا واختيه وايد نشابه
انزين.. امايه اول شي زقرتني باسمي وعقب زقرت باسم اختيه اونه انتي منوه (عشان تأمرني بشي وانا اكبر هيازه..)
تميت ساكته.. امايه تضحك وتتحراني اختيه وتقولي تعالي خذي اختج وانا اهز الراس بالايجاب (اوني بسير ازقر اختيه عسب انها هيه تاخذها..)
وجان اضحك وشكتني امايه>> اونه محد يسوي ها الحركات غيرج <img src="http://oasis.bindubai.com/emoticons/tounge.gif" border=0>

حليلي..

بس يقولون الجذبه البيضا ..ابا اعرف شو معناتها هاي؟؟! اونه فيها خير يعني؟
شو ها الخرافات ترا معروف الجذب حرام وبعد الناس تبرر ليش تجذب.. <img src="http://oasis.bindubai.com/emoticons/glare.gif" border=0>

الله يهدي الجميع..

ومشكوره مره ثانيه حبيبتي<img src="http://oasis.bindubai.com/emoticons/blush.gif" border=0>

الغزاله العيناويه

24-10-03 ||, 02:16 AM

مرحبا والله ..

مزيونتيه .. هلا وغلا ويا مرحبا .. فديتج والله ... تسلمين حبوبه ع الرد الحلو .. ههههههه ويا خشمج .. سلمي على امج <img src="http://oasis.bindubai.com/emoticons/notify.gif" border=0> سو متش سانكيوو ..

العيناويه

24-10-03 ||, 02:31 AM

فديت غزالو والله اول ما شقح نطح <img border=0 src=http://oasis.bindubai.com/emoticons/tounge.gif> وخ وخ وخ وخ وخ وخ وخ

لا جست سوالف الغاليه

يالله السموووووووحه حبيبت القلب

عيناوي 15

24-10-03 ||, 02:37 AM

احم احم ..

الله الله شو هذا الموضوع غزالوه <img src="http://oasis.bindubai.com/emoticons/tounge.gif" border=0>

من وين ناقلته ماشاء الله ؟ <img src="http://oasis.bindubai.com/emoticons/tounge.gif" border=0>

ع العموم مشكوره يالبطه <img src="http://oasis.bindubai.com/emoticons/tounge.gif" border=0><img src="http://oasis.bindubai.com/emoticons/tounge.gif" border=0>

الغزاله العيناويه

24-10-03 ||, 02:48 AM

مرحبا مليار ..

بنت العم .. يا مرحبا مليون في ذمتيه ذمه ولا يسدن وان سدن لا باس .. <img src="http://oasis.bindubai.com/emoticons/blush.gif" border=0> نورتي الموضوع حبوبه .. صراحتن تن تن اخجلتي تواظعيه .. <img src="http://oasis.bindubai.com/emoticons/notify.gif" border=0> اعجبج انا <img src="http://oasis.bindubai.com/emoticons/cool.gif" border=0> تسلمين الغاليه ع مرورج الكريم ..

عيناوي 15 ..  احم احم .. طال عمرك ها من مخ ومخيخ غزالوه هب ناقلتنه يا دب .. <img src="http://oasis.bindubai.com/emoticons/tounge.gif" border=0> وتسلملي ع مرورك الكريم .. يا ارنوب .. <img src="http://oasis.bindubai.com/emoticons/notify.gif" border=0>

عيناوي 15

24-10-03 ||, 02:51 AM

العفـــــو ..

علينا غزالوه  <img src="http://oasis.bindubai.com/emoticons/tounge.gif" border=0>

قلوب دبي

27-10-03 ||, 04:33 AM

<IMG src="http://oasis.bindubai.com/emoticons/smile.gif" border=0>السلام عليكم <IMG src="http://oasis.bindubai.com/emoticons/smile.gif" border=0>

شحالج ختيه عساج الا بخير ..
الصراحه اللي يقول انه ما يجذب بها الزمن ما اصدقه لانه الصدق انعدم لدى الاغلبيه و حال الدنيا اتغير وايد عن الايام
 اللي كانوا عليها الصحابه و ايام الرسول صلى الله عليه و سلم .. الجذب عاده شينه و هب زينه و انا ما ابرى عمري
 و اقول اني صادق لا و الله احيانا المواقف اتخليني اضطر و اجذب و لكن بقدر المستطاع اني اكون صادق و اكون
 صادق بمعني الكلمه مع نفسي مب اجذب و اصدق الجذبه .. فالانسان لازم عليه ايغير هاي العاده شوي شوي
 و ان شاء الله بيتغلب عليها لانه بارادته و اصراره و عزيمته يقدر ان يتحلى باحلى الصفات ..
وبان الله انكون كلنا نتحلى باحلى الصفات والاخلاق النبيله..

تسلمين الغزاله على الفضفضه الطيبه و الى الامام ديما و ربي يوفقج ان شاء الله <IMG src="http://oasis.bindubai.com/emoticons/wink.gif" border=0>

قلووووووووووب دبي<IMG src="http://oasis.bindubai.com/emoticons/inlove.gif" border=0>