:: رؤية الموت :: [الأرشيف] - -:: واحات بن دبي ::-

مشاهدة النسخة كاملة : :: رؤية الموت ::

غرشوب

08-02-05 ||, 10:59 AM

الاحد 6-2-2005 يوم لا ينسى
الساعة تقريبا ً 12 الظهر . .

كنا 2 في السيارة
لا ادري لما فعلت ما فعلته في ذلك اليوم . .
كنت على طريق العودة للبيت كل شيء طبيعي
امامنا منعطف شديد الانحناء . . امشي بسرعة 80 شيء طبيعي ان اخفض السرعة لشدة انحناء المنعطف الكامن امامي
لكن مزاج يدعو للمغامرة الخطرة و التحدي حيث ان صاحبي كان يقول لي بصيغة التحدي اني لن اقدر دخول المنعطف بسرعة 100 . . بدلا ً ان تنخفض السرعة الى اقل من 80 زادت الى 100 ثم 120 . . اخر مرة رأيت العداد كان يشير الى 160 كم في الساعة !
الموت امامنا لا مفر منه . . يقترب بتسارع كبير نحونا
المكابح لا تفي بالغرض فالسيارة تنزلق نحو الحاجز
حاولت تفادي الحاجز . . تفادي ما قد ينتج لا سمح الله . . ان شئت لديك قاموس مليء بكل ما له صله بالحوادث الخطرة اختر اي مسمى لـ ما سيحصل !
بالابيض و الاسود لا وجود للألوان في تلك اللحظة . . لحظة النهاية
لكن بقدرة القادر لم يحدث شيء !
لا اصابات لا خدوش لا كدمات . . فقط اضرار بسيطة في اطراف السيارة الحمدالله من جراء الارتطام بالرصيف الذي تواجد امام الحاجز حيث دفعنا الى الناحية الاخرى لكن ايضا ً في الرصيف الاخر ارتطمنا !
عداد السرعة يشير الى 0
لحظة صمت و انا انظر له و هو ينظر الي بكل تعجب و صدمة
فجأة انفجر و قال : انته مينون مينون تبا تذبحنا ! . . تقدر تسوي الي تباه مب لازم تراويني . .
بقينا 2 في السيارة

::

تحفه

08-02-05 ||, 11:53 AM

اعتقد انك رديت البيت اتسلم على كل حد و شكرت الله <IMG src="http://oasis.bindubai.com/emoticons/wink.gif" border=0><?xml:namespace prefix = o ns = "urn:schemas-microsoft-com:office:office" /><o:p></o:p>

انا اسوق فاعرف شعور الحماس الي يستوي يوم الواحد يسوق .. ما تنلام يعني <IMG src="http://oasis.bindubai.com/emoticons/shutup.gif" border=0><o:p></o:p>
<o:p> </o:p>
حمدلله على السلامه <IMG src="http://oasis.bindubai.com/emoticons/smile.gif" border=0><o:p></o:p>

المحاق المشتعل

08-02-05 ||, 12:01 PM

الحمدلله على السلامة أخويه

ماتشوف شر إن شالله

صارلي نفس الموقف قبل بس يمكن يكون أصعب

مريت من منعطف

وتمت تدور السيارة

مريت على ثلاث سيدات ورصيف فيه حفرة وعمود داخله كنت بدعمه بس الله سلم

وأكمل مشواري على ثلاث  سيدات أخرى ورصيف فيه حفره وبعد عمود

عاده آخر عمود كنت ساير صوبه.... وكنت روحي يومها في 1999

صدق آخر عمود كان جدامي خلاص

لكن سبحان الله الله سلم

بس من زود ما كانت تدور السيارة  كنت لاصق في السيت

ما أشوف إلا ظلمة الليل والرمل إلي ترس الجامة الجدامية

لين ما وصلت جريب محطة إيبكو على الشارع الثاني صوب البيوت

<IMG src="http://oasis.bindubai.com/emoticons/wacko.gif" border=0>

هاك اليوم ما انساه

كل هذا

وماستوى شي في بدي السيارة

لكن

التواير والرنجات

أستون صحون هريس<IMG src="http://oasis.bindubai.com/emoticons/fa52.gif" border=0>

.....

أخويه الكريم الحمدلله على السلامة

يمكن هاي تذكرة من الله سبحانه عشان تخافه أكثر وتؤمن فيه أكثر

الله يحفظك إن شالله دوم

وما من شر إن شالله

<IMG src="http://oasis.bindubai.com/emoticons/fa42.gif" border=0>

غرشوب

09-02-05 ||, 07:54 AM

ام خدود

الله يسلمج اختي
لكن هالمرة ما كان حماس وبس . . خبال مب طبيعي !
مادري شقايل ما ستوى فينا شي . . ما بنسى هاليوم طول عمري
ربي يحفظج

::

خنفروش

09-02-05 ||, 07:58 AM

بن غريشيب امممممممم كنتوا 2  و بقيتوا اثنين ... الحمدلله عالسلامه ... رؤية الموت صعبه ذكرتني بأشياء صعب تنذكر و الحمدلله على كل حال

قلوب دبي

09-02-05 ||, 08:41 AM

مساك الله بالخير

غرشوب
رؤيه الموت
عرفت تختار عنوان لفضفضه مضمونها وايد كبير
الحمد الله على سلامتكم والله لا ايراويكم مكروه
ويحفظكم ان شا ءالله واتحمل المرات اليايه

قلوب دبي

غرشوب

10-02-05 ||, 01:11 AM

المحاق المشتعل

الله يسلمك من الشر
المشهد لا يزال يتكرر في مخيلتي . . كأنه حدث للتو
حتى انته شكله الموقف الي حصلك تذكره عدل . . الحمدلله الله سلم
حظورك اسعدني محاقنا
ربي يحفظك

::

غرشوب

10-02-05 ||, 01:16 AM

خنفروش

الله يسلمك من كل شر
فعلا ً رؤية صعبة تخليك تفكر في اشياء كثيرة . .
 تسلم على التواجد
ربي يحفظك

::

عنود الريف

10-02-05 ||, 04:34 AM

الحمدلله على سلامتك اخويه ..
تعرفون مخاطر السرعه .. و عادي عندكم ..
الحمدلله ان الله سلمكم هذاك اليوم ..
رؤيه الموت صعبه اخويه .. ولا حد وده يشوفه مع انه مكتوب على كل انسان ..
وسبحان الله يمكن هذاك اليوم ما كان اجلك ..
اللهم احسن خواتيمنا ..
والسمووحه

ريم العذارى

10-02-05 ||, 11:29 AM

موقف صعب !!

بس المهمـ انها عدت ع خيـر

والحمد الله ع سلامتكمـ

:

العجيبة

10-02-05 ||, 11:39 PM

الحمدلله ع السلامه

حلو إنك تعتبر من موقف صار لك ..

والأحلى انك كتبته عشان الكل يعتبر ..

انتبه أخوي .. وخل عنك الخبال والتحدي

والله يحفظك ..

ا ل ز ع ي م

11-02-05 ||, 07:05 AM

00 بسم الله نبدأ 00



ها أنا أقرأ ما تم البوح  في فضفضتك ، فـجميل بأن لا ننسى بأمور أن في هذه اللحظه يمر الموت في حينه والأجمل يا عزيزي أن الإنسان حين يموت يتمنى بأن يكون بـ حسن الختام غير عن أن يموت بسبب حادث أليم أو ما إلى ذلك من سوء الختام وليتك تعلم بأن هناك أمور كثيره ومؤلمه يحسها الأنسان لحظة سحب الروح عن أجسادنا ناهيك روؤية شكل ملك الموت ومن ثم القبر المظلم حقيقه هذه أمور يجب أن نذكرها دوماً حتى نمنع أنفسنا من زيادة المعاصي

ولأني أعقب عندك فلأني سأعترف
،

ألي صارلك صارلي ولكن هناك أختلاف!
في وقت الشطانه والمراهقه والخقه ووقت أنا وأنا وأنا
صارلي حديث قبل الحادث بيومين مع أحد الأصدقاء وكان حديثنا عن مقارنه بين سيارتي وسيارته وأذكر إذا ما خانتني الذاكره عمري كان 19 سنه فهو كان يملك سياره من نوع الياباني وأنا أملك سياره من نوع الألماني والأختلاف بيننا هو أني أصريت على أن السياره الألمانيه وبديهأ (جسم السياره) قوي ومتين عن السياره اليابانيه وكنت أنتقد السيايير اليابانيه وخاصه الصالون بأنها كالكرتون على أقل حادث بسيط يبينلك شكل السياره بأنه حادث كبير وأن الياباني سياره لا أمان لها وخاصه على الطريج الطويل (الخطوط) وبعد ما فات اليومين كنت ذاهب بسرعة الألفين تقريباً وعلى خط بوظبي دبي ولأني كنت مسرع لسبب أني مستعيل وااايد ولأني متأخر على الموعد ومعاي في السياره أربعة أشخاص من الربع وأنا الخامس (السايق) وكنّأ في الخط أنسولف ونضحك وأهربذ وايد مع أني كنت أحاتي الوصول حتى أني يلست أشغل نفسي عن المحاتاه بشيء ثاني ويالس أسابق الريح ويالس أساير الشيطان بأن لازم أعرف كم القيج بيوصل وفجأه التاير الوراني الأيسر ينطر ما حسيت إلا وكأن حد رابطني من وراء السياره ويالس يحركني يمين يسار المهم في هذه اللحظه فكرت أن إذا بضرب أبريك يمكن أنجلب فخليت الموتر يخف على راحته وكنت ماسك سكان السياره بأقوى ما عندي وحاله غريبه يالسين في ملاهي أو قطار الموت وفي نفس الوقت أنحس بخوف شديد المهم ألي أسمعه يالس يتشهد ويعلن أسلامه وكأن الموت ذكره بأنه عاصي وفرصه يتوب وألي كأنه هب موجود معانا وألي قابض سيت السياره والمهم بالأخير وقفنا ونزلنا وأنا نازل أحس بدوخه فضيعه وفي نفس الوقت يالس اضحك ليش ما أدري حتى الربع مستغربين مني وأشوفلك الشرطي ياي صوبنا يطالع ويكشف عن ألي صار وأنا والحمد لله ومع ربعي ما صار لنا شيء وهذا بفضل ربي الحافظ حتى أشوفلك الشرطي يسألني عن ضربة سور الشارع يعني يبون حق عام وقلت للشرطي بأني ما دعمت السور ففاجأني بالضربه الحادثه أمام السياره (البمبر) أستغربت ويلست أحاول أفكر كيف دعمت لأني ما أذكر الدعمه وكل ألي شاهدوا الحادث قالوا بأن ألي في السياره ماتوا وأٍستغربوا يوم عرفوا أن ماشيء أصابات

 ،
،
هذا اليوم الحادث لن أنساه ما حييت فهو درس وعبره مع ذلك مضت لهذه السنه سنوات كثيره ولكن سبحان الله فلكل شيء سبب والحمد لله على سلامتنا وحقيقه تعلمت الكثير من هذا الحادث ومنها وللآن أذكر الموت لدرجه أني أطالع عن كتب تكتب بخصوص الروح والموت
،
ا ل ز ع ي م

مخاوية الامل

11-02-05 ||, 09:07 AM

السلاام عليكم ورحمـة الله وبركـاته ..
أخوي غرشوب ..

الحمدلله ع سلامتــكمــ .. والحمدلله يوم ماشي إصابـات ..
لا تتهورون وتســرعون.. السرعة هب زيـنة شو ماكان عندك لاتسـرع ..!

فمان الله ..
مخاوية الامل

الملهم

11-02-05 ||, 10:01 AM

السلام عليكم

الحمد لله على السلامة ..
هذه هي مخاطر السواقة .. كل واحد يتحدى الثاني
المهم انها عدت على خير .. فحمدا لله على سلامتك
ما عندنا غرشوب غيرك <IMG src="http://oasis.bindubai.com/emoticons/cool.gif" border=0>

شوق القلوب

11-02-05 ||, 10:21 AM

الســـــلام عليـــــــــكم..

..

غـــرشـــوب

المحـــاق المشتــعل

ا ل ز ع ي م

..

الحمــــد الله علــى سلامتكم جميـــعاً

..

وصفكم.. عيشنا الموقف..

وخــاصه انه صارلي حادث... بس الحمد الله يت على خيـــر..

..

اما لقــــاء الموت... فما عشته من هالحــادث..برغم خطورته..

المـــوت حسيــــت به

بالحمــــى..!

..

كان شعــور غريــــب..

لحظات مستحيـــل انساها...

وصعب اني اوصفهـــا...

..

بس شي كان يتكرر في اذني..

وبصـــوت ما اقدر امنعه..

كـانت

الاغـــــانـــــــي

اتزن.. اتزن..

في لحظه .. كنت شبه مغادره هالدنيا

حسيت ساعتها... بمدى قذاره هالالحـــان...

بمدى سيطـــرتها... في لحظات ... ما ينفعنا فيها غير ذكر ربك العالميـــــن..

..

ومن بين ... صحوه... وغيااااب في عالم اجهله...

سمعت حســـرات امي.. مختنقه بدموعها..

(( بنــــتي بغت اضيـــع من ايديني... بنت كانت بتروووح منــــي ))

...

ااااااه..

..

و الحمــــد الله ...

بفضـــل ربــــــي

ثم انســــــان غالي علي..

علمنـــــي..

نـــورنّي..

وعطاني من صدقه... و قوة عزيمته

وتركت اقذر كلام... وعودت سمـــعي على أجمل التراتيــــل..

و أعذبها...

فذكر الرحمــــــن... لا يساويه اي هذيان


وان لم تعود نفسك من هذه اللحظه... فقد تخذلك امام ملك الموت...

......

الحمـــد الله.. نعمة..

انه ارواحنا لم تقبض الى الآن...

..

هي فرصـــه.. منحنها اياها رب العبــــاد...

ولكـــن... اين المـــتـــعـــظ..!؟؟؟

..

المعذره.. غرشوب.

ألم ترى

11-02-05 ||, 11:58 AM

بسم الله الرحمن الرحيم

::

::

غــــرشوب

تستاهل السلامه يالغالي وحاسب مره ثانيه

الله يسلمك ويبعد عنك كل مكروه

::

::

ربي يحفظك

غرشوب

13-02-05 ||, 10:17 AM

قلوب دبي

الله يسلمك . .
اهنه انا اخترت العنوان لكن عند رؤية الموت لم يكن بيدي الاختيار !
ربي يحفظك

::

غرشوب

13-02-05 ||, 10:28 AM

عنود الريف

الله يسلمج اختي . .
صح نعرف مخاطر السرعة لكن موقف حصل و تعلمنا منه
ربي يعطيج الصحة والعافية

::

غرشوب

13-02-05 ||, 10:31 AM

ريم العذارى

الله يسلمج اختي
نعم مشهد وموقف صعب . .
ربي يحفظج

::

غرشوب

13-02-05 ||, 10:34 AM

العجيبة

الله يسلمج من كل شر . .
اتمنى انه الكل يعتبر من هالموقف وما يحصل لأحد
ربي يحفظج

::

غرشوب

13-02-05 ||, 10:40 AM

ا ل ز ع ي م

مع مرور السنوات على الحادث الذي حصلك لا تزال تذكره و الحمدلله الله سلمكم . . و اظن اني سأكون مثلك فلن يغيب مشهد و ذكرى رؤية الموت عن غرشوب . .
نعم اصبت فلكل شي سبب
تسلم على التواجد
ربي يحفظك

::

غرشوب

13-02-05 ||, 10:42 AM

مخاوية الامل

وعليكم السلام ورحمة الله وبركاته
الله يسلمج من كل شر اختي . .
الحمدلله عدت على خير
ربي يحفظج

::

غرشوب

13-02-05 ||, 10:45 AM

الملهم

وعليكم السلام والرحمة
الله يسلمك من كل شر . .
كنتوا بتفتكون من غرشوب <IMG src="http://oasis.bindubai.com/emoticons/fa56.gif" border=0>
ع العموم تسلم على التواجد
ربي يحفظك

::

غرشوب

13-02-05 ||, 10:48 AM

شوق القلوب

الله يسلمج اختي . .
تعرفين انه وقت ما صار الموقف كنا حاطين اغاني ! . . وايد اشياء دارت في بالي خلال ثواني الموقف
انكتب لي عمر يديد بعد الي صار لي
شاكر لج حظورج
ربي يحفظج

::

غرشوب

13-02-05 ||, 10:54 AM

محب الشيخين

ويسلمك ويبعد عنك كل شر شيخي . .
تسلم على التواجد
ربي يحفظك

::

غرشوب

07-02-06 ||, 02:41 PM

مرت سنة على ذكرى زعبيل

حبوبه دبي

07-02-06 ||, 03:40 PM

الحمدلله ع كــل حـــال ،،

بعدك ويـاحالات الخبــال ولا !! :fa44:

شوق القلوب

07-02-06 ||, 04:03 PM

.
.

الحمــد الله ..

ذكـــرى.. ما تنســى !

.
.

لمّــاح

07-02-06 ||, 04:11 PM

الســـلام علــيكم ..

من وين طلع هالموضوع، أول مره اشوفه !! :fa46:

غــرشـوب، الله يهديك بس ..

اشلك انته في هالسوالف، خلك بعيد يا إبــني، كم بعلمك و كم بربي فيك، تعبتني ياخي ! :fa56:

أذكــر الســـالفه، كنت انته و بــو حسن ..

هالبنــي آدم انا عــانيت وايد منه ولين الحين أعـــاني :look: ، مرتين بغا يدعمني بالسيارة، مره و انا يالس و مره و انا واقف عند الشارع (( اكيد اتعرف شو استوا، كنت ويانا )) :fa46:
سبحان الله، حزة الحزة استوي رشــيق اناقز و اركض بسرعة :fa46:

هالبني آدم خــطر عالمجتمع، لكن والله انه حبوب .. :fa52:
الله يهديه و يهدينا جميــع .

موضوعك هذا، نزلته بتاريخ 2-5-2005 ..

و فــي تـــاريخ 25-5-2005، عقبك ب23 يوم، انا الي شفــت الموت ..

http://upload.bindubai.com/download/lammma7/lamma7.jpg

أذكــر اني قبل ما انجلب بشويه، كنت اتمصخر ويا الي ويايه، ازيغه و اقول له بجلب الموتر الحين شوف شو بسوي، و جان يستوي الشي صدق و انجلبنا بس الحمدلله ماستوابنا شــي ..

اكــيد تذكر الســالفه و تذكر الاشيا الي استوت ..

---

التهور، صح انه نتايجه مب مرضية مثل ماتشوف هالحوادث و غيره الكثير، لكن هناك شي صعب ترده مثل ماكان، ثقة الأهل ..!

صعب ترد ثقة الاهل فيك او فيه او في اي انسان معروف انه متهور و عنده سوابق و هالشي بيتم و بيأثر عليك وايد خصوصا اذا حد فكر انه يعرس، تخيل بنت النــاس ويايه و اتهور و اسوي حادث و تموت أو حد من عيالي يموت في الحــادث ..

الهيثــم

07-02-06 ||, 04:39 PM

رؤيــــة المــــوت

فعـــلا شي مـــرعب

في يوم من الأيام اتهـورت بهالطريـقة وكانت سرعتي جنوونية بعض الشي
وخاني البريك .. وشفت الموت بعييينه

شفت الشبة يداامي ... وعمود ( الـ قف ) بجنبه ...

وسبحاان الله .. سبحان من نجى موسى من الغرق
دخلت بين الشبة واشارة الـ قف ولا جنــه صــار شي ...

والحمدلله على سلامتك يا خوي ..

الشوق

07-02-06 ||, 05:13 PM

غرشوب
الزعيم
المحاق المشتعل
لمـــــــاح
شوق القلوب
خطـــــــــاب
.
.
.
الحمدلله على سلامتكم ..
الله نجاكم وعطاكم فرصه يديده علشان اتكملون مشوار حياتكم
نجاكم وعطاكم عمر يديد .. علشان اتراجعون اموركم اللي سويتوها في السابق
هنا اختبار من رب العالمين ..
والله يحب عباده عسب جي يختبره
شو راح يكون موقف هالانسان بعد ما راح ينجيه
.
.
.
شفت الموت جدامي ..
مرتين ...
لكن هذي المره مااروم انساها
كنت متجهه للعمل .. وكنت امشغله القرآن ...
يعني الصبح نازله من الجسر ما كنت مسرعه .. .لكن الله يهدي
الريال اللي كان راكب الجسر كان مسرع وسواقته غريبه وعجيبه
حسيته يتجاوز من بين السيايير بطريقه عجيبه
شفته من المنظره الاماميه ..
لاحظت اقترابه مني ..
(( وقلت في نفسي لا محاله )) فانا المقصوده هنا ..
حسيت انه ياي صوبي
وذيج اللحظه لا مفر ..
ما رمت... لا اني اخذ يميني ولا يساري فالشارع كان زحمه
ويمكن هالشي اللي نجاني ذيج اللحظه ان السيايير ما كنت مسرعه ..
فجأه دعمتني السياره...
ومااشوووف نفسي الا السياره اتلف بيه جسيت بريك بطريقه
( وصرت عكس السيايير ). يلست اتشهد على عمري ..
فتحت عيوني وانا اشووف عمري عكس باقي السيايير
قمت من صدمتي هذي واشوف السيايير الثانيه في ويهي ..
ويلست احمد ربي انهم ما كانوا مسررعين والا كنت في خبر كان
طبعا الدعمه كانت قويه ..يت في الحديده والحمدلله ما يت فيا ..
مجرد رضوض بسيطه ..
لكن سبحان الله ظل الراديو شغال وهو مفتوح على اذاعة القرآن
(( هاليوم مااروم انساه ))
قد تكون انت في حال سبيلك لكن هناك اشخاص غيرك متهورين ..
عزيزي القارىء ..
قد تكون انت من المتهورين لكن تذكر ان هناك من يخاف عليك
ومن ينتظرك .. ومن يابه لك
ان كنت لا تريد نفسك ..
فلا تجعل الشارع ملكا لك ..
لان هناك اخرين من يستخدمونه
فلا ترمي نفسكاو ترمي الاخرين
في التهلكه .. بسبب تهورك
(( الحمدلله على كل حال))
.
.
.
غرشوووب شاكره لك على هذه الوقفه
قد تكون لي عوده لكتابة الحادث الثاني

وتسلم
اختك/ الشوق

وعد

07-02-06 ||, 11:03 PM

اخوي غرشوب
العمر مو لعبة :shocked:
لو مت بسبب الشهاده او لا هدف نبيل راح نتقبل فكرة موتك
> بتروح لمكان احس الا وهو الجنه:fa34:
لكن انك تجازف بحياتك عشان تحدي ........ما يسوي:fa55:

الحمدالله علي سلامتك خيو:fa42:

الزعيم
المحاق المشتعل
لمـــــــاح
شوق القلوب
خطـــــــــاب
شوق
في المال ولا في الحال
حمدالله علي سلامتكم
الصراحه بعد ما شفت سيارتك المنجلبه اخوي لماح راح اخفف السرعه
انا كان عندي الليسن من عمري 17 سنه
كنت اسوق بسرعه طبيعيه وبطيئه لاني كنت اخاف
وللاسف سياقتي اتغيرت مع اني الحين موظفه
صار في غرور وثقه زايدة واني اقدر اتحكم بالسياره مهما زادت السرعه
ان شاء الله اخفف السرعه باذن الله

الـيـاه

08-02-06 ||, 12:12 AM

سلام

حمدالله يت على جي وبس ( الله سلمكم ) وتحملوا مره ثانيـه :sad:

تونـي اشوف هالموضوع , حطيته ايام ما كنت غايبه عن الواحات
وقت الحادث اللي سويناه ونحن رادين من المزرعـه !!

ابويه الله يهديه :Oo: مايتوب ودومه مسرع
بس الحمدالله يت ع خير وما صار ابنا شي ألا كسور ورضوض
بس امي حليلها اللي تعورت اكثر وابويه رقبته , وانا ويا هالريل ام حديده :shutup:

فديت الاعضاء اللي سألوا عني ايامها

وها الموتر اللي سوينا فيه الحادث ( تكنسل طبعا ً )
http://planets.uaeplanet.net/upload/1138982691.jpg

بسم الله شو بلانا
والله قمت اخاف هالايام من السيايير ماخلت حد ماشلته , لا إله إلا الله

الله يحفظكم ويحظنا :fa41:

.
.
.

صريح

13-02-06 ||, 07:08 PM

غرشوب ...

الله سلمكم هاي المره

عاد حد يسمع كلام السماميج ... لوول :fa54:

تحمل ع عمرك و عن الحماس الزايد :fa38: ..

و السمـــوحه

بلوة حلوة

14-02-06 ||, 05:49 PM

تسـرع ، تتهــور ، وفجـأة تشـوف *فـج الموت* جـدامك ..
ومالك خيار الا تدخلــه ..
وما بتسلــم إلا بـ قدرة قادر !!
\\
\\
يا ترى منو فـ بالك
شريط يمــر ..
امـك وهي فرحانة وتشوفك تكبر جدامها
وشوقهـا يزيد كل يوم عسب تشوف عيالك
أبـوك اللي الدنيا ماشالته من الفرحة يوم قالوله
* مبـروك ياك ولد *
خـواتك اللي يفتخــرون بـ *اخوهم*
اخوانك الي دوم يـحاتونك
ربعـك اللي تعـودوا القعده وياك
أو ربعك اللي زعلتهم وبتـروح وانت ماراضيتهم
منـو ولا منــووو !!
\\
\\
وفجـأة ينكتب لك عمر يديد
عسب يتصلــح كل شي تذكرته حزة ما شفت *الموووت*
\\
\\
الحمدلله اللي سلمك من الي كان بيصيــر ..
وشفت الحياة مرة ثانيه ..

+!!+!!+!!+

الحـادث اللي صارلي الشهر اللي طــاف
وايدين رغم الضرر اللي ياني قالولي
احمدي الله انج طلعتي منه حيّــه ..!
لان اللي يشوف السياره مايعرفهـا إلا من رقمهـا !!
طلع لنا راعي السياره الثانيه بـ الويه .. وعقب دعمنا
العمـود ويمكن بعد انجلبنـا !! .. ماكنا مسرعين
بس راعي السياره الثانيه قالوا انه مسـرع !!
يعني يمشي عكس السير و فـ نص الشارع وبعـد مسرع !!
كنت فاقده الوعي حـزة الحادث .. ماذكر الا شكل سيارتهم
وهي يايه صوبنــاا .. وقبل الحادث بـ خمس دقايق بس
كنـا مشغلين الأغــااني !! .. ها أول شي تذكرته يوم وعيت !!
وحمدت الله ألف مرة انه سلمني ..
والحين ع قولة الياه * انا ويا هالريل ام حديده *:tounge:
الحمدلله ع كل حـال .. والله يحـفظ الجميع من هالحوادث وشرهـا ..

.
.
.