تحب الصراحة وألا ماتحبها ...!؟ [الأرشيف]

مشاهدة النسخة كاملة : تحب الصراحة وألا ماتحبها ...!؟

الـيـاه

15-10-03 ||, 06:43 PM

... مرحـــبـــا ...

شحالكم حبايبي أعضاء الواحات .. ان شاء الله بخير وسهاله .. (( موضوعنا اليوم وبشكل عام عن الصراحة )) <IMG src="http://oasis.bindubai.com/emoticons/wink.gif" border=0>

.. شي ناس تحن وتزن على راسك لين تقولهم الصراحة .. ويلسون يقولولك .. ( والله تقول الصدق ) .. ( قول مابزعل ) .. ويوم تقولهم رايك يزعلون .. تراكم انتوا بغيتوا الصراحه .. وهذي هي <IMG src="http://oasis.bindubai.com/emoticons/rock.gif" border=0>
وشي ناس ما تبين لك أنها تضايجت من رايك .. بس يكونون متضايجين من الداخل .. ( كل واحد و رايه وانتوا تراكم تبون راينا .. شعنه تضايجون ) <IMG src="http://oasis.bindubai.com/emoticons/glare.gif" border=0> ...؟!

يمكن هالسالفة خلت البعض يلجأ ساعات للجذب .. ومايقول رايه بصراحه.. أو يجامل الشخص اللي يكلمه عسب مايزعله ..

بس شي ناس صدق تخليك تنقهر من رايهم وصراحتهم .. يقولولك اياها بطريقة دفشه .. أو بطريقة إشمئزازية (( يعيبون عليك يعني <IMG src="http://oasis.bindubai.com/emoticons/glare.gif" border=0> )) .. والشخص اللي من هالنوع المفروض مايقول رايه بصراحه لأنه يغث غيره .. المفروض يقوله بطريقة حلوه عسب الناس ماياخذون بخاطرهم عليك ..

أنا من النوع اللي ما أحب وايد أصارح و أفضل سكوتي .. ما أقول أني مول ما أبدي رأي .. بس بعد ماعرف شو طبيعة هالإنسان اللي يالسه أكلمه .. يمكن ما يتقبل راي بصراحة <IMG src="http://oasis.bindubai.com/emoticons/Oo.gif" border=0> ويمكن عادي
بس إذا كانت ربيعتي أو حد من أهلي .. عادي أقول راي وأحس أنهم بيتقبلون الموضوع .. <IMG src="http://oasis.bindubai.com/emoticons/down.gif" border=0>

سؤالي الحينه .. تحب تبدي رايك بكل صراحة .. وألا تخاف تجرح الناس بصراحتك ..؟!

. والسموحه منكم ..

عفاريتووو

15-10-03 ||, 07:04 PM

هيه احب ابدي رايي بصراحة بس بعد يعتمد عل شخص لو بيتقبل و لا لا
و شي زين  ان نكون صريحين بس مثل ما قلتي في ناس ما عندهم اسلووووب يقولون لك  الصراحة و جنهم يعيبون عليك

أحلى منصوري

15-10-03 ||, 07:18 PM

السلااام عليكم
الصراحه صح انهاا اتزعلك مرااات
بس اتريحك واااايد
الصراحه اتعرفك اخطائك
بس مب اي واااحد بيتقبل منك راايك
وانت اصلاا ما بتبدي برايك ولا بتكوون صريح الا ويا اللي اتعزه واتحبه<img src="http://oasis.bindubai.com/emoticons/inlove.gif" border=0>
وما اتييب له رايك بكل دفاشه
تعاله اشويه اشويه
وبيتقبلها منك
وانا من النوع اللي يحب الصراحه
والسموحه
اخــــــــــــوكم
احلى منصوري

زمان الصمت

15-10-03 ||, 07:43 PM

هلااا ومليون بأختي: هــجـرس الـشـوق..

في البدايه أختي العزيزه الصراحه من متطلبات الصداقه الناجحه والخالصه لوجه الله

فإذا كانت صراحتي لزميلتي من مصلحتها فمن المؤكد سوف أصارحها حتى لو تطلب الامر الصرامه

فإذا تقبلت صراحتي هذا يعني بأنها فهمت مبتغاي وقدرت مدى حبي لها ،، أما إذا قابلت صراحتي

بالتضايق والنفور هنا مؤشر بأن هذه الصديقه لم تفهمني بعد ولم تدرك من أنا..

وأنا صريحه مع زميلاتي فقط ولا أحشر نفسي في ملا يعنيني مع شخص آخر إلا في ما يغضب الله.

أخــــــتج: زمــــان الـصمـــت

مــهــابه

15-10-03 ||, 07:53 PM

.. تحب تبدي رايك بكل صراحة .. وألا تخاف تجرح الناس بصراحتك ..؟!

بصراحة حسب الشخص اللي قاعده اكلمه ، لو ان الشخص يتقبل الصراحة بصدر رحب اكيد بصارحه ومثل مايقولون
الصراحة ،راحة لكــــن اذا كـان الشخص مايحب الصراحة وياخذ المواضيع بحساسية اكيد مابكذب عليه ، لكن
افضــل السكـــوت ، او اقوله بطريقه غير مباشرة بحيث اني مااجرحه

وجهة نظر

تحياتي
هموم الحب

العيناويه

15-10-03 ||, 08:08 PM

تسلمين الغاليه ع الموضوع الحلوووووو

وانا الصراحه من النوع الي حتى لو ما قلت الي في خاطريه يبين عليه من شكليه او من طريقة رمستيه
وبعدين احب اعطي الواحد في الويه لكن بعد هب كاش يعني بدفاشه لاااا باسلوب ما يجرح او يقلل من شأن الي جدامي .

افضل استخدام اسولب الصراحه في التعامل , لان يمكن بمصارحتي لهالشخص يغير من اسلوبه وطريقة تعامله ويا الناس اذا كانت هب شي , لكن اذا يلست ساكته يمكن يتمادى ويزيد ويتحسب الي يسويه اوكي <img src="http://oasis.bindubai.com/emoticons/wink.gif" border=0>

والسموووووووووووووحه من الكل <img src="http://oasis.bindubai.com/emoticons/smile.gif" border=0>

فركوشه

15-10-03 ||, 09:56 PM

انا بصراحه ابدي رايي حتى لو اللي جدامي ما تقبله <img src="http://oasis.bindubai.com/ubbc/smileys/0002.gif" align=absmiddle border=0>

والله كيفه هذا رايي اذا تقبلاه احسن <img src="http://oasis.bindubai.com/emoticons/wink.gif" border=0>
ولو ما خذاه هو حر<img src="http://oasis.bindubai.com/emoticons/rock.gif" border=0>
وسلامتكم<img src="http://oasis.bindubai.com/ubbc/smileys/0024.gif" align=absmiddle border=0>

بهجة الروح

15-10-03 ||, 11:20 PM

هجــرس الشــوق
<img alt="" hspace=0 src="http://www.al-wed.com/pic-vb/33.gif" align=baseline border=0>
تسلميــن عــزيـزتي على المــوضـوع الحلوووو والشيــق...
وســؤالج في محله..... تحب تبدي رايك بكل صراحة .. وألا تخاف تجرح الناس بصراحتك ..؟!
بجاوبج ابصــراحه...والصــراحه راحه ...أحب أبــدي رايي اذا كنت عارفه انه ما بيزعل..وأحب اني اكتفي بالصمــت أو لمجامله اذا حسيت ان رأيي بيزعل...
وبطريقــه أو بأخرى أحب ألمح لرأيي وأحاول أبين أستيــائي من هالتصـرف الي مش عاجبني...
وبس...
واذا حبيت أبــدي رأيي ولو كان يزعـل...أهدن السير بالأول ( مسكوباليس) وبعـدين أقول الصراحه الي تزعل...<img src="http://oasis.bindubai.com/emoticons/wink.gif" border=0>

الـيـاه

16-10-03 ||, 02:44 AM

عفاريتووو : هيه تصدقين ستويت ما أحب اسمع راي أي شخص .. بس اللي واثقه منهم واللي قريبين مني .. (( بتقولين ليش )) .. <img src="http://oasis.bindubai.com/emoticons/glare.gif" border=0>
في ناس يضايجوبي برايهم .. ويقولونه بطريقة ماتعيبني .. وعاد انا على أي زلة لسان باخذ فخاطري .. عسب جي ما أحب أسمع من أي حد .. المهم .. ثاانكس الغالية ع الرد<img src="http://oasis.bindubai.com/emoticons/smile.gif" border=0>

احلى منصوري : مثل ماقلت اخويه .. مب أي واحد بيتقبل منك رايك .. والأفضل أنك تسااحله بالرمسه .. يعني تكون (( سياسي <img src="http://oasis.bindubai.com/emoticons/biggrin.gif" border=0> )) .. عسب يفهم قصدك ومايزعل .. شكرا ً اخويه ع الرد

زمان الصمت : هلا وغلا .. كلامج صحيح اختي بس مب شرط يكون ويا ربيعتج .. ممكن يكون ويا أي حد ثاني .. فمابتكونين عارفه ردة فعل هالشخص برايج .. ومثل ماقلتي أحسن حل أن ماندخل بأمور غيرنا .. ألا إذا تدخلنا هذا بيفيدهم .. تسلمين الغالية ع المشاركة .. والله لا يحرمنا من ردج <img src="http://oasis.bindubai.com/emoticons/blush.gif" border=0>

هموم الحب : وهذا هو أفضل حل .. بدال ماينتفخون عليج ع كلمة قلتيها وانتي قاصدة تفيدينهم بها .. ميييغسي حياتي ع المشاركة <img src="http://oasis.bindubai.com/emoticons/wink.gif" border=0>

العيناوية : الله يسلمج الغالية .. اتمنى أكون جذه وايد صريحة بس بذوق وبهدوء .. لكن أخاف أني أجرح حد بكلمتي اللي بقولها <img src="http://oasis.bindubai.com/emoticons/down.gif" border=0>.. ماشاء الله عليج .. الله يدوم هالجرئة اللي عندج .. وثانكس ع الرد <img src="http://oasis.bindubai.com/emoticons/love.gif" border=0>

يحليلي ياهل : كووووول مب متعبه عمرج <img src="http://oasis.bindubai.com/emoticons/biggrin.gif" border=0> .. ثااانكس اختيه على هالصراحة

بهجة الروح : هلا والله وغلا .. هيه تصدقين انتي شراتي بالضبط <img src="http://oasis.bindubai.com/emoticons/blush.gif" border=0> .. بس للأسف أن أنا ما أدهن سيري وأقول الصراحة اللي تزعل .. وأحاول قد ما أقدر ألمح للي أبا اوصله .. مشكورة غناتي على هالتواصل اللي يسعدني .. والله لا يحرمنا من طلتج الحلوه <img src="http://oasis.bindubai.com/emoticons/inlove.gif" border=0>

خنفروش

17-10-03 ||, 12:17 AM

مرحبااااا بكم حبااااايبي شو هالموضووووووع الزقرتي هجرسوووووه - صحيح ان الفكره مكرره مليون مره وهاي الصراحه الا ان طريقه طرحها واااايد مختلفه وهاي بعد قمه الصرااحه - هيهيهيهيهيهي حركااااات - انزين بقولكم شي  هو سؤال شو الفايده من اننا نقول الصراحه ؟ و السؤال موجه لكل من شارك عشاااااااان ادش عليكم عرض في موضوع الصراحه راحه او وقاحه و السموحه منكم حباااااايببي

الـيـاه

17-10-03 ||, 01:12 AM

خنفروشووه : تبا الصراحه .. (( حرف الألف )) ستين مرة مكرر فمشاركتك لوووول <img src="http://oasis.bindubai.com/emoticons/biggrin.gif" border=0> .. لالا الفكره مب مكرره (( اسكت <img src="http://oasis.bindubai.com/emoticons/mad.gif" border=0> )) خخخ
وبخصوص فايدة الصراحه .. اممم عن نفسي أنا .. إذا قلت الصراحه أحس أني أول مره فحياتي أقول شي صدق ... <img src="http://oasis.bindubai.com/emoticons/biggrin.gif" border=0> خخخخ ..
وأخلي الشخص اللي يالسه اكلمه يغير هالشي اللي خذ راي عنه .. ويكون أحسن بدال ما حد ثاني يقوله .. <img src="http://oasis.bindubai.com/emoticons/cool.gif" border=0> .. وبس خلاص ..
ميييغسي خنفروشووه ع المشاركة .. <img src="http://oasis.bindubai.com/emoticons/blush.gif" border=0>

بن دبي

17-10-03 ||, 08:27 PM

السلام عليكم...
شحالكم...؟؟

انا رايي في الموضوع انه الصراحه يمكن تفيد و يمكن اتضر....تفييد اذا قلتها لشخص عزيز عليك و تشوف انه في شي يسويه غلط فهالحاله الصراحه
شي زين خصوصا اذا كانت بالطيب...يعني بخطه استراتيجيه...مب منه والدرب...
و ما تفيد اذا كنت توك متعرف على الريال/الحرمه في حالة البنات و ما خذنه بشراع و ميداف...

واما انا...فاطلب دايما من ربعي و الناس اللي حوالي انهم اذا شافوا علي شي غلط يخبروني عشان اكون دايما جه<img src="http://oasis.bindubai.com/ubbc/smileys/0176.gif" align=absmiddle border=0>

و عسب اطلع جدام الناس كاشخ<img src="http://oasis.bindubai.com/ubbc/smileys/0054.gif" align=absmiddle border=0> و ما يعيبني شي...

و سلمتوا...

عيون الليل

18-10-03 ||, 12:01 AM

نايس سابجكت <img src="http://oasis.bindubai.com/emoticons/biggrin.gif" border=0>

بالنسبــه لــــي... اقول الصراحه ع قص رقبتيه... وبعد احب انه الناس ايصارحوني مب اتم شرات الهبلا جدامهم...
اتعرفين اختيه؟! الصراحه اتفيد وايد ساعات.. الصراحه ممكن اتغير من طبع الانسـان يعني الشين يمكن يستوي زين بالصراحه
صح ساعات تجرح بس احسن من انه الواحد يتم شرا الاهبل !! <img src="http://oasis.bindubai.com/emoticons/glare.gif" border=0>

والصراحه يا اختيه انا ساعات ايكون عندي صعوبه ف اني اقول الصراحه وهذا ع حسب الشخص... بس لازم تنقال... لانه اساس الصراحه الصدق...والواحد يوم يقول ويصارح شخص بشي يرتاح... ولازم الصراحه ما تنقال بدفاشه عشان هالشخص يستفيد منهاا... لازم تنقال بطريقه تقنع الي جدامج ف الشي الي صارحتيه فيـــــه

والصــــــراحه راحـــــــــــه <img src="http://oasis.bindubai.com/emoticons/wink.gif" border=0>

ودمتم <img src="http://oasis.bindubai.com/emoticons/blush.gif" border=0>

اختكم... عيون الليل <img src="http://oasis.bindubai.com/emoticons/smile.gif" border="0" valign="absmiddle" alt=':)'>

نملة الحب

18-10-03 ||, 12:09 AM

انا احب الصراحه

جنون امرأة

18-10-03 ||, 02:53 AM

الصرااااااحة رااااااااااحة!!!!!!!!!!

بن دبي

19-10-03 ||, 01:27 AM

اولا مشكورة اختيييييييييييييييييييييي ييييييي
وانا عن نفسي وب(صراحــــــــــــــــــ� �ــــــــــــــــــــــة) احب الصراحه وانا انسانه صريحه جدا جدا جدا..
لكن الحمدلله (صراحتي محترمه)ما فيها دفاشه ولا جرح مشاعر..
والسموحه اختكم
جامعه القلوب<img src="http://oasis.bindubai.com/emoticons/love.gif" border=0>