لأي حد أكون خدوم ؟ [الأرشيف] - -:: واحات بن دبي ::-

مشاهدة النسخة كاملة : لأي حد أكون خدوم ؟

المزوحي

13-10-03 ||, 07:05 PM

لأي حد أكون خدوم .. ،

هل أكتفي بالعرض على شخص ما .. خدمتي .. كونه يخجل إنه يطلب ( لكن هو محتاج لي )
أم إذا طلب مني شخص ما .. مساعدتي وألبي له احتياجه .. وإلا هذا يعتبر استغلال لي أنا ( بسبب طيبتي )   <img src="http://oasis.bindubai.com/emoticons/oo.gif" border=0>

للتوضيح   <img src="http://oasis.bindubai.com/emoticons/glare.gif" border=0>

شفت صديقي محتاج يخلص أمر ما .. من أموره .. لكن ماطلب مني ( حسيت بهالشي ) بطريقة غير مباشرة .. كان بإمكاني اتجاهله ( ولكني اعرف هو شو يريد )
لكن أنا عرضت عليه الخدمه .. وقلت له خلاااص انته مشغول .. أنا بخلص لك هالشغلة .. ( متردد ) قال : لا
بس في نفسه يقوووول نعم .. ودي تخلص لي .. لكن أنا رديت عرضت عليه مرتين وثلاث .. ووافق وهو مستحي .. لكن مايقدر يقول شكرا
أنا ما أمن عليه .. لكن كلمه بسيطة وإذا نطقها تأثر في شعور الطرف الثاني ( اللي قضى حاجته )   <img src="http://oasis.bindubai.com/emoticons/blues.gif" border=0>

لكن لأي حد ممكن أنا أكون خدوم ..

يمكن مب كل الناس نحب نخدمهم حتى لو كنا نقدر .. يعني تسمع واحد يقوووول ابغي الشي الفلاني .. ( انت تقدر تاخذه له ) بس مب عاطنه أي اهتمام ..   <img src="http://oasis.bindubai.com/emoticons/rock.gif" border=0>
هل تحس بتأنيب الضمير لأنك مالبيت رغبته ( لأنك تقدر ) ؟؟  هممم كم بنسوي <img src="http://oasis.bindubai.com/emoticons/rock.gif" border=0> يعني انته بترضي اللي في الكون

بس نفس الشخص الأولاني .. أنا عرضت عليه ( لأنه مايقصر ويايه الصراحة ) وأنا ودي أرد له الجميل ..

لكن في ناس بمجرد مانفتح لهم المجال .. كل يوم والثاني بيطلبووون منك شي وساعتها تندم إنك عرضت عليهم أول مره ..
طيب أنا لأي حد ممكن أكون خدوم .. ولأي فئة ؟؟

أتمنى المشاركة من الجميع .. ،  <img src="http://oasis.bindubai.com/emoticons/smile.gif" border=0>

بهجة الروح

13-10-03 ||, 09:42 PM

المــزوحي
<img alt="" hspace=0 src="http://www.al-wed.com/pic-vb/33.gif" align=baseline border=0>
تسلم عالمــوضــوع الحلوووو....
وعســاك عالقــوووة دووووووم...وبالنسبـــه لســؤالك
أنا لأي حد ممكن أكون خدوم .. ولأي فئة ؟؟
ابصــراحه...مب كل النــاس نقــدر أنعـاملهم نفس المعــامله....المعامله تختلف من شخص للآخر....
يعني تقــدر تقــدم الخــدمه لصـديقك الدائم الي هو ويــاك فالحلوووه والمـره...هـذا اذا طلب منك شي...بتقـدمله اياه على صحـن من ذهـب...
لكــن الي ما تعـرفهم ولا تعــرف نواياهم تجاهك...تقـدر تتخاذل في خدمتهم...يمكـن يستغلونك بطريقه سلبيه....
هـــذا رأيي والسمــــوووحه

المزوحي

13-10-03 ||, 11:20 PM

أشكرج بهجة الروح على التفاعل والمشاركة .. ،
وصديقي خذلني <img src="http://oasis.bindubai.com/emoticons/down.gif" border=0> بس حاليا ويايه واحد ممكن يكون صديقي وأنا كني في اختبار هالأيام وياه .. وانا ما انكر وقفته ويايه يوم مرضت ( ومن هالمواقف الواحد يعرف الانسان )
لكن يوم بغى خدمه وكان متردد .. سألته .. آخرتها قال خلاااااص ..  أنا فعلا محتاج تخلص لي الشي الفلاني ..،

خنفروش

13-10-03 ||, 11:28 PM

مرحباااا المزوحي ما ادري شو تقصد بالمساعده اهنه هل هي المساعده العامه في كل شي او في الوظايف فهمني عشام اركز في ردي و السموحه منك غنااااااااتي

المزوحي

13-10-03 ||, 11:44 PM

خنفروووووش .. القصد أي نوع من الخدمة حتى لو كانت صغيره .. لأنها تأثر في العلاقات خاصة يوم توّك متعرف على هالشخص ..،
أما إذا انته من سنين تعرفه مافي داعي أقول العلاقة تكون ( أخوه )
أما بهالطريقة ماتعرف معدن الشخص .. ويمكن تخدمه ويخذلك ( صح ماننتظر مقابل ) لكن خوف من الندم .. ،

حتى لو كانت الخدمة تتمثل في طلب ( غسل سيارته في المحطه )  يعني أنا سيارتي ما احصل وقت أوديها .. لكن سيارته بوديها .. مب شرط عشان أثبت له أنا أقدر وأقدر .. ( هذا طبعا مثال بسيط )
وممكن الخدمه في انهاء معاملة ( وكنه المعامله هاذي تخصني وأراكض لها - وتاخذ مني جهد ووقت )

السمرة الجميلة

14-10-03 ||, 02:26 AM

السلام عليكم والرحمة والبركة

أخوي (( المزوحي ))

نادر ما أتشوف ناس خدومين في هالحياة  لكن أنت أثبت أن في ناس خدومين

شوف أنت تقدر تعرض خدمتك على الناس
بأسلوب أنه ما تتجاوز هذي الخدمة غير لمرة وحدة وبعدين مثلا تقدر أتقول لهم 

 و بعد و ال أحسن أنك ما تعرض الخدمات إلا للناس ألي تعرفهم و إلي تعرف أنهم ما بيأذونك وبيحشرون راسك

و على فكرة ترا هالزمان صار كله (( طلبااات و بــس))

المزوحي

14-10-03 ||, 05:12 PM

السمرة الجميلة .. هنيه المشكلة .. أنا اتكلم عن ناس ما اعرفهم عدل واعرض عليهم .. لأني بالتالي ماعرف هو بيكون من اي نوع ..
بتقولون هممممممم عيل من الاساس لاتعرض عليه الخدمه عشان ماتنصدم إنه يكووون من النوع اللحوح  ..،
على العموم أخبرج بشي ..،
أمس عرضت على واحد من الربع ( علاقتنا مب وااايد مع بعض ) خدمه وهو كان متردد وسكت ومارد عليــّه .. واليوم رديت أقوله يافلان ماتبغي هالشي .. تم ساكت
وعقب قال : مادري إنك بتسوي هالشي ( يعني يالمزوحي زين لو بتسويه )  يعني لو باجر كان يبغي هالشي بيقول من نفسه وإلا أنا ماظن أرد أقوله ثالث مره  <img src="http://oasis.bindubai.com/emoticons/rock.gif" border=0>

العيناويه

14-10-03 ||, 05:45 PM

تسلم اخويه المزوحي ع الموضوع الحلوووووو
الصراحه اقدر اقدم خدمه حق ناس لو حتى تربطني بهم علاقة صداقه مب لازم تكون علاقه قويه .. وبعد هب شرط يكونون قدمولي مساعده او جميل عسب ارده 
يمكن هالمساعده احتاجها في يوم ما يعلم به الا الله ... يعني يوم اتورط فيه وهاييج الساعه ما اعتقد ان حد بيخذلني وما بيوقف ويايه الا اذا كان هالشخص ناكر للجميل وعاد هاييج الساعه بيكون صدق هالانسان ما يستحق انك تعبره ولا تقدمله اي شي وحتى لو كان شي بسيط وما يرزى .
اما اذا كان بيدي اني اساعد حد وانا ما اعرفه  بساعده مره ومرتين وثلاث واذا زودها بسويله اكبر طاااااااف
لان الشي اذا زاد عن حده ينجلب ضده

والسمووووووووووووووحه اخويه <img src="http://oasis.bindubai.com/emoticons/smile.gif" border=0>

مــهــابه

14-10-03 ||, 05:45 PM

لأي حد ممكن أكون خدوم .. ولأي فئة ؟؟
بصراحة اخوي المزوحي كون خدوم لدرجة ان ماتخلي الناس يستغلونك ، يعني بحـــدود
ومب حق اي حــد للنـــاس اللي يستاهلون الخدمة، يعني ماتقدم معروف لشخص وفي الأخير ينكر
هاالمعروف ، يعني اخدم الشخص اللي انت تشوفه يستاهل انك تخدمه

تحياتي هموم الحب

المزوحي

14-10-03 ||, 07:22 PM

العيناويه .. شكرا على المشاركة ..   <img src="http://oasis.bindubai.com/emoticons/smile.gif" border=0>

هموم الحب .. اخدم الانسان ( بس روحي ماعرف شو نيتهم )
واخدم الشخص اللي اشوفه يستاهل .. وإذا انا في موضع اختبار .. ودي اخدم هالشخص وماعرف إذا يستاهل .. يمكن اشوفه يستاهل واكتشف عقب إنه العكس  <img src="http://oasis.bindubai.com/emoticons/rock.gif" border=0>