فضفضات موظف [الأرشيف] - -:: واحات بن دبي ::-

مشاهدة النسخة كاملة : فضفضات موظف

فرح

13-10-03 ||, 02:10 AM

<img src="http://oasis.bindubai.com/emoticons/biggrin.gif" border=0> مدري <img src="http://oasis.bindubai.com/emoticons/sad.gif" border=0>

السلام عليكم

في خاطري كلام..... ما اعرف اقوله حق منو ... ويوم دشيت واحة الفضفضه عسب موضوع خنفروش ياني الهام الفضفضه <img src="http://oasis.bindubai.com/emoticons/crazy.gif" border=0>

ت<img src="http://oasis.bindubai.com/emoticons/crazy.gif" border=0>صدقون عاد انا في الدوااام <img src="http://oasis.bindubai.com/emoticons/crazy.gif" border=0> هاااديه <img src="http://oasis.bindubai.com/emoticons/suspect.gif" border=0> اقصد ساكته <img src="http://oasis.bindubai.com/emoticons/down.gif" border=0> اقصد مطنشه <img src="http://oasis.bindubai.com/emoticons/music.gif" border=0> وبايعتنها ومطنشه العالم

بس مو جي السالفه..... احس اننا كلنا مظلومين الا المدراء...... احنا نشتغل ونكرف ونتعب وهم عالجاهز كل شي يطلع باسمهم ....

والقهررر<img src="http://oasis.bindubai.com/emoticons/mad.gif" border=0>ررر ان كل سنه ونص تطلع لهم ترقيه واحنا المساكين لا حس ولا خبر .....

عاد تصدقون وياي ناس يدامون من 16 سنه ولي الحين بنفس الدرجه الوظيفيه مع اننا نشتغل بدائره حكوميه ... اونه ... ويقولون ميزانيه وميزانيه

والترقيه يوم اتي ما تنحط الا حق المدير الللي لي اليوم اترقا 3 مرات ترقيات هاموريه .... يعني شويه وبياخذ مكان المدير العام

لا والنكته المدير العام بروحه عاطينه ترقيه خاصه (( عاد ما شي عقب درجته درجه)) واحنا الفقاارى م حد مسوي لنا سالفه <img src="http://oasis.bindubai.com/emoticons/down.gif" border=0>

الحمدلله اني مو سكرتيره مدير .... مسكينه السكرتيره اموتينها من الشغل حتى دوام عقب وقت الدوام تقعد عشان تكمل سلايدات المدراء وهم خبر خير اول ناس يطلعون قبل الوقت واخر ناس يداومون الصبح

هذا غير بريكات الصبح اللي ما تحلا الا بالشيش <img src="http://oasis.bindubai.com/emoticons/glare.gif" border=0> خوش مدراء والله

والجذبق ببلاش .... ذاك اليوم كنت بمكتب المدير واتصل به واحد يطلبه وهو عالخط يقول له المدير الفلاني مو موجود نقوله منو؟؟؟؟   شوف الاستهبال  ككككككككك

عندي وايد سوالف بس كفايه لي هذا..... واتريا فضفضاتكم

شجن الروح

13-10-03 ||, 02:15 PM

أناااااااااا سكرتيره

يا حرام .. والله صدقتي .. اشتغل أشتغل وأكرف .. والحبيب جدام الهوامير إلي أكبر منه يقول أنا سويت ..

والله ما اجذب عليكم .. يعطيني رسايله ويقولي اقري وافهمي وردي .. هذا وأنا سكرتيرة لو صرت سكرتيرة تنفيذيه شو بيسوي فيني حتى الموازنة يعقها عليه

والمشكلة الأكبر إنه أبد مو فاهم فالشغل .. أي شي يسألونه يرد لي أنا ووحده معاي ويسألنا ها فلانة شو صار بخصوص هالموضوع .. وإنت ليش حاطينك مدير وإنت ولا داري بالدنيا نعطيه ويوقع وما يعرف على شو وقع .. الله يهديه

خلها مستورة .. يايبيلنا يهالوا وحاطينهم مدرا ما ادري على شو

غناتي

13-10-03 ||, 03:13 PM

الله يكون في عونكم

بس مب كل المدره نفس الشي والله

في بعضهم ما شاء الله عليهم كل الشغل عليهم

بس شي ما منهم فايدة خبر خير على قولتكم

أخواتي وإخواني إصبروا فإن الصبر مفتاح الفرج

والسموحة على هالمداخلة

غناتي

الشحية

14-10-03 ||, 07:45 PM

تدرون قبل لا أدخل أقول بطرش رساله لـ روح المعولي بقولها تيي تشكي هني كخ كخ ..
صدفة دخلت وشفت أول الردود خخخخخخخخ .. ~~> عصبت روحوووه ..

سوالف الغاليه لا تزعلين ..

ياله سوو عزيمة لكل أعضاء الواحت ويفضفضون ..
عيبني الموضوع بس ها للموظفين وأنا أدرس <img border=0 src=http://oasis.bindubai.com/emoticons/down.gif>

حياكم الله ...

وله الليل

14-10-03 ||, 10:22 PM

صدقج اخت فرح ..
 هذيل يبالهم حد يطب عليهم ويشوف شو يسون .. يوم تدخلين الوزارات تلاقين البنات يكرفن والشباب يالسين تقولين زوار مب موظفين.. اللي يدوخ واللي يتريق واللي مستأذن ساير المستشفى طايح في النادي واللي عاطينه تفرغ رياضي واخر شي واشو على البنات ويقولولك البنات يالسات يسولفن وما يشتغلن ...قهررررررررررر<img src="http://oasis.bindubai.com/emoticons/mad.gif" border=0>

خنفروش

14-10-03 ||, 11:20 PM

مرحبااااا اختي فرح رح رح شو هالخااااااطر الي ما يمسك شي خخخخخخخخخخخ لالالا زين ما سويتي على الاقل حطيتي حجر الاساس عشان الموظفين ايقولون الي في خاطرهم لان الفضفضه او هالموضوع بالذات موب بس في نظره الموظف للاداره او للموظفين الي حوله بعد ترى في شريحه كبيره تظلمها الناس او هي تظلم الناس و ان شاء الله برجع لهالموضوع و اتمنى اننا نخليه نقد هادف وفضفضه صادقه قول الي لك والي عليك يعني قول ليش حضرتك يالموظف الكريم الي جالس خلف الكونتر قولي ليش رافع خشمك كان المدير ابوك هيهيهيهيهي او كاني ضاربنك يوم انت اصغير وقولي انت ليش تستلم معامله هذا و انا واصل قبله والا هو مستعيل و انا لاأ او هو ربيعك و خدمك من قبل و انت منحرج انك تخليه يوقف في الدور حاله من حال الناس اشيااااااااء وااااااااايد في باااااااااالي اننظروني لاني بنتظر اضافاتكم - هيهيهيهيهي جن الموضوع ماااااال امييه خخخخخخخ - و السموحه منج فرووووحتناااا

شجن الروح

15-10-03 ||, 07:21 PM

فديت روووحج أختي الشحية .. حاسه فيني .. آآآآآآآه

الخنفوووووش والله صدقت .. انا مسؤولي جي يوم اتينا معامله خاصة بالمدراء وخاصة المدير العام والهوامير .. اتشوفه يراكض ويضغط علينا عسب انخلص الشغل والمشكله إنه يذل نفسه ويروح لباب المدير ويعطيه معاملته وأوراقه ..

لكن تعال إذا ياه واحد عادي موظف حاله حالنا .. والله يخيسله المعامله .. يعقها علينا ويطنشها .. ويوم اسيرله عسب يعتمد الأوراق يقووولي خليهم وأنا بعدين براجعهم وبعتمد .. الله يالدنيا .. يتحرك حق ناس وناس .. الله يسامحهم

المزوحي

15-10-03 ||, 11:56 PM

أما عني أنا .. فمسوؤلي دايما يركض ورا مصالحه .. يعني إذا يباني اخلص شي ... يقول المزوحي ترى هالشي المدير يباه ضروري .. لكن اكتشفت إنه هو يتعامل ويايه بالطريقة هاذي عشان اسوي اللي يباه .. مع إني اخلص شغلي بضمير والحمدلله .. فليش اسلوب التخويف هذا .. ويرد على المدير .. مب هذا بس .. إلا إنه له ويهين .. مادري هل هاذي تعتبر مشكله في الشخص نفسه أو إنه المسوؤلين لازم يستخدمون هالاسلوب ويانا عشان يمــــشــّون اسلوبهم في العمل  <img src="http://oasis.bindubai.com/emoticons/rock.gif" border=0>

في العمل اكتشفت وااااايد اشياء .. إنهم يطلعون الكلام اللي يبونه عنك .. وعقب يقولون فلاااااااان نحن سمعنا عنه جيه صح وإلا ؟؟ ( يوم انتوا سمعتوا .. سمعتوا من منو يعني ؟؟ إلا إنكم انتوا اللي مظهرين هالرمسه )  <img src="http://oasis.bindubai.com/emoticons/mad.gif" border=0>

وثانيا يبتسمون في ويهك ( وهذا مطلوب ) لكن بنفاق الصراحه .. وشوف كم قضيه عليك من صوبهم  <img src="http://oasis.bindubai.com/emoticons/crazy.gif" border=0>

وعلى الجهد اللي اسويه .. فأنا ما استحق اي علاوة .. لأني مواطن .. وخوف المسوؤل من إني آخذ مكانه وكل واحد خايف على الكرسي اللي هو عليه <img src="http://oasis.bindubai.com/emoticons/glare.gif" border=0>
بس بصراحه على كثر مانسويه للدايرة اللي اشتغل .. يحاسبونا على كل صغيره .. أما إذا نحن لنا حقوق فتشوفهم يتهربون من الأمر  <img src="http://oasis.bindubai.com/emoticons/oo.gif" border=0>

فرح

16-10-03 ||, 12:15 AM

<img src="http://oasis.bindubai.com/emoticons/smile.gif" border=0> روح المغولي... والله صدقج المدرا ولا يدرون عن شي بس يعرفون يصدرون قرارات

<img src="http://oasis.bindubai.com/emoticons/smile.gif" border=0> غناتي شكلج بعدج ما توظفتي .....

<img src="http://oasis.bindubai.com/emoticons/smile.gif" border=0>الشحيه انصحج بعد التخرج تقعدين ببيتكم ابرك لج (( ككككك هذا لو حصلتي وظيفه من الاصل))

فرح

16-10-03 ||, 12:21 AM

<img src="http://oasis.bindubai.com/emoticons/smile.gif" border=0>وله الليل  من صدق البنات يشتغلون اكثر من الشباب ولو ان الكلام عليهن اكثر

<img src="http://oasis.bindubai.com/emoticons/biggrin.gif" border=0>خنفروووووووووش منور يا الموظف ولو اني ودي اعرف شو طبيعة شغلك بالضبط؟

<img src="http://oasis.bindubai.com/emoticons/smile.gif" border=0>المزوحي منور يا اخوي .. وترى ترى المدراء ما يطيح راسهم الا مدراء اعلى عنهم.... ولو اننا نشتغل بضمير لله رب العالمين مو لاجل خاطر فلان وعلان ... كن في فئه تبين نفسها جدام المدير وبس وهذيل طبعا لهم هدف ثاني كترقيه او غيرها حتى يقيمهم المدير... لكن الواحد ما يفكر الا باخرته .... والله المستعان

المزوحي

16-10-03 ||, 12:24 AM

أنا اسوي اللي عليّه .. وقبل ماهو بيحاسبني فالله يحاسبني ..
وبعدين انا فاهم طبيعة شغلي وشو لازم انجز .. مافي داعي كل حين يسألني - يختبرني الحبيب - وين عايشين نحن  <img src="http://oasis.bindubai.com/emoticons/alien.gif" border=0>

فرح

16-10-03 ||, 12:25 AM

اسمعوا النكته

اليوم المدير سوالنا اجتماع (انا وربيعتي بالقسم .... قحط قسم في موظفتين بس وما في شغل) المهم يقووول شو رايكم بصكر القسم .. واحنا <img src="http://oasis.bindubai.com/emoticons/suspect.gif" border=0>

تخيلوا عاد....من الاسبوع الياي شكلي بقعد عالمسايد اشحت.....<img src="http://oasis.bindubai.com/emoticons/oo.gif" border=0>

عاد يبي يصكر القسم لان ما ايي له شغل ( مو لاننا ما نشتغل)

ويقول عطوني رايكم..... برايكم شو اقول له او اقترح عليه <img src="http://oasis.bindubai.com/emoticons/down.gif" border=0>  سااااعدوني

المزوحي

16-10-03 ||, 12:32 AM

كل وحده يحطونها في قسم ثاني ( فيه شاغر ) أو إنه تغيرون او تستحدثون نظام يديد تبتدون الشغل فيه