(حالة البنات) ... [الأرشيف] - -:: واحات بن دبي ::-

الاسطوري

04-03-04 ||, 10:19 AM

السلام عليكم ..
اشحالهم العرب ..

أكتب إليكم اليوم أول قصة لي هنا في هذه الواحة وآمل أن تنال إعجابكم

(حالة البنات) موضوع نتعرض له يوميا ..
ونشاهده في كل مكان ويعيش بيننا ولكن يرفض البعض الاعتراف به مع أنه
جزء من الواقع الذي نعيشه (وهنا الطامة الكبرى) حيث أننا نرى الخطأ يحوم حولنا
ولانحاول أن نصححه أو أن نغيره بل نصد عنه ونلتفت إلى اتجاه آخر ولكن لاتزال
آذاننا تستمع إليه ولاننسى أن أصحاب النفوس الضعيفة ازدادوا هذه
الايام وهذا مايضعف العزيمة لدى الباقين ولايسعني في هذا
الموضوع إلا أن أذكر لكم مشهد من المشاهد
الواقعية التي تحدث بيننا والتي
يعرفها الجميع ، عسى
أن تكون لكم
عبرة ..

(المشهد الأول)

في مهرجان دبي للتسوق ... ذهبت فتاة
مع صديقاتها إلى القرية العالمية في إجازة آخر الأسبوع (الويك إند) وكانوا تحديدا
في قسم الألعاب والترفية (المكان الذي يجتمع فيه الشباب من الجنسين) وبينما كانت تلعب تلك
الفتاة في إحدى الألعاب لاحظت بأن شابا يتوسط بعض الشبان ويركز نظره عليها فلم تعره أي
اهتمام وظلت تلعب وتتنقل من لعبة إلى أخرى وبعد قليل لاحظت إحدى صديقات هذه
الفتاة بأن هؤلاء الشبان يتتبعونهم أينما ذهبوا ولاحظت بأن أحدهم ينظر
إليها (وهو صديق ذلك الشاب) فبادلته النظرات والابتسامات
وعند دخولها لعبة (المشخله) وقف ينتظرها
فالخارج وحينما إنتهت منها تلاقت
معه وجها لوجه عند
خروجها منها وفي وسط الزحام وبين ضجة الناس أعطاها ورقة صغيرة دون أن يشعر
بهم أحد وبها رقم هاتفه .. والبنات راحوا يتعشون فالمطاعم وطبعا
الشباب وراهم واتصلت به رنه (missed call) فرد
اتصل بها دايركت ودار بينهم
هذا الحوار

الشاب: مرحباااااااااااااا

الفتاة: مرحبتين .. منو معاي ؟

الشاب: انتي متصلة (missed call) .. <IMG src="http://oasis.bindubai.com/emoticons/crazy.gif" border=0>

(يقول فخاطره هاي من
البداية تعطيني
رنه)

الفتاة: مب انت اللي عطيتني الرقم؟

الشاب: هيه نعم هذا أنا .. 

الفتاة: هلا والله .. اشحالك

الشاب: تمام يسرج الحال .. وأنتي شخبارج

الفتاة: بخير وصحة وسلامة

الشاب: ماشالله أنتي وايد حلوة .. لفتي نظري من بعيد ..

(يقول فخاطرة لو مب الميك أب
جان ماعطيتج
ويه)

الفتاة: صدق والله .. <IMG src="http://oasis.bindubai.com/emoticons/inlove.gif" border=0>

(مستانسه أول مره واحد
يقوللها أنتي
حلوه)
الشاب: هيه .. أنتي جمالج ما ينوصف

الفتاة: انزين أنا أعرف أني حلوة .. أنت بعدك ماشفتني يوم أتعدل

الشاب: أوكيه .. دامج حلوة لاتحرميني من جمالج وخليني أشوفج يوم تتعدلين

الفتاة: اممممممم بفكر فالموضوع .. 

(أونها عاد تتدلع
عليه)

الشاب: انزين ماقلتيلي .. شو اسمج أنتي ؟

الفتاة: أنت قول أول .. 

(عشان تلحق تألف
عليه اسم)

الشاب: أنا متعب

الفتاة: ماشالله اسمك وايد حلو

متعب: أيامج الأحلى .. وأنتي ؟

الفتاة: أنا حمدة

متعب: عاشت الأسامي ..

(كل البنات هاليومين
أساميهن حمدة)
<IMG src="http://oasis.bindubai.com/emoticons/biggrin.gif" border=0>

حمدة: عاشت أيامك

...  طبعا ربيع متعب اللي هو كان فالبداية يالس يتطالع
ربيعة حمدة يالس ويحن على متعب
عشان يحاول ياخذ
رقمها ...

متعب: تعالي بخبرج .. منو هاي اللي يالسه على يمينج ولابسه وردي ؟

حمدة: هاي ربيعتي وضحه .. بس ليش تسأل .. <IMG src="http://oasis.bindubai.com/emoticons/mad.gif" border=0>

(خايفة يكون معجب
فربيعتها)

متعب: بصراحة .. ربيعي مروان معجب فيها وخاطرة يتعرف عليها .. بس شو رايج انذله شوي

حمدة : (تضحك وتقول) أي واحد ؟

متعب: هذا اللي واقف على راسي ومب طايع يروح إلا بعد ماياخذ رقم وضحه

حمدة: بس وضحووو ماترمس شباب .. 

( ليتني تعرفت على مروان
وايد أحلى من
متعب)
<IMG src="http://oasis.bindubai.com/emoticons/love.gif" border=0>

متعب: انزين قوليلها بس صداقة وبعدين هم بروحهم يتفاهمون اذا يبون بعض ولا .. 

(دام تقول وضحه ماترمس
شباب ، يعني هي مب
مقصرة)
<IMG src="http://oasis.bindubai.com/emoticons/Oo.gif" border=0>

حمدة: اوكيه خلني أرمسها .. (وخلت متعب يترياها على الخط وراحت أترمس وضحه فالموضوع) ..

(وضحوووه في واحد اسمه مروان معجب فيج ويبى يتعرف عليج .. بس أنا ماأرمس شباب
وأنتي تعرفين هالشي .. انزين حق كم يوم بعدين ألبسيه .. اممممممم لا مافيني على
 المشاكل .. وضحووو عادي مافيها شي مجرد تسلية .. لا لا أخاف حد من
 أخواني يعرف بالموضوع واتيصير لي سالفة عودة .. كيفج ، أنتي
الخسرانه الظاهر أنه حبج من أول نظرة حتى شوفيه
كيف يتطالعج !!! تحاول تقنعها عشان
ما اتضيع متعب منها)

متعب: (شو هذي خسرتني يعني لازم اتخليني على الخط ساعة  ..  بروحي
ماعندي غير هالرصيد اللي حاطنه من العيد) <IMG height=21 src="http://oasis.bindubai.com/emoticons/crazy.gif" width=20 border=0>

حمدة: الوووو متعب

متعب: هلا حمدة

حمدة: أقول ترا وضحووو شوي مستحيه الحين .. انا بحاول أقنعها باجر

متعب: يالله عاد راويني شطارتج وياها .. ترا مروان يتريا

حمدة: أقول متعب

متعب: هلا

حمدة: ترا عشايه وصل

متعب: وليش ماطلبتي لي وياج ولا انا مالي رب يعني

حمدة: لا افا عليك .. شو تباني آخذ لك ؟

(فخاطرها تقول بالغصب دافعه
حقي ناقصتنك
بعد)

متعب: (وهو متفجج .. مصدق أنها بتاخذ له) .. لا لا أسولف وياج .. بعدين
 بسير ويه ربعي بنتعشا في جراند حياة تراني اليوم مظهر
 الرنج مالي من الوكالة ومسوي عزيمة هناك ..
(ماتعرف أني بتعشا في محارة البحر
اللي فالضيافة وعندي
كامري أجار)
<IMG src="http://oasis.bindubai.com/emoticons/tounge.gif" border=0>
حمدة: مبروووك على الموتر اليديد .. بس ليش ماعزمتني ؟

متعب: ترا أنتوا تعشيتوا بسرعه وبعدين ولا يهمج يوم بشوفج بوديج أبراج الامارت

(عن اتصدق بوديها
مخبز الريف)
<IMG src="http://oasis.bindubai.com/emoticons/biggrin.gif" border=0>

حمدة: خلاص تعوبي .. تآمرني بشي قبل لا أسكر 

 (ياسلااااااااااااااااام هذا اللي بيدلعني .. هذا اللي
يستاهل أرمسه مب عبود وسعود
والباقين اللي كنت
أعرفهم)

متعب: سلامت غاليج .. (ياسلااام قامت اتدلعني واتقولي تعوبي) <IMG src="http://oasis.bindubai.com/emoticons/cool.gif" border=0> 

حمدة: تسلم .. بتصلك أول ماأرجع البيت

متعب: خلاص أنتظر اتصالج .. شي فخاطرج

حمدة: سلامتك الغالي

متعب: يالله باااااااااااااااي

حمدة: باااااااااااااااااي حبيبي

(((طبعا مب كل البنات سوا)))

هذا مشهد سريع وجزء مجزء من المشاهد اللي اتصير كل يوم .. بس أنوه إلى شي
أنه هالكلام ماينطبق على الكل لأنه مانقدر نجمع والشي هذا صح منتشر إلا
انه على فئة معينة بس للأسف هالفئة هي اللي انشوفها في
كل مكان (وهم اللي يمثلون بناتنا جدام الخلق)
والله يعين هالبنات ويهديهم ويحميهم
من مكر الشباب ويبعد عن
 الشباب شر البنات

والقصة من تأليفي يعني ماصارت صدق وأنا مانقلت لكم أحداث صار بالحرف
جدامي بس يعني خذيت الفكرة من مواقف شفتها وحطيت لها أدوار وهمية  ومثلت
لكم المشهد الأول كامل واللي أطلبه منكم الحين أنكم تعطوني رايكم  فالمشهد هذا
وأنا بشوف آرائكم .. إذا شجعتوني بكتب لكم مشهد ثاني وبكمل القصة
وبخبركم شو بيصير بين  حمدة ومتعب وشو ردة فعل
وضحه بعد الالحاح وإذا المشهد مب 
لهناك خلاص خيرها
بغيرها
<IMG src="http://oasis.bindubai.com/emoticons/cool.gif" border=0>
واعتذر عن القصور لأني أول
مره أكتب هني
(المعذرة)
<IMG src="http://oasis.bindubai.com/emoticons/sad.gif" border=0>

الاســـــطوري
أخوكم

عاشقة الشمال

04-03-04 ||, 06:34 PM

صراحه الموقف حلو .. ومثل ماقلت صحيح مب دايما اتصير بس بعد تصير وحتى لو في فئه قليله .. صراحه اشكر مساهمتك هذي اللي احتوت على الفكاهه و القصه وفي نفس الوقت مب مثل باجي القصص العاديه لانها اتناقش قضايا اجتماعيه الواحد مايقدر يتجاهلها ... واصل اخي .. ونحن بنتظار جديدك ..

أسومه <img src="http://oasis.bindubai.com/emoticons/inlove.gif" border=0>

بن دبي

04-03-04 ||, 09:03 PM

لا لا لا لا ترتيب وحلو
ترى هي هاي موضة المغازل الحين
نباك تالف بعد وايد حلو
تبا الصراحه شى فئه من هالنوعية

وتسلم
محــــــــــــال

بن دبي

05-03-04 ||, 03:34 AM

الصرااحه واايد حلوو....  تسلم اخوووووي

المزيوونه

05-03-04 ||, 03:58 AM

هـــلا..

تسلم والله اخويه على ها المشهد الحلو..وواصل كتاباتك لانها تمس الوااقع والله .. <img src="http://oasis.bindubai.com/emoticons/smile.gif" border=0> 

موفـــق

الاسطوري

05-03-04 ||, 12:14 PM

السلام عليكم ..
اشحالهم العرب ..

أختي الكريمة / أسومة
أشكرج على المداخلة اللطيفة وإنشالله أكمل الموضوع
خلال الاسبوع الياي .. وراح أحط المشهد
الثاني كرد مكمل للموضوع  هذا
(يعني أنتظروه هني)

أخوكم
الاسطوري

الاسطوري

05-03-04 ||, 12:21 PM

السلام عليكم ..
اشحالهم العرب ..

أخي الكريم / محال
أشكرك أخويه على هالرد الطيب وفالك طيب بس
شوي شوي علي تراني توني مبتدأ
والسرعه مب زينه وأنتظر
المشهد الثاني

أخوكم
الاسطوري

عفاريتووو

05-03-04 ||, 12:59 PM

الاسطوري
مشهد فعلا يعكس الواقع اللي عايشين فيه
تسلم اخوي
و الله يهديهم
و بانتظار المشهد الثاني

دخون

05-03-04 ||, 02:38 PM

صباحك سكر يالاسطوووري..

ماشالله عليك شو هالزين ..
استمتعت وانا اقرا ... وضحكت من خاطري..<img src="http://oasis.bindubai.com/emoticons/laugh.gif" border=0>

خيالك واسع ماشالله x larg وتعبيرات حلوة ومترابطة بعد ...
اما اختيارك للاسماء عجييييب..  ههههه  وضحة ومتعب ... ذكرتني بوضحة وبن عجلان .. وزعل و نهاش ...<img src="http://oasis.bindubai.com/emoticons/biggrin.gif" border=0>

والدلع غير بعد تعوبي أونه ...<img src="http://oasis.bindubai.com/emoticons/tounge.gif" border=0>

اللي كتبته اكيد يصير ويمكن اشياء اغرب وتضحك اكثر بعد ..

اترياك ... في مواقف ثانية ..

لك مودتي و هذه ..<img src="http://oasis.bindubai.com/ubbc/smileys/0347.gif" align=absmiddle border=0>

الجنيه

05-03-04 ||, 04:56 PM

السلام عليك اخوي (جاي كرك)أقصد الاسطوري

الصراحه ما شاء الله عليك اسلوبك فن في السرد وما قصرت

وبالفعل القصه اللي خطتها اناملك تعكس واقعنا المرير والمؤلم والله بس للأسف ما باليد حيله ياما نصحنا وقلنا ولا لقينا من يسمعنا

ما أقول غير الله يهديهم هو صحيح انه فئه من البنات فقط هم اللي يمثلون هالنوعيه بس للأسف اللي يشوف ما يستثنى

والله سمعتنا صايره زفت بسبه هالأشكال الشي اللي خلى كل من هب ودب يتجرأ علينا

ما أقول غير الله يهديهم ويتركون عنهم هالسوالف ولو اشويه مراقبه من الأهل راح اتلبي الغرض بس وين الأهل الكل لاهي بدنياه

والسموحه

دمعة شوق

05-03-04 ||, 08:06 PM

السلام عليكم ورحمة الله وبركاته

مرحبا أخوي...
         
               

      الاسطوري

<IMG src="http://oasis.bindubai.com/emoticons/thumbs-up.gif" border=0>الصراحه أشكر فنك على هالمشهد

   وأقول الله

يهدي شباب وبنات اليوم <IMG src="http://oasis.bindubai.com/emoticons/down.gif" border=0>

يالله شد حيلك في التكمله <IMG src="http://oasis.bindubai.com/emoticons/smile.gif" border=0>
وربي يوفقك انشالله

تحياتي...
             دمعة<IMG src="http://oasis.bindubai.com/emoticons/inlove.gif" border=0> شوق...

الاسطوري

05-03-04 ||, 08:12 PM

السلام عليكم ..
اشحالهم العرب ..

أختي الكريمة / قرموووشه
مشكورة أختي على المرور وأنتظري
المشهد الثاني

أختي الكريمة / المزيوونه
إنشالله راح اكمل كتاباتي ومابقصر وياكم
وإذا عندكم أي انتقاد تراني
انتظره

أخوكم
الاسطوري

بن دبي

06-03-04 ||, 05:07 AM

مشكور اخوي الاسطوري على هذا الموضوع الحلو مثلك .
واتمنى لك التوفيج ياربي .

اخوك : الوليف

الاسطوري

06-03-04 ||, 12:49 PM

السلام عليكم ..
اشحالهم العرب ..

أختي الكريمة / عفاريتووو
أشكرج على المرور والمشاهد اليايه
بتكون أحلى وأروع

أختي الكريمة / دخون
يمكن خيالي واسع بس أنا أكتب من واقع أشوفه جدامي وماأقدر أتم ساكت وصح أني مابغير شي <img src="http://oasis.bindubai.com/emoticons/down.gif" border=0>
بس عل وعسى والأسامي تراني اخترتها على أساس التغيير لأن باقي الأسامي
مستهلكه شوي وأشكرج على الكلمات الرائعه والله لا يحرمني
من ردودج وأنتظري المشهد الثاني
<img src="http://oasis.bindubai.com/emoticons/glare.gif" border=0>

أختي الكريمة / الجنيه
شو رايج الحين نسوي كافيه (الكرك) بفرعين .. أوووه هذا موضوع ثاني <img src="http://oasis.bindubai.com/emoticons/crazy.gif" border=0> وتعالي شالسالفه
(أشوفج دايما تكتبين بعد دخون .. لا يكون متفاهمين من وراي) <img src="http://oasis.bindubai.com/emoticons/tounge.gif" border=0> وأشكرج على
المداخلة الورديه وأتمنى هالظاهرة تتلاشى من الوجود ويرجعون
الناس لدينهم شوي والله يصلح الجميع

أخوكم
الاسطوري

الاسطوري

06-03-04 ||, 02:03 PM

السلام عليكم ..
اشحالهم العرب ..

أختي الكريمة / دمعة شوق
إنشالله ربي يوفقني وأكمل المشاهد بشكل جيد ولائق
وأتمنى انكم توقفون وياي ولاتحرموني
من مروركم الطيب
<img src="http://oasis.bindubai.com/emoticons/cool.gif" border=0>

أخوكم
الاسطوري

الجنيه

06-03-04 ||, 02:53 PM

هههههههههههههههههههههه السالفه الله يسلمك ان هب بس انتو اللي اتعرفوا تتقفون

بعد في ناس غيركم يتفقون <img src="http://oasis.bindubai.com/emoticons/tounge.gif" border=0><img src="http://oasis.bindubai.com/emoticons/tounge.gif" border=0>

أفا عليك خلهم ثلاث فروع والا اقولك نبا فرع في كل واحه عسب يتعدل المزاج ههه

ولوووووووو مافي داعي تشكرنا المفروض نحن اللي نشكرك على موضوعك الرائع واللي مس الواقع وبانتظار جديدك يا بو الكرك

شمس

06-03-04 ||, 03:11 PM

السلام عليكم

مشكور اخوي على هالموضوع

و ان شاالله الله يهدي جميع البنات و الاولاد.. و فعلا حلو انك تنبه لقضية في المجتمع بقصة .. جذي الناس يتقبلونها اكثر

و يلا اخوي الاسطوري انت وعدتنا ان عيبتنا القصة بتكملها

و احنا عيبتنا القصة .. يلا كملها

يلا بليييييييييييييييز

دمعة شوق

06-03-04 ||, 06:08 PM

الاسطوري

06-03-04 ||, 07:21 PM

السلام عليكم ..
اشحالهم العرب ..

أخي الكريم / الوليف
مشكور أخوي على المرور
إنشالله ماأخيب الظن

أختي الكريمة / شمس
أنا عند وعدي والمشهد الثاني بينزل إنشالله
خلال هالأسبوع 
 
أخوكم
الاسطوري

بن دبي

07-03-04 ||, 02:59 PM

مشكور أخوي الاسطوري على هالمشهد..والله يهدي بنات هالأيام

,, (والعبرة لمن يعتبر),,

<img src="http://oasis.bindubai.com/ubbc/smileys/0183.gif" align=absmiddle border=0> 
<table style="filter: glow(color='#993366')">أخوك البحار9
<tbody></tbody></table>

الاسطوري

08-03-04 ||, 01:26 PM

السلام عليكم ..
اشحالهم العرب ..

أختي الكريمة / الجنيه 
أشكرج مره ثانيه ولج مفاجأة
في المشهد الثاني

أختي الكريمة / دمعة شوق
مشكورة على الويه
المعبر

أخي الكريم / البحار9
فعلا العبرة لمن يعتبر وشاكرلك
مداخلتك اللطيفه

(وترقبوا المشهد الثاني خلال الأيام المقلبة)

أخوكم
الاسطوري

دمعة شوق

26-06-04 ||, 05:25 AM

الســلام عليكم

أخوي تراني تعبت من وين أدورها وأخيراً لقيتها <img src="http://oasis.bindubai.com/emoticons/fa46.gif" border=0> أثاريها منخشه وماتبا تقول <img src="http://oasis.bindubai.com/emoticons/fa48.gif" border=0>

المهييييييييم

أخوي يالله بنتظــار الباجي أحر من الجمر <img src="http://oasis.bindubai.com/emoticons/fa31.gif" border=0>

لاتبطي علينا <img src="http://oasis.bindubai.com/emoticons/fa51.gif" border=0>

ربي يوفقك

تحياتي
<img src="http://oasis.bindubai.com/emoticons/fa35.gif" border=0><img src="http://oasis.bindubai.com/emoticons/fa35.gif" border=0><img src="http://oasis.bindubai.com/emoticons/fa35.gif" border=0>

ورديّـه

26-06-04 ||, 05:39 AM

القصة صراحه فنتـازيّه وجيه <img src="http://oasis.bindubai.com/emoticons/fa42.gif" border=0> ومع انها قصيرة بس فيها رمسه (نغزات) بين لسطور وعاد شد الحيل نبا قصة بأحداث ومشكلة ومصايب <img src="http://oasis.bindubai.com/emoticons/fa56.gif" border=0>(ويـيي والعوف)

غرنوق

27-06-04 ||, 12:36 AM

أخوي المبدع : الأسطوري ...

الصراحة من غير مجاملة ... موضوعك جميييييل جدا

      
               
  و نتريا التكملة الممتعة

              أخوك المعجب : غرنوق  <img src="http://oasis.bindubai.com/emoticons/love.gif" border=0>

غرنوق

27-06-04 ||, 12:37 AM

بوميثه

27-06-04 ||, 01:08 AM

مرحبتيين اخوي الاسطووري قصة واايد حلوة بس  المغزى ((يا حراام على بناات وشبااب اليوم))
بس خووفي لاتكون انته متعب  ترى بعطييك بكس لو انته متعب  

مشكووووور وما قصرت وانشالله نتعض من هالقصة((ولا قصص الدنيا تنفع فيني))لاماعييلكم انا خوااف

قلب الوصال

06-01-05 ||, 12:03 AM

تسلم يالاسطوري على الطرح الجميل
الحلو ان ما كان موضع البنات هجومي شرى مالعادة اقتضت
عدلت بكلامك

نتريا يديدك لا تحرمنا مشاركاتك<IMG src="http://oasis.bindubai.com/ubbc/smileys/0027.gif" align=absMiddle border=0>

قلب الوصال

06-01-05 ||, 12:04 AM

دمعة شوق

09-03-06 ||, 07:46 PM

للأعـلى عـلو عسـى يـكمـل الـقـصـة
:fa44:

المزيوونه

09-03-06 ||, 10:22 PM

الاسطوري وينك .. فانتظار مشاهدك ..

سوري ع تأخير النقل .. المواضيع وايده وراسي دار كل شوي يظهرلي موضوع جديم وانقله
لواحة القصص الذاتيه ..
فــ ينقل .. :) ..

قرموشة

10-03-06 ||, 05:27 PM

وييييييييين التكمله ,, !!!

شوق القلوب

21-03-06 ||, 10:48 PM

الســـلام عليـــكم..

.
.

مــــاشـــاء الله ... طلعت مواهبك يا الاسطوري... عاد صح مر عليها سنتين.. يعني الحين الموهبه اتطورت و صارت :fa38: ..

.
.

بس اللي استغربت منه... معقوله البنات في أول مكالمه اتدلعه و اتقوله الغالي..!! :doh:

دمعة شوق

10-04-06 ||, 06:07 PM

الاسـطـوري

ويـنــك ؟؟!!
:boxed:

الاسطوري

12-05-06 ||, 01:23 PM

أنـــــا محـــــد
:look:

الاسطوري

19-05-06 ||, 11:22 PM

السلام عليكم ..

ياجماعة الخير ،، لكل اللي طلبوا تكملة القصة أنا كتبت بداية الجزء
الثاني أول ماخلصت من هذا بس ماتوفقت إني أكمله
لأن حبل أفكاري إنقطع ومالقيت
حبل ثاني فالسوق
ووحده من
العضوات جزاها الله خير تكرمت وقالت إنها بتكمل القصة
وإن شاء الله أول ماتخلص من الجزء
راح تحطه والسموحه
منكم

مابخبركم منو العضوة
مفاجـــــأة
:harhar1:

الاســـطـــوري
أخوكم

قمره

21-05-06 ||, 12:05 AM

مااشاء الله عليك ..

حلوو اسلووبك

يلا كمل

نجمة دبي

10-06-06 ||, 04:00 PM

السلام عليكم

:mar7aba:

الصراحه اول ما قريت القصه حبيتها وايد وكان خاطري الاخ الاسطوري يكملها .. :smartass:
واترييته معاكم لكن مافي فايده .. :sadwalk:

بيني وبين نفسي كنت اتخيل القصه كيف وشو الاحداث اللي بتصير .. :kcl:

سألت الاخ الاسطوري عن القصه وقال انه مشغول وافكاره تلخبطت .. :no0:

مممممممممم ترييت وايد ..

فقلت ماشي غير اسوي اللي ببالي خخخخخخخخخخخخخ :daleel:

طرشت له رساله على اساس اني اكمل القصه وطبعا بعد كل جزء اطرش له وهو يغير اللي يباه ..:bow:

والحمدلله اتفقنا على الجزء الثاني .. :yes:

واتمنى الجزء هذا ينال اعجابكم .. :kcl:

نجــــــــــ دبي ـــــــــــمة

نجمة دبي

10-06-06 ||, 04:21 PM

الجزء الثاني)

حمده ووضحه يلسوا يتعشون ويسولفون .. عقب ما اتسوقوا ردوا البيت ..
حمده طايحه عالفراش .. واتفكر في متعب .. وكيف بتقص عليه شرات اللي كانوا قبله ..
قامت واتصلت فيه ..
متعب : هلا والله
حمده : اهلييين ..
متعب : كنت منتظر اتصالج
حمده : والله ( اونه اونه )
متعب : والله .. شحالج ؟
حمده : الحمدلله يسرك الحال .. وانته شحالك ؟
متعب : من سمعت صوتج صرت احسن
حمده : ............. ( بدينا بالخرط .. )
متعب : شفيج الغاليه سكتي .. خير ان شاء الله
حمده : هاه ؟ ماشي سلامتك
تموا يرمسون ويسولفون لين الساعه 3 الفير .. وكل واحد يقص عالثاني ..
متعب : اقووول الغاليه ..
حمده : هلا
متعب : اسمحيلي والله انا لازم ارقد الحين .. لأن عندي شغل باجر..
حمده : ليش .. باجر الخميس !!
متعب : لاني امسات شاري اسهم .. ولازم اكون في البورصه من الصبح .
حمده اتقول في خاطرها ( ما شاء الله عليه .. شكله راهي .. هذا اللي يستاهل احبه )
حمده : مسموح الغالي .. بالعكس انته اسمحلي لاني سهرتك لين الحين ..
متعب : لالا .. شو هالكلام ؟ بالعكس .. اليوم اسعد يوم في حياتي ..
حمده : .............. ( ان ما خليته اتعس يوم في حياتك )
متعب : انزين الغاليه .. تامريني بشي ؟
حمده : سلامتك
متعب : الله يسلمج ويسلم غاليج .. برمسج باجر عيل بعد ما اخلص شغلي ( قصده بعد ما يشبع رقاااد )
حمده : ان شاء الله .. بس يمكن اكون مشغوله ..
متعب : مشغوله!!
حمده : هيه .. ترى باجر بنسير العزبه .. يعني انغير جو ..
متعب : اهاا ( عندهم عزبه بعد !! ) .. اوكي عيل .. اذا حصلتي وقت اتصلي ..
حمده : اممممممممممم .. اوكي
متعب : يالله .. تصبحين على خير ..
حمده : وانته من اهله
متعب : باي
حمده : باي

يوم الخميس .. الساعه 1 الظهر ..

الام :طااخ طااخ طااخ حمدوه .. فجي الباب .. يلا قومي بسج رقاد .. طاااخ طاااخ حمدوه ويهد .. يلا قومي .

حمده : اوووهووو .. شو هالناس ما يخلون الواحد يرقد على راحته ..

اتقوم واتسير وتفتح الباب لأمها ..

الام : حمدوه وصمخ .. ساعه وانا ادق الباب .. يلا قومي بنتغدا عقب شوي ..

حمده : مابغي مابغي .. بكمل رقادي

الام : لا والله .. من البارحه راقده .. بسج .. شوفي جدامج نص ساعه .. اذا ما شفتج يالسه عالسفره يا ويلج

حمده : انزين انزين .. اووووف

عقب الغدا حمده اتصلت في ربيعتها وضحه .. وعزمتها عالعشا ..

حمده يلست تفكر في متعب .. وكيف ان هالريال كل بنت تتمناه .. وقامت تتخيل حياتها وياه .. تذكرت شكله البارحه

حمده: اووف يا ويل حالي .. غاوي

جريب المغرب حمده سارت عند امها وقالت لها انها عازمه ربيعتها وضحه عالعشا .. والام وافقت .

الساعه 7 ونص .. وصلت وضحه
حمده: هلا والله بربيعتي وضوووووحه .. شحالج؟

وضحه: اهلين حمدوه ..تمام ربي يسلمج .. شحالج انتي ؟

حمده : والله ماشي الحال ..

ام حمده: وضحه .. شحالج بنتي ؟
وضحه : الحمدلله عموه .. شحالج انتي ؟
ام حمده : بخير وعافيه .. شخبار الوالده ؟
وضحه : بخير الحمدلله .. تسلم عليج
ام حمده : الله يسلمها يارب . سلمي عليها فديتج

وضحه: ان شاء الله عموه .. يوصل

حمده : يلا وضحوه قومي نسير الحجره
ام حمده : وين اتسيرون .. تموا هنيه
حمده : لا اميه بنسير الحجره .. ابغي وضحه تشرح لي شي بخصوص الكليه
ام حمده : زين عيل .. على راحتكم

وساروا الحجره

حمده يلست تخبر وضحه شو اللي صار البارحه .. واشكثر تمت تسولف ويا متعب

حمده: وضحوووه اتحيدين ربيع متعب ( مروان ) ؟

وضحه : مممم هيه شو بلاه؟

حمده : شو رايج فيه؟

وضحه : شو قصدج حمده ؟ انتي تدرين اني ما احب هالسوالف

حمده : وضحووه عاااد .. بس هالمره .. بس سوالف

وضحه : حمده اسمحيلي .. انتي تعرفيني عدل فلا تحاولين

حمده : يالله عاااد .. لا تستوي بارده

وضحه: حمده .. انتي ربيعتي الروح بالروح .. وانا اعزج وايد .. لكن ما ارضى اشوفج جيه اتسوين بعمرج
حمده : شو بلاج وضحوووه .. تدرين اني اتسلى واضيع وقت .. على الاقل انسى هموم الكليه

وضحه : لكن مب بهالطريقه .. انتي روحج تدرين وعارفه شو نهاية هالنوع من العلاقات

حمده : طبعا عارفه .. اسوي لهم طاف بعد ما امل منهم

وضحه : وليش ما اتغيرين هالطبع اللي فيج .. ليش ما اتكونين مثلي

حمده : انا اكون مثلج ؟ بعدني ما ينيت حبيبتي

وضحه وهي متضايقه من كلام حمده : وشو فيني انا حمده؟؟

حمده وهي مب حاسه باللي قالته لربيعتها : بصراحه وضحووه .. انتي غير عن البنات .. كل همج الدراسه .. مادري بشو بتنفعج عقب .. شو بيستوي لو رمستي مروان .. شوفي ويهج كيف صاير .. لا مكياج .. ولا حتى اتظهرين قصّه .. شكلج شرات اليهال اللي بالاعداديه .. احمدي ربج ان مروان سوا لج سالفه
وضحه وقفت وهي منصدمه بكلام ربيعتها .. وتمت اتطالع حمده وهي مب مصدقه اللي سمعته منها والدموع في عيونها

وضحه شلت شنطتها وقالت : مشكووره حمده
وطلعت من الحجره

حمده ( واخيراً ) حست انها غلطت على توأم روحها وضحه

حمده : وضحه انا اسفه .. لا تزعلين مني

وضحه : ما عليه حمده .. المهم اني نصحتج .. وانتي كيفج .. مع السلامه

وعلى طول وضحه طلعت من البيت وهي تصيح

حمده تمت يالسه ومتضايقه من نفسها .. وقامت تلوم نفسها عالكلام اللي قالته

ام حمده : حمدوووه ؟؟ بلاها ربيعتج طلعت .. خير شو صاير؟

حمده : مممم لا اميه ما صار شي .. بس وضحه ردت لانها نست ان باجر علينا امتحان وهي مب مذاكره

ام حمده : الله يوفقكم ان شاء الله .. زين يلا تعالي تعشي ..

حمده : ان شاء الله

عقب العشا .. حمده نست سالفه وضحه .. وقامت تفكر في متعب .. لانه طول اليوم ما اتصل فيها

تووت تووت

حمده: بشوف منو مطرش لي مسج .. اكيد الاتصالات

" من سكون المساء وسكوت البشر حبيت أزعجك وأقول لك مساء الخير يا أطيب البشر.."

متعب مطرش لها المسج

حمده : يا ويلي .. شو هالمسج الغاوي

قامت بتطرش له مسج ..
" وين القمر غايب عن سمانا

وين الصوت اللي يجدد هنانا

مشتاق له ونخاف ينسانا "

متعب وهو يالس في الشيشه ويا ربعه

متعب: مروان تعال شوف هالمسج اللي بيطيح شواربك هههههههههه

مروان : اونه اونه .. اشوف في تطورات هاه ؟؟ ههههههه

متعب: خوز خوز عني .. بتصل فيها

قام واتصل فيها

_______________________________________________

ترقبوا الجزء الثالث ..

شو رايكم؟ :ttmasha:

نجــــــــــــ دبي ـــــــــــــمة

دمعة شوق

11-06-06 ||, 05:45 AM

:fa38:
متـشكرره ياخويتي
بس يالله عااد كملي والجزء وااااايد قصير
نطمع في المـزيـد
:ice:
’’
نترقب الباجـي

نجمة دبي

11-06-06 ||, 02:45 PM

اختيه دمعة شوق
الحمدلله ان هالجزء عيبج .. واااايد استانست الصراحه
وان شاء الله يعيب الجميع :)

وانا حاليا اكتب الجزء الثالث وهالمره بخليه اطول شويه :)

نجـــــــــــ دبي ـــــــــــمة

دمعة شوق

11-06-06 ||, 10:24 PM

تيـمـلـتـي يختي
الاسطـوري ذلـنـا ذل
:fa44:
خلاص نتريا مره نبا الاحداث مشوقه
وطويله
خخخخ بعد اتشرط
لا لا والله بس ابا اكمل القصه
لا اطالب بالكثـير
:kcl:
’’
السموحه

الاسطوري

12-06-06 ||, 08:41 PM

وعليكم السلام ..

"نجمة دبي"

أشكرج اختي على المبادره الطيبه وبصراحه التكمله عيبتني
ومابحكم عليها أكثر عشان محد يقول يمدح قصته
وبالتوفيــــــــق في الأجزاء اليايه ولا
تتأخرين وايد عشان محد
يحتشر عليج
brgll:

"دمعة شوق"

أشكرج على التواصل الدايم للقصه وإنج دايما تطلعينها وهي مغبره
وتردين لها الروح والتفاعل وعاد حرام عليج أنا ماذليت
حد صح وعدتكم بالتكمله وكنت بادي
فيها بس تمشي الرياح
بما لاتشتهي السفن وماقدر أكملها والأخت ماقصرت
وكلمتها ،، يالله نبى نشوف الهمه الحين
والحماس عشان تخلونها
تكمل باقــــي
الأجزاء
:yes:

"ورديه"

القصه ماتحلى إلا بوجودكم فيها والسموحه
على التأخير ونتريا تواصلج
الدايــــم

"غرنوق"

جميل بوجودك أخوي ولاتحرمنا التواصل
مع انه مالك أثــــر في
الواحات

"بو ميثه"

كيف عرفت اني انا متعب ،، لا حشى عليه مب انا ولا شي
وان شا ءالله الكل يستفيد منها وأكون قدمت ولو
شي بسيط لكم من خلال الجزء ولا
تطول الغيبات تراك لازم
تييب الغنايم
:ice:

"قلب الوصال"

العفو اختي والانسان مهما عدل يبقى
ظالم وأتمنى الأجزاء اليايه
تعيبكم بعد

"المزيونه"

شكرا على النقل والسموحه إذا تعبناج ولاتحرمينا
من التواصل مع المشاهد
والأجزاء

"قرموشه"

حطينا التكمـــــله انتي
اللي وينج ؟؟
:14:

"شوق القلوب"

اي مواهب خليها مستوره هاي تجارب وصابت بالغلط بس لاتخبرين حد
وعن الشي اللي مستغربه منه في أكثر عن جيه وكل
شي في الدنيا معقول ووخلج صديقه
للبرنامج قصدي
للقصه
:thumbup1:

السموحه من الجميع على التأخير وأتمنى تنال القصه
إعجابكم أو على الأقل رضاكم وأترك
المجال للأخت نجمة
للتعقيب

الاســـطـــوري
أخوكم

ريم العين

13-06-06 ||, 10:18 AM

كلكلكلووووووووووووووووووو ووش واخيرا كملتوها >>مب كلكلووش هاييج طوويله وهذي قصيره

نتريا القصه قومي يا نجمه دبي اذا انتي ناشه كمليها شو تتريين

ولاكل مره حد ينزل جزء

المهمممممم كملووووها

فـــــــــــي الانـــــــتــــــــضــــ ـــار

لا ترقدون وتنسون القصه

ملاحظه: برجى عدم الذل في تنزيل القصص قعهقعقعقعق

نجمة دبي

13-06-06 ||, 06:23 PM

اختي ريم العين
خخخخخخخخ والله ان عليج حركات ..

الجزء الثالث قيد الانشاء .. وهالمره بخليه طويل عشانكم ..

نجــــــــــ دبي ــــــــــمة

الاسطوري

13-06-06 ||, 08:09 PM

محد ذل حد ،، انتوا تتوهمون يمكن
مب أكثر والأجزاء في
الدرب
:ice:

عاشقة الريم

10-08-06 ||, 11:56 AM

مشكوووووووووووووووور أخوي الأسطوري على القصة

نتريااااااااااااااااااااااااااااك

دانة حتا

06-11-06 ||, 11:40 PM

من متى هالقصه
ابا التكمله ويــــــــــــــــنكم

نتريااااااا الباااااجي

الاسطوري

07-11-06 ||, 05:21 PM

الموضوع عند الاخت نجمة دبي أسألوها أنا
رافع إيدي من التكملة
:a032:

نجمة دبي

07-11-06 ||, 07:12 PM

السموحه منكم عالتاخير ..
النظام اليديد للثانويه متعبني :(

خلال ايام بنزل الجزء الثالث

نجـــــــــ دبي ــــــمة

بسمة الروح

15-11-06 ||, 09:30 PM

مشكور اخوي الأسطو ري على هذا الموضوع الجميل
وهذي خدمة طيبه منك قدمتها للجميع ويعطيك الف عافيه

وننتظر كل جديد منك

ولك مني التحية

بسمة الروح :heart:

صمت الرحيل

21-11-06 ||, 10:09 AM

بصراحه ...
موضوعك كذا --> :thumbup1:
اسلوبك وايد حلو .. والمشهد بعد حلو

اتمنى لك التوفيق ..

بسمة الروح

10-12-06 ||, 11:14 PM

مشكور اخوي على هذا المتصفح

وهذي خدمة طيبه منك قدمتها للجميع ويعطيك الف عافيه

وننتظر كل جديد منك

ولك التحية مني

بسمة الروح

وحيد الدرب

16-12-06 ||, 03:53 PM

مشكورأخوي الاسطوري على هالقصه الحلوه وذكرتني بكم واحد من الربع صار وياهم نفس اللي صار ف القصه

ونتريا منك الجزء الثاني
واذا محتاج افكار فرعيه تبني عليها انا القصه انا موجود وفالك طيب ....

فنجان قهوة

10-01-07 ||, 02:18 AM

حوار صريح و مباشر
شكرا على الطرح