سبحان الله .. صدق استغرب منك يا بني آدم .. [الأرشيف]

مشاهدة النسخة كاملة : سبحان الله .. صدق استغرب منك يا بني آدم ..

لمّــاح

09-10-03 ||, 05:40 PM

هيه والله .. استغرب منك انا يا بني آدم ..

ريال يمشي ويا مرته في السنتر .. اتشوف الحرمه في صوب و الريال في صوب .. و طبعا الريال مشغل الرادار .. و الحرمه متنقبه و تمشي في حالها .. اووووه لكن لو كان يمشي ويا ربيعته .. ما بيفجها .. و بيودها من ايدها .. سبحان الله ..  <IMG src="http://oasis.bindubai.com/emoticons/glare.gif" border=0>

واحد من الشباب مضهر ليسن من سنه تقريبا .. يسوق كامري .. اذا شاف سيارة حد من ربعه حتى لو عقب الف كيلو .. يديم و يضرب هرنات و يسلم .. لكن من فتره خذاله رنج .. خشمه فوق ولا كنه هو نفسه الريال الاولي .. سبحان الله ..   <IMG src="http://oasis.bindubai.com/emoticons/glare.gif" border=0>

ريال فقير .. و حالته مستوره  .. تحصله مرتاح و مستانس كنه مالك الدنيا كلها .. و انسان عنده فلوس الدنيا و ساكن في قصور و عنده الخدم و الحشم و كل وسايل الترفيه و كل الي يبغيه يحصله .. لكنه مب مرتاح .. سبحان الله ..  <IMG src="http://oasis.bindubai.com/emoticons/suspect.gif" border=0>

شهر رمضان .. شهر العباده و الصوم .. لكن سبحان الله من يبتدي رمضان و شركات الانتاج اتنزل احدث المسلسلات و اتشوف ملاعب الكره في الفرجان و ملاعب كرة الطايره .. و عقب صلاة التراويح اتشوف عشرين سيارة عند الملاعب يلعبون كره .. و الحريم بالنسبالهم شهر الاكل .. اتشوف احذث انواع الاكلات و المشروبات .. حتى والله اعرف ناس ما يطبخون هالاكله الا في رمضان .. و الشواب ينصبون الخيمه عند السكه او على الرصيف و اتشوفهم يلعبون بته و حاطيلهم تلفزيون في الخيمه ..

واحد .. ما يضهر ويا هله .. و يوم يتصلبه ربيعه .. اتحصله اول واحد طالع وياه .. و يوم تسأله ليش .. يقولك ياخوك الاهل فضيحه .. تمشي وياهم في السنتر .. العيوز اتضارب الهندي مال المحل .. و اليهال حاشرين الدنيا .. سبحان الله .. <IMG src="http://oasis.bindubai.com/emoticons/crazy.gif" border=0>

استغرب من بعض الناس .. يستحون يقولون حق ارباعتهم عن المعاصي الي يسوونها .. انا سويت جيه و جيه .. لكن ما يستحون من الله سبحانه .. و يعيدون الغلط مره و مرتين و ثلاث ..

والله انا ما اقول غير سبحان الله .. صدق استغرب من طبعك يا بني آدم .. كل يوم بطبع .. كل يوم بمزاج يديد .. كل يوم بشخصية يديده .. طماع .. و ما ترضى بالي كتبه الله ..

و اعترفلك و اقولك .. اني صدق ما عرفتك .. <IMG src="http://oasis.bindubai.com/emoticons/rock.gif" border=0>

نونو الصغيره

09-10-03 ||, 05:56 PM

مشكور اخوي المنحـــــوس على الموضوع الروعه
وبصراحه كل كلمه كتبتها صح وها الواقع الي يعيشه بني أدم
كل يوم بشكل يديد وكلام يديد ماعندهم سالفه غير اناعندي سياره اخر موديل
وتلفون اخر دفعه ويخق على ربعه ويمشي رافع خشمه حتى الواحد اذا سلم عليه يطالعه بطرف خشمه
والله دنيا
الحال تغير والنفوس تغيرت
سبحان الله
والسموحه عاد ادري اني اتفلسفت وايد<IMG src="http://oasis.bindubai.com/emoticons/smile.gif" border=0>
ماتطول عليك
عاش مال قروبنا<IMG src="http://oasis.bindubai.com/emoticons/biggrin.gif" border=0>

<A target=_blank href="http://www.smileycentral.com/?partner=ZSzeb001" target=_new><IMG src="http://smileys.smileycentral.com/cat/219.gif" border=0></A>
تحيــــــاتــــــي
نـــــونــــــو الـــصـــغـــيـــره
<A target=_blank href="http://www.smileycentral.com/?partner=ZSzeb001" target=_new><IMG src="http://smileys.smileycentral.com/cat/219.gif" border=0></A>

بنت جميره

09-10-03 ||, 05:59 PM

سبحاااااااااااااااااااااا ااااان الله ..

صح كلامك اخويه بني آدم .. كل يوم بطبع .. كل يوم بمزاج يديد ..

ربي يوفقك ..

والسموحه ..

اختك :

بنت جميره

لمّــاح

09-10-03 ||, 06:05 PM

نونو الصغيرة .. تسلمين على مرورج اختيه ^_^ ..

بنت جميره .. تسلمين على مرورج اختيه .. بس في شي ضحكني في ردج <IMG src="http://oasis.bindubai.com/emoticons/biggrin.gif" border=0>

صح كلامك اخويه بني آدم

فهمتها بطريقه ثانيه .. تسلمين على مرورج مره ثانيه اختيه <IMG src="http://oasis.bindubai.com/emoticons/smile.gif" border=0>

حبك عذاب

09-10-03 ||, 06:13 PM

<img src="http://oasis.bindubai.com/emoticons/blush.gif" border=0> تسلم على الموضوع يا المنحوس

اخوك حبك عذاب

عيون الليل

09-10-03 ||, 07:05 PM

مرحبــا المنحوووس

هيـه والله صدقت يا اخويـه

سبحـــان الله

اتعرف شو الي ضحكني ف موضوعك؟!

يوم قلت انه الحريم بالنسبه لهم شهر رمضان شهر الاكل ههههههههههه

مع اني اشوف العكس .. الشباب ما يقصرووون مشالله ف الاكل.. بعديـن تعال.. منوه يقدر ايود عمره ف رمضان وبالذات لو هاذيج الاكلات الي سايره وراده... <IMG src="http://oasis.bindubai.com/emoticons/love.gif" border=0>

الله يبلغنااا هالشهر الكريـم وانقوم بواجبنا وانأدي فرايضنا بأكمل وجه واحسـن من اي رمضان فات

تسلم ع الموضوع  <IMG src="http://oasis.bindubai.com/emoticons/thumbs-up.gif" border=0>

اختـكم... عيون الليل

أحلى منصوري

09-10-03 ||, 07:21 PM

سبحاان الله
خلق الانسان عشان يعبده و قام يعصيه
والناس لاهيه عن ذكره
سبحان الله يمكن يهديهم
ومشكووووره اخويه المنحوس على الموضوع
والسموحه
اخــــــــوكم
احلى منصوري

أتمنى

09-10-03 ||, 09:41 PM

<a name=027> </a>"يَا بَنِي آدَمَ لاَ يَفْتِنَنَّكُمُ الشَّيْطَانُ كَمَا أَخْرَجَ أَبَوَيْكُم مِّنَ الْجَنَّةِ يَنزِعُ عَنْهُمَا لِبَاسَهُمَا لِيُرِيَهُمَا سَوْءَاتِهِمَا
 
إِنَّهُ يَرَاكُمْ هُوَ وَقَبِيلُهُ مِنْ حَيْثُ لاَ تَرَوْنَهُمْ إِنَّا جَعَلْنَا الشَّيَاطِينَ أَوْلِيَاء لِلَّذِينَ لاَ يُؤْمِنُونَ"

هذا هو حال بني آدم من بداية عهده !

الله يهدينا و يهدي الجميع

أشكرك أخي الكريم (المنحوس) على الموضوع الطيب <img src="http://oasis.bindubai.com/emoticons/smile.gif" border="0" valign="absmiddle" alt=':)'>

شمه

10-10-03 ||, 12:37 AM

سبحـــان الله..
اتشوف واحد توه وياك و يرمس و عادي..
بس يشوف ربيعه اتضارب وياك ..جلب من غير ما يعرف شو السالفه..
ولا يعرف اذا ربيعه ع حق و لا باطــــل..
سبحان الله ..
صدق الانسان طباعه عجيبــــــــه ..

<img src="http://oasis.bindubai.com/emoticons/cool.gif" border=0>
شمــــــــه

ظبيه الدار

10-10-03 ||, 01:27 AM

هيه والله صح اخوي كل اللى قلته
ومدام السالفه سالفه البني ادم صدقني ما بتخلص <img src="http://oasis.bindubai.com/emoticons/smile.gif" border=0>

نجود

10-10-03 ||, 01:40 AM

الانسان كتلة من التناقضات

محد يعرف له غير سبحانه

مشكور المنحوس على موضوعك الحلو...اللي يخلي الواحد يعيد التفكير في نفسه وفي الناس اللي حوله

نجود <img src="http://oasis.bindubai.com/emoticons/blush.gif" border=0>

لمّــاح

10-10-03 ||, 02:26 AM

تسلمون على مروركم جميعا .. ^_^ ..

اختيه شمه .. مثل ما اتفضلتي :

اتشوف واحد توه وياك و يرمس و عادي..
بس يشوف ربيعه اتضارب وياك ..جلب من غير ما يعرف شو السالفه..
ولا يعرف اذا ربيعه ع حق و لا باطــــل..

اتصدقين .. ذكرتيني بناس.. الله يستر عليهم  ..يوم يبغون حايه من انسان .. اتشوفينهم وياه شرات العسل .. و يوم يحصلون الي يبونه .. يسون اي مشكله عسب يودرونه .. او يحاولون يتجاهلونه لأتفه الاسباب..  <IMG src="http://oasis.bindubai.com/emoticons/wink.gif" border=0>

حتى شرات واحد بعد .. يوم يبغي رقم من اتصالات اتشوفينه ويا ربعه الي في اتصالات واااااايد اوكيه .. و يوم يحصل رقم فنان يودرهم .. <IMG src="http://oasis.bindubai.com/emoticons/glare.gif" border=0>

خيال الروح

10-10-03 ||, 02:35 AM

تسلم على المووضووع اخوي المنحووس..

    وصدقت في كل كلمه قلتلها.... وخاصه في شهر رمضان لازم يسمونه شهر الاكل.. لانه من يقرب شهر رمضان تلقى الناس مزحومين عند الجمعيه.. تقول جنه ماكلو طول السنه وباكلون في رمضان.... سبحان الله..<IMG src="http://oasis.bindubai.com/emoticons/wink.gif" border=0>

دموع قلم

10-10-03 ||, 02:38 AM

الســلام عليــكم

الصـراحـة أنا ويـاك فـي كـل كلمـة كتبتهـا

هـذا حـال الدنيــا
فيها نـاس مختلــفة الأطبــاع والأشكــال
الدنيـا مليـانـة بـلاوي وعجـايـب وغـرايـب
ولو ذكـرنـا الأشيـاء اللـي اتصيــر بهالدنيـا والله مـا بنخلــص <img src="http://oasis.bindubai.com/emoticons/glare.gif" border=0>

للأســف الشـديــد بعـد هـذه أحـوال شبــابنـا وبنــاتنـا
وكمـا قـال الرسـول صلـى الله عليـه وسلــم :
( كـل عـام وأنتــم ترذلون )

أشكــرك أخــوي المنحـوس علـى مـوضـوعج الجميـل
ربـي يعطيــك العـافيـة <img src="http://oasis.bindubai.com/emoticons/smile.gif" border=0>

روميو بوظبي

10-10-03 ||, 02:57 AM

شفتو عاد؟؟! <img src="http://oasis.bindubai.com/emoticons/down.gif" border=0>

الله يعين والله<img src="http://oasis.bindubai.com/emoticons/glare.gif" border=0>

تسلم اخويه ومشكور والله<img src="http://oasis.bindubai.com/emoticons/wow.gif" border=0>

الـيـاه

10-10-03 ||, 03:11 AM

شـكرا ًً اخويه المنحوس على طرح مجموعة قاضايا إجتماعية .. وماشاء الله عليك اختصرتها بأسلوب بسيط ورقيق .. (( وما أنكر أني من أشد المعجبين بأفكارك وأسلوبك )) <IMG src="http://oasis.bindubai.com/emoticons/smile.gif" border=0>

وشرات ماقلت اخويه الإنسان كل يوم بمزاج .. (( أو تخيل نفسك طالب مجتهد وشطور مثلي (( جذابه )) .. تجوف عمرك أيام الدراسة انسان مب محبوب عند الجميع ..
وغير مرغوب بوجودك وياهم .. بسبب هدوئك فالصف وأدبك .. بس يوم تي حزة الإمتحانات تلاقي كل الصف يركض وراك .. والتلفونات ماتوقف .. وفالصف أو ساعة الإمتحان يتيمعون عليك عسب تغششهم .. <IMG src="http://oasis.bindubai.com/emoticons/glare.gif" border=0> (( شرات الذباب ع الأكل )) 

وبعد مثال واقعي .. وستوالي بعد .. قبل سنتين طبعا ً كنت فمدرسة ثانية .. وكنا شلة وايد ويا بعض .. وعقب يوم انتقلنا من المدرسة عسب نسير الثانوية .. افترقنا ومن افترقنا ستوت كل وحدة ماتنشد عن الثانية ولا جنه كنا ربع .. (( مب كلهم طبعا ًً بعضهم مايقصر ويسأل ))

أنا من عادتي فالصف هادية وما أخترش وايد .. بس فالفسحة تشوفني مخترشة وجذه .. والكل يعرفني .. !!
وحدة توني متعرفة عليها وشافتني جذه اسولف وعادي .. تتحراني برع المدرسة بعد جي كل شي عادي عندي .. وستوا موقف بيني وبينها .. وقتلها يا فلانه ترا مب زين اللي تسوينه ..<IMG src="http://oasis.bindubai.com/emoticons/rock.gif" border=0>
وعقب فترة أشوفها مب شرات قبل (( خاب ظنها طلعت أفكاري مب شرات أفكارها وستوت ولا جنه تعرفني)) <IMG src="http://oasis.bindubai.com/emoticons/cool.gif" border=0>

 صدق من قال " ما كان لله دام واتصل وما كان لغير الله انقطع ولم يتصل " < ...

.. والسموحة إذا طولت عليكم ..

ديج الفريج

10-10-03 ||, 03:18 AM

سبحان الله

قال رسول الله صلى الله عليه وسلم :
ان لم تستح فاصنع ما شئت

تسلم أخوي على ها الموضوع

لمّــاح

10-10-03 ||, 03:27 AM

ديج الفريج .. تسلم عزيزي على مرورك ..

هجرس الشوق .. تسلمين اختيه على الكلام ^_^ ..

روميو بوظبي .. خيال الروح .. راعية المحبه .. تسلمون على مروركم ..

بهجة الروح

10-10-03 ||, 09:59 PM

المنحـــوس:

تسلم أخويه عالمــوضــوع....وصدقت فالي قلته....ويامـا بتشــوف وبتتعجب...وبتشوف الي يشيب الراس...
وما نقول غيــر ان الي خلقنـــا واحــد أحــد لا شــريك له....
سبحـــانه له في خلقه شؤون...

دخون

11-10-03 ||, 12:14 AM

مرحبا مــلاييين..

اخوي المنحوس..

ما  عندي شي اضيفه .. بس حبيت اقول يعطيك العافية ...
والله لا يحرمنا من مواضيعك وافكارك الهادفة...

مــودتــي...<img src="http://oasis.bindubai.com/emoticons/inlove.gif" border=0>

لمّــاح

11-10-03 ||, 12:38 AM

دخـــــــــــــــون .. شكرا على المرور و يكفيني مرورج الكريم في موضوعي .. <img src="http://oasis.bindubai.com/emoticons/smile.gif" border=0>

الاخت بهجة الروح .. اول شي .. يا مرحبابج اختيه ويانا مره ثانيه .. و تسلمين الشيخه على مرورج <img src="http://oasis.bindubai.com/emoticons/smile.gif" border=0>

بن دبي

12-10-03 ||, 10:43 AM

الكلام اللي انقال صح مليون بالمية

هذا حال البني ادم ،،، وإذا يلسنا نقارن ونشوف ونعور قلبنا ترى ما بنعيش..<img src="http://oasis.bindubai.com/emoticons/down.gif" border=0><img src="http://oasis.bindubai.com/emoticons/down.gif" border=0>

بس على فكره عندي سؤال

ماشاء الله يعني ما شاء الله ( المنحوس ) من وين تيب ها الافكار <img src="http://oasis.bindubai.com/emoticons/biggrin.gif" border=0><img src="http://oasis.bindubai.com/emoticons/biggrin.gif" border=0>

صدق والله

لمّــاح

12-10-03 ||, 11:05 AM

زلــــــــــــــــــــــو خ .. تسلمين على مرورج اختيه ..

اي افكار ؟؟!! اذا عن المواضيع .. امممم ترومين تقولين مواضيع حياتيه ( تتكلم عن الحياة ) .. يعني ما يبت شي من عندي ..

ها واقعنا الي انعيشه .. و انا نقلت الي اشوفه و كتبته هنيه .. <img src="http://oasis.bindubai.com/emoticons/smile.gif" border=0>

السمرة الجميلة

12-10-03 ||, 07:16 PM

السلام عليكم والرحمة والبركة

أخوي المنحوس هذا أهو حالنا و حال كـــــــل إنسان

الغني يبا السعادة و الفقير يبا الفلوس

إلي متزوج يبا العزوبية و العزابي يبغي يتزوج

أقول الكمحوس  أصلا الإنسان تركيبته الفسيلوجية
  (( متلخبطة فووق تحت )) --------------  متأثرة بالأحياء الأخت

المهم موضوعك وايد حلو و صدق يتكلم عن واقعنا إلي نعيش فيه

و (( هذا مب يديد عليك يا المنحوس دووم مواضيعك تخدم المجتمع الواحاتي <img src="http://oasis.bindubai.com/emoticons/tounge.gif" border=0>

لمّــاح

13-10-03 ||, 11:14 AM

السمره الجميله تسلمين على مرورج <img src="http://oasis.bindubai.com/emoticons/blush.gif" border=0>